ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဆလိုင်းဟန်လင်း၏ "ကမ္ဘာတလွှား ချင်းအမျိုးများ ဆောင်းပါးများ စုစည်းမှုစာအုပ်" ထွက်ပြီ




ဆလိုင်းဟန်လင်း၏ "ကမ္ဘာတလွှား ချင်းအမျိုးများ ဆောင်းပါးများ စုစည်းမှုစာအုပ်" ထွက်ပြီ
SK ရှန်လိန်း၊ မိုးမခစာအုပ်စင်၊ နိုဝင်ဘာ ၈၊ ၂၀၁၆

ဆလိုင်းဟန်လင်း၏ (ကမ္ဘာတလွှား ချင်းအမျိုးများ- ချင်းမဂ္ဂဇင်းပါ ဆောင်းပါးများ စုစည်းမှုစာအုပ်) ထွက်ရှိလာသည်။ ချင်းလူမျိုးနှင့် ချင်းဓလေ့ရိုးရာဆိုင်ရာ ဆောင်းပါးများ စုစည်းမှုဖြစ်ပြီး ၁၉၈၀-၀န်းကျင်က ချင်းတိုင်းရင်းသား စာပေနှင့် ယဉ်ကျေးမှုကော်မတီ(တက္ကသိုလ်များ-ရန်ကုန်)က ထုတ်ဝေသော ချင်းမဂ္ဂဇင်းပါ ဆောင်းပါးများ ဖြစ်သည်။ ဆောင်းပါးများကို မာတိကာ ဓါတ်ပုံတွင် ကြည့်ရှုလေ့လာနိုင်ပါသည်။ ဆရာဆလိုင်းဟန်လင်း၏ ညီထွေးဖြစ်သူ ဆလိုင်းရွှေလင်းက ဆရာ၏ မှာကြားချက်နှင့် တာဝန်ပေးချက်အရ ယခုစာအုပ်ကို စီစဉ်ခြင်းဖြစ်သည်ဟုဖေါ်ပြထားသည်။



ဦးဟန်လင်းကို ချင်းပြည်နယ်၊ကန်ပက်လက်မြို့ နယ်၊ ကျောက်စစ်ချောင်းတိုက်နယ် (အမှတ် ၅ တိုက်နယ်)၊ထန်းအောင်ကျေးရွာ၌၊ ၁၉၅၁တွင်အဖထန်းအောင်ရွာသူကြီးတောင်သူ ကြီး ဦးလိန်းနိုင်း၊ အမိဒေါ်လှုးဟုန်းတို့  မှ ဖွါးမြင်သည်။ မွေးချင်းပေါင်း ၉-ဦးရှိရာ ၊ ကျား(၅)ဦး ၊ မ(၄)ဦး ဖြစ်သည်။ သူသည် ဒုတိယမြောက် မွေးဖွါးသူဖြစ်ပြီး၊ သားယောက်ကျားများတွင် အကြီးဆုံးဖြစ်သည်။

မကြားကျေးရွာသို့ ဗုဒ္ဓသာသနာပြုအဖြစ် ပထမဦးဆုံး  ကြွရောက်လာသော တောင်တန်းသာသနာပြုဆရာတော် ဦးနန္ဒမာလာသည် မကြားရွာနှင့်အခြား ၅-ရွာရှိ ကလေးများကို မူလတန်းပညာ သင်ပေးရာ အရွယ်ငယ်သော်လည်း ဥာဏ်ပညာ ထူးချွန်ထက်မြက်သော ကလေးငယ်ဟုန်းလိန်းကို အထူးသဘောကျပြီး မော်လမြိုင်၊ ရန်ကုန်မြို့များသို့ ခေါ်ဆောင်ကာ ပြုစုပျိုးထောင်ပေးခဲ့သည်။

ဦးဆလိုင်းဟန်လင်းသည် အသက် ၆၃-နှစ်အရွယ် ၊ ၃ရက် ဧပြီလ ၂၀၁၄ ညနေ (၃) နာရီတွင် မင်းတပ်ဆေးရုံ၌၊ လည်ချေင်းကင်ဆာဖြင့် ကွယ်လွန်ခဲ့သည်။ ဆရာနှင့် ပတ်သက်ပြီး ထူးခြားမှု ၄ မျိုးရှိသည်။

ပထမအချက်မှာ ပညာရေးနှင့် ပတ်သက်ပြီး ထူးချွန် ထက်မြက်သော မျိုးဆက်တစ်ခုကို စတင်လျှောက်လှမ်း နိုင်ခဲ့သူဖြစ်သည်။ သူသည် ၁၉၈၂-တွင် မဟာဝိဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇာဘွဲ့ (သမိုင်း)ကို ရခဲ့သူဖြစ်ရာ ချင်းပြည်နယ်၊ ကန်ပက်လက်နှင့် မင်းတပ်ဇာတိဖွား ချင်းလူမျိုးများအနက် ပထမဆုံး သမိုင်းဘာသာဖြင့် မဟာဝိဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇ္ဇာရသူဟု ဆလိုင်းကီးလဲအွမ်က မှတ်တမ်းပြုသည်။ ရန်ကုန်တက္ကသိုလ်၊ ဒေသကောလိပ်အမှတ် (၁) နှင့် အမှတ် (၂) တို့ တွင်နည်းပြဆရာလုပ်ခဲ့၏။ တက္ကသိုလ်ချင်းဆရာများအနက် 'ဆလိုင်း' အမည်ကို ပထမဦးစွာ ခံယူဝံ့ခဲ့သူဖြစ်၏။ လူထုဆက်သွယ်ရေးအတတ်ပညာဌာနတွင် အတွင်းရေးမှုးအဖြစ် တာဝန်ပေးအပ်ခြင်းလည်း ခံခဲ့ရ၏။ သို့ သော် ဝန်ထမ်းဘဝ၌ မကြာမြင့်လှပေ။ မထင်မှတ်သော လောဂဓံမုန်တိုင်း ကြောင့်နားခဲ့ရသည်။

ဒုတိယအချက်မှာ ချင်းအမျိုးသားရေးနှင့် နိုင်ငံရေးတွင် စွမ်းသလောက် ပါဝင်ခဲ့ခြင်းဖြစ်ပါ၏။ မော်လမြိုင်ဒီဂရီကောလိပ် ကျောင်းသားဘဝကတည်းက၊ ယခင်မရှိခဲ့ဖူးသော ချင်းတိုင်းရင်းသား စာပေနှင့် ယဉ်ကျေးမှုကော်မတီကို ဦးဆောင်ဖွဲ့စည်းကာ အတွင်းရေးမှုး အဖြစ်လည်းကောင်း၊ အမှုဆောင်အဖြစ်လည်းကောင်း ပါဝင်လှုပ်ရှားခဲ့၏။ ချင်းအမျိုးသားဒီမိုကရေစီအဖွဲ့ချုပ်တွင်၊ ဗဟိုအမှုဆောင် (ကန်ပက်လက်မြိုနယ်ဥက္ကဌ ) အဖြစ် တာဝန်ယူခဲ့ပြီး ၁၉၉၀-ပြည့် မြန်မာနိုင်ငံရွေးကောက်ပွဲတွင် ကန်ပက်လက်မြို့နယ်မှ ဝင်ရောက်အရွေးခံ ရန် ကြိုးစားခဲ့၏။ သို့ သော်၊အကြောင်းအမျိုးမျိုးကြောင့် ရွေးကောက်ပွဲ မဝင်ဖြစ်ခဲ့ပေ။ ဦးစံခင်က ချင်းအဖွဲ.ချုပ်ကိုယ်စားပြု ဝင်ရောက်ယှဉ်ပြိုင်၏။ မဲပြန့်သွားမှုကြောင့် ပါတီ ၄ ခု ဝင်ရောက်ရာ၊ တစညပါတီ မှ ဦးလိန်းဟာက ပွတ်ကာသီကာ မဲအနည်းငယ် အသာဖြင့် နိုင်သွားခဲ့သည်။

တတိယအချက်မှာ စာပေရေးသားမှုစွမ်းရည်နှင့် ဟောပြောသင်ပြမှုစွမ်း ရည် မြင့်မားခြင်းဖြစ်သည်။ ချင်းအမျိုးသားရေးဆိုင်ရာ အတွေးအခေါ်သစ် ဆောင်းပါးများနှင့် ချင်းဓလေ့ထုံးတမ်းဆိုင်ရာ သုတေသနဆောင်းပါးများကို ချင်းတိုင်းရင်းသား စာပေနှင့် ယဉ်ကျေးမှု ကော်မတီ (တက္ကသိုလ်များ -ရန်ကုန်) ထုတ် ချင်းမဂ္ဂဇင်းများနှင့် စာစောင်များတွင် ရေးသားခဲ့သည်။ ဆောင်းပါးအရေအတွက် ၂၀ ခန့့်လောက်သာ ရှိသော်လည်း ဂဃနဏ သေသေသပ်သပ် ပြည့်စုံစွာ ရေးသားထားသဖြင့် နောင်လာနောက်သားများ ကိုးကားနိုင်၊ ကျင့်သုံးနိုင်လောက်သည့် စာမူများဖြစ်သည်ဟု ပညာရှင်များ မှတ်ချက်ပေးကြသည်။

ဥပမာ… ချင်းအားလုံးအတွက် ညီညွတ်ရေးလမ်းစဉ် ၂ ခု ဆောင်းပါးတွင် မျိုးနွယ်စုမတူသူများ၊ ဒေသမတူသူများ အပြန်အလှန် ရောနှောလက်ထပ်ခြင်း (cross marriage) ကို ကျင့်သုံးဖို့ နှိုးဆော်တိုက်တွန်းခဲ့သည်။ ယခုအခါ ထိုသို့ လက်ထပ်မှုမျိုး အတော်များ များ တွေ့လာရသည်။ အခြားတစ်ချက်မှာ ဘုံစာပေ ဖေါ်ထုတ်ရေးဖြစ်သည်။ (ချိုတို့ အချင်းချင်း စစ်ခင်းပုံ) နှင့် (သစ္စာဆိုင်၍ တရားဆိုင်သော ချိုချင်းများ) ကဲ့သို့ သော ဆောင်းပါးများတွင် စာပေ သို့ မဟုတ် ဥပဒေဖြင့် သတ်မှတ်ခြင်း မပြုစေကာမူ၊ အဆင့်မြင့်သော ခမ်းနားသော၊ တိကျသော ချင်းတို့၏ ဥပဒေထုံးတမ်းနှင့် တွေးခေါ်ယူဆပုံများကို ဖေါ်ထုတ်ပြခဲ့၏။ ဖေါ်ထုတ်ရာတွင်လည်း ခန့် ငြားလေးနက်သော အရေးအသာများဖြင့် တင်ပြ လေ့ရှိသည်။ ထုတ်ဝေသူတို့ က ချင်းမဂ္ဂဇင်းတစ်အုပ်ထဲတွင် ဦးဟန်လင်း၏ ဆောင်းပါး ၁ ခုထက် ပိုပြီး ထည့်သွင်းလိုကြသဖြင့် ကလောင်ခွဲများ သုံးခဲ့ရသည်။

ကလောင်ခွဲများမှာ ဆလိုင်းဟန်လင်း၊ ဆလိုင်းဓူဝံနီ၊ ဆလိုင်းဗွေမဏ်၊ မိုင်မင်ရီဟိုင်း၊ ပြည်ထောင်စုကိုကို၊ ဆလိုင်းဝသုန်နီတို့ ဖြစ်၏။ သူ၏ M.A ဘွဲ့  ယူကျမ်းမှာ (ချင်းတောင်၏ နိုင်ငံရေးသမိုင်းကျမ်း ၁၉၂၀-၁၉၆၂) ဖြစ်သည်။ အရေးအသားပိုင်းတွင် သာမက ၊ အကြောင်း အရာပိုင်းတွင်ပါ အထူးကောင်းမွန်ပြီး အထောက်အထားပြည့်စုံသည်ဟု အချို့ ကမှတ်ချက်ပေးကြသည်။သို့ သော် သူများ မရေးဘူးသေးသော အကြောင်းအရာကို၊ ရေးမည်ဆိုပါက ပိုပြီး ထင်ရှား ထွန်းတောက် နိုင်ကြောင်း ဆရာဝိသေသက သုံးသပ်သည်။

စတုတ္ထ အချက်မှာ ချင်းဗုဒ္ဓ္ဓဘာသာ လူငယ်မျိုးဆက်များကို တိုက်ရိုက်အားဖြင့် ဖြစ်စေ၊ သွယ်ဝိုက်သောအားဖြင့် ဖြစ်စေ အတတ်နိုင် ဆုံး မွေးထုတ်ပျိုးထောင် ခဲ့ခြင်းဖြစ်သည်။ ဦးဟန်လင်း၏အမည်မှာ ချင်းအသံထွက် အနေဖြင့် ဟုန်းလိန်းဖြစ်သည်။ ကျေးဇူးရှင် ဆရာဘုန်းကြီး ဦးနန္ဒမာလာက ချင်းအမည်လည်း မပျောက်ရလေအောင် ၊ ဗမာလိုလည်း အဓိပ္ပါယ်ရှိရလေအောင် အသံဖလှယ်ကာ ဟန်လင်းဟု မှည့်ခေါ်ခဲ့သည်။ ဦးဟန်လင်းသည် ညီ၊ ညီမများကိုလည်း ထိုနည်းအတိုင်း မှည့်ခေါ်ခဲ့ရာ ထန်းလိန်းကို ထိန်လင်း၊ နိုင်းလိန်းကို နေလင်း ၊ အောင်လိန်းကို အောင်လင်း၊ ရွှီလိန်းကို ရွှေလင်း၊ အွဲသာလိန်းကို အေးမာလင်း၊ တီးသာလိန်းကို သီတာလင်း၊ လိုင်းသာလိန်းကို လှိုင်ဝါလင်း ဟု မှည့်ခေါ်ပေးခဲ့သည်။



စာအုပ် ရနိုင်သောနေရာများမှာ - (၁) ပင်ရင်း၊ အမှတ် (၃၁) နှင်းဆီကုန်းလမ်း၊ အလုံ၊ရန်ကုန်။ ဖုံးနှင့် ဗိုင်ဘာ ၀၉ ၃၀၀၀၄၉၇၄ ၊ ၀၉ ၇၉၉၆၇၉၉၅၉။ (၂) စာပေနန်းတော်၊ ၁၃၈-၁၄၀၊ ပ-ထပ်။ ပန်းဆိုးတန်းလမ်းနှင့် မဟာဗန္ဓုလလမ်းထောင့်၊ ကျောက်တံတား။ ဖုံး-၀၉၇၃၁၂၅၀၆၇ ။ (၃) သီတာ နီလာစာပေ၊ ၆၂၂ ကုန်သည်လမ်း၊ လမ်း ၃၀ ထောင့်၊ ဖုံး-၀၁-၂၄၅၀၃၃။ (၄) စာပေဗိမာန် အရောင်းဆိုင်၊ ကုန်သည်လမ်း၊ ၃၇ လမ်းထောင့်။ (၅) ပါရမီစာပေ၊ ၂၃၀- ၂၉-လမ်း၊ ပန်းဘဲတန်း၊ ဖုံး ၀၁ ၂၅၃၂၄၆ တို့ ဖြစ်သည်။

ဆလိုင်းရွှေလင်း ၊ အမှတ် ၃၁ နှင်းဆီကုန်းလမ်း၊အလုံ၊ ရန်ကုန်က ထုတ်ဝေပြီး ၊ ဦးအောင်ကျော်ထူး၊ မြတ်ပန်းရဂုံပုံနှိပ်တိုက်က အဖုံးနှင့် အတွင်းစာသားများကို ပုံနှိပ်သည်။ ၂၀၁၆ ဒီဇင်ဘာလတွင် ပထမအကြိမ်၊ အုပ် ၁၁၀၀ ကို ပုံနှိပ်ထုတ်ဝေသည်။ တန်ဖိုး ၇၀၀-ကျပ်ဖြစ်သည်။