ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဖြိုးသီဟချို (Myanmar Now) ● ရှမ်းတောင်ပိုင်း ပဲပုပ်တောင်သူတို့ ရာသီဥတုကို ရဲရဲရင်ဆိုင်နိုင်ပြီ

ဖြိုးသီဟချို (Myanmar Now) ● ရှမ်းတောင်ပိုင်း ပဲပုပ်တောင်သူတို့ ရာသီဥတုကို ရဲရဲရင်ဆိုင်နိုင်ပြီ
(မိုးမခ) ဇန်နဝါရီ ၁၈၊ ၂၀၁၇

ပဲပုပ်ရိပ်သိမ်းချိန် မိုးမိမယ့်အန္တရာယ်ကို ရှောင်ရှားနိုင်တဲ့ နည်းလမ်းတွေ ရရှိထားပြီလို့ ရှမ်းပြည်တောင်ပိုင်း ပဲပုပ်စိုက်တောင်သူ များက ပြောပါတယ်။

ပင်းတယ (Myanmar Now) -   ပဲနို့၊ တိုဟူးဖြူတို့ ထုတ်လုပ်နိုင်တဲ့ ပဲပုပ် စိုက်ပျိုးရေးလုပ်ငန်းကို ဌာနဆိုင်ရာတွေ၊ အဖွဲ့အစည်း တွေက နည်းပညာ၊ မျိုးစေ့နဲ့ စက်ပစ္စည်းကူညီတာကြောင့် သီးနှံပျက်စီးဆုံးရှုံးမှု လျော့ပါးလာတော့မယ်လို့ ရှမ်းပြည်နယ် တောင်ပိုင်း တောင်သူတွေက မကြာသေးခင်က ပြောကြပါတယ်။

ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်မှာ နေထိုင်သူ ဦးလှမင်းက စိုက်ပျိုးရေးဦးစီးဌာနက ထုတ်လုပ်ဖြန့်ဖြူးထားတဲ့ အရည်အသွေးမြှင့် ပဲပုပ်စေ့တွေကို ကိုင်ကြည့်ရင်း ပီတိဖြစ်တဲ့ အပြုံးနဲ့ ပြုံးနေပါတယ်။

မနှစ်က ရိတ်သိမ်းချိန်မှာ မိုးသည်းသည်းမည်းမည်းရွာသွန်းမှုနဲ့ ကြုံခဲ့ပြီး သီးနှံတချို့ ဆုံးရှုံးခဲ့ပေမယ့် အခုတော့   ရာသီဥတုကို နည်းပညာအကူအညီနဲ့ ရင်ဆိုင်ဖို့ ၅၂ နှစ်အရွယ် ဓနုတိုင်းရင်းသားကြီးက အသင့်ဖြစ်နေပုံပါပဲ။

“ချွေလှေ့စက်တွေ၊  အခြောက်ခံဖို့စက်တွေလည်း ရှိနေပြီဆိုတော့ အောင်မြင်နိုင်ပါတယ်” လို့  တောင်ရွှေပုထိုးကျေးရွာက ဦး လှမင်းက ယုံကြည့်ချက်ရှိတဲ့လေသံနဲ့ ပြောလိုက်ပါတယ်။

မနှစ်က ပဲပုပ် ၁ ဧကပဲစိုက်ပျိုးပေမယ့် ဒီနှစ်ဆန်းပိုင်း ပဲပုပ်စိုက်ပျိုးတဲ့ရာသီမှာတော့ ငါးဆ တိုးချဲ့စိုက်ပျိုးလုပ်ကိုင်မယ်လို့ သူ က ပြောပါတယ်။

ရပ်စောက်မြို့နယ် အလယ်ချောင်ကျေးရွာသား  ကိုလှမျိုးဇော်ရဲ့ ၁ဝ ဧက ပဲပုပ်စိုက်ခင်းလည်း မနှစ်က ရိပ်သိမ်းချိန်မှာ မိုးမိ သွားပါတယ်။ အဲဒီဖြစ်ရပ်နောက်ပိုင်း ရာသီဥတုဒဏ်ခံလိုက်ရတဲ့ဒေသခံတွေဟာ Winrock International ဆိုတဲ့ စိုက်ပျိုးရေး ဆိုင်ရာ အကူအညီပေးရေးအဖွဲ့နဲ့ ဆွေးနွေးခဲ့ကြပါတယ်။ အခုတော့ ဒီအဖွဲ့ရဲ့အကူအညီနဲ့ အခြောက်ခံစက်တစ်လုံးကို ရွာမှာ တည်ထောင်နိုင်ခဲ့ပြီး အရည်အသွေးပိုကောင်းတဲ့ ပဲပုပ်မျိုးစေ့တွေလည်း ရှိနေပါပြီ။  




“စိုက်ကွင်းထဲမှာ ချက်ခြင်းရိတ်ပြီးတော့ အပင်လိုက်အခြောက်ခံလို့ရတဲ့စနစ်တွေရှိတယ်” လို့  ကိုလှမျိုးဇော်က ပြောပါတယ်။

● တောင်သူတို့အတွက် အကူအညီ
ရှမ်းပြည်နယ်၊ စိုက်ပျိုးရေးဦးစီးဌာန ဦးစီးမှုး ဦးသိန်းဝင်းက   ရိတ်သိမ်းချိန်မှာ မိုးလွတ်အောင် စောပြီးစိုက်ပါ။ သက်တမ်းတိုတဲ့ ပဲပုပ်အမျိုးအစားကို ရွေးပါ။ မျိုးကောင်းမျိုးသန့်ကို စိုက်ပျိုးကြပါလို့ တောင်သူတွေကို တိုက်တွန်းနေကြောင်း ရှင်းပြပါတယ်။
“ရာသီဥတုကပြောင်းလဲနေတာ။ ရာသီဥတုနဲ့ချိန်ဆပြီး စိုက်ပျိုးရမယ်ဆိုပြီး အသိပညာပေးနေပါတယ်” လို့ ရှမ်းပြည်နယ် စိုက်ပျိုးရေးဦးစီးမှူးက ပြောပါတယ်။

အရည်အသွေးမှီတဲ့ ပဲပုပ်အမျိုးအစားတွေရရှိရေး၊ ချိန်ခါမဟုတ် မိုးရွာတာမျိုးလို ပြောင်းလဲလာတဲ့ရာသီဥတုကို ရင်ဆိုင်နိုင် ရေးတို့အတွက်  Winrock အဖွဲ့က အခြောက်ခံစက်၊ လက်တွန်းမျိုးစေ့ချကရိယာ၊ မျိုးစေ့သိုလှောင်ခြင်းနည်းပညာ စတာတွေ ကို အကူအညီပေးနေပါတယ်။

ဒီအဖွဲ့ရဲ့ စီမံကိန်းအရာရှိတစ်ဦးဖြစ်တဲ့  ဦးသက်ဆွေက ဈေးကွက်အလားအလာကောင်းတဲ့ ပဲပုပ်နဲ့ပတ်သက်ပြီး အကူအညီ ပေးဖို့ သူတို့အဖွဲ့က ရွေးချယ်ဆုံးဖြတ်ထားတယ်လို့ ပြောပါတယ်။

တောင်သူ ကိုလှမျိုးဇော်က စက်ကရိယာနဲ့နည်းပညာအကူအညီတွေအပြင် သူတို့ရဲ့လိုအပ်ချက်နောက်တစ်ခုကတော့ ချေး ငွေဖြစ်တယ်လို့ ဆိုပါတယ်။

“ပဲပုပ်ဈေးကွက်က ကြီးတယ်။ ကျွန်တော်တို့က စိုက်ချင်တယ်။ ကျွန်တော်တို့တောင်သူတွေမှာ နည်းပညာလိုတယ်။ ငွေ ကြေး အရင်းအနှီးတွေလည်းလိုအပ်တယ်။ အတိုးနှုန်းနည်းနည်းနဲ့ ကျွန်တော်တို့ တောင်သူတွေကို ချေးငှားပေးဖို့ပေ့ါ။ လို အပ်လာရင် ဘယ်ကနေသွားချေးလို့ရလဲ မသိတာတွေနဲ့ ရင်ဆိုင်နေရပါတယ်” လို့ ရပ်စောက်မြို့နယ်က တောင်သူ ကိုလှမျိုး ဇော်က ရှင်းပြပါတယ်။

လယ်ယာသုံးစက်ကရိယာတွေကို အရစ်ကျဝယ်ယူရေးအတွက် ကနဦးသွင်းရမယ့်ငွေပမာဏ များပြားတတ်တာကြောင့် အစိုးရဆီက အတိုးနှုန်းပါးတဲ့ ချေးငွေလည်း မျှော်လင့်ကြောင်း ပဲပုပ်တောင်သူ ကိုလှမျိုးဇော်က ပြောပါတယ်။

● ဈေးကွက်
ပဲပုပ်ကို ရှမ်းပြည်နယ်တောင်ပိုင်း ရပ်စောက်နဲ့ပင်းတယနယ်တွေမှာ အများဆုံးစိုက်ပျိုးတယ်၊ ပြည်နယ်အတွင်း  ပဲပုပ်စိုက်ပျိုး ဧက ၂ သိန်းကျော်ရှိတယ်၊ ဒါဟာ တစ်နိုင်ငံလုံး ပဲပုပ်စိုက်ပျိုးမှုရဲ့  ၅၂ ရာခိုင်နှုန်း ဖြစ်ပါတယ်။ ပဲပုပ်စိုက်ခင်းတွေကို ဧရာဝတီ၊ ပဲခူး၊ စစ်ကိုင်း၊ မန္တလေး အစရှိတဲ့ တိုင်းဒေသကြီးတို့မှာလည်း တွေ့နိုင်ပါတယ်။

Winrock ရဲ့ ၂ဝ၁၅ မတ်လထုတ်ပြန်ချက်တစ်ခုမှာ  အိမ်နီးချင်းနိုင်ငံဖြစ်တဲ့ တရုတ်နိုင်ငံရဲ့ ပဲပုပ်စားသုံးမှုက နှစ်စဉ် သန်း ပေါင်း ၈၆.၂ တန် ရှိတယ်လို့ ဖော်ပြထားပါတယ်။ ဒါကြောင့် တရုတ်ဟာ မြန်မာအတွက် ကြီးမားတဲ့ ပဲပုပ်ဈေးကွက်တစ်ခုပါပဲ။

၂ဝ၁ဝ မတိုင်ခင်အထိ တရုတ်ကို ပဲပုပ်ပို့ခဲ့တဲ့လုပ်ငန်းရှင်တစ်ဦးကတော့ ဦးအောင်ဆန်းဝင်း ဖြစ်ပါတယ်။ သူက မြန်မာနိုင်ငံကုန်သည်ကုန်သည်ကြီးများနဲ့စက်မှုလုပ်ငန်းရှင်များအသင်းရဲ့ ရှမ်းပြည်နယ်တောင်ပိုင်းဒေသ ဥက္ကဋ္ဌလည်း ဖြစ်ပါတယ်။

ရှမ်းတောင်ပိုင်းက ထွက်တဲ့ပဲပုပ်တွေကို တရုတ်နိုင်ငံဘက် ပို့ခဲ့တာ နေ့စဉ် တန် ၅ဝ ကနေ ၁ဝဝ အထိ ရှိတယ်လို့ Myanmar Now ကို ပြောပါတယ်။

၂ဝ၁ဝ နောက်ပိုင်းမှာတော့ တရုတ်နိုင်ငံက ပဲပုပ်တန်ချိန် ၅,ဝဝဝ ကနေ ၁ဝ,ဝဝဝ ကြား ပို့ဖို့တောင်းဆိုလာတယ်၊ ဈေးကွက် လိုအပ်ချက်  မဖြည့်ဆည်းပေးနိုင်တာကြောင့် ပဲပုပ်တင်ပို့မှုကို ရပ်ဆိုင်းလိုက်ရတယ်လို့ သူက ရှင်းပြတယ်။

“စိုက်ပျိုးရေးသုတေသနက စမ်းသပ်စိုက်ပျိုးမယ်။  ထွက်အားကောင်းအောင်လုပ်မယ်။  ဈေးကွက်ရှိလား။  ဈေးကွက်ရှိအောင် လုပ်ပေးမယ်။ ဒါတွေကို သူတို့ကဦးဆောင်ရမှာပေါ့” လို့  ဦးအောင်ဆန်းဝင်းက ပြောပါတယ်။ 




စိုက်ပျိုးရေးဦးစီးဌာန ရှမ်းပြည်နယ် ပြည်နယ်မှူး ဦးသိန်းဝင်းကတော့ ဈေးကွက်ဖော်ဆောင်ဖို့ဟာ ကုန်သည်တွေရဲ့ တာဝန် ဖြစ်တယ်လို့ ဆိုပါတယ်။

ဈေးကွက်လိုအပ်ချက်ရှိလာတဲ့အခါမှာ စိုက်ပျိုးရေးဦးစီးဌာနနဲ့တွေ့ဆုံဆွေးနွေးပါ၊ အရည်အသွေးအပါအဝင် လိုအပ်ချက်တွေ အတွက် တောင်သူတွေနဲ့ ညှိနှိုင်းဆောင် ရွက်သွားရမှာဖြစ်တယ်လို့ ပြောပါတယ်။

“စိုက်ပျိုးရေးဦးစီးဌာနနဲ့ ချိတ်ဆက်ဖို့တော့ လိုအပ်ပါတယ်။ တန်ဘယ်လောက်လိုချင်သလဲ။ ဘယ်လိုအရည်အသွေးတွေကို လိုချင်သလဲ၊ ဒါကိုသိဖို့ လိုပါတယ်။ နိုင်ငံခြားကိုတင်ပို့နိုင်တဲ့ ဈေးကွက်သာတကယ်ရှိမယ်ဆိုရင် ကုန်သည်တွေလိုအပ် သ လောက် စိုက်ပျိုးရေးဦးစီးဌာနက လယ်သမားတွေနဲ့ ပူးပေါင်းပြီးတော့ ဆောင်ရွက်ပေးနိုင်ပါတယ်” လို့  သူက Myanmar Now ကို ပြောပြပါတယ်။     ။