ပွဲကြည့်သွားသူတယောက်
ကိုပေါက်
စက်တင်ဘာ ၁၃၊ ၂၀၀၈
ကြွေမယ်မှန်းသိရင်
အစကတည်းက မဝေခဲ့ပါဘူး။
အပျံသင်ရင်း စားသုံးရင်း
အခန့်မသင့်တဲ့ မြိုချခြင်းတွေက
သောက်ဖူးတဲ့ ဝိုင်တကျိုက်လို
အဆင်မပြေလိုက်ပုံများ
ငါငိုနေတာ မင်းမြင်လား။
တောက် ...
အကြောင်းကြောင်းတွေကြောင့်ပေါ့ကွာ
မက်ခွင့်မရတဲ့ အိပ်မက်
ရေစုန်မျောမျောသွားတဲ့ မနက်ဖြန်တွေနဲ့
သန်မာတဲ့ ငါ့လက်နှစ်ဖက်တောင်
မင်းမျက်နှာက မှဲ့လောက်မှ
အိနြေ္ဒမရလိုက်တာ
တူးခါးခါး ဘဝအရည်တွေ
လည်မျိုမှာ တစ်ဆို့ဆို့နဲ့
ဆန္ဒနဲ့ဘဝ တထပ်တည်းမကျလိုက်ပုံက
ကြည့်ချင်တာ မင်းသား
ပွဲထွက်တော့ လူရမ်းကား။
Comments