ေ အာ င်ေ ၀း - ပ င် လုံ



ေ အာ င်ေ ၀း - ပ င် လုံ
(မိုးမခ) သြဂုတ် ၃၁၊ ၂၀၁၆


အိုးကို လုံအောင် ဖုံးပါ
မလုံရင် ...
အိုးမလုံ အုံပွင့်တာက နောက်
ယင်အုံမှာက အရင်။


ခြံကို လုံအောင် ခတ်ပါ
မလုံရင် ...
ခြံခုန်မယ့် နွားတွေက နောက်
ခွေးဝင်မှာက အရင်။

ခေါင်ကို လုံအောင် မိုးပါ
မလုံရင် ...
မိုးယိုတာက နောက်
ကြယ်ယို လ,ယိုမှာက အရင်။

ပင်လုံ
အတိတ်ကို လုံအောင် ထားပါ
မလုံရင် ...
သမိုင်း သိုးမှာက နောက်
သမိုင်း အခိုးခံရမှာက အရင်။ ။

ေ အာ င်ေ ၀း
(ဇူလိုင် ၁၀၊ ၂၀၁၆)
သရုပ်ဖော် - နီဂျူလိုင်