ထာဝရန်သူ၊ ထာဝရမိတ်ဆွေ၊ ထာဝရအကျိုးစီးပွားနဲ့ ခင်ဗျားတို့ ကျနော်တို့အရေး
တူမောင်ညို
မေ ၃၁၊ ၂၀၁၁
ကျနော်တို့တိုင်းပြည်နဲ့ နယ်နိမိတ်ချင်းထိစပ်နေတဲ့ အိမ်နီးချင်း ၅ နိုင်ငံရှိပါတယ်။ မြောက်ဘက်မှာ တရုတ်နိုင်ငံ၊ အရှေ့ ဘက်မှာ လောနဲ့ထိုင်း၊ အနောက်ဘက်မှာ အိန္ဒိယနဲ့ဘင်္ဂလားဒေရှ့်တို့ဖြစ်ပါတယ်။
အာစီယံအဝန်းအဝိုင်းဆိုတဲ့ဘက်ကကြည့်ရင် အရှေ့ဘက်က လောနဲ့ထိုင်းဟာ အာစီယံအဖွဲ့ဝင်တွေဖြစ်တယ်။ မြန်မာ နိုင်ငံမှာလာရောက်ရင်းနှီးမြှုပ်နှံကြတဲ့ အာစီယံနိုင်ငံတွေ ထဲမှာ ထိုင်းနိုင်ငံဟာအများဆုံးရင်းနှီးမြှုပ်သူနိုင်ငံတွေထဲက တစ်နိုင်ငံ အပါ အဝင်ဖြစ်ပါတယ်။ အခြေခံအားဖြင့်မြန်မာနဲ့ထိုင်းရဲ့ ဆက်ဆံရေး ကတော့ “မုန်းတလှည့်ပြုံးတလှည့်” ဆက်ဆံရေးမျိုးလို့ဆိုရမှာပါ။
“ချစ်ကြည်ရေးတံတားကြီး” ပိတ်ထားပေမယ့် ကုန်စည်များက တံတားအောက်အလီလီ စီးဆင်းသွားနေမြဲသွားနေဆဲ။
တရုတ်နဲ့ဆက်ဆံရေးကလည်း အထူးသဖြင့် (မဆလ) ခေတ်ထက် ၁၉၉၀ ခုနောက်ပိုင်းမှာ ပိုမိုပြီးနီးကပ်လာတယ် လို့ ပြောရမှာပါ။ ၁၉၉၀ မှာ ဒီချုပ်ကရွေးကောက်ပွဲနိုင်တော့ တရုတ်သံအမတ်က ဒီချုပ်ကိုလာတွေ့တဲ့အထိ ခြေလှမ်းရှိဖူးတယ်။ ပထမဆုံး လာတွေ့တဲ့ နိုင်ငံခြားသံအမတ်ဖြစ်တယ်လို့လည်း ပြောစမှတ်ရှိတယ်။
ဒါပေမယ့် အဲဒီနောက်ပိုင်းက စလို့ တရုတ်ဟာ ပြည်တွင်းက ဘယ်ပါတီနဲ့မှ ဆက်စပ်ဖို့ကြိုးစားတာမတွေ့ရတော့ပါဘူး။
ပြတ်ပြတ်သားသားပဲ (နဝတ-နအဖ)တို့၊ ကြံ့ဖွံ့(ယခင် USDA/ယခု USDP)တို့နဲ့ပဲ အစိုးရချင်း၊ ပါတီအဖွဲ့စည်းချင်း ဆက်ဆံ ပါတော့တယ်။
Now-Detained Khin Nyunt & China
တရုတ်ဆက်ဆံပုံ ဆက်ဆံနည်းကလည်း ထူးခြားပါတယ် မြန်မာပြည်မှာအုပ်စိုးတဲ့ သူဟာ“ဖက်ဆစ်အစိုးရ”ဖြစ်နေပါစေ အိမ်နီးချင်းကောင်း၊ ဆွေမျိုးပေါက်ဖော်အဖြစ်မိတ်ဝတ်မပျက်ဆက်ဆံသွားမယ်ဆိုတဲ့ သဘောထားပုံရပါတယ်။ တချို့က (နဝတ-နအဖ) စစ်အစိုးရ ကို“ပြည်တွင်းဖြစ်ဖက်ဆစ်” လို့ အကဲဖြတ်ပါတယ်။
(နအဖ-နဝတ) စစ်ကောင်စီက ၂၃ နှစ်အုပ်စိုးခဲ့ပြီး၊ ၁၂ နှစ်သာအုပ်စိုးခဲ့တဲ့ “တောင်လှန်ရေးကောင်စီ” ရဲ့စံချိန်ကို ချိုးခဲ့ တာပါ။ ၁၉၇၄ ဖွဲ့စည်းပုံနဲ့ (မဆလ) အစိုးရတော့ ၁၄ နှစ်အာဏာသက်ရှည်ခဲ့ပါတယ်။ ၂၀၀၈ ဖွဲ့စည်းပုံနဲ့ “သမ္မတ ဦးသိန်းစိန် အစိုးရ”က ဘယ်လောက်ကြာရှည်ခံမှာလဲ။ ၂၃ နှစ်အုပ်စိုးခဲ့တဲ့ ကာလတစ်လျှောက်မှာ တရုတ်က (နအဖ-နဝတ) စစ်ကောင်စီနဲ့ ဆွေမျိုး ပေါက်ဖော်ဆက်ဆံခဲ့တာပါ။ အားပေးကူညီခဲ့တာပါ။
ယခုအခါ တရုတ်နိုင်ငံဟာ မြန်မာနိုင်ငံ ရဲ့ အကြီးဆုံးကုန်သွယ်ဖက်နိုင်ငံ။
၂၀၁၀-၂၀၁၁ ဘဏ္ဍာရေးနှစ်မှာ နှစ်နိုင်ငံကြား ကုန်သွယ်မှုပမာဏ အမေရိကန်ဒေါ်လာ ၅ ဒသမ ၃ ဘီလီယံနီးပါး ရှိခဲ့ပါတယ်။ ရင်းနှီးမြှုပ်နှံမှုအပိုင်းမှာလည်း တရုတ်နိုင်ငံဟာမြန်မာနိုင်ငံမှာ ရင်းနှီးမြှုပ်နှံလျက်ရှိတဲ့ နိုင်ငံများအနက် အများဆုံးရင်းနှီး မြှုပ်နှံတဲ့နိုင်ငံ၊ စုစုပေါင်း စီမံကိန်း ၇၂ ခုမှာ အမေရိကန်ဒေါ်လာ ၁၅ ဒသမ ၈ ဘီလီယံ ရင်းနှီး မြှုပ်နှံလျက်ရှိပါတယ်။
Than Shwe & China
အခုလည်း “တရုတ်အစိုးရနဲ့သမ္မတဦးသိန်းစိန်အစိုးရ” ဆက်ဆံရေးအဆင့်ဟာ မေလ ၂၇ ရက်နေ့၊ ပေကျင်းမြို့မှာ ထုတ် ပြန်တဲ့ နှစ်နိုင်ငံပူးတွဲကြေညာချက်အရဆိုရင် “တရုတ်- မြန်မာ ဘက်စုံမဟာဗျူဟာမြောက်ပူးပေါင်းဆောင်ရွက်မှု မိတ်ဖက်နိုင်ငံများ” အဖြစ်သဘောတူညီကြတယ်လို့ဆိုထားပါတယ်။ အဲဒီပူးတွဲကြေညာချက်ထဲမှာပါတဲ့ အချက် (က) မှာဆိုရင် “လွှတ်တော်များ၊ အစိုးရ များ၊ တရားရေးဌာနများနဲ့ နိုင်ငံရေးပါတီများအကြား” အပြန်အလှန်ထိတွေ့ဆက်ဆံသွားကြမယ်ဆိုတာကိုဖေါ်ပြထားပါတယ်။
ကျနော်အဓိကပြောချင်တဲ့အချက်က အဲဒီပူးတွဲကြေညာချက် မှာဖေါ်ပြထားတဲ့ အချက် (င) နဲ့ပတ်သက်ပါတယ်။ အခုလို ရေးသားဖော်ပြထားပါတယ်။
“နယ်စပ်စီမံခန့်ခွဲမှု ပူးပေါင်းဆောင်ရွက်ရေးကို ပိုမိုခိုင်မာအောင်ဆောင်ရွက်ရန်၊ နယ်စပ်စီမံခန့်ခွဲရေးကိစ္စများကို အချိန် နှင့်တစ်ပြေးညီ ဆက်သွယ်အကြောင်းကြားရန်နှင့် နယ်စပ်ဒေသများတွင် အေးချမ်းတည်ငြိမ်မှုရရှိရေးအတွက် ကြိုးပမ်းဆောင်ရွက် သွားရန်”
အနှစ်သာရကတော့ နယ်စပ်စီမံမှုတွေနဲ့ပတ်သက်လာရင် နှစ်ဖက်ပူးပေါင်းဆောင်ရွက်ဖို့ဆိုတဲ့သဘောပါပဲ။ တစ်ဦးတည်း သဘောနဲ့ မဆောင်ရွက်ဖို့ဆိုလိုတာဖြစ်ပါတယ်။ ဆက်စပ်စဉ်းစားလိုက်တော့ တရုတ်နယ်စပ်မှာမေးတင်ထားကြတဲ့ အဖွဲ့အစည်း တွေဖြစ်တဲ့ (KIO) နဲ့ ယခင် (CPB) ခွဲထွက်တွေဖြစ်ကြတဲ့ (UWSP) နဲ့ (NDAA) အစရှိတဲ့အဖွဲ့တွေအရေးနဲ့ပတ်သက်လာရင်လည်း “အချိန်နဲ့တစ်ပြေးညီ” ပူးပေါင်း ဆက်သွယ်ဆောင်ရွက်သွားရမယ်ဆိုတဲ့သဘောဖြစ်ပါတယ်။
Thein Sein and China
ဒါ့အပြင် သမ္မတနှစ်ဦးတွေ့ဆုံပြောဆိုကြရာမှာ တရုတ်သမ္မတမစ္စတာ ဟူကျင်တောင်း က “နယ်စပ်ဒေသ တည်ငြိမ် အေး ချမ်းရေး၊ နှစ်နိုင်ငံနယ်စပ်မှာ ကီလိုမီတာ၂၀၀၀ ကျော် ရှည်လျားပြီး နှစ်နိုင်ငံစီးပွားရေးဖွံ့ဖြိုးတိုးတက်ရေးအတွက် နယ်စပ်ဒေသ တည်ငြိမ်အေးချမ်းရေးမှာ များစွာအရေးကြီးပါကြောင်း” ဆိုတာ အလေးထားထည့်သွင်းပြောကြားထားပါတယ်။
နယ်စပ်ကိစ္စကိုပဲ သမ္မတဦးသိန်းစိန်ကအခုလိုပြောပါတယ် “နှစ်နိုင်ငံနယ်စပ်ဒေသများ တရားဥပဒေစိုးမိုးရေးနှင့် တည်ငြိမ် အေးချမ်းရေးတို့အတွက် နှစ်နိုင်ငံအစိုးရများနှင့် ပြည်သူများအနေနှင့် လက်တွဲပူးပေါင်းဆောင်ရွက်သွားရန်လိုအပ်ပါကြောင်း” တဲ့။
တရားဥပဒေစိုးမိုးဖို့ဆိုရင်ပထမဆုံးခြေလှမ်းကကိုယ့်သဘောနဲ့ကိုယ်ဖွဲ့စည်းထားတဲ့တပ်တွေကို အသွင်ပြောင်းပစ်ရမှာပါ။ နယ်ခြားစောင့်တပ် (BGF) အတွေအဖြစ် အသွင်ပြောင်းရေးကိုစကိုင်ရမှာဖြစ်ပါတယ်။
ဒီတော့ တရုတ် - မြန်မာနယ်စပ်တည်ငြိမ်ရေးက နှစ်နိုင်ငံအကျိုးစီးပွား၊ နှစ်နိုင်ငံအလေးထားတဲ့ကိစ္စကြီးဖြစ်နေပါတယ်။
ဒီလိုတည်ငြိမ်မှလည်း “ဧရာဝတီမြစ်ဆုံ ရေအားလျှပ်စစ်စီမံကိန်း၊ ရေနံ၊ သဘာဝဓါတ်ငွေ့ပိုက်လိုင်းစီမံကိန်း၊ စစ်ကိုင်းတိုင်း ဒေသကြီးနဲ့ကချင်ပြည်နယ်တို့မှာရှိတဲ့ အထွေထွေကုန်ထုတ်လုပ်ရေး စီမံကိန်းတွေဟာ တည်ငြိမ်မှု နဲ့လုံခြုံမှုအာမခံချက်ရှိနိုင်မယ် မဟုတ်ပါလား။ နယ်စပ်မှာ သေနတ်သံပြန်ထွက်လာမှာကို တရုတ်ကလက်မခံနိုင်ဘူးဆိုတာ ရှင်းနေပါတယ်။
ချုပ်လိုက်ရင် တရုတ်မြန်မာနယ်စပ်က အဖွဲ့အစည်းတွေရဲ့ကံကြမ္မာဟာသက်ဆိုင်ရာအဖွဲ့အစည်းတွေရဲ့ လက်ထဲမှာ မရှိ တော့ဘူး ဆိုတဲ့ အချက်ဖြစ်ပါတယ်။
နယ်စပ်မှာ မေးတင်ထားကြတဲ့ အဖွဲ့အစည်းတွေဆိုတာ တစ်ဖက်နိုင်ငံကို အနည်းနဲ့အများဆိုသလို (လက်နက်ခဲယမ်း/ ရိက္ခာ/ငွေကြေး/ဆေးဝါး စသဖြင့်) မှီခိုနေရတာပဲမဟုတ်ပါလား။ ဒီတော့ တစ်ဖက်နိုင်ငံတွေရဲ့ပေါ်လစီသဘောထား အပြောင်းအလဲ ဟာ နယ်စပ်အဖွဲ့အစည်းတွေအပေါ် သက်ရောက်မြဲဖြစ်ပါတယ်။
ဒါပေမယ့် “ဖုန်ညီအစ်ကိုထွက်ပြေးရတဲ့ ကိုးကန့်အရေးအခင်း”လို“တရုတ်နယ်စပ်မှာ “ရွက်ဖျက်တဲပြာတွေ” ပေါ်လာရတဲ့ အခြေအနေတွေ ပေါက်ထွက်လာခဲ့ဖူးတာကိုလည်းကျနော်တို့ မမေ့ဖို့လို အပ်ပါတယ်။
အခုအခါမှာ တိုင်းရင်းသားလက်နက်ကိုင်အဖွဲ့အစည်းတွေ (အပစ်ရပ်/အပစ်မရပ်) အတွက် “ရေအားလျှပ်စစ်စီမံကိန်း၊ ရေနံ၊ သဘာဝဓါတ်ငွေ့ပိုက်လိုင်းစီမံကိန်း၊နဲ့ အခြားဖွံ့ဖြိုးရေးစီမံကိန်း”တွေဟာ မိမိနယ်မြေထဲကို ထိုးဖောက်ဝင်ရောက်လာတဲ့ စစ် တပ်တွေရဲ့ထိုးစစ်ဆင်မှုတွေလိုပါပဲ အခြားတစ်ဖက်ကနေ လက်တွေ့ရင်ဆိုင်တွန်းလှန်ရမယ့် ထိုးစစ်တွေဖြစ်ပါတယ်။အဲဒီထိုးစစ်တွေ ကို တရုတ်- မြန်မာနယ်စပ်ကအဖွဲ့အစည်းတွေရင်ဆိုင်နေရပါပြီ။
Late General Soe Win and China
သံလွင်မြစ်တစ်လျှောက် “ရေအားလျှပ်စစ်စီမံကိန်းတွေ၊ တာချီလိတ်- မယ်ဆိုင်၊ မြဝတီ - မဲဆောက်၊ ကော့သောင်း- ရနောင်းစတဲ့ မြို့ညီနောင်ဖွံ့ဖြိုးရေးစီမံကိန်း၊ စက်မှုဇုံစီမံကိန်း၊ ထားဝယ်ရေနက်ဆိပ်ကမ်းစီမံကိန်း”တွေဟာလည်း ထိုင်း- မြန်မာနယ် စပ်ဒေသတစ်လျှောက်မှာရှိတဲ့ အင်အားစုအားလုံးကို စိန်ခေါ်လာနိုင်ခြေရှိတဲ့အတွက် “မိုးပြိုခဲ့သော်” ဆိုတဲ့ စဉ်းစားချက်နဲ့ ကြိုတင် ပြင်ဆင်စဉ်းစားထားဖို့လိုအပ်မှာဖြစ်ပါတယ်။ ထားဝယ်ရေနက်ဆိပ်ကမ်းစီမံကိန်းကတော့စတင်နေပါပြီ။
အာဏာရထားသူမည်သူမဆို “ထာဝရန်သူ ထာဝရမိတ်ဆွေဆိုတာမရှိဘူး၊ ထာဝရအကျိုးစီးပွားသာလျှင်ရှိတယ်”ဆိုတဲ့ အမှန်တရားကိုသာလက်ကိုင်ပြုကြစမြဲဖြစ်ပါတယ်။
“လူတန်းစားစိတ်ဓါတ်/ဒီမိုကရေစီ/လူ့အခွင့်အရေး”တို့ဆိုတာတွေဟာ “အကျိုးစီးပွား” တည်းဟူသော ပင်မပင်စည် ပေါ် ကနေ အခြေအနေအချိန်အခါသင့်မှ ပေါ်ရပွင့်ရတဲ့ ခါတော်မီပန်းပွင့်များတူသည်ဟုယူဆရပါကြောင်း။
Comments