ကျော်လင်း (ရောင်စုံ) ● နှစ်ပါတီအားပြိုင်ပွဲမှာ တပ်မတော်ရဲ့ရမှတ်က ပိုများလာနိုင်မလား

ကျော်လင်း (ရောင်စုံ) ● နှစ်ပါတီအားပြိုင်ပွဲမှာ တပ်မတော်ရဲ့ရမှတ်က ပိုများလာနိုင်မလား
(မိုးမခ) ဒီဇင်ဘာ ၂၈၊ ၂ဝ၁၇

ယခုလအတွင်းဖြစ်ပွားသွားတဲ့ မောင်တောခရိုင်က အကြမ်းဖက်သတ်ဖြတ်မှုတွေအပြီးမှာတော့ ရခိုင်အမျိုးသားပါတီ (ANP) ရဲ့ပြတ်သားတဲ့ မူဝါဒတစ်ခုအဖြစ် တပ်မတော်ကာကွယ်ရေးဦးစီးချုပ်နှင့်ထိပ်တိုက် တွေ့ဆုံမှုကို ပြုလုပ်ခဲ့ကြတာကို တွေ့ရပါ တယ်။ ဒါဟာ နဂိုကတည်းက ဖြစ်ပွားနေတဲ့ပြသနာကို ဖြေရှင်းဖို့အတွက် ရခိုင်အမျိုးသားပါတီအနေနှင့် တပ်ပိုင်းဆိုင်ရာ နှင့်မဖြစ်မနေဆွေးနွေးလိုက်ရတဲ့အနေအထားပါ။ ရခိုင်ပြည်နယ်က အကြမ်းဖက်မှုတွေနှင့်ပတ်သက်ပြီး လွှတ်တော်ကနေတဆင့် အစိုးရကိုတင်ပြဖို့ကြိုးပမ်းခဲ့ပေမယ့် တင်ပြခွင့်မရတဲ့အတွက် ရခိုင်တိုင်းရင်းသားတွေရဲ့လုံခြုံရေးအတွက် လုပ်ပေးနိုင်တဲ့ တပ်မတော်ကာကွယ်ရေးဦးစီးချုပ်နှင့်တွေ့ဆုံခဲ့ရခြင်းဖြစ်တယ်လို့ ရခိုင်အမျိုးသားပါတီ (ANP)  ဥက္ကဌ ဒေါက်တာအေးမောင် က မီဒီယာတွေမှာဖြေကြားတာကို တွေ့ရပါတယ်။ နိုင်ငံတော်သမ္မတနှင့် နိုင်ငံတော်အတိုင်ပင်ခံတို့ကို ချဉ်းကပ်လို့မရတဲ့ အတွက် နောက်ထပ်အသတ်အဖြတ်မခံရအောင် အတားအဆီးလုပ်နိုင်တဲ့အဖွဲ့အစည်းနှင့် အဖြေရှာရခြင်းဖြစ်ကြောင်း ပြော ဆိုခဲ့တာကိုကြည့်ရင် ရခိုင်အမျိုးသားပါတီ (ANP) နှင့် အမျိုးသားဒီမိုကရေစီအဖွဲ့ချုပ်တို့ကြားမှာ ပြဿနာတရပ်ကို ချဉ်းကပ် ပုံခြင်းမတူကြောင်း ဖော်ပြနေပါတယ်။ အခင်းဖြစ်ပွားတဲ့နေရာကိုသွားခဲ့တဲ့ (ANP) ဒုဥက္ကဌ ခိုင်ပြည်စိုးကလည်း NLD အစိုးရ ရဲ့လုပ်ဆောင်ချက်တွေက နာရေးကူညီမှုအသင်းလိုဖြစ်နေတယ်လို့ ဝေဖန်ထားပါတယ်။

်ရခိုင်ပြည်မြောက်ပိုင်းလုံခြုံရေးနှင့်ပတ်သက်ပြီး ရခိုင်အမျိုးသားပါတီ (ANP) ဟာ လွှတ်တော်တွင်းတိုက်ပွဲ အနေနှင့်တင်ပြ တောင်းဆိုမှုတွေရှိခဲ့ပါတယ်။ ဒါပေမယ့် လက်ရှိ NLD အစိုးရဟာ ဘူးသီးတောင်၊ မောင်တောပြဿနာကို နိုင်ငံတကာရဲ့ စွပ်စွဲမှုတွေကြားမှာ ခိုင်မာတိကျတဲ့ မူဝါဒတစ်ခုချမှတ်ပြီး လုပ်ဆောင်ဖို့အတွက် လက်ရှောင်နေခဲ့တယ်လို့ဆိုရမှာပါ။ ဒီလိုဖြစ် ရတဲ့အကြောင်းတရားကလည်း ဒီမိုကရေစီအရေး၊ လူသားချင်းစာနာထောက်ထားရေး၊ တန်းတူရေးတို့ကို ရှေ့တန်းတင် လာခဲ့ပြီး အစိုးရဖြစ်လာတဲ့ NLD ဟာ လက်တွေ့ပြဿနာတွေကိုဖြေရှင်းတဲ့အခါ ပြည်တွင်းဖြစ်ပျက်မှုတွေထဲက မြေပြင်အနေ အထားတွေကို သေချာငုံမိအောင် မသိခဲ့တာတွေလည်း ရှိပါတယ်။ ဖြစ်လိုက်တဲ့ပြဿနာတိုင်းမှာလည်း နိုင်ငံတကာရဲ့ စွပ်စွဲချက်တွေကို ရင်မဆိုင်လိုတဲ့သဘောထားရှိနေတယ်လို့ သုံးသပ်ကြတဲ့သူတွေလည်း ရှိနေပါတယ်။

ဒီလိုအနေအထားမှာ ပြဿနာဖြစ်လာတိုင်း စိုးရိမ်တကြီးနှင့် ရခိုင်အမျိုးသားပါတီ (ANP) ကတင်ပြကြသလို NLD အစိုးရဖက် ကလည်း ပယ်ချခဲ့တာတွေကို တွေ့ရပါတယ်။ အောက်တိုဘာ ၉ ရက်နေ့က မောင်တောမြို့နယ် ကျီးကန်းပြင်ဌာနချုပ်ကို ဘင်္ဂါလီအကြမ်းဖက်သမားတွေ ဝင်ရောက်စီးနင်းခဲ့တာနဲ့ပတ်သက်လို့ အစိုးရက နယ်မြေရှင်းလင်းရေးနှင့် ဒေသလုံခြုံရေးကို လုပ်ဆောင်ပေးဖို့အတွက် ရခိုင်အမျိုးသား ပါတီ ကျောက်ဖြူမဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးဦးဘရှိန်က ပြည်ထောင်စုလွှတ်တော်မှာ တင်ပြခဲ့ပါတယ်။ ဒီအဆိုဟာ ပယ်ချခံခဲ့ရပါတယ်။ မကြာသေးမီကာလကလည်း မောင်တောမြို့ နယ် တရိန်းရွာက ဒေသခံနှစ်ဦးသတ်ဖြတ်ခံရမှုနှင့်ပတ်သက်ပြီး မောင်တောဒေသကို လုံခြုံရေးတိုးမြှင့်ပေးဖို့ အရေးတကြီး အဆိုကို ရခိုင်အမျိုးသားပါတီ (ANP) က ဘူးသီးတောင်လွှတ်တော်ကိုယ်စားလှယ် ဦးထွန်းအောင်သိန်းက ပြည်နယ် လွှတ် တော်မှာ တင်ပြခဲ့ပါတယ်။ ဒီအဆိုကိုကန့်ကွက်ပြီး မောင်တောဒေသမှာ တည်ငြိမ်အေးချမ်းနေပြီဖြစ်တဲ့အတွက် မှတ်တမ်း အဖြစ်သာထားရှိဖို့ပြောဆိုခဲ့သူက NLD က ပြည်နယ်အစိုးရအဖွဲ့ဝင် ဝန်ကြီး ဦးမင်းအောင်ဖြစ်နေပါတယ်။ အဆိုရှင်က  မှတ် တမ်းထားရုံလောက်နှင့် အဆင်မပြေကြောင်း ထပ်မံတင်ပြခဲ့တာကြောင့် ပြည်ထောင်စုလွှတ်တော်ကိုတင်ပြဖို့ လွှတ်တော် ဥက္ကဌက ဆုံးဖြတ်ချ ချသွားပါတယ်။ ဒီဖြစ်စဉ်တွေကိုကြည့်ရင် NLD အစိုးရဟာ ရခိုင်ပြည်အရေးကို မိမိတို့အစိုးရအနေနှင့် ဖြေရှင်းနိုင်မယ်လို့ယူဆပြီး ပြည်နယ်တွင်းပြိုင်ဖက်ပါတီလိုဖြစ်နေတဲ့ ရခိုင်အမျိုးသားပါတီ (ANP) ရဲ့တောင်းဆိုချက်တွေကို နိုင်ငံရေးအားပြိုင်မှုအဖြစ် သတ်မှတ်ခဲ့ပုံရပါတယ်။ အကျိုးဆက်ကတော့ မောင်တောခရိုင်မှာ မူဆလင်ဘာသာဝင်၊ ဗုဒ္ဓဘာ သာဝင် စတဲ့ဒေသခံတွေ အကြမ်းဖက်ခံခဲ့ရတာ ခုဆိုရင် မှုခင်း ၅ဝ ကျော်ရှိသွားပါပြီ။ ၂ဝ၁၆ ခုနှစ်အောက်တိုဘာလကနေ ၂ဝ၁၇ ဇွန်လ ၃ဝ အထိ မောင်တောဒေသမှာ အပြစ်မဲ့ပြည်သူ ၄ဝ ကျော်ဟာ အကြမ်းဖက်ခံခဲ့ရပြီး  ပျောက်ဆုံးသူ ၂ဝ ကျော် ရှိနေခဲ့ပြီလို့ နိုင်ငံတော် အတိုင်ပင်ခံရုံးက ထုတ်ပြန်ခဲ့ပါတယ်။ ဩဂုတ်​လ ၁၁ ရက်​​နေ့ကထုတ်​ပြန်​ခဲ့တဲ့ ထုတ်​ပြန်​ချက်​မှာ ​တော့ ယခုအချိန်​ထိ အကြမ်းဖက်​သတ်​မှတ်​ခံရသူ ၅၉ ဦးနှင့်​ ​ပျောက်​ဆုံး​နေသူ ၃ဝ ​ကျော်​ရှိသွားပြီလို့ ထုတ်​ပြန်​ထားပါတယ်။

သြဂုတ် ၃ ရက်နေ့ကဖြစ်သွားတဲ့ မောင်တောခရိုင် ကိုင်းကြီး ကျေးရွာကဒေသခံပြည်သူ ၈ ဦး အကြမ်းဖက်သတ်ဖြတ်ခံခဲ့ရတာ တွေဟာ အစိုးရကို ပိုမိုပြတ်သားတဲ့မူဝါဒတစ်ခုချမှတ်ဖို့ တွန်းအားတွေဖြစ်နေခဲ့ပါတယ်။ သြဂုတ်လ ၃ ရက်နေ့ နံနက်ပိုင်းက ကိုင်းကြီးကျေးရွာက ရခိုင်မျိုးနွယ်စုဝင် မြိုတိုင်းရင်းသား အမျိုးသား ၃ ဦးနှင့် အမျိုးသမီး ၅ ဦးတို့ဟာ မေယုတောင်တန်းကိုသွားပြီး တောင်ယာလုပ်ငန်းတွေကို လုပ်ကိုင်နေခဲ့တာကို အကြမ်းဖက်သမားတွေက လာရောက်ပစ်ခတ်ရာက အမျိုးသား ၂ ဦးဟာ အခင်းဖြစ်တဲ့နေရာမှာ သေဆုံးခဲ့ပြီး အမျိုးသမီး ၁ ဦးဟာလည်း ပြင်းထန်တဲ့ဒဏ်ရာတွေကို ရရှိခဲ့ကြပါတယ်။ ကျန်တဲ့ အမျိုး သမီး ၄ ဦးနှင့် အမျိုးသား ၁ ဦးဟာလည်း ပျောက်ဆုံးနေခဲ့ပြီး နောက်မှ အသက်ဆုံးပါးနေတာကိုတွေ့ရှိခဲ့ကြသလို ဒဏ်ရာရ ခဲ့တဲ့သူတွေလည်း သေဆုံးခဲ့ကြရပါတယ်။ ကိုင်းကြီးလို့ပြောနေပေမယ့် သူတို့တောင်ယာလုပ်ကိုင်ရန်သွားရတဲ့နေရာက မင်းထက်သာကျေးရွာဖြစ်ပြီး ကိုင်းကြီးနှင့် ၁ နာရီ ခြေလျင်ခရီးဖြစ်တယ်လို့ ဆိုပါတယ်။ သူတို့လုပ်ကိုင်တဲ့နေရာကတော့ မင်းထက်သာ ကျေးရွာကနေထပ်ပြီး နာရီဝက်ခရီးခန့် ဆက်သွားရတဲ့ မေယုတောင်ခြေဆိုတာပါ။ ဒီလိုခြေလျင်သွားနေရတဲ့ ခရီးမှာ ဒေသခံတွေအနေနှင့် လုံခြုံရေးလည်း အပြည့်အစုံမရှိ၊ လက်နက်ခဲယမ်းလည်း မပါရှိပဲ ဘယ်နေရာကဝင်လာမည်မှန်း မသိတဲ့ အကြမ်းဖက်သမားတွေကို ရင်ဆိုင်နေရတာကလည်း အလွန်တရာမှ လေးနက်စွာစဉ်းစားရမယ့် အနေအထားပါ။ ဖြစ်တဲ့ဒေသကို ရခိုင်အမျိုးသားပါတီက သွားရောက်လေ့လာခဲ့တဲ့အခါ ဒေသခံဘုန်းတော်ကြီးတပါးက ဒီတောင်ကုန်းတွေမှာ အကြမ်းဖက်သင်တန်းတွေပေးနေတာတွေကိုလည်း သိတယ်။ အကြမ်းဖက်သမားတွေက ရွာထဲက ဘင်္ဂါလီတွေက ရိက္ခာ တွေ သွားပို့နေတာကိုလည်းသိတယ်။ ဒါပေမယ့် သူတို့ကို လုံခြုံရေးတွေကလည်း ထိလို့ကိုမရဘူး၊ ရွာကိုလည်း အဝင်မခံဘူး ဆိုပြီး ဖြေဆိုခဲ့တယ်လို့ ကွင်းဆင်းလေ့လာခဲ့တဲ့ ရခိုင်အမျိုးသားပါတီ (ANP) က ဒုဥက္ကဌ ခိုင်ပြည်စိုးက ပြောဆိုထားတာရှိပါ တယ်။

ဒီဖြစ်ရပ်အပြီးမှာပဲ ရသေ့တောင်မြို့ နယ် စေတီပြင်တိုက်နယ်ထဲက အောက်နန်းရာ ဘင်္ဂါလီကျေးရွာမှာ မသင်္ကာသူတွေကို ဖမ်းဆီးဖို့သွားတဲ့ ရဲဝန်ထမ်းတွေကို  ကျေးရွာသား ၆ဝဝ ကျော်က ဝိုင်းပြီးရန်ပြုခဲ့တဲ့ဖြစ်ရပ်များက နိုင်ငံတော်အတိုင်ပင်ခံ ပုဂ္ဂိုလ်ထိ အလေးအနက်ထားဖို့ အကြောင်းရင်းတွေဖြစ်လာပါတယ်။ ဒီလိုအကြောင်းတရားတွေကြောင့်လည်း တပ်မတော်ကာကွယ်ရေးဦးစီးချုပ်ကလည်း ပြတ်သားတဲ့မူဝါဒချမှတ်ပြီး နှိမ်နင်းတော့မယ်ဖြစ်ကြောင်း မီဒီယာတွေမှာဖြေထားတာ တွေ့ ရပါတယ်။ ရခိုင်အမျိုးသားပါတီဖက်ကလည်း ဘင်္ဂါလီတွေကင်းမဲ့ဇုန်တွေကို ဖန်တီးပေးဖို့တောင်းဆိုထားတာကို တွေ့ရ ပါတယ်။

လက်ရှိမှာ မောင်တောခရိုင်က ဒေသခံရခိုင်မျိုးနွယ်စုတွေက ဖားရှာ၊ ငါးရှာ၊ လယ်ယာလုပ်ငန်းလုပ်ကိုင်စတဲ့ လုပ်ငန်းတွေ ကိုမလုပ်နိုင်ပဲ ဘင်္ဂါလီတွေကသာ လွတ်လပ်စွာသွားလာရဲကြတယ်လို့ ဆိုပါတယ်။ အစိုးရနဲ့နီးစပ်တဲ့ ဘင်္ဂါလီလူမျိုးတချို့ ဟာလည်း သတ်ဖြတ်ခံနေကြရပါတယ်။ အဓိကပြဿနာက တရားဥပဒေစိုးမိုးရေးပျောက်ဆုံးနေသလိုဖြစ်နေတာပါ။ ဒါဟာ တဖြည်းဖြည်းနှင့်လုံခြုံရေးချိုးဖောက်မှုကနေ နိုင်ငံတော်ရဲ့ အချုပ်အခြာအာဏာကိုထိ စိန်ခေါ်နေတယ်ဖြစ်ရပ်အဖြစ် နိုင်ငံ ရေးပါတီတွေကရော၊ နိုင်ငံရေးလေ့လာသုံးသပ်သူတွေကပါ သုံးသပ်လာကြပါတယ်။ ဒေသခံပြည်သူတွေနဲ့ နိုင်ငံရေးပါတီတွေ ကလည်း တရားဥပဒေစိုးမိုးရေးနှင့်လုံခြုံရေးကို အဓိကထားပြီး တင်ပြလာကြပါတယ်။ ကိုင်းကြီးကျေးရွာက ဒေသခံတွေ အကြမ်းဖက်ခံခဲ့ရတဲ့နောက်ပိုင်းမှာ နိုင်ငံရေးပါတီ၊ လူမှုအဖွဲ့အစည်းတွေကလည်း သဘောထားကြေငြာချက်တွေကို ထုတ်ပြန် ခဲ့ကြပါတယ်။

ဒီလိုလုံခြုံရေးကို လိုအပ်တာချင်းတူနေပါလျှက်နှင့် ရခိုင်အမျိုးသားပါတီ (ANP) နဲ့ အမျိုးသားဒီမိုကရေစီအဖွဲ့ချုပ်တို့ဟာ လုံခြုံရေးချထားရေးအတွက် တောင်းဆိုတာမှာ ဘာကြောင့်ကွဲပြားခဲ့ကြပါသလဲ။ ဖြစ်နိုင်ခြေနှစ်ခုက စစ်တပ်ကို အတင်း အကျပ်တောင်းဆိုရင် လက်ရှိ အစိုးတရပ်ရဲ့ပါဝါကို ထိခိုက်သွားနိုင်မလားဆိုပြီး NLD  က စဉ်းစားမိပုံပါ။ နောက်တချက်က ရခိုင်အမျိုးသားပါတီ (ANP) တောင်းဆိုလို့ လုပ်ပေးလိုက်ရပါတယ်ဆိုတဲ့ပုံစံမျိုးကို NLD လုပ်ကိုင်လိုစိတ်မရှိဘူးလို့ သုံးသပ်မိ ပါတယ်။ ဘာကြောင့်ဆို ယခင်လွှတ်တော် ၅ နှစ်က တစ်ဖက်တည်းမှာရှိနိုင်ခဲ့ပေမယ့် လက်ရှိအစိုးရသက်တမ်းမှာတော့ ရခိုင်အမျိုးသားပါတီဟာ အမျိုးသားဒီမိုကရေစီအဖွဲ့ချုပ် NLD ပါတီအတွက် ပြိုင်ဖက်ဖြစ်နေပါတယ်။ လုံခြုံရေးနှင့်ပတ်သက်ပြီး စစ်အုပ်စုကိုမလိုလားဘူးဆိုပေမယ့် ၁၄ ပါတီက သဘောထားထုတ်ပြန်ခဲ့တဲ့အခါ ရခိုင်အမျိုးသားပါတီ (ANP)   က ကန့်ကွက် ခဲ့ပါ တယ်။ သူတို့ရဲ့ထုတ်ပြန်ချက်မှာပါရှိတဲ့ လိုအပ်ရင် စစ်အုပ်ချုပ်ရေးနှင့်လုပ်ပေးပါဆိုတဲ့ တောင်းဆိုချက်ကို (ANP) သ ဘောမတွေ့သလို NLD လည်း သဘောတူနိုင်မှာမဟုတ်ပါဘူး။ ဒါပေမယ့် (ANP) ပါတီက ကန့်ကွက်တဲ့ချိန်မှာတော့ NLD က ဘာသိဘာသာနေနေခဲ့တာကို တွေ့ရပါတယ်။ ဒီနေရာမှာ မေးခွန်းထုတ်စရာက ၁၄ ပါတီရဲ့သဘောထားကို (ANP) သာ ထောက်ခံမှုပြုခဲ့ရင် NLD က ဘယ်လိုရှိမလဲဆိုတာပါ။ မောင်တော၊ ဘူးသီးတောင်၊ ရသေ့တောင်မှာ လှုပ်ရှားနေတဲ့ အကြမ်း ဖက်သမားတွေကိုဖော်ထုတ်ပြီး အကြမ်းဖက်တိုက်ဖျက်ရေးဥပဒေအရအရေးယူပေးရန်နှင့် အကြမ်းဖက်သမားများကြောင့် နေရပ်စွန့်ခွာလာ သောတိုင်းရင်းသားကျေးရွာတွေ ဆက်လက်ရပ်တည်နိုင်ရေးတို့အတွက် အရေးတကြီးအဆိုကို ရခိုင် အမျိုးသားပါတီ မဲဆန္ဒနယ် အမှတ် (၃) က အမျိုးသားလွှတ်တော်ကိုယ်စားလှယ် ဦးခင်မောင်လတ်က  တင်သွင်းခဲ့တဲ့အဆို ကိုတော့ ကန့်ကွက်သူမရှိခဲ့ပါဘူး။ မောင်တောခရိုင်အကြမ်းဖက်မှုနှင့်ပတ်သက်ပြီး အမျိုးသမီးလွှတ်တော်ကိုယ်စားလှယ် တစ်ဦးဖြစ်သူ ဒေါ်ထုမေကလည်း ဦးခင်​​မောင်​လတ်​ရဲ့အဆိုကို ​ထောက်​ခံ ဆွေး​နွေးခဲ့ပါတယ်​။

ရခိုင်ပြည်နယ်အစိုးရအဖွဲ့ကတော့ ၁၉၈၂ နိုင်ငံသားဥပဒေအတိုင်း စိစစ်သွားမယ်လို့ ထုတ်ပြန်ထားတာကို တွေ့ရပါတယ်။ ကြည့်လိုက်ရင် အကြမ်းဖက်မှုကိ မလိုလားမှု၊ ပြဿနာကို ပြေလည်စေမှုတို့မှာ သွားပြီးတူညီနေကြပါတယ်။ လက်တွေ့ လုပ်ဆောင်မှုတွေမှာတော့ ပါတီနှစ်ခုဟာ အားပြိုင်မှုတွေရှိနေတာကို တွေ့နေရဆဲပါ။

ဒီလိုပါတီနှစ်ခုရဲ့အားပြိုင်မှုအနေအထားမှာပဲ မေယုခရိုင်မှာ အကြမ်းဖက်မှုတွေက ဆက်တိုက်ဖြစ်လာနေပါတယ်။ တပ်မ တော်ကလည်း လာခေါ်မယ့်သူကို မျှော်နေခဲ့တဲ့သဘောပါ။ လုံခြုံရေးကို ၂ လတာ တိုးမြှင့်လိုက်တဲ့ မောင်တောခရိုင်ဟာ ခေါင်းစီးမတပ်ပေမယ့် တပ်မတော်ရဲ့အရိပ်အောက်ကို ရောက်သွားပါတယ်။ ဒေသခံတွေအနေနှင့်လည်း ယခင်လိုစိုးရိမ်စိတ် တွေ ရှိတော့မှာမဟုတ်ပါဘူး။ အထိုက်အလျောက် စိတ်လက်ချပြီး နေနိုင်လောက်တဲ့ အနေအထားပါ။ ဒီလို တပ်ဖက်က ပိုပြီး ဂရုတစိုက်ရောက်လာအောင်လုပ်ပေးခဲ့တာက လက်ရှိအစိုးရဖြစ်မနေပဲ ရခိုင်အမျိုးသားပါတီသာဖြစ်နေတာကလည်း အစိုးရတစ်ရပ်အတွက် ခံရခက်ခက်ဖြစ်စေမယ့်ကိစ္စပါ။ ဘာပဲဖြစ်ဖြစ် စစ်ပွဲတွေရှိနေသမျှကတော့ ၂ဝဝ၈ ဖွဲ့စည်းပုံကလည်း အသက်ဝင်နေဦးမှာဖြစ်ပါတယ်။ နယ်စပ်ရေး၊ ပြည်ထဲရေး၊ ကာကွယ်ရေးတို့ကိုလည်း လက်ရှိအစိုးရက လွှမ်းမိုးနိုင်အောင် ကြိုးစားရဦးမှာပါ။ ဒီလိုအနေအထားတွေမှာ ဒီမိုကရေစီအရေးကိုလိုလားခဲ့တဲ့ ရခိုင်အမျိုးသားပါတီနှင့် အမျိုးသားဒီမိုကရေစီ အဖွဲ့ချုပ်လိုပါတီတွေက ပြိုင်ဘက်လိုဖြစ်နေတဲ့အခါ တပ်မတော်ရဲ့ရမှတ်က ပိုလာတဲ့သဘောရှိပါတယ်။

ကျော်လင်း (ရောင်စုံ)
၁၁၊ ၈၊ ၂ဝ၁၇