ကယ်လီဖိုးနီးယားက ကြားဖြတ် ရွေးကောက်ပွဲနဲ့ ဥပဒေပြု မဲဆန္ဒခံယူပွဲ

ကယ်လီဖိုးနီးယားက ကြားဖြတ် ရွေးကောက်ပွဲနဲ့ ဥပဒေပြု မဲဆန္ဒခံယူပွဲ
မိုက်ခဲစိန် (မိုးမခ) အောက်တိုဘာ ၂၄၊ ၂၀၁၈

အမေရိကားမှာ ၂ နှစ်တကြိမ် ပြည်နယ်ကော ပြည်ထောင်စုမှာပါ ရွေးကောက်ပွဲတွေ ရှိပါတယ်။ ပြည်ထောင်စုအမတ်၊ ပြည်နယ်အမတ်က အစ၊ မြို့နယ် ရပ်ကွယ် ကျောင်း ကောင်စီ လူကြီးအထိ ရွေးချယ်ရပါတယ်။ ၄ နှစ်တကြိမ် သမ္မတရွေး၊ ၂ နှစ်တကြိမ် အောက်လွှတ်တော်အမတ်ရွေး၊ ၆ နှစ်တကြိမ် အထက်လွှတ်တော် အမတ်ရွေးပြီး ပုံမှန် မြို့နယ်စည်ပင်နဲ့ ထွေအုပ် ရွေးကောက်ပွဲတွေကတော့ ၂ နှစ် တခါ မှန်မှန်လုပ်ပါတယ်။ နှစ်စဉ် နိုဝင်ဘာ ၆ ရက်မှာ ကျင်းပကြပါတယ်။ ဒီ ၂၀၁၈ နိုဝင်ဘာရွေးကောက်ပွဲကို ကြားဖြတ် (Mid Term Election) လို့ ခေါ်လဲ ဆိုတော့ သမ္မတရွေးကောက်ပွဲ ၄ နှစ်တကြိမ်၏ ကြားကာလ အလယ်မှာ ကျင်းပကြတာဖြစ်ပြီး ရွေးကောက်ပွဲအကြီးကြီးလို သမ္မတပါ ပါတဲ့ ရွေးကောက်ပွဲ မဟုတ်လို့ပါ။

မြန်မာပြည်မှာက ၂၀၀၈ အခြေခံဥပဒေအလိုအရ ပြည်နယ်နဲ့ ပြည်ထောင်စုအဆင့် ရွေးကောက်ပွဲကို ၅ နှစ် တကြိမ် ကျင်းပပါတယ်။ ထွေအုပ်နဲ့ စည်ပင်ရွေးကောက်ပွဲကတော့ ရှိလား မရှိလား မသိပါဘူး။ ရှိပုံတော့ ရပါတယ်။ နောက်ဆောင်းပါးကျမှ မေးမြန်းပြီး ရေးပါမယ်။

အမေရိကားမှာကတော့ ကျောင်းကောင်စီကအစ မြို့နယ်လူကြီး ရပ်ကွက်လူကြီး အကုန် မဲနဲ့ တိုက်ရိုက်ရွေးတာပဲ။ စိတ်မ၀င်စားလို့ မဲမပေးလည်း ရတဲ့မဲနဲ့ လူကြီး တက်လုပ်ရတာပဲ။ သည်တော့ ၂ နှစ်တခါ မဲပေးတဲ့ မဲဆွယ်တဲ့ ရာသီရှိပါတယ်။ နိုင်ငံရေး လူမှုရေးတွေ ဆွေးနွေး ညင်းခုန် ပြောဆို အသိကြွယ်ကြရပါတယ်။ စိတ်ဝင်စားရင်ပေါ့လေ။

ကယ်လီဖိုးနီးယားက တိုက်ရိုက်ဒီမိုကရေစီစနစ်လည်း ကျင့်သုံးပါတယ်။ ဆိုလိုတာက ဥပဒေပြုတာ ဥပဒေပြင်ဆင်တာမှာ ပြည်နယ်လွှတ်တော်အမတ်တွေကတဆင့် လွှတ်တော်ကနေသွားတဲ့နည်းအပြင် မဲဆန္ဒရှင်တွေက မဲဆန္ဒပြုပြီး ဥပဒေတခုခုကို တိုက်ရိုက်ပြင်ခိုင်း ပြုခိုင်းလို့ရတာပါပဲ။ အဲသည်အတွက် လှုံ့ဆော်ချင်သူတွေက အရပ်ထဲဆင်းပြီး သဘောတူကြောင်းလက်မှတ်တွေ ကောက်ကြရပါတယ်။ မဲပေးသူ၏ ၅% ကနေ ၈% ကောက်ယူနိုင်ရင် ဥပဒေအဆိုပြု ဆန္ဒခံယူချက် - (proposition) ကို ရွေးကောက်ပွဲမှာ ကိုယ်စားလှယ်ရွေးဖို့ မဲပေးရင်းနဲ့ ဥပဒေအဆိုပြုချက်ကိုပါ တခါတည်း မဲပေးနိုင်တာ ဖြစ်ပါတယ်။

ဥပမာ - ဒီကြားဖြတ်ရွေးကောက်ပွဲမှာ ကယ်လီဖိုးနီးယား ဂါဗနာ (ပြည်နယ်ဝန်ကြီးချူပ် ခေါ်ခေါ် ပြည်နယ်အုပ်ချုပ်ရေးမှူး ဆိုဆို) ကို မဲပေးပြီး ရွေးရမှာ ဖြစ်သလို  ပြည်နယ်မှာ တိုးပွားလာနေတဲ့ အိမ်ခြေမဲ့တွေကို ကူညီဖို့ ငွေ သန်း ၂၀၀၀ ဒေါ်လာ သုံးမလား မသုံးဘူးလားဆိုတာကိုပါ မဲဆန္ဒခံယူကြမှာ ဖြစ်ပါတယ်။ ဘယ်ကငွေရမှာလဲဆိုတော့ နှစ်စဉ် ဒေါ်လာ ၁သန်းအထက် ၀င်ငွေတဲ့သူတွေဆီက ၁% အခွန်တိုးကောက်ပြီး ရှာယူမှာ ဖြစ်ပါတယ်။ သည်လိုမျိုး proposition တွေ နှစ်စဉ် ကယ်လီဖိုးနီးယားမှာ ရှိပါတယ်။ သည် ၂၀၁၈ နိုဝင်ဘာမှာကတော့ မဲဆန္ဒခံယူမယ့် ဥပဒေပြုအဆို ၁၁ ခု တင်သွင်းထားပါတယ်။ မဲဆန္ဒရှင်တွေက သဘောထားပေးရမှာ ဖြစ်ပါတယ်။

Proposition 1
ငွေချေးစာချုပ်တန်ဖိုး သန်း ၄၀၀၀ ဒေါ်လာ (၄ ဘီလျံ) ထုတ်ရောင်းပြီး စစ်မှုထမ်းဟောင်းများ၊ ၀င်ငွေနည်း မိသားစုများအတွက် အိမ်ဝယ်ဖို့ ငွေချေးရန်နဲ့ တန်ဖိုးနည်း အိမ်ယာများ ပြည်နယ်အစိုးရက ဆောက်လုပ်ရန် ဖြစ်ပါတယ်။

Proposition 2
 အခွန်နှုန်းထား ပြင်ဆင်ပြီး သန်း ၂၀၀၀ ဒေါ်လာ (၂ ဘီလျံ) ဘတ်ဂျက်ဖြင့် အိုးအိမ်မဲ့များ စိတ်ကျန်းမာရေး၊ ကိုယ်ကျန်းမာရေးကို ထောက်ပံ့ ကူညီရန် ဖြစ်ပါတယ်။

Proposition 3
ငွေချေးစာချုပ် တန်ဖိုး သန်း ၈၉၀၀ ဒေါ်လာ (၈.၉ ဘီလျံ) ထုတ်ရောင်းပြီး မြစ်ချောင်းအင်းအိုင်ဆည်များ၊ ရေဝေ ရေသွင်း ရေပေးစနစ်များ ပြုပြင်ထိန်းသိမ်းရန် ဖြစ်ပါတယ်။

Proposition 4
ငွေချေးစာချုပ် တန်ဖိုး သန်း ၁၅၀၀ ဒေါ်လာ (၁.၅ ဘီလျံ) ထုတ်ရောင်းပြီး ကလေးဆေးရုံများဆေးခန်းများ အဆင့်မြင့်ရေး တိုးချဲ့ရေးအတွက် သုံးစွဲမှာ ဖြစ်ပါတယ်။

Proposition 5
အသက် ၅၅ နှင့်နဲ့ အထက် လူကြီးများ အိမ်ရောင်းတဲ့အခါ ကောက်ခံတဲ့ အိမ်မြေခွန်ကို ၁၉၇၈ ခုနှစ်တုန်းက သတ်မှတ်ထားတဲ့ အခွန်နှုန်းထားနဲ့ သက်သာစွာ ပေးဆောင်နိုင်ရေး ဥပဒေဖြည့်စွက်ချက် ဖြစ်ပါတယ်။

Proposition 6
မနှစ်က SB1 ဆိုတဲ့ မော်တော်ယာဉ်သုံးဆီအခွန်ကို ပယ်ဖျက်ဖို့ ဥပဒေအဆိုဖြစ်ပါတယ်။ မနှစ်က SB1 က ပြည်နယ် လမ်းတံတားတွေပြင်ဆင်ရန် တဂါလံကို ၁၂ ပြားနှုန်း အခွန်တိုးကောက်ထားပါတယ်။ မော်တော်ယာဉ်မှတ်ပုံတင်ကို ၅၀$ တိုးကောက်ထားပါတယ်။ သည်ဥပဒေကို ပြန်လည် ရုတ်သိမ်းဖို့ ဖြစ်ပါတယ်။

Proposition 7
အမေရိကားမှာ ပြည်နယ်အချို့နဲ့ ပြည်ထောင်စုကိုယ်တိုင် ကျင့်သုံးတဲ့ day light saving - တနေ့တာ မီးဖွင့်ခြင်း ခြွေတာရေး စနစ် ( ဆောင်းရာသီမှာ နေ့တာတိုသော်လည်း ညအချိန်ကို ရှေ့တိုးခြင်း၊ နွေရာသီမှာ နေ့တာရှည်သော်လည်း ညအချိန်ကို နောက်ဆုတ်ခြင်း၊ သဘောကတော့ လမ်းမီးထွန်းချိန်တွေကို သက်သာအောင်ပေါ့ဗျာ) ကို နှစ်ပတ်လည် ကျင့်သုံးရန် ဖြစ်ပါတယ်။ ထပ်မံရှင်းပြရရင် ပြည်ထောင်စုအဆင့် အချိန်ကို ပြင်ဆင်တာကို တနှစ်မှာ ဆောင်းမှာ တကြိမ်၊ နွေမှာ တကြမ် ကျင့်သုံးပါတယ်။ ဒါကို ကယ်လီဖိုးနီးယားကို တနှစ်ပတ်လုံး ကျင့်သုံးလိုတယ်လို့ ပြောတာ ဖြစ်ပါတယ်။ (ဥာဏ်သိပ်မမီ၊ သိပ်မရှင်းလို့ NO vote ရနိုင်ပါတယ်)

Proposition 8
 ပြည်နယ်က ပုဂ္ဂလိကကျောက်ကပ်ဆေးဌာနတွေ၏ ၀င်ငွေမှ အခွန်ကောက်ရာမှာ ပိုမိုတင်းကြပ်ရန် ဖြစ်ပါတယ်။ အမြတ်ငွေတွေကို ပိုင်ရှင်တွေချည်းနဲ့ ယူတာထက် အမြတ် ၁၁၅% အထက်ကို လူနာတွေ ၀န်ထမ်းတွေအကျိူးအတွက် ပြန်သုံးစွဲရန် ဖြစ်ပါတယ်။

Proposition 9 (တရားရုံးက ၀င်ရောက်ညှိနှိုင်းပြီး ဖြုတ်ချလိုက်ပါတယ်။ သူက ကယ်လီဖိုးနီးယားကို အပိုင်းအပိုင်း ခွဲစိတ်ပြီး ပြည်နယ် ၃ ခု အဖြစ် ပြောင်းလဲရန် ဖြစ်ပါတယ်။ အခုတော့ မဲပေးရန် မလိုတော့ပါ)

Proposition 10 
ကယ်လီဖိုးနီးယားမှာ အိမ်ဈေး အိမ်ငှားဈေးတွေ ကြီးမြင့်လှတဲ့အတွက် အိမ်ငှားဈေးကို ဆိုင်ရာ မြို့နယ်အလိုက် ထိန်းချုပ်ကြည့်ကြပ်နိုင်ခွင့် ဥပဒေလုပ်ပိုင်ခွင့် ပေးစေရန် ဖြစ်ပါတယ်။

Proposition 11
အရေးပေါ်သက်ကယ်ဝန်ထမ်းများဖြစ်တဲ့ မီးသတ်၊ ကြက်ခြေနီဝန်ထမ်းများဟာ သူတို့ရဲ့ အလုပ်ခွင်တွင်း အားလပ်ချိန်များမှာပါ အဆင်သင့်တာဝန်ထမ်းဆောင်ရန် အဆင်သင့်ရှိရန်နဲ့ သူတို့ အလုပ်ခွင်တွင်းအားလပ်ချိန်အတွက်ပါ လစာခံစားခွင့် ရှိစေရန် ဖြစ်ပါတယ်။

Proposition 12
အသားစားရန်မွေးမြူတဲ့ တိရစ္ဆာန်များကို လှောင်အိမ်ကျဉ်းများမှာ မွေးမြူရောင်းချခြင်းကို တားမြစ်တဲ့ ဥပဒေကို အဆိုဖြစ်ပါတယ်။

နိဂုံးချူပ်

မြင်တဲ့အတိုင်း ကြီးကြီးသေးသေးဥပဒေတွေ နည်းဥပဒေတွေကို လွှတ်တော်တွင်းနဲ့ အစိုးရအဆင့်မှာ အဆိုပြုပြဌာန်းကြသလို ကယ်လီဖိုးနီးယားပြည်နယ်ကတော့ လူထုမဲနဲ့ တိုက်ရိုက်အဆိုပြုတဲ့ ဥပဒေတွေ နည်းဥပဒေတွေ လိုအပ်ရင် လိုအပ်သလို ပြဌာန်းဖို့ မဲဆန္ဒခံယူကြပါတယ်။ ပထမဥပဒေကိုလည်း နောက်ဥပဒေတွေနဲ့ ဖျက်ချင် ပြင်ဆင် ဖြည့်စွက်ချင် လုပ်ကြပါတယ်။ လူထုကိုလည်း သတင်းစာ ရုပ်သံကနေ အသိပေး တင်ပြ မဲဆွယ်ကြပါတယ်။

ကယ်လီဖိုးနီးယားက မြန်မာအမေရိကန်တွေ ဘယ်လိုမဲကြမလဲဆိုတာတော့ ကျနော်လည်း မသိပါဘူးခင်ဗျာ။