ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဂါမဏိ ● ပင်လုံမှပင်လုံသို့ … ပင်လုံမှ လွတ်လပ်ရေးသို့ ...





ဂါမဏိ ● ပင်လုံမှပင်လုံသို့ … ပင်လုံမှ လွတ်လပ်ရေးသို့ ...
( ၂ ၁ ) ရာ စု ပ င် လုံ စာ စ ဉ် ( ၁၀ )
(မိုးမခ) ဇွန် ၂၇၊ ၂၀၁၆

တိုင်းရင်းသားခေါင်းဆောင်များရဲ့ရှေ့ဆောင်မှုနဲ့ ဒုတိယပင်လုံညီလာခံခေါ်ယူပြီး စစ်မှန်တဲ့ဖက်ဒ ရယ်ပြည်ထောင်စုတည် ထောင်ရေးကို ဆော်သြလိုက်တာကို ဒေါ်အောင်ဆန်းစုကြည်နဲ့ အဲင်အယ်လ်ဒီက အားတက်သရောထောက်ခံ ပါဝင်ပြီး ၂၁ ရာစုပင်လုံညီလာခံလို့ သတ်မှတ်ပေးခဲ့ပါတယ်။

၁၉၄၇ ပင်လုံညီလာခံရဲ့ပင်မအနှစ်သာရက ဗမာနဲ့ ရှမ်း၊ ကချင်၊ ချင်းနယ်မြေတွေ အတူတကွ လွတ်လပ်ရေးယူဖို့နဲ့ ရှမ်း၊ ကချင်၊ ချင်းနယ်မြေ ၃ ခုကို ကိုယ်ပိုင်အုပ်ချုပ်ရေး အပြည့်အဝပေးဖို့ ဖြစ်ခဲ့ပါတယ်။ အဲဒီအခြေအနေကနေ တိုးချဲ့ပြီး နောင်မှာ နယ်မြေ ၃ ခုတင်မက တိုင်းရင်းသား အားလုံးကို ကိုယ်ပိုင်အုပ်ချုပ်ရေး တန်းတူအခွင့်အရေးပေးဖို့ပါ ဗိုလ်ချုပ်အောင်ဆန်းက ရည်ရွယ်ခဲ့ တာ ဖြစ်ပါတယ်။ ဒါပေမဲ့ ကံမကောင်းအကြောင်းမလှစွာဘဲ ပထမပိုင်းဖြစ်တဲ့ အတူတကွ လွတ်လပ်ရေးယူဖို့သာ အကောင်အထည်ပေါ်ခဲ့ပြီး ကိုယ်ပိုင်အုပ်ချုပ်ရေး အပြည့်အဝပေးရေးက ပျက်ပြယ်သွားခဲ့ပါတယ်။

အဓိကပြဿနာက ပင်လုံစာချုပ် agreement ဟာ ပင်လုံဥပဒေ law အဆင့်ကို ရောက်မလာခဲ့တာ ဖြစ်ပါတယ်။ ၁၉၄၇ ခု အခြေခံဥပဒေဆွဲရာမှာ ဗိုလ်ချုပ်အောင်ဆန်းမရှိတော့တဲ့နောက်ပိုင်း မဟာလူမျိုးကြီးဝါဒီတွေ ကလိမ်ကညစ်လုပ်လို့ ပင်လုံစာချုပ်ဟာ အခြေခံဥပဒေအဖြစ် ရောက်မလာခဲ့တာ ဖြစ်ပါတယ်။ ဒါကြောင့်လည်း ဗမာပြည်မှာ တိုင်းရင်းသားပြဿ နာဟာ ပြည်တွင်းစစ်မီးအထိ ကြီးထွားပေါက်ကွဲခဲ့ရပါတယ်။

ဒါပေမဲ့ အင်မတန်ကြီးကျယ်ထင်ရှားတဲ့ ပင်လုံစာချုပ်ကို လုံးဝလက်လွတ်စပယ် ပယ်ဖျက်ဖို့ မလွယ် တဲ့အတွက် လွတ်လပ်ရေး ရတဲ့ ၁၉၄၈ ကနေ ၁၉၅၈-၆၀ လောက်အထိတော့ ရှမ်း၊ ကချင်၊ ချင်း၊ နယ်မြေတွေကို ကိုယ်ပိုင်အုပ်ချုပ်ရေး အပြည့်အဝ မဟုတ်တောင် အတော်ကြီးပေးခဲ့တယ်လို့ ဆိုနိုင်ပါတယ်။ တိုင်းရင်းသားအားလုံးဆိုင်ရာဥပဒေဖြစ်မလာတဲ့အတွက် ကျန်တဲ့ တိုင်းရင်းသားအားလုံးကလည်း ပင်လုံအရသာ မခံစားခဲ့ရပါဘူး။ ဒါကြောင့် ၁၉၄၈-၄၉ ခုကစလို့ ပင်လုံစာချုပ်ပါ ကိုယ် ပိုင်အုပ်ချုပ်ရေးနဲ့ ကင်းလွတ်ခဲ့တဲ့ ကရင်၊ ကရင်နီ၊ မွန်၊ ရခိုင်၊ ပအိုဝ်း၊ တိုင်းရင်းသားလက်နက်ကိုင် တော်လှန်ရေးတွေ ပေါ်ထွက်လာခဲ့ပြီး ရှမ်း၊ ကချင်၊ ချင်း၊ တိုင်းရင်းသားတွေကတော့ ကိုယ်ပိုင် အုပ်ချုပ်ရေးကို အတိုင်းအတာကြီးကြီးမားမားခံစားနေရလို့ သူပုန်မထခဲ့ပါ။

ဒါပေမဲ့ ပင်လုံစာချုပ်-ပင်လုံစိတ်ဓာတ်ဟာ ပင်လုံဥပဒေအဖြစ် အခိုင်အခန့်မဖြစ်ခဲ့တဲ့အတွက် အာ ဏာရလူမျိုးကြီးဝါဒီတွေဟာ တစတစနဲ့ ကိုယ်ပိုင်အုပ်ချုပ်ရေးတွေကို လှိုက်စားဖြိုဖျက်လာနိုင်ခဲ့ပါတယ်။ ဒါကြောင့် ၁၉၅၈ မှာ ရှမ်းလက်နက်ကိုင် တော်လှန်ရေး၊ ၁၉၆၁ မှာ ကချင်လက်နက်ကိုင် တော်လှန်ရေး၊ ၁၉၆၄ မှာ ချင်းလက်နက်ကိုင်တော်လှန်ရေးပေါ်လာရုံမက ၁၉၆၁ မှာပဲ ဖက်ဒရယ် မူတောင်းဆိုတဲ့ တောင်ကြီးလူမျိုးပေါင်းစုံကွန်ဖရင့် ကျင်းပရတဲ့အခြေဆိုက်ခဲ့ပါတယ်။

၁၉၄၇ ပင်လုံစာချုပ်ဟာ ဗမာပြည်မ၊ ရှမ်းပြည်၊ ကချင်တောင်တန်းဒေသ၊ ချင်းတောင်တန်းဒေသ တို့ရဲ့အာဏာပိုင်တွေအကြား သဘောတူချုပ်ဆိုတာဖြစ်လို့ ဥပဒေမဖြစ်သေးပေမဲ့ အာဏာသက် ရောက်မှုတစုံတရာ ရှိခဲ့ပါတယ်။ ဒါကြောင့် အခုတကြိမ် ၂၀၁၁ ခုမှာလည်း အာဏာသက်ရောက်မှု ရှိဖို့ဆိုရင် အာဏာရှိသူတွေကြားမှာ ဆွေးနွေးသဘောတူညီမှု ချမှတ်ဖို့လိုပါတယ်။ အာဏာမရှိသူတွေ ဆွေးနွေးသဘောတူချမှတ်ရင်တော့ ပင်လုံစာချုပ်အဆင့်မရောက်ဘဲ ဒုတိယမြောက် ဗိုလ် အောင်ကျော် လမ်းကြေညာချက်သာ ဖြစ်သွားပါလိမ့်မယ်။ (ဗိုလ်အောင်ကျော်လမ်းကြေညာချက်ကို NLD နဲ့ UNLD တို့က ၁၉၉၀ ခုမှာ နှစ်ဖက်သဘောတူ ထုတ်ပြန်ခဲ့ဖူးတယ်။) နယ်စပ်မှာလုပ်ခဲ့တဲ့ မာနယ်ပလောစာချုပ်၊ မယ်သရောထစာချုပ်၊ သုမွဲးကလိုး စာချုပ်တို့လို မှိန်ပျောက်သွားဖို့လည်းများ ပါတယ်။ ဒေါ်အောင်ဆန်းစုကြည်ကိုယ်တိုင်ကလည်း ၁၉၈၉ မှာ ပင်လုံနဲ့ပတ်သက် လို့ ပြောခဲ့ရာမှာ လူထုကနှင်းအပ်တဲ့အာဏာရထားတဲ့အစိုးရကဘဲ လုပ်နိုင်တဲ့ညီလာခံလို့ ပြောခဲ့ဖူးပါတယ်။
xxx

၂၀ ရာစုတုံးကလုပ်ခဲ့တဲ့ပင်လုံစာချုပ်ဟာ ၂၁ ရာစုမှာ ပြင်ဆင်ဖို့လိုနေပြီလား၊ တိုင်းရင်းသားရေးရာနဲ့ပတ်သက်လို့ ၂၁ ရာစုနဲ့ ၂၀ ရာစု ဘာတွေကွာသလဲဆိုတာလဲ ဆင်ခြင်သုံးသပ်ဖို့ လိုပါတယ်။ ၁၉၄၇ ပင်လုံစာချုပ်ပါအချက်များအနက် အတူတကွ လွတ်လပ်ရေးယူရေးဆိုတဲ့ အချက်ကိုတော့ အတူတကွ အာဏာရှင်စနစ်ဖယ်ရှားရေးနဲ့ ဒီမိုကရေစီစနစ်ထူထောင်ရေးလို့ အခု ၂၁ ရာစုမှာ အစားထိုးပြင်ဆင်ဖို့လိုတာကလွဲပြီး ဒုတိယပင်မအချက်ဖြစ်တဲ့ အပြည့်အဝကိုယ်ပိုင် အုပ်ချုပ်ရေး ပေးရေးကတော့ ဘာမှပြင်ဆင်စရာ လျှော့ပေါ့စရာ ဖြည့်စွက်စရာတွေမလိုဘဲ စာချုပ်အဆင့်ကနေ အများဆိုင်ရာဥပဒေအဆင့်ရောက်ဖို့သာ အဓိကလိုအပ်နေပါတယ်။ ဥပဒေအဆင့်ရောက်ဖို့ဆိုတာကလည်း အာဏာပြဿနာက သော့ချက်ဖြစ်နေ ပါတယ်။ ဒါကြောင့် ၂၁ ရာစုပင်လုံညီလာခံလုပ်ရင် ၂၀ ရာစုပင်လုံစာချုပ်ကို ၂၁ ရာစုပင်လုံဥပဒေ ဖြစ်အောင်လုပ်ဖို့က အဓိကလုပ်ငန်းတာဝန် ဖြစ်ပါ လိမ့်မယ်။

၂၀ ရာစု ပင်လုံညီလာခံလုပ်ချိန်၊ ပင်လုံစာချုပ်ချုပ်ချိန်ဟာ နယ်ချဲ့စနစ်အောက်ကနေ တိုင်းပြည် တွေ လွတ်လပ်ရေးရလာတဲ့ ခေတ်ဖြစ်ခဲ့ပါတယ်။ အခု ၂၁ ရာစု ပင်လုံညီလာခံလုပ်ချိန်ကတော့ အာဏာရှင်စနစ်တွေအောက်ကနေ တိုင်းပြည်တွေ လွတ်လပ်ရေးရလာတဲ့ခေတ် ဖြစ်နေပါတယ်။ ဆိုဗီယက်ပြည်ထောင်စု၊ ယူဂိုစလားဗီးယား-ဆားဘီးယား၊ ချက်ကိုစလိုဗေးကီး ယား၊ အီသီယိုပီး ယား၊ အင်ဒိုနီးရှား၊ အီရတ်နဲ့ အခုနောက်ဆုံး ဆူဒန်နိုင်ငံတွေထဲက တိုင်းရင်းသားတွေ ကိုယ်ပိုင် ပြဋ္ဌာန်းခွင့်ကျင့်သုံးလာတာဟာ ၂၀ ရာစုနှောင်းပိုင်းနဲ့ ၂၁ ရာစုရဲ့ ထူးခြားချက်ဖြစ်ပါတယ်။ ၂၁ ရာစု ပင်လုံလို့ နာမည်ခံထား တဲ့အတွက် ဒီ ၂၁ ရာစုထူးခြားချက်ကို အသိအမှတ်မပြုလို့ မဖြစ်ပါဘူး။
xxx

၂၁ ရာစုမှာ တိုင်းရင်းသားပြဿနာဖြေရှင်းရေး လမ်းနှစ်သွယ်ရှိနေပါတယ်။ တခုက (ဆိုဗီယက် ပြည်ထောင်စုထဲက ပြည်နယ်တွေကိုသဘောထားကြီးကြီးနဲ့ခွဲထုတ်ပေးလိုက်တဲ့ ရုရှားလူမျိုးကြီး ခေါင်းဆောင်) ဘောရစ်ယဲ့လ်ဆင်လမ်း၊ နောက်တခုက (ယူဂိုစလားဗီးယားနိုင်ငံထဲက ပြည်နယ် တွေ ခွဲမထွက်အောင် ရက်ရက်စက်စက်စစ်ဆင်တိုက်ခိုက်တဲ့ ဆားဘီးယားလူမျိုးကြီးခေါင်းဆောင်) မီလိုဆီဗစ်လမ်း ဖြစ်ပါတယ်။ အမြော်အမြင်ကြီးတဲ့ ဘောရစ်ယဲ့လ်ဆင်လမ်းက အနာအကြင်သက် သာပြီး သွေးမြေမကျ ငြိမ်းချမ်းတဲ့အကောင်းဆုံးနည်းလမ်း ဖြစ်ပါတယ်။ ခေါင်းမာမိုက်ရိုင်းတဲ့ မဟာလူမျိုးကြီးဝါဒီ မီလိုဆီဗစ်လမ်း ကတော့ ဗမာပြည်က ဦးနု၊ ဦးကျော်ငြိမ်း၊ နေဝင်း၊ သန်းရွှေတို့ လျှောက်ခဲ့ဖူးတဲ့ သွေးချောင်းစီးသေကြေပျက်စီးတဲ့လမ်းဖြစ်ပါ တယ်၊ နိုင်ငံခြားစွက်ဖက်မှု ချုပ်ကိုင်မှုဝင်လာအောင် ဖိတ်ခေါ်တဲ့လမ်း ဖြစ်ပါတယ်။ နှစ်ပေါင်းရာချီနေပြီဖြစ်တဲ့ ဗမာပြည်တိုင်း ရင်းသား ပြဿနာဖြေရှင်းရေးအတွက် ဗမာလူမျိုးကြီးထဲက ယဲ့လ်ဆင်လိုလူမျိုးပေါ်လာဖို့ လိုနေပါပြီ။ မီလိုဆီ ဗစ်တွေ အလိုမရှိပါ။

ဘောရစ်ယဲ့လ်ဆင်လမ်းကို မရောက်နိုင်သေးခင်မှာ ရှေ့ပြေး သို့မဟုတ် ကြားကာလအဆင့်အဖြစ် အဆင်အပြေဆုံး ဖြေရှင်း နည်းဖြစ်နိုင်တာကတော့ တရုတ်ပြည်ရဲ့ဟောင်ကောင်-မကာအိုပုံစံ ကိုယ် ပိုင်အုပ်ချုပ်ရေးဖြစ်ပါလိမ့်မယ်။ ဟောင်ကောင်အထူးဒေသအုပ်ချုပ်ရေးဥပဒေအရ ဟောင်ကောင် ဟာ အမည်ခံအားဖြင့် တရုတ်နိုင်ငံလက်အောက် ရောက်တာကလွဲလို့ လက်တွေ့မှာ လွတ်လပ်တဲ့ နိုင်ငံတခုနဲ့မခြား ကိုယ်ပိုင်အုပ်ချုပ်ခွင့် အပြည့်အဝရထားတာဟာ နောင် မြန်မာပြည်ရဲ့ တိုင်းရင်း သား ပြည်နယ်များ လေ့လာအတုယူစရာဖြစ်နေပါတယ်။

တရုတ်ပြည်က တိဘက်၊ စင်ကျန်းပြည်နယ်တွေကို ကိုယ်ပိုင်အုပ်ချုပ်ရေးပေးတဲ့ ဥပဒေဟောင်းက တော့ တိုင်းရင်းသား အခွင့်အရေးကိုဖိနှိပ်လွန်းလို့ တိဘက်၊ စင်ကျန်း၊ အတွင်းမွန်ဂိုလီးယားတို့မှာ ဆန့်ကျင်အုံကြွမှုတွေ မဖုံးနိုင်မဖိနိုင်ပေါ်နေတာ အားလုံးအသိပါဘဲ။ ဒါပေမဲ့ ဟောင်ကောင်အထူး အုပ်ချုပ်ရေးဒေသဥပဒေကတော့ ဟောင်ကောင်သားတွေကို ဖက်ဒရယ်နိုင်ငံမဟုတ်တဲ့တရုတ် ပြည်ထဲမှာ အမေရိကန်၊ ဆွစ်ဇာလန်၊ ဂျာမဏီတို့က ဖက်ဒရယ်ပြည်နယ်တွေ လောက်နီးနီး အုပ် ချုပ်ရေး၊ ဥပဒေပြုရေး၊ တရားစီရင်ရေး၊ စီးပွားရေး၊ နိုင်ငံခြားကုန်သွယ်ရေး၊ နိုင်ငံခြားရင်းနှီး မြှုပ်နှံ ရေး၊ ဘဏ္ဍာရေး၊ ငွေရေးကြေးရေး၊ လူမှုရေး၊ လုံခြုံရေး ကိုယ်ပိုင်အုပ်ချုပ်ခွင့်တွေ (နိုင်ငံခြားရေးနဲ့ ကာကွယ်ရေး ကလွဲလို့) အံ့သြလောက်အောင် ပေးထားပါတယ်။ ဟောင်ကောင်မှာ တရုတ်ကွန်မြူ နစ်အစိုးရကို လွတ်လွတ်လပ်လပ်ဆန္ဒပြလို့ရပြီး တရုတ်တပြည်လုံးကို ပိတ်ဆို့ထားတဲ့ အင်တာနက် ဆင်ဆာ ကင်းလွတ်နယ်မြေလည်း ဖြစ်ပါတယ်။ အာဏာရှင်စနစ်ဆန့်ကျင်တဲ့ အမေရိကန်ရဲ့ လွတ်လပ်သောအာရှအသံ ရုံးဖွင့်ခွင့် ထပ်ဆင့်လွှင့်စခန်းထားခွင့်ရထားတဲ့နယ်မြေ၊ တရုတ်ပြည်မ မှာ အလွန်အမင်းဖိနှိပ်ခံရတဲ့ ဖာလုံဂေါင်း ဘာသာရေးဂိုဏ်း လွတ်လွတ်လပ်လပ်လှုပ်ရှားလို့ရတဲ့ နယ်မြေ ဖြစ်ပါတယ်။ ဗဟိုအစိုးရ လုံးဝနီးနီးစွက်ဖက်ခွင့် မရှိတဲ့နယ်မြေဖြစ်ပါတယ်။

ဒါကြောင့်လဲ ကချင်လွတ်လပ်ရေးအဖွဲ့ (ကေအိုင်အို) ကိုယ်၌က ဟောင်ကောင်ကိုယ်ပိုင် အုပ်ချုပ် ရေးမျိုးကို စိတ်ဝင်စားလိုလားတဲ့အကြောင်းပြောနေသလို UWSA ဝ တိုင်းရင်းသားတွေကလည်း စိတ်ဝင်စားအားကျနေတဲ့ ကိုယ်ပိုင်အုပ်ချုပ်ရေး ဖြစ်ပါတယ်။
xxx

နအဖကတော့ ၂၀၀၃ အမျိုးသားညီလာခံမှာ တိုင်းရင်းသား ၁၃ ဖွဲ့က အပျော့ပြောင်းဆုံး အဆိုပြု ထားတဲ့ တိုင်းရင်းသားအခွင့် အရေးကိုတောင် လုံးဝလက်မခံခဲ့တာဖြစ်တဲ့အတွက် အခုအဆိုပြုထားတဲ့ ၂၁ ရာစုပင်လုံကို ခွဲထွက်ခွင့်ပါသည်ဖြစ်စေ၊ ခွဲထွက်ခွင့်မပါသည်ဖြစ်စေ လက်ခံမှာမဟုတ်ပါဘူး။ (၂၀၁၀ ရွေးကောက်ပွဲမှာတောင် ကြံ့ဖွတ်မဟုတ်ရင် သူ့ကိုဘယ်လောက် ဖားဖား ခေါ်မသုံးတာကို အေးလွင်-မင်္ဂလာဒုံကြည်ဝင်း-ဦးသုဝေ-ဦးခင်မောင်ဆွေ-ဒေါက်တာ သန်းငြိမ်း-နေမျိုးဝေတို့ ဖြစ်စဉ် တွေ တွေ့ခဲ့ပြီးပါပြီ။) ကိုယ့်ဘက်က ဘယ်လိုစေတနာထား ပျော့ပြောင်းသည်ဖြစ်စေ နအဖ ဘက်ကတော့ မလွဲမသွေ ထိပ်တိုက်ရင်ဆိုင်လာမှာဖြစ်ပါတယ်။

ဒါကြောင့် ဒီ ၂၁ ပင်လုံကို အကောင်အထည်ဖော်ရာမှာ မိမိဘက်က လူထုကိုစည်းရုံးပြီး အဆင့်မြင့် ကိုတက်လှမ်းနိုင်ဖို့ ပြင်ထားသင့်ပါတယ်။ တနည်းအားဖြင့်ပြောရရင် ၂၁ ရာစုပင်လုံနဲ့ ၉၀ ရလဒ် အကောင်အထည်ဖော်ရေး ဘယ်ဟာက ပဓာနကျတယ်၊ ဘယ်ဟာက အရင်လာရမယ်ဆိုတာ အတွေးရှင်း အမြင်ရှင်း လက်တွေ့ရှင်းဖို့ လိုပါတယ်။ အာဏာပြ ဿနာဟာ အရင်းခံဖြစ်တယ်၊ ထိပ် တန်းဦးစားပေးဖြစ်တယ်ဆိုတာ မေ့လို့မဖြစ်ပါ။

ဒီကနေ့ကာလမှာ လက်ငင်းအရေးတကြီးလိုအပ်နေတဲ့ တိုင်းရင်းသားရေးအကျိုးပြုချက်အဖြစ် ၂၁ ရာစုပင်လုံထက်စာရင် ဒီကေဘီအေ ဗိုလ်ချုပ်စောလားပွယ်ကို ဝိုင်းဝန်းကူညီရေးနဲ့ ဒီကေဘီအေ၊ ကေအိုင်အေ၊ အက်စ်အက်စ်အေ (မြောက်ပိုင်း) တို့ကို ထိုးစစ်ဆင်နေတဲ့နအဖတပ်တွေ ထိုးစစ်ဆင် မယ့်တပ်တွေ ထိုးစစ်ရပ်စဲနောက်ပြန်ဆုတ်အောင် တောင်းဆိုဖိ အားပေးရေး၊ စစ်အစိုးရရဲ့ နယ်ခြား တပ်ဝါးမျိုရေး ကျွန်ဇာတ်သွင်းရေးစီမံကိန်းကိုဆန့်ကျင်ရပ်တည်နေတဲ့ ဝ တိုင်းရင်းသား ခေါင်းဆောင်တွေကို အမေရိကန်နဲ့အင်တာပိုက ဝရမ်းထုတ်ထားတာ၊ ငြိမ်းအဖွဲ့တွေအပေါ် အမေရိကန်နဲ့ အနောက် နိုင်ငံတွေက စီးပွားရေးပိတ်ဆို့ကန့်သတ်ထားတာတွေ ပယ်ဖျက်ပေးရေး တောင်းဆို ဆော်သြလှုပ်ရှားတာက တိုင်းရင်းသား ချစ်ကြည်ရေး၊ ညီညွတ်ရေးနဲ့ နားလည်မှုရှိရေးတွေ အတွက် ပိုအကျိုးရှိမှာဖြစ်ပါတယ်။

ဂါမဏိ