မောင်မောင်စိုး - တအန်း ပလောင် နှင့် TNLA - အပိုင်း (၇)
(မိုးမခ) ဖေဖော်ဝါရီ ၂၉၊ ၂၀၁၆
(မိုးမခ) ဖေဖော်ဝါရီ ၂၉၊ ၂၀၁၆
● တအန်းပြည်နယ်
PSLF/TNLA နိုင်ငံရေးရည်ရွယ်ချက်တွင် တအန်း ပလောင်ပြည်နယ်ရရှိရေးကိုဖေါ်ပြထားပါသည်။ မကြာမှီက ကျင်းပခဲ့သောပန်ဆန်းအစည်းအဝေးတွင်လည်း ဝ တို့က ဝ ပြည်နယ် အသိမှတ်ပြုပေးရန်တောင်းဆိုခဲ့သည်ကို တွေ့ရသည်။
ဤတောင်းဆိုမှုများသည် အစဉ်အလာတည်ရှိမှုမှခွဲထွက်ပြီးတောင်းဆိုသည့်သည့် တောင်းဆိုမှုမျိုးဖြစ်သဖြင့် အများအမြင် တွင် လွယ်လင့်တကူ လက်သင့်မခံနိုင်သည်ကို တွေ့ရသည်။ လက်ရှိတွင် ၂၀၀၈ ခြေဥအရ ဝ ကို ကိုယ်ပိုင်အုပ်ချုပ်ရေးတိုင်း အဆင့် သတ်မှတ်ပေးထားပြီး ပလောင်ကို မြို့နယ် ၂ ခုသတ်မှတ်ပေးထားသည်။
ဝ နှင့် ပလောင်တို့၏ တောင်းဆိုမှုမှာ သူတို့လူမျိုးစုစည်း တည်ရှိမှု သူတို့လူမျိုးများ အနေနှင့် မြန်မာပြည်အတွင်းတွင် အခြား လူမျိုးနှင့်တန်းတူ ရည်တူရှိမှု ကိုယ်ပိုင်ပြဌာန်းခွင့်နှင့် ကိုယ်ပိုင်အုပ်ချုပ်ခွင့်ရှိမှုက်ို ပြသလိုခြင်းဖြစ်ပေသည်။ သူတို့အဘို့ သူတို့ တောင်းဆိုသည့် ပြည်နယ်သည် အကျယ်အဝန်း နယ်နမိတ်ပေါ် မူမတည်တန်းတူရည်တူရှိမှုပေါ်တွင်သာ မူတည်သည်။ ကမ္ဘာပေါ်ရှိတိုင်းပြည်များ ပြည်နယ်များသည်လည်း အကျယ်အဝန်းပေါ်မူတည်၍ ဖြစ်လာခြင်းမဟုတ်သကဲ့သို့ဟု ယူဆ ခြင်းဖြစ်သည်။
ဝ နှင့် ပလောင်တို့၏ တောင်းဆိုချက်မှာ မူလနှစ်ပေါင်းများစွာရှမ်းပြည်နယ်ဟု ရှိလာသည့်အထဲမှ ဖေါက်ထွက်လာသည် ဖြစ် ပေရာ မြန်မာများအဖို့သာမက ရှမ်းများအဖို့ပါ အငြင်းပွားဖွယ်ရာကိစ္စ ဖြစ်သည်။ သို့ပေမဲ့ တိုင်းရင်းသားလူမျိုးတိုင်း တန်းတူ ရည်တူရှိမှု အခွင့်အရေးများ ကိုယ်ပိုင်အုပ်ချုပ်ခွင့်အခွင့်အရေးများ နှင့်ပတ်သက်ပြီး မှန်မှန်ကန်ကန် ဖြေရှင်းနိုင်ပါက အားလုံး လက်ခံနိုင်သည့် အဖြေရနိုင်သည်ဟု မျှော်လင့်ရပေသည်။
● ပလောင်ဒေသ သတ်မှတ်ခြင်း
လက်ရှိ ၂၀၀၈ ခြေဥအရ ပလောင်တို့ဒေသကို နမ့်ဆန်နှင့်မန်တုန်မြို့နယ် သာသတ်မှတ် ထားသော်လည်း TNLA အနေနှင့် ပလောင်ဒေသကို တို့ချဲ့သတ်မှတ်လိုသည်။ ပလောင်များ အများစုစုစည်းနေထိုင်ရာ အနောက်ဖက် ရွှေလီမြစ် တောင်ဖက် မိုးမိတ်မိုးကုတ် မိုင်းငေါ့ ကျောက်မဲ သီပေါ အရှေဖက် သိန္နီ နမ္မတူမြောက်ဖက် နမ့်ခမ်း မူစယ် ကွတ်ခိုင် ကြားတွင်ဖြစ် သည်။ လက်ရှိ မြို့နယ်သတ်မှတ်ချက်အရ နမ့်ဆန် မန်တုန်နှင့် ဆက်စပ်နေသော အထက်ပါမြို့နယ်များတွင် ပလောင်ကျေးရွာ အများစုပါနေရာ ယင်းတို့အားလုံးအား TNLA အနေနှင့် တဆက်စပ်ထဲ ပြန်လည်စုစည်းချင်သည်။ ၁၉၉၀ ရွေး ကောက်ပွဲတွင် ပလောင်ပါတီမှ ကွတ်ခိုင်မြို့နယ်တွင် အနိုင်ရခဲ့ရာ ကွတ်ခိုင်မြို့နယ်တွင်း ပလောင်လူမျိုးများသည်ဟု သုံးသပ်ရသည်။
ထို့ပြင် မူစယ် သိန္နီ လားရှိူးကားလမ်းအပေါ်ဖက် သံလွင်မြစ်နှင့်တရုတ်နယ်စပ်ကြားတွင် ပလောင်တို့သည် ရှမ်း ကချင်များနှင့် ရောနှော နေထိုင်ကြသည်။ ဤသို့သောအခြေအနေအောက်တွင်ပလောင်ဒေသ သတ်မှတ်ရေးအတွက် ပြည်မအစိုးရသာ မကဒေသခံ ရှမ်း ကချင် တိုင်းရင်းသားခေါင်းဆောင်များနှင့် ပြေလည်စွာ ညှိနှိုင်းရန် လိုအပ်ပေမည်။
● မအောင်မြင်သောနည်းလမ်း
အစိုးရအနေနှင့် တိုင်းရင်းသားလက်နက်ကိုင်အဖွဲ့များနှင့် ပတ်သက်ပြီးဆောင်ရွက်လိုသော လမ်းကြောင်းမှာ လက်နက်ဖြုတ် မြို့ပေါ်နိုင်ငံရေးပါတီဖွဲ့ ရွေးကောက်ပွဲဝင် ဟူ၍ဖြစ်သည်။ ပလောင်အဖွဲ့ဟောင်းအားလည်း ဤသို့ဆောင်ရွက်စေခဲ့သည်။ သို့သော်ပြဿနာကားပြီးမသွား နောက်တစ်ဖွဲ့ထပ်ပေါ်လာသည်။ အလားတူကချင်ပြည်နယ် ပန်ဝါဒေသရှိ NDA (K) အား လည်း နယ်ခြားစောင့်တပ်ဖွဲ့စည်းပြီး ဦးဇခုန်တိန့်ယိန်းတို့အား ရွေးကောက်ပွဲဝင်စေခဲ့သည်။ သို့သော်ပြဿနာ ကားပြီး မသွားချေ။ လက်မခံလိုသူများက KIA ပူးပေါင်းပြီး KIA ထဲဝင်လိုက်ကြသဖြင့် မူလ NDA (K) နယ်မြေအတွင်း တိုက်ပွဲများ ဖြစ်ပွားပြီး KIA နယ်မြေတခု ပေါ်လာခဲ့တော့သည်။
အဘယ်ကြောင့်ပါနည်း ။ အရင်းခံမှာ ယုံကြည်မှုမရှိ၍ ဖြစ်သည်။ တိုင်းရင်းသားတို့အနေနှင့် သူတို့၏ အခွင့်အရေးသူတို့၏ ကိုယ်ပိုင်အုပ်ချုပ်ခွင့် မရသေးဟု ယုံကြည်နေ၍ဖြစ်သည်။ ပလောင်ကိုယ်ပိုင်အုပ်ချုပ်ခွင့်ရ နမ့်ဆန်မြို့နယ်၏ ပြည်သူ့ လွှတ် တော်ကိုယ်စားလှယ်မှာ ပလောင်တစ်ဦးမဟုတ်ဘဲ စစ်ဗိုလ်ချုပ်ဟောင်း မြန်မာတစ်ဦးဖြစ်နေခြင်းကပင် ဆီလျော်မှုမရှိ ယုံ ကြည်နိုင်ဘွယ်ရာ မရှိသည့်ကို ပြနေသည်။
● ဝ နှင့် မိုင်းလားဒေသ
တိုင်းရင်းသားလက်နက်ကိုင်အဖွဲ့တိုင်းလိုလို အားကျနေသည်မှာ ဝနှင့်မိုင်းလားဒေသတို့ဖြစ်သည်။ ကိုယ့်လူမျိုး ကိုယ့်ဒေသ ကိုယ့်တပ်နှင့် ကိုယ်ပိုင်အပြည့်အဝအုပ်ချုပ်ခွင့်ရှိနေသည့် ထိုဒေသနှစ်ခုလို မိမိလူမျိုးဒေသတွင် ဖြစ်လိုနေသည်မှာ တိုင်းရင်းသားလက်နက်ကိုင်အဖွဲ့တိုင်းလိုလို၏ အိပ်မက်ဖြစ်သည်။ တဖက်ကကြည့်လျင်လည်း ထိုဒေသနှစ်ခုတွင် ပြည်မအစိုးရသြဇာ သက်ရောက်မှုမရှိဘဲ တထီးတနန်းဖြစ်နေခြင်းကို မကြိုက်ကြ။
ထိုသို့ဆိုလျင် မည်သို့ဆောင်ရွက်မည်နည်း။ စစ်ရေးအရ အင်အားသုံး ဖြေရှင်းမည်လော။ ဗြိတိသျှတို့သည် ရှမ်းပြည် စော် ဘွားတို့၏ အုပ်ချုပ်စနစ်နှင့် စော်ဘွား၏တပ်များဖျက်သိမ်းခြင်း မပြုဘဲ သူတို့၏အုပ်ချုပ်ရေးစနစ်ကိုမဖျက်ဘဲ မတို့ထိဘဲ ဗြိတိသျှတို့၏ အုပ်ချုပ်ရေးစနစ်ကို ထူထောင်နိုင်ခဲ့သည်။ နည်းလမ်းဟောင်းများထဲတွင် နည်းလမ်းကောင်းများစွာရှိနိုင်ပါ သည်။
● လက်နက်ဖြုတ်ရေးနှင့် တိုင်းရင်းသားအခွင့်အရေး
လက်ရှိကာလတွင် အပစ်ရပ်ထားသည်ဖြစ်စေ မရပ်သည်ဖြစ်စေ TNLA အပါ တိုင်းရင်းသားလက်နက်ကိုင်အဖွဲ့တိုင်း မိမိတို့ ၏ လက်နက်ကိုင်အင်အားကို ပိုမိုတောင့်တင်းအောင် တည်ဆောက်နေသည်သာဖြစ်သည်။ လက်နက်ကိုင်တပ်အင်အားတောင့်တင်းမှ ဝ မိုင်းလားဒေသကဲ့သို့ ရပ်တည်နိုင်မည်ဟုမျှော်မှန်းချက် ထားပုံရသည်။
မြန်မာပြည် တိုင်းရင်းသားလက်နက်ကိုင်အဖွဲ့များပြဿနာကိုဖြေရှင်းရာတွင် လက်နက်ဖြုတ်သိမ်းရေးကို အလျင်စလိုလုပ်၍ မရနိုင်ပေ။ လက်ရှိ NCA လက်မှတ်ထိုးကြသည်ဖြစ်စေ အလျင်အမြန် လက်နက်ဖြုတ်သိမ်းရေးဆီ ဦးတည်ပါက ပြဿနာ ဖြေရှင်းနိုင်မည်မဟုတ်ချေ။
တိုင်းရင်းသားတို့ အုပ်ချုပ်ခွင့်ရှိသော နယ်မြေပြဿနာ ကိုယ်ပိုင်အုပ်ချုပ် ပြဌာန်းခွင့်ဆိုင်ရာတို့ပတ်သက်ပြီး ၂၀၀၈ အခြေခံဥပဒေပြင်ဆင်ရေးကိုအရင်လုပ်သင့်သည်။ ထို့ပြင် တိုင်းရင်းသားလက်နက်ကိုင်အဖွဲ့များ လက်နက်မဖြုတ်မှီ ရွေးကောက်ပွဲပါဝင်ယှဉ်ပြိုင်ခွင့်ပြုပြီး တိုင်းရင်းသားတို့၏ အခွင့်အရေးကိုအရင်ပေးပြီးမှလက်နက်ကိုင်တပ်ဖွဲ့ပြဿနာကို ဖြေရှင်းသည့်နည်းလမ်းကိုစဉ်းစားသင့်သည်။
လက်နက်ဖြုတ်ရေးနှင့် တိုင်းရင်းသားတို့အခွင့်အရေး ဘယ်ဟာကအရင်လဲဆိုသည်မှာ အငြင်းပွားစရာတော့ များပေလိမ့် မည်။
● TNLA နှင့် NCA
TNLA ပလောင်တိုင်းရင်းသားလက်နက်ကိုင်တပ်ဖွဲ့သည် ယနေတိုင် NCA လက်မှတ်မရေးထိုးရသေးသည့်အဖွဲ့ဖြစ်သည်။ ထို့ပြင် NCA လက်မှတ် မထိုးမှီ အရင်ရေးထိုးရန်လိုအပ်သည်ဆိုသည့် biletral ဟုခေါ်သည့် တဖွဲ့ချင်းအပစ်ရပ်လက်မှတ် ရေးထိုးခြင်းလည်းမပြုရသေးသော အဖွဲ့ဖြစ်သည်။
UNFC အဖွဲ့ဝင်တစ်ဦးဖြစ်သော PSLF/TNLAသည် လိုင်ဇာညီလာခံ လော်ခီလာညီလာခံတို့တွင်လည်းပါဝင်တက်ရောက်ခဲ့သည်။ အစိုးရ၏ UPWC နှင့် တွေ့ဆုံဆွေးနွေးခဲ့သည့် NCCT ခေါ် တနိုင်ငံလုံးအပစ်အခတ်ရပ်စဲရေးညှိနှိုင်းရေးအဖွဲ့နှင့် SD ခေါ်အဆင့်မြင့်ကိုယ်စားလှယ်အဖွဲ့တို့၏ ကိုယ်စားပြုမှုတို့တွင် TNLA သည်လည်းပါဝင်သည်သာဖြစ်သည်။
သို့သော် MNDAA/AA တို့နှင့်အတူ TNLA အား NCA လက်မှတ်ရေးထိုးရာတွင် ပါဝင်ခွင့်အား မြန်မာစစ်ဖက်၏ ငြင်းပယ်ခြင်း ကိုခံခဲ့ရသည်။ ထို့ ပြင် ၂၀၁၅ သြဂုတ်လကုန်ပိုင်းက မြန်မာစစ်ဖက်ခေါင်းဆောင် ကာချုပ်ဖြစ်သူက MNDAA/TNLA/AA အဖွဲ့ ၃ ဖွဲ့အပြင် KIA တပ်မဟာ ၄ တို့အား လက်နက်စွန့်ရမည်ဆိုခဲ့သည်။၂၀၁၅ သြဂုတ်လအတွင်း NCA သဘောတူ ညီချက်ကို အခြေခံအား ဖြင့် နှစ်ဖက်ညှိနှိုင်း၍ရခဲ့သော်လည်း ပါဝင်လက် မှတ်ထိုးမည့်အဖွဲ့များနှင့်ပတ်သက်၍ ညှိနှိုင်းမရခဲ့ ပေ။
ထို့ကြောင့်လည်းနောက်ဆုံးညှိနှိုင်းမှုကို ၂၀၁၅စက်တင်ဘာ ၉ ရက်နေ့က သမတဦးသိန်းစိန် ကိုယ်တိုင်တက်ရောက်သည့် အစည်းအဝေးတွင်ညှိနှိုင်းခဲ့သည်။ ထိုအစည်းအဝေးသို့ KIO/SSPP/KNPP/NMSP/KNU တို့မှ ထိပ်သီးခေါင်းဆောင်တို့တက်ရောက်ညှိနှိုင်းခဲ့ကြသည်။ ထိုဆွေးနွေးပွဲတွင်TNLA နှင့် biletral အပစ်ရပ်လက်မှတ်အရင်ထိုး ပြီး NCA လက်မှတ်ထိုးရာတွင် ပါဝင်ခွင့်ပြုမည်ဆိုခဲ့သော်လည်း MNDAAနှင့် AA တို့ပါဝင်လက်မှတ်ထိုးရေးကား ညှိနှိုင်းမရခဲ့ကြပေ။
TNLA အနေနှင့် ၂၀၁၃ နှစ်လည်ပိုင်းကတစ်ကြိမ် UPWC နှင့်အပစ်ရပ်ဆွေးနွေးခဲ့သော်လည်း ပြေလည်မှုမရချေ။ ၂၀၁၅ စက်တင်ဘာ ၉ ရက်နေ့တွင် နေပြည်တော်ထိပ်သီးဆွေးနွေးပွဲရလဒ် ထွက်ပေါ်လာပြီးနောက် ၂၀၁၅ စက်တင်ဘာ ၁၀ ရက် တွင် TNLA နှင့် MNDAA ကိုးကန့် AA ရခိုင် ၃ ဖွဲ့ပေါင်း၍ NCA လက်မှတ်ရေးထိုးရာတွင် အားလုံးပါဝင်ရေးကို ရပ်ခံမည်ဖြစ် ကြောင်း ကြေငြာချက်ထုတ်ပြန်ခဲ့သည်ကို တွေ့ရသည်။ ၂၀၁၅ စက်တင်ဘာ ၂၇ ရက်တွင် NCA လက်မှတ်ရေးထိုးရာတွင်တိုင်းရင်းသားလက်နက်ကိုင်အဖွဲ့အချို့ကို ချန်လှပ်ထားပါက ပါဝင်လက်မှတ်ရေးထိုးမည်မဟုတ်ဟုTNLA တဖွဲ့တည်း ထပ် မံကြေငြာခဲ့သည်ကို တွေ့ရသည်။ ထို့နောက်တွင် TNLA နှင့် biletral လက်မှတ်ရေးထိုးသည့်သတင်း မကြားရတော့ဘဲ NCA လက်မှတ်ရေးထိုးရာတွင် TNLA လည်းမပါဝင်ခဲ့တော့ပေ။
၂၀၁၅ နိုဝင်ဘာ ၁၁ ရက်နေ့ TNLA တဖွဲ့တည်းထုတ်ပြန်ချက်အရလည်းကောင်း၊ ၂၀၁၅ နိုဝင်ဘာ ၁၈ ရက်နေ့ TNLA/MNDAA/AA ၃ ဖွဲ့ပေါင်းထုတ်ပြန်ချက်အရလည်းကောင်း၊ TNLA အနေဖြင့် NLD အစိုးရသစ်ဖွဲ့စည်းနိုင်လာသည့်ကာလ တွင် အပစ်ရပ်ရေး ငြိမ်းချမ်းရေးဆွေးနွေးနိုင်ရန် မျှော်လင့်သည်ဟု ဖေါ်ပြထားသည်ကို တွေ့ရပါသည်။
၂၀၁၅ နိုဝင်ဘာ ရွေးကောက်ပွဲအပြီး နိုဝင်ဘာ ၁၁ ရက်နေ့တွင် TNLA တဖွဲ့တည်းကလည်းကောင်း၊ နိုဝင်ဘာ ၁၈ ရက်တွင် MNDAA/AA/TNLA ၃ ဖွဲ့ပေါင်း၍လည်းကောင်း ရွေးကောက်ပွဲတွင်အနိုင်ရသည့် NLD အစိုးရသစ်လက်ထက်တွင် သူတို့၏ငြိမ်းချမ်းရေးမျှော်လင့်ချက်ကို ဖေါ်ပြခဲ့သည်။
ရွေးကောက်ပွဲတွင်အနိုင်ရသည့် NLD ပါတီခေါင်းဆောင် ဒေါ်အောင်ဆန်းစုကြည်ကလည်းNCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့ ၈ ဖွဲ့နှင့် သီးခြားတွေ့ဆုံရာတွင်၎င်း ၂၀၁၆ ဇန္နဝါရီ ၁၂ ရက်နေ့ နေပြည်တော်ငြိမ်းချမ်းရေးညီလာခံတွင်၎င်း သူမ၏အစိုးရသစ်လက်ထက် ငြိမ်းချမ်းရေးလုပ်ငန်းစဉ်တွင် အားလုံးပါဝင်နိုင်ရေးကို ဆောင်ရွက်သွား မည်ဟုဆိုခဲ့သည်။ သို့ဖြစ်ရာ NLD အစိုးရသစ်လက်ထက် ငြိမ်းချမ်းရေးလုပ်ငန်းစဉ်များတွင် TNLA ပလောင်တိုင်းရင်းသားလက်နက်ကိုင်တပ်ဖွဲ့ကို တွေ့ရလိမ့်မည်ဟု မျှော် လင့်ရပေသည်။
ဆက်လက်ဖေါ်ပြပါမည်
photo credit Mungdungla Wawhkyung