ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

အိချယ်ရီအောင် (Myanmar Now) ● ဦးကိုနီ လုပ်ကြံခံရမှုအတွက် အမှန်တရား ဖော်ထုတ်ရန် နိုင်ငံရေးနယ်ပယ်က တိုက်တွန်း

အိချယ်ရီအောင် (Myanmar Now) ● ဦးကိုနီ လုပ်ကြံခံရမှုအတွက် အမှန်တရား ဖော်ထုတ်ရန် နိုင်ငံရေးနယ်ပယ်က တိုက်တွန်း
(မိုးမခ) ဇန်နဝါရီ ၄၊ ၂၀၁၇

ရန်ကုန် (Myanmar Now) - ရှေ့နေဦးကိုနီကို လုပ်ကြံသတ်ဖြတ်မှုတွင် ပါဝင်ပတ်သက်သည့် ကွင်းဆက်တရားခံအားလုံးကို ကျောသား၊ ရင်သားမခွဲခြားဘဲ မချွင်းမချန် ထုတ်ဖော်သွားရန် လိုအပ်ကြောင်း နိုင်ငံရေး နယ်ပယ်မှ ထင်ရှားသူများက ပြောလိုက်သည်။

တရားလွှတ်တော်ရှေ့နေ ဦးရောဘတ်စန်းအောင်က အာဏာပိုင်တို့သည် ဥပဒေအထက်တွင် မည်သူမှ မရှိစေရ ဟူသော စကားအတိုင်း အမှုဆုံးခန်းတိုင်အောင် အမှန်တရား ဖော်ထုတ်သွားမည်ဟု ယုံကြည်ကြောင်း ပြောသည်။

“ဒီကိစ္စမှာ သကြားမင်း ပါရင်လည်း သကြားမင်းကို တရားခံထဲ ထည့်ရမှာပါပဲ။ သူတို့အနေနဲ့ ခွဲခြားမှာ မဟုတ်ပါဘူး။ အမှုနဲ့သက်ဆိုင်သူအားလုံး ဖမ်းဆီးပြီး ရုံးတင်နိုင်ရေးကို ကျွန်တော်တို့ အနေနဲ့ တောင်းဆိုသွားမှာပါ။ ဒါဟာ လူမဆန်တဲ့ ကိစ္စပါပဲ” ဟု ဦးရောဘတ်စန်းအောင်က ဆိုသည်။

၈၈ မျိုးဆက် (ငြိမ်းချမ်းရေးနှင့်ပွင့်လင်းလူ့အဖွဲ့အစည်း) မှ ဦးမြအေးက ဤဖြစ်ရပ်သည် ရာဇဝတ်မှု၊ နိုင်ငံရေးလုပ်ကြံမှုဖြစ်ခြင်းကြောင့် ကျူးလွန်သူများ မည်သည့်အတန်းအစား၊ မည်သည့်အဆင့်အတန်းတွင် ပါဝင်စေကာမူ ဖော်ထုတ်၍ တရားဥပဒေအရေးယူရမည် ဖြစ်ကြောင်း ပြောသည်။

“(အာဏာပိုင်တွေက) အမှုအခြေအနေနဲ့ ပတ်သက်ပြီး ပြည်သူလူထုကို ရှင်းရှင်းလင်းလင်း ချပြဖို့ လိုအပ်ပါတယ်။ ဒီအမှုနဲ့ပတ်သက်ပြီး တစ်တိုင်း တစ်ပြည်လုံးကလည်း စိတ်ဝင်စားပါတယ်။ ကျွန်တော် အသက် ၅ဝ ကျော်ပါပြီ၊ ကျွန်တော့် တစ်သက်မှာ ဒီလို ဖြစ်ရပ်မျိုး ဆိုတာကလည်း ကျွန်တော် တစ်ခါမှမကြုံဖူးပါဘူး။ ဒီဖြစ်ရပ်က သိပ်ကို ကြီးကျယ်ပါတယ်။ အဖြစ်မှန်ကို အမှန်အတိုင်း ဖြစ်စေချင်ပါတယ်။ အဖြစ်မှန်ကို ဖော်ထုတ်စေချင်ပါတယ်” ဟု ဦးမြအေးက ပြောသည်။

“နောက်ကွယ်က ကြိုးကိုင်ထားတဲ့သူတွေ ရှိမယ် ဆိုရင်လည်း ဇစ်မြစ်အထိ ဖော်ထုတ်ပြီးတော့ အရေးယူ ဆောင်ရွက်တာမျိုးကို ဖြစ်စေချင်ပါတယ်။ အဲ့ဒီအတွက်လည်း ကျွန်တော်တို့ နီးနီးကပ်ကပ်စောင့်ကြည့်နေပါ တယ်”

အမျိုးသားလွှတ်တော်မှ အမတ်တစ်ဦးဖြစ်သူ ဦးခင်မောင်မြင့်(ခ)ဦးချိုကလည်း အမှုမှန် အမြန်ဆုံး ပေါ်ပေါက်ရန်အတွက် သက်ဆိုင်ရာဌာနများအနေဖြင့် ပြည်သူလူထုနှင့် ပူးပေါင်းသင့်သည်ဟု ပြောသည်။

အမှုဖော်ထုတ်စဉ်ကာလအတွင်း မပွင့်မလင်းသည့် အခြေအနေများ ဖြစ်ပေါ်လာပါက အမှုမှန် ပေါ်ပေါက်စေရန်အတွက် လွှတ်တော်လမ်းကြောင်းမှ လုပ်ဆောင်သွားမည်ဖြစ်ကြောင်း ကချင်ပြည်နယ် မဲဆန္ဒနယ် (၉) ကိုယ်စားလှယ် ဦးခင်မောင်မြင့်က ပြောသည်။

“ပွင့်လင်းမြင်သာတဲ့ခေတ်ဆိုတော့ ပွင့်ပွင့်လင်းလင်းပဲ လုပ်ရမှာပေါ့။ အကောင်ကြီးသည်ဖြစ်စေ၊ အကောင်သေးသည်ဖြစ်စေ ဘာပဲဖြစ်ဖြစ် အမှုမှန်ပေါ်ဖို့ပဲ။ လွှတ်တော်ကိုယ်စားလှယ် တစ်ယောက်အနေနဲ့ ထောက်ခံပါတယ်။ ဘာပဲဖြစ်ဖြစ် ရေ၊ မြေ အဆုံးထိတော့ လိုက်လုပ်ရမှာပါ” ဟု ဦးခင်မောင်မြင့်က ပြောသည်။

“လူထုအခြေပြုတဲ့ လူထုခေတ်ကြီးမှာ လူထုတွေ ပါဝင်ပြီးတော့ လုပ်တာပဲလေ။ အခုဖမ်းတော့လည်း လူထုကပဲ ဖမ်းပေးတာပဲလေ၊ ရဲတွေက နောက်မှရောက်လာတာလေ။ သူတို့က အဆုံးထိ မလုပ်ရင်လည်း လုပ်အောင် ကျွန်တော်တို့က ဘေးက ဝန်းရံမှာပါ”

လူ့အခွင့်အရေး ပညာပေးအဖွဲ့ဖြစ်သော Equality Myanmar မှ ညွှန်ကြားရေးမှူး ဦးအောင်မျိုးမင်းကလည်း ရန်ကုန်လေဆိပ် လုပ်ကြံမှုကြီးကို တရားဥပဒေအရ ဖော်ထုတ်နိုင်မည်ဟု ယုံကြည်မှုပေးရမည်ဖြစ်သည်ဟု မှတ်ချက်ချသည်။

“ထိုက်သင့်တဲ့ ပြစ်ဒဏ်တွေ အရေးယူမှုတွေမရဘူးဆိုရင်တော့ ကျွန်တော်တို့ဘယ်လိုမျိုးတရားဥပဒေကို ယုံကြည်ရမှာလဲ။ တရားဥပဒေကို ယုံကြည်မှုမရှိဘူးဆိုရင်တော့ တိုင်းပြည်ပျက်တာပါဘဲ။ ဒီဖြစ်စဉ်က ဦးကိုနီကို မုန်းတီးတဲ့သူတစ်ယောက်က သတ်ဖြတ်တာမဟုတ်ဘဲနဲ့ တကယ်လူ့အခွင့်အရေး ကာကွယ်စောင့်ရှောက်သူ အားလုံးကို ဒီလိုမျိုးလုပ်လို့ရတယ်ဆိုတဲ့ စိန်ခေါ်မှုတစ်ရပ်ဖြစ်ပါတယ်။ သူတစ်ယောက် သေဆုံးသွားပေမယ့် သူလိုမျိုးလိုက်လုပ်မယ် သူတွေအပေါ်မှာ စိုးရိမ်မှုတွေဖြစ်လာတယ်။ စိုးရိမ်မှုတွေ စောင့်ထိန်းပေးနိုင်ဖို့က တရားမျှတမှုနဲ့ တရားအတိုင်း စီရင်နိုင်ဖို့ဆိုတဲ့ အကြောင်းအရာနဲ့ပြန်လည်ကုစားမှသာရပါလိမ့်မယ်။” ဟု သူကဆိုသည်။

တရားလွှတ်တော်ရှေ့နေ၊ အမျိုးသားဒီမိုကရေစီအဖွဲ့ချုပ် ဗဟိုဥပဒေအကြံပေး ဦးကိုနီသည် ဇန်နဝါရီလ ၂၉ ရက်နေ့က ရန်ကုန်လေဆိပ်တွင် လုပ်ကြံခံရသဖြင့် သေဆုံးခဲ့သည်။ သေနတ်သမားကို လိုက်လံ ဖမ်းဆီးသူများထဲမှ အငှားယာဉ်မောင်းတစ်ဦးဖြစ်သူ ဦးနေဝင်းလည်း ပစ်ခတ်ခံရပြီး သေဆုံးသွားသည်။

အမှုတွင် ပါဝင်ပတ်သက်သူဟု ယူဆရသည့် ဦးအောင်ဝင်းဇော်ကိုလည်း လုပ်ကြံမှုအပြီး ၁၂ နာရီအတွင်း ကရင်ပြည်နယ်တွင် ဖမ်းဆီးမိပြီးဖြစ်ကြောင်း နိုင်ငံတော်သမ္မတရုံးက ဖေဖော်ဝါရီ ၃ ရက်နေ့တွင် သတင်းထုတ်ပြန်သည်။

လုပ်ကြံမှုမတိုင်ခင် ရန်ကုန်ရှိ ဘုန်းကြီးကျောင်းတစ်ခုတွင် တစ်လခန့် တည်းခိုနေထိုင်ခဲ့သူ သေနတ်သမား ဦးကြည်လင်းကို လေဆိပ်တွင် ဖမ်းဆီးရမိပြီး စစ်ဆေးချက်များ၊ တွေ့ရှိချက်များအရ ဦးအောင်ဝင်းဇော်ကို ခြေရာခံနိုင်ခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။

ပြည်သူများအနေဖြင့် ဘာသာရေး၊ လူမျိုးရေး သွေးထိုးလှုံ့ဆော်မှုတို့ကို အထူးသတိပြုကြရန်၊ ယခုဖြစ်စဉ်နှင့် ပတ်သက်ပြီး တည်ငြိမ်အေးချမ်းမှု ပျက်ပြားစေရန် လုပ်ဆောင်သည်များကို တွေ့ရှိပါက အာဏာပိုင်တို့ထံ အကြောင်းကြားရန်လည်း ထုတ်ပြန်ချက်ထဲတွင် မေတ္တာရပ်ခံထားသည်။

ရန်ကုန်မှ ရှေ့နေ ဦးရောဘတ်စန်းအောင်က ဤလုပ်ကြံမှုသည် ကြိုတင်ကြံရွယ်ချက်ဖြစ်သည့် လူသတ်မှုဖြစ်ခြင်းကြောင့် ရာဇတ်သတ်ကြီး ဥပဒေပုဒ်မ ၃ဝ၂ ပုဒ်မခွဲ(၁) ပုဒ်မခွဲ (ခ) အရ သေဒဏ် စီရင်ချက် ချနိုင်သည့်အမှုဖြစ်သည်ဟု ပြောသည်။

ပြစ်မှုကျူးလွန်သည့် နေရာသည် လေဆိပ်တွင်ဖြစ်ခြင်းကြောင့် အကြမ်းဖက်မှုတိုက်ဖျက်ရေး ဥပဒေအရ လည်းကောင်း၊ မြန်မာနိုင်ငံ ဥပဒေပေါင်းချုပ် ဒုတိယအတွဲ လက်နက် (အရေးပေါ်ပြစ်ဒဏ် စီရင်မှု အက်ဥပဒေ) ပုဒ်မ ၂ (၁ - က) အရလည်းကောင်း သေဒဏ်အထိ အပြစ်ပေးနိုင်သော အမှုဖြစ်သည်ဟု သူက ဆက်ပြောသည်။