မပြီးသေးသော မျိုးဆက်သစ်တို့ရဲ့ အခန်းဆက်တိုက်ပွဲ …
ဖျာပုံ နီလုံဦး
ဇူလိုင် ၃၁၊ ၂၀၁၀
ဇူလိုင် ၃၁၊ ၂၀၁၀
(၁)
ကိုလိုနီ ဗြူရိုကရက်အုပ်ချုပ်မှုအောက်မှာ
ရန်ကုန် တက္ကသိုလ်ဥပဒေ
သပိတ်မှောက်ရေး တော်လှန်ပွဲမှာ
“ယူနီဗာစတီ အက်ဥပဒေ ပျက်စီးပါစေ”
“ဆာရယ်ဂျီကရက်ဒေါက် ပြန်သွား”
ကြွေးကြော်သံများနှင့် ကျောင်းသားခေါင်းဆောင်များရဲ့
အမျိုးချစ်တဲ့စိတ်
တို့ … အလေးပြုတယ်။
(၂)
၁၉၃၀ … အောက်တိုဘာ ၃၀ ရက်
လူခွန် … မြေခွန် … သဿမေဓခွန်
အခွန်ကြီးများ … ဖိနှိပ်အားကြောင့် … တိုင်းခြားနယ်ချဲ့ကို
တော်လှန်တိုက်ထုတ်ခဲ့သည့် အသက်စွန့်သွား
လယ်သမား သူပုန်
ဂဋ္ဌုန် ဆရာစံ … ခေါင်းဆောင်ရဲ့
အမျိုးချစ်တဲ့ စိတ်
တို့ … အလေးပြုတယ်။
(၃)
၁၉၃၈ … ဒီဇင်ဘာ ၂၀ ရက်
ကိုလိုနီလက်ပါးစေရဲ့ တရားမဲ့မှု အုပ်ချုပ်ရေးကို
တော်လှန်သွေးနဲ့ သပိတ်မှောက်
မကြောက်တရားနဲ့ အံတုရင်း
အတွင်းဝန်ရုံးကိုဝိုင်း
အရိုင်းမိစ္ဆာ မြင်းစီးပုလိပ်တုတ်အောက်
ပြားပြားမှောက် အရိုက်ခံရ
ဂျပ်ဆင်ကောလိပ်ကျောင်းသား ‘ကိုအောင်ကျော်’ … ရဲ့
အသက်စတေး ပေးခဲ့
မျိုးချစ်စိတ်ရှိတဲ့ ခေါင်းဆောင်ကို
တို့ အလေးပြုတယ်။
(၄)
၁၉၄၅ … မတ်လ ၂၇ ရက်
ဗမာ့ တော်လှန်ရေးသမိုင်းမှာ
ဖက်ဆစ်ရိုင်း နယ်ချဲ့
တော်လှန် တိုက်ထုတ်ခဲ့ကြတဲ့
မျိုး ဆက် သစ် ခေါင်းဆောင်များ
သခင်အောင်ဆန်း
သခင်သန်းထွန်း၊ သခင်စိုး
သခင်ဗဟိန်း၊ သခင်နု၊ သခင်လှဖေ
… … … … …
… … … … …
တို့ အလေးပြုတယ်။
(၅)
၁၉၆၂ … ဇူလိုင် ၇ ရက်
တက္ကသိုလ် သမဂ္ဂ မိုင်းထောင်ဖြိုခွဲ
သွေးမြေကျ လူသတ်ပွဲ အရေးတော်ပုံ
၁၉၇၄ ခုနှစ် … အလုပ်သမား အရေးအခင်း
သွေးချင်းချင်းနီရဲ အရေးတော်ပုံ
ကမ္ဘာ့ကုလသမဂ္ဂ အတွင်းရေးမှူးချုပ်
ဦးသန့်ဈာပန လှုပ်ရှားမှုတိုက်ပွဲ
မှိုင်းရာပြည့်လှုပ်ရှားမှု သွေးမြေကျတိုက်ပွဲ
မျိုးဆက်သစ်တို့ရဲ့ ခေါင်းဆောင်
ကျောင်းသားများရဲ့ ဦးဆောင်မှု
တို့ အလေးပြုတယ်။
(၆)
၁၉၈၈ … သြဂုတ်လ ၈ ရက်
ရှစ်လေးလုံး အရေးတော်ပုံသမိုင်းမှာ
တပါတီ အာဏာရှင်အစိုးရ … ဖြုတ်ချခဲ့တဲ့
မျိုးဆက်သစ် ကျောင်းသားခေါင်းဆောင်
ရဲဘော် မင်းကိုနိုင်
ရဲဘော် … ကိုကိုကြီး
ရဲဘော် … မိုးသီးဇွန် စတဲ့
ကျောင်းသားခေါင်းဆောင်များကို
တို့ အလေးပြုတယ်။
(၇)
၂၀၀၇ … စက်တင်ဘာလ ၁၈ ရက်
ရွှေဝါရောင်အရေးတော်ပုံသမိုင်းမှာ
ကုန်ဈေးနှုန်းကျဆင်းရေး … စစ်အာဏာရှင် ဖြုတ်ချရေး
တော်လှန်ရေးမှ မျိုးဆက်သစ်ခေါင်းဆောင်
အရှင်ဂမ္ဘီရ နှင့် ရဟန်းပျိုများ
ရဲဘော်ထင်ကျော် တိုက်ပွဲပျော်
ဒီမိုကရေစီ အင်အားစုများ
တို့ အလေးပြုတယ်။
(၈)
၂၀၁၀ မှ … သည်
အနာဂတ် ၂၁ ရာစုသစ် ခရီးမှာ
အရေးတော်ပုံသစ်
မျိုးဆက်သစ်တို့ရဲ့ အခန်းဆက်တိုက်ပွဲမှာ
တော်လှန်ရေး အင်အားစု
စည်းလုံး ညီညွတ်မှု
ပူးပေါင်းဆောင်ရွက်မှု
လက်တွဲချိတ်ဆက်မှု
လူထုနှင့် တသားတည်း ဖြစ်နေမှု
မော်ကွန်းသစ် ဘယ်လိုထိုးမလဲ
ငါတို့ အလေးပြုဖို့ စောင့်နေပြီ။ ။
သရုပ်ဖော် - အောင်ထက်
Comments