အုန်းနိုင် - “ဒေါ်အောင်ဆန်းစုကြည်ကို ထုတ်ပစ်သတဲ့လား..”
၁၉၉၁ခုနှစ် အမျိုးသားဒီမိုကရေစီအဖွဲ့ ချုပ်မှ ဒေါ်အောင်ဆန်းစုကြည်ကို ထုတ်ပယ်ခြင်း (၁၆)
(မိုးမခ) သြဂုတ် ၃၁၊ ၂၀၁၅
နောက်နှစ်ရက်အကြာ..ညဘက်ရေဒီယိုသတင်းများမှာ ဒေါ်အောင်ဆန်းစုကြည်ကို အမျိုးသား ဒီမိုကရေစီအဖွဲ့ ချုပ်က ထုတ်ပယ်ပြီးကြောင်း ပါတီစုံဒီမိုကရေစီအထွေထွေ ရွေးကောက်ပွဲကော်မရှင်ကို အဖွဲ့ ချုပ်က အကြောင်းကြားတယ်လို့ ကြေညာကြောင်းပါလာတယ်..။ (၁၆.၁၂.၉၁)နေ့ ညမှာပါ..။
အခုတော့ မုန်လာဥလုပ်လို့မရတော့ပါဘူး..။ ကျနော်တို့မြို့ နယ်က မေးခွန်းထုတ်စရာလဲ မလိုတော့ဘူးပေါ့..။ လုံးလုံးလျား လျား တိတိကျကျ အဖြေထွက်လာပါပြီ..။ ဘာလုပ်ကြမလဲ..။ ကျနော်တို့ မြို့ နယ်အဖွဲ့တွေ ဘယ်လိုရပ်တည်ကြ မလဲ..။ ကျနော်ကတော့ လုံးဝလက်မခံနိုင်ပါ..။ ဘယ်သူတွေက ထုတ်ကြသလဲ..။ ဘယ်လိုအစည်းအဝေး လုပ် သေးသလဲ..။ မဲခွဲကြသေးလား..။ မဲဘယ်လောက် ကွာခြားချက်နဲ့ ထုတ်တာလဲ..။
ဒီအဖွဲ့ ချုပ်ကို စတည်ထောင်ကြ တဲ့ ခေါင်းဆောင်တွေထဲက ဦးအောင်ကြီးကို ထုတ်တုန်းက ဗဟိုဦးစီးအဖွဲ့မှာ မဲခွဲတော့ ၂၈မဲ..၁၃မဲပါ..။ အခု ကော ဗဟိုဦးစီးမှာ မဲခွဲဆုံးဖြတ်ကြတာလား.. ။ဒေါ်အောင်ဆန်းစုကြည်ကို ဘယ်လိုပစ်ချက်နဲ့ ထုတ်ပယ်ဖို့ စွဲချက်တင်ကြသလဲ..။ ဒါတွေသိဖို့ တရက်နှစ်ရက်စောင့်ပြီး ရန်ကုန်ဆင်းမယ်..။ လိုက်ချင်တဲ့သူလဲ ခေါ်သွားမယ်။
ဒီအတွင်းမှာပဲ ပေါင်းတည်မြို့ နယ် မ၀တ က ကျနော်တို့ လွှတ်တော်ကိုယ်စားလှယ်နှစ်ယောက်ကို ပဲခူးတိုင်းမ၀တကို ၁၈.၁၂.၉၁ နေ့မှာ သွားပြီး အစည်းအဝေးတက်ရမယ်လို့ ညွှန်ကြားပါတယ်..။ ပဲခူးကို အရောက် လက်ထောက်ရုံးအဖွဲ့ မှူး က လိုက်ပို့မယ်လို့ ဆိုပါတယ်..။ ဒီတော့ အစည်းအဝေးဖိတ်တဲ့သဘောထက် ပဲခူးကိုလာဖို့ တ၀တ က အမိန့်ပေးလိုက်တဲ့သဘောက ပိုပါတယ်..။ မ၀တ အစောင့်အရှောက်နဲ့သွားရမှာပါ..။
ဒီတော့ ကျန်တဲ့သူတွေ မလိုက်ကြနဲ့ဦး။ သွားချင်ရင် ကိုယ့်ဖာသာကိုယ့်နည်းနဲ့ကို သွားကြ..။ ကျနော်တို့နှစ်ယောက်တော့ ပဲခူးအစည်းအဝေးပြီးရင် ရန်ကုန်အဖွဲ့ ချုပ်ရုံးကို ၀င်မယ်လို့ ပြောပြီး ပဲခူးသွားဖို့ စီစဉ်တယ်..။
အစကတော့ မ၀တ ..က သူတို့ကားစီစဉ် ပြီး လိုက်ပို့မလိုလို..နဲ့..၊ တကယ်ကျတော့ ပုံမှန်ဘတ်စ်မှာပဲ လက်မှတ်ဖြတ်ပေးပါတယ်..။ ဒီတော့ ကျနော်တို့က တရက်ကြိုသွားပြီး ရန်ကုန်ဝင်ဖို့ စီစဉ်ပါတယ်..။ သူတို့လိုက်ပို့မဲ့သူနဲ့ ပဲခူးကျမှ တွေ့ ဖို့ စီစဉ်ပါတယ်..။
၁၇.၁၂.၉၁ ညနေပိုင်းလောက် ရန်ကုန်ကို ရောက်ပြီး အခြေအနေစုံစမ်းဖို့ လုပ်ကြပါတယ်..။ ကားပေါ်က ဆင်းတော့ ကျနော့်ရဲ့  ဘယ်ဘက်ပေါင်ရင်းက အရမ်းနာပြီး လမ်းမလျှောက်နိုင်အောင် ဖြစ်လာပါတယ်..။ ဒါနဲ့ ဦးအေးသန်းကိုပဲ အဖွဲ့ ချုပ်ရုံးဘက် လွှတ်ပြီး စုံစမ်းနှင့်ပါ..။ မနက်ဖန်မနက်(၇)နာရီကျမှ ပဲခူးသွားဖို့ဆင်မလိုက် ကားဂိတ်မှာ ဆုံကြမယ် ပြောပြီး ချိန်းလိုက်ရပါတယ်..။ အဲဒီနေ့တော့ ပရုတ်ဆီတွေ..၊ မိဂသီ လိမ်းဆေးတွေ လိမ်း..၊ တခြားအကိုက်အခဲပျောက်ဆေးတွေသောက်နဲ့ပဲ နောက်တနေ့ ဆင်မလိုက်ကားဂိတ် ဆင်းနိုင်ခဲ့တယ်။ ဦးအေးသန်းနဲ့တွေ့ တော့ သူ မနေ့က ရွှေဂုံတိုင်ကို ရောက်ပေမဲ့ သူ့အသိမတွေ့လို့ ဘာမျှမသိရဘူးလို့ ပြော ပါတယ်..။ ဒါနဲ့ ကျနော်လည်း ကားဂိတ်ကနေ ဆိပ်ဖြူဦးစိုးဝင်းကို ဖုန်းဆက်ပြီး ကျနော်တို့ပဲခူးသွားတယ်..။ ညနေ ပြန်လာမယ်..။ စမ်းချောင်း ဇေယျဝတီလမ်းအိမ်မှာ လာတွေ့ ပါလို့ ချိန်းပြီး ပဲခူးကို ထွက်ခဲ့ပါတယ်..။ ကား ပေါ်မှာလည်း ပေါင်ရင်းကတော့ နာနေတာပါပဲ..။
ပဲခူးကို ရောက်တော့ (အင်းမ)ဦးအေးနဲ့ တွေ့ပြီး ပဲခူးဦးမြတ်လှအိမ်ကို သွားကြတယ်..။ ဦးမြတ်လှ အိမ်မှာ ပဲခူးတိုင်းထဲက ကိုယ်စားလှယ်တော်တော်များများပဲ တွေ့ ရပါတယ်..။ ဦးမြတ်လှက အားလုံးကိုထမင်း ကျွေးပြီး နိုင်ငံရေးဆွေးနွေးကြတယ်..။ အဲဒီဆွေးနွေးပွဲမှာ ကျနော်က ပေါင်ရင်းနာနေတာကြောင့် ကြာကြာ မထိုင်နိုင်ပဲ ..။ ထိုင်လိုက် ထလိုက် ဆွေးနွေးရတယ်..။ ဦးမြတ်လှထုတ်ပေးလို့ လိမ်းဆေးတွေလည်း လိမ်းရ သေးတယ်..။ အဓိကကတော့ ဒေါ်အောင်ဆန်းစုကြည်ကို အဖွဲ့ချုပ်က ထုတ်ပယ်ပစ်တာ ဘယ်လိုသဘော ထားကြသလဲပေါ့..။
ကျနော်က အဖွဲ့ချုပ်ရုံးမှာ လွန်ခဲ့တဲ့ လေးငါးလ ကတည်းက ဗဟိုဦးစီးက ဦးမြလေးက ဒေါ်အောင်ဆန်းစုကြည်နဲ့ပတ်သက်တဲ့ ရှဉ့်လဲလျှောက်သာ.. ပျားလဲစွဲသာ..သဘောထားရှိနေပုံ..။ အထွေထွေ အတွင်းရေးမှူး နေရာကိုလည်း ဒေါ်အောင်ဆန်းစုကြည်အစား ဒေါ်မြင့်မြင့်ခင်ကို ကြိတ်ပေးဖို့ကြိုးစားပုံ..၊ နောက်မှ ဦးလွင်က ယာယီအတွင်းရေးမှူး အမည်ခံလိုက်ပြီး ဗဟိုအလုပ်အမှုဆောင်အဖွဲ့ ပြင်ဆင်ဖွဲ့စည်းတဲ့ အခါ ဦးတင်ဦးနဲ့ ဒေါ်အောင်ဆန်းစုကြည်တို့ မပါတော့ပဲ ချန်ထားခဲ့ပုံ..။ အဲဒီကတည်းက ဒေါ်အောင်ဆန်းစု ကြည်ကို ဖယ်တော့မယ်လို့ သံသယရှိလို့ ဗဟိုကို တတ်နိုင်သမျှ ပြောခဲ့ဆိုခဲ့ သတိပေးခဲ့ ဝေဖန်ခဲ့ပုံ..။ နောက်ဆုံးတော့ ဒီဒုံပဲ ဆိုက်လာပုံ..။စတာတွေကို သုံးသပ်တင်ပြပါတယ်..။
ဒါပေမဲ့ ပဲခူးတိုင်း ကိုယ်စားလှယ်တော်တော် များများက အရင်ပြည်သူ့လွှတ်တော်ရေးရာအဖွဲ့ ရွေးတုန်းက ကျနော်နဲ့ ဦးမြလေး အခြေအတင်ဖြစ်ထားခဲ့ဖူးတာရယ်.. ။မကြာခင်ကမှ ကျနော်က ဦးမြလေးကို အိမ်ပေါ်က မောင်းချတယ်လို့ စွပ်စွဲပြီး စစ်ဆေးခံရတာတွေကို သိနေကြတော့ ကျနော့်ဆွေးနွေးချက်ကို အသာ အကဲခတ်နေပုံရပါတယ်..။ ဦးမြတ်လှကိုယ်တိုင်လည်း အိမ်ရှင်ဖြစ်နေလို့ ဧည့်ဝတ်ကျေအောင်လုပ်နေရ သလားမသိ..။ သိပ်ပြီး ၀င်မဆွေးနွေးပါ..။
ဒါနဲ့ ကျနော်က ထပ်ပြီး သူတို့က ဒေါ်အောင်ဆန်းစုကြည်ကို အဖွဲ့ချုပ်က ထုတ်ပယ်ပြီး ..သူတို့ပဲ အဖွဲ့ ချုပ်ဆိုင်းဘုတ်ကို ဖက်ထားရင်လည်း ဒီဆိုင်းဘုတ်ပဲ ရမယ်..။ပြည်သူလူထုရဲ့  ထောက်ခံမှုတော့ရမှာ မဟုတ်ဘူး..။ပြည်သူလူထုကတော့ ရွေးကောက်ပွဲမှာကတည်းက ဒေါ်အောင်ဆန်းစုကြည်ကိုသာ မဲပေး လိုက်တာ ထင်ရှားပါတယ်..။အခုဆိုရင် ကမ္ဘာကတောင် အသိအမှတ်ပြုပြီး နိုဗယ်ဆုပေးလိုက်ပြီ..။ ကျနော် တယောက်တည်းရဲ့  သဘောကတော့ ဒေါ်အောင်ဆန်းစုကြည်ကိုပဲ ထောက်ခံနိုင်မယ်.. ။ဒေါ်စုကို ထုတ်ပစ် တဲ့သူတွေကိုတော့ ဆောရီးပဲ..။ ကျနော်တို့ မြို့ နယ်အနေအထားကတော့ ချက်ခြင်း အစည်းအဝေးမခေါ်နိုင်ခဲ့ သေးလို့ အပြတ်မပြောနိုင်သေးပေမဲ့ ဒီသဘောပဲ ဖြစ်ဖို့ များပါတယ်လို့ ဆွေးနွေးပါတယ်..။
ဒီအပိုင်းမှာတော့ ဦးမြတ်လှကရော.. အင်းမဦးအေးကပါ ၀င်ဆွေးနွေးပါတယ်..။ သူတို့လည်းဒီသဘော မျိုးပါပဲ.. ။ရေတာရှည်က ဒေါက်တာကျော်ကျော်လို့ ထင်ရတဲ့ ခပ်ငယ်ငယ် ကိုယ်စားလှယ်တယောက်ကတော့ လူငယ်ပီပီ ..ဒီသဘောထားကို ထောက်ခံတဲ့ အပြင် ၊ဒေါ်အောင်ဆန်းစုကြည်ကို ထုတ်ပစ်တဲ့သူတွေဟာ သစ္စာဖောက်တွေပဲ ဆိုတဲ့ အသုံးမျိုးတောင် သုံးသွားပါတယ်..။
( အပိုင်း(၁၇)..ခေါင်းဆောင်ဘယ်သူလဲ..ကို ဆက်တင်ပါမယ်)