မောင်မောင်စိုး ● ဒေါ်အောင်ဆန်းစုကြည်နှင့် တိုင်းရင်းသားအရေး ငြိမ်းချမ်းရေး - အပိုင်း (၂)

မောင်မောင်စိုး ● ဒေါ်အောင်ဆန်းစုကြည်နှင့် တိုင်းရင်းသားအရေး ငြိမ်းချမ်းရေး - အပိုင်း (၂)
(မိုးမခ) ဒီဇင်ဘာ ၃၁၊ ၂၀၁၆

● တပ်ပေါင်းစုသဘောထား
၂၀၁၅ ခုနှစ် ရွးကောက်ပွဲကာလအထိ NLD ၏ရပ်တည်လုပ်ဆောင်ချက်တွင် မိမိပါတီနှင့် လူထုထောက်ခံမှုကိုသာ အလေး ထားခဲ့သည်။ မဟာမိတ် တပ်ပေါင်းစုများနှင့်ပတ်သက်၍ အလေးမထားခဲ့ဟုဆိုနိုင်ပါသည်။ နိုင်ငံရေးပါတီတရပ်အနေနှင့် မိမိပါတီအင်အား လူထုအင်အားကို အလေးထားရမည်ဖြစ်သော်လည်း ကျန်သောဒီမိုကရက်တစ်အင်အားစုများကို မဟာ မိတ်ဖွဲ့၍ အင်အားပိုမိုတောင့်တင်းစေရန် ဆောင်ရွက်ရန်လိုအပ်သည်။ ထို့ပြင် တိုင်းရင်းသားပြည်နယ်များ၌ အမျိုးသားတန်း တူရေး ရှေ့တန်းရောက်နေပြီးနှစ်ကာလရှည်ကြာ လက်နက်ကိုင်ပဋိပက္ခအဆင့်ထိ ဖြစ်ပွားနေသော တိုင်းပြည်တခုတွင် တိုင်းရင်းသားများနှင့် မဟာမိတ်ဖွဲ့ရေး တပ်ပေါင်းစုဖွဲ့ရေးသည်မဖြစ်မနေထည့်သွင်းစဉ်းစားရန်လိုအပ်ပေမည်။

သို့သော် NLD ပါတီသည် တပ်ပေါင်းစုအားထက် မိမိပါတီအင်အားနှင့် လူထုထောက်ခံမှုကိုသာ အလေးထားခဲ့သည်ကို တွေ့ရသည်။ ၁၉၉၀ ခုနှစ်ရွေးကောက်ခံအမတ်များကို ကိုယ်စားပြုသည့် CRPP ခေါ် လွှတ်တော်ကိုယ်စားပြုကော်မတီ တခုသာ တိုင်းရင်းသားပါတီများနှင့် လက်တွဲလုပ်ခဲ့သော်လည်း ရေရှည်နိုင်ငံရေးမဟာမိတ်အဖြစ် တပ်ပေါင်းစုတရပ်တည် ဆောက်လုပ်ကိုင်ခြင်းမရှိပေ။

ထို့ကြောင့်ပြည်နယ်များတွင်ယှဉ်ပြိုင်ရာတွင် NLD အားသာသောနေရာများတွင် ပြဿနာမရှိသော်လည်း ရှမ်းပြည်နယ်ကဲ့သို့ တိုင်းရင်းသားပါတီများအားကောင်းလည်းရှိ ကြံ့ခိုင်ရေးပါတီက ပြည်သူစစ်များမှတဆင့် သိမ်းစည်းရုံးသိမ်းသွင်းနိုင်သည့် ရှမ်းပြည်နယ်တွင် တပ်ပေါင်းစုပေါ်လစီကို ပြန်လည်သုံးသပ်ရန်လိုအပ်သည်။ အကယ်၍သာ NLD အနေနှင့် SNLDနှင့် ပူးပေါင်းပြီး နှစ်ပါတီ အမတ်နေရာခွဲဝေကာ နှစ်ပါတီထောက်ခံမဲများကိုစုစည်းယှဉ်ပြို င်ပါက ရှမ်းပြည်နယ်တွင် ကြံ့ခိုင်ရေးပါတီ အသာမရနိုင်ပေ။အမတ်နေရာများကို NLD နှင့် SNLD ခွဲဝေရယူနိုင်သည်။ ယခုတော့ ထိုသို့မဟာမိတ်ဖွဲ့မှုမရှိသည့်အတွက် မဲကွဲပြီး ကြံ့ခိုင်ရေးပါတီက အမတ်နေရာ အများစု ဖြစ်သွားခဲ့ပေသည်။

ထို့ပြင်ဒေသအလိုက် အားကောင်းသော တိုင်းရင်းသားပါတီများဖြစ်သည့် TNP တအန်းအမျိုးသားပါတီ PNO ပအို့အမျိုးသား အဖွဲ့ချုပ် ANP ရခိုင်အမျိုးသားပါတီတို့ သြဇာရှိသော ဒေသများတွင် ဝင်ရောက်ယှဉ်ပြိုင်အနိုင်ရရန် မလွယ်ကူပေ။ ဒေါ် အောင်ဆန်းစုကြည် ကိုယ်တိုင်သွားရောက်စည်းရုံးရေးဆင်းခဲ့သော ဆီဆိုင်/ဟိုပုန်းစသည့် ပအို့ဝ်ကိုယ်ပိုင်အုပ်ချုပ်ရေးဒေသတွင် PNO ကသာ အပြည့်အဝ အနိုင်ရခဲ့သည်။ ထိုအတူ TNP ကလည်း တအန်းကိုယ်ပိုင်အုပ်ချုပ်ရေးဒေသတွင်မက နမ့်ခမ်း ကွတ်ခိုင်မြို့နယ်များတွင်ပါ အနိုင်ရခဲ့သည်။ အလားတူပင် NLD အနေနှင့် ရခိုင်ပြည်နယ်တောင်ပိုင်းတွင်သာ အင် အားကောင်းပြီး ANP ပါတီက ရခိုင်ပြည်နယ်မြောက်ပိုင်းတွင် လွှမ်းမိုးထားနိုင်သည်ကို ရွေးကောက်ပွဲရလဒ်မထွက်မှီကပင် တွက်ချက်ထားနိုင်ပေသည်။ ရခိုင်ပြည်နယ်မြောက်ပိုင်းသည် ဒေါ်အောင်ဆန်းစုကြည်၏ မြန်မာပြည်အနှံ့ စည်းရုံးရေးခရီး စဉ်များတွင်လည်း ပါဝင်ခဲ့ဘူးခြင်းမရှိပေ။

ထိုသို့သော ဒေသအလိုက်သြဇာရှိသော အင်အားရှိသော နိုင်ငံရေးပါတီများအား မဟာမိတ်ဖွဲ့ထားရန် တဆင့်တက် တပ် ပေါင်းစုဖွဲ့ထားရန်မှာရေရှည်နိုင်ငံရေးရည်မှန်းချက်အတွက် လိုအပ်မည်ယူဆရသည်။ သို့သော် NLD အနေနှင့် တပ်ပေါင်းစု ပေါ်လစီကို အလေးထားခြင်းမရှိပေ။ NLD အနေနှင့် သူ၏ဗဟိုဦးစီးစနစ်ကို နာခံ၍ လုပ်ဆောင်မည့် သူမ၏ ပါတီဝင်များနှင့် သူမအားအကြွင်းမဲ့ထောက်ခံသောလူထုအားကို ပို၍နှစ်သက်လိုလားပုံရသည်။ ပို၍အားထားပုံရသည်ဟု ဆိုရမည်။

ထို့ကြောင့်လည်း ၁၉၈၈ ခုနှစ် အရေးတော်ပုံမှစ၍ NLD နှင့်အတူလက်တွဲခဲ့သည့်ပြင် အနီးခေတ်ကာလ ၂၀၁၃ /၂၀၁၄ ခုနှစ်များက တပြည်လုံးအနှံ့အပြားပြု လုပ်ခဲ့သည့် ပုဒ်မ ၄၃၆ ပြင်ဆင်ရေး အခြေခံဥပဒေပြင်ဆင်ရေးလှု ပ်ရှားမှု များတွင် တက်ကြွစွာပါဝင်လက်တွဲခဲ့သည့် ၈၈ ငြိမ်း/ပွင့် အင်အားစုများကို တပ်ပေါင်းစုအဖြစ် ရေရှည်လက်တွဲခေါ်ယူရမည့် ဒီမို ကရက်တစ်အင်အားစုများအဖြစ် သဘောထားပြီး NLD ကတင်သည့် လွှတ်တော်ကိုယ်စားလှယ်လောင်းစာရင်းတွင် ထည့် သွင်းခဲ့ခြင်းမရှိပေ။

ဤသို့ထည့်သွင်းခဲ့ခြင်းမရှိသည်မှာ ပါတီဗဟိုဦးစီးစနစ်ကို တသွေမတိမ်းနာခံမည့် ပါတီဝင်များကိုသာ အလေးထားအားပြုမည့် NLD ပါတီ၏ပေါ်လစီကို ဖေါ်ပြလိုက်ခြင်းဖြစ်သည်။ သို့သော် လက်ရှိမြန်မာပြည်နိုင်ငံရေးအခြေအနေအောက်တွင် မတူကွဲ ပြားသော နိုင်ငံရေးအင်အားစုများ မတူကွဲပြားသော တိုင်းရင်းသားအင်အားစုများ တည်ရှိနေပေရာ ထိုအင်အားစုများအားစုစည်းခေါင်းဆောင်နိုင်ရန် အင်အားတည်ဆောက်နိုင်ရန် ခိုင်မာသည့် တပ်ပေါင်းစုပေါ်လစီတရပ် မဟာမိတ်ဖွဲ့မှု တရပ် လိုအပ်သည်မလိုအပ်ကို လက်တွေ့တည်ရှိနေသော အခြေအနေများကို မှန်မှန်ကန်ကန် မျက်မှောက်ပြု ၍သုံးသပ်ကြရန် လိုအပ်ပါသည်။

● အမျိုးသားရင်ကြားစေ့ရေးနှင့် တိုင်းရင်းသားပါတီများ
ရွေးကောက်ပွဲအပြီး ဒေါ်အောင်ဆန်းစုကြည်နှင့် NLD ၏ ကြွေးကြော်သံမှာ အမျိုးသားရင်ကြားစေ့ရေးဖြစ်သည်။ အားလုံး မျှော်လင့်လက်ခံကြသည့် အချက်ဖြစ်သည်။ အမျိုးသားရင်ကြားစေ့ရေးကြွေးကြော်သံအောက်တွင် ဦးသိန်းစိန် ဦးရွှေမန်း ကာကွယ်ရေးဦးစီးချုပ်တို့နှင့် တွေ့ဆုံရန် ဒေါ်အောင်ဆန်းစုကြည်ကတောင်းဆိုစာပို့ခဲ့ပြီး ထို ၃ ဦးအပြင် နအဖ ခေါင်းဆောက် ဟောင်း ဦးသန်းရွှေနှင့်ပါ တွေ့ဆုံပြီး အာဏာလွှဲပြောင်းရေးကို ချောမောစွာပြု လုပ်နိုင်ခဲ့သည်။ အများကြို ဆိုလက်ခံခဲ့ကြပါ သည်။

သို့သော် ထိုသို့တပ်မတော် လက်ရှိခေါင်းဆောင်များနှင့်ရော ခေါင်းဆောင်ဟောင်းများနှင့် ရင်ကြားစေ့နိုင်ရန် ကြိုးပမ်းသည့်တချိန်တည်းတွင်ရွေးကောက်ပွဲတွငင် အနိုင်ရခဲ့သည် တိုင်းရင်းသားပါတီများနှင့် တွေ့ဆုံဆွေးနွေးလိမ့်မည်ဟု မျှော်လင့်ခဲ့ကြ သော်လည်း ထိုသို့ဖြစ်မလာခဲ့သည်အံ့သြစရာဖြစ်ခဲ့သည်။ အထူးသဖြင့် ရခိုင်ပြည်နယ်လွှတ်တော်တွင် အမတ်အများစုရရှိ ထားသော ANP နှင့်၎င်း ရှမ်းပြည်နယ်လွှတ်တော်တွင် ဒုတိယအမတ်အများစုရရှိထားသော SNLD နှင့် သက်ဆိုင်ရာ ကိုယ်ပိုင်အုပ်ချုပ်ရေးဒေသများတွင်အပြည့်အဝအနိုင်ရပြီး လွှတ်တော်တွင်း၌ သင့်တင့်သောအမတ်အရေအတွက်ရရှိသည့် TNP / PNO ပါတီများနှင့်၎င်း မည်သည့်တွေ့ဆုံညှိနှိုင်းမှု များမရှိခဲ့သည်မှာ အံ့အားသင့်ဘွယ်ဖြစ်ပေသည်။

တချိန်တည်းတွင် ထိုသို့သော တိုင်းရင်းသားပါတီများနှင့် တွေ့ဆုံဆွေးနွေးခြင်းမရှိသော်လည်း တိုင်းရင်းသားပါတီများမှ ခေါင်းဆောင်အချို့ အားလွှတ်တော်နှင့်အစိုးရအဖွဲ့တွင် တိုက်ရိုက် တာဝန်ပေးအပ်ခဲ့ရာ တိုင်းရင်းသားပါတီတို့ မကြေလည်မှု ဖြစ်ခဲ့သည်ကို တွေ့ရသည်။ ဤနေရာတွင် အပြန်အလှန်စဉ်းစားကြည့်ရန် လိုအပ်သည်မှာ NLD ပါတီဝင်တယောက်အား NLD ပါတီ၏ တာဝန်ပေးချက်မရှိဘဲ ဤသို့ပြုမူဆောင်ရွက်ပါက ပါတီတရပ်အနေနှင့် လက်ခံနိုင်ဘွယ် ရှိမရှိဆိုသည့် အချက် ဖြစ်ပါသည်။

ရခိုင်ပြည်နယ်နှင့်ပတ်သက်၍ ပြည်နယ်အစိုးရဖွဲ့စည်းရေးနှင့်ပတ်သက်ပြီး ၂၀၀၈ အခြေခံဥပဒေအရ ပြည်နယ်လွှတ်တော်က ရွေးချယ်ဖွဲ့စည်းခွင့်မရှိချေ ။ ၂၀၁၁-၂၀၁၅ လွှတ်တော်သက်တမ်းအတွင်း အဆိုပါအခြေခံဥပဒေပြဌာန်းချက်အား ပြင်ဆင်ပြီး ပြည်နယ်လွှတ်တော်မှ ပြည်နယ်အစိုးရအားရွေးချယ်တင်မြှောက်နိုင်ရေးအတွက် အဆိုပြု ခဲ့ကြသေးသော်လည်း မဲခွဲဆုံး ဖြတ်ရာတွင် အရေးနိမ့်ခဲ့သည်။ ထိုအခါက ပြည်နယ်လွှတ်တော်မှ ပြည်နယ်အစိုးရဖွဲ့စည်းရေးအတွက် အရေးနိမ့်ခဲ့သည့် အဆိုအား ထောက်ခံရာတွင် NLD အမတ်များပါဝင်ခဲ့သည်။

၂၀၁၆ NLD အစိုးရဖွဲ့စည်းရာတွင် ပြည်နယ်လွှတ်တော်တွင် အမတ် အများစုအသာ မရသည့် ရှမ်းပြည်နယ်နှင့် ရခိုင်ပြည်နယ်တို့တွင်တွင်လည်း၂၀၀၈ ခုနှစ်အခြေခံဥပဒေအရ NLD သမတမှ NLD ဝန်ကြီးချု ပ်များခေါင်းဆောင်သည့်ပြည်နယ်အစိုးရများဖွဲ့စည်းခဲ့သည်။ အသွင်ကူးပြောင်းရေးကာလတွင် NLD ပြည်ထောင်စုအစိုးရပေါ်လစီကို အာမခံနိုင်ရန် NLD ပြည် နယ်ဝန်ကြီးချုပ်များကို ရွေးချယ်ခန့်ထားသည်ကို နားလည်၍ရနိုင်ပါသည်။

သို့သော် ထိုပြည်နယ်အင်အားကောင်းသော ANP SNLD စသည့် တိုင်းရင်းသားပါတီများ ဆွေးနွေး၍ သဘောတူညီမှု ယူကာ လုပ်ဆောင်ခြင်း မရှိခဲ့သည်က လိုအပ်ချက်ဟုဆိုရပါမည်။ အဘယ်ကြောင့်ဆိုသော် အဆိုပါတိုင်းရင်းသားပါတီများအနေနှင့် NLDကဖိတ်ခေါ်ဆွေးနွေး၍အစိုးသစ်ဖွဲ့စည်းရေးနှင့် ပူးပေါင်းဆောင်ရွက်ရေးကို မျှော်လင့်ခဲ့ကြသော်လည်း ၎င်းတို့ပါတီများအနေနှင့် မျှော်လင့်ထားသည့် ကမ်းလှမ်းမှု မျိုးမရခဲ့ကြ၍ စိတ်ပျက်လက်ပျက်ဖြစ်သွားခဲ့ကြသည်။ တိုင်းရင်းသားပါတီခေါင်းဆောင်များအဖို့ သူတို့လူမျိုးပြည်သူအများစု ထောက်ခံမှုရရှိထားသည့် သူတို့၏ နိုင်ငံရေးအခန်းကဏ္ဍကို အသိမှတ်ပြု ခြင်းမခံရသည့်အပြင် ၎င်းတို့ပြည်နယ်အရေးနှင့်ပတ်သက်ပြီး ၎င်းတို့အား NLD မှ နိုင်ငံရေး ဆွေးနွေးဖက်အဖြစ်သဘောမထားခဲ့သည့်အတွက် စိတ်ပျက်သွားကြသည်ကို သူတို့၏ ပြောဆိုရပ်ခံချက်များမှ တွေ့မြင်နိုင်သည်။ တိုင်းရင်းသားပါတီများအနေနှင့်သူတို့တိုင်းရင်းသားများ၏ Identity ကိုယ်ပိုင်လက္ခဏာကို ထိပါးသည်ဟု ယူဆကြပုံရသည်။

လက်တွေ့ဖြစ်ပေါ်သည့် အကျိုးဆက်ကို ကြည့်လျင် ရခိုင်ပြည်နယ်တွင်ANP ပါတီသည် ရခိုင်ပြည်နယ်အစိုးရဖွဲ့စည်းရာ တွင် ပူးပေါင်း ပါဝင်ခြင်းမရှိခဲ့တော့ပေ။ ဆက်တိုက်ဆိုသလိုပင် NLD ပြည်ထောင်စုအစိုးရ၏ ရခိုင်ပြည်နယ်ဖွံ့ဖြိုးရေးအစီ အစဉ်များနှင့်ပတ်သက်၍၎င်း မစ္စတာကိုဖီအာနန်ဦးစီးသည့် ရခိုင်ပြည်နယ်အကြံပေးကော်မရှင်နှင့်ပတ်သက်၍၎င်း ANP ပါတီ ဆွေးနွေးညှိနှိုင်းမှု မရှိသကဲ့သို့ ANP ပါတီနှင့် ANP ပါတီကအများစုဖြစ်သည့်ပြည်နယ်လွှတ်တော်တို့ကလည်း ပူးပေါင်း ဆောင်ရွက်ခြင်း မရှိခဲ့ပေ။ အကျိုးဆက်ကား ANP အားထောက်ခံထားကြသည့် ရခိုင်ပြည်သူအများစု၏ ပူးပေါင်းဆောင်ရွက်မှု မရသည့်ပြင် ကန့်ကွက်မှု တွေ့ကြုံ နေရပေသည်။

အကယ်၍သာ အမျိုးသားရင်ကြားစေ့ရေးမူဝါဒအတိုင်း ရခိုင်လူထုအများစု ထောက်ခံမှု ရရှိထားသည့် ANP ပါတီနှင့် ဆွေးနွေးညှိနှိုင်း၍ မဟာမိတ်ဖွဲ့ထားနိုင်ပါက ရခိုင်ပြည်နယ်အစိုးရဖွဲ့စည်းရာတွင်၎င်း ရခိုင်ပြည်နယ်ဖွံ့ဖြိုးရေးလုပ်ငန်းများ တွင်၎င်း ရခိုင်ကော်မရှင်လုပ်ငန်းများတွင်၎င်း ANPပါတီနှင့် ရခိုင်လူထု၏ ပူးပေါင်းဆောင်ရွက်မှု ရှိပြီး လုပ်ငန်းများ ချောမွေ့နိုင်ပါသည်။

အလားတူပင် ရှမ်းပြည်တွင် ဒုတ်ိယလူထုထောက်ခံမှု ရထားသော SNLD နှင့်ဖြစ်စေ သက်ဆိုင်ရာကိုယ်ပိုင်အုပ်ချုပ်ရေးဒေသများတွင် ထောက်ခံမှု အပြည့်အဝရထားသည့် TNP ပါတီ PNO ပါတီတို့နှင့်ဖြစ်စေ မဟာမိတ်ဖွဲ့ထားနိုင်ပါက သက်ဆိုင်ရာကိုယ်ပိုင်အုပ်ချုပ်ရေးဒေသများအတွင်း အုပ်ချုပ်ရေးလုပ်ငန်းများ ဆောင်ရွက်ရာတွင်ဖြစ်စေ ပြည်နယ်လွှတ်တော်တွင်း လွှတ်တော်ဆိုင်ရာလုပ်ငန်းများဆောင်ရွက်ရာတွင် ဖြစ်စေ အကောက်းဆုံးပူးပေါင်းဆောင်ရွက်နိုင်ကြမည်ဖြစ်ပါသည်။

ဤအမြင်နှင့် ပတ်သက်၍ ကွဲလွဲမှု များရှိနိုင်ပါသည်။ သို့သော် ထိုပြည်နယ်များတွင် လက်ရှိဖြစ်ပေါ်နေသော အခြေအနေများ ကို ကြည့်၍ ပြန်လည်သုံးသပ်ရန်လိုအပ်ပါလိမ့်မည်။ တပ်ပေါင်းစု မဟာမိတ်နှင့် အလုပ်လုပ်ရ သည်နှင့် မိမိပါတီဝင်များနှင့် အလုပ်လုပ်ရသည်မှာ မတူပါ။ မိမိပါတီဝင်များကို ဗဟိုဦးစီးစနစ်အရ အမိန့်ပေး ချုပ်ကိုင်ရန်လွယ်ပါသည်။ မဟာမိတ်တပ်ပေါင်း စုများကို ထိုသို့ အမိန့်ပေး၍မရပါ။ အကြိမ်ကြိမ်ဆွေးနွေးညှိနှိုင်းရန် လိုအပ်ပါလိမ့်မည်။ စိတ်ရှည်ဖို့ လိုအပ်ပါလိမ့်မည်။

ဤနေရာတွင် အချို့က တိုင်းရင်းသားပါတီခေါင်းဆောင်အချို့နှင့်အမြင်ကြည်လင်ခြင်းမရှိရာ ထိုခေါင်းဆောင်အား ဦးတည် တိုက်ခိုက်ရင်းရှု ပ်ထွေးနေတတ်သည်။ ဤအချင်းအရာနှင့်ပတ်သက်၍ ရှင်းလင်းစွာကြည့်မြင်ရန်လိုသည်မှာ တိုင်းရင်းသားပါတီခေါင်းဆောင်ဆိုသည်မှာ သူလူမျိုး သူ့ပြည်နယ်ကိစ္စရပ်များတွင်သာ ကိုယ်စားပြုခွင့်ရသူများဖြစ်သည်။ ပြည်မအုပ်ချုပ် ရေးတွင် ပါဝင်စွက်ဖက်နိုင်သူများမဟုတ်ပါ။ ထို့ပြင် တပ်မတော်နှင့်ပင်ရင်ကြားစေ့ရန် လိုအပ်သည့်အချိန်တွင် တိုင်းရင်းသား ပါတီများနှင့် ရင်ကြားစေ့ရန် မလိုအပ်ပါသလော။ ဆွေးနွေးဖက်အဖြစ်သဘောထားရန် မသင့်တော်ပါသလော။

မဟာမိတ်တပ်ပေါင်းစုဖွဲ့၍ အလုပ်လုပ်ရသည်မှာ မိမိပါတီဝင်များနှင့် အလုပ်လုပ်သကဲ့သို့ အမိန့်ပေး၍မရပါ။ စိတ်ရှည်လက် ရှည် ညှိနှို င်းဆွေးနွေးရန်လိုအပ်ပါသည်။အပြန်အလှန်အလျှော့အတင်းရှိနိုင်ပြီး မိမိစိတ်တိုင်းကျ လုပ်ရန်မဖြစ်နိုင်ပါ။ သို့သော် မိမိမဟာမိတ်ဖွဲ့ထားသော ပါတီအားထောက်ခံသည့် လူထုအားပါရသဖြင့် ပိုမိုကြီးမားသော လူထုထောက်ခံမှုကို စုစည်းရနိုင် ပေသည်။ အလေးထားစဉ်းစားသုံးသပ်ကြရန် လိုအပ်ပါသည်။

ဆက်လက်ဖေါ်ပြပါမည်။

မောင်မောင်စိုး (Mg Mg Soe)

(ဧရာဝတီမြန်မာပိုင်းတွင် ဖေါ်ပြပြီးဖြစ်ပါသည်။)