လှကျော်ဇော ● ခေတ်သစ် မာရှယ်စီမံကိန်း

လှကျော်ဇော ● ခေတ်သစ် မာရှယ်စီမံကိန်း
(မိုးမခ) သြဂတ်စ် ၂၉၊ ၂၀၁၇

၂၀၁၃ ခုနှစ်မှာ တရုတ်သမ္မတ ရှီကျင့်ဖင်က တရုတ်-ဥရောပနဲ့ အာရှနိုင်ငံများရဲ့ဖွံ့ဖြိုးတိုးတက်မှု ပိုမိုအရှိန်ရလာစေရန် ပိုးလမ်းမ စီးပွားရေးစင်္ကြန်လမ်းနဲ့ ၂၁ ရာစု ရေကြောင်းပိုးလမ်းမကြီး (ကုန်းလမ်းတကြောင်း-ရေလမ်းတကြောင်း) တည် ဆောက်ရေးအဆိုကို တင်သွင်းလာပါတယ်။ ဒါတွေကို အကောင်အထည်ဖော်နိုင်ဖို့အတွက် တရုတ်က ဒေါ်လာဘီလီယံ (၄၀) နဲ့ “ပိုးလမ်းမရန်ပုံငွေ” ကိုမတည်ပြီး ဒေါ်လာဘီလီယံ (၁၀၀) နဲ့လည်ပတ်မယ့် “အာရှ အခြေခံအဆောက်အအုံ ရင်းနှီး မြှုပ်နှံမှုဘဏ်” (Asian Infrastructure Investment Bank-AIIB) တည်ထောင်ရေးမှာလည်း ရှေ့ဆောင် ရှေ့ရွက်ပြုခဲ့ ပါတယ်။

တရုတ်သမ္မတရဲ့အဆိုပြုချက်ပေါ်ထွက်လာကတည်းက တချို့လူတွေက ဒါဟာ အမေရိကန်ကဖော်ဆောင်ခဲ့ဖူးတဲ့ “မာရှယ် စီမံကိန်း” ကိုတရုတ်က အတုယူတာပဲလို့ ဆိုလာကြပါတယ်။ ဒုတိယကမ္ဘာစစ်အပြီး ဥရောပနိုင်ငံများရဲ့ စီးပွားရေးများ ပြန် နာလန်ထူလာရေးအတွက် အမေရိကန်က ဒေါ်လာ (၁၇) ဘီလီယံ (ယခုခေတ် တန်ဖိုး- ဘီလီယံ-၁၆၀) ရင်းနှီးမြှုပ်နှံပြီး လုပ် ဆောင်ခဲ့တဲ့ “ဥရောပ ပြန်လည်ထူထောင်ရေးလုပ်ငန်းစဉ်” (အဲဒီစီမံကိန်းကို ဦးဆောင်တင်သွင်းခဲ့တဲ့ အဲဒီခေတ် အမေရိကန် နိုင်ငံခြားရေးဝန်ကြီး မာရှယ်ကို အစွဲပြုပြီး “မာရှယ်စီမံကိန်း” လို့လည်း ခေါ်ပါတယ်။) ကိုဆိုလိုတာပါ။ ဒါကို တရုတ်ပညာ ရှင်များက လက်မခံပါဘူး။ အခြေခံခြားနားချက်တွေရှိတယ်လို့ ဆိုလာပါတယ်။

သူတို့ထောက်ပြတဲ့အချက်တွေကတော့....

၁။ မာရှယ်စီမံကိန်းဟာ နိုင်ငံရေးအရ ဒုတိယကမ္ဘာစစ်အပြီး ဥရောပနိုင်ငံများအပေါ် အမေရိကန်ရဲ့သြဇာလွှမ်းမိုးဖို့အတွက် ရည်ရွယ်ပြီး တဘက်ကလည်း ဆိုဗီယက်ယူနီယံ ဦီးဆောင်တဲ့အုပ်စုကိုလည်း ရင်ဆိုင်ဖို့ ဖြစ်ပါတယ်။ ဒါကြောင့် ဒီစီမံကိန်းရဲ့ အခြေခံရည်ရွယ်ချက်ကိုက အမေရိကန်ရဲ့ ထိမ်းချုပ်ရေးသေနင်္ဂဗျူဟာရဲ့ အစိတ်အပိုင်းတရပ်သာဖြစ်ပါတယ်။ တရုတ်ရဲ့ ရည်ရွယ်ချက်များမှာတော့ ဘယ်နိုင်ငံကိုမှ ပစ်မှတ်မထားပါဘူး။ ဘယ်နိုင်ငံကိုမှလည်း ဖယ်ထုတ်ဖို့ မရည်ရွယ်ပါဘူး။ နိုင်ငံ ရေးသဘောလက္ခဏာမပါဝင်ဘဲ ဘုံဖွံ့ဖြိုးတိုးတက်ရေးအတွက် ပူးပေါင်းဆောင်ရွက်ရေးအတွက်ပဲ ရည်ရွယ်ပါတယ်။ ဒါ ကြောင့်ပဲ ဒီလမ်းကြောင်းများတလျှောက်ရှိတဲ့ နိုင်ငံပေါင်း (၆၀) အနက် နိုင်ငံပေါင်း (၅၀) ကျော်က ဝမ်းသာအားရ တုံ့ပြန်တာ ဖြစ်ပါတယ်။

၂။ ဒုတိယကမ္ဘာစစ်အတွင်း စစ်ဘေးဒဏ်မသင့်တဲ့အတွက် အမေရိကန်ရဲ့စီးပွားရေးဟာ အလွန်အမင်းတိုးတက်ခဲ့ပါတယ်။ ဒါကြောင့် အမေရိကန်မှာ ထုတ်လုပ်ထားတဲ့ ပုံအောနေတဲ့ ကုန်ပစ္စည်းတွေ တင်သွင်းနိုင်မဲ့ဈေးကွက်ဖြစ်တဲ့ ဥရောပနိုင်ငံများရဲ့စီးပွားရေးတွေ ဖွံ့ဖြိုးလာရေးအတွက် မာရှယ်စီမံကိန်းက ရည်ရွယ်တာဖြစ်တယ်။ ထို့အတူပဲ တရုတ်ကလည်း သူ့ပိုလျှံနေတဲ့ ကုန်ပစ္စည်းတွေအတွက် ဈေးကွက်ရှာတာဖြစ်တယ်လို့ စွပ်စွဲမှုတွေရှိပါတယ်။ ဒါပေမဲ့ ဒီပိုးလမ်းမ (၂) သွယ် (ကုန်းလမ်းတ ကြောင်း-ရေလမ်းတကြောင်း) တည်ဆောက်မှုကြောင့် ရရှိမယ့်အကျိုးကျေးဇူးများဟာ တရုတ်ရမှာထက် အဲဒီလမ်းတ လျှောက်က နိုင်ငံများရမှာက ပိုများပါတယ်။

၃။ မာရှယ်စီမံကိန်းမှာ တောင်းဆိုချက် နှောင်ကြိုးများရှိပါတယ်။ အကူအညီလက်ခံယူတဲ့နိုင်ငံများအနေနဲ့ မိမိတို့နိုင်ငံ စီး ပွားရေးပေါ်လစီအပေါ် ကိုယ်ပိုင်ခန့်ခွဲခွင့်အာဏာတွေ လျော့ရဲအားနည်းသွားရပြီး မြီရှင်နိုင်ငံ (အမေရိကန်) ရဲ့ တောင်းဆို ချက်အရ အဆောက်အအုံပြုပြင်ပြောင်းလဲမှုများ လုပ်ဆောင်ပေးရပါတယ်။ ဒီနည်းနဲ့ အမေရိကန်ကုန်ပစ္စည်းများ ဥရောပဈေး ကွက်ထဲဝင်တဲ့အခါ အခွန်အကောက်နှုန်းတွေ လျှော့ချပေးရရုံမက ကမ္ဘာ့ကုန်သွယ်ရေးစနစ်အတွင်း အမေရိကန်ဒေါ်လာကို အဓိကငွေကြေးအဖြစ် အသုံးပြုရပါတော့တယ်။ ဒါနဲ့ဆန့်ကျင်စွာပဲ - ပိုးလမ်းမများ တည်ဆောက်ရေးစီမံကိန်းကတော့ လမ်း တလျှောက်က နိုင်ငံများအကြား ဘက်စုံ (ပေါ်လစီများ- အခြေခံအဆောက်အအုံ-ကုန်သွယ်ရေး) အဆက်အသွယ်များ (connectivity) ပိုမိုတိုးတက်လာရေးအတွက် ရည်ရွယ်ပါတယ်။ ဒီနည်းနဲ့ ငွေကြေးလည်ပတ်မှုများ ပိုမိုချောမွေ့ပြီး ပြည်သူ များ အချင်းချင်းကြားလည်း ပိုမိုနားလည်ချစ်ကြည်လာနိုင်ပါတယ်။ ဒါဟာ ဖွံ့ဖြိုးတိုးတက်ဆဲနိုင်ငံများအကြား အပြန်အလှန် အကျိုးရှိတဲ့ ပူးပေါင်း ဆောင်ရွက် ရေးများဖြစ်ပါတယ်။

၎။ မာရှယ်စီမံကိန်းမှာ အမေရိကန်ဟာ ဦးစီးမှုအခန်းကပါဝင်ပြီး အမေရိကန်အကူအညီကိုလက်ခံယူရတဲ့ ဥရောပနိုင်ငံများ ကတော့ လက်အောက်ခံနိုင်ငံများသဖွယ်ဖြစ်ရပါတယ်။ ဒါပေမဲ့ တရုတ်ရှေ့ဆောင်ရှေ့ရွက်လုပ်နေတဲ့ အာရှအခြေခံအ ဆောက်အအုံ ရင်းနှီးမြှုပ်နှံမှုဘဏ်တို့ ပိုးလမ်းမရန်ပုံငွေ စတာတို့မှာတော့ ပါဝင်သူများအားလုံး တန်းတူညီမျှရှိဖို့ အားလုံး အကျိုးအမြတ်ရရှိဖို့ ဖြစ်ပါတယ်။ ရင်းနှီးမြှုပ်နှံရာမှာသုံးမည့်ငွေကြေးကလည်း အမေရိကန်ဒေါ်လာပဲ သုံးမှာဖြစ်ပြီး တရုတ် ယွမ်ငွေသုံးမှာ မဟုတ်ပါဘူး။ ဒီစီမံကိန်းကို တရုတ်ကတင်သွင်းခဲ့တာ ဖြစ်ပေမယ့် တရုတ်က တဦးတည်းထိန်းချုပ်ထားမှာ မဟုတ်ပါဘူး။ တရုတ်က လမ်းတလျှောက်ကနိုင်ငံများအတွက် ဖွံ့ဖြိုးတိုးတက်ရေး အခွင့်ကောင်းတွေကို မျှဝေပေးဖို့ ရည် ရွယ်ပြီး တရုတ်နိုင်ငံရဲ့ (နိုင်ငံကြီးတနိုင်ငံအနေနဲ့) တာဝန်သိမှုနဲ့ စိတ်စေတနာကို ဖေါ်ပြဖို့ဖြစ်ပါတယ်။

၅။ မာရှယ်စီမံကိန်းဟာ စစ်ဒဏ်ခံလိုက်ရပေမယ့် နှိုင်းယှဉ်ချက်အရ စက်မှုလက်မှုတိုးတက်ပြီး ဥရောပနိုင်ငံများရဲ့ စီးပွားရေး တွေကို ကူညီတည်ဆောက်ပေးခဲ့တာပါ။ တရုတ်ရဲ့စီမံကိန်းမှာပါဝင်မယ့် ပိုးလမ်းမတလျှောက်က နိုင်ငံအများစုကတော့ ဆင်းရဲတဲ့နိုင်ငံများဖြစ်တဲ့အတွက် တရုတ်အတွက် တာဝန်ပိုကြီးပါတယ်။

ဒါတွေကတော့ တရုတ်ပညာရှင်များထောက်ပြတဲ့ သူတို့ရဲ့ပိုးလမ်းမစီမံကိန်းကြီးနဲ့ အမေရိကန်တွေရဲ့မာရှယ်စီမံကိန်းအ ကြား ခြားနားချက်များဖြစ်ပါတယ်။

ဘယ်လိုပဲပြောပြော ဒီစီမံကိန်းကြီးများဟာ လက်ခံရယူတဲ့နိုင်ငံများအတွက်တော့ အကျိုးရှိတာချည်းပါပဲ။ စတင်ဖော်ဆောင် လုပ်ဆောင်ကြတဲ့ နိုင်ငံကြီးများဟာလည်း နိုင်ငံရေးအရ စီးပွားရေးအရ မိမိတို့နိုင်ငံများအတွက်သေနင်္ဂဗျူဟာ အကျိုးကျေးဇူး များပေါ်က စဉ်းစားကြတာပါပဲ။

ဒါကြောင့် နိုင်ငံငယ်များအနေနဲ့ မိမိနိုင်ငံအကျိုးစီးပွားအတွက် ရနိုင်သလောက်ရရှိနိုင်အောင် အထူးသဖြင့် ပြည်သူတရပ်လုံး အကျိုးရှိရေးအတွက် ထည့်သွင်းစဉ်းစားကြရမှာဖြစ်ပါတယ်။ ဒီအတွက်တော့ အစိုးရတွေဟာ ပွင့်လင်းမြင်သာမှုရှိတဲ့ ကောင်း မွန်တဲ့အစိုးရများဖြစ်ဖို့တော့ လိုအပ်လှပါတယ်။

လှကျော်ဇော
၂၂-၂-၂၀၁၅

ကိုးကား။
Beijing Review.Feb’5;2015/