ရန်လင်းအောင် - ညမဖတ်ရ အမှတ်တရတွေ … …
(မိုးမခ) မတ် ၂၈၊ ၂၀၁၅
ဒီလမ်းက တကယ်ရှည်တယ်
သွေးကြောင်နေရင် ပိုရှည်လျားမယ်
မင်းပြန်လာမှ ငါရှိမယ်
ငါ့ ကို ပြန်တွေ့မှ
မင်းသေပျော်မယ်မဟုတ်ဘူးလား ။
အသက်နဲ့ ထုပ်မှ
လုံခြုံမယ့် မြေ . . . .
သွေးနဲ့ ဆေးမှ
လန်းမယ့် ရေ . . . .
တသက်စာ စတေးမှ
မသူတော်ဘေး ကင်းဝေးရမယ့်
ဒီအဖြစ်တွေ
ဒီအပျက်တွေ
သဘောမကျဘဲ လွမ်း လွမ်း နေရတဲ့
ဒီအဖြစ်တွေ
ဒီအမှတ်တရတွေ . . . .
သရဲဘောကြောင်တဲ့ နံနက်ခင်းများ
ပျော်ပျော်ပါးပါး
ပြန်ပြောင်း ပြောနိုင်ကြပါစေ
ရယ်ရယ်မောမော
ဖတ်ရှုနိုင်ကြပါစေ ။