နိုင်ငံရေးအကျဉ်းသားဟောင်းများရဲ့ ဆန်းဒေးကမ်ပိန်း
မိုးမခမိတ်ဆွေ (နိုင်/ကျဉ်းဟောင်း)
ဧပြီ ၃၀၊ ၂၀၁၂
ဧပြီ ၃၀၊ ၂၀၁၂
နိုင်ငံရေးအကျဉ်းသားဟောင်းများမှ အပတ်စဉ်တနင်္ဂနွေနေ့တိုင်း လုပ်ဆာင်နေကျဖြစ်သော အကျဉ်းထောင်တွင်း ကျန်ရှိနေသော နိုင်ငံရေး အကျဉ်းသားများ၏ မိသားစုများအား လိုက်လံအားပေးစကားပြောကြားခြင်းကို ၂၉.၄.၂၀၁၂ ယနေ့နံနက် (၁၀) နာရီတွင် ပြုလုပ်ခဲ့ကြပါ သည်။
စောစိုးမင်းထွန်း (ခ) စောဖိုးချို မိသားစုနှင့် ကိုစောဖိုးချို
ကိုအောင်အောင်ဦး၏မိခင်နှင့် ကိုအောင်အောင်ဦး
နိုင်ငံရေးအကျဉ်းဟောင်းများသည် ယင်းကဲ့သို့ အကျဉ်းကျ နိုင်ငံရေးအကျဉ်းသားမိသားစုများအား လိုက်လံတွေ့ဆုံနေခြင်းကို အကျဉ်း ထောင်အတွင်းရှိ နိုင်ငံရေးအကျဉ်းသားအားလုံး တစ်ဦးတစ်ယောက်မကျန် ပြန်လည်လွတ်မြောက်လာတဲ့အထိ ဆက်လက်ပြုလုပ်သွား မည်ဖြစ်ကြောင်း ယင်းအဖွဲ့မှ ကိုထွန်းကြည်မှ ပြောကြားခဲ့ပါသည်။
လက်ရှိအချိန်ထိ မြန်မာနိုင်ငံအတွင်းရှိ အကျဉ်းထောင်အသီးသီးတွင် နိုင်ငံရေး အကျဉ်းသားစုစုပေါင်း (၃၄၄) ဦး ကျန်ရှိနေဆဲဖြစ်ကြောင်း နိုင်ငံရေးအကျဉ်းသားဟောင်းများမှပြုစုထားသော စာရင်းများအရသိရှိရပါသည်။
Comments