အညတရအကျဉ်းသားရဟန်းတော်များ (၂၄) ဦးဝေပုလ္လ
အရှင်ပညာနန္ဒ
သြဂုတ်၊ ၃၁၊ ၂၀၁၂
သြဂုတ်၊ ၃၁၊ ၂၀၁၂
ဘွဲ့တော် - ဦးဝေပုလ္လ
ချမှတ်ခံခဲ့ရသည့်ထောင်ဒဏ် - (၂၂) နှစ်
နေထိုင်ခဲ့ရသည့်ထောင်အမည် - တောင်ငူ၊ မန္တလေးနှင့် ရမည်းသင်းထောင်
ထောင်မှလွတ်သည့်ရက် - ဇန်နဝါရီလ ၁၄ ရက် ၂၀၁၂ ခုနှစ်
......................
(၁)
၂၀၀၁ ခုနှစ်က တောင်ငူမြို့မှာ ကုလား - ဗမာအရေးအခင်းတခဖြစ်ပွားခဲ့ပါတယ်။ အာဏာရှင်တွေရဲ့လုပ်နည်းလုပ်ဟန်အတိုင်း နိုင်ငံရေးအကြပ်အတည်းတွေကြုံတိုင်း လူမျိုးရေးအဓိကရုဏ်းတွေ၊ ဘာသာရေးအဓိကရုဏ်းတွေကို နောက်ကွယ်ကနေကြိုးကိုင်ပြီး အကွက်ကျကျ စီမံလေ့ရှိပါတယ်။ အဓိကရုဏ်းတေဖြစ်နေတဲ့အချိန်မှာ မသိကျိုးကျွန်ပြုနေလေ့ရှိပြီး တားမနိုင်ဆီးမရဖြစ်တော့မှ အရေးအခင်းကာလမှာ ပါဝင်သူတွေရော၊ မပါဝင်သူတွေကိုပါ ပိုက်စိပ်တိုက်ဖမ်းလေ့ရှိပါတယ်။
တောင်ငူမှာဖြစ်ပွားခဲ့တဲ့အရေးအခင်းကာလမှာ သံဃာတော်တွေ စစ်အစိုးရဆင်ထားတဲ့ထောင်ချောက်ထဲ သက်ဆင်းမိပြီး အများအပြား အဖမ်းခံခဲ့ရပါတယ်။ အဲဒီအချိန်က တောင်ငူထောင်ထဲမှာ သက်ကြီးရွယ်အို ဘုန်းကြီးတွေ၊ ကိုရင်တွေနဲ့ ပြည့်နှက်နေကြောင်း သိရပါတယ်။
အရေးအခင်းဖြစ်ပွားပုံနဲ့ပက်သက်ပြီး အဖမ်းခံရတဲ့ကျောင်းထိုင်ဘုန်းကြီးအိုကြီးတပါးက နိုင်ငံရေးအကျဉ်းသားဟောင်းတဦးကို တောင်ငူ ထောင်တွင်းမှာ အောက်ပါအတိုင်း ပြန်လည်ပြောပြဘူးကြောင်းသိရပါတယ်။
တောင်ငူမြို့ထဲမှာ ကုလားနှင့် သံဃာတွေရိုက်ကုန်ကြပြီဆိုတာသိတယ်။ ဘုန်းကြီးတို့က တောင်ငူနဲ့ ငါးမိုင်လောက်ဝေးတဲ့ရွာက ကျောင်းမှာ ဘုန်းကြီးက ကျောင်းထိုင်ပဲ။ သံဃာဦးရေ ဆယ့်ငါးပါးလောက်ပဲရှိပါတယ်။ ဘုန်းကြီးလည်း မြို့အခြေအနေလေး နားစွင့်နေရတာပေါ့။ ဒီလို ဖြစ်ကြတယ်ဆိုတော့ စိတ်ထဲတော့ မကောင်းဘူးပေါ့။ ဒါပေမယ့် ကိုယ့်ကျောင်းသံဃာကို ကိုယ်ထိန်းရတာပေါ့။ မသွားကြဖို့ ကိုယ့်ရွာတိုက် ကျောင်းစောင့်ရှောက်နေကြဖို့ ဒီလိုတားထားတဲ့ကြားကပဲ တစ်နေ့မှာ လူစိမ်းတစ်ဦး အပြေးအလွှားနဲ့ ကျောင်းပေါ်ကိုတက်လာပြီး၊ အရှင် ဘုရားတို့ အရှင်ဘုရားတို့ မြို့ပေါ်ကကုလားတွေ ဓါးတွေလှံတွေနဲ့ အရှင်ဘုရားတို့ကျောင်းကို ၀ိုင်းဖို့လာနေပါပြီ အရှင်ဘုရားတို့တဲ့။ ဘာတွေ လုပ်ကြမလဲ .... ဘယ်လိုလုပ်မလဲ ... အဲဒီတော့ ရဟန်းပျိုတွေ ဒုတ်ဆွဲ၊ ဓါးဆွဲ ဖြစ်ကုန်ကြပြီ။ ဘုန်းကြီးလည်း ဘာပြောရမှန်းမသိဖြစ်နေတဲ့ အချိန်မှာပဲ သံဃာဆယ်ပါးခန့်ဟာ ကျောင်းပေါ်ကနေ ခုနမြို့ဘက်သွားတဲ့လမ်းအတိုင်း ကစုန်ဆိုင်းထွက်သွားကြပါတော့တယ်။ ဘုန်းကြီး တို့လို ဂီလာန နှစ်ပါးသုံးပါးနှင့် ကိုရင်ငယ်လေးတွေတော့ ကျောင်းမှာကျန်နေရစ်တယ်။ ခုနက လာပြောတဲ့လူလည်း ဘယ်ထွက်သွား တယ်တော့ ဘုန်းကြီးဂရုမထားမိတော့ဘူး။ နာရီဝက်လောက်ကြာတော့ စစ်တပ်က ဘုန်းကြီးတို့ကိုလာဝိုင်းပါတော့တယ်။ ကျောင်းရှိ သံဃာ အိုရော ကိုရင်လေးတွေပါဆွဲခေါ်ထုတ်ပြီး ကားပေါ်တင်ပါတော့တယ်။ ခုနထွက်သွားတဲ့ သံဃာတွေတော့ မတွေ့မိဘူး။ နောက်ဆုံး ထောင်ထဲ ရောက်မှ ဒုတ်၊ ဓါးဆွဲ ကိုယ့်သံဃာများနဲ့ ဆုံတယ်။ ကျုပ်တို့ဘုန်းကြီးတွေကို ထောင်ဖမ်းတာပဲပြောရတော့မယ် ဒကာရေ။
ဒုတ်၊ ဓါးဆွဲပြီး သွေးဆူနေတဲ့ကိုယ့်သံဃာတွေ မြို့သွားလို့ လမ်းခုလတ်မှာ တစ်ဖက်က စစ်တပ်ကကားနဲ့ထိုးပြီး စစ်တပ်က ဖမ်းသွားတာကိုး။ နောက်ကျုပ်တို့ကို ထပ်ဖမ်းတော့တာ။ ဘယ်ကုလားမှ ကျုပ်တို့ကျောင်းကိုမလာပါဘူး။ ကျုပ်လည်း နားမလည်နိုင်တော့ပါဘူးဗျာ။ ကျုပ်တို့ တော့ လုပ်ကြံခံလိုက်ရပါပြီ။ စစ်တပ်ရောက်တော့ ကျုပ်လို ဂိလာနသေခါနီးကြီးကို ကိုယ့်ကျောင်းကို ကိုယ် မထိန်းနိုင်ရကောင်းလားဆိုပြီး ရိုက်သဗျာ။ ဖြစ်စဉ်ကို အမှန်ပြောပြတော့လည်း လက်မခံ၊ စစ်တပ်ကကောင်တွေဗျာ မိုက်ရိုင်းလိုက်တာ မပြောပါနဲ့။ သင်္ကန်းချွတ်ခိုင်းတာ ဘုန်းကြီးက မချွတ်လို့ဆိုပြီး နောက်ကနေ ဆောင့်ကန်တယ်။ ပြီးတော့ ပြောသေးတယ် မင်းတို့ဂတုံးတွေက သွေးကိုဆူတယ်တဲ့။ ငါတို့ကို အလုပ်မရှုပ်ရှု့ပ်အောင်လုပ်တယ်တဲ့။ ဘယ်ကျောင်းနဲ့ အဆက်အစပ်ရှိသေးလဲ။ ဘာတွေဆက်လုပ်ဖို့ရှိသေးလဲလို့ မေးတယ်။ ကျုပ်မှာ ဘာမှ မသိတာတွေ အမေးခံနေရတယ်။ ကျုပ်ဘယ်လိုဖြေမလဲ။ တော်တော့်ကို စိတ်ဆင်းရဲဖို့ကောင်းပါတယ်။ ကျုပ်တော့ လောကငရဲကျပြီလို့ မှတ်ယူရတော့မှာပဲ။ မေးမရတော့ တစ်နေ့လုံးနှင့် တစ်ညလုံး ထိပ်တုံးခတ်ထားတယ်လေ။ နောက်တစ်နေ့မနက်မှာ လာဖြုတ်ပေးတယ်။ ပြီးတော့ ဒီထောင်ရောက်လာတာပဲဟေ့" တဲ့။
(၂)
အရေးအခင်းကာလမှာ အဖမ်းခံခဲ့ရတဲ့သံဃာတော်များထဲကတပါးဖြစ်ပြီး ထောင်ဒဏ် ၂၂ နှစ်ကျခံခဲ့ရကာ တောင်ငူ၊ မန္တလေးနှင့် ရမည်းသင်း ထောင်တွေမှာ ၁၀ နှစ်ခွဲကျော်နေခဲ့ရသည့် မန္တလေးမြို့က ရွှေဘုံသာကျောင်းထိုင်ဆရာတော် ဦးဝေပုလ္လ (ခေါ်) ဦးဝင်းတင်အကြောင်းကို ဖော်ပြပေးလိုက်ပါတယ်။
"အရှင်ဘုရားတို့လွတ်တာ သံဃာဘယ်နှပါး၊ လူဘယ်နှယောက်လဲဘုရား"
“ခြောက်ယောက်၊ ဦးသောဘိတ ခေါ် သိန်းထိုက်စိုး၊ ရှင်သုဝဏ္ဏ ခေါ် ဟန်စိုး၊ ဦးဃောသိတ ခေါ် ဟန်မြင့်၊ ကောင်းကောင်း ခေါ် ဇော်ဝင်းမြင့်၊ ကိုဖိုးထောင် ခေါ် လှမြင့်”
"အရှင်ဘုရား မိခင်ကျောင်းတိုက်၊ ဝါတော်၊ သက်တော် မိန့်ပါဘုရား"
“ဦးဇင်းက ကျောင်းထိုင်ပါ။ မိခင်ကျောင်းတိုက်က မန္တလေး၊ ချမ်းမြသာစည်မြို့နယ်၊ အသောကာ ရာမတိုက်၊ ရွှေဘုံသာကျောင်း။ ဘုရားကြီး တောင်ဘက်မုခ်။ ဝါတော်က ၁၇ ဝါ ဝတ်ခဲ့တယ်။ အခုတွက်မယ်ဆိုရင်တော့ ၁၇ ဝါ ကျတာဗျာ။ ၁၀ ဝါ ၁၁ ဝါ ထောင်ထဲမယ်။ သက်တော်က အခု ၄၈”
"ထောင်စကျတာ ရမည်းသင်းမှာပဲလား။ ဘယ်နှနှစ်ရှိသွားပြီလဲဘုရာ့"
“ဦးဇင်း လွတ်တဲ့နေ့အထိ ၁၀ နှစ်၊ ၇ လ၊ ၁၆ ရက်ကြာတယ်။ ပထမ တောင်ငူမယ် ၅ လလောက် နေရတယ်။ မန္တလေးကို ရွှေ့တယ်။ မန္တ လေးမယ် နှစ်ရက်နေရတယ်။ နောက် ရမည်းသင်းရွှေ့လိုက်တာ။ ရမည်းသင်းကို ၂၅ ရက် ၁၀ လ ၂၀၀၁ ရောက်တယ်။ စုစုပေါင်း ထောင်ချ တာ ၂၂ နှစ်”
"တောင်ငူ ဘာသာရေးအဓိကရုဏ်းမှာဖမ်းတယ်လို့ သိရပါတယ်။ မိန့်ကြားပါဘုရား"
“တောင်ငူအရေးအခင်းမယ် ဦးဇင်းက အဲဒီအချိန်က တောင်ငူမြောက်ဖက်က မြို့လှကိုရောက်နေတာဗျ။ အရေးအခင်းနဲ့သွားကြုံတော့ ဦးဇင်းတို့ဝင်ပြီးတော့ မြို့လှမှာ ပါသွားကုန်ကြတာပေါ့။ ဘာသာရေးအရေးအခင်းပဲ။ ကုလားတွေနဲ့ ဘုန်းကြီးတွေနဲ့ဖြစ်ကြတဲ့ပြဿနာပေါ့။ ဖြစ်တာက ၂၀၀၁ ခုနှစ် ၅ လပိုင်းမှာ ဖြစ်တာ။ တောင်ငူမယ် ကိုရင်လေးတွေနဲ့ မွတ်ဆလင်ရပ်ကွက်နဲ့ ပြဿနာတက်တာစတာပဲဗျ။ တဖြေး ဖြေးနဲ့ကျယ်သွားတော့ မြို့တွေပြန့်သွားတာပေါ့။ မြို့လှမှာ ဦးဇင်း ရဟန်းဒါယကာရှိတယ်လေ။ ရဟန်းဒါယကာက ဘုရားပူဇော်ဖို့ကိစ္စနဲ့ ဦး ဇင်းက မြို့လှကိုရောက်နေတာ”
"အရေးအခင်း အဖြစ်အပျက်ကို မိန့်ပါဘုရား။ ဦးဇင်းက ဘယ်လိုမျိုးပါဝင်ပတ်သက်ခဲ့တာလဲ ဘုရာ့"
“အဲဒီမှာ ဆန္ဒပြတာမရှိဘူးဗျ။ အိမ်တွေဘာတွေ အဆောက်အဦးတွေဘာတွေ ခဲနဲ့ထုကြ ပြုကြနဲ့ ဖျက်ကြဆီးကြပေါ့။ ရုန်းရင်းဆန်ခတ်ဖြစ် တာပေါ့။ အဲဒီရုတ်ရုတ်ထဲမယ် သွားပြီး အစည်းအဝေးတွေ ဘာတွေလုပ်တော့ သွားတက်တာပေါ့ဗျာ”
"အဖမ်းခံရပုံ မိန့်ပါဘုရား"
“အဲဒီတုန်းက ပထမ အဖမ်းမခံရဘူးဗျ။ နောက်တော့မှ ဦးဇင်းလည်းပါတယ်ဆိုပြီးတော့ မြို့လှက ရဟန်းဒါယကာကို ထောက်လှမ်းရေးက ဖမ်းလိုက်တာ။ တကယ်ပါတာ ကျုပ်ပါတာလို့ သူတို့မပါဘူးဆိုပြီးတော့ သွားပြီးတော့ အဖမ်းခံလိုက်တာပေါ့နော်။ အဲဒီတုန်းက ထောက်လှမ်း ရေး (၃) ပေါ့။ တောင်ငူပေါ့။ ၂၀၀၁ ခု မေလ ၂၅ ရက်နေ့”
"အဲဒီတော့ နောက်ဘာဆက်ဖြစ်လဲ"
“အဲဒီမှာပဲ စစ်ကြောရေးတော့လုပ်တာပေါ့။ ထွေထွေထူးထူးတော့ မလုပ်ပါဘူး။ မေးတာမြန်းတာပဲ လုပ်ပါတယ်”
"သင်္ကန်းချွတ်တာကျတော့ရော"
“သင်္ကန်းချွတ်တာလည်း အဲဒီ တောင်ငူမှာ တိုင်းဟောင်းလို့ခေါ်တာပေါ့။ သူတို့တပ်ထဲမှာပဲပေါ့။ ထောက်လှမ်းရေး (၃) မဟုတ်ဘူး။ အဲဒီတုန်း က စစ်ကြောရေးဖွင့်တဲ့ တပ်တတပ်ရှိတယ်။ ဒေသခံမဟုတ်တော့ ကျုပ်လည်းမသိဘူး။ သူတို့ကတော့ တိုင်းဟောင်းလို့ခေါ်တာပဲ။ မေလ ၂၇ ရက်နေ့မှာ ချွတ်တာ။ စစ်ကြောရေးမှာပေါ့။ သူတို့ကတော့ သိက္ခာချခိုင်းတာပေါ့။ ဒါပေမယ့်လည်း သိက္ခာချတယ်/မချဘူးဆိုတာက အ မိန့်ပေးလို့မှ မရဘဲနဲ့ကိုး။ ဆရာတော်တပါး ကြွလာတယ်လေ။ ဘာပြောလဲဆိုတော့ အရှင်ဘုရားတို့သိပြီးသားပဲတဲ့ ဝိနည်းသိက္ခာကို သိပြီး သားပဲပေါ့။ ချတယ် မချဘူးဆိုတာ ဒါပါပဲ သူက”
"စစ်ကြောရေးကနေ ဘယ်ကိုဆက်ပြီးပို့တာလဲဘုရာ့။ ရုံးထုတ်တာတို့ ဘာတို့"
“စစ်ကြောရေးမှာ ၂ ရက်ပဲကြာပြီးတော့ တောင်ငူထောင် ပို့လိုက်တယ်။ တရားရုံးကတော့ တောင်ငူထောင်ထဲတင်ဖွင့်တာ။ အဲဒီတုန်းက အဖွဲ့တွေများတော့ အဆောင်ကြီးတခုမှာ စုပြီးထားတယ်ပေါ့။ ရုံးမထုတ်ဘူး ထောင်ထဲတင်စစ်တာ။ ထောင်ထဲမှာ တရားရုံးဖွင့်တယ် ဆိုပြီး တော့ တရားသူကြီး ပထမတရက်မြင်ရတယ်။ ဒုတိယတရက်မြင်ရတယ်။ ပထမတရက် စွဲချက်တင်တယ်။ နောက် ဒုတိယရက် အမိန့်ဖတ် ပြတယ်။ အထူးခုံရုံးကိုး”
"အမိန့်ချတော့ အဲဒီအချိန်မှာ အရှင်ဘုရားတပါးထဲလား"
“အများကြီးပဲ။ မြို့လှ အမှုတွဲက ၂၀ ကျော်။ စာရင်းတော့ အတိအကျ မမှတ်မိတော့ဘူးပေါ့။ ဆွာအမှုတွဲက ၁၀ ကျော်။ ကျွဲဘွဲအမှုတွဲက ၂၀ ကျော်။ တောင်ငူအမှုတွဲက ၁၀ ကျော်။ ဒါလောက်ပဲ မှတ်မိတော့တယ်”
"ခုခံထွက်ဆိုဖို့ ရှေ့နေတွေ ဘာတွေရလား။ ဘာပုဒ်မတွေနဲ့ ထောင်ချလဲဘုရာ့"
“ရှေ့နေမရဘူး။ စွဲချက်တင်တယ်ပေါ့။ ရှေ့နေငှားမလားပေါ့။ ငှားလို့ရတယ်ပေါ့။ ဒါပေမယ့်လည်း ထောင်ထဲကနေ အပြင်မှ ထွက်လို့မရပဲနဲ့ကိုး။ ငှားလို့ရတယ်လည်းပြောတယ်။ ငှားပေးပါဆိုတော့လည်း အစိုးရက မငှားပေးနိုင်ဘူးပေါ့ သေဒဏ်ကျတဲ့ အမှုမဟုတ်လို့တဲ့။ အဲဒီလို ပြောတာ ပဲပေါ့နော်။ ပုဒ်မက ၅-ည က ၇ နှစ်၊ ၄၃၆ က ၁၀ နှစ်၊ ၄၄၀ က ၅ နှစ်။ သီးခြား ၂၂ နှစ်။ အကျိုးဖျက်ဆီးမှုပြောတာပဲ”
"တောင်ငူထောင်မှာ ဘယ်လောက်ကြာသွားလဲဘုရာ့။ ထောင် အဆင့်ဆင့်ပြောင်းရတာလေး"
“တောင်ငူထောင်မယ် ၅ လပိုင်းကနေပြီးတော့ ၁၀ လပိုင်း ၂၂ ရက်အထိနေရတယ်။ အဲဒီကနေ မန္တလေးထောင်။ ရမည်းသင်းထောင်။”
"ထောင်ထဲမှာ သူတို့က ဘုန်းကြီးတပါးအနေနဲ့ဆက်ဆံလား။ လူပုဂ္ဂိုလ်တယောက်လို ဆက်ဆံလားဘုရာ့"
“ဘုန်းကြီးတပါးအနေနဲ့ပဲ ဆက်ဆံပါတယ်။ သူတို့ကိုလည်း ဘုန်းကြီးလို့ပဲပြောထားတာလေ။ ကိုယ်ကလည်း ဘုန်းကြီးလိုပဲဖြစ်အောင် နေပြ ရတာပေါ့။ ထောင်ဝတ်စုံနဲ့ပဲပေါ့”
"ဆွမ်းကပ်တာ၊ ပြောဆိုဆက်ဆံတာ ဘုန်းကြီးလိုပဲလားဘုရာ့"
“အဲဒီလောက်ကြီးတော့ မကပ်ဘူးပေါ့လေ။ တအားကြီးတော့ မရိုင်းဘူးပေါ့ဗျာ။ ရိုင်းရိုင်းစိုင်းစိုင်းကြီးတော့ မပြောဘူးပေါ့နော်”
"ရမည်းသင်းထောင်ပိုင် ဘယ်သူလဲဆိုတာမှတ်မိလား။ ထောင်ပိုင်တွေပြောင်းသွားရင် ဆက်ဆံပုံပြောင်းသွားလား"
“နံပါတ်တစ်က ဦးကံမြင့်။ ပြီးတော့ ဦးမြင့်ရွှေ၊ ဦးတင်မောင်ချို၊ စတုတ္တက ဦးခင်ရွှေ၊ အခုလွတ်လာတာ။ ပုံစံက တပုံစံစီပေါ့။ ဒါပေမယ့်လည်း ဘယ်လိုတွေ့ရလဲဆိုတော့ အစကနေစာရင်တော့ တဖြေးဖြေးနဲ့ ဒီဘက်ရောက်တော့ စည်းကမ်းလေးတွေလျော့လာတဲ့အပိုင်းလေးတွေ ရှိပါ တယ်။ ဟိုးစတုန်းကတော့ တော်တော် တင်းတင်းကျပ်ကျပ်ပေါ့”
"ကျန်းမာရေး အခြေအနေရော ဘယ်လိုရှိပါလဲဘုရာ့"
“ကျန်းမာရေးကောင်းပါတယ်။ ဘုန်းကြီးဝတ်လာတော့ တရားထိုင်တယ်။ တရားမှတ်တယ်။ ပုံမှန် ကျန်းမာရေးလှုပ်ရှားမှုအနေနဲ့တော့ လမ်း လျှောက်တာလောက်ပဲ ရှိတာပေါ့နော်။ အစားအသောက်လေးဘာလေး မှန်အောင်စားပေးရတာပေါ့”
"ရမည်းသင်းထောင်ရောက်တော့ နေရတာ သီးသန့်တပါးထဲလား ဘုရာ့"
“သီးသန့်နေရတယ်။ တိုက်ထဲမှာနေရတယ်။ ပထမ သုံးယောက် တခန်းနေရတယ်။ နောက် လူနည်းသွားတော့ နှစ်ယောက်တခန်း။ နောက် တယောက်တခန်း နေရတယ်”
"အထဲမှာ ဆေးဝါးကုသမှု ဘယ်လို ကြုံရ မြင်ရကြားရလဲ။ စာဖတ်ခွင့်ရော ဘယ်လိုရှိပါလဲ"
“အသင့်တင့်ရှိပါတယ်။ ဆေးဝါးက လုံလောက်မှုတော့ နည်းတာပေါ့။ စာဖတ်ခွင့်ရပါတယ်”
"အရှင်ဘုရားနဲ့အတူ မြို့လှအမှုတွဲ ၂၀ ကျော်မှာ ဘယ်သူတွေလွတ်လာပြီလဲဘုရာ့"
“ဦးဇင်းနောက်ဆုံးပဲ။ ဦးဇင်းတို့ သိသလောက်စုံစမ်းကြည့်တဲ့အခါကျတော့ ဥပမာ ၁၂ နှစ်သမားပေါ့။ ၂၀၀၅ က လွတ်သွားတယ်။ ၁၇ နှစ် သမားတွေက ၂၀ အထိပေါ့။ ပြီးခဲ့တဲ့ သီတင်းကျွတ်လပြည့် လွတ်သွားတယ်”
"ပြီးခဲ့တဲ့နှစ် မေလတုန်းက ဦးသိန်းစိန်ပေးတဲ့ လျှော့ရက်ရလားဘုရာ့"
“လျှော့ရက် တနှစ်ခံစားဖို့ ပေးတယ်။ သမ္မတပေးတာ အဲဒီတခါရယ်၊ ပြီးခဲ့တဲ့ လွတ်လပ်ရေးနေ့က ၂၀ နှစ်အထက် ၂၀ တည်စေဆိုတော့ ၂ နှစ်ရတာပေါ့လေ။ စုစုပေါင်း ၃ နှစ်ရတာပေါ့”
"ရမည်းသင်းထောင်ကလွတ်တဲ့ ကိုယ်တော်တွေက ဦးဇင်းနဲ့ အမှုတွဲတူလားဘုရာ့"
“မဟုတ်ဘူးဗျ။ ဦးသောဘိတနဲ့ ရှင်သုဝဏ္ဏက ကျွဲဘွဲအမှုတွဲ။ သူတို့ ကျွဲဘွဲကို ပြန်သွားတယ်။ ဦးဃောသိတက ရန်ကုန်ငါးထပ်ကြီးက သူက မတရားအသင်းအဖွဲ့ ပါဝင်ပတ်သက်မှုတွေနဲ့။ သင်းဖွဲ့တွေနဲ့”
"အရှင်ဘုရား လွတ်လာပြီးနောက် ဘာဆက်လုပ်မလဲဘုရာ့"
“ဦးဇင်း ကျောင်းပြန်မယ်လေ။ အသောကရာမကျောင်း အခုညပဲ ပြန်မှာ။ သင်္ကန်းပြန်ဝတ်မယ်ပေါ့နော်။ သာသနာရေးလုပ်ငန်းလုပ်မယ်။ တတ်နိုင်သရွေ့ လူမှုရေးလုပ်ငန်းလုပ်မယ်ပေါ့ဗျာ။
ရင်းမြစ်
စစ်ဒေ၀ဒတ်တို့လားရာ ဘယ်လဲ? (ဆောင်းပါး) ဦးဌေးလှိုင်
ရမည်းသင်းထောင်မှလွတ်မြောက်လာသည့် ဦးဝေပုလ္လနှင့် အင်တာဗျူး - ကိုဝိုင်း(မဇ္ဈိမ)
Comments