ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ကိုသန်းလွင် ● ခေတ်မှီသောနိုင်ငံတော် (Smart Nation)

ကိုသန်းလွင် ● ခေတ်မှီသောနိုင်ငံတော် (Smart Nation)
(မိုးမခ) ဇွန် ၆၊ ၂၀၁၆

(၁)
၂၀၁၄ ခုနှစ် နိုဝင်ဘာလက စင်ကာပူနိုင်ငံ၏ Smart Nation စီမံချက်ကို ၀န်ကြီးချုပ် လီရှန်လုံးက ကြေညာခဲ့ပါသည်။ ဤစီမံ ကိန်းတွင် အဓိကဦးတည်ချက် သုံးခုပါဝင်ခဲ့ရာတွင်  ...
(၁) စက်မှုကျွမ်းကျင်ပညာရှင်များအတွက် အလုပ်အကိုင် ဖန်တီးပေးရေး
(၂) တိုင်းပြည်၏ လူနေမှုအဆင့်အတန်းမြင့်မားလာစေရေး
(၃) စက်မှုကိရိယာများဖြင့် လူ့အဖွဲ့အစည်းကို အကျိုးပြုရေးတို့ ဖြစ်ပါသည်။

စီမံကိန်းကို အကောင်အထည်ဖေါ်ရန်အတွက် SNPO (Smart Nation Programme Office) ကို ၀န်ကြီးချုပ်ရုံး၌ တွဲဖက်ဖွင့် လှစ်ပေးခဲ့သည်။ စင်္ကာပူနိုင်ငံ၏ တိုးတက်ဖွံ့ဖြိုးမှုအတွက် အလွန်အရေးကြီးသည့်အဓိပ္ပါယ်ပင် ဖြစ်သည်။ ဤရုံးကို တိုက်ရိုက် အကောက်အကူပြုပေးရသော အဖွဲ့အစည်းမှာ IDA (Infocomm Development Authority Of Singapore) ခေါ် အဖွဲ့ ပင်ဖြစ်သည်။ ၎င်း၏အဓိကတာဝန်များတွင် ဒီဂျစ်တယ်ဒေတာများကို ပိုမိုအသုံးချနိုင်စေရန်အတွက် ပြည်တွင်းတွင် ရေးသား သော Software များ တိုးတက်ကောင်းမွန်လာစေရေး၊ မိုဘိုင်းကရိယာများအတွက် Mobile Application ရေးခြင်းများနှင့် ပြည်တွင်းရှိလုပ်ငန်းဆောင်တာ အခြေအနေအားလုံးအတွက် ဒီဂျစ်တယ်စနစ်ကို အသုံးပြုနိုင်အောင် ဖန်တီး ပေးရေး စသည်တို့ ပါဝင်ပါသည်။

အိုင်ဒီအေကို ကွန်ပျူတာပညာရှင် ၁၂၀ ကျော်ဖြင့် ဖွဲ့စည်းထားပြီး ကြီးမားသောပရောဂျက်ကြီးများကို အကောင်အထည် ဖေါ်ရသည်။ ကမ္ဘာကြီး၏ Software တိုးတက်ပြောင်းလဲမှုများကို အမှီလိုက်နိုင်ရန်တာဝန်လည်းရှိသည်။ ထိုအဖွဲ့ကပင် ဖွဲ့စည်းစ အသစ်ကုမ္ပဏီများ၊ အရင်းအနှီးရရှိစေရန်နှင့် ပရောဂျက်များအတွက် သင့်တော်သလို အစိုးရထောက်ပံ့ငွေ ရှာပေးရ ခြင်း စသောအလုပ်များကိုလည်း လုပ်သည်။

အစိုးရတွင် တကျွန်းလုံးပြေးဆွဲနေသည့် ဘတ် (စ) ကားများ၏ တည်နေရာကို ဂြိုလ်တုမှတဆင့် စောင့်ကြည့်ပေးနေသော စနစ်တခုရှိသည်။ ဘတ် (စ) ကားများတွင် Sensor များတပ်ဆင်ကာ ဂြိုလ်တုမှ စောင့်ကြည့်ဖမ်းယူနေခြင်းဖြစ်ပါသည်။ ထိုဂြိုလ်တုဒေတာများကို လျှို့ဝှက်၍မထားပေ။ Smart Nation ပရောဂျက်တွင် တခုအပါအ၀င်ဖြစ်သော ဤစနစ်မှထုတ် ပေးသည့်ဒေတာများကို ပရိုဂရမ်တီထွင်သူများက အလွယ်တကူ ကူးယူ download လုပ်နိုင်ကြသည်။ ကုမ္ပဏီ အချို့က တီထွင်ထားသော အခမဲ့ Application များကြောင့် အများပြည်သူတို့သည် မှတ်တိုင်တိုင်း၌ နောက် ဘတ် (စ) ကား ဘယ် အချိန်လာမည်ဆိုသည်ကို အလွယ်တကူ သိနိုင်ကြပါသည်။ ယခင်လက တလတည်းတွင် download အကြိမ်ပေါင်း သန်း ၄၀၀ မျှ ရှိသည်ဟု ဆိုသည်။

မြို့တော်၏လမ်းမကြီးများတွင် ကင်မရာများတတ်ဆင်ထားပြီး Traffic အခြေအနေကို အမြဲစောင့်ကြည့်နေသူများရှိသည်။ လိုအပ်သလို သတင်းထုတ်ပြန်ပေးသည်။ ကားအမြန်မောင်းလျှင်လည်း Overspeed ဖြစ် မဖြစ်ကို စောင့်ကြည့် မှတ်တမ်းတင် ပေးသည့် ကင်မရာများလည်းရှိသည်။

မေလ၂၄ ရက်နေ့ကထုတ်ပြန်သော ကြေငြာချက်တခုတွင် ဤ Smart Nation ပရောဂျက်နှင့်ပတ်သက်၍ ဒေါ်လာ 2.82  ဘီလီယံမျှ တန်ဘိုးရှိသည့် စက်မှုပစ္စည်းကိရိယာများအတွက် တင်ဒါခေါ်ယူမည်ဟု ဆိုသည်။ သုံးငွေ ဘတ်ဂျက်တခုလုံး၏  သုံးပုံနှစ်ပုံ မျှရှိသည်။ ဤမျှကြီးမားသော ဘတ်ဂျက်ကို ၂၀၀၇ ခုနှစ်က အစိုးရရုံး ဌာနများတွင် ကွန်ပျူတာများ တပ်ဆင်ပေးရန် ဆုံးဖြတ်ခဲ့စဉ်ကလည်း ကြုံခဲ့ဘူးသည်။ ယခု ပရောဂျက်တွင် အစိုးရကျောင်း ၃၆၇ ကျောင်းလုံးတွင်  Wi-Fi Circuit တပ်ဆင် ရေးအပါအ၀င် ဒေတာလုံခြုံရေး၊ စနစ်အတွင်း (သို့) ပြင်ပနှောင့်ယှက်သူ မ၀င်ရောက်နိုင်ရန် ကာကွယ်ရေးကိစ္စများလည်း ပါဝင်သည်။ အစိုးရရုံးများက ပရောဂျက်အမျိုးမျိုးအတွက် ထိမ်းသိမ်းထားပေးရသော ဒေတာပမာဏာ ကို ၂၅ ရာခိုင်နှုန်း တိုးမြှင့်ရေးတို့လည်း ပါဝင်သည်။

စင်ကာပူနိုင်ငံ၏ Smart Nation ပရောဂျက်နှင့် ဆင်ဆင်တူသော လုပ်ငန်းများကို ဂျပန်၊ ဆွီဒင်၊ တောင်ကိုးရီး ယား၊ ဒူဘိုင်း၊ စပိန်နိုင်ငံ စသည်တို့တွင်လည်း ဆောင်ရွက်နေကြပါပြီ၊ အမှိုက်ပစ်ရာတွင် အမှိုက်ပုံးက ၀င်လာသမျှ အမှိုက်သရိုက်များကို ဖိနှိပ်ပြီး သိုသိပ်ကျစ်လစ်စေသည်။ ဖိနှိပ်မှုကို ၈ကြိမ်လုပ်ပြီး ပုံးပြည့်သည့်အခါ ပုံးပြည့်သွားပါပြီဟူသည့် အချက်ပြခြင်းကို ပြုလုပ်ပေးသည်။ အများသုံးအိမ်သာများတွင် အသုံးပြုသူဦးရေကို မှတ်တမ်းတင်ပြီး အိမ်သာထဲတွင် အမိုးနီးယားနှင့် ဟိုက် ဒြိုဂျင်ဆာလဖိုဒ်ဓာတ်ငွေ့ပမာဏကို တိုင်းတာပေးသည့်ကရိယာများ တပ်ဆင်ထားကြသည်။၊ ဒူဘိုင်းကဲ့သို့သော မြို့ကြီးများ ၏ Shopping Mall များတွင် ဈေးဝယ်များကို အကူအညီပေးသောစက်ရုပ်များကို တီထွင်ထားကြသည်။

(၂)
စက်မှုတိုးတက်သောကြောင့် လူနေမှုအဆင့်အတန်းမြင့်မားလာစေခြင်း၊ လူ၏လုပ်အားကို သက်သာအောင်ပြုလုပ်ပေးခြင်း စသောသတင်းများမှာ ကြိုဆိုရမည့်သတင်းများ ဖြစ်ပါသည်။ သတိချပ်ရန်မှာ အီလက်ထရောနစ် ဆက်သွယ်ရေးစနစ်ကို လူထုအကျိုးပြုကိစ္စများတွင် အသုံးပြုရန်မှာ အခြေခံလိုအပ်ချက်များ (Infra-structure) ပြည့်စုံပြီးဖို့လိုသည်။ လိုအပ်သော လျှပ်စစ်ဓာတ်ကအစ Network များကိုထိန်းချုပ်မည့် ကွန်ပျူတာများ၊ Server များတွင် လူတို့လိုအပ်ချက်ကို ဖြည့်ဆည်းပေး မည့် Software များလည်းရှိနေဘို့ လိုအပ်ပါသည်။

အများတကာက Samart Nation အကြောင်း ပြောဆိုနေကြချိန်တွင် ကျွန်တော်တို့နိုင်ငံမှ ကုမ္ပဏီလိပ်စာ ပြောင်းရပုံကို သတိရမိလိုက်သည်။ တကြိမ်က ကုမ္ပဏီ၏လိပ်စာပြောင်းဖို့ အကျိုးဆောင်ကုမ္ပဏီကိုမေးရာ ၀န်ဆောင်ခ မြန်မာငွေ တသိန်း ခွဲကျမည်ဟုဆိုသည်။ ရန်ကင်းရှိ ကုမ္ပဏီများဦးစီးဌာနသို့သွားတော့ နှစ်ထောင့်ငါးရာကျပ်နှင့် ကိစ္စပြီးခဲ့ပါသည်။ လိပ်စာ ပြောင်းကိစ္စက ကုမ္ပဏီများဦးစီးဌာနနှင့်မပြီးသေး၊ ၂၇ လမ်းရှိ ထ၊ သ၊ က ခေါ် ထုတ်ကုန်၊ သွင်းကုန်၊ ရုံးကိုသွားရဦးမည်၊ ကိုယ်တိုင်တင်ကြည့်တော့ လေးထောင်ကျပ်ဖြင့် မှတ်ပုံတင်နိုင်ခဲ့ပါသည်။ ထိုရုံးအ၀င်ဝတွင်တွေ့သော ပွဲစားက ထိုကိစ္စများ အတွက် ၀န်ဆောင်ခ ငါးသောင်းကျမည်ဟု ပြောသည်။ လူစောင့်နေစရာမလို ကိစ္စပြီးလျှင် အိမ်ကိုအရောက်ပို့ပေးပါမည်။

စင်ကာပူတွင် မှတ်ပုံတင်ထားသောကုမ္ပဏီတိုင်းအတွက် UEN (Unique Entity Number) ခေါ် နံပါတ်တခု ထုတ်ပေးထား သည်။ ထိုနံပါတ်ကို ကုမ္ပဏီကိစ္စလုပ်ရန်လိုတိုင်း အသုံးပြုရသည်။ လိပ်စာပြောင်းလိုပါလျှင် မိမိကို အစိုးရကထုတ်ပေး ထား သော SingPass ခေါ် ကိုယ်ပိုင် Password နှင့် သူတို့ Website တွင် ၀င်၍ပြောင်းရန်သာလိုသည်။ စင်္ကာပူဒေါ်လာ ၂၅ ဒေါ်လာခန့်ပေးလျှင် လိပ်စာပြောင်းရန် ကိစ္စပြီးတော့သည်။

မြန်မာပြည်တွင် ကုမ္ပဏီများဦးစီးဌာနက CRD ခေါ် Certificate Of Registration Of Documents ကို ထုတ်ပေးပြီးသည့်တိုင် ထုတ်ကုန်သွင်းကုန်ဌာနသို့လည်းကောင်း၊ ခရီးသွားလုပ်ငန်းကုမ္ပဏီများအဖို့ ခရီးသွားလုပ်ငန်းရုံးချုပ်သို့လည်းကောင်း၊ ငွေ လဲလုပ်ငန်း လုပ်သူများအတွက် ဗဟိုဘဏ်သို့လည်းကောင်း၊ အသီးသီးသွားကြရပြန်သည်။ ထိုကိစ္စများကို Website မှတ ဆင့် မလုပ်နိုင်ဘူးဆိုစေဦး ကွန်ပျူတာစနစ်တွင် မှတ်တမ်းတင်နိုင်ပြီးပြီးဆိုလျှင် အစိုးရက ဦးစီး၍ သက်ဆိုင်ရာမှတ်တမ်းတွင် စာရင်းသစ်သွင်းပြီး ဖြစ်နေသင့်ပါသည်။

ဤပြဿနာများမှာ ရေခဲတုံး၏အပေါ်က ထိပ်စွန်းကလေးတခုဟုသာ ပြော၍ရပါသည်။ ကုမ္ပဏီ ငွေစာရင်း ရှင်းတမ်းတင်ရေး ကိစ္စ၊ အခွန်ငွေဆောင်သည့်ကိစ္စ၊ ရှုတ်ထွေးနေရခြင်းမှာ အုပ်ချုပ်သူအစိုးရအတွက်ကတော့ မှန်ပါလိမ့်မည်။ ဘယ်စည်းကမ်း က ဘာကြောင့်ထားရသည်ဆိုသော အကြောင်းပြချက်တွေ ရှိပါလိမ်မည်။ သို့ပါသော်လည်း ကုမ္ပဏီများဘက်ကကြည့်တော့ ဘယ်အလုပ်ကမှ ရိုးရိုးစင်းစင်းမရှိ၊ ရှုပ်ထွေးသော နည်းလမ်းတွေကနေရာတကာ ပြည့်နှက်နေသည်။

ကုမ္ပဏီများဘက်မှကြည့်လျှင် လုပ်ငန်းမှာ ရိုးရှင်းလွယ်ကူနေပါမှ ကုမ္ပဏီများ ဆက်လက်ရပ်တည်နိုင်မည်။ ကုမ္ပဏီတွေ လုပ်ငန်း ချောမွေ့နေမှသာ စီးပွားရေးတိုးတက်မည်။ သို့မှသာ အစိုးရ ၀င်ငွေကောင်း မည်ဆိုသော အချက်မှာအရေးကြီးပါသည်။ နှစ်စဉ် ၀င်ငွေ ထွက်ငွေစာရင်းတွင် ဘာတခုမှ အမှန်မရှိ၊ အခွန်စည်းကြပ်အရာရှိနှင့်တွေ့လျှင် အခွန်သက်သာစေကြောင်း ရေးချင်ရာ ရေးရသောစနစ်မှာ မရှိသင့်တော့ပါ။

စင်္ကာပူကုမ္ပဏီတခုသည် လည်ပတ်ငွေဒေါ်လာ တသန်းမကျော်ပါက ပိုင်ရှင်က တင်ပြသမျှကို အစိုးရက လက်ခံသည်။ စာရင်းစစ်ဖြင့် Audit စာရင်းတင်စရာမလို။ မိမိတို့ကိုယ်ပိုင် Password ဖြင့်သူတို့ System အတွင်းသို့ဝင်ကာ မှတ်တမ်းတင် ပေးရုံသာရှိသည်။  မသမာမှုများပေါ်ပေါက်ခဲ့လျှင်မူ မိမိတင်ပြသောစာရင်းအတွက် ကုမ္ပဏီကဖြေရှင်းရသည်။

မြန်မာပြည်မှာ ကြားထဲက အကျိုးဆောင်ပေးသူတွေက အခွန်အရာရှိနှင့်ပေါင်း၊ ကုမ္ပဏီများ အသက်ဆက်ရေးအတွက် ၀န် ဆောင်ခအမျိုးမျိုးတွေချနှင့် အစိုးရဘတ်ဂျက်သို့ ၀င်သွားသောငွေမှာ ဘာကိုမှ ကိုယ်စားမပြုတော့ပေ။

ကျွန်တော်တို့နိုင်ငံအဖို့ အထက်တွင်ဖေါ်ပြခဲ့သည့် Smart Nation ကိုစိတ်ကူးမယဉ်နိုင်အားပါ။ လုပ်ဆောင်ရမည့် ပမာဏနှင့် အရင်းအနှီးငွေကြေးမှာ များပြားလှပါသည်။ ပြည်တွင်းစီးပွားရေးစနစ်နှင့်ပတ်သက်၍  လုပ်ငန်းဆောင်တာများကို မြန်မြန် ဆန်ဆန် လုပ်ကိုင်နိုင်ရေးအတွက်သာ အီလက်ထရောနစ် နည်းစနစ်များဖြင့် မှတ်တမ်းတင်နိုင်မည့် System တခုကိုသာ အမြန်ဆုံး အစိုးရက တည်ဆောက်ပေးစေချင်ပါသည်။

နိုင်ငံသားများ မှတ်ပုံတင်ကိစ္စ၊ ပတ် (စ) ပို့ ထုတ်ပေးရေးကိစ္စ၊ အခွန်တော်ပေးဆောင်ရေးကိစ္စ၊ မော်တော်ကားလိုင်စင်ကိစ္စ၊ အိမ်ခြံမြေအရောင်းအ၀ယ် စသည်ဖြင့် ပြည်သူများက မိမိတို့အရေးကိစ္စများ ဆောင်ရွက်ရေးအတွက် ၀န်ထမ်းများကိုလည်း ကောင်း၊ အကျိုးဆောင်များကိုလည်းကောင်း၊ ငွေပေးနေရခြင်းကိစ္စများကို ရပ်တန်းက ရပ်စေချင်ပါပြီ။ ထိုကိစ္စအားလုံးကို နိုင်ငံအမြောက်အများတို့တွင် ကွန်ပျူတာများက လုပ်ဆောင်ပေးနေကြပါပြီ။ ကျွန်တော်တို့မြင်လိုသည်မှာ Myanmar Digital Nation Initiative ခေါ်စီမံချက်မျိုးဖြင့် မြန်မာနိုင်ငံတော်အတွင်းမှ အစိုးရ၏လုပ်ငန်းဆောင်တာမှန်သမျှကို ကွန်ပျူ တာများဖြင့် မှတ်တမ်းတင်နိုင်ရန်ဖြစ်ပါသည်။ ပြည်သူနှင့်ဆက်သွယ်ရာတွင် ကွန်ပျူတာကိုသုံးနိုင်လျှင် အဖက်ဖက်မှ အကျိုးရှိပါသည်။ အစိုးရအတွက် လိုအပ်သောရံပုံငွေကို မဖိတ်မစင်ဘဲ ရရှိစေနိုင်သလို ပြည်သူတို့အဖို့လည်း အချိန်ကုန် လည်းသက်သာ၊ မလိုအပ်ဘဲ ဦးနှောက်လည်း မခြောက်ရတော့ပါ။ Win- Win Situation  ဟု ခေါ်ကြပါသည်။

ဖေါ်ပြခဲ့သည့်အတိုင်း ထိုစီမံကိန်းများအတွက် လိုအပ်သော ကွန်ပျူတာစနစ်များတည်ဆောက်ရေးအတွက်  Technical Knowhow မှာ ကမ္ဘာတွင် နေရာများစွာတို့၌ရရှိနိုင်နေပါပြီ။ စနစ်ကိုတည်ဆောက်ရန် နိုင်ငံတော်အစိုးရက မူဝါဒ ချပေးရန် သာလိုပါသည်။

နိုင်ငံတော်တိုးတက်ဖွံ့ဖြိုးရေးအတွက် ကွန်ပျူတာ Networks များတည်ဆောက်ရန်မှာ ပထမဦးစားပေးအဆင့် ဖြစ်သင့်ပါ သည်။

ကိုသန်းလွင်