2P - Poems

နိုင်ငံရေးတက်ကြွလူငယ်တစ်ယောက်ရေးတဲ့ နိုင်ငံရေးတက်ကြွလူငယ်တစ်ယောက်အကြောင်း

2 P
ဇူလိုင် ၃၀၊ ၂၀၁၁

ပုံအား ဒီနေရာက ယူပါတယ်။

ငါ့ဘ၀ကျောရိုးရဲ့ အလယ်ခေါင်တည့်တည့်မှာ
စိတ်ဓာတ် ကျီးပေါင်းတက်တဲ့နေ့ ...
ဇူလိုင်လ ၂၄ ရက်
အငှားကားစီးတယ်
ငွေ (၃၀၀၀) ကျပ်ချေးတယ်
ငါတို့ နိုင်ငံအကြောင်း အမနာပတွေကြားတယ်။
ကောင်းကင်က မှိုင်းလွင့်နေတယ်။
“မကျန်းမာတဲ့ အငြိမ်းစားဖခင်အို ပင်စင်လစာတိုးတယ်” တဲ့။

ပြုတ်ထွက်ကျလုလု ချွေတစ်စက်တစ်ခိုက
ငါ့မေးစေ့မှာ တွဲလွဲခိုနေတယ်။
ငါ့နေ့လည်စာက
Password ခိုးခံလိုက်ရတယ်
ငါ့နှလုံးသားက ပြတ်ရှရှအသံနဲ့
အော်တာရောခ့်ကို ကောက်ထဆိုတယ် ။
“xxxxxx မှားယွင်းလိုက်ကြဗျို့ xxxx”
ငယ်ပေါင်း ဘော်ဒါတစ်ကောင်နဲ့ ငါနဲ့
ဆိတ်ဖလူးရနံ့ နံရံခြားရပြန်ပြီ ။

ဟောဒီ ငါ့ဝပ်ကျင်းလေးရှိတဲ့ ကျူးကျော်ရပ်ကွက်ထဲမှာ
အဝေးရောက် Rights Base သမားတွေ မိုးမွှန်အောင်ပြောကြတဲ့
“အိမ်တွင်း အကြမ်းဖက်မှု ...” အသံတွေရယ် ..
စူးစူးဝါးဝါး ကလေးငိုသံတွေရယ်...
အဲဒီနေ့ည အဖျားမတိုင်းဖြစ်လိုက်ဘူး ။


အသပြာတွေက ငါ့ ခပ်ဝေးဝေးမှာ
မူးထိုးယိမ်းယိုင်လို့လေ ။
ငါအိပ်မောကျတော့ ...
ခေတ်တခေတ်ရဲ့ ညှီစို့စို့ ပုပ်အဲ့အဲ့အနံ့ကို
အိပ်မက်က ယူလာတယ်လေ ။ ။