ထိုင်းနိုင်ငံခရီးသွား (၁)
ဘန်ကောက်လေဆိပ် နဲ့ ဆေးရုံ
ကျော်ကျော်
နိုဝင်ဘာ ၉ ၊ ၂၀၀၉
ထိုင်းနိုင်ငံ ဘန်ကောက်မြို့ကို အောက်တိုဘာနဲ့ နိုဝင်ဘာအတွင်း ၃ ပတ်ခရီးထွက်ခဲ့ပါတယ်။ ခရီးစဉ်အတွင်းကြုံရာမြင်ရာ ဓာတ်ပုံတချို့ရယ် နောက်ပြီး ဘန်ကောက်ကို အလည်သွားရင် အသုံးဝင်မယ်လို့ထင်တဲ့ အချက်အလက်တချို့ကို ဝေမျှဖို့ ရည်ရွယ်ပြီး ရေးလိုက်တာပါ။
မှတ်စု(၁)
ခရီးစဉ်အသွားအပြန်တခုလုံးကို China Airlines နဲ့ သွားခဲ့ပါတယ်။ ချိုင်းနားအဲယားရဲ့ လက်မှတ်က အခြားလိုင်းထက် သက်သာပါတယ်။ အေးဂျင့်တွေကနေတဆင့် ၀ယ်စရာမလိုပါဘူး၊ www.china-airlines.com ကနေ တိုက်ရိုက်လွယ်ကူစွာ မှာယူလို့ရပါတယ်။ အမေရိကန် ဆန်ဖရန်စစ်စကို ဘေးဧရိယာအတွင်း နေထိုင်သူများ လေဆိပ်အသွားအပြန် အခက်အခဲရှိသူတွေအတွက် east bay shuttle ဗင်ကားကုမ္ပဏီရဲ့ ၀န်ဆောင်မှုဟာ အလွန်ကောင်းပါတယ်။ အခြားသူများနဲ့မရောပဲ သီးသန့်ကြိုပို့တယ်၊ ကားတွေကသန့်တယ်၊ ဒရိုင်ဘာတွေလည်း ဆက်ဆံရေး အလွန်ကောင်းပါတယ်။ ကြိုပို့ကားကို မှာဖို့အတွက် eastbayshuttle.net မှာ ဘွတ်ကင်လုပ်နိုင်ပါတယ်။
ဘန်ကောက်အပြည်ပြည်ဆိုင်ရာ သုဝဏ္ဏဘုံမိလေဆိပ်(Suvarnabhumi Airport) ကို ရောက်တဲ့အခါ လူဝင်မှုကြီးကြပ်ရေးကောင်တာဖြတ်၊ အထုတ်အပိုးတွေရွေးပြီးရင် Arrival Exit ကိုရှာပြီး အပြင်ကိုထွက်ပါ။ လေဆိပ်အတွင်းမှာ အခမဲ့ယူနိုင်တဲ့ ဘန်ကောက်မြေပုံတခုကို ယူထားလိုက်ပါ။ ဓာတ်လှေကားနဲ့ အောက်ထပ်ကိုဆင်း၊ Public Taxi ဆိုင်းဘုတ်ကိုရှာပြီး အပြင်ကိုထွက်သွားလိုက်ရင် အ၀ါနဲ့အစိမ်းရောင်ပါ တက်စီကားတွေ စီတန်းထားတဲ့နေရာကို တွေ့ရပါမယ်။ ကောင်တာမှာ မိမိသွားလိုတဲ့နေရာကိုပြောပြရင် ဈေးနှုံးသိရပါမယ်။ ဥပမာ ကျနော်တည်းခိုတဲ့ စူကွန်ဗစ်အရပ်(Sukhumvit)ဆိုရင် ဟိုင်းဝေးဂိတ်ကြေးအပါအ၀င် ထိုင်းဘတ်ငွေ ၄၀၀ (ခရီးသည်နဲ့ပစ္စည်းများရင် ၅၀၀) ဟာ ပုံမှန်ဈေးနှုံးဖြစ်ပါတယ်။ ဒရိုင်ဘာတွေက ဟိုင်းဝေးဂိတ်ကြေး ၂ ခု အတွက် (၄၅ + ၂၅) ဘတ် ၇၀ ပေးရပါတယ်။
လေဆိပ်ကနေမြို့တွင်းကိုသွားဖို့ ပိုပြီးအကုန်အကျသက်သာတဲ့ အခြားနည်း၂ခုကတော့ ဘတ်စ်ကားလိုင်းနဲ့ ဖြစ်ပါတယ်။ အထုတ်အပိုးနည်းနည်းနဲ့ စုံတွဲ သို့မဟုတ် တယောက်တည်းသမားအတွက် ပိုသင့်တော်ပါတယ်။ မိမိသွားလိုတဲ့ နေရာပေါ်မူတည်ပြီး Airport Express Bus AE01,02,03,04 လေးလိုင်းရှိပါတယ်၊ လူတယောက်ကို ဘတ် ၁၅၀ ပေးရပါတယ်။
အသက်သာဆုံးကတော့ ရိုးရိုးဘတ်စ်ကားလိုင်း ဖြစ်ပါတယ်။ ၂ ဆင့်စီးရပါတယ်။ public taxi စီးရမဲ့နေရာရဲ့ ညာဖက်ကိုဆက်လျှောက်သွားပါ၊ အဆုံးနားမှာ ဘတ်စ်ကားမှတ်တိုင်လေးနဲ့ ထိုင်ခုံတန်းလေးတွေ့ရပါမယ်၊ အဲဒီမှာ ဘတ်စ်ကား စောင့်ရပါမယ်။ Airport shuttle/bus ဆိုတဲ့ကား မှတ်တိုင်မှာလာရပ်ရင် တက်စီးသွားပါ၊ အဲဒီဘတ်စ်က အခမဲ့ဖြစ်ပါတယ်။ လေဆိပ်ကနေ ထွက်ခွာပြီး ၁၅ မိနစ်လောက်အကြာမှာ bus terminal (ဘတ်စ်ကားဂိတ်ဝင်းအကြီးကြီး) မှာ ရပ်တယ်၊ အဲဒီမှာဆင်းပြီး ဆိုင်းဘုတ်ကြီးတခုမှာ ကိုယ်သွားချင်တဲ့ လမ်းနာမည်ကိုရှာပြီး သက်ဆိုင်တဲ့ ဘတ်စ်ကားနံပတ်မှာ သွားစီးရပါတယ်။ ကျနော်တည်းတဲ့ စူကွန်ဗစ်လမ်းကို ၃၄ ဘတ်ပဲ ပေးရပါတယ်။ ဒါပေမဲ့ အချိန်အကြာကြီး(၁ နာရီခွဲလောက်) စီးရပါတယ်။
![](https://blogger.googleusercontent.com/img/b/R29vZ2xl/AVvXsEhiyRnkNxunRP_fJqmS_9dq2Usi6C6wqaf9MUf-bjRzF0h8Wtj2iyRw_vRLfnWHo0Of3TdtUBDio306uQEwBTzvFaW69MAygQ_eMCq1BfanScmO0p2oMwQSo4JF0_384nAovSqw6WHE8T_8/s320/bangkok-bus-4.jpg)
![](https://blogger.googleusercontent.com/img/b/R29vZ2xl/AVvXsEgD-WcVp04qb7TMkE-f9k6dOZwa4XMg9Es9-tFohUayBIAdD4qNhQQYWP6UlCl4mogSfsv1y0yYUfVqKyABR9OFb4hllqw0i3MUTVn23xKIEllhwG2tWz8HFLVB2G9HGI1PgeqAnoJntY1Q/s320/bangkok-bus-5.jpg)
![](https://blogger.googleusercontent.com/img/b/R29vZ2xl/AVvXsEhqoIv79Y3S-lG_RYgY9yUzp5UbYunbEO7xVb7wRPB4yFsYprMkjOmCPUyU1uq7XsgLmfl-wtzPmgyzytdSoZtlbBXqPeG62jD3EahePhGnUvnPrr9670wyC4cfUvoXZFVhlnl5h8WD569W/s320/bangkok-bus-2.jpg)
ဘန်ကောက်မှာ အမေက ကျန်းမာရေးစစ်ဆေးဖို့လည်း ရှိနေတယ်ဆိုတော့ သူသွားနေကျ ဘန်ရမ်ဂရတ်ဆေးရုံ(Bumrungrad International Hospital) ကိုလည်း ကျနော်ရောက်ခဲ့ပါတယ်။
အဲဒီဆေးရုံရဲ့ နာမည်ကျော်ကြားမှု ၀န်ဆောင်မှုကောင်းမှုကိုတော့ အထူးမရေးတော့ပါဘူး။ bumrungrad.com မှာ သွားပြီးလေ့လာလို့ရပါတယ်။ ဆေးရုံက Sukhumvit soi 1 စူကွန်ဗစ်လမ်းမကြီး လမ်းသွယ် (၁)နဲ့(၃) ကြားမှာ တည်ရှိပါတယ်။ ကျနော်တို့က လမ်းသွယ်(၁)က တိုက်ခန်းတခုမှာနေပါတယ်။ ဆေးရုံက မျက်နှာချင်းဆိုင်မှာဆိုတော့ အမေဆေးစစ်ဖို့အတွက်သာမက အစာစားဖို့ အင်တာနက်သုံးဖို့အတွက် မကြာခဏ ဆေးရုံကိုရောက်ဖြစ်ပါတယ်။
![](https://blogger.googleusercontent.com/img/b/R29vZ2xl/AVvXsEhG5zJxGbTT6NbVJV0SKbeNMag_MBx2BBLy__mR2vdQARjoqG-T9P-hLkTGUoAy70JepmqvA-L3o1y2k_DHkiTvn4lYx7mJZsdZgFvwxYjB38MM_qgqwlmzEP8owBwZnz4fOXerXKWBnixu/s320/bangkok1.jpg)
![](https://blogger.googleusercontent.com/img/b/R29vZ2xl/AVvXsEiCR8-qbi5sg3qVEv3Iwa4SP652XUjPYGefLvclq2lbFuHTp54JAQQlvDvk5-o8o_3modiCWuIUj36ByQVaTOT5LI2E3lMt6WXEtLDcFijvXo-mUMct9mRFY0OyLT8b1jWB7b_2LO1CeZeZ/s320/bangkok3.jpg)
ဆေးရုံမှာ ဆေးလာကုကြတဲ့ နိုင်ငံတကာကလူနာတွေထဲမှာ မြန်မာပြည်ကလူတွေလည်း မနည်းပါဘူး။ ဆေးရုံအနားတ၀ိုက် တည်းခိုခန်းမှာ စားသောက်ဆိုင်တန်းမှာ ဆေးရုံထဲမှာ နေ့စဉ်လိုလို မြန်မာဧည့်သည်တွေနဲ့ ဆုံတတ်ပါတယ်။ ဆေးရုံထဲက စားသောက်ဆိုင်တွေထဲမှာလည်း မြန်မာပြည်က အလုပ်သမား စုစုပေါင်း ၁၅ ဦးခန့်ရှိတယ်လို့ သိရပါတယ်။ ဒါတင်မကပါဘူး ဘန်ရမ်ဂရတ်ဆေးရုံမှာ မြန်မာစကားပြန်ရှိတယ်၊ ငွေလဲလှယ်ပေးတဲ့ မြန်မာရှိတယ်၊ မြန်မာသူနာပြုတွေလည်း ရှိပါတယ်။
![](http://1.bp.blogspot.com/_st0eUBElSog/SvfkNT_uMCI/AAAAAAAAAsM/UotlbmoTvr8/s320/bumrungrad-hospital-1.jpg)
![](https://blogger.googleusercontent.com/img/b/R29vZ2xl/AVvXsEj78Xpa2viLZs53PhYFhh4Qr52klnVb-XYg9haq_b5CiWoUUsuNyLjzZhqasCZcdtpg1qs_3HLaUCY6y7DQfO8BuPwvw_15rCXRYPh2EmsyYp64ouKU4ndhYuFz2uWP_ZZLKudt5KPYOBBn/s320/bumrungrad-hospital-2.jpg)
အထူးသဖြင့် မြန်မာပြည်ကနေ ဆေးလာကုကြတဲ့ လူနာတွေ အဆင်ပြေဖို့အတွက် ဆေးရုံအနားမှာ တည်းခိုခန်းတွေ၊ apartment (ဟိုမှာ ကွန်ဒုံ condominium လို့ခေါ်တယ်) တွေ၊ တိုက်ခန်းဌားစားတဲ့ မြန်မာကိုယ်စားတွေ ရှိကြပါတယ်။ အကြမ်းဖျင်း အိပ်ခန်း၁ခု နဲ့ အိပ်ခန်း၂ခုပါ တိုက်ခန်းဌားခဟာ တရက်ကို ဘတ် ၉၉၀ နဲ့ ဘတ် ၁၅၀၀ အတွင်းရှိပါတယ်။ (ဒီရက်ပိုင်းအတွင်း ငွေလှဲနှုံးကတော့ ၁ ဒေါ်လာ = ၃၃ ဘတ် ခန့် ရှိပါတယ်)
စူကွန်ဗစ်အရပ်မှာ နေထိုင်သူများအတွက် ငွေလဲလှယ်ဖို့ super rich money exchange ဆိုင်မှာလဲရင် အခြားနေရာတွေထက် နဲနဲပိုရပါတယ်။ တလမ်းထဲမှာ Super Rich ဆိုင်ခွဲတွေ ၄ ခုလောက်ရှိပြီး ဈေးနှုံးတွေအတူတူ ဖြစ်ပါတယ်။ လိပ်စာကတော့ 67-69 Rachadamri Rd ဖြစ်ပြီး Big C စတိုး နဲ့ Central World Plaza နဲ့ နီးပါတယ်။ အရေးပေါ်လဲလှယ်ဖို့ဆိုရင်တော့ နီးစပ်ရာဘဏ်တခုခုမှာ လဲနိုင်ပြီး ၀.၃၀ ခန့််သာကွာခြားပါတယ်။
![](https://blogger.googleusercontent.com/img/b/R29vZ2xl/AVvXsEhL_1gn1dkPy2rQ3oiG1BWZGkvMbRjyL5JdxZNgyALBDfBNBvNkz8DRF_sod0mm28_8vAzDGlSEg_1yYkJAnT-MxzY3O_tc9JV7Dul5zXX2pA7odKmi2N0lOQTnNkg5pBPTHYDSlg7ZrDLQ/s320/super-rich-exchange.jpg)
![](http://3.bp.blogspot.com/_st0eUBElSog/SvgUmTO3DsI/AAAAAAAAAtk/YmIBwQLfWuM/s320/bumrungrad-hospital-8.jpg)
ဘန်ကောက်မှာ အစားအသောက်တွေက ပေါများပါတယ်။ လမ်းဘေးဆိုင်တွေမှာ ခေါက်ဆွဲတပွဲ ၂၅ ဘတ်၊ အုန်းသီးတလုံး ၂၀ ဘတ်၊ သင်္ဘောသီးထောင်း ၄၀ ဘတ်၊ ကန်ဇွန်းရွက်ကြော် ၄၀ ဘတ်၊ ထိုင်းအချိုပွဲ(သရက်သီးနဲ့ ကောက်ညှင်းထမင်း နို့ဆမ်း) ၄၀ ဘတ်။ ဆေးရုံထဲကဆိုင်တွေမှာတော့ ဈေးအနည်းငယ်ပိုပေးရပါတယ်။ ခေါက်ဆွဲ၊ ကြက်ဆီထမင်း၊ ကီးမားပလာတာ၊ ဆန်ပြုတ် တွေက ၅၀ - ၉၀ ဘတ်အတွင်းရှိပါတယ်။ ဒါပေမဲ့ အဲယားကွန်းအခန်းနဲ့ အေးအေးဆေးဆေးတော့ စားသောက်ရပါတယ်။
ဘာပဲဖြစ်ဖြစ် အရှေ့တောင်အာရှမှာတော့ ထိုင်းနိုင်ငံဟာ လည်ပတ်လို့လည်းကောင်း အကုန်အကျလည်း သက်သာတယ်လို့ ဆိုရပါမယ်။ ခရီးသွားမှတ်စုကို ဆက်လက်ရေးသား သွားပါမယ်။
၁။ Bumrungrad Hospital - 33 Sukhumvit Soi 3, Bangkok 10110 (bumrungrad.com)
မြန်မာပြည်အေးဂျင့် - လှကေခိုင်၊ ခင်သန္တာ Summit Parkview Hotel, Yangon, phone – (951) 723999 ext. 238
၂။ ဆေးရုံမြန်မာစကားပြန် - ဒေါ်မြမြ၀င်း(Tammy), phone - 0818014496
၃။ ဆေးရုံအနား အခန်းဌားရန် - ဒေါ်အားရင်(Ah Yin), phone - 0800493175
၎။ အလည်အပတ်အတွက် ကားဌားရန် - ကိုဝင်းလွင်, phone – 0863022672
၅။ လေယာဉ်လက်မှတ်စုံစမ်းဖို့ - www.china-airlines.com
Comments