လဲနေသူကို ထူ၊ အားနည်းသူကို အားပေးဖို့
မောင်ရစ်
ဒီဇင်ဘာ ၃၀၊ ၂၀၀၈
မိုးမခ ၀ိုင်းတော်သားတွေကိုတော့ စာမူတောင်းထားပါရဲ့။ ၂၀၀၈ ကနေ ၂၀၀၉ အကူး ဘာလေးတွေများ ရေးချင် ပြောချင်ပါလိမ့် ဆိုပြီးတော့။ ကိုယ်တိုင်လည်း ရေးရဦးမှာပါပဲ။
၂၀၀၈ နာဂစ်အလွန်မှာ ပြည်ပစေတနာ့ဝန်ထမ်းကူညီသူတွေထဲက တချို့ ထင်မြင်ချက်ပေးတာက - စစ်တပ်က မြန်မာပြည်သူတွေရဲ့ စိတ်ဓာတ်တွေကို တစစီဖြစ်အောင် ရိုက်ချိုးပစ်လိုက်တာပဲ တဲ့။ နာဂစ် အပျက်အစီးပုံ၊ အလောင်းပုံအောက်က ကုန်းရုန်းထလာရတဲ့ ပြည်သူတွေမှာ သူတို့ အသက်ကလေး ပြန်မွေးရဖို့အရေး စစ်အာဏာပိုင်တွေအောက်မှာ အောက်ကျို့ဝပ်တွားနေလိုက်ရတာ … တဲ့။ ငါတို့မှာလည်း မင်းတို့ပြည်သူတွေကို ကယ်ရဖို့အရေး မင်းတို့စစ်အာဏာရှင် မျက်စောင်းအောက်မှာ မျက်မွှေးတောင် မော်မကြည့်ရဲဘဲ ၀င် ကယ်နေရပါ သတဲ့။
ပြီးတော့ နာဂစ်ဘေးသင့် ပြည်သူတွေနဲ့ အစိုးရ ယန္တရားကို ကယ်တင် ထူထောင်ဖို့ထက် သူတို့ အခြေခံဥပဒေကို အတည်ပြုဖို့အရေးနဲ့ အာဏာလက်မလွတ်ရေးက အဓိကဖြစ်နေတော့ နေ့ချင်းညချင်းပဲ နာဂစ်မုန်တိုင်းရဲ့ မြန်မာပြည်သူ အလောင်းပုံအပေါ်မှာ ၂၀၀၈ စစ်အစိုးရ အခြေခံဥပဒေ အလံကို စိုက်ထူလိုက်တော့ အမိုက်တကာ မိုက်ထိပ်ခေါင်တင်တွေ ဆိုတာ ပိုပြီး ထင်ရှားခဲ့တာပေါ့။
ဒါ့အပြင် အမျိုးသားရေးတက်ကြွသူတွေ၊ ရဲရင့်သူတွေကို ၂၀၀၈ အောက်တိုဘာက စတင်ပြီး ပြင်းထန်တဲ့ ထောင်ဒဏ်တွေ ချမှတ်ပြီး အရေးယူ၊ တရားဥပဒေကြောင်းအရ လိုက်ပါဆောင်ရွက်သူ ရှေ့နေတွေကိုပါ ရန်ရှာ၊ ထောင်ချ။ ဒါ့အပြင် ပြင်ပက မိသားစုတွေ လက်လှမ်းမမီတဲ့ အဝေးက အစွန်အဖျားထောင်တွေကိုပါ ပိ်ု့ပစ်ခဲ့ပါတယ်။
နိုင်ငံတကာရဲ့ ဖိအားနဲ့ တောင်းဆိုမှုတွေကို သူတို့က ဖီဆန်ပြီး ဖိနှိပ်ချုပ်ချယ်မှုတွေ တိုးမြှင့်ခဲ့လို့ ကုလသမဂ္ဂရဲ့ ဆက်သွယ်ရေး လမ်းကြောင်းတွေတောင် ရပ်ဆိုင်းကုန်ရပြီ ဖြစ်ပါတယ်။ သံဃာတော်တပါးကတော့ ကုလအတွင်းရေးမှူးချုပ်ကို မြန်မာပြည်ကို သွား တောင်းဆိုစေချင်ပါသတဲ့။ သွားလည်း မထူးပါဘူးလို့ ပြန်ပြောလိုက်တော့ အဲဒါကို ထင်ရှားစေချင်လို့ သူ့ကို သွားစေချင်တာတဲ့။ ဒါမှ လုံခြုံရေးကောင်စီကို မြန်မာစစ်အစိုးရကို အရေးယူပေးဖို့ ထပ်မံ တောင်းဆိုနိုင်မှာ တဲ့။
အဲဒါကို မြန်မာအရေး ကျွမ်းကျင်သူ မိတ်ဆွေတွေကို မေးကြည့်တော့ သူတို့က လုံခြုံရေး ကောင်စီတင်တော့လည်း ဟိုဖက်က စစ်အာဏာရှင်မိတ်ဆွေ ဗီတိုပါဝါရှင်တွေက ပယ်ချမှာပါပဲ တဲ့။ သို့သော် လုံခြုံရေးကောင်စီမှာ “မြန်မာအရေးလမ်းဆုံး” ကို အစကတည်းက မတင်လာနိုင်အောင် ထို ဗီတိုတွေက ကုလအတွင်းရေးမှူးချုပ်ကြီး မသွားအောင် ကြိုတင် ကာဆီးထားပုံ ရတယ် လို့ သူတို့က ပြောပါတယ်။
သွားလည်း မထူး၊ မသွားလည်း မထူးတဲ့အတူ ဘာတွေ လုပ်ကြရမှာလဲ လို့ ဘေးပတ်ဝန်းကျင်ကို မေး ကြည့်လိုက်တော့ တချို့က ဒီစစ်အစိုးရနဲ့ လက်တွဲကြဖို့အရေး ဗျို့ဟစ်လာကြတာကလည်း တမှောင့် ဖြစ်လာပါတယ်။
သူတို့က “အင်ဂိတ်” လုပ်ကြပါစို့ … တဲ့။
၂၀၀၈ တနှစ်တည်းရဲ့ မှတ်တမ်းတွေနဲ့တင် မြန်မာပြည် စစ်အစိုးရကို လက်ဖျားခါနေရချိန်မှာမှ သူတို့က (တချို့က) စစ်အစိုးရနဲ့ အင်ဂိတ် (Engage) လုပ်မယ်ဆိုလာတော့ အမှန်တရားနဲ့ တရားမျှတမှုတို့ခင်ဗျာ ဒီခေတ်ကြီးထဲ တော်တော် ခေတ်မစားတော့ပါကလားလို့ သတ္တုချရတော့ မလို ဖြစ်လာပါတယ်။ အမှန်တရားနဲ့ တရားမျှတမှုတို့ဟာ မြန်မာပြည်က အဖိနှိပ်ခံ မျက်နှာမွဲများနဲ့ တတန်းစားတည်း ဖြစ်ပြီး သူတို့တွေ ကျောခိုင်းခြင်း ခံလိုက်ရပါလား လို့ တွေးမိပါတော့တယ်။
မဖြစ် ဖြစ်တဲ့နည်းနဲ့ မြန်မာပြည်ကို ဒီမိုကရေစီဇာတ်သွင်းကြရာဝယ် အာဏာရှင်ခြုံစောင်ထဲ တိုးဝင်ပြီးမှ “တိုးတိုးတ်ိတ်တိတ်” ဒီမိုကရေစီဆေး တိုက်ကျွေးကြရေးကို ပြည်တွင်း ပြည်ပက တချို့တလေက လက်သီးလက်မောင်းတန်းပြီး ပြောလာတာကို တွေ့ရပါတယ်။
မီးတောင်မှ လာအောင် လုပ်မပေးနိုင်တဲ့ အာဏာရှင်ကို အမှောင်ထဲ ခြုံစောင်အောက် (အာဏာရှင်လက်ပါးစေတို့ရဲ့ အရေကို ခြုံပြီး) ဒီမိုကရေစီဆေး သွားတိုက်ကြမယ်ဆိုတော့ အပေါက်နဲ့ အလမ်း တည့်ကြပါ့မလားလို့ ဆင်ခြေလေး ထုတ်မိပါတယ်။ ပါးစပ်ပေါက်ထဲမ၀င်ဘဲ အပေါက်တလွဲ မျက်စိထဲ ခပ်မိလို့ မျက်ခမ်းတွေစပ်လှချည်ရဲ့လို့ ခပ်ထုတ်ခံကြရမှဖြင့်ပေါ့နော်။
“အင်ဂိတ်” ဆက်လုပ်ကြရမှာက အဖိနှိပ်ခံပြည်သူတွေကို ဖြစ်ပါတယ်။ အာဏာ၊ ပါဝါ၊ ငွေကြေး ဥစ္စာကို မက်လို့ ဒါနဲ့ ပြစားပြီး သူတို့ကို ဒီမိုကရေစီဇာတ် သွင်းစရာကို မလိုတဲ့ အမှန်အကန် ပြည်သူတွေ မိဘတွေ ကျောင်းသား လူငယ်တွေပါ ခင်ဗျာ။ သူတို့က အမှန်တရားနဲ့ တရားမျှတမှုကို အရိုးအရှင်းအတိုင်းလေးပဲ လိုချင်တာပါ။
နှစ်စဉ် လစဉ်တိုင်းမှာ သူတို့ဆုံးရှုံးခဲ့ရတဲ့ သားသမီး မိဘတွေကို ရည်စူး ဆွမ်းသွတ်ရင်းနဲ့ ကြံ့ကြံ့ခံနေတဲ့ ပြည်သူတွေ၊ အပတ်စဉ် ရှိစုမဲစုကို လမ်းစရိတ်လုပ်၊ ထောင်ဝင်စာ ထုတ်ပိုးပြီး မတရာအကျဉ်းကျနေတဲ့ သားချင်းတွေအတွက် အံခဲထားတဲ့ ဆွေမျိုးသားချင်းတွေ၊ ရပ်နီး ရပ်ဝေးတွေမှာ မိဘ သားသမီးတွေနဲ့ ခွဲခွာပြီး မင်းဘေး မင်းဒဏ်သင့်လို့ ရှောင်တိမ်းပြေးလွှားနေရတဲ့ အပြစ်မဲ့တဲ့ အဖိနှိပ်ခံတွေကို အခုလို အချိန်မျိုးမှာ ပိုလို့ ဆထက် ထမ်းပိုးတိုးလို့ စိတ်ပိုင်းဆိုင်ရာ ရုပ်ပိုင်းဆိုင်ရာ အဖက်ဖက်က ပိုပြီး “အင်ဂိတ်” လုပ်ကြဖို့ မလိုပေဘူးလားဗျာ။
ကိုယ့်အိမ် ကိုယ့်ယာကို မီးကလေး ရေကလေးတောင်မှ တဆိတ် မှန်မှန်လာအောင် မလုပ်ပေးနိုင်ဘဲ အစိုးရမင်း တက်လုပ်နေသူတွေကို “အင်ဂိတ်” လုပ်ကြမယ့်အစား အဖိနှိပ်ခံ အပယ်ခံ ကျောခိုင်း မေ့ပစ်ခြင်းခံထားရတဲ့ နိုင်ငံရေး အကျဉ်းသားတွေ၊ အတိုက်အခံခေါင်းဆောင်တွေ၊ သပိတ်မှောက် သံဃာတော်တွေ၊ မိဘ သားချင်းတွေ၊ ကျောင်းသား လူငယ်တွေကို ပွဲကြည့်ပရိသတ်ပြည်သူလူထုကြီးက အာဏာရှင်မျက်စောင်းကို ဖီဆန်ပြီး ၀ိုင်းဝန်း အားပေး လက်တွဲ ရပ်တည်ကြရေးကို အရှိန်မြှင့်ကြဖို့ တဆိတ်ကလေးများ မလိုကြဘူးလားလို့ ပညာရှိကြီးများကို ရွှေနားတော်သွင်းလိုက်ချင်ပါရဲ့။
“လဲနေသူကို ထူပေးပါ။ အားနည်းသူကို အားပေးပါ။ ပြိုင်တူတွန်းလျင် ရွေ့နိုင်ပါသည် …” ဆိုတာ မူလတန်းဖတ်စာမှာကတည်းက သင်ခဲ့ရတာပါ။ “လူမိုက်ဆိုလျင် ရှောင်သွေလွဲလို့ မမှီဝဲနဲ့ ကင်းအောင်နေ …” ဆိုတာကလည်း ငယ်ငယ်ကပဲ သင်ခဲ့ရတာပါ။ ကျနော်တို့ ခင်ဗျားတို့ မူလတန်းစာလောက်တော့ သေစာ ရှင်စာလေး ဖြစ်ဖြစ် ကျေခဲ့ကြမယ် ထင်ပါရဲ့ …။ ။
Comments
မူလတန်းစာကို မကျေခဲ့ကြလို့လား .....
မေ့နေလို့လားမှမသိတာ .....
ဒါမှမဟုတ် အများအကျိုးအတွက် ပြည်သူလူထုအတွက် တိုင်းပြည်အတွက်ဆိုပြီး အသံကောင်းဟစ် လူတတ်ကြီးလုပ်ကာ ..... ကိုယ့်ကိုယ်ကျိုးစီးပွါးကို
တည်ဆောက်ချင်လို့ဘဲနေမှာပါ .....
သူတို့အစားရှက်မိပါရဲ့ .........
ကိုမောင်ရစ်ရေ ...... သူတို့ ရှက်တတ်ရင်ရင် ရှက်လောက်ပါရဲ့ ..... ဒါပေမဲ့ .... အသိတရားမရှိတာကခက်တယ် .