မိုးမခအထောက်တော် ၀၀၃
အောက်တိုဘာ ၃၁၊ ၂၀၀၉
ကဗျာဆရာ မောင်စိမ်းနီ၏ သား၊ အလင်္ကာဝတ်ရည် ဂျာနယ်တိုက်တွင် လုပ်ကိုင်နေသူ ကဗျာဆရာ ခန့်မင်းထက်ကို အောက်တိုဘာ ၂၂ တွင် စစ်ထောက်လှမ်းရေးက နေအိမ်သို့ သွားရောက်ပြီး ဖမ်းဆီးခဲ့သည်ဟု သိရသည်။ အောက်တိုဘာ ၂၅ တွင် ဂျာနယ်တိုက်ရှိ ကွန်ပျုတာမှ အချက်အလက်များ သိမ်းဆည်းသည့် ဟတ်ဒ်ဒရိုက်ကို စစ်တပ်က လာရောက် ဖြုတ်ယူသွားခဲ့သည်ဟု ဆိုသည်။
“သူ့ကလေးတွေ ရှေ့မှာ လာဖမ်းတာ ဆိုတော့ ကလေးတွေက ရိပ်မိပုံရတယ်ဗျာ။ သမီးကလေးက ၄ နှစ် ဆိုတော့ လူတွေလာရင် မေး မေး နေတယ်။ သူက အစာအိမ်လည်း မကောင်းဘူး။ သွေးတိုးလည်း ရှိတယ်။ မိသားစုက ခဏမေးစရာရှိလို့ ခေါ်သွားတယ် ထင်နေတာက အခုထိ အချိန်တွေ ကြာသွားတယ်။ စုံစမ်းလို့လည်း မရတော့ဘူး။ ဘာမှလည်း အကြောင်းမကြားဘူးဆိုတော့ စိုးရိမ်ရတဲ့ အခြေအနေ ဖြစ်လာတယ်”
ဟု မိတ်ဆွေတဦးက မိုးမခသို့ ပြောပြသည်။
လွန်ခဲ့သည် ရက်သတ္တပတ်အတွင်း စာပေလောကမှ စာပေသမားများ၊ သတင်းသမားများကို စစ်အစိုးရက လိုက်လံ ဖမ်းဆီးမှုများ ပြုလုပ်လျက်ရှိရာ ယခုဆိုလျင် လူ ၂၀ နီးပါးရှိပြီဟု ခန့်မှန်း ပြောဆိုနေကြသည်။
“ စာပေနယ်ထဲမှာ အစိုးရသတင်းပေးတွေက သူတို့မကျေနပ်တာနဲ့ အဲသလိုမျိုး မျိုးစုံ အမှုဆင် စွပ်စွဲပြီး ခြိမ်းခြောက်တာ၊ ဖမ်းဆီးခိုင်းတာတွေ လုပ်တယ်။ ဒါ့အပြင် တချို့လူကြီးတွေ ကိုယ်တိုင်က ပေးစာတွေ၊ ပစ်စာတွေနဲ့ လူငယ်တွေ၊ အခြားတိုက်က လူတွေကို ဒုက္ခရောက်အောင် လုပ်လေ့ရှိတယ်။ ဘယ်လိုပဲ ဖြစ်ဖြစ် စစ်တပ်က အမြတ်ထွက်တာပဲ။ ကျနော်တို့တတွေမှာ မိသားစုတွေ၊ ဘ၀တွေ၊ စားဝတ်နေရေးတွေ ထိခိုက် ပျက်စီးကြရတယ်” ဟု ၎င်းက မှတ်ချက်ပေးသည်။
Comments