ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဆောင်းယွန်းလ ● ပင်လယ်ကိုပစ်လို့ အဝီစိရှာခြင်း

ဆောင်းယွန်းလ ● ပင်လယ်ကိုပစ်လို့ အဝီစိရှာခြင်း
(မိုးမခ) ဇွန် ၂၄၊ ၂၀၁၇

ပြဿနာကို
မီးခွက်ထွန်းရှာတဲ့ ခေတ်ဟာကုန်သွားတော့
မီးခွက်ကို
ပြဿနာထွန်းရှာနေရတဲ့ ခေတ်ကိုရောက်လာတယ်။

ပြေပြေလည်လည်ပြောလေ
ပိုပြီးမပြေမလည်ဖြစ်နေတဲ့ ကမ္ဘာမှာ
တရာတန်တရွက်ကျပျောက်လို့ ငုံ့ရှာရင်
ဖုန်းစုတ်ကလေးပါ ကျပျောက်တာ မဆန်းတော့။

အိပ်မပျော်တဲ့ ညတွေကို
ကျေညက်အောင် မထွန်ယက်နိူင်တဲ့အခါ
လူကြီးလူကောင်းဆိုသူတို့ရဲ့ တိုက်နဲ့ကားကြီးတွေပေါ်မှာ
အိပ်မက်ဟာ ဖုန်မှုန့်ကလေးအဖြစ်တောင် မကပ်နိုင်ပါ။

ငွေထိုးရင်း လေလျော်ခံရတဲ့
စိတ်ကူးတွေထဲမှာလည်း
အဝတ်အစားတွေ မပြောင်ယောင်နိုင်တော့။

မဲမဲမြင်ရာကို ပစ်ရမယ်ဆိုရင်
မဖြောင့်တန်းတဲ့ စနစ်ကို ပစ်ချင်သလို
အောင့်နမ်းနေရတဲ့ အချစ်ကိုလည်း ပစ်ချင်တယ်
မကောင်းတဲ့ ချောင်းနဲ့
မစစ်တဲ့ မြစ်ကိုလည်း ပစ်ချင်ပေါ့။

ပင်လယ်ပြာရှာသော်လည်း
ကမ္ဘာအလီလီတိုင်သည်အထိ မတွေ့မိ။

ရှေ့ပြော နောက်ကြည့်နေရတဲ့ ခေတ်ဟာကုန်သွားတော့
ရှေ့ကြည့်ပြီး
နောက်ကြောင်းပြန်ပြောနေရတဲ့ ခေတ်ကိုရောက်လာတယ်။

မချစ်မနှစ်သက်သူတွေနဲ့
တခုံတည်းထိုင်စီးနေရတဲ့ ကမ္ဘာကြီးပေါ်က
အပြီးအပိုင်ခုန်ချလို့ရရင်
လူ့အဖြစ်ကနေ ဂငယ်ကွေ့ကွေ့ရင်း
အဝီစိမှာ ငရဲမင်းဆင်းလုပ်ချင်တယ်။

လိုက်လိုသူများ ဆင်းခဲ့ကြ
ငရဲမင်းဘဝဟာ
လူ့ဖြစ်ခြင်းထက်တော့ သာမှာသေချာတယ်။

ဆောင်းယွန်းလ
(ဇွန်လ ၂၁ရက်၊ ၂၀၁၇)

မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၄)

မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၄)
(မိုးမခ) ဇွန် ၂၃၊ ၂၀၁၇

သို့သော် ထိုသတင်းစာရှင်းလင်းပွဲတွင်ပြောကြားသော ပိုက်လိုင်းဖြတ်သန်းသည့် ကျေးရွာများတွင် ၂၄ နာရီရသည်ဆိုသည်မှာ မဒေးကျွန်းအတွက်တော့ မမှန်ကန်ပေ။ မဒေးကျွန်းတွင် တရက် ၄ နာရီသာ မီးရသေးသည်။ သန့်စင်သောသောက်သုံးရေ ရရှိစေသည်မှာလည်း အပြည့်အဝမမှန်ပေ။ မဒေးကျွန်း၌ ရေပေးဝေဖြန့်ဖြူးခဲ့သော်လည်း သောက်သုံးရန်အထိ ရေမသန့် သေးဘဲ သုံးစွဲရန်အတွက်သာ အဆင်ပြေပါသေးသည်။ ထို့အပြင် ၃ မိုင်ခန့်သာ ဖောက်လုပ်ရန်လိုအပ်သည့် ရွာချင်းဆက် လမ်းမှာလည်း ဖောက်လုပ်ပေးသည်ဆိုသည့် ၂ နှစ်အတွင်းမှာပင် ရွှံ့အလူးလူး ဗွက်အလူးလူးနှင့်သာရှိပါသေးသည်။ ရွာချင်း ဆက်လမ်းပေါ်ရှိ တံတားများလည်း ကျိုးပဲ့ပျက်စီး၍နေသည်က ဖြစ်ရပ်မှန်များဖြစ်သည်။

သို့ဖြစ်ရာ ပထမအချက်အနေနှင့် ပြန်သုံးသပ်ကြည့်လျှင် အမှန်တကယ် မဒေးကျွန်းလက်ခံရရှိသော စာသင်ကျောင်း မီတာ ဘောက် စသည်တို့ကဲ့သို့အရာများရှိသကဲ့သို့ ရေ/လျှပ်စစ်မီးစသည်တို့ကဲ့သို့ အပြည့်အဝအကောင် ထည်မဖေါ်နိုင်သေး သည်များလည်း ရှိသည်။ ရွာချင်းဆက်လမ်းကဲ့သို့ ငွေကြေးအကုန်အကျခံပြီး ဖောက်ပေးထားသော်လည်း နှစ်ပိုင်းအတွင်း ပြန်လည်ပျက်စီးသွားခဲ့ခြင်းနှင့်ပတ်သက်ပြီး အဆိုပါဖွံ့ဖြိုးရေးလုပ်ငန်းများဆောင်ရွက်ရန် လုပ်ငန်းအပ်နှံရာတွင် လက်ခံရာ တွင် အရည်အသွေးစစ်ဆေးမှုနှင့်ပတ်သက်ပြီး အားနည်းချက်ရှိသည်ဟု ဆိုရမည်။ ၂၀၁၇ မေ ၂၂ ရက်နေ့ မဒေးကျွန်း ဆန္ဒပြပွဲအပြီး ဇွန်လဆန်းမှစ၍ ရွာချင်းဆက်လမ်းပေါ်ရှိ ကျိုးပျက်နေသောတံတား ၃ စင်းအား ကွန်ကရစ်တံတားများအဖြစ် ပြန်လည်ဆောက်လုပ်နေသည်ကတော့ ကောင်းသည့်ကိစ္စဖြစ်ပေသည်။

ဒုတိယအချက် ထည့်သွင်းစဉ်းစားထားခြင်းရှိဟန်တူသော ပြဿနာများပေါ်ပေါက်လာခြင်းဖြစ်သည်။ ယခု မဒေးကျွန်း ရေ လမ်းကြောင်း၌ ရေနံတင်သင်္ဘောများ ဝင်ရောက်လာခြင်းကြောင့် ဒေသခံများ၏ အသက်မွေးဝမ်းကြောင်း ထိခိုက် သည့်ပြဿနာဖြစ်သည်။ ဤအခြေအနေများနှင့်ပတ်သက်၍ အဓိကပြည်ထောင်စုအစိုးရတွင် တာဝန်ရှိသည်ဟု ဆိုနိုင်ပါ သည်။ သို့သော် တရုတ်ကုမ္ပဏီများသည်လည်း တာဝန်ခံမှု တာဝန်ယူမှု ရှိရန်လိုအပ်ပေလိမ့်မည်။ ၂၀၁၇ ခုနှစ် မေလ ၂၂ ရက်နေ့က ဒေသခံ ၁၀၀၀ ကျော် တို့ လှေအစီး ၂၂၀ နှင့် CNPC သို့သွားရောက်ပြီး ရေလမ်းကြောင်းပိတ်ပင်ခံရမှုနှင့် ပတ် သက်ပြီး ဆန္ဒပြရာတွင် CNPC လက်အောက်ခံ SEAOP ဒုတိယဥက္ကဌ မစ္စတာ လီဇိလင် Li Zilin က "ဒေသခံတွေတောင်းဆိုတဲ့ အချက်တွေက ကုမ္ပဏီတာဝန်ထက် ကျော်လွန်နေပါတယ်။ ဒါကို အစိုးရကိုတင်ပြပေးပါမယ်" ဟု ဆိုသည်။ အထက်ပါပြော ကြားချက်သည် လက်ခံနိုင်ဖွယ်ရှိသော်လည်း ကုမ္ပဏီ၏ တာဝန်ရှိမှု တာဝန်ခံမှု responsibility အား ပစ်ပယ်၍ မရပေ။

၂၀၁၇ မေ ၂၂ ရက်နေ့ မဒေးကျွန်းရေပေါ်ဆန္ဒပြပွဲအပြီး CNPC မှတာဝန်ရှိသူအချို့မှ စာနယ်ဇင်းများသို့ ပေးပို့ရှင်းလင်းသည့် အချက်အလက်အချို့၌ တာဝန်ခံမှု မရှိသည်မှာ စိတ်ပျက်စရာဖြစ်သည်။ သို့သော် အံ့အားသင့်ဘွယ်ကောင်းသည်မှာ ထို ပေးပို့သော ရှင်းလင်းချက်တွင် မည်သည့်ကုမ္ပဏီ မည်သူမည်ဝါမှဟူ၍ လက်မှတ်ရေးထိုးထားခြင်း မရှိခြင်းဖြစ်သည်။ တရုတ် တို့၏အလွတ်သဘောပြောဆိုမှုဟု ဆိုရပါမည်။

၎င်းစာတွင်ဖေါ်ပြထားသည်မှာ သင်္ဘောလမ်းကြောင်းနှင့်ပတ်သက်၍ တရုတ်ကုမ္ပဏီအနေနှင့် မြန်မာနိုင်ငံ၏ တည်ဆဲ ဥပဒေနှင့် လုပ်ထုံးလုပ်နည်းနှင့်အညီ လျှောက်ထားတင်ပြပြီး ခွင့်ပြုချက်ရရှိ၍ အသုံးပြုခြင်းဖြစ်သည်။ နိုင်ငံတကာသင်္ဘောဝင် လမ်းကြောင်းသည် နိုင်ငံတော်အစိုးရ၏ အုပ်ချုပ်အောက်တွင်ရှိပြီး မည်သူမဆို အစိုးရဥပဒေကို နာခံရမည်ဟူ၍ ရှင်းလင်း ထားသည်ကိုတွေ့ရသည်။

အဆိုပါရေလမ်းကြောင်းသည် နိုင်ငံတော်အစိုးရ၏ အုပ်ချုပ်မှုအောက်တွင်ရှိသည်ဆိုသော်လည်း ရေလုပ်သား ၂၀၀၀ ခန့် သည် သူတို့၏မိသားစုများအတွက် အသက်မွေးဝမ်းကြောင်းပြုသည့်နေရာဖြစ်သည်။ ထိုအချက်နှင့်ပတ်သက်၍ နှစ်နိုင်ငံ ဆွေးနွေးစဉ်က ထည့်သွင်းတွက်ချက်မှု မပြုခဲ့ခြင်း ဖြစ်ကောင်းဖြစ်မည်။ သို့သော် လက်ရှိအဆိုပါပြဿနာအား လက်ငင်း တွေ့ရှိနေရချိန်တွင် ပြည်ထောင်စုအစိုးရတွင် အဓိကတာဝန်ရှိသကဲ့သို့ တရုတ်တို့အနေနှင့် တာဝန်ရှိမှု တာဝန်ခံမှုအရ ပူး ပေါင်းဆောင်ရွက်ရန်လိုအပ်ပါသည်။ မြန်မာပြည်တွင်း တရုတ်ကုမ္ပဏီအများစုမှာ ပြဿနာတစုံတရာဖြစ်ပွားလျှင် အစိုးရနှင့် သဘောတူညီမှု ရပြီးသားဖြစ်၍ မိမိနှင့်မဆိုင်ဟူ၍ ငြင်းပယ်လေ့ရှိကြသည်။ ဤသို့ငြင်းပယ်မှုများသည် တရုတ်တို့၏ တာဝန် သိမှု တာဝန်ခံမှုအတွက် မေးခွန်းထုတ်ဖွယ်ဖြစ်ပြီး တရုတ်ကုမ္ပဏီများ၏ပုံရိပ်ကို များစွာထိခိုက်စေသည်သာဖြစ်သည်။

ထို့ပြင် အဆိုပါရွှေဂက်စ်စီမံကိန်းသည် နိုင်ငံ ၄ နိုင်ငံ ကုမ္ပဏီ ၆ ခု ပူးပေါင်းထားသည်မှန်သော်လည်း အရှေ့အလယ်ပိုင်းမှ ရေနံတင်ပို့ခြင်းသည် တရုတ်တို့နှင့်အဓိသက်ဆိုင်ပြီး တရုတ်တို့ အဓိကအကျိုးရှိသည့်လုပ်ငန်းကြီးဖြစ်ပေသည်။ အရှေ့အ လယ်ပိုင်းဒေသမှ တရုတ်ပြည်အရှေ့ဖက် ပင်လယ်ဆိပ်ကမ်းမြို့များသို့ ရေကြောင်းခရီးအားဖြင့် ကီလိုမ်ိုင် ၅၀၀၀ ခန့်သက် သာစေသော ခရီးဖြစ်သည်။ ထိုအချက်အား တရုတ်တို့ အလေးထားရန် လိုအပ်သည်။

သို့ဖြစ်ရာ ဒုတိယပြဿနာဖြစ်သော ထည့်သွင်းတွက်ချက်ထားခြင်း ရှိပုံမရသော ရေလမ်းကြောင်း အသုံးပြု ခြင်းဖြစ်ပေါ်လာ သည့် ဒေသခံများ အသက်မွေးဝမ်းကြောင်းထိခိုက်မှုပြဿနာအား ပြည်ထောင်စု အစိုးရနှင့်ပူးပေါင်းပြီး ဖြေရှင်းသည့်နည်းလမ်း ရှာဖွေကြရန် လိုအပ်ပေမည်။

တတိယအနေနှင့်ဆိုလျှင် ထင်ရှားသည့် အမှတ်လက္ခဏာကြောင့်ဟု ဆိုနိုင်သည်။ ပိုက်လိုင်းစီမံစတင်သည့်အချိန်က ပိုက်လိုင်းမြှုပ်နှံရာလမ်းကြောင်းတလျောက် ကန့်ကွက်သံများ ဆူညံခဲ့သော်လည်း လျော်ကြေးပြဿနာဖြေရှင်းခြင်း ဒေသဖွံ့ဖြိုး လုပ်ငန်းများဆောင်ရွက်ခြင်းတို့ဖြင့် ပြန်လည်တုန့်ပြန်ဖြေရှင်းခဲ့သည်။ သို့သော် ယခုအခါ ပိုက်လမ်းကြောင်းတလျောက် ကန့်ကွက်သံသိပ်မကြားရပါ။ အကြောင်းတခုမှာ ပိုက်လိုင်းကလည်း မြေအောက်ရောက်သွားပြီဖြစ်ရာ လူမြင်ကွင်းတွင် မရှိ တော့ပေ။ လူများ အာရုံစိုက်ခြင်း သိပ်မရှိလှတော့ပေ။ ထပ်ဆင့်တွန်းအားပေးရုံများဆိုသည်မှာလည်း ကြီးကြီး မားမားများ မဟုတ်လှ။ မဒေးကျွန်းရှိ Terminal ကား လူမြင်ကွင်း၌ သိသိသာသာဖြစ်ပြီး လူများ အာရုံစိုက်မိသည့်နေရာဖြစ်သည်။ ရေနံ တင်သင်္ဘော ကြီးများလည်း မပြတ်ဝင်ထွက်နေသည့်နေရာဖြစ်၍ လူအများ ပို၍အာရုံစိုက်မိကြသည်။ထိုပြင် ပင်မရေနံ terminal သည် အခြေစိုက်ရာဒေသရှိ လူထုနှင့် နေ့စဉ်ထိတွေ့မှု ရှိနေသည်။

ဤသို့သောအခြေအနေတွင် သိသာ၍ လူအာရုံစိုက်သောနေရာများတွင် လူမှု အကျိုးပြုလုပ်ငန်း ဒေသဖွံ့ဖြိုးမှု လုပ်ငန်းများပြု လုပ်ခြင်း အလေးပေးရန်လိုသည်။ သို့ဖြစ်ရာ တရုတ်တို့အနေနှင့် ဒေသဖွံ့ဖြိုးမှုလုပ်ငန်းများဆောင်ရွက်ရာ အလေးထားလုပ် ဆောင်ရမည့်နေရာ ရွေးချယ်ရာတွင် လိုအပ်ချက်ရှိခဲ့သည်ဟု ဆိုရမည်။ ဤအချက်ကို တရုတ်တို့ ပြန်လည်သုံးသပ်ထည့် သွင်းစဉ်းစားရန် လိုအပ်ပေလိမ့်မည်။

တရုတ်တို့ဆိုသကဲ့သို့ မဒေးကျွန်းပေါ်ရှိ လမ်းပမ်းဆက်သွယ်ရေး လျှပ်စစ်မီးရရှိရေးတို့အတွက် အဓိကတာဝန်ရှိသူမှာ ပြည် ထောင်စု အစိုးရတာဝန်ဖြစ်သည်မှာ ငြင်းပယ်ရန်မရှိပေ။ သို့သော် တရုတ်တို့၏ တာဝန်သိမှု တာဝန်ခံမှုလည်း လိုအပ်သည်။ တရုတ်တို့အနေနှင့် လက်ရှိရင်းနှီးမြှုပ်နှံမှု အပြင်ပိုမိုကြီးမားသောရင်းနှီးမြှုပ်နှံမှုများနှင့်အတူ OBOR ဟုခေါ်သည့် ခေတ်သစ်ပိုးလမ်းမကြီးစီမံကိန်းအားဆောင်ရွက်ရန် စိုင်းပြင်နေကြသူများဖြစ်သည်။ သူတို့၏ စီမံကိန်းများ ရင်းနှီးမြှုပ်နှံမှုများသည် ထိုတိုင်းပြည်အတွက်လည်းကောင်း၊ ဒေသခံများအတွက်လည်းကောင်း၊ အကျိုးရှိစေသည်ဆိုသည်ကို ပြသနိုင်ရန် လိုအပ် သည်။

တရုတ် CNPC နှင့်သူ၏လက်အောက်ခံကုမ္ပဏီများဖြစ်သည့် SEAGP နှင့် SEAOP တို့ ဘီလီလျံနှင့်ချီ၍ ရင်းနှီးမြှုပ်နှံထားသည့် မဒေးကျွန်းကဲ့သို့ အိမ်ခြေ ၇၁၀ လူဦးရေ ၃၀၀၀ ခန့်သာရှိသည့်နေရာတွင် သိသာသော လူမှုဘဝအပြောင်းအလဲကို မပြ နိုင်ပါက တရုတ်တို့၏ ရင်းနှီးမြှုပ်နှံမှုကို ဒေသခံတို့ ကြိုဆိုရန် ခက်ခဲနေပေဦးမည်ဖြစ်သည်။

● ကျောက်ဖြူ အထူးစီးပွားရေးဇုံ
ကျောက်ဖြူ အထူးစီးပွားရေးဇုံ ဖေါ်ထုတ်ရန် တရုတ်နှင့်မြန်မာအစိုးရတို့ သဘောတူညီချက်ရရှိပြီးဖြစ်သည်။ တရုတ်ဖက်မှ တရုတ်အစိုးရပိုင် CITIC China International Trust Invesment Corporation တရုတ်နိုင်ငံတကာ ရင်းနှီးမြှုပ်နှံမှု ကော် ပိုရေးရှင်းမှ လုပ်ကိုင်မည်ဖြစ်သည်။ မြန်မာ အစိုးရဖက်မှ ဒုသမတ ဟင်နရီဗန်ထီးယူခေါင်းဆောင်သော ကျောက်ဖြူ အထူး စီးပွားရေးဇုံကော်မတီဖွဲ့စည်းထားပြီး မြန်မာဖက်မှ ပါဝင်လုပ်ကိုင်မည့် ကုမ္ပဏီ ၂၁ ခုအား ရွေးချယ်ထားပြီးဖြစ်သည်။

ကျောက်ဖြူ အထူးစီပွားရေးဇုံ ကနဦးစီမံကိန်းတွင် မြေဧရိယာ ၄၂၈၉.၃၂ ဧကပေါ်တွင် ပြုလုပ်မည်ဖြစ်သည်။ ထိုစီမံကိန်းတွင် ရမ်းဗြဲကျွန်းနှင့် မဒေးကျွန်း တံတားထိုးရေးစီမံကိန်းတခုနှင့် မဒေးကျွန်းပေါ်တွင် ကွန်တိန်နာ ကုန်တင်ကုန်ချ ဆိပ်ခံတခု ဆောက်လုပ်ရန်လည်းပါရှိသည်။ ထိုစက်မှုဇုံတွင် အသုံးပြုမည့် လျှပ်စစ်ဓါတ်အားထုတ်လုပ်ရေးစီမံကိန်းတခုလည်း ပါဝင် ဖွယ်ရှိသည်။ အစောပိုင်းသတင်းများအရ တရုတ်အစိုးရပိုင် CITIC က ကျောက်ဖြူ ရေနက်ဆိပ်ကမ်းစီမံကိန်းတွင် အမေရိ ကန်ဒေါ်လာ ၇.၃ ဘီလျံ မြှုပ်နှံပြီး ရှယ်ရာဝေစု ၇၀ ရာခိုင်နှုန်းမှ ၈၅ ရာခိုင်နှုန်းထိ ပါဝင်ခွင့်ရရန်တောင်းဆိုထားသည်ဟု ရိုက်တာသတင်းတရပ်အရ သိရှိရသည်။ မြန်မာဖက်က ၅၀ ရာခိုင်နှုန်းစီ ပြုလုပ်ရန်တောင်းဆိုထားပြီး သဘောတူညီမှု မရရှိ သေးဟု ဆိုသည်။ ကျောက်ဖြူ အထူးစီးပွားရေးဇုံတွင် တရုတ်တို့က ကနဦးမြှုပ်နှံမှု အဖြစ်အမေရိကန် ဒေါ်လာ ၁၀ ဘီလီ လျံ ရင်းနှီးမြှုပ်နှံမည်ဟု ဆိုပါသည်။

အတိုင်းအတာကြီးမားသည့် ထိုကျောက်ဖြူ အထူစီးပွားရေးဇုံ SEZ စီမံကိန်းသည် ရခိုင်ဒေသခံများကို လှုပ်လှုပ် ခတ်ခတ်ဖြစ် စေပါသည်။

● ကျောက်ဖြူ အထူးစီးပွားရေးဇုံ မြေပြင် ကနဦးပြင်ဆင်မှုများ
ကျောက်ဖြူ အထူးစီးပွားရေးဇုံအတွက်ဟု ယူဆရသည့် မြေပြင် ကနဦးပြင်ဆင်မှုဟုယူဆရသည့် ပြင်ဆင်မှုမှာ ၂၀၁၄ ခုနှစ်အတွင်း ပြည်နယ်အစိုးရ၏အစီအစဉ်ဖြင့်ပြုလုပ်ခဲ့သော သိုင်းချောင်းဆည်တမံဖြစ်သည်။ ကျောက်ဖြူမြို့နှင့် ၁၂ မိုင်အ ကွာတွင် ဒေသခံလယ်သမားများ၏ လယ်ဧက ၄၀ အားလျော်ကြေးငွေ တဧကလျှင် ၃၆ သိန်းပေး၍ သိမ်းယူတည်ဆောက် ခဲ့သည့် ရေဂါလံ သန်း ၂၄၀ ခန့်ဆန့်သည့် ရေလှောင်တမံဖြစ်သည်။ ကျောက်ဖြူ အထူးစီးပွားရေးဇုံအတွက် သောက်သုံး ရေပေးဝေရန်ရည်ရွယ်၍ ဆောက်လုပ်ထားသည်ဟု ယူဆရသည်။ ၎င်းဆည်တမံဆောက်လုပ်ပြီးစီးသွားသော် လည်းမြေ သားခိုင်ခန့်မှု ရှိပုံမရ၍ ရေသိုလှောင်မှု ပြုလုပ်ခြင်းမရှိသေးပေ။ အကယ်၍သာ ဤတာတမံသည် ကျောက်ဖြူမြို့ ရေပေး ရေးအတွက်မဟုတ်ဘဲ အထူးစီးပွားရေးဇုံအတွက် ဆောက်လုပ်သည်မှာ သေချာပါက ပြည်ထောင်စုအစိုးရ၏ အထူးစီမံ ကိန်းအား ပြည်နယ်ဘတ်ဂျက်ဖြင့် ပံ့ပိုးရသည်မှာ စိတ်ဝင်စားစရာကိစ္စတရပ်ဖြစ်ပေလိမ့်မည်။ လက်ရှိ ကျောက်ဖြူမြို့၌ စည် ပင်သာယာ ရေပေးဝေရေးစနစ်တရပ် မရှိသေးဘဲ မိရိုးဖလာ ရေတွင်းများနှင့် ပုဂ္ဂလိက စက်ရေတွင်းများမှ နီးစပ်ရာတပိုင်တနိုင် ရေဖြန့်ဖြူးသည်ကိုသာ အသုံးပြုနေကြသည့် အခြေအနေတွင်သာ ရှိပါသည်။

တရုတ် CITIC ဖက်မှ ပြင်ဆင်မှုအဖြစ် စက်မှုဇုံနှင့် ဆက်စပ်နေသည်ဟုယူဆရသော ကျေးရွာ ၅၀ အား တရွာလျှင် ကျပ်ငွေ သိန်း ၃၀၀ ဖြင့် စုစုပေါင်း သိန်း ၁၅၀၀၀ ကျပ် (အမေရိကန်ဒေါ်လာ ၁.၁ သန်းခန့်) ချေးငွေအား၂၀၁၅ ခုနှစ်မှ စတင်ထုတ် ချေးပေးထားသည်ဟု သိရသည်။ ထိုချေးငွေကို ရွာသားများ တပိုင်တနိုင် စီးပွားရေးလုပ်ငန်းများလုပ်ဆောင်ရာတွင် အသုံး ပြုရန် ကျေးရွာအလိုက် တာဝန်ယူရသည့် ဝိုင်းကြီးချုပ်စနစ်ဖြင့် ထုတ်ချေးပေးထားသည်ဟု ဆိုပါသည်။ တရုတ် CITIC အတွက် ဒေသခံများစည်းရုံးသည့်လုမှုရေးအထောက်အကူပြုမှု အစီအစဉ်တရပ်ဖြစ်ပြီး လက်တွေ့ဒေသခံများအတွက် မည်မျှအကျိုးရှိသည်ဆိုသည်ကိုတော့ မသိရသေးပေ။

● မြေယာပြဿနာ
ပထမဆုံးကြုံတွေ့ရမည့်ပြဿနာမှာ မြေယာပြဿနာဟု ဆိုရပါမည်။ ကျောက်ဖြူ အထူးစီးပွားရေးဇုံအတွက် ရာထားသည့် မြေပမာဏမှာ ကျေးရွာအုပ်စု ၉ အုပ်စု ကျေးရွာ ၃၅ ရွာမှ ပိုင်ဆိုင်နေသော ဆက်စပ်နေသော မြေ ၄၂၈၉.၃၂ ဧကဟု ဆိုပါသည်။ အဆိုပါဧရိယာတွင် အောက်ပါမြေအမျိုးအစားများ ပါဝင်သည်ဟု သိရသည်။

မြေလွတ်မြေရိုင်း = ၁၈၆၉.၃၃ ဧက
လယ်မြေ = ၉၉၈.၅၀ ဧက
ဥယျာဉ်မြေ = ၆၄၅.၉၅ ဧက
ဓနိမြေ = ၇၂.၀၀ ဧက
အခြားနည်းအသုံးပြုခွင့်မြေ = ၁၁၅.၇၀ ဧက
လမ်းမြေ = ၂.၄၀ ဧက
ဆည်ကန်တာတမံမြေ = ၄၆၉.၉၆ ဧက ဟု ပိုင်းခြားသတ်မှတ်ထားသည်ဟု ဆိုပါသည်။

ဤမြေယာပြဿနာတွင် ပြည်ထောင်စုအစိုးရကြည့်မြင်ပုံနှင့် ဒေသခံတို့ကြည့်မြင်ပုံ မတူကြပေ။ ကြည့်မြင်ပုံမတူကြသည့် အဓိကအချက်မှာ မြေလွတ်မြေရိုင်းဆိုသည့်ပြဿနာဖြစ်သည်။ အစိုးရဖက်က လယ်မြေ ဥယျာဉ်မြေ ဓနိမြေ ရွာမြေ အစရှိသည်တို့ကို ပုဂ္ဂလိကပိုင်ဆိုင်မှုအဖြစ် အသိအမှတ်ပြုသော်လည်း အခြားမြေများအား အစိုးရပိုင် မြေလွတ်မြေရိုင်းများအဖြစ်သဘောထားသည်။

ဆက်လက်ဖေါ်ပြပါမည်
မောင်မောင်စိုး

(ဆရာမောင်မောင်စိုး၏ လူမှုကွန်ရက်စာမျက်နှာပေါ်မှ ပြန်လည်ကူးယူခြင်းဖြစ်သလို ဧရာဝတီမြန်မာပိုင်း၌ ၂၀၊ ၆၊ ၂၀၁၇ ရက်နေ့ကလည်း ဖော်ပြပြီးဖြစ်သည်။) 


Photo credit : Frontier Myanmar

မင်းကိုနိုင် ● ညီမလေးကို ထိန်းတဲ့နေ့

မင်းကိုနိုင် ● ညီမလေးကို ထိန်းတဲ့နေ့
(မိုးမခ) ဇွန် ၂၃၊ ၂၀၁၇

ကိုမင်းကိုနိုင် လူမှုကွန်ရက်စာမျက်နှာပေါ်မှ ပြန်လည်ကူးယူပါသည်။

ကြည့် … ဟိုမှာ
နွေနှောင်းစံပယ်တွေ လုပ်ပုံ
မိုးဦးမြင်ရုံနဲ့
ညဝတ်စုံတွေ ဖရိုဖရဲ
အိပ်ရာထဲထား ဒုန်းပြေးသွားကြတာ။

လာ…ညီမလေး
ဖားကလေးတွေလို တို့လည်းမိုးရေချိုးကြမယ်
အမေဆူမယ်..လား
နွေမှာ သားပိုက်ကောင်တွေ၊
ဆောင်းမှာ နှံကောင်လေးတွေ
ဒီလိုပဲ ခုန်ဆွ ခုန်ဆွ လုပ်ကြတာ
“ကျန်းမာရေးအတွက်” လို့ ပြောလိုက်မှာပေါ့။

လူဟာ…
ကုက္ကိုပွင့်တွေလို၊ လဲမှို့ပွင့်တွေလို
သတ္တိကောင်းဖို့လိုတယ်လို့
ကိုကို ထင်တယ်ကွ။
ကြည့်…ဟိုမှာ
သူတို့အမြင့်ကြီးတက်ပြီး
လေထီးခုန်ကြတယ်လေ၊
ခရေတွေဆို ခုန်ချရင်း
မြေကြီးကို ရေမွှေးတောင် ဆွတ်ပေးသွားသေး။

ဒီထင်းချောင်းဟာ
နန်းတော်ဟောင်းရဲ့ ခေါင်မိုးကွ၊
သူပြောပြတာက "နိုင်သူအကုန်စားကြေးမှာ
နောင်တနဲ့ ကြေကွဲခြင်းတွေလည်း ရခဲ့ပါသတဲ့"
ဘာ…
ညီမလေး နားမလည်ဘူး ဟုတ်လား
ညည်းဇယ်တောက်တုန်းက နိုင်တဲ့
သြဇာစေ့တွေ နည်းနည်းပေး၊
ကိုကိုက မာလကာသီး တစ်ခြမ်းကျွေးမယ်
အဲ့ဒါပြောတာ။

မီးလုံးတွေထွင်တဲ့ အက်ဒီဆင်ဟာ
ငယ်ငယ်က အမေးအမြန်းထူသတဲ့၊
ကမ္ဘာကြီးကို လင်းစေခဲ့သူမှန်သမျှ
ကလေးဘဝမှာ
အမေးထူကြ၊ စပ်စုကြတယ်၊ တွေးကြတယ်။
ညီမလေး..လာ
ကိုကိုဖတ်တဲ့စာအုပ်မှာ လာရှုပ်ပါလှည့်၊

လူတွေက ဇာတာမှာ အသက် ၁၂၀ ရှည်စေသောဝ်၊
ကျောက်ပုစွန်ကြီးတွေ အသက်က..
ဒီထက်တောင် ကျော်သေးတယ်၊
သူတို့သေတော့ ရုပ်ကြွင်းကို
ဧည့်ခန်းမှာ အလှချိတ်ခံရ။

ပုစဉ်းကောင်လေးတွေ သက်တမ်းဟာ
၃၆ နာရီပဲ ကြာပေမယ့်
လူတွေ ဟယ်လီကော်ပတာထွင်ဖို့
နမူနာ ပျံပြခဲ့။

ဆင်ကလေးတစ်ကောင်
လောကကြီးထဲ ရောက်ဖို့အရေး
သူတို့မေမေဗိုက်ထဲ ၂ နှစ်စောင့်ရသေးတာ
ဖတ်ပြတဲ့အခါ
"အကြာကြီးပဲ သူတို့မပျင်းဘူးလား
ဘာတွေတွေးနေကြမလဲ၊ ဘယ်လိုများနေကြမလဲ"
ညီမလေးက မေးတယ်။

အဲ့သလို
တွေးစမ်းပါ့၊ မေးစမ်းပါ့ ဆိုတဲ့အခါ
“ခွေးတွေ ကြောင်တွေမှာ အတွေးရှိလား”၊
“မိုးပေါ်မှာ ကြယ်တွေကုန်သွားရင်
ဘယ်လိုလုပ်မလဲ” တဲ့။

ကိုကိုလည်း စာအုပ်ကြီးတဗျန်းဗျန်းလှန်
အဖြေရှာနေတုန်း
ကြယ်ကြွေတာ မြင်တော့
ညီမလေးဟာ
“မီးမီးအပေါ် ပြုတ်ကျရင် ဒုက္ခ” ဆိုပြီး
သူ့ခေါင်းကို လက်ကလေးနဲ့ အုပ်ပြေးလေရဲ့။

#မင်းကိုနိုင်
( ၂၀/၆/၂၀၁၇ ၊ 11:30 PM )

လှကျော်ဇော ● ၂၁ ရာစုပိုးလမ်းမကြီးအကြောင်း သိကောင်းစရာများ - အပိုင်း (၃)


လှကျော်ဇော ● ၂၁ ရာစုပိုးလမ်းမကြီးအကြောင်း သိကောင်းစရာများ - အပိုင်း (၃)
(မိုးမခ) ဇွန် ၂၃၊ ၂၀၁၇

● ပိုးလမ်းမကြီးရဲ့ ရှေ့ခရီးအစီအစဉ်များ။
သမ္မတရှီက လွန်ခဲ့တဲ့ (၄) နှစ်တာခရီးအတွင်း ဘယ်လောက်ခရီးပေါက်ခဲ့တယ် ဆိုတာတွေပြောပြီးနောက် ရှေ့မှာ ဘယ်လိုမူတွေနဲ့သွားသင့်တယ်ဆိုတာတွေ ဆက်ပြောပါတယ်။

ပထမခြေလှမ်းကို ခိုင်ခိုင်မာမာအောင်မြင်စွာချပြီးဖြစ်လို့ ပိုမိုကြီးမားတဲ့အောင်ပွဲများရဖို့အတွက် ရှေ့ချီတက်ရာမှာ ဆက် လက်ကိုင်စွဲသင့်တဲ့မူများကတော့ .....
 
 
၁။ ပိုးလမ်းမကိုငြိမ်းချမ်းရေးလမ်းမကြီးအဖြစ် တည်ဆောက်ရန်။

ဒီအတွက် နိုင်ငံတကာဆက်ဆံရေးတွေမှာ ပုံစံသစ်နဲ့ဆက်ဆံကြရအောင်ပါ။  ထိတ်တိုက်ရင်ဆိုင်တွေ့မှုကို ရှောင်ရှားပြီး အ ပြန်အလှန်အကျိုးရှိစေတဲ့ ပူးပေါင်းဆောင်ရွက်မှုများ လုပ်ဆောင်ကြမယ်။ ပြဿနာပေါ်လာရင် တွေ့ဆုံဆွေးနွေးအဖြေရှာ တဲ့လမ်းကို လိုက်ကြမယ်။ နိုင်ငံအချင်းချင်းကြား ဆက်ဆံရာမှာ ချစ်ကြည်ရင်းနှီးစွာဆက်ဆံပြီး မဟာမိတ်ဖွဲ့ပြီး တခြားနိုင်ငံကို ရန်လုပ်တာမျိုးမလုပ်ဖို့ လိုပါတယ်။ ပြည်သူအချင်းချင်းကြား ဆက်ဆံရေးများကိုလည်း တိုးမြှင့်ရမယ်။ တခြားနိုင်ငံရဲ့အခြေခံအကျိုးစီးပွားများကိုလည်း လေးစားကြရပါလိမ့်မယ်။ အကြမ်းဖက်ဝါဒတိုက်ဖျက်ရေးအပါအဝင် နေရာအတော်များများက အပူကွက်များကိုလည်း ကူညီဖြေရှင်းပေးရမယ်။

ဒါတွေအားလုံးရဲ့အရင်းခံအကြောင်းရင်းဖြစ်တဲ့ ဆင်းရဲမွဲတေမှု၊ အသိပညာနောက်ကျမှု၊ လူမှုရေးမတော်မတရားဖြစ်နေမှု များကိုပပျောက်အောင် လုပ်ဆောင်ရမယ်။

 
၁၅-၅-၂၀၁၇ ပီကင်းအစည်းအဝေးကြီးလာတက်တဲ့ ဒေါ်အောင်ဆန်းစုကြည်နဲ့ တရုတ်သမ္မတ ရှီကျင့်ဖင်

 ၂။ ပိုးလမ်းမကို ကြီးပွားချမ်းသာရေးလမ်းမကြီးအဖြစ် တည်ဆောက်ရန်။

နိုင်ငံများရဲ့ဖွံ့ဖြိုးတိုးတက်ရေးဆိုင်ရာ အရင်းခံပြဿနာများကိုကူညီဖြေရှင်းပြီး ကျန်နိုင်ငံများရဲ့ဖွံ့ဖြိုးတိုးတက်မှုများနဲ့ ဆက် စပ်လာနိုင်အောင်လုပ်ရမယ်။ ဒါမှသာလျှင် နိုင်ငံများရဲ့ ငုပ်နေတဲ့အစွမ်းအစအလားအလာ (potential) တွေ ပေါ်ထွက် လာနိုင်မှာ ဖြစ်ပါတယ်။ စက်မှုလက်မှုလုပ်ငန်းများ၊ ဘဏ္ဍာရေးဆိုင်ရာလုပ်ငန်းများ၊ အခြေခံအဆောက်အအုံများ၊ ဆက် စပ်မိလာအောင် လုပ်ဆောင်ကြရမယ်။

၃။ ပိုးလမ်းမကို တံခါးဖွင့်ပေးတဲ့လမ်းမကြီးအဖြစ် တည်ဆောက်ရန်။

နိုင်ငံတနိုင်ငံအတွက် တံခါးဖွင့်ခြင်းဟာတိုးတက်ခြင်းကိုဖြစ်စေပြီး၊ တံခါးပိတ်ခြင်းကတော့ ခေတ်နောက်ပြန်ဆွဲခြင်း ဖြစ်စေ လိမ့်မယ်။ တံခါးဖွင့်မှသာ ကမ္ဘာ့စီးပွားရေးရေစီးကြောင်းနဲ့ ဆက်စပ်သွားနိုင်မှာဖြစ်ပါတယ်။ ဒီလိုနည်းနဲ့သာ နိုင်ငံတကာ ကုန်သွယ်ရေးနဲ့ ရင်းနှီးမြှုပ်နှံမှုဆိုင်ရာ စည်းကမ်းစနစ်များကို တရားမျှတစွာ၊ တန်းတူညီမျှစွာ၊ ပွင့်လင်းမြင်သာမှုရှိစွာ ပေါ် ထွက်လာနိုင်မှာဖြစ်ပါတယ်။ ဒါမှသာ ထွက်ပေါ်လာတဲ့ အကျိုးကျေးဇူးတွေကို မျှဝေတဲ့ ကြီးမားကျယ်ပြောလှတဲ့ လူ့အဖွဲ့ အစည်းတရပ်ကို အတူတကွတည်ဆောက်နိုင်မှာ ဖြစ်ပါတယ်။ လွတ်လပ်စွာကုန်သွယ်နိုင်တဲ့ဒေသတွေ များများဖွင့်လှစ်ပြီး ကုန်ပစ္စည်းတွေ အရှိန်မြန်မြန်နဲ့ ချောချောမောမောစီးဆင်းနိုင်ရေး၊ ရင်းနှီးမြှုပ်နှံမှုတွေ လွယ်လွယ်ကူကူ လုပ်ဆောင်နိုင် ရေးတွေကို ဆောင်ရွက်ရမယ်။

၎။ ပိုးလမ်းမကို တီထွင်ဖန်တီးတဲ့လမ်းမကြီးအဖြစ် တည်ဆောက်ရန်။

တီထွင်ဖန်တီးမှုဟာ ဖွံ့ဖြိုးတိုးတက်ရေးအတွက် တွန်းအားဖြစ်စေတဲ့အတွက် သိပ္ပံနဲ့နည်းပညာဆိုင်ရာ လုပ်ငန်းများအပြင် နယ်ပယ်စုံက သုတေသနလုပ်ငန်းများကိုအားပေးပြီး အသစ်တီထွင်ဖန်တီးမှုများကို လုပ်ဆောင်ရမယ်။ နိုင်ငံများက လူ ငယ် ပညာရှင်များကို စနစ်တကျ မွေးမြူပေးရမယ်။ ဒါ့အပြင် အစိမ်းရောင်ဖွံ့ဖြိုးတိုးတက်မှု (green-development) ကို အားပေး ရမယ်။ သဘာဝပတ်ဝန်းကျင်ထိန်းသိမ်းရေးလုပ်ငန်းတွေမှာ ပူးပေါင်းလုပ်ဆောင်ပြီး ကုလသမဂွရဲ့ (၂၀၃၀-စဉ် ဆက်မပြတ် ဖွံ့ဖြိုးတိုးတက်ရေး- ရည်မှန်းချက်များ) အကောင်အထည်ပေါ်ရေး ဝိုင်းဝန်းကြိုးစားရမယ်။

၅။ ပိုးလမ်းမကို ယဉ်ကျေးမှုကြီးများအကြား ဆက်စပ်ပေးတဲ့လမ်းမကြီးအဖြစ် တည်ဆောက်ရန်။

မတူတဲ့ယဉ်းကျေးမှုများအကြား အပြန်အလှန်ကူးလူးဆက်ဆံမှုဟာ မယုံသင်္ကာမှုတွေ အမုန်းတရားတွေကို ဖြေဖလျှော့ ပေးနိုင်ပြီး အပြန်အလှန်လေးစားမှုတွေ၊ နားလည်မှုတွေ၊ ယုံကြည်မှုတွေပေါ်ပေါက်လာနိုင်ပြီး အတူတကွ ယှဉ်တွဲနေထိုင် လာနိုင်ကြပါတယ်။ ပြည်သူအချင်းချင်းအကြား ဆက်ဆံရေးများကို ဘက်စုံအလွှာစုံ အဆင့်ဆင့်ပါဝင်လာတဲ့ ယန္တရား (multi-tiered mechanism) တခုဖြစ်လာအောင် တည်ထောင်ပေးရမယ်။ ယဉ်ကျေးမှု၊ ပညာရေး၊ ဘာသာရေး၊ ကျန်းမာ ရေး၊ အားကစား၊ ခရီးသွားလုပ်ငန်း စသဖြင့် ပူးပေါင်းလုပ်ဆောင်နိုင်တဲ့နယ်ပယ်အသီးသီးမှာ စီမံကိန်းများချပြီး သက်ဆိုင် ရာနိုင်ငံအသီးသီးအတွက် အကျိုးရှိစေမဲ့ပုံစံများကို ရှာဖွေလုပ်ဆောင်ရမယ်။ ဒီအတွက် သုတေသနလုပ်ငန်းများ (think tank) ကိုလည်း ပူးတွဲလုပ်ဆောင်ရပါလိမ့်မယ်။


မဒေးကျွန်း-ရေနံဆိပ်ကမ်း။ (၁၀-၄-၂၀၁၆)။

နိုင်ငံအသီးသီးကပါလီမန်များအကြား၊ နိုင်ငံရေးပါတီများအကြား၊ အစိုးရမဟုတ်တဲ့လူမှုအဖွဲ့အစည်းများအကြား အပြန်အ လှန်ဖလှယ်မှုများအပြင်၊ အမျီုးသမီးများ၊ လူငယ်များ၊ ဒုက္ခိတများအကြား ဆက်ဆန်ရေးများကိုတည်ထောင်ပြီး အားလုံး အတွက် ဖွံ့ဖြိုးတိုးတက်မှု (inclusive development) ကို ရရှိစေရမယ်။

ဒါတွေကတော့-၂၁ ရာစု ပိုးလမ်းမကြီးရဲ့ရှေ့ခရီးစဉ်အတွက် စီမံကိန်း (blue print) ဖြစ်ပါတယ်။ ၁၄-၅-၂၀၁၇ ရက်နေ့က ပီကင်းအစည်းအဝေးကြီးမှာပြောကြားခဲ့တဲ့ တရုတ်သမ္မတရဲ့မိန့်ခွန်းထဲက အချက်အလက်များဖြစ်ပါတယ်။

ထွန်းဝင်းငြိမ်း ပြုစုသည် ● သခင်ဗဟိန်း(၁၉၁၇-၂ဝ၁၇) အထ္ထုပ္ပတ္တိ


ထွန်းဝင်းငြိမ်း ပြုစုသည် ● သခင်ဗဟိန်း(၁၉၁၇-၂ဝ၁၇) အထ္ထုပ္ပတ္တိ
(မိုးမခ) ဇွန် ၂၃၊ ၂၀၁၇

သခင်ဗဟိန်းကို ၁၉၁၇ ခုနှစ် ဇွန်လ ၂၇ ရက် ဗုဒ္ဓဟူးနေ့တွင် စစ်ကိုင်းခရိုင် အင်းဝမြို့ကိုင်းတန်းရပ်၌ အဘပွဲစားကြီးဦးမှင်၊ အမိဒေါ်ဒေါ်ဦးတို့မှ ဖွားမြင်ခဲ့သည်။ အင်းဝမြို့ မူလတန်းကျောင်းမှ လေးတန်းအောင်မြင်ခဲ့ပြီး၁၉၃၅ ခုနှစ်တွင် မန္တလေးမြို့ အမျိုးသားအထက်တန်းကျောင်းမှ တက္ကသိုလ်ဝင်တန်းကိုအင်္ဂလိပ်၊ မြန်မာစာ၊ ရာဇဝင် ဘာသာရပ်များတွင် ဂုဏ်ထူးဖြင့် အောင်မြင်ခဲ့သည်။

အထက်တန်းကျောင်းသားဘဝမှစ၍ ကျောင်းသားလှုပ်ရှားများတွင် ရှေ့တန်းကပါဝင်ဆောင်ရွက်ခဲ့သည်။ ၁၉၃၅-၃၇ တွင် မန္တလေးဥပစာကောလိပ်၌ ပညာဆက်သင်ခဲ့သည်။ ၁၉၃၆-၃၇ တွင် အိုင်အေအထက်တန်းကို ဗမာတနိုင်ငံလုံးပထမရပြီးပါဠိဘာသာဂုဏ်ထူးဖြင့် အောင်ကာ၊ ၁၉၃၅-၃၆ ခုနှစ်၊ မန္တလေးဥပစာကောလိပ် ကျောင်းသားသမဂ္ဂခေါင်းဆောင်အဖြစ် ၁၉၃၆ ကျောင်းသားသပိတ်ကိုဦးဆောင်ခဲ့သည်။ ၁၉၃၇ ခုနှစ် မေလတွင် ပဏ္ဍစ်ဂျဝါဟာလာနေရူး မန္တလေးသို့ လာရောက်သည့် အခမ်းအနားတွင် ဧည့်ခံကော်မတီ၏ သဘာပတိအဖြစ် တင်မြှောက်ခံရသည်။



 
သခင်ဗဟိန်း ရာပြည့်အခမ်းအနား (ရန်ကုန်) က ထုတ်ဝေဖြန့်ချိမယ့် သခင်ဗဟိန်းအထ္ထုပ္ပတ္တိ ပါဝင်တဲ့ Pamphlet ဖြစ်ပါတယ်။

၁၉၃၇ ခုနှစ် ဇွန်လတွင် ရန်ကုန်တက္ကသိုလ်သို့ ရောက်ရှိခဲ့သည်။ ဘီအေတက်နေစဉ် ရန်ကုန်တက္ကသိုလ်ကျောင်းသားသမဂ္ဂ ဥက္ကဋ္ဌအဖြစ် ရွေးကောက်တင်မြှောက်ခြင်းခံရသည်။ ၁၉၃၈ ခုဧပြီလတွင်ပုသိမ်မြို့၌ကျင်းပသောဗမာနိုင်ငံလုံးဆိုင်ရာကျောင်းသားများကွန်ဖရင့်တက်ရောက်ခဲ့သည်။ဗကသမှ ထုတ်ဝေသည့် မျိုးညွန့်မဂ္ဂဇင်းအယ်ဒီတာအဖြစ် ဆောင်ရွက်ခဲ့သည်။

မြန်မာသက္ကရာဇ် ၁၃ဝဝ ပြည့် အရေးတော်ပုံကြီး တွင် ရေနံမြေ အလုပ်သမားသပိတ်တပ်ကြီးသည် မကွေးမြို့တွင်ပိတ်မိနေစဉ်ရန်ကုန်သို့ ချီတက်အရေးဆိုနိုင်ရေးအတွက် ကိုဗဟိန်းခေါင်းဆောင် သည့် ကျောင်းသားများကဝင်ရောက်ကူညီခဲ့သည်။သပိတ်တပ်သားများကိုတရားဟောနေစဉ် “မြင်းခွာတချက်ပေါက်ရင် မီးဟုန်းဟုန်းတောက်စေရမယ်” ဟု ရဲရဲတောက်စကား ပြောကြားခဲ့သည်။ ပြောခဲ့သည့်အတိုင်း ၁၃၀၀ ပြည့် အရေးတော်ပုံကြီးပေါ်ပေါက်လာပြီးသပိတ်မီးသည် တနိုင်ငံလုံးကူးစက်ကာမီးဟုန်းဟုန်းတောက်သွားသည်အထိပျံ့သွားခဲ့သည်။ သို့အတွက် ကိုဗဟိန်းနှင့် ကိုဗဆွေတို့ကိုမကွေးမြို့တွင် ဖမ်းဆီး ကာ နယ်ချဲ့အစိုးရက ထောင် ၃ လ ချခဲ့သည်။

၁၉၃၉ ခုနှစ် နှစ်ဆန်းအင်းစိန်ထောင်၌နေရစဉ် ဓနရှင်လောက၊ ကျောင်းသားအရေးတော်ပုံ၊ ကမ္ဘာစစ်နှင့် ဗမာ့နောင်ရေး စသည့် စာအုပ် ၃ အုပ် ရေးသားခဲ့သည်။ နိုင်ငံရေးစာပေသာမက ရသစာပေ၊ ဝတ္ထု၊ ဆောင်းပါးများကိုဒဂုန်မဂ္ဂဇင်း၊ နဂါးနီ ဂျာနယ်နှင့် လက်ရွေးစင်မဂ္ဂဇင်းတို့တွင် ရေးသားခဲ့သည်။ စာရေးကောင်းသူ အနုပညာအားကောင်းသူအဖြစ် အသိအမှတ်ပြု ကြသည်။ ၁၉၄ဝ ထုတ် ဒဂုန်တာရာ၏ မေဝတ္ထုမှ ကိုဗဟိန်း၏အမှာသည် မြန်မာစာပေလောကတွင် ထင်ရှားသည်။

၁၃ဝဝ ပြည့်အရေးတော်ပုံကြီးပြီးဆုံးသောအခါ ၁၉၃၉ မေလ ၄ ရက်နေ့တွင်ကျင်းပခဲ့သည့်ဗမာနိုင်ငံလုံးဆိုင်ရာကျောင်းသားသမဂ္ဂညီလာခံကြီးကကိုဗဟိန်းကိုတကသနှင့် ဗကသ နှစ်ခုစလုံး၏ ဥက္ကဋ္ဌအဖြစ် ရွေးချယ်တင်မြှောက်ခဲ့ကြသည်။ ထို နှစ်ထဲတွင် ပြင်သစ်နိုင်ငံပဲရစ်မြို့ရှိ ကမ္ဘာ့ကျောင်းသားများအဖွဲ့ချုပ်၏ တောင်းခံချက်အရ “ပညာရေးနှင့် ဗမာနိုင်ငံကျောင်း သားများ” စာတမ်းရှည်တစောင် ရေးသားခဲ့သည်။

၁၉၃၉ ခု သြဂုတ် ၁၅ တွင် မြေနီကုန်း၊ မြေနုလမ်း၊ အမှတ် ၁၄ ရှိကိုဗဟိန်းအိမ်တွင် သခင်အောင်ဆန်း၊ သခင်ဗဟိန်း၊ သခင် လှဖေ (ဗိုလ်လင်္ကျာ)၊ သခင်စိုး၊ သခင်ဗိုလ်၊ ရဲဘော်ဘတင် (ရဲဘော် ဂိုရှယ်)၊ ဒေါက်တာနတ် (ရဲဘော်ထွန်းမောင်) တို့နှင့် အတူ ဗမာပြည်ကွန်မြူနစ်ပါတီကိုစတင်ဖွဲ့စည်းထူထောင်ခဲ့သည်။

ထိုအချိန် ဗမာပြည်ရှိ နိုင်ငံရေးသမားများကြားတွင်လမ်းစဉ် ၃ ခုကွဲပြားကြသည်။ ပထမလမ်းစဉ်ကဗမာပြည်လွတ်လပ်ရေး ရဖို့မည်သူနှင့်မဆိုပေါင်းရမည်ဟုဆိုသည်။ ဒုတိယလမ်းစဉ် သမားများကလွတ်လပ်ရေးရဖို့ မည်သူ့မှ မယုံစားရ။ ဂျပန်ရော၊ အင်္ဂလိပ်ပါ စစ်မျက်နှာနှစ်ဘက်ဖွင့်ရမည်ဟုဆိုသည်။ တတိယအုပ်စုကမူ ဆိုဗီယက်ပြည်ထောင်စုကို ဂျာမန်ဖက်ဆစ်များဝင် ရောက်တိုက်ခိုက်သည့်အချိန်မှစ၍ ကမ္ဘာစစ်၏လက္ခဏာပြောင်းသွားပြီး အင်္ဂလိပ်နယ်ချဲ့သမားကို ဖက်ဆစ်တိုက်ဖျက် ရေးအတွက် မဟာမိတ်အဖြစ် ထားနိုင်သည်ဟု ယူဆကြသည်။ ထိုအစုတွင် သခင်စိုး၊ သခင်သန်းထွန်း၊ သခင်ဗိုလ်၊ သခင် ကျော်စိန်နှင့် သခင်တင်မောင်ကြီးတို့ ပါဝင်သည်။ ကိုဗဟိန်းသည် ဒုတိယလမ်းစဉ်သမားဖြစ်သော်လည်းနောင်တွင် တတိယ လမ်းစဉ် မှန်ကန်သည်ကိုလက်ခံကာတော်လှန်ရေးလုပ်ငန်းများတွင် တက်ကြွစွာ လိုက်ပါဆောင်ရွက်ခဲ့သည်။

ပြောင်းလဲလာသည့်ကမ္ဘာ့နိုင်ငံရေး၊ ဗမာ့နိုင်ငံရေးအခြေအနေတို့ကြောင့် ဘီအေအထက်တန်းစာမေးပွဲကိုမဖြေဆိုတော့ဘဲဒို့ဗမာအစည်းအရုံးသို့ဝင်ရောက်ကာသခင်ဘွဲ့ခံယူခဲ့သည်။ ၁၉၄ဝ ခုမတ်လတွင် သခင်အောင်ဆန်း၊ သခင်သန်းထွန်း၊ သခင် ဗဟိန်း၊ သခင်ခင်အောင်၊ သခင်တင်မောင် (ပန်းတနော်)၊ သခင်အုန်းမြင့်တို့ ပါဝင်သောအဖွဲ့သည် အိန္ဒိယနိုင်ငံ ရမ်းဂါး ညီလာခံသို့ တက်ရောက်ခဲ့သည်။ ခေါင်းဆောင်ကြီး မဟတ္တမဂန္ဒီအပါအဝင် အိန္ဒိယနိုင်ငံရေးခေါင်းဆောင်များနှင့် တွေ့ဆုံ ဆွေးနွေးခဲ့ကြသည်။ ထိုနှစ်ထဲတွင် ဆရာအတတ်သင်ကျောင်းသူ မခင်ကြီးနှင့် လက်ထပ်ခဲ့သည်။

သခင်ဗဟိန်းသည် ၁၉၄၁ မတ်လ ၁ဝ ရက်တွင် ပဲခူးမြို့၌ကျင်းပသော ပဉ္စမအကြိမ်မြောက် နိုင်ငံလုံးဆိုင်ရာဒို့ဗမာအစည်းအရုံးဒုတိယအစည်းအဝေးမှ ဗဟိုမြေအောက်တော်လှန်ရေးအဖွဲ့ (Underground Unit)၏ ဝါဒပြန့်ပွားရေးတာဝန်ခံအဖြစ် တာဝန်ပေးခံရသည်။ ထိုတာဝန်အရအရေးတော်ပုံ၊ ဗမာ့တော်လှန်မှု၊ မီးပွားစာစောင်များကိုကွန်မြူနစ်ပါတီအမည်ဖြင့် လျှို့ ဝှက်ဖြန့်ဝေခဲ့သည်။ ၁၉၄၁ ခုနှစ် မေလတွင် ဦးချစ်မောင် အယ်ဒီတာချုပ်လုပ်သည့် မြန်မာ့အလင်းသတင်းစာတွင် ဘာသာ ပြန်အယ်ဒီတာအဖြစ် ဆောင်ရွက်ခဲ့သည်။ လျှို့ဝှက်တာဝန်များကိုထမ်းဆောင်နေစဉ် ၁၉၄၁ အောက်တိုဘာလတွင် ဗြိတိသျှ အစိုးရ၏ ဖမ်းဆီးခြင်းခံခဲ့ရသည်။ နယ်ချဲ့အစိုးရ၏ ရန်သူတော် နံပါတ် (၂) အဖြစ် သတ်မှတ်ခြင်းခံရသူဖြစ်သည်။

၁၉၄၁-၄၂ တွင် မော်လမြိုင်၊ သာယာဝတီ၊ မန္တလေးထောင်များတွင် အကျဉ်းချခံခဲ့ရသည်။ မန္တလေးထောင်ပွင့်သွားသည့်အချိန်မှ လွတ်မြောက်လာခဲ့သည်။ ထောင်မှလွတ်လာပြီးဖက်ဆစ်ဆန့်ကျင်ရေးလုပ်ငန်းများကိုဇောက်ချလုပ်ကိုင်ခဲ့သည်။ ဂျ ပန်ခေတ်ဗမာအစိုးရအဖွဲ့ဝင်နိုင်ငံခြားရေးဝန်ကြီးသခင်နုလက်အောက်တွင် ဒုတိယအတွင်းဝန် အဖြစ်ဆောင်ရွက်ခဲ့သည်။ ဂျပန်ခေတ်၌ ဆရာကြီး သခင်ကိုယ်တော်မှိုင်းတို့ ဦးဆောင်သည့် တခုတည်းသော တရားဝင်နိုင်ငံရေးအဖွဲ့အစည်းဖြစ်သည့် ရန်ကုန်မြို့ ဂွတ္တလစ်ရပ်ရှိ ဒို့ဗမာဆင်းရဲသားအစည်းအရုံးဌာနချုပ်သို့ မကြာခဏသွားရောက်လေ့ရှိပြီး ဖက်ဆစ်ဆန့်ကျင်ရေးလုပ်ငန်းများကို လျှို့ဝှက်ဆောင်ရွက်ခဲ့သည်။

ဖက်ဆစ်တော်လှန်ရေးဆောင်ရွက်ရန်သခင်ဗဟိန်းသည် ဇနီးသည် မခင်ကြီး၊ သခင်ဗသိန်းတင်တို့နှင့်အတူ ကွမ်းခြံ ကုန်းမြို့နယ် အင်းဂလုံးရွာတွင် သခင်စိုးပို့ချသော မာ့က်စ်ဝါဒသဘောတရားသင်တန်းရက် ၂ဝ ကျော် တက်ခဲ့ကြသည်။ ရန်ကုန်ပြန်ရောက်ပြီး ၁၉၄၄ ခုနှစ် သြဂုတ်လဆန်းတွင် သခင်ဗဟိန်းတို့ ဇနီးမောင်နှံသည် ဖက်ဆစ်တော်လှန်ရေးအတွက် တောင်ငူနယ်သို့ ထွက်ခွာခဲ့ကြသည်။

၁၉၄၄ ခုနှစ် သြဂုတ်လပထမပတ်တွင် ပဲခူးမြို့ စံပြတပ်ရင်း၌ဖွဲ့စည်းခဲ့သော ဖက်ဆစ်တိုက်ဖျက်ရေး၊ ပြည်သူ့လွတ်လပ်ရေး အဖွဲ့ချုပ် (ဖတပလ) က ဖက်ဆစ်တော်လှန်ရေးအတွက် စစ်တိုင်း (၁ဝ) တိုင်း သတ်မှတ်ခဲ့သည်။ တိုင်းအလိုက်ခေါင်းဆောင် များကိုရွေးချယ်ရာတွင် တိုင်း (၁) အတွက် စစ်ရေးခေါင်းဆောင်အဖြစ် ဗိုလ်ချုပ်အောင်ဆန်းနှင့် နိုင်ငံရေးခေါင်းဆောင်အဖြစ် သခင်ဗဟိန်းကို ရွေးချယ်ခဲ့သည်။

သခင်ဗဟိန်းသည်တောင်ငူနယ်တွင် ဖက်ဆစ်တော်လှန်ရေးအတွက် အတွေးအခေါ်၊သဘောတရားသင်တန်းများကိုမရပ်မနားပို့ချခဲ့သည်။ ပို့ချခဲ့သောဘာသာရပ်များမှာလွပ်လပ်ရေးကြေညာစာတမ်း ၁ နှင့် ၂၊ တော်လှန်ရန် စိုင်းပြင်းကြစို့၊ ကရင်-ဗမာသွေးစည်းရေး ၊ပြောက်ကျား စစ်၏နည်းသစ်များ၊လျှို့ဝှက်ရေးကိုမည်သို့ကျင့်သုံးမည်နည်းစသည့်စာတမ်းများဖြစ်ကြသည်။

သခင်ဗဟိန်း၏ အောင်မြင်သောစည်းရုံးရေးတခုမှာ သူကိုယ်တိုင် ပြုစုရေးသားပြီး သင်ကြားပို့ချခဲ့သည့် “ကရင်-ဗမာသွေး စည်းရေး” စာတမ်းဖြစ်သည်။ ထိုစာတမ်းကြောင့် အရှေ့ရိုးမတွင် ကရင်-ဗမာညီညွတ်ရေးသာမက လူမျိုးစုံသွေးစည်းညီညွတ် ရေးအားကောင်းခဲ့သည်။

သခင်ဗဟိန်းမှာ ရုပ်ရည်သွင်ပြင်အားဖြင့် ခပ်ချောချော ခပ်နုနုဖြစ်သည်။ သူသည် ကျောင်းသား၊ အလုပ်သမားခေါင်းဆောင်တဦးဖြစ်သော်လည်း ကြမ်းတမ်းသော လက်နက်ကိုင်တိုက်ပွဲကို နိုင်နင်းစွာဦးဆောင်နိုင်သည့် စစ်ရေးခေါင်းဆောင်ဖြစ် ကြောင်း တောင်ငူခရိုင်ပြောက်ကျားတိုက်ပွဲများဖြင့် သက်သေပြခဲ့သည်။

အိန္ဒိယနိုင်ငံမှ သခင်သိန်းဖေ (သိန်းဖေမြင့်) လေထီးဖြင့် ချပေးသောစာအုပ်များအနက် “ပြင်သစ်ပြည်လွတ်လပ်ရေးတိုက် ပွဲ”၊ လီနင်ရေး “အစိုးရနှင့် တော်လှန်ရေး”၊ “ဂျူးရင်းအား ချေပချက်” “လုဒွစ်ဖြူးဝါးဘက်” အစရှိသော ကျမ်းများကို ထန်းတပင်မြို့နယ် သရက်တန်း၊ ဂွအိုင် အရှေ့ဘက်တွင်ရှိသောယာတဲများ၌ ဘာသာပြန်ခဲ့သည်။ သူ့ခံနိုင်ရည်ရှိသည်ထက် အဆပေါင်းများစွာအလုပ်လုပ်ခဲ့သည်။ သူ့နံဘေးတွင် သူ့ချစ်ဇနီးမရှိ။ သူ၏အဖော်မှာကာဘိုင်သေနတ် တလက်သာ ဖြစ်ခဲ့သည်။ဖက်ဆစ်တော်လှန်ရေးအတွက် “အား” ဖြစ်စေမည့် တော်လှန်ရေးသဘောတရားများအနက် ဒေသအခြေအနေနှင့် ကိုက်ညီသည့် ပြောက်ကျားစစ်၏ နည်းသစ်များမှာ ပင်ကိုယ်ရေး ပြောက်ကျားစစ်သဘောတရားစာတမ်း ဖြစ်သည်။

သခင်ဗဟိန်းသည် တောင်ငူခရိုင် နေရာအနှံ့အပြား၌ ဖက်ဆစ်တော်လှန်ရေးသဘောတရားများကို မနားတမ်းလှည့် လည်ပို့ချခဲ့သည်။ ပြောက်ကျားတပ်များ၏ ဗဟိုဌာနချုပ်ဖြစ်သည့် ဆင်ပချပ်ရွာအနီးတောင်ခြေတွင်ရှိသော စခန်း၌နေထိုင်ကာတော်လှန်ရေးလုပ်ငန်းများကို ညွှန်ကြားခဲ့သည်။

၁၉၄၅ ခုနစ် မတ်လ ၆ ရက်နေ့ညတွင် အထက်ဗမာပြည် တိုင်းမှူးတဦးဖြစ်သည့် ဗိုလ်မှူးဗထူးသည် ဖြူးမြို့နယ် ကြူအင်းရွာ မှာ သခင်ဗဟိန်းနှင့် လျှို့ဝှက်တွေ့ဆုံကာတော်လှန်ရေးကိစ္စများကို အသေးစိတ်ဆွေးနွေးခဲ့ကြသည်။ ဖက်ဆစ်တော်လှန် ရေးတိုက်ပွဲများတွင် ဖတပလအဖွဲ့ကြီး၏ ဦးဆောင်မှုဖြင့် သခင်ဗဟိန်း၊ သခင်သန်းဖေတို့ခေါင်းဆောင်သော ရဲခေါင်ပြောက် ကျားများသည် ဖက်ဆစ်ဂျပန်များကိုအကြီးအကျယ် ချေမှုန်းနိုင်ခဲ့သည်။ သမိုင်းတွင်ရစ်သည့် ထွန်းပြောင်သောအောင်ပွဲများရရှိခဲ့ကြသည်။

ဖက်ဆစ်တော်လှန်ရေးအပြီးတွင် ကွန်မြူနစ်ပါတီဗဟိုကော်မတီဝင် အလုပ်သမားသမဂ္ဂ ဥက္ကဋ္ဌ၊ ဖက်ဆစ်တိုက်ဖျက်ရေး ပြည်သူ့လွတ်လပ်ရေး အဖွဲ့ချုပ် (ဖတပလ) ဗဟိုဦးစီးအဖွဲ့ဝင်နှင့်ဗမာ ပြည်ကွန်မြူနစ်ပါတီ၏ ပြည်သူ့အာဏာဂျာနယ်အယ်ဒီတာချုပ်အဖြစ် တာဝန်ထမ်းဆောင်ခဲ့သည်။ ထိုသို့ တာဝန်ထမ်းဆောင်နေစဉ် ငှက်ဖျားရောဂါနှင့် ဆင်းရဲပင်ပန်းမှု ဒဏ်များ ကြောင့် ကျန်းမာရေးချို့တဲ့လာသော်လည်း အနားမယူဘဲ ကွန်မြူနစ်ပါတီနှင့် ပြည်သူ့အရေးတော်ပုံပါတီပူးပေါင်းရေး၊ ကွန် မြူနစ်ပါတီ နှစ်ခြမ်းမကွဲရေးတို့အတွက် မနားမနေဆောင်ရွက်ခဲ့သည်။

ဗိုလ်ချုပ်အောင်ဆန်းကကိုဗဟိန်းကိုယုံကြည် အားထားသည်။ သူတပ်မှထွက်ပြီး နိုင်ငံရေးလောကသို့ ခြေစုံပစ်ဝင်မည်ဟု ပိုင်းဖြတ်သောအခါတပ်ကိုလွှဲအပ်ရန် ကွန်မြူနစ်ပါတီမှ သူယုံကြည်စိတ်ချသောကိုဗဟိန်းကိုတောင်းသည်။ ကိုဗဟိန်းမှာပါတီလုပ်ငန်းအများအပြားရှိနေသဖြင့် ပါတီကမပေးနိုင်ခဲ့ချေ။ ကိုဗဟိန်းကိုယ်တိုင်ကလည်း စစ်သေနာပတိရာထူးထက် အ လုပ် သမားသမဂ္ဂဥက္ကဋ္ဌအဖြစ်ကို ရွေးချယ်ခဲ့သည်။

၁၉၄၆၊ ဖေဖော်ဝါရီ ၂၂ မှ မတ် ၇ ရက် အထိကျင်းပသောကွန်မြူနစ်ပါတီ၏ ဒုတိယအကြိမ် ကွန်ကရက်အပြီးတွင် သခင် စိုးဦးဆောင်သော ကွန်မြူနစ်ပါတီဗမာပြည် (အလံနီပါတီ) သည် ဗမာပြည်ကွန်မြူနစ်ပါတီမှ ခွဲထွက်ခဲ့သည်။ သခင်ဗဟိန်းက သခင်သန်းထွန်း၊ သခင်သိန်းဖေတို့နှင့် အတူဗမာပြည်ကွန်မြူနစ်ပါတီပေါလစ်ဗြူရိုအဖြစ် ကျန်ရစ်သည်။

ပါတီကွဲပြီးနောက် အကျိုးဆက်မှာ သခင်ဗဟိန်း၏ရောဂါပို၍ ဆိုးလာခဲ့ခြင်းဖြစ်သည်။ သူ့ကိုပါတီမှလည်းကောင်း၊  သူဥက္ကဋ္ဌ လုပ်နေသော အလုပ်သမားသမဂ္ဂမှလည်းကောင်း၊ အနားယူခွင့်ပေးထားရလေသည်။ သူသည် မန္တလေးရှိ မိဘရပ်ထံပြန်ပြီး မန္တလေးဆေးရုံကြီးတွင် ဆေးကုသမှုခံယူကာအနားယူရင်း ဂိုဏ်းဂဏဝါဒကို တိုက်ဖျက်သောစာတမ်းကိုရေးနေသေးသည်။

ဆေးရုံတက်နေချိန် စိတ်အနှောက်အယှက်ဖြစ်စရာတွေ့မည်စိုးသဖြင့် သူ့ကိုမည်သည့်သတင်းစာမျှ ပေးမဖတ်ချေ။ သို့သော် ပစ္စည်းထုပ်လာသော သတင်းစာစက္ကူထဲက ၁၉၄၆၊ အောက်တိုဘာ ၁ဝ ရက်နေ့၌ ဖဆပအဖွဲ့ချုပ်ထဲမှ ဗမာပြည်ကွန်မြူနစ်ပါတီကိုထုတ်ပယ်လိုက်သည့် သတင်းကိုတွေ့ရာ အလွန်အမင်းစိတ်ထိခိုက်သွားခဲ့သည်။ သူ့ရောဂါမှာ ပို၍ဆိုးလာပြီး ၁၉၄၆ နိုဝင်ဘာ ၂ဝ ရက် ဗုဒ္ဓဟူးနေ့ နံနက်အစောပိုင်းတွင် မန္တလေးဆေးရုံကြီး၌ ကွယ်လွန်ခဲ့ပါသည်။

ထွန်းဝင်းငြိမ်း ပြုစုသည်။
သခင်ဗဟိန်း ရာပြည့်အခမ်းအနားကျင်းပရေးကော်မတီ (ရန်ကုန်)

ယူနန်နယ်စပ် ဝမ်စွေ့ဝမ်စွေ့နှင့် ဘကြီးမိုး

ယူနန်နယ်စပ် ဝမ်စွေ့ဝမ်စွေ့နှင့် ဘကြီးမိုး
(ကုမုဒြာဂျာနယ်၊ ရန်ကုန်) မိုးမခ၊ ဇွန် ၂၃၊ ၂၀၁၇ 



ဘကြီးမိုးက ဆွေမျိုးပေါက်ဖော် ဝမ်စွေ့ဝမ်စွေ့လို့ ခေါ်ခဲ့ဖူးရေးခဲ့ဖူးပါတယ်။ အဲသည် ဝမ်စွေ့ဆိုတဲ့စကားလုံးဟာ ဘကြီးမိုးတို့ ကျောင်းသားဘဝ၊ ဦးနုတို့၊ ချူအင်လိုင်းဘန်ဒေါင်းခေတ်က ဘကြီးမိုး ခေါ်ခဲ့ရ အော်ခဲ့ရလို့ ရနေတာပါ။


ဘကြီးမိုးရဲ့ရုပ်ရည်ဟာ တကယ်ပဲ တရုတ်သိုင်း ဝတ္ထု၊ သိုင်းရုပ်ရှင်တွေထဲက ပိန်ပိန်ရှည်ရှည်၊ မျက်ပေါက်ကျဉ်းကျဉ်းနဲ့ တရုတ်နဲ့ အင်မတန်မှ တူပါတယ်။ အခု အသက်ကြီး ထောင်ကထွက်လာမှ ဆံပင်က တစ်ခေါင်း လုံးဖြူ၊ နှုတ်ခမ်းမွေးက ဖြူလေတော့ ပိုတူတာပေါ့။ ငယ်ငယ်တုန်းက၊ ငယ်ငယ်တုန်းက ဆိုတာက အင်န်အယ်လ် ဒီခေတ်ဦး ၈၈ အရေးတော်ပုံအပြီး အင်န် အယ်လ်ဒီ စတင် တည်ထောင်စဉ်က မောင်သော်က၊ ဦးဝင်း တင်နဲ့ ဘကြီးမိုးတို့ဟာ ဒေါ်အောင်ဆန်းစုကြည်ရဲ့ အဖွဲ့ဝင်တွေပေါ့။ အဲသည်တုန်းက ဘကြီးမိုးဟာ ပိန်သာပိန်ပေမဲ့ ဆံပင်လည်း မည်းတုန်း၊ နှုတ်ခမ်းမွေးကလည်းမည်းတုန်းပဲခင်ဗျ။


တရုတ်နဲ့တူတာတော့ အမှန်ပဲ။ ဟိုအရေးအခင်းမတိုင်ခင် တရုတ်-ဗမာအရေး အခင်း ပဋိပက္ခဖြစ်စဉ်တုန်းက ဘကြီးမိုးက ကျောက်မြောင်းထဲမှာနေတယ်။ ဦးဝင်းတင်က ကျောက်မြောင်းဈေးထိပ်က ကြေးမုံသတင်းစာတိုက်မှာနေတာ၊ အဲသည်တုန်းက ဦးဝင်းတင်က ဘကြီးမိုးအတွက် တကယ်ပဲပူတာလား၊ ဒါမှမဟုတ် သူ့ထုံးစံအတိုင်း ဘကြီးမိုးဆို အမြဲနောက်နေကျ အတိုင်းပဲလား မသိဘူး၊ ဟေ့လူ ကိုမိုးသူ ရန်ကုန်ထဲ မသွားနဲ့နော်၊ သည်မှာ တရုတ်- ဗမာ အဓိကရုဏ်း ဖြစ်နေတယ်၊ ကိုရင့်ကို တရုတ်ဆိုပြီး ရိုက်မှာလို့ ဟားပါတယ်။


ဘကြီးမိုးဟာ မောင်ကိုယုလို တရုတ် အစစ်မဟုတ်ပေမဲ့ ရုပ်ပုံပန်းကတော့ တရုတ်မှ တရုတ်ပဲခင်ဗျ။ ဒါ့ကြောင့် ဗန္ဓုလပန်းခြံထဲ လမ်းလျှောက်ထွက်တုန်းက အား ကစားလုပ်နေတဲ့ တရုတ်အမျိုး သား တရုတ်အမျိုးသမီးတွေကဘကြီးမိုးကို တရုတ်လို အမြဲနှုတ်ဆက်ပြီး ကလေးတွေက အမ်ပေါင်း အတောင်းခံရလေ့ရှိပါ တယ်။


ရုပ်ရည်ကသာ တရုတ်နဲ့တူတာ၊ တရုတ်စာလည်း မသိ မတတ်၊ တရုတ်စကား လည်း မပြောတတ်ပေမဲ့ ဘကြီးမိုး သိတဲ့ တရုတ်စကားလုံးကတော့ဆွေမျိုး ပေါက်ဖော် ဝမ်စွေ့ဝမ်စွေ့ပဲခင်ဗျ။ အဲဒါလည်း မအော်ဖြစ်တာ ကြာပါပြီ။ ဝမ်စွေ့ အော်ချင် စိတ်မရှိတာလည်း ကြာပေါ့။ အထူးသဖြင့် မြန်မာစကားတောင်မတတ်တဲ့ နယ်စပ်က လက်နက်ကိုင် ဘာလူမျိုးမှန်းမသိတဲ့ လူတွေ မန္တလေး စီးပွားရေးလောကကြီး အပိုင်စီး ၊ မန္တလေး မြို့ခံတွေရဲ့နေရာတွေ အိမ်တွေကို အဆမတန်ဈေးပေးပြီးဝယ်လို့ မန္တ လေး ဒေသခံများ မြို့သစ်ကို ရောက်ရတဲ့ အခြေအနေ ရောက်ကတည်းကပါပဲ။


မြန်မာနိုင်ငံရဲ့ တပ်အစိုးရအုပ်ချုပ်ခဲ့တဲ့ နှစ်ပေါင်း ၅၀ ကျော်မှာလည်း စီးပွားရေးလောကမှာ တရုတ်တွေတွင်ကျယ်၊ ထိပ်ပိုင်းတွေနဲ့ပေါင်း၊ စက်အစုတ်တွေနဲ့ အမျိုး မျိုးလုပ်ခဲ့လို့ မကျေနပ်ခဲ့။ ပြီးတော့ မြစ်ဆုံ စာချုပ်တို့၊ လက်ပံတောင်းတောင် ဝမ်ပေါင် ဦးပိုင်စာချုပ်တို့ ။ ထားပါထားပါ။


အဲသည်အခြေအနေကနေ ဒီမိုကရေ စီအစိုးရသစ် တက်လာတော့ နိုင်ငံတော်အ တိုင်ပင်ခံ ဒေါ်အောင်ဆန်းစုကြည် တရုတ်ပြည်ကို သွား၊ တရုတ်ပြည်က ကော်ဇောနီ နဲ့ ကြို၊ မြန်မာသမ္မတ ဦးထင်ကျော် သွားတော့လည်း ဆရာကြီးမင်းသုဝဏ်ရဲ့ စာအုပ်ကို တရုတ်က ထုတ်၊ တရုတ်- မြန်မာနှစ်နိုင်ငံ စီးပွားရေးနဲ့တကွ ဘက်စုံစာချုပ်တွေ ဘာတွေထိုးတော့ ဘကြီးမိုးလည်း “ဆွေမျိုးပေါက်ဖော်” ဝမ်စွေ့ ဝမ်စွေ့ အော်ရ ပြန်တာပေါ့။


မြန်မာပြည်ရဲ့ ပြည်တွင်းငြိမ်းချမ်းရေးအတွက်လည်း တရုတ်အစိုးရက ကုဋေနဲ့ ချီပြီး အလှူအတန်းလုပ်တယ်ခင်ဗျ။ ဒါနဲ့ တင် မကသေးပါဘူး။ ဒုတိယ ၂၁ ရာစု ပင်လုံ ငြိမ်းချမ်းရေးညီလာခံကိုတက်ဖို့ မသေချာမရေရာတဲ့ မြောက်ပိုင်း မဟာမိတ် တပ်ဖွဲ့ တွေကို ပင်လုံညီလာခံကို ဧည့် သည်အဖြစ်ကူမင်းက လေယာဉ်နဲ့ တင်ပို့ပေးပြန်တော့ ဝမ်စွေ့ဝမ်စွေ့အော်ရပြန် ပါတယ်။


အဲဗျ ဇွန် ၁၈ ရက်နေ့မှာတော့ ယူနန်မှာရှိတဲ့ တရုတ်ဘဏ်များက မြန်မာနိုင်ငံသားများ အပ်နှံထားတဲ့ ပိုက်ဆံငွေစာရင်းများကို ပိတ်လိုက်တော့ တရုတ်- မြန်မာစီးပွားရေးကုန်စည်စီးဆင်းမှု ရပ်တန့်သွားသတဲ့။ ဒုက္ခော။

ပိတ်လိုက်တဲ့ စာရင်းငွေပမာဏကလည်း သိန်းပေါင်းလေးသိန်းကျော်ရှိသတဲ့။ အပိတ်ခံလိုက်ရတဲ့စာရင်းက ၁၀ဝ ကျော် ရှိသတဲ့။


ဪသာ်…မြန်မာနိုင်ငံသားဆိုတဲ့ ကုန်သည်တွေရဲ့ ငွေစာရင်းအရေအတွက်ဟာ ၁၀ဝ ကျော်ပြီး ငွေတန်ဖိုးကလည်း သိန်းပေါင်းလေးသိန်းကျော်ဖိုး ရှိသတဲ့။ နယ်စပ် အရောင်းအဝယ်က အတော်များပါတယ်။ အဲသည် ပိုက်ဆံစာရင်းတွေထဲမှာ တစ် လောက တစ်ခါပိတ်လိုက် တယ်ဆိုတဲ့ ကိုးကန့်တွေရဲ့ ဘဏ်စာရင်းတွေ ပါနေလေ ရော့သလားမသိ။


ဘာပဲပြောပြော တရုတ်-မြန်မာ စီးပွားရေး၊ ကုန်သွယ်ရေးလမ်းကြောင်းက သည်လမ်းပဲရှိလေတော့ ယူနန်နယ်စပ်အဆင် ပြေဖို့ လိုပါတယ်။


ဒါ့ကြောင့် ဘကြီးမိုးက ယူနန်နယ်စပ်ဝမ်စွေ့ ဝမ်စွေ့လို့ အော်လိုက်တာဖြစ် ကြောင်းပါ ခင်ဗျ။


ယူနန်နယ်စပ် ဝမ်စွေ့ ဝမ်စွေ့နှင့် ဘကြီးမိုးပါ။


ဘကြီးမိုး

ကျော်ထင် ● သရက်သီးမှည့်တွေ ပေါလိုက်တာ

ကျော်ထင် ● သရက်သီးမှည့်တွေ ပေါလိုက်တာ
(မိုးမခ) ဇွန် ၂၂၊ ၂ဝ၁၇

“မြောက်စူးစူးကို သွားပါလား၊ ပဒေသာပင်တွေပေါက်ရောက်ရာ၊ အပြန်မှာ ကြုံရင် အဗ္ဗန္တရ သရက်သာယူခဲ့ပါ” ဆိုတာ စိုင်းထီးစိုင် ဆိုတာမဟုတ်လား။ သီချင်းစာသားတွေကိုတော့ သိပ်မမှတ်တော့ဘူး။ သီချင်းတွေနဲ့ဝေးနေတာကြာပြီ။ လမ်း သွားရင်းနဲ့ သီချင်းညည်းမယ့်စိတ်ပေါ်ရင်တောင် ဖျောက်ဖျက်ပစ်ပြီး မြင်တာမမြင်တာတွေအားလုံးကို မေတ္တာပို့ကြည့်ပစ် တာ။

ရွတ်တာချင်းအတူတူ ဒါက တေဇောမီးကို မတောက်စေဘူးလေ။ ဒီလိုရွတ်ဖို့ကျတော့ အစမှာ တော်တော်အား ထုတ်ရတယ်။ ရွတ်ဆိုဖို့လေးနေတတ်တယ်။ ရွတ်ဖြစ်အောင်ရွတ်လိုက်တဲ့အခါကျတော့ ရင်ထဲမှာ အေးအေးလေးနဲ့ ငြိမ့်ငြိမ့်လေး။ တကယ် ကို ငြိမ့်တဲ့ပီတိ။ အစကတော့ ခက်တာပေါ့လေ။ စိတ်ဆိုတာ မကောင်းမှုမှာ မွေ့လျော်ကြတာမဟုတ်လား။ ဘယ်လို ဖြစ်ဖြစ် မကောင်းတာတွေထဲကတော့ ကြိုးစားပြီးထွက်ရမှာပဲ။

ဒီအတွေးအမြင်နဲ့ပဲ သီချင်းတွေကိုမဆိုဖြစ်အောင် ကြိုးစားကြည့်တာ။ နောက် - ကြာတော့လည်း မဆိုဖြစ်တော့ ဘူး။ ခုဆို ဆိုခဲ့ဖူးတဲ့သီချင်းတွေတောင် မေ့တေ့တေ့ရယ်။ ဟိုတလောက စာလေးရေးချင်လို့ သူငယ်ချင်းကို မောင့်လပြည့်ဝန်းသီချင်း ပြန်ရွတ်ပြခိုင်းရဖူးတယ်။ မောင့်လပြည့်ဝန်းဆိုတာက လောပိတရေအားလျှပ်စစ်အကြောင်းနဲ့ပတ်သက်ပြီး စပ်ဆိုခဲ့တာတဲ့ လေ။ ကျနော်တို့ငယ်ငယ်ကတော့ အချစ်သီချင်းအဖြစ်နဲ့အော်ဆိုခဲ့ကြတာ။

အမှောင်ဆုံးညတွေတဲ့။ ချစ်၍ စွန့်သွားတဲ့မင်းကို၊ စွန့်၍ချစ်သွားမယ်လေတဲ့။ ဒီဝဋ်ကြွေး မကုန်ခမ်းသ၍လေတဲ့။ လည် စင်းခံဆပ်မယ်လေတဲ့။ နယ်လွန်ခြင်း ကမ္ဘာတဖက်မှာတဲ့။ သူတို့ဒေသကိုအခြေပြုသွားတဲ့ လျှပ်စစ်မီးဟာ သူတို့အတွက်ကျ တော့ အမှောင်ကိုပဲထားခဲ့ပြီး နယ်လွန်သွားတာ။ လျှပ်စစ်မီးဆိုတာကို သူတို့ရချင်ပေမယ့် မရခဲ့ဘူး။ တကယ်တော့ ဒီသီချင်း ဟာ စိုင်းထီးစိုင်ရဲ့ တကယ့်နာမည်ကြီးသီချင်း။ မာစတာပီး။ ကျနော်လည်း အကြိမ်ကြိမ်ဆိုခဲ့ဖူးတဲ့ သီချင်း။

ခုတော့ ဒီလိုဆိုခဲ့တာတောင် အသံတွေလည်း မရတော့ဘူး။ စာသားတွေကျတော့ ကပေါက်တိကပေါက်ချာ ဖြစ်နေပြီ။ ခုသီချင်းလည်း အဲ့ဒီ့ဝေးကွာခြင်းသီအိုရီမှာငြိနေလို့  ခေါင်းစဉ်တောင် မမှတ်မိတော့ဘူး။ စာသားတွေကလည်း နည်းနည်းနဲ့ များများ မှားချင်မှားမှာပဲ။

မမှားတာကတော့ အဗ္ဗန္တရသရက်။ ဟိမဝန္တာမှာရှိတဲ့သရက်။ ဒီသရက်သီးကို ငယ်ငယ်ကတည်းက စားချင်ခဲ့တာ။ အိမ်မှာ သီးတဲ့ ဆင်နှာမောင်းသီးကို အဗ္ဗန္တရသရက် လုပ်ပစ်လိုက်ဖူးတာ။ ရူးတာပဲပေါ့။ ရူးမယ်ဆိုလည်း ရူးချင်စရာလေ။ သရက် ပင်က မသီးဘူး။ ခုခေတ်လို အသီးအားတိုးဆေးတို့ ရွက်အားတိုးဆေးတို့ဆိုတာကလည်း ပေါ်မှ မပေါ်တာ။ ပင်စည် ဓားထစ် အဆင့်ပဲရှိသေးတာ။ သီးတော့လည်း တစ်နှစ်မှာ တလုံးတည်းပဲ သီးတာ။ သီးတဲ့နှစ်နဲ့ မသီးတဲ့နှစ်တွက်ရင် မသီးတဲ့နှစ်က ပိုများမယ်။

တကယ့်ကို ရှားရှားခက်ခက်သီးတာ။ အသီးက ကြီးကြီးရှည်ရှည်နဲ့။ အစေ့ပါးပါး။ အသားထူထူပါ။ စားကြည့်ရင်တော့ ချိုလှ မဟုတ်ပါဘူး။ ခပ်ပေါ့ပေါ့ရယ်။ ကျနော်တို့လို အညာမရောက် အောက်မကျသားတွေရဲ့ လျှာနဲ့ဆိုရင်တော့ တော်တော် အလှမ်းကွာတဲ့ အရသာမျိုးပါ။

အဲ့ဒါ တစ်နှစ်ကြီးက သရက်သီး သီးတဲ့နှစ်မှာ ရွမ်းပြင်း (ဝင်းပြင်း) မှာတင် ကျနော်တို့ကလေးတသိုက် ခူးစားပစ် လိုက်ကြ တယ်။ ရွမ်းပြင်းကျတော့ ဒီအသီးက စားလို့အကောင်းသားပါ။ အချဉ်သဘောနဲ့စားတာမှာ ချိုနေတာကြောင့်လည်း ဖြစ်ချင် ဖြစ်မှာပေါ့လေ။ အဲ့ဒီ့အသီးကို အဗ္ဗန္တရသရက်ဆိုပြီးတော့ စားလိုက်ကြတာ။ အပျော်အဖြစ်ပေါ့။ ကလေးဘဝတွေပဲ။

တကယ့်အဗ္ဗန္တရသရက်ဆိုတာကတော့ ဟိမဝန္တာသွားမှ တွေ့ရမှာ။ ဒါတောင် သေချာလှတာတော့ မဟုတ်ပါဘူး။ အဗ္ဗန္တရသရက်ဆိုတာ နတ်စားထိုက်တဲ့ သရက်။ ဝေဿဝဏ်နတ် ပိုင်စိုးတဲ့သရက်။ သံကွန်ခုနစ်ထပ်နဲ့ အတန့်တန့်ကာရံပြီး သီးတဲ့အသီး။ ဒါကလည်း ကျည်းကန်ရှင်ကြီးရဲ့ မေတ္တာစာမှာ ဖတ်ဖူးတာ။

သရက်သီးကြိုက်တော့ သရက်သီးဆို ဘာဖြစ်ဖြစ်စားခဲ့တာပါ။ ငယ်ငယ်တုန်းကဆိုရင်တော့ ချိုချိုချဉ်ချဉ် မရွေးပါဘူး။ သရက်သီးတွေခူး။ အညှာထိပ်ကို ကျောက်တုံးဖြစ်ဖြစ် ကျောက်တုံးလို အမာတခုခုမှာ ဖွာနေအောင်ထု လိုက်တာ၊ အစေး ပြောင်အောင်လို့လေ။ ဒီလိုလုပ်လိုက်ရင် ရေဆေးစရာ မလိုဘူး။ အစေးမပေါက်ဘူး။ ခေတ်နဲ့အညီပြောမယ်ဆိုရင်တော့ ရေမဆေးသရက်ပေါ့။ ငံပြာရည်မှာ ငရုတ်သီးမှုန့်ရောပြီး တို့စာကြတာ။

တခါတလေ ငါးပိစ်ိမ်းစားတွေ ယူလာတာ။ တို့ချင်တဲ့သူ တို့ပေါ့။ ဗောဓိပင်ခြေရင်းမှာ ခြေဆင်းရင်းစားကြတာ။ ချွေးသိပ်ရင်း နေရိပ်ကိုခိုရင်းနဲ့ နွေလယ် နေ့ခင်းတွေမှာပေါ့။

အရွယ်ရလာတော့ သရက်သီးစိမ်းတွေကို ငယ်ငယ်ကလို မရူးသွပ်တာ့ပါဘူး။ ငယ်ငယ်တုန်က ဘယ်လောက်များ ရူးလိုက် သလဲဆိုရင် နွေမှာ ရန်ကုန်ရောက်ပြီဆိုရင် စပြီးဝယ်စားတာက သရက်ပေါင်းပဲ။ တမှောင်မှောင်နဲ့  နှာသံလေးပေါက်နေတဲ့ မောင်းလေးကို တီးပြီးရောင်းကြတာ။ အဲ့ဒီ့အသံကလည်း ရန်ကုန်ရောက်မှာ ကြားရတာပါ။ ကျနော်တို့ဆီမှာ မရှိဘူး။

ခုတော့ ထမင်းစားတဲ့အခါ တို့စရာ၊မြှုပ်စရာအဖြစ်နဲ့ပဲ တို့ကာပင့်ကာပဲ စားတော့တယ်။ အသက်ကြီးမှကြိုက်တာက သရက် သီးမှည့် ချိုချိုအေးအေးလေးတွေ။ ထမင်းစားပြီးရင်ပဲဖြစ်ဖြစ်၊ နေ့လယ် အိပ်ရာနိုးပဲဖြစ်ဖြစ်၊ သရက်သီးမှည့် ချိုချိုအေးအေး လေးတွေစားရတာဟာ ဆက်ရက်မင်း စည်းစိမ်ပဲလေ။ အရင်တုန်းကတော့ မန္တလေးရင်ကွဲ။ မချစ်စု။

ခုတော့ အကြိုက်ဆုံးသရက်သီးပြောပါဆို စိန်တစ်လုံး သရက်ပါပဲ။ ချိုတယ်။ လေးတယ်။ အနံ့ကော အရသာကောကို ကြိုက် တာ။ ဒါပေမဲ့ သူကဈေးကြီးတယ်။ တစ်လုံးကို ငါးရာ၊ ခြောက်ရာ ရောင်းတာရှိတယ်။ ငွေဈေးတွေ ဒီလောက်မဖောင်းပွခင် တုန်းကတော့ ငါးရာဖိုး နှစ်လုံး၊ နည်းနည်းသေးရင် သုံးလုံးရတယ်။ ရေဆင်းစိုက်ပျိုးရေးခြံတွေကနေ မှာစားရတာ။

မနှစ်ကတော့ စိန်တစ်လုံးတွေ တော်တော်ပေါတယ်။ ဈေးကော၊ပစ္စည်းကောကို ပေါတာ။ တစ်လုံးကို တစ်ရာ့ငါး ဆယ်၊ နှစ်ရာလောက်ပဲရှိတယ်။ အလုံးလည်းကြီးတယ်။ အရောင်လည်း လှသလိုပဲ။ အချိုဓာတ်လည်း ကဲကဲ ရဲရဲပဲ။ မိန်းမက မပြတ်တမ်းဝယ်လာပေးလို့ အိမ်မှာ စိန်တစ်လုံးမပြတ်ဘူး။ ထမင်းစားပြီးရင် စိန်တစ်လုံးနဲ့ အချိုတဲ။ ည အိပ်ခါနီးဆာလာ ရင်လည်း စိန်တစ်လုံးပဲ။ နေ့လယ်အဆာပြေလည်း ဒါပဲ။

ဘယ်လောက်စားသလဲဆို အပူတွေတောင် ကန်တယ်။ ကန်ရင်လည်း ကန်ပါစေ။ ရာသီစာကို စာညီပြီးလည်း စားတာလေ။ ကြိုက်ကလည်း ကြိုက်သကိုး။ ပေါကလည်း ပေါ။ ကျန်တဲ့အသီးတွေ မပေါရင်နေပါစေ။ စိန်တစ်လုံးသရက်တွေကိုတော့ ပေါစေချင်တယ်။ ဝဝစားရရင် ကျေနပ်တယ်။ မနှစ်ကဆို စိန်တစ်လုံးတွေပေါတာ ဒီပါးစပ်ကြီး အသိဆုံး။

ဒါပေမဲ့ ဒီပါးစပ်ကြီး မသိတာတခုက ခုမှသိတယ်။ မနှစ်က စိန်တစ်လုံးတွေ ဘာလို့ပေါသလဲဆိုတာ။ စိန်တစ်လုံးတွေ ဘာလို့ တဝကြီးစားလိုက်ရတယ်ဆိုတာ။ ခုမ သတင်းတွေဖတ်ပြီးသိတာ။ ပြည်ပက မဝယ်လို့တဲ့။ ဒါကြောင့် နယ်စပ်ကနေ ပြန်သယ် လာပြီး ဗမာပြည်မှာပဲ ပြန်ရောင်းကြလို့တဲ့။

ဘာပဲဖြစ်ဖြစ်လေ ဒီနှစ် စိန်တစ်လုံးတွေ ပေါပါစေ။
 
ကျော်ထင်

လင်းလွန်းခင်စာပေ-နေဝင်းမြင့်၊ ခင်ခင်ထူးတို့၏ ဝတ္ထုတို ဝတ္ထုရှည်စုစည်းမှု



နေဝင်းမြင့်၊ ခင်ခင်ထူးတို့၏ ဝတ္ထုတို ဝတ္ထုရှည်စုစည်းမှု
လင်းလွန်းခင်စာပေက ထုတ်ဝေမည်
(မိုးမခ) ဇွန် ၂၂၊ ၂၀၁၇
-
လင်းလွန်းခင်စာပေအုပ် ၃၀၀ ပြည့်အမှတ်တရပွဲကို မန္တလေးမှကျင်းပဖြစ်ပါက မန္တလေးအမှတ်တရများ ဖြစ်နိုင်စေရန်နှင့် လင်းလွန်းခင်စာပေတိုက်ရှင်သန်အောင်ရပ်တည်နိုင်ရန် ပြုစုနွေးထွေးခဲ့သည့် ဆရာ နေဝင်းမြင့်နှင့် ဆရာမခင်ခင်ထူးတို့၏ လင်းလွန်းခင်တွင် ပုံနှိပ်ဖော်ပြခဲ့ဖူးသော ဝတ္ထုတို ဝတ္ထုရှည်အချို့တို့ စုစည်းကာ ယင်းစာပေတိုက်ကပင် ပြန်လည်ဖော်ပြထုတ်ဝေဖြစ်ကြောင်း၊ ယခုဇွန်လကုန်တွင် စာချစ်သူများ လက်သို့ရောက်ရှိလာစေတာ့မည် ဖြစ်ကြောင်းသိရသည်။

စာအုပ်တန်ဖိုး- ၆၀၀၀ ကျပ်။

မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၃)


မောင်မောင်စိုး ● ရခိုင်ပြည်နယ်နှင့် နိုင်ငံခြားရင်းနှီးမြှုပ်နှံမှု ပြဿနာ - အပိုင်း (၃)
(မိုးမခ) ဇွန် ၂၂၊ ၂၀၁၇

ဤကိစ္စမှာ ပြည်ထောင်စုအစိုးရနှင့် ပြည်ထောင်စုအဆင့် ဝန်ကြီးဌာနများမှ ကိုင်တွယ်ဆောင်ရွက်ခြင်းဖြစ်သဖြင့် ပြည်ထောင် စုအစိုးရက ပွင့်လင်းမြင်သာမှုရှိအောင် လုပ်ပေးရန်လိုအပ်ပေသည်။

ထိုသို့ တရုတ် CNPC ၏ မြေသိမ်းမှုအပြင် မြန်မာကုမ္ပဏီတခုဖြစ်သော MCM (energy) ကုမ္ပဏီက မဒေးကျွန်း ရေပေးဝေ ရေးဆည်အနီး မြေဧက ၁၅၀ ခန့်အား ဒေသခံများထံမှ ဝယ်ယူထားသည်ကို တွေ့ရသည်။ ဤရောင်းဝယ်မှုမှာ ပုဂ္ဂလိက နှစ်ဖက်သဘောတူညီချက်အရ အရောင်းပြုလုပ်ထားခြင်းဖြစ်ရာ မည်သည့်ကန့်ကွက်သံမှ မကြားရပေ။ သမတဟောင်း ဦးသိန်းစိန်သက်တမ်းအတွင်း တရုတ်တို့သည် သဘာဝဓါတ်ငွေ့ရည်စက်ရုံတခု ဆောက်လုပ်ရန်ညှိနှိုင်းခဲ့ဘူးသည်။ သ ဘောတူညီချက်ရယူနိုင်ခြင်းတော့ မရှိပေ။ တရုတ်တို့၏ ထိုကြိုးစားမှု ဆက်စပ်နေသော မြန်မာကုမ္ပဏီတခု၏ ကြိုတင် ပြင်ဆင်မှုအဖြစ် မြေဝယ်ယူထားခြင်းဖြစ်နိုင်သည်။

● တရုတ်နှင့် မဒေးကျွန်း ဖွံ့ဖြိုးတိုးတက်မှု
လက်ရှိ မဒေးကျွန်းဖွံ့ဖြိုးတိုးတက်မှုအတွက် တရုတ်တို့ပြုလုပ်သည့်ဆိုသည့် လုပ်ငန်းထဲမှ MPT ဖုန်းဆက်သွယ်ရေး တာဝါ တိုင်နှင့် ရေဖြန့်ဝေစနစ်သည် တရုတ် CNPC အတွက် လုပ်ဆောင်မှုနှင့်အတူ မဒေးကျွန်းသူ ကျွန်းသားများ ပူးတွဲခံစား ရသည်ဟုဆိုနိုင်သည်။ သို့သော် မဒေးကျွန်းရွာများဘက်သို့ ပေးသည့်ရေသည် အမြဲတမ်းသန့်စင်နေခြင်းမရှိ၍ သုံးစွဲလျှော် ဖွပ်ရန် အဆင်ပြေသော်လည်း သောက်ရေအဖြစ်တော့ အဆင်ပြေခြင်းမရှိသေးပါ။ ဖုန်းဆက်သွယ်ရေးတာဝါတိုင်သည်လည်း တရုတ် CNPC အဆောက်အုံများဘက်တွင် ဆက်သွယ်မှုကောင်းရန် အလေးထားစိုက်ထူထားသဖြင့် ပြင်ရွာနှင့် ရွာမတွင်သာ ဖုန်းလိုင်းမိပြီး ကျောက်တန်းရွာ နှင့်ပန်းတိမ်ဆည်ရွာတို့တွင် ဖုန်းလိုင်းမမိသေးပါ။ သို့ဖြစ်ရာ ဖုန်းတာဝါတိုင်စိုက်ထူသည့်စားရိတ်ကုန်ကျငွေအား ဒေသဖွံ့ဖြိုးရေးစားရိတ်သက်သက်ဟူ၍ ဖေါ်ပြရန်သင့်တော်မည်မဟုတ်ပါ။ မည်သို့ဆိုစေ ရေပေးစနစ် နှင့် ဖုန်းတာဝါတိုင်သည် မဒေးကျွန်းသားများအတွက် CNPC နှင့် အတော်အသင့် တွဲဖက်အကျိုးခံစားရနိုင်သည်ကတော့ အ မှန်ပင်ဖြစ်သည်။

ရွာသူရွာသားတို့အတွက် သီးသန့်ဆောက်ပေးသော စာသင်ကျောင်းနှင့် ဆေးပေးခန်းသည် ရွာသားများအတွက် တိုက်ရိုက်အကျိုးရှိသည်ဟုဆိုနိုင်သည်။ သို့သော် သိန်းပေါင်းများစွာ အကုန်ကျခံတည်ဆောက်ထားသည်ဟူ သောရွာချင်းဆက် မြေ သားလမ်းကား ဆိုးဝါးလွန်းလှသည်။ ဖေါက်လုပ်ပြီး ၂ နှစ်ခန့်အကြာ ယခုအခါတွင် ပျက်စီးနေသည်။ ပြင်ရွာ/ ရွာမနှင့် CNPC Gas Terminnal ဘက်သို့သွားသည့်လမ်းမှာ အတန်ငယ်သင့်သေးသော်လည်း ကျောက်တန်း ပန်းတိမ်ဆည်ဖက်သို့ သွား သည့်လမ်းများကား ပျက်စီးနေပြီဖြစ်သည်။

မြေသားလမ်းလမ်းဖောက်လုပ်ရာတွင် ဘေးမှ ရေနုတ်မြောင်းထည့်သွင်းမထားခြင်းကြောင့် မိုးများသော ရခိုင်ပြည်နယ်တွင် လျင်မြန်စွာ ပျက်စီးနေပြီဖြစ်သည်။ နွေအခါ ဆိုင်ကယ်နှင့်သွား၍ ရသေးသော်လည်း မိုးတွင်း၌ ရွံ့ဗွက် ထူပြောနေပြီး ဆိုင် ကယ်မဆိုထားနှင့် လမ်းလျှောက်ရာတွင် ရွှံ့ဗွက်ရုန်းနေရပေသည်။ ထိုမြေသားလမ်းများပေါ်ရှိ သစ်သားတံတား အားလုံး လိုလိုလည်း ကျိုးပဲ့ပျက်စီးနေပြီး ထော်လာဂျီ ဖြတ်မောင်းရန်ပင် ခက်ခဲနေပြီဖြစ်သည်။

ထို့ပြင် လျှပ်စစ်မီးမှာလည်း တရက်လျှင် ၄ နာရီသာ ရပေသေးသည်။ ပင်လယ်ကူးသင်္ဘောကြီးများဆိုက်ကပ်နေသော မဒေး ကျွန်းတွင် ဒေသခံ စက်လှေ မော်တော် များဆိုက်ကပ်နိုင်ရန် ဆိပ်ခံကောင်းကောင်း တခုပင်မရှိသေးပေ။ ထို့ပြင် မဒေးကျွန်းရှိ ဒေသခံများထဲက CNPC တွင် အလုပ်အကိုင်ရရှိမှုမှာ ၃၀ ဦးခန့်သာရှိပြီး အားလုံးလိုလို လုံခြုံရေးနှင့် သန့်ရှင်းရေးဝန်ထမ်းများ ဖြစ်ကြသည်။

သို့ဖြစ်ရာ ခန်းနားထည်ဝါသော အဆောက်အဦးများနှင့် ၂၄ နာရီ မီးရရှိသော ဆက်သွယ်ရေးကောင်းမွန်သော တန်ချိန်သိန်းချီ ရှိသည့် ပင်လယ်ကူးသင်္ဘောများ ဆိုက်ကပ်နိုင်သောဆိပ်ခံရှိသည့် တရုတ် CNPC ၏ဒေါ်လာဘီလီလျံချီ၍ရင်းနှီးမြှုပ်နှံထား သော မဒေးကျွန်းတွင် ရွှံ့အလူးလူး ဗွက်အလူးလူး လမ်းများ ကျိုးပဲ့နေသောတံတားများ ညံ့ဖျင်းသော ဆက်သွယ်ရေးစနစ် နှင့် မှောင်အတိကျသောအချိန်များစွာကို ဒေသခံများ ဖြတ်သန်းနေရပေသည်။ ဒေသခံတို့က မဒေးကျွန်းမှာ သူတို့နေသော ဘက်က ရခိုင်ပြည် CNPC အခြေပြု သောဘက်က တရုတ်ပြည်ဟုဆိုကြသည်။

မည်သို့ဆိုစေ ဘီလီယံနှင့်ချီသော တရုတ်တို့၏ ရင်းနှီးမြှုပ်နှံများဝင်ရောက်လာခဲ့သော်လည်း ရွာ ၄ ရွာ အိမ်ခြေ ၇၁၀ လူဦး ရေ ၃၀၀၀ လောက်၏နေထိုင်မှုဘဝ သိသိသာသာတိုးတက်အောင် မပြုနိုင်ခြင်းသည် ဒေသခံတို့အတွက် တရုတ်တို့၏ ရင်းနှီးမြှုပ်နှံမှုများက သိသာသော အထောက်အကူမပြုဟု ဒေသခံတို့က ထင်မြင်ယူဆကြပေတော့သည်။

● မဒေးကျွန်း ရေလမ်းကြောင်းပြဿနာ
ပင်လယ်ဝမှ မဒေးကျွန်းထိ ကျောက်ဖြူ မြစ် သံစိုက်မြစ်အတိုင်း ရေနံတင်သင်္ဘောများ ဝင်ရောက်ရသည်။ ထိုမြစ်ကြောင်းသည် မဒေးကျွန်းသူကျွန်းသားများအပါ ဒေသခံရေလုပ်သားတို့ ဘိုးစဉ်ဘောင်ဆက် အသက်မွေးဝမ်းကြောင်းအတွက် ငါးရှာဖွေဖမ်းဆီးခဲ့သည့်နေရာဖြစ်သည်။ ရာသီအလိုက် ကကူရန်ငါး၊ ကင်းပုဇွန် စသည်ဖြင့် ဖမ်းဆီးကြသည်။ လက်ရှိကာလ ငါးတရာ သီလျှင် ငါးဒိုင်များသို့လာသွင်းသည့် တန်ဖိုးများအရ အနဲဆုံး သိန်း ၃၀၀ ခန့်အထိ ရှိသည်ဟု သိရသည်။ ထိုရှာဖွေဖမ်း ဆီးရသော ငါးရောင်းချငွေသည် ဒေသခံလူထုများကြား ခွဲဝေပြန့်နှံ့သွားသည့်ဝင်ငွေဖြစ်သည်။ ၁၅ ပ်ိသာခန့်ရှိသည့် ကကူရန် ငါးတကောင်ရလျှင် ရေလုပ်သားတို့အတွက် ကြီးမားသောဆုလာဘ်ဖြစ်သည်။ ထိုအရွယ်ရှိ ကကူရန်ငါး၏ ငါးစည်ပေါင်းသည် ၄ သိန်းခန့် တန်ဖိုးရှိသည်။ အသားတန်ဖိုးပါထည့်တွက်လျင် ၅ သိန်းခန့် ဈေးရတတ်သည်။ ဤသည်သော ဆုလဘ်များရရှိ အတူ ဝမ်းစာအတွက် ရှာဖွေရုန်းကန်နိုင်သည့် သဘာဝရေပြင်တွင် ရခိုင်ဒေသခံတို့ ဘိုးစဉ်ဘောင်ဆက် အသက် မွေးလာကြ သည်။

၂၀၁၇ ဧပြီလ အတွင်း ပထမဆုံး ရေနံတင်သင်္ဘောဆိုက်ကပ်လာသည်မှစ၍ မဒေးကျွန်းတဝိုက် အသက်မွေးဝမ်းကြောင်းအား စတင်ထိခိုက်လာတော့သည်။ ရေနံတင်သင်္ဘောဝင်သည့်နေ့နှင့် ပြန်လည်ထွက်သည့်နေ့များတွင် ငါးမဖမ်းရန် အကြောင်း ကြားနှိုးဆော်စာများရောက်လာပြီး ရေလုပ်သားများ ရေပြင်ထွက်ခွင့်မရှိတော့။ ထို့ပြင် မေလအတွင်းတွင် ရေနံတင်သင်္ဘော ၅ စီးခန့်ဝင်ရောက်ခဲ့ရာ ရေလုပ်သားတို့အတွက် လွတ်လပ်စွာ ငါးဖမ်းချိန်များ ပို၍နည်းလာတော့သည်။ ဤသို့သော အခြေ အနေတွင် မျှောပစ်၍ ငါးဖမ်းသူများအတွက် အတန်ငယ်အဆင်ပြေနေသေးသော်လည်း ကျားပါးစပ်ငါးဖမ်းလုပ်သူများအ တွက် အဆင်မပြေတော့ကြောင်း ဒေသခံငါးဖမ်းလုပ်သားများက ဆိုပါသည်။

ထို့ကြောင့်လည်း ၂၀၁၇ ခုနှစ် မေလ ၂၂ ရက်နေ့က ငါးဖမ်းစက်လှေနှင့် ဘုတ် အစီး ၂၂၀ ခန့်သည့် ကျောက်ဖြူမှ မဒေးကျွန်း CNPC သို့ မြစ်ကြောင်းအတိုင်း ချီတက်ဆန္ဒပြမှု ဖြစ်ပွားခဲ့သည်။ လက်ရှိရေနံတင်ပို့မှု လျာထားချက်အရ နှစ်စဉ် ရေနံတင် သင်္ဘော အစီး ၁၃၀ ခန့် ဝင်ရောက်မည်ဖြစ်ရာ အဝင်တရက် အထွက်တရက် ငါးဖမ်းမထွက်ရလျှင်ပင် တနှစ် ရက်ပေါင်း ၂၆၀ ခန့် ငါးဖမ်းထွက်ရမည်မဟုတ်တော့ပေ။ ထို့ပြင် ယခုပြင်ဆင်နေသည့် ကျောက်ဖြူ အထူးစီးပွားရေးဇုံစီမံကိန်းနှင့် မဒေး ကျွန်းတွင် ပင်လယ်ကူးသင်္ဘော ကုန်တင်ကုန်ချ ဆိပ်ခံတခုဆောက်လုပ်ရန် ပါဝင်သည်။

သို့ဖြစ်ရာ ရေနံတင်သင်္ဘောများသာမက ကုန်တင်သင်္ဘောများပါ ဥဒဟိုဝင်ထွက်သွားလာမည်ဆိုပါက အဆိုပါမြစ်ကြောင်း တွင် ငါးဖမ်းနေကြသောရေလုပ်သားများအတွက် အသက်မွေးဝမ်းကြောင်းလုပ်ငန်းတခုအား ပြင်းပြင်းထန်ထန် ထိခိုက်သွား ပေလိမ့်မည်။ မည်သို့ဖြေရှင်းမည်ကို ညှိနှိုင်းအဖြေရှာကြရန်လိုသည်။ ဒေသခံများ၏ ဘိုးစဉ်ဘောင်ဆက်လုပ်ကိုင်လာခဲ့ သော အသက်မွေးဝမ်းကြောင်းလုပ်ငန်းနှင့်ပတ်သက်၍ ဖြေရှင်းနိုင်မည့် နည်းလမ်းများကို ရှာဖွေရန်လိုအပ်သည်။ ထိုသို့ဖြေ ရှင်းရန်အတွက် ပြည်ထောင်စုအစိုးရရော တရုတ်အစိုးရကုမ္ပဏီပါ တာဝန်ရှိမှု တာဝန်ခံမှုကို ပြသရန်လိုအပ်ပေမည်။

သို့မဟုတ်ပါက ပြည်ထောင်အစိုးရရော တရုတ်တို့အတွက်ပါ အကျိုးရှိသည့် ဧရာမ ရေနံတင်သင်္ဘောကြီးများ ကုန်တင် သင်္ဘောကြီးများကို မဒေးကျွန်းသားဒေသခံများ ထိုင်ကြည့်ပြီး ဝမ်းဟောင်းလောင်းနှင့်နေရသော အခြေသို့ဆိုက်ရောက်ပေ လိမ့်မည်။

● မဒေးကျွန်းနှင့် တရုတ်တို့၏ တုန့်ပြန်မှုများ
၂၀၁၇ ခုနှစ် မေလ ၂၅ ရက်နေ့က ရန်ကုန်မြို့ ရှန်ဂရီလာဟိုတယ်တွင် CNPC လက်အောက်ခံ မြန်မာတရုတ်ရေနံနှင့် သဘာ ဝဓါတ်ငွေ့ပိုက်လိုင်းကုမ္ပဏီမှ မြန်မာနိုင်ငံတွင်း ဆောင်ရွက်ခဲ့သည့် ကုမ္ပဏီ၏ လူမှုပတ်ဝန်းကျင်တာဝန်ယူမှု အစီရင်ခံစာ (Social responsibility report) ထုတ်ပြန်သည့်သတင်းစာ ရှင်းလင်းပွဲပြုလုပ်ခဲ့သည်။ မဒေးကျွန်းဒေသခံတို့၏ ရေပေါ်ဆန္ဒ ပြပွဲအပြီး ၃ ရက်အကြာတွင်ဖြစ်သည်။

ထိုနေ့က ထုတ်ပြန်သည့် အစီရင်ခံစာသည် CNPC ၏ ပဉ္စမမြောက် နိုင်ငံရပ်ခြားအစီရင်ခံစာဖြစ်သည်။ ထိုအစီရင်ခံစာတွင် ဖေါ်ပြချက်အရCNPC မြန်မာပြည်တွင်း လူမှုအကျိုးပြုလုပ်ငန်းများအတွက် အမေရိကန်ဒေါ်လာ ၅၂၅၀၀၀ လှူဒါန်းခဲ့ပြီး မိတ်ဖက်ကုမ္ပဏီများနှင့်တွဲ၍ ပိုက်လိုင်းဖြတ်သန်းရာဒေသများတွင် လူမှုစီပွား လုပ်ငန်းပေါင်း ၁၂၀ အတွက် အမေရိ ကန် ဒေါ်လာ ၁၈.၃ သန်းသုံးစွဲခဲ့သည်ဟု ဆိုသည်။ ပညာရေး ကျန်းမာရေးဘက်စုံ လုပ်ငန်းပေါင်း ၅၀ ကျော်လှူဒါန်းခဲ့ကြောင်း လူငယ်ပေါင်း ၂ သောင်းကျော် ကောင်းမွန်သော ပညာရေးပတ်ဝန်းကျင် ဖန်တီးပေးနိုင်ခဲ့ပြီး လူပေါင်း ၈ သိန်းကျော် ကောင်း မွန်သည့် ဆေးဝါးကုသမှု ရရှိစေခဲ့သည်ဟု ဆိုသည်။ ကျေးရွာများကို ၂၄ နာရီ လျှပ်စစ်မီးနှင့် သန့်စင်သော သောက်သုံးရေ ရရှိစေခဲ့သည်ဟု ဆိုသည်။

ထိုရှင်းလင်းပွဲတွင် တရုတ်သံရုံးမှ သံမှူး၊ CNPC အရှေ့တောင်အာရှပိုက်လိုင်းကုမ္ပဏီ SEAP အထွေထွေမန်နေဂျာ၊ CNPC ဘုတ်အဖွဲ့အတွင်းရေးမှူးတို့ တက်ရောက်ကြသည်။ CNPC ၏လက်အောက်ခံ SEAP အထွေထွေမန်နေဂျာက ရှင်းလင်းရာ တွင် လက်ရှိကုမ္ပဏီတွင် မြန်မာဝန်ထမ်း ၉၀၀ ခန့်ခန့်အပ်ထားပြီး ဝန်ထမ်းစုစုပေါင်း၏ ၇၅ ရာခိုင်နှုန်းရှိသည်ဟု ဆိုသည်။ စီမံကိန်းအတွင်း သဘာဝပတ်ဝန်ကျင် ပြန်လည်ထိမ်းသိမ်းရန် ဒေါ်လာ ၂ သန်သုံးစွဲခဲ့ပြီး CNPC နှင့် သူ၏လက်အောက်ရှိ SEAGP (ဓါတ်ငွေ့ပိုက်လိုင်း) SEAOP (ရေနံပိုက်လိုင်း) ကုမ္ပဏီတို့မှ ပရဟိတရံပုံငွေ ဒေါ်လာ ၂၃ သန်း အသုံးပြုပြီး လူမှု စီးပွါးကူညီဆောင်ရွက်မှု စီမံကိန်းပေါင်း ၁၇၈ ခုဆောင်ရွက်ခဲ့သည်ဟု ဆိုပါသည်။

သတင်းစာဆရာများ၏မေးမြန်းမှု ကိုဖြေကြားရာတွင် မြေယာလျော်ကြေးပေးဆောင်ရာတွင် ဒေသခံအာဏာပိုင်များ ဒေသခံပြည်သူများနှင့်ညှိနှိုင်းပြီး သဘောတူညီမှု ရမှသာဆောင်ရွက်ခဲ့ကြောင်း မြေယာလျော်ကြေးအားလည်း တောင်သူလယ်သမား များလက်သို့ တိုက်ရိုက်ပေးအပ်ခဲ့ကြောင်း ဖြေကြားသည်ကို တွေ့ရသည်။

အမှန်တကယ်ပင် CNPC သည် မဟာဓါတ်အားလိုင်းအတွက် ဒေါ်လာ၁၀ သန်း လှူဒါန်းခဲ့သကဲ့သို့ ပိုက်လိုင်းဖြတ်သန်းရာ လမ်းကြောင်းတလျောက်ရှိ ရခိုင်ပြည်နယ် မကွေးတိုင်း မန္တလေးတိုင်း နှင့်ရှမ်းပြည်မြောက်ပိုင်းတို့တွင် မူလတန်း အလယ် တန်း အထက်တန်းကျောင်းအပါ စာသင်ကျောင်းများ ကျေးလက်ကျန်းမာရေးဌာနခွဲများ ဆေးရုံ ဆေးခန်းများအပါ အခြား အရာများပါ ဆောက်လုပ်လှူဒါန်းခဲ့သည်မှာ အမှန်ပင်ဖြစ်သည်။ ဒေါ်လာ သန်းဆယ်နှင့်ချီ အကုန်ကျ ခံခဲသည်မှာလည်း အမှန်ပင်ဖြစ်သည်။

ထို့ပြင် နှစ်စဉ် CNPC လက်အောက်ရှိ SEAOP နှင့် SEAGP တို့မှ နှစ်စဉ်ဒေါ်လာ ၁ သန်းစီ ထုတ်နှုတ်၍ လူမှုအကျိုးပြု လုပ် ငန်းများ ဆောင်ရွက်ရန် လျာထားသည်ကိုလည်း တွေ့ရသည်။ သို့သော်လည်း ယနေ့ မဒေးကျွန်းကဲ့သို့နေရာတွင် ပြဿနာ ဖြစ်ပွားနေသည်မှာ အောက်ပါအချက်များကြောင့်ဟု ယူဆရပါသည်။

ပထမအချက်အနေနှင့် လက်တွေ့ CNPC စတင်အခြေစိုက်ရာ မဒေးကျွန်းအခြေအနေနှင့် နှိုင်းစာလျှင် လက်တွေ့နှင့် ကိုက် ညီသည်ရော ကွာခြားသည်များကိုပါ တွေ့ရသည်။ တရုတ်တို့ လှူဒါန်းသောစာသင်ကျောင်းများကြောင့် ဒေသခံများ၏ ပညာရေးအတွက်ကောင်းမွန်သော ပတ်ဝန်းကျင် ရရှိစေသည်ဟု ဆိုနိုင်ပါသည်။ အိမ်ခြေ ၇၁၀ အား မီတာဘောက် အလုံး ၇၁၀ လှူ ဒါန်းသည်မှာလည်း သူတို့၏ကူညီမှုအဖြစ် မှတ်တမ်းဝင်ပါသည်။

ဆက်လက်ဖေါ်ပြပါမည်။
မောင်မောင်စိုး

(ဆရာမောင်မောင်စိုး၏ လူမှုကွန်ရက်စာမျက်နှာမှ ပြန်လည်ကူးယူဖော်ပြသလို ဧရာဝတီ မြန်မာပိုင်း၌ ၁၉၊ ၆၊ ၂၀၁၇ ရက်နေ့ကလည်း ဖေါ်ပြဖြစ်သည်။) 


ပုံစာ - ရခိုင်ပြည်နယ် ၊ မဒေးကျွန်းအနီးတဝိုက် သဘာဝဓာတ်ငွေ့စီမံကိန်းအတွင်း စွန့်ပစ်ခဲ့သည့် ကွန်တိန်နာပုံများ (Photo : Yu Yu Myint Than/NRGI)

တင်လတ်ကို- မရည်ရွယ်ပါဘူး

KT#
တင်လတ်ကို- မရည်ရွယ်ပါဘူး 
(မိုးမခ) ဇွန် ၂၂၊ ၂၀၁၇

ရည်လည်းမရည်စူး 
ရွယ်လည်း မရွယ်ဖူးပါဘူး 
မရည်ရွယ်ခဲ့ပါဘူးကွာ။ 

စာတလုံးကအစ 
တုတ်ကိုင် ဓားကိုင်
သေနတ်ကိုင်တဲ့အထိ 
အစစအရာရာ 
ငါ သတိထား 
ငါ သိထားပါတယ်။ 

မရည်ရွယ်ခဲ့ပါဘူး 
ငါ့ကြောင့် ငါးတကောင် 
ချိတ်စာမမိပါဘူး 
ငါ့ကြောင့် ငှက်တကောင်
လေးခွစာမထိပါဘူး 
ငါပြောတယ် 
ငါပြောတာ နားစိုက်ပေးပါ 

မရည်ရွယ်ပါဘူး 
ငါ့​ကြောင့်​ ကမ္ဘာစစ်ကြီး 
ငါ့​ကြောင့်​ များပြားလှတဲ့စစ်ဘေးရှောင် 
ငါ့​ကြောင့်​ အစာရေစာ ငတ်မွတ်ခြင်း 
ငါ့​ကြောင့်​ ချစ်သူတို့ဝေးကွာမှု 
စိတ်ချ ဘာတခုမှမဖြစ်စေရ
ငါမရည်ရွယ်ကြောင်း 
ဒီလိုပြောမယ် စိတ်ကူးထားပါတယ်။ ။ 

၂၀၁၀

ကာတွန်း OKKW ● ဤခြေရာ ...

 
ကာတွန်း OKKW ● ဤခြေရာ ...
(မိုးမခ) ဇွန် ၂၂၊ ၂၀၁၇

ဇာနီကြီး ● စာရိတ္တမဏ္ဍိုင် (တရားဥပဒေစိုးမိုးရေး)


 ဇာနီကြီး ● စာရိတ္တမဏ္ဍိုင် (တရားဥပဒေစိုးမိုးရေး)
(မိုးမခ) ဇွန် ၂၂၊ ၂ဝ၁၇


ဦးကိုနီ ပဉ္စမမြန်မာနိုင်ငံတော် (စာပေဟောပြောပွဲ၊ စင်ကာပူ ၂ဝ၁၅)
ဒိအကြောင်း ဗွီဒီယိုကို နားဆင်သူအမြောက်အများ။ ပြန်ရေးကြသူအမြောက်အများပါ။ ရှုဒေါင့်အမြင်တခုနဲ့ ရေးပါမယ်။

* ပထမမြန်မာနိုင်ငံတော်
ဘုရင်ခေတ်၊ သီပေါမင်းပါတော်မူခြင်းနဲY အဆုံးသပ်ပါတယ်။

* ဒုတိယမြန်မာနိုင်ငံတော်
အင်္ဂလိပ်ကိုလိုနီခေတ်၊ ၁၉၄၈ ဗီုလ်ချုပ်အောင်ဆန်းတို့ လွတ်လပ်ရေးနဲ့အဆုံးသပ်ပါတယ်။

* တတိယမြန်မာနိုင်ငံတော်
ဒီမိုကရေစီခေတ်ဖြစ်ပါတယ်။ အလွန်ကောင်းမွန်တဲ့ဖွဲ့စည်းအုပ်ချုပ်ပုံခေတ် ဖြစ်ပေပါတယ်။ ခေါင်းဆောင်များမညီညွတ်မှုကို အခွင့်ကောင်းယူပြီး စစ်တပ်ခေါင်းဆောင်တစ်ဦးက အခွင့်ကောင်းယူ၊ အာဏာသိမ်းခြင်းနဲ့ အဆုံးသတ်ခဲ့ပါတယ်။ ဒီအ ကြောင်းကိုပဲ ဦးကိုနီက အလေးပေးပြောဆိုမှာ ဖြစ်ပါတယ်။

* စတ္တုထမြန်မာနိုင်ငံတော်
စစ်အာဏာရှင်များ အုပ်ချုပ်တဲ့ခေတ်ဖြစ်ပါတယ်။ အားလုံးသိပြီးပါပြီ။ စစ်အာဏာရှင်ကြီးက စနစ်တကျအာဏာလွှဲပေးပြီး၊ ၂ဝ၁၅ ရွေးကောက်ပွဲမှာ ဒေါ်အောင်ဆန်းစုကြည် အင်အယ်ဒီပါတီကို အာဏာလွှဲပေးသွားပါတယ်။

* ပဉ္စမ မြန်မာနိုင်ငံတော်
၂ဝဝ၈ ဖွဲ့စည်းပုံအခြေခံဥပဒေနဲ့ သမတဦးသိန်းစိန်အစိုးရ ၂ဝ၁၁ ကတည်းစတင်ခဲ့ပြီး။ အခု ဒေါ်အောင်ဆန်းစုကြည် အင် အယ်ဒီအစိုးရ ခေတ်နောက်ပိုင်းကို ဦးကိုနီ မျှော်လင့်စွာနဲ့ ဟောပြောသွားပါတယ်။

● နိဒါန်း

မြန်မာ့ဒီမိုကရေစီဟာ ယခင်ကရှိပြီးသား၊ ၁၉၄၈ ခုနှစ်လွတ်လပ်ရေး ရစဉ်က အရှေ့တောင်အာရှမှာ အလွန်သာယာဝပြောခဲ့တဲ့ နိုင်ငံဖြစ်ပါတယ်။ ဒါလဲ ဗိုလ်ချုပ်အောင်ဆန်းခေါင်းဆောင်ပြီး၊ ဥပဒေပညာရှင်တွေ၊ ခေါင်းဆောင်တွေနဲ့ ၁၉၄၇ ခုနှစ်မှာ အခြေခံ ဥပဒေကို ရေးဆွဲ ပြဌာန်းခဲ့ပါတယ်။ အုပ်ချုပ်စနစ်ကောင်းတော့ ၁၂ နှစ်လုံးလုံး သာယာဝပြောခဲ့ပါတယ်။ ဒါပေမဲ့ တဖြေးဖြေး မြန်မာတွေရဲ့ ဒိမိုကရေစီစိတ်ဓါတ်များ ကျဆင်းလာပြီး စစ်အာဏာရှင်တစ်ဦးက နိုင်ငံတော်အာဏာကို ဓါးပြ တိုက်သလို ယူသွားခဲ့ပါတယ်။

အခု ဒေါ်အောင်ဆန်းစုကြည်နဲ့ အင်အယ်ဒီပါတီ ပြုပြင်ပြောင်းလဲရေးဟာ အသစ်မဟုတ်ပါဘူး။ ကိုယ့်မှာရှိခဲ့တဲ့ပစ္စည်းကို ဓါးပြတိုက်ယူသွားတဲ့ စစ်အာဏာရှင်များထံက ပြန်တောင်းနေခြင်းဖြစ်ပါတယ်။ ပစ္စည်းကလည်း မြင်နေပါပြီ။ (စကားချပ်။ ဖွဲ့စည်းပုံအခြေခံဥပဒေ ပြင်ဆင်ပြဌာန်းရေး ဖြစ်ပါတယ်)။

● ပဉ္စမ မြန်မာနိုင်ငံတော်
လွှတ်လပ်ရေးရပြီးခေတ် ပါလီမန်ဒီမိုကရေစီစနစ်မှာ ပြဌာန်းခဲ့တဲ့ ဖွဲ့စည်းအုပ်ချုပ်ပုံ အခြေခံဥပဒေ (၁၉၄၇) က အဲဒီခေတ် ကာလမှာ အင်မတန်ကောင်းပါတယ်။ ဖက်ဒရယ်မူကို ဥိးတည်တဲ့ စနစ်ဖြစ်ပါတယ်။ အဲဒီခေတ်က မြန်မာတွေ အရှေ့တောင် အာရှမှာ ထိတ်တန်းနိုင်ငံ၊ ငွေကြေးအချမ်းသာဆုံးနိုင်ငံ၊ ပညာရေးအကောင်းဆုံးနိုင်ငံ၊ လေဆိပ်၊ အိမ်ယာ၊ သင်္ဘော၊ ဘဏ်စနစ်၊ ရန်ကုန်မြို့တော် စတဲ့ စံပြနိုင်ငံကြီး ဖြစ်ခဲ့ပါတယ်။

(စကားချပ်။ စင်ကာပူဟောပြောပွဲ ၁ နာရီ ၁၅ မိနစ်ကြာတဲ့ ဗွီဒီယိုကို ၂ဝ၁၇ အထိ မြန်မာ ၂ သိန်း နားဆင်ခဲ့ပါပြီ။ ပုဂ္ဂိုလ် စွဲဘေးချိတ်ထားပြီး အချိန်ပေးနားဆင်ကြည့်စေလိုပါတယ်။
နှိပ်ရန်လင့် .. https://www.youtube.com/watch?v=RTUrWLQJnvk )။

အဲဒီ မြန်မာ့ဒီမိုကရေစီ ထွန်းကားတဲ့ခေတ် (၁၉၄၈-၁၉၆၂) မှာ စင်ကာပူနိုင်ငံဆိုတာ မပေါ်သေးပါဘူး။ မလေးရှားနိုင်ငံရဲ့ ပြည်နယ်တစ်ခုအဖြစ် ရှိနေချိန်ပါ။ ၁၉၆ဝ ဖဆဖလ တည်မြဲ၊ သန့်ရှင်း ကွဲသွားတဲ့အချိန်မှာ ထိုင်းနိုင်ငံဝန်ကြီးချုပ် မြန်မာပြည်ကို လာလည်ရင်းနဲ့ မြန်မာလေယဉ်ကွင်းကြီးကို ကြည့်ပြီး၊ မြန်မာနိုင်ငံကိုမှီဖို့ နှစ် ၂ဝ လောက် ကြိုးစားရမယ် ပြောသွားခဲ့ပါတယ်။ ကမ္ဘာ့နိုင်ငံများကို ခေါင်းဆောင်မဲ့ ကုလသမဂ္ဂအကြီးအကဲအဖြစ် မြန်မာနိုင်ငံသား ဦးသန့်ကို ရွေးချယ်ခဲ့ပါတယ်။ ဦးသန့် တော်လို့ ဆိုတာထက်၊ မြန်မာနိုင်ငံရဲ့ ပုံရိပ်ကောင်းလွန်းလွန်းလို့ ရွေးချယ်ခြင်း ဖြစ်ပါတယ်။

အခုဆိုရင် နိုင်ငံခြားက ပညာရှင်တွေဆို မြန်မာနိုင်ငံကို ပြီး ဒီမိုကရေစီအကြောင်း ပို့ချ၊ အကြံပေးကြပါတယ်။ နားထောင်ရတာ ကြာတော့ ကျွန်တော်တို့က ပြန်ပြောလာရတယ်။ ဒီမိုကရေစီဆိုတာ ဘာလဲလို့မသင်ကြားပါနဲ့၊ ဒီမိုကရေစီဆိုတာ ကျွန် တော်တို့ အရှေ့တောင်အာရှမှာ ပထမဆုံးကျင့်သုံး၊ ခံစားခဲ့ဖူးလို့ ကောင်းကောင်းသိပါတယ်။ ကျွန်တော်တို့ကို သင်ကြား ပေးရမှာက အဲဒီဖွဲ့စည်းအုပ်ချုပ်ပုံအခြေခံဥပဒေ၊ လုသွားခံရတဲ့ပစ္စည်းကို ဘယ်ပြန်ယူရမဲ့နည်းလမ်းပဲ သင်ကြားပေးပါ၊ အကြံပေးပါလို့ ပြောရပါတယ်။

စစ်အာဏာရှင်တွေ ပေးထားတဲ့ ၂ဝဝ၈ ဖွဲ့စည်းအုပ်ချုပ်ပုံအခြေခ့ဥပဒေ ဘယ်လမ်းကိုသွားနေသလဲ။ နိုင်ငံတော်အာဏာ ကို ဘယ်သူတွေလက်ထဲမှာ ရှိနေသလဲ။ ဥပဒေပြု၊ လွှတ်တော်၂၅ ရာခိုင်နှုန်း စစ်တပ်အမတ်များ။ အုပ်ချုပ်ရေး၊ ကာလုံအဖွဲ့ ၁၁ ဦးမှာ စစ်တပ် ၆ ဦးပါခြင်း၊ ကာ/ချုပ်က ပြည်ထဲရေး၊ နယ်စပ်၊ ကာကွယ်ရေး အရေးပါဆုံးအုပ်ချုပ်ရေးဝန်ကြီးများကိုခန့်ခြင်း၊ ကာ/ချုပ်ကို သမတခန့်ပိုင်ခွင့်မရှိခြင်း၊ အထွေထွေအုပ်ချုပ်ရေးဌာနနဲ့ ရဲဌာနကို ပြည်နယ်တိုင်းဒေသအစိုးရလက်အောက် မထားနိုင်သေးခြင်း .. စတဲ့အချက်များကို ပြောပါတယ်။ လက်ရှိ ပကတိအခြေအနေများကို အရင်ရှင်းပြပါတယ်။

● ဒီမိုကရေစီ အစိုးရသစ်အတွက် စိမ်ခေါ်ချက် (၅) ခု
၁။ ဖွဲ့စည်းအုပ်ချုပ်ပုံ အခြေခံဥပဒေကို ပြန်လည်ပြဌာန်းရပါမယ်။ လွှတ်တော်တွင်းမှာလုပ်ဖို့ ၂၅ ရာခိုင်နှုန်း စစ်တပ် အမတ်တွေကို ပညာပေးခြင်း၊ လွှတ်တော်ပြင်ပမှာလည်း ဥပမာ ငြိမ်းချမ်းရေး NCA ဆွေးနွေးပွဲများနဲ့ တပ်မတော်ကို ဆွဲ ဆောင်ခြင်းကလည်း ခက်ခဲတဲ့ စိမ်ခေါ်မှုပါ၊

၂။ စိတ်နေစိတ်ထား၊ နှစ် ၅ဝ ယိုယွင်းသွားတဲ့ စိတ်နေစိတ်ထားများကိုပြုပြင်ခြင်း၊ ခက်ခဲစွာလုပ်ဆောင်ရပါမယ်။ အမှားဆိုတာ ကြာလာတော့ အမှန်ဖြစ်လာတတ်ပါတယ်။ ဥပမာ လာဘ်ပေးဖို့ မရှက်ခြင်း။ ဂုဏ်ယူခြင်း၊ ငွေတပ်မက်ခြင်း၊ ကြမ်းတမ်းသော အပြောဆို၊ လုပ်ရပ် စရိုက်များ၊ အလွန်ခက်ခဲစွာ လုပ်ဆောင်ရပါမယ်။ ပညာပေးခြင်း၊ ဒဏ်ပေးခြင်း နည်းလမ်းတွေ ရှိပါတယ်။

၃။ ပညာရေးစနစ်၊ လူသားအရင်းအမြစ် ဖြစ်ပါတယ်။ ပညာရေးစနစ်ကောင်းမွန်ခြင်း၊ ပညာရေးဘတ်ဂျတ် ပံ့ပိုးပေးခြင်း၊ ဆရာများ၊ ကျောင်းများကို ပညာရေးမူဝါဒ၊ ပညာရေးစနစ်ပြောင်းလဲခြင်းလဲ ခက်ခဲတဲ့စိမ်ခေါ်မှု ဖြစ်ပေမဲ့ စတင်နေပြီဖြစ်ပါတယ်။

၎။ စီးပွားရေး။ ဆင်းရဲချမ်းသာ ကွာခြားမှု ကျြီးမားခြင်းဖြစ်ပါတယ်။ စစ်အာဏာရှင်စနစ်က မွေးထုတ်ပေးတဲ့ ခရိုနီစိးပွားရေး ကြောင့်၊ ဆင်းရဲသားများက ပိုပြီးမွဲတေလာပြီး၊ သူဌေးများက ပိုပြီးချမ်းသာလာတဲ့ ဥပဒေများစွာ ပြဌာန်းထားပါတယ်။ (စကား ချပ်၊ အင်အယ်ဒီ စီးပွားရေးမူဝါဒ ၁၂ ချက် ထုတ်ပြန်ခဲ့ပြီး၊ လက်တွေ့လုပ်ဆောင်ဖို့ဆိုတာလဲ မဟာဗြူဟာနဲ့ ကဏ္ဍအသီးသီးမှာ အခြေခံကစပြီး လုပ်ရမှာဖြစ်လို့၊ ခက်ခဲတဲ့စိန်ခေါ်မှု ဖြစ်ပါတယ်။

၅။ တပ်မတော်နဲ့ ဝန်ထမ်းအဖွဲ့အစည်းကို ပညာပေး၊ ဆွဲဆောင်ခြင်း
အလွန်အရေးကြီးတဲ့ စိမ်ခေါ်မှုဖြစ်ပါတယ်။ အမေရိကန်ခရီးစဉ်မှာ ပါမောက္ခတစ်ဦးက ထူးဆန်းတဲ့အကြံတစ်ခု ပေးပါတယ်။ သူကပြောတယ်၊ ခင်ဗျားတို့က ပြည်သူလူထုကို ပညာပေးဖို့ချည်း ပြောနေတယ်၊ လုပ်နေတယ်။ စစ်တပ်ကို Educate လုပ်ဖို့ပြောတော့၊ ဒါဟာ အလွန်ခက်ခဲဆုံး စိမ်ခေါ်မှုကြီး ဖြစ်ပါတယ်။

(စကားချပ်။ စစ်တပ်ကို တိုက်ရိုက်မဟုတ်ပဲ သွယ်ဝိုက်ပညာပေးခြင်း လုပ်နိုင်ပါတယ်။ ၂၅ ရာခိုင်နှုန်း လွှတ်တော်မှာ ထိုင် နေတဲ့ တပ်မတော်သားအမတ်များကို ထိခိုက်စေမဲ့ တိုက်ရိုက်ပြောဆိုခြင်းတွေကို သတိထားရှောင်ကျဉ် နေပါတယ်။ ပင်လုံညီလာခံမှာ ဖက်ဒရယ်စနစ်၊ ပြည်နယ်များကို ဖွဲ့စည်းအုပ်ချုပ်ပုံ ရေးဆွဲခွင့်များပေးမယ်လို့ အစိုးရနဲ့ လက်နက်ကိုင် တိုင်းရင်းသားများ သဘောတူကြပါပြီ)

ပြည်သူတွေဟာ တပ်မတော်သားတွေကို ချစ်မြတ်နိုးပါတယ်။ ရှေ့တန်းပြန်တပ်မတော်သားတွေကို တကယ်အနမ်းနဲ့ကြိုဆိုခဲ့ ပါတယ်။ ဟိုတုန်းကအခြေအနေပါ။ (လက်ခုပ်သံများစွာ အားပေးကြပါတယ်) ဒါဟာ ကြီးကျယ်တဲ့ စိမ်ခေါ်မှုပါ။

● နိဂုံးချုပ်
စာရေးဆရာ ဥိးဖေမြင့် (ယခု ပြန်ကြားရေးဝန်ကြီး) လည်း စင်ကာပူစာပေဟောပြောပွဲမှာ အတူပြောပါတယ်။ ဆရာဖေမြင့် ပြောစကားနဲ့ဆိုရင် သင်္ချာပုစ္ဆာ တွက်သလိုပါပဲ။ အပစ်ခတ်ရပ်စဲရေး + နိုင်ငံရေးတွေ့ဆုံပွဲ (Cease Fire + Dialogue) = Solution အဖြေထွက်လာဖို့ ဖြစ်ပါတယ်။

ပြည်သူတွေ လိုလားတဲ့ ပေးထားချက်များကို အခြေပြုပြီး အဖြေထွက်လာအောင်လုပ်ရပါမယ်။ ပြည်သူတွေ လိုလားတာကို ပြက်သားစွာ ပြောရပါမယ်။ စိတ်ဓါတ်တွေ ကျနေလို့မဖြစ်ပါဘူး။ Isolate ကိုယ့်အုပ်စုနဲ့ သီခြားနေလို့ မဖြစ်တော့ပါဘူး။ လူငယ်တွေရှိတယ်၊ အနာဂါတ်တွေ ရှိတယ်။ စွန်လွှတ်သင့်တဲ့ စိတ်နေစိတ်ထား၊ ပိုင်ဆိုင်မှု၊ လုပ်ပိုင်ခွင့်ဆိုတာတွေ စွန့် လွှတ်တန် စွန့်လွှတ်ရမယ်။

နိုင်ငံသားတွေအားလုံးက အချုပ်အချာအာဏာရဲ့ ပင်ရင်းပိုင်ရှင်များဖြစ်ပါတယ်။ ပြည်သူကလည်း ပြောလာ၊ လုပ်လာမှ ပြည်သူ လူထုလိုလားတဲ့ သာယာဝပြောသောမြန်မာပြည်ကြီး၊ ပဉ္စမမြန်မာနိုင်ငံတော် ပေါ်ပေါက်လာမှာ ဖြစ်ပါတယ်ဆိုတာ ပြောရင်း နိဂုံးချုပ်ပါတယ်။ (စင်ကာပူမှ လက်ခုပ်သံများစွာ)။

ကိုးကားခြင်း။ ဦးကိုနီ စင်ကာပူစာပေးဟောပြောပွဲ ၂ဝ၁၅
https://www.youtube.com/watch?v=RTUrWLQJnvk
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

● ရာဇဝတ်မှုများပြားလာခြင်းနဲ့ ဦကိုနီ ၅ မိနစ်အင်တာဗျူး ...
အခုတလော သက်ငယ်မုဒိမ်းမှု၊ လူသတ်မှုတွေများလာတယ်။ မေတ္တာတရားလည်း နည်းပါးသွားပါတယ်။ အခုမှဖြစ်တာ မဟုတ်ပါဘူး။ တအိအိနဲ့ တဖြေးဖြေး ဖြစ်လာရတာပါ။

မှားယွင်းတဲ့အုပ်ချုပ်ရေးစနစ်ကြောင့် လူတွေ အင်မတန်ဆင်းရဲမွဲတေသွားကြတယ်။ ဆင်းရဲတော့ ပညာမသင်နိုင်၊ ဆင်ခြင် တုံတရား အပိုင်းအားနည်းသွားတယ်။ ဆင်ခြင်တုံးအားနည်းတော့ အကောင်းအဆိုး ဝေဖန်သုံးသပ်နိုင်မှု မရှိတော့ဘူး။ ဒီ တော့ ဆင်းရဲမှုအောက်မှာ မွန်းကြပ်နေတော့ ထွက်ပေါက်ရှာချင်လာတယ်။

စိတ်ထွက်ပေါက်အနေနဲ့ မုဒိမ်းမှု၊ လူသတ်မှုတွေ ထင်ရာမြင်ရာလုပ်လာကြပါတယ်။

ပြောစရာတခုရှိပါတယ်။ ရဲတပ်ဖွဲ့ရှိတယ်။ လူတွေဆိုးလာရင် ရဲတွေ ထိန်းနိုင်ရမှာပေါ့ ..ဆိုပေမဲ့ တရားဥပဒေတွေကို လေး စားမှု၊ စိုးမိုးမှု မရှိတော့ဘူး။ လူတွေတင်မက အုပ်ချုပ်သူများကပါ လေးစား၊ လိုက်နာဖို့ လိုပါတယ်။

မြန်မာနိုင်ငံဟာ နှစ်ပေါင်း ၅ဝ လောက် မကောင်းတဲ့စနစ်အောက်မှာ နေခဲ့ရတော့ ဒီလိုအဖြစ်ဆိုးတွေ အခုကြုံနေရတာပါ။

ပြစ်ဒဏ်တိုးမြှင့်ပေးလို့ ရာဇဝတ်မှုတွေ ပပျောက်နည်းပါးမသွားပါဘူး။ သီအိုရီလဲ မဟုတ်သလို လက်တွေ့မှာလဲ မဟုတ်ပါ ဘူး။ သေဒဏ်တွေပေးပေမဲ့ ပြစ်မှုတွေကျဆင်းတယ် ဆိုတာမရှိပါဘူ။ ပြစ်မှုကျူးလွန်သူတိုင်းကို သေချာပေါက် ပြစ်ဒဏ်ခံ ရရင်၊ ထောင်ကျမယ်ဆိုရင် လူတွေကြောက်ပါတယ်။ ထောင်ထဲမှာ တရက်တောင်မနေနိုင်ပါဘူး။

ထောင်စနစ်ကိုလည်း ပြုပြင်ဖို့ပါ။ သူများနိုင်ငံတွေမှာ ထောင်ကျပြီးလို့ ပြန်ထွက်လာရင် ပြစ်မှုပြန်ကျူးလွန်တာမျိုး တော် တော်အလှမ်းဝေးသွားပါတယ်။ မြန်မာနိုင်ငံ ထောင်စနစ်ကိုလည်း ပြုပြင်ရမှာပါ။

ဒါလောက်စိတ်ထားမြင့်မြတ်သူ ..မသမာသူတစုက လုပ်ကြံသတ်ဖြတ်ခံလိုက်ပါတယ်။ စာရေးဆရာ ဘာတန်လစ်တနာ ကတော့ လက်ရှိစနစ်အတွင်းမှာပဲ ကယ်ပေါက်ကိုရှာနိုင်တဲ့နေရာမှာ ကျွမ်းကျင်သူဖြစ်နေတယ်ဆိုတာကို ဒေါ်အောင်ဆန်း စုကြည် နိူင်ငံတော်၏အတိုင်ပင်ခံပုဂ္ဂိုလ်ဖြစ်လာခဲ့ရခြင်းက သက်သေခံနေခဲ့ပြီး ဖြစ်ပါတယ်။ ဖွဲ့စည်းပုံအသစ် ရေးဆွဲနေဆဲ ဖြစ်လို့ လူတစ်စုက လုပ်ကြံလိုက်ခြင်းဖြစ်တယ်လို့ ရေးပါတယ်။ သူသေပေမဲ့ သူ့ရဲ့ ဝိညာဉ်၊ အခိုးအငွေ့တွေက မသေပါ။
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

● ဦးကိုနီ (ကိုယ်ရေးအကျဉ်း)
တရားလွှတ်တော် ရှေ့နေ ဦးကိုနီအား အဖ ဦးစူလ်တန်၊ မိခင် ဒေါ်ခင်လှ (ခ) ဒေါ်ဟလီမာတို့မှ စစ်ကိုင်းတိုင်းဒေသကြီး၊ ကသာခရိုင်၊ ကသာမြို့နယ်၊ အင်းရွာကျေးရွာတွင် မွေးဖွားခဲ့သည်။ ကသာမြို့ အထက (၁) ကျောင်းမှ ၁၉၇၁ ခုနှစ်တွင် တက္ကသိုလ်ဝင်တန်း အောင်မြင်ခဲ့ပြီး ရန်ကုန် ဝိဇ္ဇာနှင့် သိပ္ပံတက္ကသိုလ်တွင် ပညာဆည်းပူးခဲ့ကာ ၁၉၇၅ ခုနှစ်တွင် B.A(Law) ဘွဲ့ရရှိခဲ့သည်။ ၁၉၇၆ ခုနှစ်တွင် LL.B (ဥပဒေဘွဲ့) ကို ရရှိခဲ့သည်။

၁၉၇၅- ၁၉၇၆ ပညာသင်နှစ်တွင် ရန်ကုန် တက္ကသိုလ် ဥပဒေအသင်းကြီး၏ ဒုဥက္ကဋ္ဌအဖြစ်လည်းကောင်း၊ ၁၉၇၇ မှ ၁၉၇၉ ခုနှစ်အတွင်း ရန်ကုန် အဝေးသင်တက္ကသိုလ်၊ ဥပဒေပညာဌာနတွင် နည်းပညာဆရာအဖြစ် တာဝန်ထမ်းဆောင်ခဲ့သည်။

၁၉၇၆ ခုနှစ်တွင် ဥပဒေဘွဲ့ရရှိပြီးနောက် အဝေးသင်တက္ကသိုလ်တွင် နည်းပြဆရာအဖြစ် ထမ်းဆောင်ရင်း ဆရာကြီး ဦးကို ယုထံတွင် အလုပ်သင်ရှေ့နေ၊ အမှုလိုက်ရှေ့နေအဖြစ်လုပ်ကိုင်ခဲ့ကာ ၁၉၉၅ ခုနှစ်တွင် Laurel Law Firm ကို တရားဝင် မှတ်ပုံတင်ပြီး ဥက္ကဋ္ဌအဖြစ် ဆောင်ရွက်ခဲ့သည်။

ဇနီး ဒေါ်တင်တင်အေးနှင့် သားသမီး ၃ ဦးရှိပြီး သမီးကြီး ဒေါက်တာ ယဉ်နွယ်ခိုင်၊ ဒေါက်တာအေးသီခိုင်၊ သားငယ် ကိုသန့် ဇင်ဦး (စင်ကာပူ) တို့ဖြစ်ပြီး အမှတ် ၁၈ဝ (အပေါ်ဆုံးထပ်)၊ ၃၇ လမ်း (အလယ်)၊ ကျောက်တံတား မြို့နယ်၊ ရန်ကုန်မြို့တွင် နေထိုင်ကာ ယနေ့ကွယ်လွန်ချိန်တွင် အသက် ၆၁ နှစ် ရှိပြီဖြစ်သည်။

အမျိုးသား ဒီမိုကရေစီ အဖွဲ့ချုပ် ပါတီ၏ ဗဟိုဥပဒေအဖွဲ့ အဖွဲ့ဝင် တရားလွှတ်တော် ရှေ့နေလည်းဖြစ်ပြီး ပြန်ကြားရေး ဝန် ကြီးဌာန၏ အင်ဒိုနီးရှား လေ့လာရေးခရီးစဉ်လိုက်ပါပြီး လေဆိပ် ပြန်လည်ရောက်ရှိလာစဉ် သေနတ်နှင့် ပစ်ခတ် လုပ်ကြံ ခံရခြင်း ဖြစ်သည်။
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

● ဒေါ်အောင်ဆန်းစုကြည်
ပဉ္စမမြန်မာနိုင်ငံတော်မှာ ဒေါ်အောင်ဆန်းစုကြည်ရဲ့ကဏ္ဍက အလွန်အရေးကြီးပါတယ်။ နိုင်ငံခြားရင်းနှီးမှုနဲ့ပဲ နိုင်ငံတိုး တက်အောင်လုပ်ရမှာ သေချာပါတယ်။ ရေတိုနဲ့ရေရှည် ..လူတွေက ရေတိုပဲ စိတ်ဝင်စားကြတယ်။ ခဏလေးနဲ့ ဝယ်ရောင်း၊ ပွဲစားအလုပ်၊ နိုင်ငံခြားသွားပြီး အလုပ်လုပ်ဖို့ပဲ လူငယ်များက စိတ်ဝင်စားကြပါတယ်။ ဒါလဲ ဒေါ်အောင်ဆန်းစုကြည် စိတ်မ ကောင်းကြောင်း စင်ကာပူမှာ မိန့်ခွန်းနဲ့ အမေးအဖြေတွေမှာ ပြောသွားပါတယ်။

အင်အယ်ဒီ ရွေးကောက်ပွဲ အောင်နိုင်ပြီး၊ မန္တလေးမှာ အထက်မြန်မာပြည် အင်အယ်ဒီ ရွေးကောက်ခံကိုယ်စားလှယ်များကို မိန့်ခွန်းပြောပါတယ်။ သူမ အသက်အရွယ်အရ မြန်မာနိုင်ငံအတွက် အာခီတက်လိုမျိုး အခြေခံအဆောက်အဦတခု လုပ် ပေးသွားဖို့ပဲ တတ်နိုင်ပါတယ် .. ပြောပါတယ်။ လူတစ်စုကတော့ ပဉ္စမမြန်မာနိုင်ငံတော်မှာ ခံစား၊ စံစားရမယ်ဖြစ်ပါတယ်။ သမတဦးသိန်းစိန် အစိုးရခေတ်မှာ အစိုးရနဲ့နီးစပ်သူများ ပြည်တွင်း၊ ပြည်ပပုဂ္ဂိုလ်များ၊ ကုမဏီများ သယံဇာတ လာယူသွားတဲ့ ကျောက်စိမ်း၊ ရေအားလျှပ်စစ်၊ ကြေးနီတို့နဲ့ ပြည်ပအလုပ်၊ လူပွဲစားများပဲ စံစား၊ ခံစားသွားပါပြီ။ အခုပြုပြင်ပြောင်းလဲတဲ့ ခေတ်သစ် (ပဉ္စမမြန်မာနိုင်ငံတော်) မှာ လူငယ်ပညာရှင်များ၊ စွန့်ဦးတီထွင်သူများ၊ ပိုမိုခံစား၊ စံစားခွင့် ရကြမှာ သေချာပါတယ်။ အခြေခံ ကျေးလက်တောင်သူ လူတန်းစားတွေကတော့ ချက်ခြင်း ၅ နှစ်အတွင်း ခံစား၊ စံစားဖို့ မလွယ်သေးပါ။ ကျေး လက်အုပ်ချုပ်ရေးမှူး ကောင်းတဲ့ ကျေးရွာတွေပဲ တိုးတက်နေပါတယ်။

ဒေါ်ခင်ခင်ဝင်းပြုစုတဲ့ လေဆန်လမ်းမှအိမ်အပြန်စာအုပ်မှာလည်း ဒေါ်အောင်ဆန်းစုကြည်က "အဝင်းရေ၊ တိုင်းပြည်ရဲ့ စီးပွား ရေးနိမ့်ကျနေတာကို ကျွန်မသာ ဦးဆောင်ခွင့်ရရင် လေးငါးနှစ်အတွင်း ပြန်ကောင်းအောင်လုပ်ပေးနိုင်ပါတယ်။ ဒါပေမဲ့ လူ တွေရဲ့ အကျင့်စာရိတ္တတွေ ယိုယွင်းကုန်တာကိုတော့ ဒီနှစ်ပိုင်းလောက် အချိန်အတွင်းမှာ လုပ်ပေးနိုင်ပါ့မလားဆိုတာ စိတ်ပူ မိတယ်" လို့ ရေးထားပါတယ်။

(စကားချပ်၊ သမတဦးသိန်းစိန် အစိုးရလည်း ရန်ကုန်မှာ လေဆိပ်၊ သင်္ဘောဆိပ်၊ တိုက်တာကြီးတွေ၊ ဘဏ်ကြီးတွေ၊ ရှော့ ပင်စင်တာကြီးတွေ အထပ်မြင့်တွေ အမြောက်အများလုပ်ပြသွားပါပြီ။ လူတွေရဲ့စာရိတ္တတွေကတော့ သိတဲ့အတိုင်း၊ ပိုပြီး ပျက်စီးသွားပါတယ်။ အဓိက သူဌေးကြီးများစွာ ပေါ်ပေါက်လာတော့ အားကျစိတ်နဲ့ ငွေကို တပ်မက်ခြင်းကြီးလွန်းလာလို့ပါ)။

ပျက်အစဉ်၊ ပြင်ခဏ ဆိုသလို၊ ကံကြမ္မာနဲ့ ကံဉာဏ်ဝီရိယ ဆိုတဲ့အတိုင်း၊ ပြည်သူလူထု တောင်းဆိုမှုကြောင့် ဒေါ်အောင် ဆန်းစုကြည်ရဲ့ အင်အယ်ဒီပါတီ ခေါင်းဆောင်ခွင့်ရလာပါပြီ။ ၁ နှစ်ကျော်လာချိန် တပ်မတော်နဲ့ ဌာနဆိုင်ရာဝန်ထမ်းများကို ပူးပေါင်းဆောင်ရွက်လာဖို့ စိမ်ခေါ်မှုကြီးတွေ အတွင်းကျကျ ပိုမို မြင်လာရပါတယ်။

လူတော်တွေ ကဏ္ဍအသီးသီးမှာ အမြောက်အများ ရှိပါတယ်။ စာရိတ္တကောင်းပြီး၊ တော်တဲ့လူတွေ၊ အုပ်ချုပ်နိုင်စွမ်းရှိသူတွေ ရပ်ကျေး အုပ်ချုပ်ရေးမှူးကအစ ပညာပေးမှုနဲ့အညီ ပြောင်းလဲနိုင်ရပါမယ်။ မပြောင်းလဲသူများကို အစားထိုးရပါမယ်။ ဆိုးဝါး လွန်းသူများကို အရေးယူ၊ ထောင်ချ၊ ပိုင်ဆိုင်မှု မသိမ်းဆည်းနိုင်ရင်တောင်မှ အလုပ်ကအနားပေးရပါမယ်။

နောက်ဆုံးမေးခွန်းကတော့၊ ဒေါ်အောင်ဆန်းစုကြည် ခေါင်းဆောင်မလုပ်ရင်၊ ဘယ်သူလုပ်နိုင်မလဲ မေးခွန်းပါပဲ။ Good Question!.

မ.ဘ.သ ဖျက်သိမ်းခြင်း၊ ကချင်၊ ရခိုင် အဖြစ်ပျက်များကို မကျေနပ်ခြင်း၊ ခရိုနီကြီးများကို ဆက်လက်လုပ်ပိုင်ခွင့်ပေးနေခြင်း၊ လာပ်ပေးလာပ်ယူမှုများ သိပ်မထူးခြားခြင်း၊ နောက်ဆုံး အစိုးရခေါင်းဆောင်များက စစ်အာဏာရှင်များလို အာဏာရှင်ဆန် လာခြင်း စတဲ့ မကျေနပ်သူများက ရေးသား၊ ဝေဖန်လာသူ အနည်းကျဉ်း ပေါ်လာပါတယ်။ ၅ နှစ် သက်တမ်းကို ပြီးအောင် ဆောင်ရွက်ခွင့်ပေးဖို့၊ နေမြဲပဲ နေလိုတဲ့ ခရိုနီ၊ စစ်အာဏာရှင်ဟောင်းတွေရဲ့ တပ်မတော်နဲ့အစိုးရ ပြဿနာဖြစ်အောင် လုပ် နေတာကို မိမိပါမသွားဖို့၊ အပြုသဘော အကြံဥာဏ်များ ပေးခြင်း၊ အစိုးရခေါင်းဆောင်များ၊ တပ်မတော်အမတ်များကို အလွတ်သဘော များများ ပြောဆိုနိုင်၊ ပူးပေါင်းဆောင်ရွက်ကြမယ်လို့ မျှော်လင့်ပါတယ်။

ဇာနီကြီး
ဇွန် ၁၉၊ ၂ဝ၁၇

လှကျော်ဇော ● ၂၁ ရာစု ပိုးလမ်းမကြီးအကြောင်း သိကောင်းစရာများ (အပိုင်း-၂)

လှကျော်ဇော- ရာစုပိုးလမ်းမကြီးအကြောင်းသိကောင်းစရာများ
အပိုင်း(၂)။

(မိုးမခ)၊ ဇွန် ၂၂၊ ၂၀၁၇

ပိုးလမ်းမကြီးဆိုင်ရာသမိုင်းအချက်အလက်များ။

၂၁ ရာစုပိုးလမ်းမအတွက် နိုင်ငံတကာပူးပေါင်းဆောင်ရွက်ရေးဖိုရမ်-ဖွင့်ပွဲကို ၂၀၁၇ခု မေလ (၁၄) ရက်နေ့က ပီကင်းမှာ ကျင်းပခဲ့ပါတယ်။ အဲဒီအခမ်းအနားမှာ တရုတ်သမ္မတရှီကျင့်ဖင်က အဖွင့်မိန့်ခွန်း ပြောရာမှာ- ပိုးလမ်းမရဲ့သမိုင်းကြောင်းက အစချီပြီး ဒီလိုပြောခဲ့ပါတယ်။

…… တရုတ်လူမျိုးများရဲ့ဘိုးဘွားဘီဘင်များဟာ ရှေးနှစ်ပေါင်း(၂၀၀၀)ကျော်ကစလို့ တောတွေတောင်တွေ သဲကန္တာရ တွေကိုဖြတ်ပြီး အာရှ-ဥရောပ-အာဖရိကတို့ကို ဆက်စပ်ပေးတဲ့(ကုန်းတွင်း)ပိုးလမ်းကြီးကို ဖွင့် လှစ်ပေးခဲ့တယ်။ တခါ အရှေ့ဘက်ကမ်းရိုးတန်းများကနေပြီး သဘောင်္များရွက်လွှင့်ကာ သမုဒ္ဒရာတွေကို ဖြတ်ပြီး အနောက်ဘက်အာဖရိက အရှေ့ဘက်ကမ်းခြေများအထိပေါက်ရောက်တဲ့ ရေလမ်းကြောင်း ပိုး လမ်းမကြီးကိုလည်း တည်ဆောက်လမ်းဖွင့်ခဲ့ကြပါတယ်။….

…… အဲဒီလမ်းကြောင်းကြီးတွေကနေ ရှေးတရုတ်လူမျီုးကုန်သည်များဟာ လမ်းခရီးတလျှောက် အပြန် အလှန်ကုန်စည်ရောင်းဝယ်ရေးလုပ်ငန်းများသာမက ယဉ်ကျေးမှုဆိုင်ရာအယူအဆတွေ၊ အတွေးအခေါ် တွေ၊ ဘာသာတရားတွေကို အပြန်အလှန် နားလည်ယူကြလေ့လာသင်ယူကြနဲ့၊ လူသားသမိုင်းဖွံ့ဖြိုး တိုး တက်ရေးအတွက် အလွန်ထိရောက်စွာ တာဝန်ထမ်းဆောင်ခဲ့ပါတယ်။…….

…… ဒီရှေးပိုးလမ်းမကြီးဟာ ငြိမ်းချမ်းရေးနဲ့ပူးပေါင်းဆောင်ရွက်ရေး၊ ပွင့်လင်းမှုနဲ့အားလုံးပါဝင်နိုင်မှု၊ အပြန် အလှန် လေ့လာသင်ယူရေးနဲ့ အပြန်အလှန်အကျိုးရှိမှု၊ …. ဆိုတဲ့ စိတ်ဓာတ်တွေပေါင်းဖွဲ့ပါဝင်နေပါတယ်။ ဒီပိုးလမ်းမ စိတ်ဓာတ်ဟာ လူသားများရဲ့ယဉ်ကျေးမှုသမိုင်းအတွက် အလွန်ကြီးမြတ်တဲ့ အမွေအနှစ်တရပ် ပါ…...တဲ့။

     ပြီးနောက် သမ္မတရှီကျင့်ဖင်က အဲဒီရှေးပိုးလမ်းမကြီးကရရှိခဲ့တဲ့ အကျိုးကျေးဇူးတွေကို အသေးစိတ် ရှင်းပြပြီး အခုခေတ်သစ်(၂၁ရာစု)မှာ ဘာကြောင့် ပိုးလမ်းမလိုအပ်တယ်…. ဆိုတာလည်း ဆက်ပြောပါ တယ်။


…...လူသားများရဲ့သမိုင်းဟာ အပြင်းအထန်ပြောင်းလဲနေပါတယ်။ တိုင်းပြည်များအကြား အပြန်အလှန် အမှီအခို ပြုမှုအလွန်ကြီးမားလာမှု၊ ကမ္ဘာလူသားများရဲ့ပိုမိုကောင်းမွန်သောဘဝအတွက် လိုလားတောင့်တ မှု၊ ဒီအခက်အခဲတွေကိုကျော်နင်းနိုင်မယ့်နည်းနာများအများအပြားရှိလာမှု၊ ...စတဲ့အခွင့်ကောင်းတွေဟာ မကြုံစဖူးပေါ်ပေါက်လာနေပါတယ်….။
ထို့အတူ စိန်ခေါ်မှုတွေကလည်း မနည်းမနော ကြီးမားစွာရှိနေပါတယ်။ ကမ္ဘာဖွံ့ဖြိုးတိုးတက်မှုနှုန်းမြင့်ရေးအတွက် တွန်းအားသစ်တွေလိုအပ်နေတာ၊ ဖွံ့ဖြိုးတိုးတက်မှုများဟာ ပိုမို မျှတဖို့၊ အားလုံးပါဝင်နိုင်ဖို့ ပိုမိုလိုအပ်လာနေတာ၊ ဆင်းရဲ ချမ်းသာကွာခြားမှုကို ရှုံ့ပစ်ဖို့ ပိုမိုလိုအပ်လာနေ တာ…. စတာတွေဖြစ်ပါတယ်။ ဒါ့အပြင် တချို့ဒေသကအပူကွက်များမှာ မတည်ငြိမ်မှုနဲ့ အစွန်းရောက် အကြမ်းဖက်မှုများအပျံ့အနှံ့ပေါ်ပေါက်နေပါတယ်။ ဒါတွေအားလုံးဟာ လူသားအားလုံးအတွက် အန္တရာယ် တွေပါ….တဲ့။

     ဒီသမရိုးကျမဟုတ်တဲ့စိန်ခေါ်မှုများကို တနိုင်ငံတည်းကမဖြေရှင်းနိုင်တော့ဘဲ တကမ္ဘာလုံးချီတဲ့ ဖြေရှင်း နည်းသစ်တွေ ကို တီထွင်ဖန်တီးမှုရှိစွာ ဝိုင်းဝန်းရှာဖွေဖော်ထုတ်သင့်တယ်။ ပြုပြင်ပြောင်းလဲစရာရှိရင်လည်း အဆောက်အအုံဆိုင်ရာ ပြုပြင်မှုများကို ရဲရဲရင့်ရင့်လုပ်ဆောင်ကြဖို့လိုတယ် … ဆိုတဲ့အမြင်အောက်မှာ ရှီကျင့်ဖင်က ခေတ်သစ်ပိုးလမ်းမ စီမံကိန်း ကြီးကို ၂၀၁၃ ခှုနှစ်ကစပြီး နိုင်ငံတကာဆိုင်ရာ အစည်းအဝေး ကြီးတွေမှာ တင်ပြနေတာပါ။
တဘက်ကလည်း အဲဒီစီမံကိန်းဆိုင်ရာ စမ်းသပ်မှုအမျိုးမျိုးကိုလည်း နိုင်ငံတချို့မှာ (ဥပမာ အာဖရိကနို င်ငံများ- အရှေ့တောင်အာရှနိုင်ငံများ) လုပ်ဆောင်ခဲ့ပါတယ်။
၎ နှစ်တာကာလအတွင်း (၂၀၁၃-၂၀၁၇) လုပ်ဆောင်ခဲ့မှုများကိုလည်း ရှီကျင့်ဖင်က ဒီမိန့်ခွန်းထဲမှာ နိဂုံးချုပ်ပြီး ဘာတွေရရှိခဲ့တယ်၊ ဘာတွေပြုပြင်သင့်တယ်ဆိုတာတွေကို စနစ်တကျ တင်ပြသွားပါသေး တယ်။
 


…….ဒီ(၄)နှစ်တာကာလအတွင်းရရှိချက်များကတော့…..

၁။ နိုင်ငံများရဲ့ပေါ်လစီများတဆက်တစပ်တည်း ဖြစ်လာမှု။
ဥပမာ။ ။  ရုရှားက၂၀၀၇ ခုနှစ်ထဲကစပြီး စီမံလုပ်ဆောင်နေတဲ့ (ယခင်ဆိုဗီယက်ယူနီယံက ကွဲထွက် နိုင်ငံများကို စုစည်းပြီး) ယူရေရှားစီးပွားရေးယူနီယံနဲ့ ပိုးလမ်းမစီမံကိန်းကို ဆက်စပ်လိုက်နိုင်မှု။

၂။ အခြေခံအဆောက်အအုံများတဆက်တစပ်တည်းဖြစ်လာမှု။

   ဥပမာ။ ။  တရုတ်-လာအိုရထားလမ်း၊ ပါကစ္စတန်ကဂွါတာဆိပ်ကမ်းကိုအဆင့်မြှင့်လိုက်နိုင်မှု… စသဖြင့် ရထားလမ်းများ၊ဆိပ်ကမ်းများ၊ရေနံပိုက်လိုင်းများ၊သတင်းအချက်အလက်ဖလှယ်ရေးဆိုင်ရာ အမြန်လမ်း များအပြင် ဘက်စုံရည်ညွှန်းတဲ့အခြေခံအဆောက်အအုံကွန်ရက်များ။ ဥပမာ- တရုတ်-ပါကစ္စတန်စီးပွားရေး စင်္ကြန်လမ်း… စတာတွေတည်ဆောက်နိုင်ခဲ့။

၃။ ကုန်သွယ်ရေးလုပ်ငန်းများတဆက်တစပ်တည်းဖြစ်လာမှု။

   ဥပမာ။ ။ ကုန်သွယ်ရေးနဲ့ရင်းနှီးမြှုပ်နှံမှုလုပ်ငန်းတွေချောမောပြေပြစ်စေဖို့ တရုတ်နိုင်ငံအနေနဲ့လမ်း တလျှောက်က နိုင်ငံများနဲ့ပူးပေါင်းပြီးနည်းလမ်းကောင်းတွေ ရှာခဲ့ပါတယ်။ အကောက်အခွန်စည်းကြပ်မှုကိုတသမတ်တည်းသတ်မှတ်ဖို့စတာတွေအပြင် နိုင်ငံပေါင်း(၂၀)ကျော်မှာ တရုတ်ကုမ္ပဏီတွေက စီးပွားရေးပူးပေါင်းလုပ်ဆောင်ရေးဇုန်နယ်တွေ ဖွင့်ခဲ့ပါတယ်။
အဲဒါတွေကနေ အခွန်ငွေစုစုပေါင်းဒေါ်လာ-၁.၁ဘီလီယံရခဲ့ပြီး အလုပ်အကိုင်ပေါင်း (၁၈၀,၀၀၀) ကို ဖန်တီးခဲ့ပါတယ်။

၎။ ဘဏ္ဍာရေးဆိုင်ရာတဆက်တစပ်တည်း ဖြစ်လာမှု။
 
ဥပမာ။ ။ တရုတ်ကအဓိကရင်းနှီးမြှုပ်နှံတဲ့ အာရှအခြေခံအဆောက်အအုံဆိုင်ရာ ရင်းနှီးမြှုပ်နှံမှုဘဏ် (Asain Infrastructure Investment Bank AIIB) နဲ့ ပိုးလမ်းမရံပုံငွေအဖွဲ့တွေဟာ နိုင်ငံတကာ ဘဏ္ဍာ ရေးအဖွဲ့အစည်းများဖြစ်တဲ့ ကမ္ဘာ့ဘဏ်စတာများနဲ့ပူးတွဲပြီး ပိုးလမ်းမစီမံကိန်းမှာပါဝင်တဲ့နိုင်ငံများက စီမံကိန်းအများအပြားကို ဖော်ဆောင်နေပါတယ်။

၅။ ပြည်သူများအကြား တဆက်တစပ်တည်းဖြစ်လာမှု။

  ဥပမာ။ ။ တရုတ်အစိုးရအနေနဲ့ နှစ်စဉ်နိုင်ငံအများအပြားကှို ပညာတော်သင်ဆု (၁၀,၀၀၀) ချီးမြှင့်ပေး အပ်နေပြီး၊ ပညာရေး၊သိပ္ပံနှင့်နည်းပညာ၊ ယဉ်ကျေးမှု၊ ကျန်းမာရေး၊ ပြည်သူအချင်းချင်းကြား ဆက်ဆံရေး စတာတွေမှာ ပူးတွဲလုပ်ဆောင်နေပါတယ်။ ရုပ်ရှင်ပွဲတော်တွေ၊ သုတေသနဆွေးနွေးပွဲတွေလည်း လုပ် ဆောင်နေပါတယ်။
  ဒါတွေက ပိုးလမ်းမစီမံကိန်းကြီးဟာ အချိန်အခါနဲ့ကိုက်ညီပြီး ဖွံ့ဖြိုးတိုးတက်ရေးရေစီးကြောင်းနဲ့လည်း တပြေးတည်းဖြစ်ကာ ပြည်သူလူထုအများအတွက်လည်း အကျိုးရှိတာဖော်ပြနေပါတယ်။ နောင်တိုးတက်မယ့်အလားအလာကလည်း အများကြီးပါ….-တဲ့။
      ဒါတွေကတော့ ပိုးလမ်းမစီမံကိန်းရဲ့ပထမအဆင့်အောင်မြင်မှုများဆိုပြီး သမ္မတရှီက သူ့မိန့်ခွန်းထဲမှာ ထည့်သွင်းပြောကြားသွားတဲ့အချက်များပါ။
                 ------------------------------------
မှတ်ချက်။ ။ ပုံများကို-www.google.com.မှ ရယူပါတယ်