အရှင်စန္ဒိမာ (မွန်စိန်တောရ) - အကောင်းမြင် မျှော်လင့်မှုဖြင့်
(မိုးမခ) အောက်တိုဘာ ၃၁၊ ၂၀၁၄
ထိပ်သီးနုိုင်ငံရေးပါတီခေါင်းဆောင်များ၊ သမ္မတ၊ လွှတ်တော်နဲ့ စစ်တပ်အကြီးအကဲတုို့ ယနေ့ အောက်တုိုဘာလ ၃၁ ရက်နေ့မှာ တွေ့ကြမယ်ဆုိုတဲ့သတင်းက ပြည်သူတွေအတွက် အထူးစိတ်ဝင်စားစရာ သတင်းတစ်ပုဒ်ပါ။ သမ္မတဦးသိန်းစိန်နဲ့ ဒေါ်အောင်ဆန်းစုကြည်တုို့ ပထမဆုံးအကြိမ် တွေ့ခဲ့ကြစဉ်ကလည်း ပြည်သူတွေ အကောင်းမြင် မျှော်လင့်ခဲ့ကြဖူးပါတယ်။ ဒါပေမယ့် ထုိုစဉ်က ထိပ်သီးနှစ်ဦး တစ်ကြိမ်မက တွေ့ဆုံခဲ့ကြမှုတွေဟာ ဘာမှအရာမထင်ခဲ့ဘဲ စစ်အုပ်စုစိတ်ကြိုက် ပုံဖေါ်ထားတဲ့ အတုအယောင်ဒီမုိုကရေစီကုို နုိုင်ငံတကာအသုိုင်းအဝုိုင်းက အသိအမှတ်ပြု လက်ခံလာအောင် တွေ့ဆုံမှုကုို ရောင်းကုန်တစ်ခုလုို အသုံးချခဲ့တာထက် မပုိုခဲ့ပါဘူး။
လက်ပံတောင်းတောင်ကိစ္စ၊ နုိုင်ငံအနှံ့ လယ်ယာမြေများအသိမ်းခံရ လယ်သမားများထောင်ချခံနေရတဲ့ကိစ္စ၊ တက်ကြွလှုပ်ရှားသူများ သတင်းမီဒီယာသမားများ အဖမ်းခံထောင်ဒဏ်ကျခံနေရတဲ့ကိစ္စ၊ ယခုနောက်ဆုံး သတင်းထောက်ကုိုပါကြီး ရက်ရက်စက်စက် အသတ်ခံရတဲ့ကိစ္စတွေဟာ ထိပ်သီးနှစ်ဦး တွေ့ဆုံခဲ့မှုတွေအပေါ် ပြည်သူတွေရဲ့ အကောင်းမြင်မျှော်လင့်ခဲ့မှုတွေ ရေစုံမျောသွားစေခဲ့မှု သာဓကတချို့ပါ။
တစ်ချိန်တည်းမှာ လွှတ်တော်အမတ်အင်အား အသာစီးနဲ့ လက်ရှိအာဏာရ စစ်တပ်နောက်ခံပါတီက ၂၀၀၈ အခြေခံဥပဒေရဲ့ ပုဒ်မ ၄၃၆ လုို အရေးပါတဲ့ ပုဒ်မတွေကုို ပြင်ဆင်လုိုတဲ့ အရိပ်အယောင် မပြပါဘူး။ ငြိမ်းချမ်းရေးဆွေးနွေးပွဲ ရှေ့မတုိုးနုိုင် ဖြစ်နေရတဲ့ အဓိကအကြောင်းအရင်းကလည်း နုိုင်ငံတော်အာဏာကုို ချုပ်ကုိုင်ထားသူတွေရဲ့ တင်းမာတဲ့ ရပ်တည်ချက်သဘောထား ပြောင်းလဲမှုမရှိခြင်းကြောင့်ဆုိုတာ လူတုိုင်း နားလည်နုိုင်ကြပါတယ်။
ဒါကြောင့် ယနေ့ ထိပ်သီးနှစ်ဦးမက တွေ့ကြမယ်ဆုိုတော့ စူးစမ်းဆင်ခြင်သင့်စရာ မေးခွန်းထုတ်စရာလည်း ဖြစ်ပါတယ်။ တနေ့တခြား စိတ်ပျက်စရာ စိတ်ခြောက်ခြားစရာ မျက်နှာပျက်စရာ သတင်းဆုိုးတွေ ပုိုထွက်လာနေတဲ့ အစုိုးရအတွက် ပြည်တွင်းပြည်ပမျက်နှာစာမှာ အဖက်ဆည်ဖုို့လောက်ပဲ တွေ့ဆုံမှုက အသုံးတော်ခံအုံးမှာလားဆုိုတဲ့ မေးခွန်းပါ။
ဒီဆွေးနွေးပွဲမှာ ပါဝင်ကြမယ့်သူတွေအထဲမှာ ပြည်သူအများ စိတ်အဝင်စားဆုံး ဖြစ်မယ့်သူဟာ ကာချုပ်မင်းအောင်လှိုင် ဖြစ်ဖွယ် ရှိပါတယ်။ စစ်အာဏာရှင်လက်ကုိုင်ဒုတ်သာသာ ပြည်သူလူထုရဲ့ ရွံကြောက်အဖြစ် အဆင့်လျှောကျလာတဲ့ တပ်မတော်၊ သတ်တာဖြတ်တာနဲ့ လက်ယဉ်နေတဲ့ တပ်မတော်ရဲ့ အကြီးအကဲဆုိုသူရဲ့ သဘောထား စိတ်စေတနာကုို ဒီဆွေးနွေးပွဲမှာ လူထုက ပုိုမုိုသိရှိခွင့် ရကြမယ် ထင်ပါတယ်။
ပုထုဇဉ်လူသားတွေအတွက် ရာထူးအာဏာ ဥစ္စာစည်းစိမ်ဆုိုတာဟာ မက်မောစရာတွေပါ။ ဒါပေမယ့် အတွေးအခေါ်မြင့်မားတဲ့ ပညာရှိပုဂ္ဂိုလ်တွေကတော့ အဆုိုပါမက်မောစရာတွေကုို လူ့ဂုဏ်သိက္ခာနဲ့ အလဲအလှယ်လုပ်မှာ မဟုတ်ပါ။ အာဏာသာရှိပြီး လူ့ဂုဏ်သိက္ခာဆုိုတာကုို နားမလည်ဂရုမစိုက်တဲ့ စစ်အာဏာရှင်တွေရဲ့ ဒဏ်ကုို ပြည်သူအများ လူးလှိမ့်ခံနေကြရဆဲပါ။
ယခု တွေ့ကြမယ့် ခေါင်းဆောင်စာရင်းကုို ကြည့်လုိုက်တော့ သြဇာသာရှိပြီး အာဏာမရှိကြသူ တုိုင်းရင်းသားပြည်သူလူထုရဲ့ ခေါင်းဆောင်အစစ်အမှန်ဆုိုလို့ နှစ်ဦး သုို့မဟုတ် သုံးဦးလောက်ကုိုပဲ မြင်မိပါတယ်။
ယခင်က သမ္မတဦးသိန်းစိန်နဲ့ ဒေါ်အောင်ဆန်းစုကြည်တုို့ ဗုိုလ်ချုပ်အောင်ဆန်းဓါတ်ပုံကုို နောက်ခံထားကာ ယှဉ်တွဲရပ်နေကြတဲ့ပုံဟာ ပြည်တွင်းပြည်ပမှာ အတော်ကုို ရောင်းအားကောင်းခဲ့ပါတယ်။ အောက်တုိုဘာ ၃၁ ရက်နေ့ တွေ့ဆုံပွဲမှ ထွက်ပေါ်လာမယ့် ဓါတ်ပုံဟာလည်း ဈေးကောင်းရအုံးမယ့် သဘောပါပဲ။
မြန်မာ့နုိုင်ငံရေးဖြစ်စဉ်မှာ အကောင်းမြင်မျှော်လင့်ခဲ့သမျှ အဆုိုးတွေနဲ့သာ အဆုံးသတ်သွားခဲ့ရတဲ့ အတိတ်သင်ခန်းစာလည်း များလှပါပြီ။ အခါခါသေခဲ့ဖူးတာကြောင့် ပျဉ်ဖုိုးကုိုလည်း ကောင်းစွာ နားလည်နေကြပါပြီ။ ပြည်သူတွေကတော့ အကောင်းကုိုသာ အမြဲတမ်း မျှော်လင့်ချင်နေကြသူတွေပါ။ ဒီတစ်ကြိမ်မှာ ပြည်သူတွေ အကောင်းမြင်မျှော်လင့်သလို လက်တွေ့ဖြစ်လာပါစေလုို့ ဆန္ဒပြုချင်ပါတယ်။
(Photo -Irrawaddy)