မောင်အောင်မွန် ● ကြုံဖူး ဆုံဖူး ကြိုက်ဖူးသူများ

မောင်အောင်မွန် ● ကြုံဖူး ဆုံဖူး ကြိုက်ဖူးသူများ
(မိုးမခ) မတ်လ ၃၁၊ ၂၀၁၈

(၁)
ကျွန်တော်ငယ်စဉ်က တာရာမဂ္ဂဇင်းထဲတွင် ဒဂုန်တာရာရေးသော အောင်ဆန်း သို့မဟုတ် အရိုင်းကိုဖတ်ရ၏။ ထူးဆန်းသလို စိတ်ထဲခံစားရသည်။ မဖတ်ဖူးသော စာမျိုးကိုး။ လူကိုလေ့လာခြင်း ဟုဆရာတရာကဆိုသည်။ နောက်(၁၀)နှစ်ခန့်အကြာ ၁၉၅၅ ခု၊ နှစ်တွင် ဒဂုန်တာရာ၏ ရုပ်ပုံလွှာ စာအုပ်ထွက်လာသည်။ စာအုပ်၌ ပါဝင်သော ပန်းချီဦးအုန်လွင်၏ လက်ရာမျက်နှာဖုံး၊ ဂျာနယ်ကျော်မမလေးက ပုံနှိပ်ထုတ်ဝေပေးသည်။

သူခြယ်မှုန်းထားသော လူပုဂ္ဂိုလ်များနှင့် ခေတ်ကာလကို ကျွန်တော်ကောင်းစွာ နားလည်ခံစားတတ်လာပြီ။

(၂)
ကျွန်တော်သည် လူတစ်ယောက်အား ခွဲ၍ပိုင်း၍ ကြည့်မြင်ခြင်းကိုနှစ်သက်၏။ ကျွန်တော်ရေးသော ၀တ္ထုများမှ ဇာတ်ကောင်များ၏ စိတ်ထားအတွင်း ၀ိရောဓိကို ရေးသားနိုင်ခြင်းမှာ သူငယ်ချင်းကိုကျော်စိန် (ကွယ်လွန်သူ စိတ်ပညာပါမောက္ခ) ၏ ကျေးဇူးကြောင့်ဖြစ်ပါသည်။ အလားတူပင် မိမိပတ်ဝန်းကျင်မှ သက်ရှိလူပုဂ္ဂိုလ်တို့အား ခွဲခြမ်းကြည့်မိသည်။ သူ့အကြောင်း အတ္ထုပ္ပတ္တိ (Biography) ထက် ရုပ်ပုံလွှာမျိုးပါ။ ဥပမာ၊ သိန်းဖေမြင့်ပြုစုသည့် ဆရာလွန်း အတ္ထုပ္ပတ္တိ စာအုပ်ထက် သိန်းဖေမြင့်ရေးသော သခင်ကိုယ်တော်မှိုင်း၊ အမျိုးသားခေါင်းဆောင်မဟုတ်၊ ယဉ်ကျေးမှုခေါင်းဆောင်ကြီး ဆောင်းပါး ဖတ်ရသည်မှာ ပိုပြီးခံတွင်းတွေ့၏။ မြန်မာစာပေမှ လူ့သမိုင်းရေးပုံရေးနည်း အသစ်တစ်မျိုးဟူသော ဆရာဇော်ဂျီ၏ သုံးသပ်ချက်ကလည်း ခေါင်းထဲစွဲနေသကိုး။

(၃)
နှစ်ပေါင်းများစွာကြာလာချိန်၌ ဆရာတာရာကပင် ဖျတ်ခနဲတွေ့ရသော ရုံပုံလွှာကားချပ်များ နာမည်နှင့် ရေးပြန်၏။ နေရီရီစာအုပ်တိုက်က အတွဲလိုက်ထုတ်သည်ဆို၍ အပြေးအလွှားမှာရသည်။ ကျွန်တော်နေထိုင်ရာ ဗာဂျီးနီးယားပြည်နယ်သို့ ဦးရဲထွဋ်( ဗိုလ်တထောင်/ဟံသာဝတီ) ကအရောက်ပို့ပေး၏။ လူတွေအများ ၀ိုးတ၀ါး၊ ဆရာ့ထံယခင်ကလို တယ်လီဖုန်းဆက်ပြီး ကြာရှည်စွာစကားပြောခွင့်မရနိုင်တော့၍ ထင်မြင်ချက်မပေးနိုင်ပါ။

(၄)
ကျွန်တော်သည် Face Book ပေါ်၌ ၀တ္ထုမဟုတ်သော စာများရေးသားရင်း တစ်ခါတွင် မင်းသမီး တင်တင်မူအကြောင်းပါသွား၏။ သိထား မြင်ထား ကြိုက်ထားသည်များကို အတတ်နိုင်ဆုံး အကိုးအကားနှင့်မို့ ဖတ်သူများ အတော်ကြိုက်သွားကြသည်။ တင်တင်မူ၏ ရုပ်ရှင်နှင့် ဂီတကိုတွဲထားသော်လည်း ၀င်းဦးကိုမူ စာရေးဆရာအဖြစ်နှင့်သာ ကွက်ပြီးရေး၏။

အားတက်ကာ ဆက်ရေးဖို့ဖြစ်လာပြီ။

သည်လိုနှင့်ပင် ကိုအံ့ကြီးကွယ်လွန်ချိန်၌ သူ့အကြောင်း၊ နှမလေးသဖွယ် ချစ်ရသူတင်မိုးခိုင်၊ ပြည်ပ၌ အထူးသဖြင့် အမေရိကန်တွင် ဆုံခဲ့တွဲခဲ့ရသူ ကြေမုံဦးသောင်း တစ်ပိုင်းတစ်စ၊ ဦးဝင်ခက်---စသဖြင့်။

(၅)
ရေးတိုင်းအဆင်ပြေသည်မဟုတ်ပါ။

ကျွန်တော်တို့ အင်မတန်ချစ်သော သမ္မတာ မန်းဝင်းမောင် ဆိုပါတော့၊ လေ့လာလိုက်သည့်အခါ ရေးစရာတွေ မကုန်နိုင် များလှပါဘိ။ ဒေါက်တာထင်အောင်ကျတော့ ဖျောက်ထားဖျက်ထား၍ မနည်းရှာယူရသည်။ ဘိလပ်ပြန်သန်း ကျတော့ ကျေနပ်လောက်အောင်ရှာတွေ့၏။ ၀င်းမင်သန်းလည်း အလားတူပါ။ ဦးတင်ဦး၊ ဗဟာဒူး၊မြသန်းတင့်၊ ညွန့်ကြူး၊ တင်မိုး၊မောင်သာရ စသဖြင့် ရင်နှီးသူများကိုတော့ ရးရသည်မှာ လက်သွက်လှပါသည်။

ဤစာအုပ်ပါ ပုဂ္ဂိုလ်တို့သည် လူများသာဖြစ်ကြ၍ အဆိုးအကောင်းရှိကြပါမည်။

သို့သော်လည်း ဝေဖန်သုံးသတ်ချက်မဟုတ်၍ မျှတရန်လိုမည်လည်းမဟုတ်။ ကျွန်တော်ကြိုက်သော အကွက်ကိုသာ ကြည့်၏၊ ပြီးတော့ရေးပါ၏။ စာဖတ်သူတို့ နားလည်နိုင်ကြမှာပါ။

(၆) ကွယ်လွန်သူများအကြောင်းသာ ရေးသာမည်ဟု မူလကရည်ရွယ်ခဲ့ပါသည်။

ပြောင်းလဲဖေါက်ပြန်တတ်သည့် လူ့သဘောလူ့သဘာဝကြောင့်ပါ။ ဤအစီရင်ခံစာရေးချိန်၌ ထိုသို့သောလူတို့ မမြင်ချင်မှအဆုံး။ သို့သော်လည်း မခိုင်မာပေးသည့် စာအုပ်နာမည်ကြောင့် ရှင်နေသူများအနက် ခင်သန်းနုကိုမူ ယုံကြည်စိတ်ချ၍ ရေးလိုက်ပါပြီ။

နောက်တစ်ချက် စာအုပ်ပါလူပုဂ္ဂိုလ်များနှင့် စာရေးသူကြား အဆက်အစပ်ကိစ္စ။

ကျွန်တော်တို့ချစ်သော ကိုဗဟိန်းအား ကျွန်တော်မကြာခဏရောက်သော တကသ၊ နယူးဒေလီ All India Radio ၌ ဦးခင်ဇော် (K) ၏တပည့် မသန်းဧ (ဘိလပ်ပြန်သန်း)နှင့် ဦးခင်ဇော် (K) တည်ထောင်သော မြန်မာ့အသံ၌ လုပ်သော ကျွန်တော်၊ ခရမ်းရောင်လွင်ပြင်ရုပ်ရှင်မှ မင်းသမီး ၀င်းမင်းသန်းနှင့် ထိုစာအုပ်ကို ဘာသာပြန်သူ ကျွန်တော်--စသဖြင့် ဆွေမျိုးတော်စပ်လိုက်ပါ၏။

မန်းဝင်းမောင်နှင့် ဒေါက်တာထင်အောင်တို့အား ထိပ်ကထားပြီး၊ ကျန်ပုဂ္ဂိုလ်များကိုမူ အဆင်ပြေသလိုထား၏။ ဤစာအုပ်ကို လက်ဖက်သုတ်ဟု သဘောမထားပဲ လက်ဖက်အုတ်ဟူ၍သာ မြင်စေချင်ပါ၏။ လက်ဖက်အသား၊ ရွှေပုစွန်ခြောက်၊ မြေပဲဖွေးဖွေး၊ ကြက်သွန်ဖြူကြော်မွမွ၊ နှမ်းစိမ့်စိမ့် ကြိုက်ရာအရင်နှိုက်နိုင်ပါသည်။

ကြိုက်ရာပုဂ္ဂိုလ်ကို စဖတ်နိုင်သည်မဟုတ်ပါလား။

(၇)
ကျေးဇူးတင်စကားဆိုပါရစေ။

သတင်းစာစောင်ထုတ်ရန် ရည်ရွယ်ကြိုးပမ်းသော်လည်း အထမမြောက်သေးသူ Lin San Tyna ကစုထားသည့် ဓာတ်ပုံးများသုံးခွင့်ပေး၏။ အခြားသူများ၏ သတင်းစာများနှင့် စာရေးသူကိုယ်တိုင်ရှာဖွေထားသည်များနှင့် ဝေေ၀ဆာဆာဖြစ်လာပြီ။ အချို့မှာ ဟောင်းလွန်းနေ၍ ပုံအရည်အသွးညံ့နေပါလျှင်လည်း မှတ်တမ်းမှတ်ရာဟု သဘောထားကာ စာဖတ်သူတို့ နားလည်နိုင်ပါလိမ့်မည်။

လန်ဒန်မြို့၌ နေထိုင်သော သူငယ်ချင်း ဒေါက်တာအောင်ခင် (သမိုင်း) မပြတ်သတိပေး တိုက်တွန်းသကဲ့သို့ အတတ်နိုင်ဆုံး Research လုပ်ရေးသားပါသည်။ မိမိကိုယ်တိုင် သတင်းသမားဟု ခံယူထားသူမို့ ဤစာအုပ်ပါ အချက်အလက်များ မှန်ကန်ကြောင်း တာဝန်ယူ အာမခံပါသည်။

အစစအရာရာ စိစစ်တည်းဖြတ်ပေးသူက ၀ါရင့်အယ်ဒီတာ ဦးရဲထွဋ်( ဗိုလ်တထောင်/ဟံသာဝတီ)ပါ။

အစကနေ အဆုံးအကုန်လုံး လုပ်ဆောင်ပေးသူက Smart စာပေမှ မခိုင်မဖြစ်ပါသည်။

ဖျောက်လွယ် ပျောက်လွယ် မျက်မှောက်ကာလ၊ သမိုင်းဟူသည် မိမိလိုချင်သလို ပြောဆိုရေးသားခြင်းကိုသာ အမှန်ဟုသဘောနေကြချိန်၌ ဤစာအုပ်သည် စာဖတ်သူတို့၏ ယုံကြည်မှု ရငြားအံ့၊ ကျွန်တော်တို့ ကြိုးပမ်းရကျိုးနပ်ပါပြီဟု တွေးမိကြောင်းပါ။

မောင်အောင်မွန်
ဗာဂျီးနီးယားပြည်နယ်၊
၂၀၁၈ ခု၊ မတ်လ (၃၁) ရက်နေ့။