အလှူရှင်လား၊ အလှူခံလား၊ စေတနာဝန်ထမ်း စွမ်းဆောင်သူ ကိုယ်တိုင်လား
မိုးမခစာဖတ်သူတဦး (ရန်ကုန်)
ဇွန် ၃၀၊ ၂၀၁၀
မိုးမခစာတည်းများခင်ဗျား
ရေးနေကျအတိုင်း စာရေးလိုက်ပါတယ်။ ပေးပို့တဲ့ အီးမေးသတင်းလွှာတွေကြောင့် ပြင်ပက အင်တာနက်ကမ္ဘာကြီးနဲ့ မျက်ခြေမပြတ်ဘူးပေါ့ခင်ဗျာ။ ပရောက်ဆီဆာဗာတွေကို ဆက်သွယ်လို့မရလို့ အပြင်က ၀က်ဆိုက်တွေကို တိုက်ရိုက်ကြည့်လို့မရပါဘူး။ သို့သော်လည်း လေလှိုင်းတွေကတဆင့်၊ အီးလှိုင်းတွေကတဆင့် ကျနော်တို့တတွေ သတင်းတွေ ရနေကြပါတယ်။
အခုကမန်းကတမ်းရေးရတာက ပြည်တွင်းကလူမှုရေး စေတနာဝန်ထမ်းလုပ်ငန်းတွေ အကြောင်းကို ပြည်ပက မြန်မာတွေက ပိုသိလာကြတယ်။ ၀ိုင်းဝန်း လှူဒါန်းဖို့ ကြိုးစားကြတယ်။ ပြည်တွင်းကလည်း စေတနာ့ဝန်ထမ်းတွေကိုယ်တိုင်က အကြောင်းကြားပြီး အလှူခံကြပါတယ်။ ပြည်ပကလည်း အလှူခံလုပ်ငန်းတွေ ဆောင်ရွက်လာကြတယ်။ အဲသည်မှာ ကျနော်တို့ ရန်ကုန်မှာ လမ်းပေါ်မှာ တွေ့နေ မြင်နေရတဲ့ အလှူခံတွေ၊ အလှူရှင်တွေကို မြင်ယောင်ပြီး သည်စာကို ရေးပါတယ်။
မိဘမဲ့ကလေးဂေဟာကို စောင့်ရှောက်ဖို့၊ ရွာက ဘုရားတွေ၊ ကျောင်းတွေ၊ လမ်းတွေ ပြင်ဖို့ လိုက်လံပြောဆို ရှင်းပြပြီး အလှူခံကြတာက အလှူခံ သီးသန့် အမျိုးအစား ဖြစ်ပါတယ်။ သူတို့ပေးတဲ့ ပြေစာနဲ့ ဖြတ်ပိုင်းနဲ့ လှူလိုက်ရုံနဲ့ ပြီးပါတယ်။ ယုံကြည်စိတ်ချ စိတ်ပြတ်လို့ကတော့ အဲသည်လို အလှူခံတွေကို သူတို့နောက်ကြောင်းနဲ့ ရပ်တည်မှုကို ကြည့်ပြီး လှူကြရုံပါပဲ။
နောက်တမျိုးကတော့ ကိုယ်တိုင်အစုအဖွဲ့တွေနဲ့ ရန်ပုံငွေ ထူထောင်၊ အလှူငွေ စုဆောင်း၊ နီးစပ်ရာ ရင်းနှီးရာ တူရာ သန်ရာ အလှူခံလို့ သူတို့ရဲ့ အလှူငွေကို အစုအဖွဲ့ အမည်နာမရဲ့ ကောင်းမှုလို့ တပ်ပြီး အလှူရှင်အဖြစ် လှူကြ တန်းကြသူတွေ ဖြစ်ပါတယ်။ သူတို့ရဲ့ လုပ်ရပ်၊ ရန်ပုံငွေ၊ သူတို့ရွေးချယ်တဲ့ အလှူခံလုပ်ငန်းကို စ်ိတ်ကျေနပ်သူ၊ သဘောတူသူများက အဲသည်ရဲ့ “အလှူရှင်” အမည် အောက်မှာ သွားရောက် လှူဒါန်း ရပ်တည်ကြရုံပဲ ဖြစ်ပါတယ်။
သဘောကတော့ မိဘမဲ့ကလေးဂေဟာသို့ အလှူရှင် ××××× အဖွဲ့ကြီး၏ ကောင်းမှုပေါ့။ အဲသည်လို ဂုဏ်ပြုမှတ်တမ်းတခု နဲ့ အလှူရှင်အဖွဲ့ကြီးက အများကို အကြောင်းကြားမှာ ဖြစ်ပါတယ်။ သူတို့က အလှူရှင်တွေဆိုတော့ အများသူငှာ အလှူခံများကလည်း သူတို့လို အလှူရှင်တွေဆီမှာ သွားရောက် အလှူခံလို့ ရနိုင်တဲ့ သဘောပါပဲ။
နောက်ဆုံးတခုကတော့ ကိုယ်တိုင် စေတနာ့ဝန်ထမ်း ရင်းနှီးမြုပ်နှံဆောင်ရွက်နြေ
ခင်ဗျားတို့ဆီမှာ ရေးထားတဲ့သတင်းတွေအရ - နာရေးကူညီမှုအသင်းရဲ့ ကိုကျော်သူ့အဆိုကတော့ တော်တော်ပြတ်တယ်။ ရန်ပုံငွေ ဘယ်လိုရှာသလဲ လို့ မေးတော့ - သူက ရန်ပုံငွေ မရှာပါဘူး၊ အလှူရှင်တွေ လာလှူတဲ့ငွေနဲ့ပဲ သုံးတာပါလို့ ပြောပါတယ်။ နိုင်ငံခြားက အင်န်ဂျီအိုတွေလို ပရိုပိုဇယ် တင်ပြီး လုပ်တာမဟုတ်ဘူး။ လှူတဲ့ငွေနဲ့ စနစ်တကျ လုပ်တယ် လို့ ပြောပါတယ်။ ဒါလည်း စဉ်းစားစရာ အချက်ပါပဲ။
ဒါပါပဲဗျာ။ ရေးချင်တာက။ လူမှုရေးလုပ်ငန်းတွေကို မြန်မာတွေက စိတ်ဝင်စားကြတယ်။ ၀ိုင်းလည်း လုပ်အားပေးကြတယ်။ လှူလည်း လှူကြတယ်။ ကိုယ်တိုင် အစုအဖွဲ့နဲ့ စိုက်ထုတ်ပြီး ရန်ပုံငွေ ထူထောင်တဲ့ အလှူုရှင်အဖွဲ့တွေလည်း ပေါ်လာတယ်။ ကောင်းတဲ့ အလုပ်တွေ၊ အလှူတွေကို လူတွေကြားမှာ များများသိပြီး ကျယ်ပြန့် ထိရောက်လာဖို့ လိုတယ်။
အမနာပ ပြောကြ၊ ဆိုကြတာတွေလည်း ပေါ်လာမှာပဲ။ အများပြည်သူတွေ အားတက်သရော ဖြစ်နေကြတာတွေကို ပျက်စီးသွားစေတာ၊ အနှောက်အယှက်ဖြစ်စေတာတွေ ဖြစ်လာနိုင်တဲ့အကြောင်း ကြိုတင်ပြီး မြင်မိလို့ ရေးတာပါ။ ခင်ဗျားတို့ဆီမှာ အလှူုခံတွေအကြောင်း၊ အလှူရှင်တွေ အကြောင်းလဲ ထည့်ပါဗျ၊ ပြီးတော့ စေတနာဝန်ထမ်း လူမှုလုပ်ငန်းစွမ်းဆောင်သူတွေအြေ
အင်န်အယ်ဒီပါတီရဲ့ လူမှုရေးစွမ်းဆောင်မှုတွေ၊ လိုအပ်ချက်တွေလည်း ရေးပါဦးဗျာ။ သူတို့အတွက် အလှူရှင်တွေ၊ အလှူခံတွေအကြောင်းလည်း ဖတ်ခွင့်ကြုံရင် ဖတ်ချင်ပါရဲ့။
အန္တရာယ် ကင်း၊ ဘေးရှင်း ကြပါစေ။ ။
Comments