ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး - ကချင်တိုင်းရင်းသားလက်နက်ကိုင်စစ်သည်များ၏ ကောက်ကြောင်း - အပိုင်း (၈)

 

မောင်မောင်စိုး - ကချင်တိုင်းရင်းသားလက်နက်ကိုင်စစ်သည်များ၏ ကောက်ကြောင်း - အပိုင်း (၈)
(မိုးမခ) ဖေဖော်ဝါရီ ၇၊ ၂၀၁၆
 
● နောင်ဖိုင်တိုက်ပွဲ
တချိန်တည်း ပူးတွဲတပ်ဖွဲ့ကို စောင့်ကြည့်နေသည့် ရှေ့တန်းတပ်မ ၉၉ လည်း အချိန်ကြာ၍ မျက်စေ့အနည်း ငယ်လည်လာ သည်။ အချိန်တစ်လခန့်ကြာလာ၍ ပူးတွဲတပ်၏ရည်မှန်းချက်ကို ခန့်မှန်းတွက်ဆရန် ရှုတ်ထွေးမှုဖြစ်လာပုံရသည်။ တချိန် တည်းတွင် ပူးတွဲတပ်၏ သတင်းစပျောက်သွားပုံရသည်။ တပ်မ ၉၉ လက်အောက်ခံစစ်ကြောင်းတစ်ကြောင်းကို နယ်မြေရှင်း ၍ သတင်းထောက်လှမ်းရန် အမိန့်ပေးလိုက်သည်။ တာမိုးညဲတွင်ထားရှိသည့် လှုပ်ရှားစစ်ကြောင်းဖြစ်သည့် ခလရ ၉ စစ် ကြောင်း ၂ အား တာမိုးညဲနှင့် သိန္နီကြားရှိ နောင်ဖိုင်ရွာ ချီတက်ပြီး ရှင်းလင်းသတင်းထောက်လှမ်းစေခဲ့သည်။နောင်ဖိုင်သည် တာမိုးညဲနှင့် သိန္နီကြားမြောက်မှ တောင်သို့တန်းနေသော တောင်ကြောပေါ်တွင်ရှိသည်။ တာမိုးညဲဖက်မှလာလျှင် မြင့်မား သော တောင်ကြော၏အစွန်တွင်ရှိသည်။ နောင်ဖိုင်၏ အရှေ့ဖက်တွင် နန့်ဆလပ်ချောင်းရှိသည်။ တောင်ကြောနှင့်အပြိုင် တောင်ကြားတွင် မြောက်မှတောင်သို့စီးဆင်းနေသည်။ နောင်ဖိုင်ရှိရာ တောင်ကြောမှ နန်ဆလပ်ချောင်း အထိကား တမျှော် တခေါ်နက်ရှိုင်းသည့် လျှိုကြီး ဖြစ်သည်။ နောင်ဖိုင်မှတောင်ဖက်သို့ကား သိန္နီကွင်းအတွင်းအထိ တောက်လျှောက် အဆင်း ဖြစ်သည်။

နမ့်ဆလပ်ချောင်း၏ အရှေ့ဖက် တောင်တန်း များကို ကျော်သွားပါက သံလွင်မြစ်သို့ရောက်သည်။ နောင်ဖိုင်၏ အနောက်ဖက် လွိုင်ဆမ်ဆစ်တောင်ကြောများကိုကျော်သွားပါက ကွတ်ခိုင် တာမိုးညဲ ကားလမ်းသို့ရောက်သည်။

တကယ်တော့ ရတခလရ ၉ စက ၂ ဝင်ရောက်ရှင်းလင်းမည့် နောင်ဖိုင်တွင် ပူးတွဲတပ်များ မရှိချေ။ ပူးတွဲတပ်များက နောင် ဖိုင်၏ အနောက်ဖက် ကွတ်ခိုင်အနီး လွိုင်ဆမ်ဆစ်ခေါ် တောင်သုံးဆယ်တဝိုက်က တောင်ကြောများတွင်ရောက်နေသည်။ သို့သော် ပူးတွဲတပ်များက ခလရ ၉ စစ်ကြောင်းဝင်ရှင်းမည့်သတင်းကို တစ်ညကြိုသတင်းရလိုက်သည်။

အမှန်တော့ ရှေ့တန်းစစ်မျက်နှာ၌တပ်ကြီးများ လှုပ်ရှားရာတွင် သတင်းပျောက်သည်မှာ ခဏတာမျှသာဖြစ်လေ့ရှိသည်။ မ ကြာမှီ သတင်းပြန်ပေါ်သွားသည်သာဖြစ်သည်။ ထိုသတင်းပျောက်နေသောကာလတွင် ပူးတွဲတပ်များအနေနှင့် ထိုအခွင့် ကောင်းကိုယူကာ ကားလမ်းကို အမြန်ဖြတ်ရန်ဖြစ်သည်။သို့သော် ပူးတွဲစစ်ဦးစီးများက ဤသို့မဆုံးဖြတ်ခဲ့ကြ။ အချိန်တစ်လ ခန့်ကြာမြင့်ခဲ့သည်ကို အဖတ်ဆယ်ရန် ထိုစစ်ကြောင်းအား တိုက်ရန် ဆုံးဖြတ်ခဲ့ကြသည်။ သာမန်တွက်ချက်လျင်ပင် ပူးတွဲတပ် အင်အား ၁၀၀၀ ခန့် (ရင်း ၅ ရင်း ) ခန့်သည် အင်အား ၂၀၀ မပြည့်တတ်သည့် ခလရ ၉ စစ်ကြောင်းအား စစ်ကူ လည်း အလွယ်တကူမရောက်နိုင်သည့် ဆက်သွယ်ရေးခက်ခဲသည့် တောင်ကြောပေါ်တွင် မချေမှုန်းနိုင်စရာအကြောင်း မရှိ ဟု ထင်ခဲ့မိကြသည်။

သို့သော် နှစ်ဖက်စလုံးလွဲချော်ခဲ့သည်ဟု ဆိုရပေမည်။ တပ်မ ၉၉ အနေနှင့် ခလရ ၉ စစ် ကြောင်းအား စေလွှတ်လိုက်ခြင်းသည် ထိတွေ့ရယူပြီး သတင်းဖေါ်ထုတ်ရန်အတွက်ဖြစ်သည်။ ထို့ကြောင့် သတိကြီးစွာထားခဲ့သည်။ တာမိုးညဲမှတက်သည်မှစ၍ နောင်ဖိုင်ရောက်သည်အထိ တောင်ကြောပေါ်ရှိ အမြင့်ဆုံးပွိုင့်တောင်ကုန်းများအားတကုန်းပြီးတကုန်းရှင်းပြီး ချီတက်ကာ နောင်ဖိုင်သို့ဝင်ရောက်ရန်ဖြစ်သည်။

ထိုစဉ်က တပ်မ ၉၉ တပ်မမှူးမှာ ဗိုလ်မှူးကြီးဉာဏ်လင်းဖြစ်ဖွယ်ရှိသည်။ ဗိုလ်မှူးကြီးဉာဏ်လင်းဆိုပါက နည်းဗျူဟာကောင်း သည့်ကွပ်ကဲမှုကောင်းသည့် သတ္တိဗျတ္တိရှိသည့် စစ်သားကောင်း ပြိုင်ဖက်ကောင်းတစ်ဦးဖြစ်သည်။ ၁၉၆၈ ဇန္နဝါရီ CPB တို့
အရှေ့မြောက်စဝင်သည့်ကာလက မုန်းကိုးဒေသ၌ တပ်ခွဲမှူးဗိုလ်ကြီးတစ်ဦးဖြစ်ကာ အရှေ့မြောက် CPB နှင့် အစောဆုံးတိုက် ဘူးပြီး CPB ၏ စစ်နည်းဗျူဟာကို ရင်းနှီးကျွမ်းဝင်သူတစ်ဦးဖြစ်သည်။

နဝတခေတ်က အရှေ့တောင်တိုင်းစစ်ဌာချုပ် မော်လမြိုင်၌ တိုင်းမှူးတာဝန်ယူခဲ့သည့် ဗိုလ်ချုပ်ဖြစ်သည်။ ၁၉၉၀ ရွေးကောက် ပွဲ၌ဒေါ်အောင်ဆန်းစုကြည်ခရီးစဉ်များအတွင်း အနှောက်အယှက်မရှိသည်မှာ သူတာဝန်ယူသည့် မွန်ပြည်နယ်အတွင်း ဖြစ် သည်ဟု မှတ်တမ်းများကဆိုပါသည်။ နောက်ပိုင်း စစ်ရုံးသို့ပြောင်းရွှေ့ခံရပြီး အစောဆုံး နဝတထဲမှဖယ်ရှားခံရသည့် ဗိုလ် ချုပ်တစ်ဦး ဖြစ်ခဲ့သည်။

ဤတွင် အလွဲများစတော့သည်။ပထမအလွဲကတော့ ခလရ ၉ စစ်ကြောင်းမှဖြစ်သည်။ ၎င်းစစ်ကြောင်းသည် တပ်မညွှန်ကြား သည့် လမ်းကြောင်းအတိုင်း မချီတက်ခဲ့။ တောင်ကြော၏ အမြင့်ဆုံးပွိုင့်ကုန်း တခုပြီးတခုတက်ရှင်းပြီးသွားရမည်မှာမလွယ်ကူလှ။ လမ်းလည်းမရှိ။တောတိုးရမည်။တကယ်က တာမိုးညဲမှ နောင်ဖိုင်သို့သွားသည့်လမ်းမှာ တောင်ခါးလယ်မှ ပတ်ဖေါက် ထားသည့် လမ်းဖြစ်သည်။ လမ်းသာသည်။ စစ်ကြောင်းနှင့်အတူပါသည့် ခဲယမ်းတင် ဝန်တင်နွားများအတွက်လည်း အဆင် ပြေသည်။ သို့ဖြစ်ရာ ခလရ ၉ စစ်ကြောင်းသည် တောင်ထိပ်များကိုရှင်းသည့် လမ်းမှမလာခဲ့။ တောင်ခါးပန်း လမ်းသာ သည့်လမ်းအတိုင်း ချီတက်သည်။

လွိုယ်ဆမ်ဆစ်ဘက်သို့ ရောက်နေသည့် ပူးတွဲတပ်ဖွဲ့သည် တပ်ရင်း ၂ ရင်းအား တာမိုးညဲမှတက်လာမည့် ပွိုင့်တောင်ကုန်း ထိပ်မှ စောင့်ကြိုချေမှုန်းတိုက်ခိုက်ရန် ချီတက်သည်။ ပူးတွဲစစ်ဦးစီးအဖွဲ့နှင့်ကျန်တပ်များက ထိုစစ်ကြောင်းဦးတည်ရှင်းလင်းမည့် နောင်ဖိုင်ရွာမှ သွားကြိုစောင့်သည်။ ညတွင်းချင်း တညလုံးချီတက်ပြီး မနက်မိုးမလင်းမှီ သတ်မှတ်နေရာများသို့ ရောက် ရှိ နေရာယူသည်။

မိုးစင်စင်လင်းသာသွားသည်။ သေနတ်သံမကြားရ။ နေမြင့်လာလည်း တိုက်ပွဲမဖြစ်ခဲ့။အသင့်စောင့်နေသော ပူးတွဲတပ်များမှာ အစိုးရစစ်ကြောင်း တက်လာသည်ကို မတွေ့ရ။ သတင်းထောက်လှမ်းတော့လည်း တာမိုးညဲမှ စစ်ကြောင်းက တက် သွားပြီဟုဆိုသည်။ နှစ်ဖက်စလုံး တဖက်နှင့်သတင်းမရဘဲ ဖြစ်နေကြသည့် အံ့သြဘို့ကောင်းလောက်အောင် တပ်များပျောက် နေကြသည်။ တောင်ထိပ်နှင့် တောင်ခါးပန်းရှိလမ်းမှာလည်း ဝေးသည်။ လှမ်းကြည်ရုံနှင့် မမြင်ရ။ တော ထူသည်။

နောင်ဖိုင်ရွာရှိ ပူးတွဲတပ်ဖွဲ့က အေးအေးဆေး ဆေးပင်။ အစိုးရစစ်ကြောင်းလာမည့်လမ်းတွင် တပ်ရင်း ၂ ရင်းချထားသည်။ ပူးတွဲတပ်ဖွဲ့၏အလွဲကတော့ ရှေ့မှာတပ်ရင်း ၂ ရင်းချထား၍ နောင်ဖိုင်ရွာအတွင်းပေါ့ပေါ့ဆဆနေခြင်းဖြစ်သည်။KIA/CPB ပူးတွဲစစ်ဦးအဖွဲ့ ဆေး လက်နက်ကြီး ထောက်ပို့နှင့် တပ်ရင်း ၂ ရင်းခန့်ရှိသည့်ရွာထဲတွင် အေးအေးလူလူနေသည်။ စစ် ကြောင်း တက် လာ မည့် လမ်းဝင်ရာရွာထိပ်ကုန်းတွင် တပ်စုတစုခန့်သာ ကင်းယူထားသည်။ ထိုတပ်ဖွဲ့များမှာလည်းရှေ့တွင် တပ်ရင်း ၂ ရင်းရှိသည်ဆိုကာ ခပ်ပေါ့ပေါ့ပင်နေကြသည်။ တကယ်တော့ ခလရ ၉ စစ် ကြောင်းက တောင်ပတ်လမ်းကနေ၍ ပူးတွဲတပ်၏တပ်ရင်း ၂ ရင်းကိုကျော်၍ လာနေပြီ။ တောင်ထိပ်တွင် နေရာယူထားသော ပူးတွဲတပ်ကလည်း တောင်ပတ် လမ်းမှနေ၍ ခလရ ၉ စစ်ကြောင်း ကျော်သွားသည်ကိုမသိလိုက်။ခလရ ၉စစ်ကြောင်း ကလည်း နောင်ဖိုင်တွင် KIA/CPB ပူးတွဲတပ်များအင်အား ၅၀၀ ခန့်ထိုင်နေသည်ကိုမသိဘဲ အေးအေးလူလူချီတက်လာကြသည်။ နှစ်ဖက်စလုံး လွဲနေကြသည် ဟုဆိုရမည်။

ညနေ ၃ နာရီခန့်တွင်မှ ပူးတွဲစစ်ဦးစီးအဖွဲ့ကပုံမှန်တောင်ပတ်လမ်းအတိုင်း ခလရ ၉ စစ်ကြောင်းရွာအဝင်ဝသို့ရောက်ပြီး ရွာအတွင်း ဝင်ရောက်ရှင်းလင်းတော့မည်ကို သတင်းရသည်။ ရွာထဲတွင် အနားယူနေသေည တပ်များကိုစု၍ ရွာအဝင် တောင်ကုန်းပေါ်သို့ တင်ရန်ပြင်ဆင်ရသည်။ ရွာထဲရှိ ရင်း ၅၀၁ ရွာထိပ်တောက်ကုန်းသို့ပြေးလွှားနေစဉ်ပင် ရွာထိပ်တောင် ကုန်းမှသေနတ်သံများပေါ်လာတော့သည်။

တကယ်တော့ ခလရ ၉ စစ်ကြောင်းကလည်းရွာထိပ်တောင်ကုန်းသို့ တက်မရှင်းဘဲရွာထဲသို့ဝင်လာရာ တောင်ကုန်းပေါ်မှ ဝ ရဲဘော် ၁ယောက် ဆင်းလာသည်ကို ရှေ့ပြေးဝင်မည့်အဖွဲ့နောက်မှတပ်က လိုက်ပစ်ရာ အဆိုပါရဲဘော်က တောင်ကုန်းပေါ်သို့ ပြန်တက်ပြေးရာ နောက်မှအတင်းလိုက်ပစ်ကြရာမှ သေနတ်သံ စထွက်ခြင်းဖြစ်သည်။ စောင့်နေသောတပ်က အရင် အပစ်ခံလိုက် ရသည်ဟုဆိုရမည်။ တောင်ကုန်းပေါ်ရှိတပ်စုမှာလည်း အေးအေးလူလူ ခပ်ပေါ့ပေါ့နေကြသည်ဖြစ်ရာ ခလရ ၉ စစ်ကြောင်း ရှေ့ပြေးတပ်စု၏ ပစ်ခတ်မှုအောက်တွင် ၄ ဦးခန့်ကျဆုံးပြီး တောင်ကုန်းပေါ်မှ ဆုတ်ခွါပေးလိုက်ရသည်။ ပွဲဦးထွက်ကား ပြောင်းပြန်ဖြစ်သွားသည်ဟု ဆိုရမည်။

ထိုစဉ်ရွာထဲက ပြေးထွက်လာသော ရင်း ၅၀၁ ကလည်း ထိုတောင်ကုန်းငယ်အောက်သို့ရောက်ရှိသွားပြီး ၎င်းတို့တပ်စု ကျဆုံးသူများရှိခဲ့ပြီး ဆုတ်ခွါလာခဲ့ရသည်ကို တွေလိုက်ရပြီဖြစ်၍ ချက်ခြင်းအင်အားသုံး၍ ပြန်လည်ထိုးစစ်ဆင်ခဲ့သည်။ ဘဇူကာသံများ သေနတ်သံများဆူညံစွာ ပေါ်ထွက်လာပြီးကျားထိုးသံများ ပေါ်ထွက်လာပြီး တောင်ကုန်းငယ်အားပြန်လည်သိမ်းပိုက်လိုက်သည်။တောင်ကုန်းငယ်ပေါ်တွင် သက်ငယ်တောများပေါက်ရောက်နေသည်ဖြစ်ရာ တဝေါဝေါပစ်ခတ်မှုများ အောက်တွင် မီးဟုန်းဟုန်းတောက်လောင်သွားပေတော့သည်။

ဤသို့ဖြင့် မျက်နှာချင်းဆိုင်တိုက်ပွဲစတင်ဖြစ်ပွါးတော့သည်။ထိုသို့ဖြစ်ပွါးစဉ် တာမိုးညဲအထက် ပွိုင့်ကုန်းပေါ်တွင်ရှိသည့် ပူး တွဲတပ်မှတပ် ရင်း ၂ ရင်းအား ခလရ ၉ စစ်ကြောင်းအား နောက်မှဝိုင်းပိတ်ရန် ပူးတွဲတပ်ဖွဲ့လည်းညွှန်ကြားလိုက်သည်။ ဤသို့ ရွာထိပ်တောင်ကုန်းလည်းပြန်လည်သိမ်းပိုက်ရပြီး နောက်ပိတ်ရန် ညွှန်ကြားအပြီးပူးတွဲတပ်ဖွဲ့ စစ်ဦးစီးအဖွဲ့လည်း အနည်းငယ် ပြာရာခတ်ရာမှပြန်လည်တည်ငြိမ်သွားသည်။ ပူးတွဲတပ်ဖွဲ့ စစ်ဦးစီးအဖွဲ့ကိုခေါင်းဆောင်နေသည့် CPB နိုင်ငံ ရေးမှူးလည်း ခေါင်းတရမ်းရမ်း KIA ဗိုလ်မှူးဆိုင်ဖုန်းသည်လည်း ပြုံးတုံ့တုံ့။ စောင့်တိုက်မည့်သူများက အရင်အတိုက်ခံ လိုက်ရသည် မဟုတ်ပါလော။

ခလရ ၉ စစ်ကြောင်းကတော့ရွာအဝင်တွင် တိုက်ပွဲဖြစ်သည်ဖြစ်ရာ ရှေ့ဖက်ကိုသာ ဦးတည်ရင်ဆိုင်တိုက်ခိုပ်နေရာမှတောင် ကြောပေါ်မှ ပြန်ဆင်းလာသောပူးတွဲဖွဲ့တပ်ရင်း ၂ ရင်းမှ ညနေ ၅ နာရီခန့်တွင် ခလရ ၉ စစ်ကြောင်းနောက်မှ ပိတ် မိလိုက် ပြီး ဝန်တင်နွားများနှင့် ၎င်းတို့ပေါ်တင်ထားသော အရန်ခဲယမ်းများပါရလိုက်တော့သည်။ရှေ့နောက် နှစ်ဖက်ညှပ်ပိတ် မိသွားသော ခလရ ၉ စစ်ကြောင်းလည်း ညနေ ၆ နာရီခန့်တွင် နန့်ဆလပ်ချောင်းရှိရာလျှိုထဲသို့ ဆင်းသွားရတော့သည်။

ညမှောင်သွားပြီဖြစ်၍ ပူးတွဲတပ်အဖို့ နက်ရှိုင်းသောလျှိုထဲဆင်းရှင်းရန်မဖြစ်နိုင်တော့ နောက်တနေ့မနက်မှစောင့်ရှင်းလျင်လည်း စစ်ကူများတက်လာတော့မည်ဖြစ်ရာ တောင်ကြောလမ်းပေါ်ရှိ စစ်မြေပြင်သာရှင်းလင်းလိုက်ပြီး ည ၉ နာရီခန့်တွင်တပ် နေရာရွှေ့ပြောင်းခဲ့ရတော့သည်။

အစိုးရတပ်ဖက်မှ အရာရှိများအပါ ကျဆုံးဒဏ်ရာရမှု ဆယ်ဂဏန်းရှိခဲ့သော်လည်း ပူးတွဲတပ်ဖက်မှလည်း စစချင်းကျဆုံးမှုများ ရှိခဲ့သဖြင့် မှန်းထားသည်နှင့် အလွန်ကွာခြားသည့် ရလဒ်ဟုဆိုရမည်။ ပူးတွဲတပ်ဖက်မှ အင်အားများစွာသာသော်လည်းအကျိုးရှိစွာ အသုံးမချနိုင်ခဲ့ကြပေ။ သိမ်းဆည်းရသောနွားများသတ်၍ ဝဝလင်လင် စားလိုက်ရသည်သာ အဖတ်တင်သည် ဟုဆိုရမည်။

တပ်မ ၉၉ အတွက်မူ ခလရ ၉ စစ်ကြောင်း အတန်ငယ်ထိခိုက်ဆုံးရှုံးမှုများရှိသော်လည်း ပူးတွဲတပ်ဖွဲ့၏လှုပ်ရှားမှုကိုသိ လိုက်ရသည်ဟု ဆိုရမည်။ ထိုစဉ်ရည်မှန်းချက်သို့ မရောက်နိုင်ဘဲ ဝဲလည်လည်ဖြစ်နေသော KIA/CPB တပ်ဖွဲ့အား ခေါင်း ဆောင်မှုအားဖြည့်ရန် ပြန်လည်စုဖွဲ့ရန် နောက်တန်းသို့ ပြန်ရန် အမိန့်ရောက်ပေတော့သည်။

ဆက်လက်ဖေါ်ပြပါမည်

photo credit Mungdungla Wawhkyung