ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ခင်လွန်း - ကိုယ်ရေးအကျဉ်း


google
 ကိုယ်ရေးအကျဉ်း
ခင်လွန်း
(မိုးမခ) ဇွန် ၂၇၊ ၂၀၁၇

  အမည်ရင်း
ဘဖေငြိမ်း

အခြားအမည်
ကိုသူပုန်ကြီး

ပညာရေး
အခြေခံလူတန်းစားဘဝသင်ယူထား

ထင်ရှားတဲ့အမှတ်အသား
ပုဂ္ဂိုလ်ရေးထင်ရှားမှု လုံးဝအလျဉ်းမရှိသူ

စိတ်ဝင်စားသည့်ဘာသာ
အဖိနှိပ်အနိုင်ကျင့်ခံတွေနဲ့တသားထဲဖြစ်ရေး

ကျွမ်းကျင်မှု
အာဏာရှင်ကိုအနုပညာတရပ်ရပ်နဲ့ဆန့်ကျင်နေဖို့

အလုပ်အကိုင်
အရေးတော်ပုံ ကဗျာဆရာ

သွေးအမျိုးအစား
ဗဟိန်းသွေး

နေရပ်
အောက်ဆုံးအလွှာ(မြန်မာပြည်)

-
ခင်လွန်း
၃၀.၁၁.၂၀၁၆
နံနက်- ၆:၄၀
(ဟိန်း ရာပြည့် ကဗျာ ၁၀၀ ပဒုမ္မာ စာအုပ်မှ...)

လင်းနွေးအိမ်-ပြိုကွဲခြင်းမှာအသက်ရပ်သူ

ပြိုကွဲခြင်းမှာအသက်ရပ်သူ
(မိုးမခ)၊ ဇွန် ၂၇၊ ၂၀၁၇
 

အမိမြေလွတ်မြောက်ရေးအတွက်
သွေးထွက်နေချိန်မှာ
ပြိုကွဲခြင်း
မညီညွတ်ခြင်း
ဖဲ့ထုတ်ခြင်း
သင်းခွဲခြင်း
တန်းတူညီမျှမသတ်မှတ်ခြင်း
စည်းပျက်ခြင်းတို့က
ကိုဗဟိန်းရဲ့အသက်ကိုနှုတ်သွားခဲ့တယ်။
အနှစ်တရာပြည့်ချိန်မှာ
ကိုဗဟိန်းကိုကျနော်
ညီညွတ်ရေးရဲဘော်ခေါ်သံ
ဗမာတပြည်လုံးဟိန်းအောင်အော်လိုက်တယ်။
အများစု
တိတ်ဆိတ်နေလား။

လင်းနွေးအိမ်
အောက်တိုဘာလ ၁၉ ရက် ၂၀၁၆
(သခင်ဗဟိန်း - နှစ်တရာပြည့်အထိမ်းအမှတ်)

တူမောင်ညို ● “ဘာသာရေး” ကို ခုတုံးလုပ် အသုံးချခဲ့တာကို အရှိအတိုင်းဖော်ပြခြင်း

တူမောင်ညို ● “ဘာသာရေး” ကို ခုတုံးလုပ် အသုံးချခဲ့တာကို အရှိအတိုင်းဖော်ပြခြင်း
(မိုးမခ) ဇွန် ၂၆၊ ၂၀၁၇

“၁၉၄၇ အခြေခံဥပဒေ” ကို လေ့လာတဲ့အခါ  လက်ခံနိုင်တဲ့ ပြဋ္ဌာန်းချက်တွေပါရှိသလို၊ လက်မခံနိုင်တဲ့ ပြဋ္ဌာန်းချက်တွေလည်း ပါရှိနေတာကို သတိပြုမိကြမှာပါ။ အဲဒီအထဲကမှ ဘာသာသာသနာဆိုင်ရာပြဋ္ဌာန်းချက်ကိစ္စကို သာဓကတစ်ခုအဖြစ် ဆွဲ ထုတ်တင်ပြချင်ပါတယ်။

၁၉၄၇ အခြေခံဥပဒေ။ ပုဒ်မ ၂၁ (၁) ဗုဒ္ဓဘာသာ သာသနာတော်သည် နိုင်ငံတော်၏ နိုင်ငံသားအများဆုံး ကိုးကွယ်ရာဖြစ် သော ဂုဏ်ထူးဝိသေသနှင့် ပြည့်စုံသည့် ဘာသာကြီးဖြစ်သည်ဟု ပြည်ထောင်စုနိုင်ငံတော်က အသိအမှတ်ပြုသည်။

အဲဒီပြဋ္ဌာန်းချက်ရဲ့ နောက်ခံသမိုင်းအချက်ကို အခုလိုဖတ်ရပါတယ်။

ကောက်နုတ်ချက်
(အစ)
ကျွန်တော်ဟာ ဗိုလ်ချုပ်ရဲ့အနီးအနားမှာရှိပြီး ကျွန်တော့်နားနဲ့ ဆတ်ဆတ်ကြားခဲ့ရတဲ့ တစ်သက်တာမှာ ဘယ်လိုမှမေ့ ပျောက်လို့မရအောင် စွဲနေတဲ့စကားတွေရှိပါသေးတယ်။ အဲဒီအထဲမှာ ကျွန်တော့်အတွက် ရယ်လည်းရယ်စရာ၊ မှတ်လဲ မှတ် သားစရာကောင်းတဲ့ စကားတစ်ခွန်းရှိပါတယ်။

ဒါက ကျွန်တော်တို့ အခြေခံဥပဒေ (၁၉၄၇) ကို တပိုဒ်စီ၊ တပိုဒ်စီ စပြီးဆွေးနွေးကြတဲ့အခါက ဖြစ်ပါတယ်။ အခြေခံဥပဒေ သာသာနာရေးအပိုင်းကို ဆွေးနွေးကြတဲ့အခါမှာ ဗုဒ္ဓဘာသာကို နိုင်ငံတော်ဘာသာအဖြစ်လုပ်ချင်တဲ့ အုပ်စုက တစု၊ ဗုဒ္ဓဘာ သာကို မြန်မာနိုင်ငံမှာ လူအများစုက ကိုးကွယ်တာမှန်ပေမဲ့ အခြားဘာသာတွေလည်း ထွန်းကားနေတဲ့အတွက် နိုင်ငံတော် ဘာသာအဖြစ် မလုပ် သင့်ဘူးလို့ယူဆတဲ့အုပ်စုကတစ်စု၊ နှစ်စုကွဲနေပါတယ်။ နိုင်ငံတော်ဘာသာလုပ်ချင်တဲ့အုပ်စုက လူ များစုဖြစ်ပေမယ့် ဗိုလ်ချုပ်အောင်ဆန်းက နိုင်ငံရေးနဲ့ဘာသာရေးကို ခွဲခြားထားရမယ်ဆိုတဲ့ အယူအဆကို ခိုင်ခိုင်မာမာ စွဲ ကိုင်ထားတဲ့တွက် ဗုဒ္ဓဘာသာကို နိုင်ငံတော်ဘာသာလုပ်ချင်တဲ့အုပ်စုက အလျှော့ပေးခဲ့ရပါတယ်။ ဒါပေမယ့် သူတို့ဟာ ဗုဒ္ဓ ဘာသာကို နိုင်ငံတော်ဘာသာအဖြစ် ပြဋ္ဌာန်းတဲ့အထိ မလုပ်နိုင်သော်လည်း ---

“ဗုဒ္ဓဘာသာ သာသနာတော်သည် နိုင်ငံတော်၏ နိုင်ငံသားအများဆုံး ကိုးကွယ်ရာဖြစ်သော ဂုဏ်ထူးဝိသေသနှင့် ပြည့်စုံ သည့် ဘာသာကြီးဖြစ်သည်ဟု ပြည်ထောင်စု နိုင်ငံတော်က အသိအမှတ်ပြုသည်” ဆိုတဲ့အပိုဒ်ကို အခြေခံဥပဒေ ပုဒ်မ (၂၁) ပုဒ်မခွဲ (၁) အဖြစ်နဲ့ ထည့်ဖြစ်အောင်ထည့်လိုက်ကြပါတယ်။ အဲဒီပုဒ်မကို ဆပ်ကော်မတီအစည်းအဝေးမှာ ဆွေးနွေးကြတဲ့အခါ ဗမာ- မူဆလင်ကိုယ်စားလှယ်တွေက ကန့်ကွက်ကြပါတယ်။ ဦးဆောင်ကန့်ကွက်သူက ဦးဖေခင်ဖြစ်ပါတယ်။ ကိုဖေခင်က အခု ပုဒ်မဟာ ဗုဒ္ဓဘာသာကို နိုင်ငံတော်ဘာသာလို့ဆိုတာနဲ့ သိပ်မထူးပါဘူးလို့ အကြောင်းပြပြီး ကန့်ကွက်ခဲ့ပါတယ်။

ဆပ်ကော်မတီသဘာပတိက ဗိုလ်ချုပ်အောင်ဆန်းဖြစ်ပါတယ်။

အုပ်ချုပ်ရေးအကြံပေးအရာရှိ ဦးချန်ထွန်းက ဗမာ- မွတ်ဆလင်တွေရဲ့ ကန့်ကွက်ချက်နဲ့ပတ်သက်လို့ ဖြေကြားရာမှာ ဒီပုဒ်မ ဟာ ဗုဒ္ဓဘာသာကို နိုင်ငံတော်ဘာသာအဖြစ် ကြေညာတာမဟုတ်ကြောင်း Statement of Fact တည်ရှိနေတဲ့ အခြေအနေကို အရှိ အတိုင်းဖော်ပြခြင်းသာဖြစ်ကြောင်း အကျယ်တဝင့်ရှင်းလင်းသွားပါတယ်။

ဒီအခါ သဘာပတိဗိုလ်ချုပ်က “ဒီမှာ ဦးချန်ထွန်း Statement of Fact ဆိုတိုင်း ကောင်းတာမဟုတ်ဘူး။ ဥပမာ ဦးချန်ထွန်းသည် ချီးမစားပါ ဆိုတာ Statement of Fact ပဲပေါ့။ ဒါဟာ ကောင်းသလား” လို့ မျက်နှာထားတည်တည်နဲ့ ပြောလိုက်ပါတယ်။

ဥပဒေပညာရှင်ကြီး ဦးချန်ထွန်းကတော့ ခေါင်းငုံ့ပြီး မချိုမချဉ်ပြုံးနေပါတယ်။ ဆပ်မကော်မတီ အဖွဲ့ဝင်တွေကတော့ ပါးစပ်ကို လက်ဝါးနဲ့အုပ်ပြီး ကျိတ်ရယ်နေကြပါတယ်။

ဗိုလ်ချုပ်ဟာ အများဆန္ဒကို လိုက်လျောတဲ့အနေနဲ့ ဗုဒ္ဓဘာသာနဲ့ပတ်သက်ပြီး ပုဒ်မ (၂၁) ပုဒ်မခွဲ (၁) လောက်တော့ ဖော်ပြဖို့ သဘောတူလိုက်ပါတယ်။ (အဆုံး) [ရှမ်းနိုင်ငံရေးသမားတစ်ဦး၏ သဲတစ်ပွင့်အုတ်တစ်ချပ် (နိုင်ငံရေးအတွေ့အကြုံများ) - စာမျက်နှာ ၄၄၆ ကြည့်]

အဲဒီ ပုဒ်မ (၂၁) ပုဒ်မခွဲ (၁) ကို ပဲ “၂၀၀၈အခြေခံဥပဒေ” ထဲမှာ စကားလုံးအချို့ အနည်းငယ်ပြောင်းလဲပြီး အခုလို ထည့်သွင်း ပြဋ္ဌာန်းထားပါတယ်။

၂၀၀၈ အခြေခံဥပဒေ။ ပုဒ်မ ၃၆၁ “ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏  နိုင်ငံသားအများဆုံး ကိုး ကွယ်ရာဖြစ်သော ဂုဏ်ထူးဝိသေသနှင့် ပြည့်စုံသည့် ဘာသာာသနာဖြစ်သည်ဟု နိုင်ငံတော်က အသိအမှတ်ပြုသည်”

 သူ့ကိုယ်သူ ဒီမိုကရေစီသမားပါလို့ ဆိုလေ့ရှိတဲ့ ကွယ်လွန်သူဝန်ကြီးချုပ်ဟောင်းဦးနုဟာ ဘာသာရေးကို သူ့နိုင်ငံရေးအတွက် အသုံးချခဲ့သူဖြစ်ပါတယ်။ ထူးခြားတယ်လို့ပဲဆိုရမလား - သမိုင်းရဲ့လှောင်ပြောင်သရော်ချက်ပေလားဆိုတာတော့ စာဖတ် သူများကပဲ အဆုံးအဖြတ်ပေးကြပါတော့ ဘာသာရေးသမားဆိုတဲ့ (ဆဋ္ဌသင်္ဂယနာတင်ခဲ့တဲ့)  ဦးနုဟာ ထိုင်းနယ်စပ်မှာ လက်နက်ကိုင်တော်လှန်ရေး ကိုလည်း စတိ ဖြစ်ဖြစ်တော့ လုပ်သွားခဲ့သူဖြစ်ပါတယ်။ ဗုဒ္ဓဘာသာကို နိုင်ငံတော်ဘာသာဖြစ် အောင်လုပ်ဖို့ ကြံစည်ကြိုးစားခဲ့သူဟာလည်း ဦးနုပါပဲ။ အခုချိန်မှာ ဓမ္မစစ် ဗုဒ္ဓဘာသာကိုးကွယ်ယုံကြည်ကြသူတွေအများကြားမှာ စိတ်ပျက်ရွံရှာဖွယ်ဖြစ်နေတဲ့ “အမျိုးဘာသာ သာသနာလှုပ်ရှားမှု” လို့ ခုတုံးလုပ်နေသူတွေထက် ဝန်ကြီးချုပ် ဟောင်းဦးနုက အများကြီးပိုစော/ပိုဝါရင့်တာပေါ့။

အုပ်စိုးသူများရဲ့ ကွန်မြူနစ် ဆန့်ကျင်ရေးအထွေထွေထိုးစစ်မှာ “ဘာသာရေး” ကို လက်နက်သဖွယ် (ထိုစဉ်က ဦးနုအစိုးရနဲ့ စစ်တပ်ရဲ့စိတ်ဓာတ် စစ်ဆင်ရေးဌာနတို့က တကျိတ်ထဲတဉာဏ်ထဲ) ခုတုံးလုပ် အသုံးချခဲ့ကြတာပါ။

“ဘာသာရေးကိုဗန်းပြပြီး နိုင်ငံရေးမှာ ခုတုံးလုပ်အသုံးချမှုအစ ဦးနုက”  လို့တောင် ဆိုစမှတ်ပြုလို့ ရနိုင်ပါတယ်။ ဦးနုရဲ့ “နိုင် ငံတော်ဘာသာကိစ္စ” ဟာ (KIO) ကချင်လက်နက်ကိုင်တော်လှန်မှုအတွက် ရေခံမြေခံတစ်ခုသဖွယ်ဖြစ်ခဲ့ပါတယ်။

အခုတော နိုင်ငံရေးမှာ ဘာသာရေးကို ခုတုံးလုပ်အသုံးချတဲ့ ဦးနုရဲ့အမွေကို စစ်အုပ်စုနဲ့ ကြံ့ဖွံ့ပါတီတို့ ကလည်း သူ့နည်း သူဟန်နဲ့ဆက်ခံပြီး  “အမျိုးဘာသာသာသနာ” ဆိုတဲ့ ဆိုင်းဘုတ်ထောင်ပြီး ၂၁ ရာစုမှာ အသုံးချနေပြန်ပါတယ်။

“ လူမျိုးရေး၊ ဘာသာရေး ခုတုံးလုပ် အသုံးချတယ်” ဆိုတာကို  အုပ်စိုးသူတွေကပဲလုပ်နိုင်တာဖြစ်တယ်။

အုပ်စိုးသူတွေက သူတို့အုပ်စိုးမှုကို ပြည်သူတွေက ညီညီညွတ်ညွတ်နဲ့အုံကြွဆန့်ကျင်လာတဲ့အခါ ပြည်သူအချင်းချင်း ရန် တိုက် သွေးခွဲပစ်ဖို့ အသုံးချတဲ့ မရိုးနိုင်တဲ့ လက်သုံးနည်းဟောင်းတခုသာဖြစ်ပြီး၊ ပြည်သူတွေရဲ့လည်ချောင်းသွေးနဲ့ သူတို့ အာဏာပုလ္လင်ကို ဆေးကြောတဲ့ အယုတ်မာအကောက်ကျစ်ဆုံးနည်းလည်းဖြစ်တယ်။

ညွန်း
- ရှမ်းနိုင်ငံရေးသမားတစ်ဦး၏ သဲတစ်ပွင့်အုတ်တစ်ချပ် (နိုင်ငံရေးအတွေ့အကြုံများ) - ဦးထွန်းမြင့် (တောင်ကြီး) [ပထမ အကြိမ်၊ ၂၀၁၆ သြဂုတ်၊ လောကသစ် စာအုပ်တိုက်]

ကာတွန်း ATH ● သူ့ဘို့ချည်းပဲ ...

ကာတွန်း ATH ● သူ့ဘို့ချည်းပဲ ...
(မိုးမခ) ဇွန် ၂၆၊ ၂၀၁၇

နီဇူလိုင် ● ရုပ်ပုံလွှာမှတဆင့် ....



နီဇူလိုင် ● ရုပ်ပုံလွှာမှတဆင့် ....
(မိုးမခ) ဇူလိုင် ၂၆၊ ၂ဝ၁၇

လွတ်လပ်ရေးတွက်၊ တိုက်ပွဲရက်တွင်
အသက်ဆုံးရ၊ သခင်ဗဟိန်း
စိမ်းစိမ်းမြေ့မြေ့၊ အောက်မေ့စိတ်မှန်း
တမ်းတညွတ်ညွတ်၊ လွမ်းဆွတ်ဆွတ်မိ ။     ။

(ဒဂုန်တာရာ၏ လီနင်ဂူ ကဗျာမှ)
+++

“ရဲဘော်ဗဟိန်း” လို့  ခပ်သော့သော့ လက်ရေးစာလုံးတွေနဲ့ ရေးထားတဲ့ ထုံးဖြူဖြူ အုတ်ဂူဟောင်းတခုပုံနဲ့အတူ သခင်ဗ ဟိန်းရဲ့အုတ်ဂူကို ဟိန်းရာပြည့်အမီ ပြန်လည်တွေ့ရှိပြီဆိုတဲ့သတင်းကို ဖတ်လိုက်ရတယ်။

၁၉၉ဝ ခုနှစ်တဝိုက်မှာစစ်ထောက်လှမ်းရေးတွေက သူ့အုတ်ဂူကို မန္တလေး ရွာဟိုင်းသုသာန်ကနေ တိတ်တဆိတ် လျှို့ဝှက် ပြောင်းရွှေ့လို့ပျောက်ဆုံးနေရာကနေအခုတော့…ကြာနီကန်သုသာန်မှာ ပြန်တွေ့ရပြီတဲ့။ သက်မဲ့ရုပ်အလောင်းတောင်မရှိနိုင်တော့မယ့် အရိုးစုသာ ကြွင်းကျန်နိုင်တော့မယ့် လူသားတယောက်ကို မြှုပ်နှံထားတဲ့ အုတ်ဂူတခုကို စစ်အာဏာရှင် တွေဟာဘာကြောင့်များသူရဲဘောကြောင်ကြောင်ကြောက်လန့်တကြား ခိုးကြောင်ခိုးဝှက်ရွှေ့ပြောင်းခဲ့ကြတာပါလိမ့် ……။

၁၃ဝဝ ရာပြည့်အရေးတော်ပုံမှာ ရန်ကုန်တက္ကသိုလ်ကျောင်းသားခေါင်းဆောင် ကိုဗဟိန်းကဖိနှိပ်အုပ်စိုးသူ နယ်ချဲ့အစိုး ရကို အံတုစိန်ခေါ်ခဲ့တဲ့“မြင်းခွာတချက်ပေါက်ရင်  မီးဟုန်းဟုန်းတောက်စေရမယ်” ဆိုတဲ့ကြုံးဝါးသံဟာနောင်အနှစ် (၅ဝ) တင်းတင်းပြည့်တဲ့ ၁၃၅ဝ (၁၉၈၈) မှာကျောင်းသားတွေ သွေးမြေကျခံပြီး ဦးဆောင်ခဲ့တဲ့ ရှစ်လေးလုံးလူထုအရေးတော်ပုံကြီးနဲ့အတူ ဖိနှိပ်သူ စစ်အစိုးရကို အံတုစိန်ခေါ် ကြုံးဝါးသံအဖြစ်တကျော့ပြန်ဟိန်းဟိန်းညံခဲ့တယ်။

ဖိနှိပ်သူနယ်ချဲ့အစိုးရကို ဖိန့်ဖိန့်တုန်စေခဲ့တဲ့ ကျောင်းသားလေးရဲ့ရာဇဝင်တွင်တဲ့ စိန်ခေါ်ကြုံးဝါးသံဟာ ခေတ်အဆက် ဆက်ဖိနှိပ်သူ အာဏာရှင်အဆက်ဆက်ကို အံတုတော်လှန်တိုင်း အကြိမ်ကြိမ် ပဲ့တင်ထပ်ခဲ့တယ်။ ကျောင်းသားဆိုတာ မိဘပြည်သူတွေ ဆင်းရဲဒုက္ခကျရောက်တိုင်း အဖိနှိပ်ခံရတိုင်း ရှေ့ဆုံးက ရဲရဲတောက်တိုက်ပွဲဝင်ခဲ့တာဝန်ကျေခဲ့ကြ တယ်မ ဟုတ်လား။ ကျောင်းသားဆိုတာ ဗဟိန်းမျိုးဆက်တွေပဲ။ ဗဟိန်းသွေးတွေပဲ။ သတ်လို့ မသေ။ သေလို့ မပျောက်ပျက်။ ခေတ် အဆက်ဆက် လက်ဆင့်ကမ်းစီးဆင်းတယ်ဆိုတာကို  မျက်ဝါးထင်ထင်တွေ့လိုက်ရတဲ့အခါမှာ ဖိနှိပ်သူစစ် အာဏာရှင်တွေ ဟာ သွေးရူးသွေးတန်းနဲ့ ကိုဗဟိန်းရဲ့အသက်မဲ့ ခန္ဓာကိုယ်ကို မြှုပ်နှံထားရာ အုတ်ဂူသင်္ချိုင်းကိုတောင် သူရဲဘောကြောင်စွာလူမမြင်ကွယ်ရာကိုပို့ ခဲ့ကြတယ်။ ကိုဗဟိန်းဟာ ကျောင်းသားခေါင်းဆောင်တယောက်ဖြစ်ရုံသာမက မြန်မာ့လွတ်လပ်ရေးကြိုး ပမ်းမှုသမိုင်းတလျှောက်မှာထင်ရှားတဲ့ တော်လှန်ရေးခေါင်းဆောင်နိုင်ငံရေးခေါင်းဆောင်တယောက်ပါ။ ဒါပေမဲ့  အုပ်စိုးသူ အဆက်ဆက်ဟာသူ့အုတ်ဂူကို ဖုံးကွယ်ခဲ့သလို သူရဲ့တောက်ပြောင်ခမ်းနားတဲ့သမိုင်းကိုပါ တတ်နိုင်သမျှ မှေးမှိန်ပျောက် ကွယ်အောင် လုပ်ခဲ့ကြလုပ်နေကြဆဲပါပဲ။ သမိုင်းအမှန်တွေကို ဖုံးကွယ်ဖာထေးမျက်ကွယ်ပြုဖို့ ကြိုးစားနေဆဲပါပဲ။

အခုလာမယ့် ၂ဝ၁၇ ဇွန်လ (၂၇) ရက်မှာ သခင်ဗဟိန်းနှစ် (၁ဝဝ) ပြည့်ပါပြီ။ ဘယ်သူတွေ မေ့မေ့၊ မေ့အောင်လုပ်ထားထား။ သူ့ကို ပြည်သူတွေ မမေ့ကြပါဘူး။ နေရာအသီးသီးမှာ ကိုယ့်နည်းကိုယ့်ဟန်နဲ့ ဂုဏ်ပြုပွဲတွေကျင်းပဖို့ စိုင်းပြင်းနေပါတယ်။ ကျမလည်း…သူ့ကို အလေးအနက်ဦးညွှတ်ချင်စိတ်နဲ့ သူ့ပုံတူ ပန်းချီကားတကားဆွဲချင်စိတ် ပေါ်လာပါတယ်။ ကိုဗဟိန်း…သခင်ဗဟိန်း ရဲဘော်ဗဟိန်းကို  ဘယ်လိုရုပ်ပုံလွှာ  ခြယ်မှုန်းရပါ့မလဲ။

ဆရာဒဂုန်တာရာကတော့သူ့ရဲ့ရုပ်ပုံလွှာစာအုပ်နဲ့ ဖျတ်ခနဲတွေ့လိုက်ရသောရုပ်ပုံလွှာကားချပ်များဆိုတဲ့စာအုပ်တွေမှာ“ဗ ဟိန်း သို့မဟုတ် ကဗျာ” “ပဒုမ္မာကြာပွင့်အပြုံးရှင်” ဆိုတဲ့ ရုပ်ပုံလွှာအဖွဲအနွဲ့တွေနဲ့ ကိုဗဟိန်း၊ သခင်ဗဟိန်း၊ ရဲဘော် ဗဟိန်း ကို နှောင်းလူတို့နဲ့ မိတ်ဆက်ပေးခဲ့ပါတယ်။

“သူသည်…အသားဖြူဖြူဆံပင်ကောက်ကောက်။ ဖျဉ်အင်္ကျီလက်ရှည်၊ ဘန်ကောက်လုံချည်မြင်းချေးရောင်အစိမ်းကို ဝတ် ဆင်ထားသည်။ မျက်နှာမှာ ပဒုမ္မာကြာပန်းကဲ့သို့ လန်းရွှင်သည်။ သူ၏ချစ်ဖွယ်ကောင်းသောအပြုံးကလေးများသည် နီရဲ သောပါးပြင်နှင့် နှုတ်ခမ်းပေါ်တွင် ထာဝစဉ်နားလျှက်ရှိသည်။ ကျက်သရေဖြင့်လျှမ်းသော အပြုံး။ မေတ္တာ၏အထိမ်းအမှတ် အပြုံး။” (ရုပ်ပုံလွှာ…ဗဟိန်း သို့မဟုတ် ကဗျာမှ)

“ကျွန်တော်သည် ကိုဗဟိန်းရုပ်ပုံလွှာကို ဖွဲ့ နွဲ့မည်ရှိသောအခါ ချက်ခြင်းခံစားမှုဝင်လာသည်။ ခံစားမှုအတိုင်း  “ဗဟိန်း သို့ မဟုတ်  ကဗျာ” ဟု ခေါင်းစဉ်တပ်လိုက်သည်”
“ကဗျာကိုတွေ့လျှင်  လူတွေချစ်သလို ကိုဗဟိန်းကို တွေ့လျှင် မချစ်ပဲမနေနိုင်။ သူ၏အပြုံးသည် အင်မတန် ချစ်ဖွယ်ကောင်း သည်။ အပြုံးမှာ ကဗျာလေးတစ်ပုဒ်နှင့် တူနေ၏။”  (ပဒုမ္မာကြာပွင့် အပြုံးပိုင်ရှင်မှ)

ဓာတ်ပုံတွေထဲမှာတွေ့ရတဲ့ကိုဗဟိန်းရဲ့ရုပ်သွင်ကလည်း ဆရာဒဂုန်တာရာ လွန်ကျူးမဖွဲ့နွဲ့ကြောင်း  အခိုင်အမာ သက်သေ ထူနေတယ်။ ဒါနဲ့ ဒဂုန်တာရာရဲ့“ဖျတ်ခနဲတွေ့ရသော ရုပ်ပုံလွှာကားချပ်များဆိုတဲ့စာအုပ်ထဲက ပဒုမ္မာကြာပွင့်အပြုံးပိုင်ရှင်ဆိုတဲ့  ရုပ်ပုံလွှာအဖွဲ့မှာဖော်ပြထားတဲ့ ကိုဗဟိန်းရဲ့ဓာတ်ပုံကိုပဲ ပုံတူကူးဆွဲဖို့ ဆုံးဖြတ်လိုက်မိတယ်။

ကိုဗဟိန်းဓာတ်ပုံထဲကမြင်ရတဲ့စစ်ကြိုခေတ် တက္ကသိုလ်ကျောင်းသားတယောက်ရဲ့ မြန်မာဆန်ဆန်ဝတ်စား ဆင်ယင် ထားပုံကို ကင်းဗတ်စပေါ်မှာ ပုံကြမ်း လျာလိုက်တယ်။ ကိုဗဟိန်းတို့ခေတ်က အဖြူအမည်းဓာတ်ပုံတွေမို့ အရောင်ဘယ်လို သုံးရကောင်းမလဲ။ ကိုဗဟိန်းဝတ်ထားတဲ့တိုက်ပုံဟာ ဖျင်ပင်နီဖြစ်ရမယ်လို့ မှန်းဆကြည့်တယ်။ ဒါပေမဲ့ ခုခေတ်ပင်နီတွေလိုစပ်ဖြဲဖြဲအနီကဲလွန်းတဲ့ ပင်နီမျိုးနဲ့ ကိုဗဟိန်းကို ဘယ်လိုမှ အပ်စပ်မယ်မထင်ဘူး။ ဒါနဲ့ အညိုနုရောင် ဖျင်ပင်နီမျိုးဖြစ်အောင် တတ်အားသမျှ ကြိုးစားပြီး စုတ်ချက်တို့ထိကြည့်မိတယ်။

နောက်သူ့ရဲ့ သွယ်လျှတဲ့မျက်နှာသွင်ပြင်။ သူ့ရဲ့သိမ်မွေ့နူးညံ့တဲ့မျက်ဝန်းတွေ။ ကျော်ကြားလှတဲ့ ပဒုမ္မာကြာပွင့်အပြုံး။ ဒါ တွေကိုတတ်စွမ်းသမျှ မှုန်းခြယ်ကြည့်တယ်။ ချောမောလှပတဲ့ ယောက်ျားပျိုတစ်ဦးရဲ့သွင်ပြင်လက္ခဏာနဲ့ ကိုဗဟိန်းတော့ ဖြစ်လာပြီ။ ဒါပေမယ့်… ကိုဗဟိန်းဆိုတာ ဒီလောက်နဲ့သရုပ်ဖော်လို့မပြည့်စုံသေးဘူး။ တခုခုလိုနေသေးသလိုပဲ။

ရဲဘော်ဗဟိန်းရဲ့စိတ်ဓာတ်ဝိညာဉ်ကို ဘယ်လိုအသွေးအရောင်နဲ့ ဘယ်လိုကောက်ကြောင်းတွေနဲ့ ဖော်ကျူးလေးမြတ်ပေး နိုင်မလဲလို့တွေးရင်း နောက်ခံမှာ အနီရောင်အလံတော်နဲ့ အဝါရောင်တူတံစဉ်အမှတ်တံဆိပ်ထည့်ဖို့ စိတ်ကူးရတယ်။ အလုပ် သမားလယ်သမားတွေရဲ့ဘဝဟာကို ဗဟိန်းတို့ရဲ့ဘဝပဲမဟုတ်လား။ ချောက်ရေနံမြေက အလုပ်သမားကြီးတွေရဲ့ ၁၃ဝဝ ပြည့် အရေးတော်ပုံကြီးကို ကိုဗဟိန်းတို့တက္ကသိုလ်ကျောင်းသားတွေဟာစာသင်ခန်းထဲမှာ အေးအေးသက်သာလျှစ်လျှူရှုပြီး မနေရက်ခဲ့ကြဘူး။

သူတို့ရဲ့ တရားမျှတတဲ့တိုက်ပွဲဟာ ကိုဗဟိန်းတို့ရဲ့တိုက်ပွဲပဲ။ နောက်ပြီး မြန်မာ့လွတ်လပ်ရေး ကြိုးပမ်းမှုသမိုင်းမှာ ဘယ်လိုမှ ချန်ထားခဲ့လို့မရတဲ့ ဗမာပြည်ကွန်မြူနစ်ပါတီကို စတင်ထူထောင်ခဲ့သူတွေထဲမှာ ကိုဗဟိန်းပါဝင်ခဲ့တယ်။

ဒီတော့  ဗမာပြည်ကွန်မြူနစ်ပါတီရဲ့အမှတ်အသားဖြစ်တဲ့ အနီရောင်အလံတော်နဲ့ အဝါရောင် တူတံစဉ်အမှတ်တံဆိပ် ပါကို ပါမှ ကိုဗဟိန်းရဲ့ရုပ်ပုံလွှာဟာပြည့်စုံမယ်လို့ တွေးမိပြီး နောက်ခံမှာ တလူလူလွင့်နေတဲ့ အနီရောင် အလံတော်နဲ့အဝါရောင်တူတံစဉ်အမှတ်အသားကို ထည့်တယ်။

နောက် ကိုဗဟိန်းဟာ မကွယ်လွန်ခင်မှာ ဂိုဏ်းဂဏဝါဒကို တိုက်ဖျက်တဲ့ စာတွေရေးခဲ့တယ်။ ကွန်မြူနစ်ပါတီအတွင်း အကွဲအပြဲတွေကို ရပ်တန့်အောင် အင်အားစုတွေ အချင်းချင်းညီညွတ်အောင် ကြိုးစားခဲ့တယ်။ ငြိမ်းချမ်းရေးညီညွတ်ရေးကိုနှစ်နှစ်ကာကာ လိုလားသူမို့ အပြာနုရောင်ဆေးစက်တွေနဲ့ဂုဏ်ပြုတယ်…။
+++

“ကိုဗဟိန်းကွယ်လွန်သောအခါသူသည် ဗမာပြည်ကွန်မြူနစ်ပါတီပေါ်လစ်ဗျူရိုဥက္ကဋ္ဌ၊ ဗမာနိုင်ငံလုံးဆိုင်ရာ အလုပ်သမား သမဂ္ဂဥက္ကဋ္ဌ၊ ပြည်သူ့အာဏာဂျာနယ် အယ်ဒီတာဖြစ်သည်။ သူသည် နှလုံးရောဂါဖြင့် မန္တလေးဆေးရုံတွင် တက်ရောက်ကုသ လျက် ရှိစဉ်၊ ဖဆပလက  ဗမာပြည်ကွန်မြူနစ်ပါတီကို ထုတ်ပယ်လိုက်၏။ သူ့ကို အသိမပေးကြ။ဆရာဝန်၏ ညွှန်ကြားချက်အရ  သူ့ကို သတင်းစာပေးမဖတ်။ တစ်နေ့ပေါင်မုန့်ထုပ်သော “ပြည်သူ့ဟစ်တိုင်” သတင်းစာရွက်ကို သူသွားတွေ့သည်။ ယင်း စာရွက်တွင် သတင်းက  ပါလာသည်။ သည်ကတည်းက သူ့ရောဂါအခြေအနေ မကောင်းဟုကြားသည်” (ပဒုမ္မာကြာပွင့် အပြုံးရှင်မှ)

ဒီအချိန်မှာ ကိုဗဟိန်းရဲ့ခံစားချက်။ နာကျင်မှုတွေကို ကိုဗဟိန်းရုပ်ပုံလွှာမှာ ဘယ်လိုသင်္ကေတနဲ့ ပူးကပ်ပြနိုင်မလဲ။ အိမ် ပေါ်ထပ်မှ ဂျာနယ်အဟောင်းသေတ္တာကို မွှေရတယ်။ ပြည်သူ့ဟစ်တိုင်သတင်းစာတော့မတွေ့။ ၁၃ဝ၈ ခုတန်ဆောင်မုန်း လဆုပ် (၃) ရက်  ၁၉၄၆ ခုနိုဝင်ဘာ (၁၁) ရက်နေ့ထုတ် ဒီးဒုတ်ဂျာနယ်မျက်နှာဖုံးမှာ“ကွန်မြူနစ်ပါတီအားထုတ်ပယ်လိုက် ခြင်းကို ဖဆပလ ဦးစီးအဖွဲ့ကလက်ခံအတည်ပြုလိုက်ပြီ” ဆိုတဲ့သတင်းကို ခေါင်းစည်းစာလုံးမည်းကြီးနဲ့တွေ့လိုက်ရတယ်။

ကိုဗဟိန်းပုံတူကို  ရိုးရိုးအခရိုင်းလစ်ဆေးနဲ့ ကင်းဗတ်စပေါ်မှာ ဆွဲနေရာက ချက်ခြင်းစိတ်ကူးတမျိုးပြောင်းသွားတယ်။ ဒီဂျာနယ်စက္ကူဟောင်းအပိုင်းအစတွေနဲ့ ကော်လာ့ခ်ျပန်းချီဆွဲရမယ်။ ကိုဗဟိန်းနဲ့ ဒီသတင်းစာဖြတ်ပိုင်းတွေကို  ဘယ်လိုတွဲမလဲ။ ဘယ်လို ဆက်စပ်မလဲ။
+++

“ဖဆပလ ဥက္ကဋ္ဌ ဗိုလ်ချုပ်အောင်ဆန်းကလည်း  မန္တလေးလာမည်။ ကိုဗဟိန်းကို လာတွေ့မည်ဟု အစီအစဉ်ရှိသွားသည်။ ကိုအောင်ဆန်းလာလျှင် သူမတွေ့ချင်ဘူးဟုပြောကြောင်း ကြားရသည်။ စိတ်ထိခိုက်စရာ။ သူ့ကို ကိုအောင်ဆန်းက မတွေ့ လိုက်ရတော့ပါ။ ကိုအောင်ဆန်းလာသောအခါ သူကွယ်လွန်ပါပြီ။

ကိုအောင်ဆန်းသည် ကိုဗဟိန်းရုပ်ကလပ်သို့သွားကာအလေးပြုရင်း ချီးကျူးစကားပြောသည်။ ကိုအောင်ဆန်းမျက်ရည်ဝဲနေ သည်ဟုကြားရသည်။ ကိုအောင်ဆန်းသည်လည်း  ၁၉၃၉ ခုက ဖွဲ့စည်းတည်ထောင်သော“ဗမာပြည်ကွန်မြူနစ်ပါတီ” တွင်  ပထမဆုံးသော အတွင်းရေးမှူး  မဟုတ်လား” (ပဒုမ္မာကြာပွင့်အပြုံးရှင် - စာမျက်နှာ ၁၁၂)

ကျမပန်းချီကားကို လက်စသတ်ဆွဲဖို့ စိတ်ကူးခိုင်မာသွားပြီ။ ပထမ မျက်နှာရှေ့ တည့်တည့်လှည့်နေသော ကိုဗဟိန်းကို နောက် ကျောခိုင်း ပြောင်းဆွဲလိုက်တယ်။ ကိုဗဟိန်းရှေ့တူရှုရာကား နီစွေးသောအလံတော်နှင့်အဝါရောင်တူတံစဉ်အမှတ်တံဆိပ်ရှိရာသို့သာ မမှိတ်မသုန်ဦးတည်လျှက်…။ ကွန်မြူနစ်ပါတီအားထုတ်ပယ်လိုက်ခြင်းကို ဖဆပလဗဟိုဦးစီးအဖွဲ့က လက်ခံ အတည်ပြုလိုက်ပြီဟူသောသတင်းစာဖြတ်ပိုင်းစများက… ကိုဗဟိန်းကျောခိုင်းခဲ့ရာ နောက်ဘက်တွင်   အပိုင်းပိုင်း အစစများအဖြစ်…။ လေထဲမှာ…လွင့်စင်ကျန်ရစ်ခဲ့ပေတော့။
+++

“ကျွန်တော်က  ပုံတူသက်သက်ကို ရေးချင်သူမဟုတ်။ ပုံတူသက်သက်ဆိုလျှင်တော့ ဘာစုတ်တံဖြင့် ပန်းချီရေးဖို့ လိုသလဲ။ ဓါတ်ပုံရိုက်လိုက်လျှင် ပြီးသည်။ သို့သော် ကျွန်တော်က  ပုံတူစစ်စစ် ဓာတ်ပုံဟန်ကို မကြိုက်။ ထို့ကြောင့် ရုပ်ပုံလွှာရေးဖွဲ့ သည့်အခါ ရုပ်ပုံ၏ သဘာဝတ္တ (သို့မဟုတ်) သင်္ကေတကို  ကျွန်တော့်စိတ်ထဲတွင် ထင်သည့်အတိုင်း စိတ်ကူးရုပ်ပုံဆန်ဆန် ကိုသာရေးချင်သောကြောင့်” (ဖျတ်ခနဲတွေ့လိုက်ရသော ရုပ်ပုံလွှာကားချပ်များ)

ကိုဗဟိန်း သခင်ဗဟိန်း  ရဲဘော်ဗဟိန်းကို သူ့ချစ်မိတ်ဆွေ ဆရာဒဂုန်တာရာ၏ ရုပ်ပုံလွှာအဖွဲအနွဲ့  သမိုင်းမှန်ကူကွက်များထဲမှ
တစေ့တစောင်းရှာဖွေရင်း ကျမစွမ်းသမျှသော အနုပညာအမှုန်အစက်ကလေးများဖြင့် လေးမြတ်စွာမှုန်းခြယ်ရင်း ဦးညွှတ် ဂါရဝပြုလိုက်ပါတယ်။    ။

နီဇူလိုင်

မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၅)

မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၅)
(မိုးမခ) ဇွန် ၂၆၊ ၂၀၁၇
 
ရေမြေသနင်း ပိုင်စိုးသော ပြည့်ရှင်မင်းများနှင့် ရမ်းဗြဲကျွန်းသားများ ကြည့်မြင်ခံယူပုံ ကွာခြားသည်။ ရမ်းဗြဲကျွန်းသားများ ကကျွန်း ပေါ်တွင် မြေလွတ်မြေရိုင်းဆိုသည်မှာ  မရှိဟု ခံယူကြသည်။ ရွာသားတိုင်းသည် မိမိလယ် အနီးတောင်ခြေတောစပ် အား မိမိကျွဲနွား လွှတ်ကျောင်းရန် ပိုင်ဆိုင်ကြသည်ဟု အစဉ်အလာမှတ်ယူထားကြသည်။ အတန်ငယ်လှမ်းသော တောင် ကုန်းငယ်များအား ရွာပိုင်ဟု အသီးသီးသတ်မှတ်ထားကြသည်။ ထိုတောင်ကုန်းငယ်များရှိ တောများတွင် စီးပွားဖြစ်ရောင်းချ ရန်အတွက်မဟုတ်ဘဲ မိမိအိမ်အတွက်ဆ်ိုလျင် ရွာမှအိမ်တိုင်း ခုတ်ယူသုံးစွဲခွင့်ရှိကြသည်။

အစိုးရကတော့ ဤသို့မှတ်ယူခြင်းမရှိဘဲ လျော်ကြေးပေးရန်မလိုအပ်သည့် နိုင်ငံတော်ပိုင် မြေလွတ်မြေရိုင်းများဟု သတ်မှတ် ကြသည်။

● လျော်ကြေးနှင့် အသက်မွေးဝမ်းကြောင်း
မြေယာလျော်ကြေးနှင့်ပတ်သက်လျင် ဒေသခံနှင့်များညှိနှိုင်းပြီး သင့်တော်သည့်ပေါက်ဈေးနှင့် ဒေသခံများလက်သို့ ပွင့် လင်းမြင်သာစွာ ရှင်းလင်းစွာပေးအပ်ရန်လိုအပ်သည်။ အဂတိလိုက်စားမှုနှုန်း မြင့်မားသည့် မြန်မာပြည်တွင် ထိုအချက် သည် လွန်စွာအရေးပါသည်။ အဂတိလိုက်စားသူဝန်ထမ်းများကြောင့် လျော်ကြေးငွေ တကယ်တမ်းရွာသားများထံသို့မရောက်မည်ကိုအထူးသတိပြု ရန်လိုအပ်သည်။

သို့သော် အထူးစဉ်းစားစရာလိုသည်မှာ လျော်ကြေးငွေနှင့် လုံလောက်ပါ၏လောဆိုသည့် ပြဿနာဖြစ်သည်။ အဓိက ထည့် သွင်းစဉ်းစားရမည်မှာ အသက်မွေးဝမ်းကြောင်းပြဿနာဖြစ်သည်။ ထို့ပြင် ဒေသခံတို့ အသက်မွေးဝမ်းကြောင်းနှင့် ဆက်စပ် နေသည့် နိုင်ငံတော်ပိုင်ဆိုသည့် တောများ တောင်များ မြစ်များချောင်းများနှင့်ဆိုင်သည့် ပြဿနာများကို သေချာစွာ ထည့် သွင်းစဉ်းစားရန် လိုအပ်ပါသည်။ မြစ်ဆုံ လက်ပတောင်းတောင်တို့မှ သင်ခန်းစာများကို ရယူကြရန်လိုအပ်သည်။

လယ်တကွက် ယာတကွက်သည် လယ်သမားများလက်တွင် ရှိနေသ၍ ဘိုးစဉ်ဘောင်ဆက် လက်ကမ်း၍ရသည်။ ဤလယ် ဤယာမှာ နှစ်စဉ် စိုက်ပျိုးထွန်ယက်၍ ဝင်ငွေရသည်။ ထိုလယ်ကွက် လျော်ကြေးဖြင့် သိမ်းယူခံလိုက်ရပြီဆိုပါက သူတို့၏ ဘိုးစဉ်ဘောင်ဆက် လက်ဆင့်ကမ်းနိုင်မှု နှစ်စဉ်ဝင်ငွေအပြင် သူတို့ကျွမ်းကျင်သည့် အသက်မွေးဝမ်းကြောင်းပါ စွန့်လွှတ် လိုက် ရပြီဖြစ်သည်။

ထို့ပြင် ထိုလယ်မြေတို့နှင့်ဆက်စပ်နေသည့် မြစ်ချောင်းများသည် သူတို့ဝမ်းစာအတွက်ဖြစ်စေ ဟင်းစားအတွက်ဖြစ်စေ ရှာဖွေနိုင်သည့် သဘာဝ တရားကပေးသည့် ပတ်ဝန်းကျင်ဖြစ်သည်။ အလားတူပင် တောတောင်များသည် သူတိ့အတွက် အလေ့ကျ တောဟင်းတောရွက်မှသည် တောကောင်ရှာဖွေခြင်း အိမ်ဆောက်ရန် သက်ငယ် သစ်ဝါးမှအစ ထင်းအဆုံး ထုတ်ယူနိုင်သည့် သဘာဝတရားကပေးသည့် ပတ်ဝန်းကျင်ဖြစ်သည်။ ဤတောတောရေမြေတို့သည် ပုဂ္ဂလိကပိုင်မဟုတ် နိုင်ငံတော်ပိုင် အစိုးရပိုင်ဖြစ်သသည်ဟု ဆိုသော်လည်း ပြည်သူလူထုလည်းပိုင်သည်ဆိုသည်ကို အသိမှတ်ပြု ရန်လိုပါသည်။

ထိုထက်မက လယ်ယာစိုက်ပျိုးရေး ရေလုပ်ငန်းတို့ကို မိရိုးဖလာကျွမ်းကျင်စွာလုပ်ကိုင်ခဲ့ကြသူများကို လျော်ကြေးငွေပေးရုံ မျှနှင့် သူတို့သည် အခြားအသက်မွေးဝမ်းကြောင်းတခုကို ပြောင်းလဲလုပ်ကိုင်ရန် ကျွမ်းကျင်မှု ရှိမည်မဟုတ်ပေ။ သူတို့၏ ကျွမ်းကျင်သည့် အသက်မွေးဝမ်းကြောင်းလုပ်ငန်းပျောက်ပျက်သွားပါက ထိုသူတို့ ရေရှည်ရပ်တည်နိုင်ရန် မလွယ်ကူပေ။ ထို့အတူ နိုင်ငံတော်အစိုးရပိုင်သည်ဟု မည်သို့ပင်ဆိုသော်လည်း မဒေးကျွန်းရေလမ်းကြောင်း၌ ရေလုပ်ငန်းနှင့် အသက်မွေး ဝမ်းကြောင်းပြုသူများနှင့်ပတ်သက်၍လည်း မဖြစ်မနေ ထည့်သွင်းစဉ်းစားရပေမည်။

ပြီးခဲ့သော မြစ်ဆုံ လက်ပတောင်းတောင်နှင့်ကျောက်ဖြူ ဒေသတွင် တွေ့ရသောအတွေ့အကြုံ အရ မြေယာလျော်ကြေး ပေးခြင်း ရွာများအဖျက်ခံရပါက အိမ်အသစ်ဆောက်ပေးခြင်းတို့ ရှိသော်လည်း ထိုဒေသခံများ ပုံမှန်ဝင်ငွေရရှိသော အသက် မွေးဝမ်းကြောင်းလုပ်ငန်းတခု ထူထောင်ပေးခြင်းမရှိပေ။ ထို့ပြင် သဘာဝတောတောင်မြစ်ချောင်းများနှင့်ပတ်သက်၍ ဒေသခံ တို့ ရရှိခံစားနေသော အခွင့်အရေးများ ပြည့်စုံစွာ ထည့်သွင်းတွက်ချက်ခြင်းလည်း မပြု ခဲ့ပေ။ လက်ရှိအထူးစီးပွားရေးဇုံဥပဒေအရလည်း အထူးဇုံပြု လုပ်မည့်နေရာတွင် လူနေအိမ်ခြေ အဆောက်အအုံများ လယ်ယာဥယျာဉ်မြေခြံမြေများ သီးပင် စားပင်များ စိုက်ခင်းများရှိပါက ပြောင်းရွှေ့နေရာချထားရာတွင် မူလအဆင့်အတန်းထက် မနိမ့်ကျစေရန် ၎င်းတို့၏ အခြေခံ လိုအပ်ချက်များပြည့်စုံစေရန် ဆောင်ရွက်ပေးရမည်ဟူ၍သာ ယေဘုယျ ဖေါ်ပြထားရှိပါသည်။

အထက်ပါအတိုင်း မြန်မာအစိုးရက ဒေသခံတို့နှင့် ပြည့်စုံစွာတွက်ချက်လုပ်ဆောင်သည့် အပြုအမူနှင့်အတွေ့အကြုံ မရှိ သော်လည်း လာရောက်မြှုပ်နှံသည့် တရုတ်အစိုးရနှင့်ကုမ္ပဏီတို့အနေနှင့် သူတို့တိုင်းပြည်တွင် ပြောင်းရွှေ့လူထုအတွက် စဉ်းစားလုပ်ကိုင်ပေးသည့် အတွေ့အကြုံ ရှိပါသည်။ တရုတ်ပြည်အတွေ့အကြုံအရ ဒေသခံတိုင်းရင်းသားရွာတရွာ လယ်မြေ များအပါအားလုံးသိမ်းဆည်း၍ မြို့သစ်ချဲ့ခြင်း အထူးဇုံပြုလုပ်ခြင်းပြုလုပ်ပါက လိုအပ်သည့် မြေယာလျော်ကြေးငွေပေးအပ် သည့်အပြင် ထိုသူများအတွက် ရေ မီး လမ်းတံတား ရေးဆိုးစနစ် မိလ္လာစနစ်သာမက ထိုသူများနှင့်သက်ဆိုင်သည့် ဘာသာ ရေးအဆောက်အအုံပါ ထည့်သွင်းတည်ဆောက်ထားသောမြို့သစ်တွင် လူနေရန် အဆောက်အုံတခု (ဝါ) လူနေတိုက်ခန်း တခုအပြင်အရောင်း အဝယ်ပြုလုပ်နိုင်ရန် တိုက်ခန်းတခန်းပေးသည်။ အရောင်းအဝယ်မလုပ်တတ်ပါက ငှါးရမ်း၍ ဝင်ငွေရ သည်။ ထို့ပြင် ထိုသူများအတွက် မြို့သစ်တွင် ဈေးတခုတည်ဆောက်ပေးပြီး ထိုဈေးကရသည့် ဈေးကောက်အား အုပ်ချုပ် ရေးပိုင်းကမယူဘဲ ထိုရွာမှအိမ်ထောင်စုများအား လစဉ်အချိုးကျ ခွဲဝေပေးသည်။ ထို့ပြင် အချို့နေရာများ၌ သိမ်းဆည်း သည့်နေရာတွင် ချောင်းငယ်လေးတခုပါလျင်ပင် ထိုသူတို့ ဘိုးစဉ်ဘောင်ဆက် ငါးရှာဖမ်းဆီးလာသည့်အတွက်သင့်လျော်သည့် လျော်ကြေးပေးသည်။ တရုတ်တို့သည် တရုတ်ပြည်တွင်းတိုင်းရင်းသားဒေသများတွင် ပြုလုပ်ပါက ပို၍ အလေးထား ဂရုပြု ဆောင်ရွက်လေ့ရှိသည်။ သို့ဖြစ်ရာ မူလထက်မြင့်မားသည့် လူမှုဘဝနှင့်နေထိုင်ရပြီး အသက်မွေးဝမ်းကြောင်းဝင်ငွေ နှင့်ပတ်သက်၍ မပူပင်ရ၍ ရွာမြေလယ်မြေသိမ်ဆည်း၍ ပြဿနာဖြစ်ပွားခြင်းကို ရှောင်ရှားနိုင်သည်။

သို့သော် မြန်မာနိုင်ငံတွင် ဤတာဝန်ကိုယူရမည်မှာ ပြည်ထောင်စုအစိုးရဖြစ်သည်။ ပြည်ထောင်စုကတိုက်ရိုက်စီမံခန့်ခွဲမှု အောက်တွင်ရှိ၍ ပြည်ထောင်စုအစိုးရတာဝန်ယူမှု သည်အဓိကကျသည်။ ပြီးခဲ့သောကာလများကိုကြည့်လျင် အစိုးရက တာဝန်ယူမှု ကလည်း မပြည့်ဝသည့်ပြင် အာဏာပိုင်အချို့နှင့်ခရိုနီများသာ အမြတ်ထုတ်သွားခဲ့ကြသည်။ ဒေသခံများကား ပြဿနာများကြားတွင် ရုန်းကန်နေရဆဲဖြစ်သည်။

● အထူးစီးပွားရေးဇုံနှင့် ရခိုင်ပြည်နယ်
လက်ရှိ ရခိုင်ပြည်နယ်၌ ပြု လုပ်ရန်ရှိသည့် နိုင်ငံခြားရင်းနှီးမြှုပ်နှံမှုများတွင် တရုတ်က ထိပ်ဆုံးမှနေရာယူထားသည်။ OBOR ခေါ် ခေတ်သစ်ပိုးလမ်းမ စီမံကိန်းနှင့်ပတ်သက်၍ မြန်မာအစိုးရနှင့် နားလည်မှု စာချွန်လွှာကို ဒေါ်အောင်ဆန်းစုကြည်၏ ၂၀၁၇ ခုနှစ် မေလ တရုတ်ပြည်ခရီးစဉ်အတွင်းရေးထိုးခဲ့ကြသည်။ လက်ရှိတွင်လည်း ကျောက်ဖြူ အထူးစီးပွားရေးဇုံနှင့် ပတ်သက်၍ သဘောတူညီချက်ရရှိထားပြီး ရေနက်ဆိပ်ကမ်းဆောက်လုပ်ရေးအတွက် ဆွေးနွေးညှိနှိုင်းဆဲဖြစ်သည်။

တတိုင်းပြည်လုံးနှင့်ဆိုင်သည့် စီးပွားရေးအကျိုးအမြတ်ပြဿနာ၊ လုပ်ငန်းတခုလုံးထိမ်းချုပ်ခွင့်နှင့် အချုပ်အခြာ အာဏာ ပြဿနာ၊ အလုပ်သမားခန့်ထားရေး လေ့ကျင့်ရေးပြဿနာနှင့် သဘာဝပတ်ဝန်းကျင်ထိခိုက်သည့်စက်ရုံများ မတည်ဆောက် နိုင်ရန် စိစစ်သည့်ပြဿနာတို့သည် အရေးကြီးသကဲ့သို့ ရခိုင်ပြည်နယ်ဒေသခံများအတွက် မည်သည့် အကျိုးခံစားမည်ဆိုသည်ကိုထည့်သွင်းစဉ်းစားတွက်ချက်ရန်လည်း အရေးကြီးသည်။ ဒေသခံတို့၏ လယ်မြေနှင့်သဘာဝ အသက်မွေး ဝမ်း ကြောင်းတို့ ထိခိုက်ခံထားရသည်။ စက်ရုံများမှ ဖြစ်လာနိုင်သည့် ဘေးထွက်ဆိုးကျိုးကိုလည်း တိုက်ရိုက်ခံစားရမည်မှာလည်း ဒေသခံများဖြစ်သည်။ လယ်မြေများ ၎င်းတို့မိရိုးဖလာ ရှာဖွေရှာဖွေစားသောက်နေသော မြစ်ချောင်းများ ဆုံးရှုံးသွားသည်မှာ ဒေသခံများဖြစ်သည်။ အသက်မွေးဝမ်းကြောင်း ဇာတိချက်မြှုပ်တို့ ပြောင်းလဲဆုံးရှုံးသွားသည်မှာ ဒေသခံတို့ဖြစ်သည်။ သို့ ဖြစ်၍ ဒေသခံတို့အတွက် မဖြစ်မနေ ထည့်သွင်းစဉ်းစားပေးရန် လိုအပ်သည်။

လက်ရှိဖွဲ့စည်းပုံဥပဒေအောက်တွင် ရခိုင်ပြည်နယ်သည် မိမိဒေသရှိ သယံဇာတများနှင့်ပတ်သက်၍ မည်သည့်ရာခိုင်နှုန်းရရှိရ မည်ကိုထည့်သွင်းရေး ဆွဲထားခြင်းမရှိပေ။ လက်ရှိ ငြိမ်းချမ်းရေးဆွေးနွေးပွဲကလည်း အဖြေထွက်ရန် မလွယ်ကူသေးပေ။ ဤသို့သောအခြေအနေအောက်တွင် ကျောက်ဖြူ အထူးစီးပွားဇုံက ရရှိမည့်အကျိုးအမြတ် ရာခိုင်နှုန်းမည်မျှအား ရခိုင်ပြည် နယ်အတွက်ဖြစ်သည်ဆိုသည်ကိုလည်းကောင်း၊ အထူးဇုံနှင့် တိုက်ရိုက်ပတ်သက်ပြီး ထိုအထူးဇုံကြောင့် အသက်မွေးဝမ်းကြောင်းလုပ်ငန်းပါထိခိုက်မည့် ဒေသခံတို့နှင့်ပတ်သက်၍ မည်သို့ အလုပ်အကိုင် အသက်မွေးဝမ်းကြောင်းလုပ်ငန်း ထူထောင် ပေးမည်ဆိုသည်ကိုပါ ပြည်ထောင်စုအစိုးရက တာဝန်ယူဖြေရှင်းပေးရန်လိုအပ်သည်။

ထို့အတူ တရုတ်ရင်းနှီးမြှုပ်နှံသူများသည်လည်း မြန်မာပြည်၏ ပြည်နယ်များတွင် လာရောက်ရင်းနှီးမြှုပ်နှံကြပါက ပြည်နယ် များ၏ အခြေအနေကို နားလည်သဘောပေါက်ကြရန်လိုသည်။ မြန်မာပြည်၏ ပြည်နယ်တိုင်းလို တိုင်းရင်းသားလိုလိုသည် မြန်မာအစိုးရနှင့် တပ်မတော်အား ပုန်ကန်တိုက်ခိုက်နေသည်မှာ နှစ် ၇၀ ခန့်ရှိပြီဖြစ်သည်။ ပြည်နယ်တိုင်းတွင် တန်းတူရေး ကိုယ်ပိုင်ပြဌာန်းခွင့် ကိုယ်ပိုင်အုပ်ချုပ်ရေးတို့နှင့်ပတ်သက်၍ သဘောတူညီချက်မရနိုင်သေး။ အငြင်းပွားနေဆဲသာ ရှိသေး သည်။ ပြည်နယ်များရှိ တိုင်းရင်းသားတို့၏ မကြေနပ်ချက်များက များပြားဆဲဖြစ်သည်။ သူတို့၏ပြည်နယ်သူတို့၏ လူမျိုးသူတို့ ၏ဒေသအတွက် အကျိုးခံစားခွင့်မရပါက နည်းမျိုးစုံနှင့်ကန့်ကွက်နေမည်သာဖြစ်ပေသည်။ တရုတ်တို့အနေနှင့် ပြည်ထောင်စု အစိုးရအပြင် ဒေသခံများအား အကျိုးအမြတ်ခွဲဝေပေးမည်ဟုဆိုကြသော်လည်း လက်တွေ့ကျသည့် မြန်မာပြည်ဥပဒေများ အရ ဤသို့ခွဲဝေပေးရန် ဥပဒေမရှိပေ။

ထို့ပြင် တရုတ်တို့အနေနှင့် ပြည်ထောင်စုအစိုးရနှင့်သဘောတူညီချက်ရပြီးပြီဆိုသည့်အချက်တွင် သာရပ်ခံနေပြီး သူတို့၏ တာဝန်ယူမှု တာဝန်ခံမှုအပိုင်းကိုမပြသပါက ဆန့်ကျင်ကန့်ကွက်မှုများ ပြဿနာများကို အတောမသတ်ရင်ဆိုင်နေရပေမည်။ ထို့ပြင် တရုတ်တို့အနေနှင့် ဒေသလူမှု စီးပွားဖွံ့ဖြိုးမှုနှင့်ပတ်သက်၍ အလေးထားမှု စိစစ်မှု ကြပ်မတ်မှုများကို ဂရုတစိုက် လုပ်ကိုင်မှသာ ငွေကုန်ရကြိုးနပ်ပေလိမ့်မည်။ သို့သော် မြန်မာပြည်၏ တိုင်းရင်းသားပြဿနာ မပြေလည်သ၍ ပြဿနာက တော့ ရှိနေဦးမည်ဖြစ်သည်။ ထို့ပြင် လုပ်ငန်းတခုလုံးအရ တရုတ်တို့အသာစီးရယူရန်နှင့် အမြတ်အများစု ရယူရန်ကြိုးစားမှု များရှိနေပါကလည်း ရခိုင်တွင်မကဘဲ ပြည်မရှိ လူထုဆန့်ကျင်မှု ပါခံရပေလိမ့်မည်။

ရခိုင်ပြည်သို့ လာရောက်ကြမည့် လာရောက်ပြီးဖြစ်သည့် နိုင်ငံခြားရင်းနှီးမြှုပ်နှံမှုများအား မျှတစွာခွဲဝေသုံးစွဲနိုင်ပါက စီးပွား ဖွံ့ဖြိုးတိုးတက်မှု နောက်ကျနေသည့် ရခိုင်ပြည်နယ် နှင့်ဒေသခံပြည်သူများဘဝကို မြှင့်တင်နိုင်ပြီး ရခိုင်ပြည်နယ်ရှိ နိုင်ငံအ ရေးအကြပ်အတည်းကို ကျော်လွှားနိုင်စွမ်း ရှိပေလိမ့်မည်။ သို့မဟုတ်ဘဲ ခွဲဝေမှု မမျှတပါက ပို၍ မကျေနပ်မှုကြီးထွားပြီး နိုင်ငံရေးအကြပ်အတည်းပို၍ ကြီးမားစေလိမ့်မည်။ လက်ရှိအနေအထားကိုကြည့်လျှင် နိုင်ငံရေးအကြပ်အတည်းကို ကျော် လွှားနိုင်မည့် အလားအလာက နည်းပါးနေဆဲဟု သုံးသပ်ရပါသည်။

ပြီးပါပြီ။
မောင်မောင်စိုး

(ဆရာမောင်မောင်စိုး လူမှုကွန်ရက်စာမျက်နှာပေါ်မှ ပြန်လည်ကူးယူခြင်းဖြစ်ပြီး ဧရာဝတီမြန်မာပိုင်းတွင် ၂၁၊ ၆၊ ၂၀၁၇ ရက်နေ့က ဖော်ပြပြီး ဖြစ်သည်။)


Photo credit : Asia Times

ဗိုလ်ထက်မင်း - ဓါးတောင်နဲ့ မီးပင်လယ်ကို ၂၁ ပင်လုံ ဘယ်လိုကျော်ရမှာလဲ - ၁



ဗိုလ်ထက်မင်း - ဓါးတောင်နဲ့ မီးပင်လယ်ကို ၂၁ ပင်လုံ ဘယ်လိုကျော်ရမှာလဲ - ၁

(မိုးမခ) ဇွန် ၂၆၊ ၂၀၁၇

၂၁ ပင်လုံ ငြိမ်းချမ်းရေးညီလာခံ ဒုတိယအကြိမ်ရလဒ်

၁။ ၂၁ပင်လုံ ငြိမ်းချမ်းရေးညီလာခံ ဒုတိယအကြိမ်ကို မေလ (၂၆ရက်နေ့မှ ၂၉ရက်နေ့ထိ) ကျင်းပပြီးစီးခဲ့ ပါတယ်၊ မျှော်မှန်းထားတဲ့ UNFC အဖွဲ့တက်ရောက်လာခြင်းမရှိဘဲ မမျှော်လင့်တဲ့ မြောက်ပိုင်းမဟာမိတ်အဖွဲ့ တက်လာတာတွေ့ရပါတယ်။ ၂၁ ရာစုပင်လုံ ငြိမ်းချမ်းရေးညီလာခံ ဒုတိယအကြိမ်အစည်းအဝေးမှာ နိုင်ငံရေး ကဏ္ဍမှ မူဝါဒ အဆိုပြုချက် အချက် ၂ဝ ရှိသည့်အနက် သဘောတူချက် ၁၂ ချက်၊ စီးပွားရေးကဏ္ဍမှ မူဝါဒ အဆိုပြုချက် ၁၁ ချက်၊ လူမှုရေးကဏ္ဍမှ မူဝါဒ အဆိုပြု ချက် ၄ ချက်၊ မြေယာနှင့်သဘာဝပတ်ဝန်းကျင်ကဏ္ဍမှ မူဝါဒ အဆိုပြုချက် ၁ဝ ချက် စုစုပေါင်း မူဝါဒ အဆိုပြု ချက် ၃၇ ချက်ကို သဘောတူခဲ့ပြီး အဆိုပါ သဘောတူညီချက်များကို NCA စာချုပ် အပိုဒ် ၂ဝ (င) အရ ပြည်ထောင်စုသဘောတူစာချုပ် အစိတ်အပိုင်း (၁) အဖြစ် အစုအဖွဲ့ အသီးသီးရဲ့ခေါင်းဆောင်များနှင့် အသိသက်သေများက လက်မှတ်ရေး ထိုးနိုင်တဲ့ ရလဒ်ထွက်ခဲ့ပါတယ်။

ဒါပေမဲ့ NCA လက်မှတ်ထိုးပြီး(၈)ဖွဲ့ရှိပြီးဖြစ်နေရာ ဒုတိယအကြိမ် ညီလာခံမှာ ထပ်မံလက်မှတ်ထိုးလာတဲ့ အဖွဲ့ မရှိတာဟာ ကိန်းဂဏန်းအရ တိုးတက်မှူပြယုဒ် မပြနိုင်ဘဲ တုန့်နေတာကို အမှန်အတိုင်း အရှိအတိုင်း သုံးသပ်ရမှာ ဖြစ်ပါတယ်။

ဆောင်းပါးရဲ့ရည်ရွယ်ချက်

၂။ ဒါဆိုရင် ငြိမ်းချမ်းရေးလုပ်ငန်းစဉ်ဟာ

ဘယ်လိုနေရာတွေမှာ နှောင့်နှေးကြန့်ကြာနေရတာလဲ၊

ဘယ်လို လုပ်ရင်ဖြင့် စိန်ခေါ်မှုတွေကို ကျော်လွှားလို့ ရနိုင်မလဲ။

လုပ်ငန်းစဉ်တခုလုံး လည်ပတ်အောင် လုပ်ကိုင်နေကြတဲ့ ရုံး Staff ဦးစီးအရာရှိတွေနဲ့ခေါင်းဆောင်ငယ်တွေက Commander ဒေါ်အောင်ဆန်းစုကြည်ထံ ချဉ်းကပ် တင်ပြပုံနဲ့ကျွမ်းကျင်မှု လိုအပ်နေတာလား၊

NPRC နဲ့EAOs တွေ ထိတွေ့လုပ်ဆောင်မှုမှာ ဘယ်သူက တုန့်နှေးနေတာလ၊ဲ

တိုင်းစစ်ဌာနချုပ်တွေနဲ့ဆက်ဆံရေးရုံးတွေ အပြန်အလှန် သတင်းပို့ရာမှာ စိန်ခေါ်မှူတွေကို ဘယ်လိုကျော်လွှားကြမလဲ၊

ဆက်ဆံရေးရုံးရဲ့ အားကောင်းမောင်းသန်က ဘာလဲ၊

NCA ထိုးထားတဲ့အဖွဲ့တွေရဲ့ ဒေသတွေမှာ ပြည်သူလူထုဘဝ လုံခြုံစိတ်ချရမှု၊လူနေမှုဘဝ တိုးတက် ဖွံဖြိုးလာမှု သိသိသာသာ တိုးတက်လာအောင်လုပ်သင့်တဲ့ အစိုးရရဲ့ပြယုဒ်နဲ့ တပ်မတော်က ယုံကြည်မှု တည်ဆောက်သင့်သည့်လုပ်ရပ်တွေ ရှိနေ ဖြစ်နေပြီလား။

ဒီလုပ်ရပ်တွေ အကောင်အထည်ဖေါ်မှု အားနည်းနေသေးလို့လား …

စတဲ့ ခေါင်းစဉ်တွေနဲ့စပ်လျဉ်းပြီး ငြိမ်းချမ်းရေးလုပ်ငန်းစဉ် သွက်လက်လာစေဖို့ ၊ မိမိဖြတ်သန်းခဲ့ရတဲ့ အတွေ့အကြံအရ နည်းဗျူဟာ၊ ချဉ်းကပ်ပုံတွေကို အကြံပြုဆွေးနွေးတင်ပြသွားပါ့မယ်။

Staffs တွေက Commander ထံ ချဉ်းကပ်တင်ပြပုံနဲ့ ကျွမ်းကျင်မှူ လိုနေသေးလား

၃။ ရှေးဦးစွာ စာရေးသူ ကြားသိရတဲ့ သတင်းတရပ်က ဒေါ်အောင်ဆန်းစုကြည်က တော်ရုံ အရေးမကြီးရင် တိုင်းပြည်ပျက်မည့် ကိစ္စမဟုတ်ရင် လာမတင်ပြကြနဲ့လို့ဆိုပါတယ်။ ဒါဆို NPRC နဲ့ဝန်ကြီးဌာနတွေကဖြစ်ဖြစ်၊ ပါတီပိုင်းက ဖြစ်ဖြစ်၊ လွှတ်တော်ဘက်ကဖြစ်ဖြစ်၊ အလျဉ်းသင့်သလို အလုံးစုံ အသေးအဖွဲ့ကိစ္စပါ မကျန်တင်ပြ နေလို့လား၊ တင်ပြပုံ တင်ပြနည်းစနစ်၊ နည်းဗျုဟာ မကျွမ်းကျင်လို့ဘဲလား၊ ဒေါ်အောင်ဆန်းစုကြည်က အာဏာ Power full ဖြစ်လို့ လက်အောက်က ဒုသမ္မတတွေကို မတင်ပြကြတော့ဘဲ အဆင့်ကျော် တင်ပြနေကြလို့လား၊ ဒေါ်အောင်ဆန်းစုကြည်ကိုယ်တိင်က လက်အောက်ကို အခွင့်အာဏာလုပ်ပိုင်ခွင့်၊ ဆုံးဖြတ်ပိုင်ခွင့် ၊ခွဲဝေမှု နည်းနေသေးလို့လား၊ ရုံးစာအရေးအသား Staff Duty ကျွမ်းကျင်မှု လိုအပ်နေသေးလား၊ (ဥပမာ Y-8 လေယာဉ်ပျက်ကျလို့ NLDပါတီက ဝမ်းနည်းကြောင်း ကြေညာချက်ထုတ်ရာမှာ စာကြောင်းအဆုံးမှာ “ကြောင်း”နဲ့ အဆုံးသတ်ပြီး ဝမ်းနည်းကြောင်း မပေါ်လွင်လို့ မိမိတပတ်စဉ်ထဲ သူငယ်ချင်း နည်းဗျုဟာမှူး လုပ်ခဲ့တဲ့ ဗိုလ်မှူးကြီး(ငြိမ်း) တစ်ဦးက ဖေ့ဘုတ်မှာ ဝေဖန်ခဲ့ပါသေးတယ်။) စတာတွေကို စမ်းစစ် လေ့လာကာ ပြန်လည်သုံးသပ်ပြုပြင်သင့်ပါတယ်။

၎။ ဌာနတွေကို စာတွေ ထုတ်ရာမှာ စာကြောင်း အဆုံးသတ်တွင် level တူဌာနတွေကို “ညှိနှိူင်း အကြောင်း ကြားပါသည်၊” သုံးဖို့နဲ့ လက်အောက်ဌာနတွေနဲ့ မိမိထက်နိမ့်တဲ့ ဌာနတွေကို “အကြောင်းကြားသည်၊” ဒီထက် ပိုယဉ်ကျေးစေလိုရင် “အကြောင်းကြားအပ်ပါသည်၊”သုံးကြောင်း၊ “အပ်”စကားလုံးကို သိမ်မွေ့စွာ ခိုင်းသည်လို့သဘောရကြောင်း၊ အင်အားသုံး မဖြစ်မနေလိုက်နာရမည်ဆိုပါက “ညွှန်ကြားသည်၊” သုံးပြီး အထက်ဌာနဆိုရင်တော့ “တင်ပြအပ်ပါသည်၊” သုံးပါတယ်။ အထက်ဌာနလူကြီး စိတ်ဆိုးနေကြောင်း သိစေလိုပါက ထုချေလွှာတောင်းတဲ့ “မည်သို့ဖြစ်ရသည်ကို ဖြေရှင်းတင်ပြရန်”နဲ့ “မလိုလားအပ်သောဖြစ်စဉ်များ မဖြစ်ပွားစေရေး ကြပ်မတ်ကွပ်ကဲရန်”၊ “အချိန်နဲ့တပြေးညီ”“စဉ်ဆက်မပြတ်” စကားလုံးဝေါဟာရများ ရေပန်းစားပါတယ်။ မိတ္တူ ပေးပါက ချည်နှောင်တဲ့သဘောနဲ့ မလုပ်ပါက သက်သေထား လိုအပ်ရင် စစ်ဆေးရေးဝင်မည်ဟု ခြိမ်းချောက်ထားတာ ဖြစ်ပါတယ်။

တချို့ဖြစ်စဉ်တွေကျတော့ ဘေးနံအဖွဲ့အစည်း၊ ဌာနများနဲ့ လုပ်ငန်းဆက်စပ်ပူးပေါင်းဆောင်ရွက်နိုင်ဖို့၊ အထောက်အကူပြုဖို့ ပေးတာလည်းဖြစ်ပါတယ်။ စီမံချက်က ရှည်လျားပြီး ညွှန်ကြားချက်စာများ ဆက်တိုက်လာတတ်သလို ကြေးနန်း၊ သာမန်ရုံးစာမှ သည် ထိပ်တန်း လျှို့ဝှက်အဆင့်ရှိ စာကို အတွင်းစာအိတ်ချိတ်ပိတ် (စာအိတ်၂ထပ်) အထိရှိပြီး ဒီထက်ပိုထိရောက်လိုပါက BY Name အမည်နဲ့ တိုက်ရိုက်တပ်ပို့ရင် ဘယ်သူ့မှ ဖွင့်ဖတ်ခွင့် မရှိဘဲ သက်ဆိုင်သူသာဖတ်လို့ရပါတယ်။

စာတိုဆိုရာမှာ အထက်လူကြီးနှုတ်မိန့်အရ အရေးပေါ်လို့ ကြားဖြတ်ခိုင်းတာဖြစ်ပြီး တချို့ကိစ္စတွေမှာ ရှေ့ပိုင်းအရာအားလုံးကို ပယ်ဖျက် ပြင်ဆင်ပြောင်းလဲတတ်လို့ အထူးသတိထားရပါတယ်။

၅။ ဆက်လက်ပြီး ဒီလို လုပ်ငန်းစဉ်ကြန့်ကြာရတဲ့ အကြောင်းရင်းတွေထဲက အဓိကနောက်တချက်ကတော့ ရုံးလုပ်ငန်းStaff တွေရဲ့ ခေါင်းဆောင် Commander အပေါ် တင်ပြပုံ တင်ပြနည်း လိုအပ်နေဟန် တူပါတယ်။

Staff တွေဟာ စာအုပ်ကြီးအတိုင်း Book ပုံစံနဲ့ အဆင့်ဆင့် တင်ထားယုံနဲ့ပြီးကြရောလား၊ Commander လေ့ လာနေတယ်၊လောလို့မရဖူး၊ စောင့်ပါဆိုတဲ့ဟာ အဖြေ မဟုတ်ပါ၊ ရလဒ်ပေါ်ထွက်တဲ့ အထိ စစ်သဘောအရ နည်းဗျုဟာမြောက် ဘယ်လို ချဉ်းကပ်ပြီး Commander ကို တိုက်တွန်းမလဲ၊ ဘယ်လို နည်းစနစ်နဲ့ သတိပေး Remind လုပ်နိုင်မလဲ နည်းလမ်းရှာဖွေသင့်ပါတယ်။ Commander ထံတင်တဲ့ စာတွေဟာ ဌာနပေါင်းစုံမှ တင်ကြတာမို့ မိမိဌာနကစာ တွေထဲကပင် အရေးကြီး ဦးစားပေး ဖတ်ပေးစေဖို့ ဖိုင်ကို အလံနီ Flat ထိုးပေးကြရဲ့လား၊ ဖိုင်စားပွဲပေါ်တင်ထားယုံနဲ့ မပြီးဘဲ ဒီဖိုင်ကို ဒေါ်အောင်ဆန်းစုကြည်ဖတ်စေဖို့ သူမစိတ်ရွှင်လန်းနေချိန်၊ သာသာယာယာဖြစ်ချိန်တွေမှာ အနီးကပ်/ PA တွေရဲ့ အကူအညီကို ရယူတိုက်တွန်းမှု လုပ်ခဲ့ကြရဲ့လားဆိုတာ မေးလိုပါတယ်။

၆။ တချို့တင်ပြရတဲ့ စီမံချက်လိုမျိုး အကိုးအကား၊ အထောက်အထားတွေ တပုံတပင်ကြီးနဲ့ စာအုပ်ချုပ် တင်ပြရရင် ဒါတွေကို အားမှ အချိန်ပေးနိုင်မှ ဖတ်မှာမို့ ဖတ်ရတာ အဆင်ပြေမြန်ဆန်စေဖို့ စာအုပ်ထဲမှ အဓိက အချက်အလက်များကို Gist ထုတ်ကာ အနှစ်ချုပ်ရေးထားတဲ့ စာရွက်နှစ်ရွက်ထက်မများစေဘဲ စာအုပ်အပေါ်မှာ ကပ်ပေးလိုက်ရပါတယ်။ နောက်နည်းလမ်းတခုကတော့ စာအုပ်ထဲမှ အရေးကြီးတဲ့ စာသား၊ စာကြောင်း၊ စာပိုဒ်၊ တွေကို Colour လိုင်းတားပေးလိုက်ရရင် မြန်မြန် ဆုံးဖြတ်ချက်ချပေးလို့ရပါတယ်။ နောက်နည်းလမ်းတခုကတော့ Commander က ပူးပေါင်းဆောင်ရွက်ဖို့ဘဲဖြစ်ပါတယ်။ သူမက နားလည်လက်ခံပြီး လုပ်နိုင်ရင် အလုပ်တွင်ကျယ်ကာ မြန်မြန်ဆန်ဆန်ဖြစ်လာသလို Commander အဖို့လည်း သက်တောင့်သက်သာရှိပါတယ်။ အဲဒါကတော့ S-3/ S-2/ တပ်ချုပ်တို့ကို ကက(ကြည်း) စစ်ဆင်ရေးနဲ့ တာဝန်ဌာနကြီးတွေမှ စစ်ဦးစီးမှူး(ဒုတိယတန်း) G-2တွေက စားပွဲပေါ်မှ ဖိုင်အထပ်လိုက်တွေကို ကြိုတင်ဖတ်ထားကာ လူကြီးရုံးခန်းမှာပင် လိုလားချက်၊ ဆုံးဖြတ်ပေးရမည့်အချက်တွေကို သတိထား ဖတ်ပြရပြီး သူ့နှူတ်မိန့်ပေးတာကို မှတ်ချက် လိုက်ရေးကာ ဖိုင်ရှင်းနည်းဖြစ်ပါတယ်။ နားထောင်တဲ့ လူကြီးအိပ်ပျော်သွားရင်တော့ သေပြီဆရာလို့ စိတ်ထဲမှာ ရေရွတ်ရင်း မတ်တတ်ကြီး ဆက်ရပ်နေရကာ မရဲတရဲ ချောင်းဟန့် သတိပေးရတာနဲ့ ကိုးရီးယား/ကုလားကားကြည့်ရသလို ဇာတ်လမ်းက မသန်းဖြစ်နေတာ သိရပါတယ်။ တပ်ချုပ်နဲ့ဒုတပ်ချုပ်တွေဟာ နယ်ဘက်ဝန်ကြီးဌာနတွေက စာ၊ဖိုင်၊တွေကို တော်ရုံမတင်ခိုင်းဘဲ အတွင်းရေးမှူး(၁/၂/၃) တို့က နအဖရုံးညွှန်ချုပ်နဲ့ အထူးအရာရှိတွေနဲ့အတူ ညှပ်ပြီး ဖြတ်လေ့ရှိပါတယ်။

၇။ ယနေ့ ဒုသမ္မတ၂ ဦးစလုံးဟာ တပ်မတော်သမိုင်းမှာ စီမံခန့်ခွဲရေးကျွမ်းကျင်သူများအဖြစ် နံမည်ကြီးလို့ တော်ရုံအရေးကြီးကိစ္စများကိုပင် ဖြတ်ခိုင်းပါက နိုင်ငံတော်အတိုင်ပင်ခံ ဒေါ်အောင်ဆန်းစုကြည်အနေနဲ့မူဝါဒနဲ့ မဟာဗျုဟာပိုင်းဆိုင်ရာ အရေးကြီးကိစ္စရပ်တွေသာကိုင်ထားရင် သက်သာလိမ့်မယ်လို့ မျှော်လင့်မိပါတယ်။ စစ်အာဏာရှင်ဦးသန်းရွှေက ရိုးသားသစ္စာရှိတဲ့ တပည့်တွေအဖြစ် သူချီးမွှန်းတဲ့ လူအနည်းငယ်ထဲမှာ ဦးမြင့်ဆွေ ပါပြီး ဦးဗန်ဒီးယိုလည်း နယ်ဘက်ဝန်ကြီးဌာနမှာ နေခဲ့ဖူးလို့အတွေ့အကြုံရှိသူဖြစ်ပါတယ်။ စစ်တပ်လို မဟုတ်ပေမဲ့ တိုင်းနဲ့ပြည်နယ် ၀န်ကြီးချုပ်များနဲ့ အစိုးရဝန်ကြီးများ ပေါင်းစပ်ညှိနှိူင်းတဲ့ ကတ်ဘိနတ် အစည်းအဝေးကိ (၄/၆) လ တကြိမ်လုပ်သင့်ပါတယ်။

၈။ အရေးကြီးဆုံးဖြတ်ချက်ရဖို့အချိန်နောက်ကျသွားရင် ဘေးထွက်ဆိုးကျိုးသာမက မိမိရည်မှန်းချက် စီမံချက်ကိုပါ ထိခိုက်လာနိုင်လို့ တခါတရံလူကြီး အနားယူချိန်နဲ့ထမင်းစားချိန်တွေမှာ စိတ်လက်ကြည်သာချိန် ကြည့်ပြီး တင်ပြရပါမယ်။ ဒါပေမဲ့ တချို့လူကြီးတွေဟာ အနားယူချိန်မှာ အလုပ်ကိစ္စပြောရင် စိတ်ဆိုးမာန်ဆိုး တုန့်ပြန်တတ်တာမို့ ဆဲကာမှ ဆဲရော အလောင်းအစားသဘော အရဲစွန့်တင်ပြရတာလည်းရှိပါတယ်။

စာရေးသူဆိုရင် လူကြီးထံ ချဉ်းကပ်တဲ့အခါ PA/PSO နဲ့ပူးပေါင်းပြီး GOLF ကစားချိန် စနိုးတာဝါနဲ့ သစ်သီးကမ်း ပေးတာမျိုး၊ ထမင်းပွဲတွေမှာ စားပွဲထိုးဝင်လုပ်တာမျိုး ၊ကားတံခါးဖွင့်ပေးချိန်၊ ထီးဆောင်းပေးချိန်၊ အနီးကပ် ချဉ်းကပ်ခါ ပထမခြေလှမ်းလှမ်းနိုင်ဖို့ ဦးစွာလုပ်ရပါတယ်။ လူကြီးကလည်း ဒီကောင် ဘယ်ပြသနာအထုပ်ကဖြင့် သယ်လာပြီဆိုတာ ရိပ်မိသလို မိမိရဲ့သနားစဖွယ် မချိပြုံးကို မြင်တဲ့အခါကျမှ ဘာထူးလဲကွ လို့ မေးပါတယ်။ အဲဒီအခါကျမှ တိုတိုတုတ်တုတ် Key point ကို တင်ပြရပါတယ်။ တခါတရံလူကြီးက အလိုက်ကန်းဆိုး မသိတဲ့ကောင်ဆိုပြီး တမင်မမေးဘဲ မသိချင်ယောင်ဆောင်နေရင်တော့ တနေကုန် သောကတောင်တန်း၊ နေကြယ်တွေသန်း ဇောချွေးပြန်ပြီး အဲဒီလူကြီး သာသာယာယာဖြစ်ချိန် စောင့်ကြည့်နေရကာ ဥပမာ GOLF ကစားလို့နိုင်သွားချိန်လိုမျိုးကျမှ ကိုယ့်ကိစ္စကို တင်ပြရပါတော့တယ်။

၉။ ဒါကြောင့် ယနေ့ Commander ဟာ မိန်းကလေးဖြစ်နေတာမို့ လက်အောက်က Staffs အနေနဲ့ သူမရဲ့ ဗီဇစရိုက်လက္ခဏာကို PA/PSO အနီးကပ်တွေဆီမှ လေ့လာရပါမယ်။ သူမ ဝါသနာက ဘာလဲ၊ အားလပ်ချိန်၊ ရုံးပိက်ရက်တွေမှာ ကျန်းမာရေးအရ လမ်းလျှောက်သလား၊ ဂီတအနုပညာ နားထောင်တတ်လား၊ အစားအစာ ဘာကြိုက်တတ်လဲ (ကြက်သားကာလသားချက်၊ တာလပေါ့၊ ဖရုံသီးကို အလုံး မပျက် ပေါင်း၊ အထဲ က ပုဇွန်ကြက်သားငုံးဥကို ကြက်ဥ နဲ့ ပေါင်း ပြီး အဆာသွတ် ထား တဲ့ သရေစာမုန့် )၊ အဝတ်အစား(နက်ပြာရင့်) အရောင်တွေထဲက ဘယ်အရောင်ကြိုက်လဲ၊ နှင်းဆီပန်းလို ပန်းအမျိုးအစား ထဲက ဘာကို ကြိုက်သလဲ၊ (တယ်ရီယာလိုမျိုး အိမ်မွေးခွေးလေးတွေ) ဘယ်သူတွေကို သနားကြင်နာတတ်လဲ၊ ဘာကိုဆို မလိုလားဆုံးလဲ၊ ဘယ်လိုပြုမူနေထိုင်လဲ၊ နေ့စဉ်ရုံးချိန်မှာ အလုပ်လုပ်နေတဲ့ ဇယားက ဘာလဲ၊ ဘယ်ချိန်တွေမှာ နံနက်စာ အပါအဝင် ထမင်းသုံးဆောင်တတ်လဲ၊ မိမိတင်ပြမည့်ကိစ္စ ဘယ်ချိန်မှာ တင်ပြရင်ကောင်းမလဲ၊ သူမရဲ့စရိုက် လက္ခဏာ၊ အရိပ်အခြေ သာသာယာယာဖြစ်တဲ့အချိန်နဲ့အနီးစပ်ဆုံး တွက်ဆပြီး ဝင်ရပါမယ်။

ဖိလစ်ပိုင်သမ္မတ ဒူတာတေးဟာ မြန်မာနိုင်ငံကို လည်ပတ်စဉ် ဒေါ်အောင်ဆန်းစုကြည်ရဲ့အကြိုက် နှင်းဆီးပန်းကို လေ့လာပြီး တွေ့ဆုံပွဲမှာ တခြားသမ္မတတွေနဲ့ မတူ ထူးခြားစွာ နှင်းဆီပန်းအစည်းလိုက် မေတ္တာလက်ဆောင်ပေး နှုတ်ဆက် သွားတာဟာ LEVEL တူခြင်းတောင် မာနမထားဘဲ သံတမန်ရေးရာ ချဉ်းကပ်သွားတာ သတိပြုမိပါတယ်။ ဆိုလိုတာက နံမည်ကြီးနေတဲ့ လူကြမ်းကြီးလို့ သူ့ကို ဒေါ်အောင်ဆန်းစုကြည်က ထင်မှာစိုးလို့ သူလည်း ကဗျာဆန်သူ နှလုံးသားနဲ့ပါလို့ လက်တွေ့ပြတာဖြစ်ပါတယ်။ ဒါပေမဲ့ သူလေ့လာဖို့လိုသွားတာက မြန်မာ အယူဆအရ နှင်းဆီပန်း၊ လက်ကိုင်ပုဝါပေးရင် ပြန်မတွေ့ရတော့ဖူးဆိုတာ (ပေးခံရသူက စိတ်ပူပြီး စတိသဘော ပိုက်ဆံနဲ့ပြန်ဝယ်ရတာလည်းရှိ) မေ့သွားတယ်ထင်တယ်။ သူက လှူတောင် လှူသွားပါသေးတယ်။

၁၀။ ယနေ့အစိုးရအဖွဲ့မှာ သွက်လက်ချက်ခြာပြီး Commander ဒေါ်အောင်ဆန်းစုကြည်ထံ ရဲရဲဝံ့ဝံ့ တင်ပြရဲသူကတော့ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းပင်ဖြစ်ပါတယ်။ သူဟာ ဒေါ်အောင်ဆန်းစုကြည် နိုင်ငံခြားခရီးစဉ်အရ လေဆိပ်ဆင်းတိုင်း လိုက်လံ ပို့ဆောင်ရာမှာ အရေးကြီးကိစ္စ၊ ဆုံးဖြတ်ချက်ရနိုင်ဖို့ နှုတ်ကတတွတ်တွတ်နဲ့ သဘောထားမှတ်ချက် ရလဒ်ယူနေဟန်တူကာ ရန်ကုန်တိုင်းအတွင်း လူတွေ အုတ်သြသောင်းနင်းဖြစ်အောင် လှုပ်လှုပ်ရှားရှား လုပ်နိုင်စွမ်းရှိသူဖြစ်ပါတယ်။

ယခင်အစိုးရလက်ထက်က ဦးအောင်မင်းကလည်း ငြိမ်းချမ်းရေးကော်မရှင်ဦးဆောင်ရာမှာ သမ္မတကို တိုက်ရိုက် ဖုံးဆက်၊ ထိတွေ့ခွင့်ရထားသူဖြစ်လို့ ဦးဖြိုးမင်းသိန်းလိုဘဲ ပိုင်နိုင်သူ ဖြစ်ပါတယ်။ ဒီတော့ ယနေ့ ငြိမ်းချမ်းရေးကော်မရှင် ရှေ့တန်းမှာ ဦးဆောင်နေတဲ့ ဒေါက်တာတင်မျိုးဝင်းအနေနဲ့ အထက်ပါ စူပါနှစ်ဦးလိုမျိုး ဒေါ်အောင်ဆန်းစုကြည်ကို ပိုင်နိုင်သူ ၊ တင်ပြရဲသူ၊ ရှေ့တန်းမှာ ရဲရဲဝံ့ဝံ့ဖြတ်ရဲသူ ဖြစ်ရဲ့လား။ အဲလိုမေးရတာက လက်မှတ်မထိုးရသေးတဲ့ EAOs တချို့က ယခင်အစိုးရဦးအောင်မင်းလက်ထက်က အလုပ်လုပ်ရတာမြန်ပြီး ယခုကျတော့ အဆင့်တွေများပြီးကြာတယ်လို့ဝေဖန်နေလို့ ဖြစ်ပါတယ်။ တကယ်တမ်း ဒေါက်တာတင်မျိုးဝင်း လုပ်ကိုင်ရ အဆင်ပြေအောင် ဒေါ်အောင်ဆန်းစုကြည်ကလည်း လုပ်ပိုင်ခွင့်Power Authority ပေးထားကာ လိုအပ်က တိုက်ရိုက်ဖုံးဆက်ခွင့် ပေးထားသင့်ပါတယ်။

၁၁။ တပ်မတော်က NPRC မှာ ထိပ်ဆုံးက ပါတဲ့သူကတော့ ဒုဗိုလ်ချုပ်ကြီး ရာပြည့်ဖြစ်ပြီး NPRC က မေးထားတဲ့ တပ်ပိုင်းဆိုင်ရာ သဘောထားမှတ်ချက်ကို အချိန်နဲနဲ ကြာသွားလို့ လော ချင်တယ်ဆိုကြပါစို့။ ဒေါ်အောင်ဆန်းစုကြည်က ”ကိုရာပြည့်ရေ၊ ရှင့်ဆရာ (တပ်ချုပ်) ပြောပေးပါ၊ တိုင်းရင်းသားတွေ မေးနေကြလို့ ဖြတ်ပေးပါ” လို့ မှာလိုက်ရူံပါဘဲ။ တပ်အထာအရ ထိပ်ပိုင်းလူကြီးတွေ အချင်းချင်းတိုက်ရိူက် မပြောချင်သေးဘဲ မြန်ချင်လို့ လောလိုတဲ့အခါ ထိပ်ကို ပေါက်တဲ့ ကိုရာပြည့်၊ ကိုမြတ်ထွန်းဦး၊PA /PSO တွေကို “မင်းဆရာကို ဒီကိစ္စပြောလိုက်စမ်းပါ၊ ခပ်သွက်သွက်လုပ်ပေးပါလို့” ပြောတဲ့ နည်းဗျုဟာဆက်ဆံရေးကို သုံးကြပါတယ်။ နောက် နည်းလမ်းတခုက စာတွေတင်လိုက်ရင် ရောက်မရောက်၊ ရောက်ပေမဲ့ မဖတ်ဖြစ်မှာစိုးလို့ REMIND ဖုံးနဲ့လိုက်တာမျိုးနဲ့ လူကြီးဆီမှ ဖုံးလာတဲ့အခါ တင်ထားတဲ့ဖိုင်ကို ထပ်မံသတိပေးလိုက်တာမျိုးလည်း လုပ်တတ်ပါတယ်။

၁၂။ အထက်အပိုဒ် (၃)ပါ ဒေါ်အောင်ဆန်းစုကြည်က တော်ရုံအရေးမကြီးရင် မတင်ပြနဲ့ဆိုလို့ လက်အောက် ဌာနတွေက ကြောက်လန့်သွားဟန်တူပြီး ရုံးကိစ္စများ တုန့်ဆိုင်းသွားနိုင်ပါတယ်။ ဖြစ်စဉ်နမူနာတခုတင်ပြရရင် ငြိမ်းချမ်းရေးကော်မရှင်နဲ့ DPN အဖွဲ့တွေ့ဆုံတဲ့ အစည်းအဝေးတခုမှာ ဒေါက်တာတင်မျိုးဝင်းကို ဗိုလ်ချုပ်ဂွမ်မော်က UNFC တောင်းဆိုထားတဲ့ အချက် (၈/၉) ချက်နဲ့စပ်လျဉ်းပြီး “ဘယ်တော့သိရမလဲလို့” မေးရာ “အမ (ဒေါ်အောင်ဆန်းစုကြည်) ဆီ တင်ထားတယ်လို့” ဒေါက်တာကြီးက ပြန်ဖြေခဲ့ပါတယ်။ အစည်းအဝေးပြီးခါနီးမှာပင် ဗိုလ်ချုပ်ဂွမ်မော်က “ဒေါ်စုထံ တင်ထားတာ ဘယ်အချိန်လောက်ခန့်မှန်း သိရမလဲ”လို့ ထပ်မေးခဲ့ရာ ဒေါက်တာတင်မျိုးဝင်းက “အမ (ဒေါ်စု) ထံ တင်ထားတယ်လို့ ပြောပြီးပြီလေဗျာ” ခပ်ဆပ်ဆပ်ပြန်ပြောခဲ့ရာ စကားအဖုအထစ်ဖြစ်ခဲ့တယ်လို့ ငြိမ်းချမ်းရေးကော်မရှင်နဲ့နီးစပ်တဲ့ အသိုင်းအဝိုင်းထံမှ သိရပါတယ်။

ဒါကြောင့် မတ်လဆန်းမှာ ဒေါ်အောင်ဆန်းစုကြည် နဲ့DPN အဖွဲ့တွေ့ဆုံခဲ့ပြီး အဆိုပါ UNFC ရဲ့(၈/၉)အချက်ကို “မူ” အားဖြင့် သဘောတူတယ်လို့ပြန်ကြားချက်အပေါ် ဗိုလ်ချုပ်ဂွမ်မော်က“ ၂၁ပင်လုံညီလာခံကျင်းပခါနီးကျမှ ချပေးလိုက်တာဟာ နောက်ကျတယ်၊ စောစောချပေးဖို့ကောင်းတယ်၊ အချိန်တွေနှမျောဖို့ကောင်းတယ်၊”လို့ သူ့ဖေ့ဘုတ်မှာ ဝေဖန်ခဲ့ပါတယ်။ညီလာခံက မေလကုန်မှာ ကျင်းပတာမို့ ကြားကာလ၂လကျော်ကို တကယ် သွက်သွက်လုပ်လိုက်ရင် UNFC က NCA လက်မှတ်ထိုးနိုင်ပေမဲ့ ဘာလို့ မထိုးဖြစ်တာလဲ၊ ဆက်လက် သုံးသပ်ကြစို့။

(ဆက်လက်ဖော်ပြပါမည်)

လှကျော်ဇော ● ၂၁ ရာစုပိုးလမ်းမကြီးအကြောင်း သိကောင်းစရာများ – အပိုင်း (၄)

၂၁ ရာစု ပိုးလမ်းကြီးအကြောင်း သိကောင်းစရာများ
အပိုင်း(၄)
(မိုးမခ)၊ ဇွန် ၂၅၊ ၂၀၁၇
  
တရုတ်ပြည်ရဲ့အခြေခံရည်ရွယ်ချက်။ သေနင်္ဂဗျူဟာနဲ့ နည်းနာများ။
တရုတ်ကတည်ဆောက်ပေးတဲ့-အာဖရိက-ကင်ညာရှိ-မွန်ဘာဆာနဲ့နိုင်ရိုဘီအကြားရထားလမ်း
 ကမ္ဘာမှုပြုခြင်း (သို့မဟုတ်) ဂလိုဘယ်လာဇေးရှင်းအစကို ဗြိတိသျှအင်ပါယာအမှုးပြုတဲ့ အနောက်တိုင်းကိုလိုနီစနစ်က ၁၉ ရာစုနဲ့ ၂၀ ရာစုများ က အုတ်မြစ်ချခဲ့တယ်လို့ သမိုင်းဆရာများက ဆိုခဲ့ပါတယ်။ နောက်ပိုင်းမှာ အမေရိကန်အမှူးပြုတဲ့ နိုင်ငံစုံ-နိုင်ငံခွကျော်ကော်ပိုရေးရှင်းကြီးတွေ ရဲ့ကမ္ဘာအနှံ့ အလွန်ကြီးမားကျယ်ပြန့်လှတဲ့(အကျိုးအမြတ်လည်းကြီးလှတဲ့) ကမ္ဘာမှုပြုခြင်း ပေါ်ပေါက်လာပါတယ်။
ဒါကို ကမ္ဘာမှုပြုခြင်း ၁.၀ (globalization1.0) လို့ သတ်မှတ်ထားပါတယ်။

    ဒီနေ့ (၂၁ ရာစု-အစမှာတော့) ဒီကမ္ဘာမှုပြုခြင်းကိုစတင်ဖော်ဆောင်ခဲ့ပြီး အကျိုးအမြတ်အများကြီးရခဲ့တဲ့ နိုင်ငံများ(ဥပမာ- အမေရိကန်၊ ဗြိတိန်) အပါအဝင် နိုင်ငံအတော်များများမှာတောင် ကမ္ဘာမှုပြုခြင်းကိုဆန့်ကျင်တဲ့ (anti-globalization)  လှုပ်ရှားမှုတွေ၊ အလွန်ကျဉ်းမြောင်းတဲ့ ကိုယ်ကျိုးစီးပွားကာကွယ်ရေး (protectionism) စိတ်ဓာတ်တွေ ပေါ်ပေါက်လာနေ ပါတယ်။

    ဒီလိုကမ္ဘာကြီးရဲ့ဖွံ့ဖြိုးတိုးတက်ရေးလမ်းကြောင်းလမ်းဆုံ လမ်းခွရောက်လာတဲ့အချိန်မှာ တရုတ်ကွန်မြူနစ်များ ဘယ်လို စဉ်းစားခဲ့သလဲ။

အရင်းရှင်ကမ္ဘာရဲ့အကျပ်အတည်းများကို တရုတ်ဆိုရှယ်လစ်စနစ်အရေးတော်ပုံအတွက် အခွင့်ကောင်းများအဖြစ် ပြောင်းလဲနိုင်အောင် ကြိုးစား လာပါတယ်။ ဒီမှာတင် ၂၁ ရာစုပိုးလမ်းမစီမံကိန်း ပေါ်ပေါက်လာတာပါ။ ဒါကြောင့်ပဲ တရုတ်ကွန်မြူနစ်များက ဒီစီမံကိန်းကြီးဟာ တရုတ်ရဲ့ ကမ္ဘာဘုံ (common) ဖွံ့ဖြိုးတိုးတက်ရေးအတွက် ဆိုရှယ်လစ်လက္ခဏာဆောင်တဲ့ ဖြေရှင်းချက်တရပ်ဖြစ်ပါတယ်လို့ ဆိုကြတာဖြစ်ပါတယ်။

တကယ်တော့ ဆိုရှယ်လစ်နိုင်ငံကိုအုပ်ချုပ်နေတဲ့အကြီးဆုံးပါတီကြီးဖြစ်တဲ့ တရုတ်ကွန်မြူနစ်ပါတီအနေနဲ့ အရင်းရှင် ဂလိုဘယ်လာဇေးရှင်းကို ဆို ရှယ်လစ်ဂလိုဘယ်လာဇေးရှင်းနဲ့ အစားထိုးနိုင်မယ့်လမ်းကြောင်းသစ်ကို တီထွင်ဖန်တီးမှုရှိစွာ ဖော်ထုတ်လိုက်ခြင်းဖြစ်ပါတယ်။

(အနောက်တိုင်းပညာရှင်များကတော့ ဒါကို တရုတ်ထူးခြားချက်များနဲ့ကိုက်ညီတဲ့ ဂလိုဘယ်လာဇေးရှင်း (Globalization with Chinese charectar- istic) လို့ သညာပြုပါတယ်။ ကမ္ဘာမှုပြုခြင်း၂.၀ (globalization 2.0) လို့လည်း အမည်ပေးတာတွေ ရှိပါတယ်။

၁၉၇၈ ကစလို့ တံခါးဖွင့်ရေး၊ ပြုပြင်ပြောင်းလဲရေးပေါ်လစီများလုပ်ဆောင်ပြီး တရုတ်ထူးခြားချက်များနဲ့ကိုက်ညီတဲ့ ဆိုရှယ်လစ်စနစ် တည် ဆောက်နေ တဲ့တရုတ်နိုင်ငံဟာ အရင်းရှင်ဂလိုဘယ်လာဇေးရှင်း ရေစီးကြောင်းအတိုင်းလိုက်ရင်း အကျိုးအမြတ်တွေလည်း မြိုးမြိုးမြက်မြက် ရထား ပါတယ်။ (နိုင်ငံခြားအရန်ငွေ ဒေါ်လာ-၃-ထရီလျံရှိ)။ အရင်းရှင် နိုင်ငံများရဲ့အကျပ်အတည်းများကြောင့် တရုတ်အနေနဲ့ကလည်း သူရဲ့ ဖွံ့ဖြိုးတိုးတက် ရေးပုံစံကို ထွက်ကုန်(ပိုကုန်)အားပြုတဲ့ ပုံစံကနေ ပြည်တွင်းသုံးစွဲမှုကိုအားပေးတဲ့ပုံစံသို့ ပြင်ဖို့ လိုလာပါတယ်။ သူ့နိုင်ငံမှာပုံနေတဲ့ကုန်ပစ္စည်းတွေနဲ့ ငွေအရင်း အနှီးတွေကို တင်ပို့ဖို့လည်းလိုလာပါတယ်။ ဒါပေမဲ့ ဒါကို ပုံစံသစ်နဲ့ (Win-win-အပြန်အလှန် အကျိုးရှိရေး) လုပ်ချင်တာပါ။ ဒါ့ကြောင့်ပဲ တရုတ်ကိုတချို့ အနောက်တိုင်းပညာရှင်တွေက ကိုလိုနီဝါဒသစ်ကျင့်သုံးနေတယ် ဒုတိယကမ္ဘာစစ်အပြီး အမေရိကန်က ဥရောပပြန်လည် နာလန်ထူ ရေးအတွက်လုပ်ခဲ့တဲ့ မာရှယ်စီမံကိန်းအတိုင်းလုပ်နေတယ်လို့ စွပ်စွဲတာတွေကို တရုတ် က လက်မခံတာပါ။

ဒီနေရာမှာ လက်ရှိတရုတ်ရဲ့ကမ္ဘာအမြင်ကို ထည့်သွင်းစဉ်းစားဖို့ လိုလာပါတယ်။

တရုတ်က လက်ရှိကမ္ဘာဟာ ငြိမ်းချမ်းရေး၊ ဖွံ့ဖြိုးတိုးတက်ရေး၊ ပူးပေါင်းဆောင်ရွက်ရေးဆိုတဲ့ လေထုက အဓိကဖြစ်နေတယ်လို့ရှုမြင်ပြီး ငြိမ်းချမ်းစွာ ဖွံ့ဖြိုးတိုးတက်ရေးဆိုတဲ့လမ်းကြောင်းကို မိမိကိုယ်တိုင်လည်းလုပ်ဆောင်နေပြီး နိုင်ငံတကာစင်မြင့်တွေမှာလည်း တိုက်တွန်းပြော ဆိုနေပါတယ်။ ဒီ အယူအဆရဲ့အခြေခံတရားကတော့ ကမ္ဘာကြီးရဲ့အရင်းအမြစ်အားလုံးကို တရားမျှတစွာခွဲဝေယူမယ်ဆိုရင် ကမ္ဘာကြီးရဲ့ လူဦးရေ (ယခု-၇-ဘီလီယံ ကျော်-)....အားလုံးအတွက်လုံလောက်တယ်ဆိုတဲ့ အမြင်ပါပဲ။ တချိန်ထဲမှာလည်း ဒုတိယကမ္ဘာစစ်ပြီးချိန်ကစလို့ တည်ရှိလာခဲ့တဲ့ နိုင်ငံတကာ နိုင်ငံရေးစည်းစနစ်တွေ်၊ နိုင်ငံတကာဘဏ္ဍာရေးစည်းစနစ်တွေဟာ အခုအချိန်မှာ သိပ်အသုံးမတဲ့တော့ဘူး။ ပြန်လည်ပြုပြင်သင့်တယ်လို့ဆိုလာပါတယ်။ (တကယ်တော့ တရားမျှတမှုမရှိဘူးနိုင်ငံကြီးတွေက လက်ဝါးကြီးအုပ်ထားတယ်လို့ ဆိုချင်တာပါ)

တကယ်တော့တရုတ်က နိုင်ငံကြီးငယ်မဟူ ပြောရေးဆိုခွင့်ရရှိတဲ့ (Multi-lateralism) ကို ရည်ညွှန်းတာပါ။

တရုတ်ပြည်-အနောက်မြောက်-စင်ကျန်ပြည်နယ်အတွင်းကအမြန်ရထားလမ်း
ဒီမှာတင်၂၁ ရာစုပိုးလမ်းမစီမံကိန်းကြီး ပေါ်လာတာပါပဲ။ ဒီနေရာမှာ တရုတ်ရဲ့ပြင်ဆင်မှုများကိုကြည့်ရင် အလွန်သိုသိပ်၊ ဘက်စုံပြီး မြန်ဆန် တာကို မြင်နိုင်ပါတယ်။ လွတ်မြောက်ရေးတိုက်ပွဲများအတွင်း တရုတ်ကွန်မြူနစ်တွေဟာ အလွန်ကျော်ကြားလှတဲ့ပြောက်ကျား စစ်များတိုက်ခဲ့ သူများပီပီတချို့ ကိစ္စတွေမှာ အလွန်ပြောက်ကျားဆန်ပါတယ်။ ဥပမာ- အာဖရိကတိုက်ကရထားလမ်းများကိစ္စ၊ ...ဘယ်သူမှ ထင်မထားတဲ့ နေရာမှာ အလွန်မြန်ဆန် လှတဲ့နှုန်းနဲ့ ရထားလမ်းတွေကို တည်ဆောက်ပစ်လိုက်တာပါ။ အဲသလိုစမ်းသပ်ကွက်အတော်များများလုပ်ပြီး တစုံ တရာအကောင်အထည် ပေါ်လာမှ လူသိရှင်ကြာ ကြေညာတာပါ။ တိန့်ရှောင်ဖင်ကလည်း ဒီလိုမှာထားခဲ့ဖူးပါတယ်။  ဆိုရှယ်လစ်နိုင်ငံ တည် ဆောက်ရေးမှာ ဘယ်သူမှအောင်မြင် အောင်မလုပ်နိုင်သေးဘူး။ ဒါ့ကြောင့် လုပ်ငန်းတွေလုပ်ဆောင်ရာမှာ မြစ်တွေချောင်းတွေထဲ ကျောက် ခဲတုံးတွေပေါ် စမ်းတ၀ါးဝါးလျှောက်ရသလို ခြေထောက်တချောင်းမြဲမှ နောက်တချောင်းကိုလှမ်း….တဲ့။ သူတို့နိုင်ငံရဲ့ တချို့စီမံကိန်းတွေဆိုရင် လည်း တရွာစ နှစ်ရွာစများမှာ စမ်းသပ်လုပ်ကိုင် ပြီး အောင်မြင်မှ ခရိုင်အဆင့်တက်၊ ပြည်နယ် အဆင့်တက်နဲ့ အလွန်စိတ်ရှည်ပြီး ဘက်စုံကျ စေ့စပ်ပါတယ်။ တခုရှိတာက သူတို့နိုင်ငံရဲ့အာဏာက တရုတ်ကွန်မြူနစ် ပါတီ တပါတီထည်းတောက်လျှောက်ကိုင်ထားတာဖြစ်လို့ အစိုးရက ချမှတ်ထားတဲ့ ပေါ်လစီတွေကို အကောင်အထည်ဖော်ရာမှာ အချိန် ကောင်းကောင်းယူပြီး တဆက်တစပ်ထဲလုပ်နိုင်တာလည်း ပါပါတယ်။ (တချို့နိုင်ငံတွေမှာတော့ အစိုးရတခါပြောင်းရင် ပေါ်လစီတွေ တခါ ပြောင်း ဖြစ်တတ်ပါတယ်။ အခု-အမေရိကန်သမ္မတထရာမ့်လုပ်နေပုံတွေပဲ ကြည့်ပါ။ အိုဘာမာ စီမံကိန်းတွေအားလုံး လိုက်ဖျက်ပစ်နေပါတယ်။)

နိုင်ငံတကာတပ်ပေါင်းစုလုပ်ငန်းလုပ်ဆောင်ရာမှာလည်း အတော်ညက်ပါတယ်။ ဆိုဗီယက်ယူနီယံကြီးပြိုကွဲအပြီး ရုရှားတင်မက ပဲ့ထွက် ကုန်တဲ့ နိုင်ငံများကို လှမ်းမဟာမိတ်ဖွဲ့လိုက်နိုင်မှုက တရုတ်တွေအတွက် အတော်အကျိုး ရှိလိုက်ပါတယ်။ အနှစ်(၆၀)ကျော်ဆိုရှယ်လစ်စနစ်တည်ဆောက် ရာမှာ ဆိုဗီယက်ယူနီယံအနေနဲ့ငွေရေးကြေးရေးအရ ချွတ်ခြုံကျသွားပမယ့် သုတေသနလုပ်ငန်းတွေလုပ်လာနိုင်ခဲ့လို့ နယ်ပယ် အသီးသီးမှာ တပိုင်း တစလုပ်ငန်းတွေ အများကြီးရှိနေတာပါ။ လူစွမ်းအားဇာစ်မြစ်တွေလည်း အလျှံပယ်ပါ။ ဒါတွေကို အဲဒီနိုင်ငံအများအပြားက ထုတ်ရောင်းတာ၊ လူ တွေကို ဌားရမ်းပေးတာတွေ လုပ်ပါတယ်။ တရုတ်ကဝယ်လို့ရသမျှ ဝယ်တယ်။ မရောင်းတာတွေကိုငွေစိုက်ပြီး ပူးပေါင်း လုပ် ဆောင်နိုင်လို့ တရုတ်ရဲ့နယ်ပယ်ပေါင်းစုံ အထူးသဖြင့် သိပ္ပံနဲ့နည်းပညာလုပ်ငန်းတွေ စစ်ဘက်ဆိုင်ရာကာကွယ်ရေးလုပ်ငန်းတွေမှာ အများကြီးအကျိုးရှိလိုက်ပါတယ်။ ဥပမာ- ယခုနောက်ပိုင်း တရုတ်ရဲ့အာကာသလုပ်ငန်းများ တိုးတက် လာတာ၊တရုတ်ရေတပ်ကိုခေတ်မီရေး လုပ်ဆောင်ချက်များကိုကြည့်ပါ။
ယူကရိမ်းကထုတ်ရောင်းတဲ့(ရုရှားတွေစွန့်ပစ်ခဲ့တဲ့)လေယဉ်တင်သင်္ဘောကြီးကိုပေါချောင်ကောင်းဝယ်ပြီး၊ ပြုပြင် ပြင် ဆောက်လုပ်ပြီး၊ အကောင်းပကတိပြန်ဖြစ်အောင်လုပ်နိုင်ရုံမက အခုအသစ်တစီးကိုလည်း ပြည်တွင်းမှာ တည်ဆောက်လိုက်နိုင်ပြီး မကြာခင် ရေချတော့မှာ ဖြစ်ပါ တယ်။ (တချို့အဆင့်မြှင့်နည်းပညာတွေကို အမေရိကန်နဲ့ဥရောပနိုင်ငံများက လုံခြုံရေးအကြောင်းပြချက်နဲ့ တရုတ်ကိုရောင်းမပေးပါဘူး။ အခု တလော သမ္မတထရာမ့်ကအိုဘာမာရဲ့ ပဲရစ်သဘောတူ ညီချက်စာချုပ်က နှုတ်ထွက်ခဲ့ပါတယ်။ အမေရိကန်ရဲ့အလုပ်အကိုင်တွေထိခိုက်တယ်... ဆိုတဲ့အကြောင်းပြချက်နဲ့ပါ။
ဒါပေမဲ့ သန့်ရှင်းသောစွမ်းအင်(clean-energy)အတွက် လိုအပ်တဲ့အဆင့်မြင့်နည်းပညာတွေကို တခြားနိုင်ငံများကို မျှဝေပေးရမှာစိုးလို့ လို့ တချို့ပညာရှင်တွေက အမေရိကန်ကိုစွပ်စွဲနေပါတယ်။)

   ဒါ့အပြင် နိုင်ငံရေး၊ ကာကွယ်ရေး၊ စီးပွားရေးစတာတွေမှာလည်း ဒီလိုဘဲအောင်မြင်မှုတွေရနေတာ တွေ့နိုင်ပါတယ်။
၂၀၀၇ မှာ ရုရှားသမ္မတပူတင်ရဲ့စီမံကိန်းယူရေရှားစီးပွားရေးအဖွဲ့ (ယခင်ဆိုဗီယက်ယူနီယံဟောင်းနိုင်ငံများနဲ့စုပေါင်းဖွဲ့စည်းထားတာ)(Eurasia Economic Union.E.E.U)ကို၂၀၁၄ မှာတရုတ်ရဲ့ပိုးလမ်းမစီမံကိန်းနဲ့ ဆက်စပ်လိုက်နိုင်မှုပါပဲ။
ရုရှားရဲ့စီးပွားရေးဟာ စိတ်သွားတိုင်းကိုယ်မပါနိုင်တာကြောင့်ရော၊ တရုတ်ရဲ့ချဉ်းကပ်နည်းများ ပျော့ပျောင်းတာကြောင့်ရော ဒီလိုပူးပေါင်း လိုက်နိုင်တာပါ။(အစောပိုင်းက အနောက်တိုင်းပညာရှင်များက ပူတင်စီမံကိန်းနဲ့ ရှီကျင့်ဖင်စီမံကိန်းတို့ထိပ်တိုက်တွေ့လိမ့်မယ်...လို့ ဟောကိန်း ထုတ်ခဲ့တာပါ။) တရုတ်အတွက် ဒီကိစ္စဟာ အရေးကြီးတဲ့အောင်ပွဲပါ။ ပူတင်ရဲ့စီမံကိန်းကိုတရုတ်က ပိုးလမ်းမနဲ့ဆက်လိုက်နိုင်တော့ တရုတ် ပြည်က (ပိုးလမ်းမ အထွက်လမ်းကြောင်းတကြောင်းဖြစ်တဲ့) စင်ကျန်ပြည်နယ်နဲ့ (အရင် ဆိုဗီယက်ယူနီယံက) မူစလင်နိုင်ငံများ တဆက်တစပ် ထဲဖြစ်သွားပါတော့ တယ်။ တရုတ်ကသူ့နိုင်ငံ စင်ကျန် လူမျိုးတွေရဲ့အစွန်းရောက်အကြမ်းဖက်ဝါဒကိုတိုက်ဖျက်ရာမှာ (အမာနည်းဖြစ်တဲ့ တရား ဥပဒေက အရေးယူခြင်း များအပြင်) အပျော့နည်းဖြစ်တဲ့ စင်ကျန်ဒေသစီးပွားရေးတိုးတက်လာရေးကိုလည်း အတော်အာရုံထား လုပ်ဆောင်ပါ တယ်။
(တရုတ်က အကြမ်းဖက်ဝါဒကိုတိုက်ဖျက်ရာမှာ အကြမ်းဖက်ဝါဒရဲ့အရင်းအမြစ်ဖြစ်တဲ့ ဆင်းရဲမွဲတေမှုကို အဓိကထားဖြေရှင်းတာပါ။)

ဒီစီိမံကိန်း(၂)ခုကြောင့် စင်ကျန်အပြင် တခြားမူစလင်နိုင်ငံများကိုပါ စီးပွားရေးတိုးတက်လာစေပါတယ်။ ဒါတွေကြောင့် တရုတ်ပြည်မှာ အကြမ်း ဖက် ၀ါဒတိုက်ခိုက်မှုတွေ ကျဆင်းလာတာပါ။(ဒါ့ကြောင့် တရုတ်ပြည်က တနိုင်ငံထဲ တိုးတက်လို့မဖြစ်၊ ဖွံ့ဖြိုးတိုးတက်မှုတွေကို မျှဝေမျှမယ်လို့ ဆိုနေတာပါ။ မျှဝေရာမှာ သူတို့နိုင်ငံရဲ့ဖွံ့ဖြိုးတိုးတက်မှုပုံစံ(mode of development) ပါ ပါဝင်ပါတယ်။ ဒါကိုပဲ အရင်းရှင်နိုင်ငံကြီးများက မခံ မရပ်နိုင် ဖြစ်နေတာပါ။)

ဒါတင်မက တရုတ်ရဲ့ပိုးလမ်းမစီမံကိန်းအတွက်ရည်ရွယ်ထူထောင်လိုက်တဲ့ အာရှအခြေခံအဆောက်အအုံ ရင်းနှီးမြှုပ်နှံမှုဘဏ် (Asia Infrast- ructure Investment Bank-A.I.I.B) ဟာလည်း တရုတ်တွေကိုယ်တိုင် အံ့သြယူရလောက်အောင် အောင်မြင်လာတာတွေ့ရပါတယ်။ တရုတ်ရဲ့ ပစ်မှတ်ဖြစ်တဲ့ ဖွဲ့ဖြိုးဆဲနိုင်ငံများသာမက (အမေရိကန်ရဲ့ဖိအားကိုအံတုပြီး) ဥရောပက ဖွံ့ဖြိုးပြီးနိုင်ငံများ အများအပြား ပါလာတာပါ။ အခုအခါပါဝင်လာတဲ့နိုင်ငံများဟာ နိုင်ငံပေါင်း (၈၀) ကျော်သွားပါပြီ။ အခုဂျပန်ကတောင် ပါတော့မယ့်အလားအလာများ တွေ့လာနေရပါတယ်။

ဒီလိုအောင်မြင်လာရတာမှာ အကြောင်းတွေရှိပါတယ်။ တရုတ်က သူဦးစီးတည်ထောင်ပေမယ့်အားလုံးပါဝင်နိုင်ရေး ပွင့်လင်းမြင်သာမှုရှိရေး၊ အကျိုးအမြတ်ကိုညီတူမျှတူခွဲဝေရေး၊ သဘာဝပတ်ဝန်းကျင်မထိခိုက်ရေးဆိုတဲ့မူတွေအပြင်၊ သူတို့အနေနဲ့ ဗီတိုမသုံးပါဘူး။ ကုန်သွယ်ရေး လုပ်ငန်းတွေမှာ ဘုံငွေကြေးအဖြစ် အမေရိကန်ဒေါ်လာပဲသုံးမယ် တရုတ်ပြည်ရဲ့စီမံကိန်းများမပါဝင်စေရပါဘူးဆိုတဲ့ တရုတ်ရဲ့ကတိပေးချက် များကလည်း တခြားနို င်ငံတွေ (တသီးပုဂွလိက ရင်းနှီး မြှုပ်နှံသူများအပါအဝင်) ကို ဆွဲဆောင်နိုင်ခဲ့ပါတယ်။

နောက်တချက်ကတော့ လက်ရှိကျင့်သုံးနေဆဲ ဂလိုဘယ်လာဇေးရှင်းကြောင့်ဖွံ့ဖြိုးပြီးနိုင်ငံအများအပြားမှာစုဆောင်းရရှိထားတဲ့ ငေငွအရင်း အနှီးများ ဟာ (ကမ္ဘာဘဏ်ရဲ့တွက်ချက်မှုအရ) ဒေါ်လာ-ထရီလျံပေါင်း(၄၀)ရှိနေပါတယ်။ ဒါ့ကြောင့် ဒီအရင်းအနှီးများကို အကျိုးအမြတ် တစုံတရာ ရှိမဲ့ စိတ်ချ ရတဲ့ ရင်းနှီးမြှုပ်နှံမှုတွေမှာ မြှုပ်နှံချင်ကြပါတယ်။ ဒီမှာတင် တရုတ်ရဲ့ အားလုံးပါဝင်လာရေးမူကိုသဘောကျပြီး ဝိုင်း ရင်းနှီးမြှုပ်နှံလာကြခြင်း ဖြစ်ပါတယ်။

နောက် ဒီ (A.I.I.B) ရဲ့လုပ်ငန်းတွေကိုလည်း ကျန်နိုင်ငံတကာ ဘဏ္ဍာရေးဆိုင်ရာအဖွဲ့အစည်းများ(ဥပမာ-ကမ္ဘာဘဏ်၊ အိုင်-အမ်-အက်ဖ်၊ အာရှဖွံ့ဖြိုးရေးဘဏ်များ) နဲ့ ဆွဲဆက်စပ်လိုက်ပြီး လုပ်ငန်းစီမံကိန်းများ(အခြေခံအဆောက်အအုံတည်ဆောက်ရေး) မှာ ပူးတွဲလုပ်ဆောင် လာနိုင်တာပါ။ ဒီဘဏ်တည်ထောင်စဉ်က အပြိုင်အဆိုင်လုပ်လာနိုင်တယ်ဆိုပြီး သံ သယဝင်နေသူများကို တရုတ်က သူတို့အနေနဲ့-လိုအပ်တဲ့ နေရာတွေမှာ ဖြည့်ဆည်းဖို့ (complementery) သာဖြစ်ပါတယ်...လို့ပြောခဲ့တာပါ။ ဒီကတိလည်း တည်တဲ့အတွက် ယုံကြည်မှုတွေ တိုးလာ တာဖြစ်ပါတယ်။ ဒါတွေ ကြောင့်ပဲ မေလကပီကင်းမှာကျင်းပတဲ့ပိုးလမ်းမဖိုရမ်ကို ကမ္ဘာဘဏ်ဥက္ကဋ္ဌရော၊ အိုင်အမ်အက်ဖ်ကဥက္ကဋ္ဌရော တက်ရုံမက အားတက်သရော၊ ထောက်ခံအားပေးတဲ့မိန့်ခွန်းတွေတောင် ပြောခဲ့ပါတယ်။
တကယ်တော့ တရုတ်တွေအတွက် သူတို့နိုင်ငံကို ဆိုရှယ်လစ်နိုင်ငံအဖြစ်တည်ဆောက်ရာမှာ အယူဝါဒရေးရာတွေမှာ အစွဲအလန်းတွေ (ideological bias) မထားဘဲ လက်တွေ့အကျိုးရှိရေး (pragmatism) ကိုသာဦးတည်ပြီး အရင်းရှင်ဝါဒအတွင်းက ကောင်းမွန်တဲ့အချက်များကို ထုတ်နှုတ်သုံးစွဲ ကြည့်ပြီး လိုအပ်တာများကိုပြုပြင်ပြောင်းလဲပြီး ရရှိလာတဲ့အကျိုးကျေးဇူးများကိုမျှဝေရာမှာတတ်နိုင်သမျှ တရားမျှတအောင် လုပ်ဆောင်ပါတယ်။ (တနည်းပြောရရင် ဆိုရှယ်လစ်လက္ခဏာသွင်းယူတာပါ။) ဒီလိုနဲ့ ကံတူအကျိုးပေးအဖွဲ့အစည်းတရပ်(shared-destiny) တည်ထောင်ရေးတို့၊ သဟ ဇာတ ကျတဲ့လူ့အဖွဲ့အစည်း(harmonious-society)တည်ထောင်ရေးတို့ ဆိုတဲ့ တရုတ်တွေရဲ့ကြွေးကြော်သံတွေ ပေါ်ပေါက်လာတာပါ။
ဒါတွေကတော့ တရုတ်ရဲ့သေနင်္ဂဗျူဟာခြေလှမ်းများနဲ့ လုပ်ဟန်များ ဖြစ်ပါတယ်။