ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ပြင်သစ်တော်လှန်ရေး ဘာစတီးနေ့မှာ အကြမ်းဖက်တိုက်ခိုက်မှုကြောင့် လူ ၈၀ဦး သေဆုံး



ပြင်သစ်တော်လှန်ရေး ဘာစတီးနေ့မှာ အကြမ်းဖက်တိုက်ခိုက်မှုကြောင့် လူ ၈၀ဦး သေဆုံး
(မိုးမခ) ဇူလိုင် ၁၅၊ ၂၀၁၆

ဇူလိုင်လ ၁၄၊ ၂၀၁၆ ပြည်သစ်ပြည်၊ နိစ်မြို့မှာ (၁၇၈၉ ခုနှစ် နှစ်လည်) ပြင်သစ်တော်လှန်ရေးနေ့ (ဘာစတီးနေ့) အထိမ်းအမှတ် ပြည်သူတွေ ဆင်နွှဲနေစဉ် ထရပ်ကားကြီးတစီးက ပရိသတ်ကို လိုက်လံတိုက်သဖြင့် လူ ၈၀ သေဆုံး၊ အများအပြား ဒဏ်ရာရရှိခဲ့သည်။ အဆိုပါထရပ်ကားသည် ဗုံးများ၊ သေနတ်များ တင်ဆောင်လာပြီး အာရပ်နွယ်ဖွား ပြင်သစ်နိုင်ငံသားတဦးက မောင်းနှင်ပြီး လူအုပ်စုအတွင်း သေကြေပျက်ဆီးစေရန် လိုက်လံတိုက်ခဲ့ခြင်းဖြစ်သည်။ ပြင်သစ်လုံခြုံရေးတပ်ဖွဲ့များက ကားကို ပစ်ခတ်ပြီး တားဆီးခဲ့ရာမှာ ကားသည် နိစ်မြို့ လူထုပရိသတ်အတွင်း ၂ ကီလိုမီတာနီးပါး တိုးဝင်တိုက်ခိုက်ခဲ့ပြီး ဖြစ်သည်။


အကြမ်းဖက်သမားသည် အစွန်းရောက်သူတဦးဖြစ်ပြီး ဘာသာရေးအစွန်းရောက် အကြမ်းဖက်သူလား၊ အဖွဲ့အစည်းများနဲ့ ဆက်သွယ်သူလား အတိအကျ စုံစမ်းမသိရှိရသေးပေ။ မည်သည့် အစွန်းရောက်အကြမ်းဖက်အဖွဲ့ကမှ သူတို့လက်ချက်ဖြစ်သည်ဟုလည်း မကြေညာသေးပေ။ ပြင်သစ်ပြည်တွင် လွန်ခဲ့သည့် ၂ လအတွင်း ပြင်သစ်အိုပင်းတင်းနစ်ပွဲ၊ ဥရောပဖလား ဘောလုံးပွဲများ လက်ခံကျင်းပခဲ့ရာ ပြည်တွင်း ပြည်ပ ဧည့်သည်အများအပြားတက်ရောက်ခဲ့ကြရာတွင် မည်သည့် အကြမ်းဖက်မှုကိုမျှ မရင်ဆိုင်ခဲ့ရသော်လည်း ယခု ပြင်သစ်လွတ်လပ်ရေးနေ့သဖွယ် သဘောထားသည့် နိုင်ငံတော်နေ့ရက်ကျမှ အစွန်းရောက်အကြမ်းဖက် တိုက်ခိုက်မှုကို ခံလိုက်ရခြင်းဖြစ်သည်။

အဆိုပါ အကြမ်းဖက်မှုအတွက် ပြည်တွင်း ပြည်ပ ခေါင်းဆောင်များ ပြည်သူများက ၀မ်းနည်းကြောင်း ကန့်ကွက် ရှုတ်ချကြောင်း ချက်ခြင်း ထုတ်ပြန်ခဲ့ကြသည်။ အမေရိကန်သမ္မတ အိုဘားမား အစွန်းရောက်အကြမ်းဖက်မှုများကို နိုင်ငံတကာအဆင့် အားလုံး ပူးပေါင်းတွန်းလှန် ချေမှုန်းကြရမည် ဖြစ်ကြောင်း ထုတ်ဖော် ပြောကြားလိုက်သည်။ 

ဥရောပတွင် ၂၀၁၆ အတွင်း အစွန်းရောက်အကြမ်းဖက်သမားများ၏ တိုက်ခိုက်မှုများကို ကာကွယ် နှိမ်နင်းမှုများ တိုးမြှင့် ဆောင်ရွက်ခဲ့ကြသည်။ ထိုကြားထဲတွင် တူရကီမြို့တော် လေဆိပ်တွင် အကြမ်းဖက်တိုက်ခိုက်မှု ခံခဲ့ရသည်။ ပြင်သစ်နဲ့ အီဂျစ်ကြား ပျံသန်းသော လေယျာဉ်တစီးလည်း အကြမ်းဖက်ခံရသည်ဟူသော သံသယဖြင့် ပျက်ကျခဲ့သည်။ ပြင်သစ်ပြည်တွင် ၂၀၁၅ ဇန်န၀ါရီတွင် တခါ၊ ဒီဇင်ဘာလတွင် တခါ အိုင်ဇစ် အကြမ်းဖက်သမားတို့၏ တိုက်ခိုက်မှု ပြင်းပြင်းထန်ထန် ခံစားခဲ့ရပြီး ဖြစ်သည်။