၂၀၁၀ မှာ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပပေးဦးမည်ဟု
မြန်မာစစ်ခေါင်းဆောင်က ပြော
မိုးမခအထောက်တော် ၀၀၃
နိုဝင်ဘာ ၂၈၊ ၂၀၀၉
ယနေ့ထုတ် မြန်မာစစ်အုပ်စုသတင်းစာများတွင် ဗိုလ်ချုပ်မှူးကြီးသန်းရွှေက အထက်ပါအတိုင်း ၎င်း၏ ကြံဖွံ့အဖွဲ့ဝင်များအား သောကြာနေ့က ကျင်းပသော ညီလာခံတခုတွင် မိန့်ကြားလိုက်သည်ကို တွေ့ရသည်။ တိုင်းပြည်၏ ယခုကဲ့သို့ အရေးကြီးလှသော သမိုင်းဝင်မည့် အဖြစ်ကို အားလုံးက အပြုသဘော ၀ိုင်းဝန်းဆောင်ရွက်ကြရန် တိုက်တွန်းသည်ဟုလည်း အစိုးရသတင်းစာတွင် ဆိုထားသည်။ ဖျက်လိုဖျက်ဆီး မလုပ်ကြရန်လိုကြောင်း၊ ကြံ့ဖွံ့တို့က ပြည်သူနှင့်လက်တွဲပြီး စစ်အုပ်စု၏ လမ်းညွှန်မြေပုံ ၇ ရပ်ကို အကောင်အထည်ဖော်ကြဖို့ ဖြစ်ကြောင်း မိန့်ကြားသည်ဟု ဖော်ပြထားသည်။
စစ်အုပ်စုသည် ၎င်းတို့ ကျင်းပခဲ့သော ၁၉၉၀ ရွေးကောက်ပွဲနှင့် ရလဒ်များကို တလုံးတပါဒမျှ ထုတ်ဖော် အသိမှတ်ပြုခြင်း၊ ထည့်သွင်း ဖော်ပြခြင်း လုံးဝ မရှိဘဲ ယခု ၂၀၁၀ ရွေးကောက်ပွဲကို ထပ်မံကျင်းပခြင်း ဖြစ်သည်။ ယင်းသို့ ကျင်းပရန်အတွက် ၂၀၀၈ အခြေခံဥပဒေတခုကို အမျိုးသားညီလာခံကျင်းပပြီး ချမှတ်ခြင်း၊ တိုင်းရင်းသား အပစ်ရပ်အဖွဲ့များကို ဖိအားပေးပြီး ၂၀၁၀ ရွေးကောက်ပွဲကို ထောက်ခံ ၀င်ရောက်ကြရန် သို့မဟုတ် ၀န်းရံကြရန် အားထုတ်လျက် ရှိသည်။
ကြံ့ဖွံ့ ဟု အမည်တွင်သည့် စစ်အုပ်စု ဒေါက်တိုင် သို့မဟုတ် လက်ကိုင်တုတ် အရပ်ဖက် အဖွဲ့အစည်းတရပ်ကို ၁၉၉၃ တွင် ထူထောင်ခဲ့ပြီး ယခုအချိန်တွင် အင်အားအဖြစ် သန်းနှင့်ချီပြီး ရှိသည်ဟု ကြွားလုံးထုတ်လျက်ရှိသည်။ ၎င်းကြံ့ဖွံ့အင်အားစုများနှင့် အတိုက်အခံများကို ကိုယ်ထိလက်ရောက် ရန်မူခြင်း၊ ၂၀၀၃ ဒီပဲယင်းအရေးအခင်း၊ ၂၀၀၇ သံဃာအရေးအခင်းနှင့် ၂၀၀၈ နာဂစ်အရေးအခင်းတို့တွင် ပြည်သူလူထုနှင့် ရဟန်းသံဃာများကို ဖိနှိပ် ခြိန်းခြောက်ရာတွင် အသုံးချခဲ့သည်။
ယခု ၂၀၁၀ မတိုင်မီတွင် ကြံ့ဖွံ့အင်အားစုများကို ပြည်သူ့စစ်သင်တန်း ပေးခြင်း၊ အစိုးရသတင်းပေးများအဖြစ် လေ့ကျင့်ပေးခြင်းတို့အပြင် ကျေးလက်တောရွာများတွင်သာမက နယ်မြို့များတွင် အတိုက်အခံများနှင့် စာနယ်ဇင်းသတင်းထောက်များကို စုံစမ်းစောင့်ကြည့်စေခြင်း၊ လုံခြုံရေးတပ်ဖွဲ့များသို့ သတင်းပို့ခိုင်းခြင်းတို့ကိုပါ ခိုင်းစေခဲ့သည်ဟု မျက်မြင်တို့က ပြောသည်။ ကြံ့ဖွံ့အသင်းဝင် ဦးရေ များသည့် လူနေရပ်ကွက်များကို စစ်အုပ်စုက အကူအညီများ၊ အထောက်အပံ့များဖြင့် မျက်နှာသာ ပေးခြင်းတို့ဖြင့် ဆွဲဆောင်လျက် ရှိသည်ဟု ဆိုသည်။
“သဘောကတော့ဗျာ … နယ်မြို့တွေမှာ ကျနော်တယောက် ကြံ့ဖွံ့ထဲ ၀င်ထားရင် ကျနော် မိသားစုတွေ အနည်းနဲ့ အများ အနေချောင်တယ်ပေါ့ဗျာ။ မဲပေးစရာ ဘာညာ ရှိရင်လည်း သူတို့ ခိုင်းတဲ့အတိုင်း လုပ်ဖို့ ညွှန်ကြားချက်တွေ လာမယ် ပြောတယ်”
ဟု မိုးမခပရိသတ်တဦးက မှတ်ချက်ပေးသည်။
Comments