U Win Tin talks about his book

"ဘာလဲဟဲ့ လူ့ငရဲ" အကြောင်း သိကောင်းစရာ
အင်တာဗျူး
ဧပြီ ၂၃၊ ၂၀၁၀

[ မူရင်း - ဗီအိုအေ မြန်မာပိုင်း http://www.voanews.com/burmese/2010-04-21-voa9.cfm ]

သတင်းစာဆရာကြီး ဟံသာဝတီ ဦးဝင်းတင် က အသက် ၈၀ ပြည့်နှစ် မွေးနေ့အထိမ်းအမှတ်အဖြစ် ထုတ်ဝေလိုက်တဲ့ "ဘာလဲဟဲ့ လူ့ငရဲ" အမည်ရှိ စာအုပ်ဟာ မတရားတာ ခေါင်းငုံ့ မခံဘဲ အမှန်အတိုင်း တင်ပြတာဖြစ်ပြီး ဒေါသနဲ့ ရေးတာမဟုတ်ဘဲ ဒေါသဆိုတာ ပါခဲ့ရင်တောင်မှ ကရုဏာဒေါသောသာ ဖြစ်ကြောင်း ပြောဆိုပါတယ်။ ဒီစာအုပ်ဟာ ဦးဝင်းတင် ဖမ်းဆီးအချုပ်ခံကာလ အနှစ် ၂၀ ထောင်တွင်း အတွေ့အကြုံတွေကို ရေးသားထားတာ ဖြစ်ပြီး ၂၀၁၀ မတ်လ ဒုတိယအပတ်မှာ ထုတ်ဝေခဲ့တာပါ။ ဒီစာအုပ်နဲ့ ပတ်သက်လို့ ဆရာကြီး ဦးဝင်းတင်ကို ဦးကျော်ဇံသာက ဆက်သွယ်မေးမြန်းပြီး ဒီသတင်းပတ် မျက်မှောက်ရေးရာ ဆွေးနွေးခန်းမှာ သုံးသပ် ဆွေးနွေး တင်ပြပေးထားပါတယ်။

ဦးကျော်ဇံသာ ။ ။ ဟံသာဝတီ ဦးဝင်းတင် အမည်နဲ့ ထုတ်တဲ့ စာအုပ်အမည်က "ဘာလဲဟဲ့ လူ့ငရဲ" ဆိုတာ ရေးထားပါတယ်။ ဆရာရဲ့  ထောင်တွင်း အကျဉ်းသားဘဝ။ ခေါင်းစဉ်ကို ကြည့်ရတာတော့ ဆရာဟာ ကြုံတွေ့ခဲ့ရတဲ့ ငရဲတမျှ ဆင်းရဲတဲ့ဘဝကို ဘာလဲဟဲ့ ဆိုတာ ကြံ့ကြံ့ခံပြီးတော့ စိန်ခေါ်ထားတဲ့ သဘောနဲ့ ရေးတယ်လို့ ထင်ပါတယ်။

ဦးဝင်းတင် ။ ။ ဟုတ်ပါတယ်။ အဲဒီ သဘောပါ။ ကျနော့် ကြုံးဝါးချက်။ ကျနော်တို့ ငယ်ငယ်တုန်းက လောကဓံ ဦးထွန်းလှရဲ့  ဘာလဲဟဲ့ လောကဓံ ဆိုတဲ့ စကားလေးက ကျနော့်ခေါင်းထဲမှာ စွဲနေလို့ ကျနော်ပြန်ပြီး ကြုံးဝါးတာပါ။

ဦးကျော်ဇံသာ ။ ။ ဆရာ ဒီစာအုပ်ကို ရေးတဲ့အခါ စာရေးဆရာတယောက် အနေနဲ့ အဲဒီအချိန်မှာ ဘယ်လိုစေတနာများ ဖြစ်နေပါသလဲ။

ဦးဝင်းတင် ။ ။ အဲဒီ စေတနာကတော့ ဟိုသတင်းစာထဲမှာ ကျနော့်စာအုပ်နဲ့ ပတ်သက်ပြီး ပြင်းပြင်း ထန်ထန် ပုတ်ခတ်တာတွေကို ဖြေရှင်းတာ မရှိပါဘူး။ ဒါပေမဲ့ ကျနော် ပြောချင်တဲ့ဟာကတော့ စေတနာက ဒီနေ့ ဒီစစ်အစိုးရက နှစ်ပေါင်းများစွာ နိုင်ငံရေး အကျဉ်းသားတွေ သို့မဟုတ် ထောင်တွင်းတွေထဲမှာ လူတွေကို ညှဉ်းပန်းတယ်၊ နှိပ်စက်တယ်၊ လူ့အခွင့်အရေးတွေကို ချိုးဖောက်တယ်၊ ဖျက်ဆီးတယ် ဆိုတာက ကြာပြီဗျ။ အဲဒီဟာတွေကို ကျနော်က မှတ်တမ်း တင်ချင်တယ်။ ဒါတွေဟာ လူမဆန်တာတောင် မဟုတ်ဘူး၊ တိရစ္ဆာန်တောင် မဆန်ဘူး။ ဘာဖြစ်လို့လဲ ဆိုတော့ တိရစ္ဆာန်ကမှ တိရစ္ဆာန်အချင်းချင်း ညှာသေးတယ်။ တိရစ္ဆာန် အချင်းချင်း သတ်စားစရာ လိုလို့ သတ်စားတဲ့ သူရဲ့  သဘာဝ လိုအပ်ချက်သာ လုပ်တယ်။ ညှင်းပန်းချင်လို့ သို့မဟုတ် စစ်ကြောချင်လို့ မလုပ်ဘူး။ ဒီမှာကတော့ ထောင်တွေမှာ ဖြစ်နေတာက စစ်ကြောရေး စစ်ထောက်လှမ်းရေးတို့ လုပ်သွားတဲ့ ပုံသဏ္ဌာာန်ပေါ့။ ကျနော်တို့မှာ လူ့အခွင့်အရေး မပြောနဲ့ ထောင်တွေထဲမှာ ခွေးအခွင့်အရေး၊ နွားအခွင့်အရေးတောင် မရအောင် ဖြစ်နေတယ်။ အဲဒါတွေကို ကျနော်က ပြောပြချင်တာပါ။

ဦးကျော်ဇံသာ ။ ။ ဆရာပြောတဲ့ အဲဒီ ဆောင်းပါးထဲမှာ ဒေါသပေါက်ကွဲနေတာ တွေ့ရတယ် ဘာညာ ဆိုတော့ ဆရာအနေနဲ့ ဒီစာအုပ်ကို ရေးတာ တကယ် ဒေါသပေါက်ကွဲ နေသလား။

ဦးဝင်းတင် ။ ။ ဒီလိုတော့ ပြောရမယ်ထင်တယ်။ ကျနော့် ဒေါသက ဘာလဲ ဆိုရင် ဗမာစကားလည်း ရှိပါတယ် ကရုဏာဒေါသော - ဒေါသတော့ ဒေါသ၊ ကရုဏာတွေလည်း ရှိပါတယ်။ ကရုဏာတွေ ဆိုတာ ခံရတဲ့လူတွေအတွက်လည်း ကရုဏာဖြစ်တယ်။ နှိပ်စက်ညှဉ်းပန်းတဲ့ လူတွေအတွက်လည်း ဘာပဲ ပြောပြော ကရုဏာဖြစ်တယ်။ အဲဒီလူတွေဟာ တိရစ္ဆာန် မဆန်တဲ့ အပြုအမှုတွေကို ပြုမှုလောက်အောင် ဖြစ်နေရတဲ့ဟာက ဒီစစ်အာဏာရှင်တွေက ခိုင်းတိုင်း လုပ်နေရလို့။ ခိုင်းတိုင်း လုပ်နေကာ လူစိတ်ကိုပျောက် လူမဆန် လုပ်နေတဲ့ဟာကြောင့် ကျနော်က သတင်းစာတွေမှာ စွပ်စွဲသလို ဒေါသ ဆိုတာတော့ ရှိရင်လည်းရှိမယ်၊ မရှိဘူးလို့လည်း ကျနော် မငြင်းချင်ပါဘူး။ ဒါပေမဲ့ အဲဒီ ဒေါသက ကရုဏာဒေါသောလို့သာ ပြောချင်ပါတယ်။ သူတို့ကို ပြင်စေချင်တဲ့ ဆန္ဒနဲ့ သူတို့ဟာ နည်းနည်းလေး တိရစ္ဆာန်ဆန်နေတဲ့ နေရာကနေ လူဆန်လာအောင် လုပ်စေချင်တဲ့ ကရုဏာနဲ့ ဖြစ်စေချင်တဲ့ ဒေါသလို့ ပြောချင်ပါတယ်။

ဦးကျော်ဇံသာ ။ ။ ဒါပေမဲ့ ဆရာက အဲဒီ ဒေါသလို့ ဆိုတယ်၊ ဆရာကိုယ်တိုင် ကြုံတွေ့ခဲ့ရတဲ့၊ ခံစားခဲ့ရတဲ့ ဆိုးဝါးတဲ့ ညှဉ်းပန်းနှိပ်စက်မှုကို မဖော်ပြပါဘူး။ ဒီမှာသာ မကဘူး ထိန်းသိမ်းခံ ကာလတုန်းက ပါမောက္ခ ပီညဲရိုး (Paulo Sergio Pinheiro) က ပြောပါတယ် ဦးဝင်းတင် ဟာ သူ့ကိုယ်ရေး ကိုယ်တာအရေး တခါမှ မပြောဘူး။ တိုင်းပြည်အတွက်နဲ့ သူများအတွက်သာ ပြောတဲ့အကြောင်း တလေးတစား ပြောပါတယ်။ ဒီစာအုပ်မှာ ကိုယ်ရေးကိုယ်တာ ဖော်ပြထားတာ မတွေ့ပါဘူး။ အဲဒါကိုလည်း ဖော်ပြသင့်တယ်လည်း မထင်ဘူးလား။

ဦးဝင်းတင် ။ ။ ကျနော် မဖော်ပြဘူးလို့တော့ မဟုတ်ဘူး ကျနော် ဖော်ပြပါတယ်။ ဆိုပါတော့ ကျနော် စစ်ကြောရေးတွေ ရောက်တဲ့အခါ ကျနော်ကို ညှဉ်းပန်းတာတွေကို ပြောတယ်။ ဥပမာ အလွယ်ဆုံး နမှုနာ တခု ပြောရင် ကျနော့်ကို ၁၉၉၀ လောက်မှာ သွားတွေ ရိုက်ချိုးတယ်။ အဲဒီလို ခပ်ကြမ်းကြမ်း သွားတွေ ရိုက်ချိုးတယ်။ သွားတချောင်းမှ မရှိဘဲနဲ့ ထောင်ထဲမှာ ၁၉၉၈ နှစ်အထိ ၈နှစ် လုံးလုံး နေခဲ့ရတယ်။ သို့သော် ကျနော်ဟာ တခြားလူတွေ ခံရတာတွေသာ ပြောချင်တယ် ကိုယ့်အကြောင်း သိပ်မပြောချင်ဘူး။ ကိုယ့်အကြောင်းနဲ့ပြောရင် ကိုယ့်ခံရတာတွေ၊ ကြုံတွေ့ခဲ့ရတာတွေ၊ ကိုယ့်ရဲ့  ဒေါသတွေလို့ ဖြစ်နေမယ်။ ကျနော်က တခြားလူတွေ ခံရတာကို ပြောချင်တယ်။ နောက်တချက် ပြောချင်တာက ကျနော်ထင်တယ် ကျနော်ခံရတာက နည်းတယ်။ ဘာဖြစ်လို့လဲ ဆိုတော့ ကျနော် ထောင်ထဲရောက်တဲ့အချိန်မှာ အသက် (၆၀) ကျော်နေပြီးဆိုတော့ အများကြီး သက်သာတယ်လို့ ထင်တယ်။ ကျနော်ထက် ဆိုးတဲ့လူတွေ အများကြီး။ လူငယ်တွေ ညှဉ်းပန်းနှိပ်စက် ခံရတာ။ လူငယ်တွေကို အငတ်ပြတ်ထားတာ၊ လူငယ်တွေကို စိတ်ဓာတ် ပျက်ပြားအောင်၊ စိတ်ဖောက်ပြန်အောင် လုပ်တာတွေနဲ့ ယှဉ်တဲ့အခါကြတော့ ကျနော့်ရဲ့  ခံစားချက်တွေက အလွန်နည်းပါတယ်။ အဲဒါကြောင့် ကျနော် ခံစားချက်တွေကို အခုနပြောတဲ့ သွားတချောင်းမှ မရှိဘဲနဲ့ ၈ နှစ်လောက်ကို သွားစိုက်ခွင့်လည်း မပေး၊ အဲဒီလို နှိပ်စက်ခဲ့တဲ့ဟာတွေ။ နောက်တော့ ကျနော့်ကို နှင်းတောထဲမှာ ညလုံးပေါက် ထားတဲ့ဟာတွေ၊ ကျနော်ရဲ့  လက်တွေခြေတွေကို ဒေါ်အောင်ဆန်းစုကြည် နဲ့ ကျနော် အခန်းကဏ္ဍ "ရုပ်မသေး ကြိုးမကိုင် (စာမျက်နှာ - ၂၂၂)" မှာ ပါတယ် - ကျနော်ကို ရိုက်နှက် ဘာညာလုပ်၊ ထိုးကြိတ်လုပ်တာ ကျနော့် သွေးတွေ ထွက်တာ ရှိတယ်၊ လက်ကျိုးတာတွေ ရှိတယ်။ ဒီဟာတွေကို ပြောသင့်သလောက်ဘဲ ပြောပါတယ်၊ အများကြီး မပြောပါဘူး။ မပြောတဲ့ အကြောင်းကတော့ မစ္စတာပီညဲရိုး (Pinheiro) က တခြားလူတွေ အကြောင်းကို ပြောဖော်ရတယ် ဆိုတဲ့ အတွက် ဂုဏ်တင်ပြောဆိုတာကို ကျေးဇူး တင်ပါတယ်။ သို့သော် ကျနော်ပြောချင်တာက အခုလို ဂုဏ်တင်ခံချင်လို့ ပြောတာ မဟုတ်ဘူး။ ကျနော်ရဲ့  ညှဉ်းပန်း နှိပ်စက်ခံရမှုတွေက ကျန်တဲလူတွေ၊ လူငယ်တွေ၊ ကျောင်းသားတွေ၊ နိုင်ငံရေးသမားတွေ၊ NLD လူငယ်တွေ ထက် အများကြီး သက်သာလို့ ကျနော့်အရေးကို ထုတ်မပြောဘဲနဲ့ နည်းနည်းပဲ ပြောတာပါ။ ကျန်တဲ့လူတွေဟာ အများကြီး ခံရပါတယ်လို့ ပြောခြင်း ဖြစ်ပါတယ်။

ဦးကျော်ဇံသာ ။ ။ မဟုတ်ဘူး ဆရာ။ ကျနော်ကလည်း တကယ်တော့ ထောင်တွင်းမှာ ကြုံတွေ့ခံရတဲ့ လူတွေရဲ့  စာအုပ် စာတမ်းတွေလည်း ဖတ်ဖူးပါတယ်။ သူတို့ရေး၊ ပြောဆိုတဲ့ မှတ်တမ်းတွေကိုလည်း ကြားဖူးပါတယ်။ သွားကို ရိုက်ချိုးတာတော့ မကြားခဲ့ဘူး။ ရိုက်တယ်၊ နှက်တယ်၊ ကန်ကြောက်တယ်၊ လက်ကျိုးသွားတာတွေ ရှိတယ်။ ဒါပေမဲ့ သွားကို ရိုက်ချိုးတယ် ဆိုတာ အတော် ရက်စက်တဲ့ အလုပ်ဖြစ်တယ်။

ဦးဝင်းတင် ။ ။ ဒီလိုတော့ တခုရှိတယ်။ ကျနော့် စကား အသုံးအနှုန်းက ဒဲ့ဒိုးကြီး ဖြစ်မယ်။ သွား ရိုက်ချိုးတယ်ဆိုတာ ရိုက်လို့ သွားကျိုးတယ်လို့ ပြောင်းပြန် ပြောရလိမ့်မယ်။ ကျနော် ပြောတဲ့ဟာက ဒီ စစ်ကြောရေးတို့မှာ ခေါင်းစွပ်ထားတာ။ မေးတာ မရရင် တကောင်က တဗိုလ် လက်သီးထိုး လုပ်တာ ဆိုတော့ ကျနော့် သွားတွေက အသက် (၆၀) ကျော်ပြီ ဆိုတော့ သွား ရိုက်ချိုးသလို ဖြစ်တယ်။ ဒီစကားက နည်းနည်း ကြမ်းတယ်၊ ပြင်းထန်တယ် ဆိုရင် သွားကိုရိုက်ချိုးတယ်လို့ မပြောချင်ရင် ရိုက်လို့ သွားကျိုးတယ်လို့ ပြောပါ။ ကျိုးတာကတော့ ကျိုးတယ်လို့ ပြောချင်ပါတယ်။ ရိုက်လို့ ကျိုးတာလား၊ ရိုက်ချိုးတာလား ဆိုတာကတော့ ဗမာစကားမှာ ကျနော်ပြောတာ တမျိုး ဖြစ်သွားရင်တော့ ဖြစ်သွားမှာပေါ့။ သေချာတာ ပြောနိုင်တာကတော့ ကျနော် ၈ နှစ်လုံးလုံး သွားမရှိဘဲ နေရပါတယ်။ ၁၉၉၀ ကနေ ၁၉၉၈ ခုနှစ်အထိ ရန်ကုန်ဆေးရုံကြီးကို ရောက်တဲ့အခါမှာ နောက်ဆုံးပိတ် သွားတက္ကသိုလ်က ဆရာဝန်တွေ ခေါ်ပြီး စိုက်ပေးကြပါတယ်။ အဲဒီ ရန်ကုန်ဆေးရုံကြီးမှာ စိုက်ပေးလိုက်တဲ့ ဆရာဝန်တွေကိုလည်း ဒီနေအထိ ကျေးဇူး တင်နေတုန်းပါ။ ဘာဖြစ်လို့လဲ ဆိုတော့ သူတို့ စိုက်ပေးလိုက်တဲ့ သွားဖုံး အန်ကပ်ကြီးဟာ ကျနော့် ပါးစပ်ထဲမှာ အခုထိ ရှိတုန်းပါ။ အဲဒါတွေကို ကျနော်က ဘယ်လို လုပ်ချင်သလဲ ဆိုတော့ အကြောင်းကြောင်းကြောင့် ဘယ်မှာသေသေ - ထောင်ထဲမှာ သေသေ၊ အပြင်မှာ သေသေ - အဲဒီသွားကြီးကို အပြင်မှာ ပြတိုက်လေး ဘာလေးရှိရင် လှူချင်ပါတယ်။

ဦးကျော်ဇံသာ ။ ။ ဆရာ သွားမရှိဘဲ (၈) နှစ်လုံးလုံးက သွားမရှိဘဲ စားလို့ရတဲ့ အစာပျော့ပျော့တွေ ဘာတွေ အထွေအထူး လုပ်ပေးတာ မရှိဘူးလား။

ဦးဝင်းတင် ။ ။ ရယ်စရာတွေ မပြောတောင်၊ ရယ်စရာတွေ အတော် မေးတယ်လူလို့ ပြောရမလို ဖြစ်နေပြီ။ ဘယ်ဗျာ ကျနော်တို့မှာ ဆန်လုံးတီးလို ဟာမျိုး စားနေရတာ။ ဒီထဲ သဲက ပါသေးတယ်။ ဆန်ပြုတ်တို့ ဘာတို့ ဘယ်ရမလည်း။ ဘာမှ မပေးပါဘူး။ ထောင်မှာ ဒီလောက် လူစိတ်ရှိရင် ကျနော်ရဲ့  "ဘာလဲဟဲ့ လူ့ငရဲ" စာအုပ်တောင် ထွက်စရာ မရှိပါဘူး။ ကျနော်က ပြောတယ် မင်းတို့ အာဏာရှင်တွေ လုပ်တဲ့ ဟာတွေ တနေ့သောအခါမှာ အရိုးတွန်လိမ့်မယ်လို့ ကျနော် ပြောခဲ့ပါတယ်။ အခု ကျနော်ရေးတဲ့ စာအုပ်ကလည်း အရိုးတွန်ခြင်း ဖြစ်ပါတယ်။ ဒါတောင်မှ သံသရာ ဆုံးခြင်းမှ ဆုံးမယ်။ နောက်ထပ်များ လူ့ငရဲ၌ ဝဲလည်ခြင်း ဆိုတာများ ပြန်ပြီး နောက်တအုပ် ရေးရမလား မသိဘူး။ ကျနော်လည်း သေမှာ မဟုတ်သေးဘူး။ ဒီ ထောင်တို့ ဘာတို့နဲ့ ကြုံတွေ့ရလိမ့်မယ်။ ကျနော်ကလည်း ဒီလို မတရားမှုတွေကိုတော့ တခြားဟာတွေ မလုပ်တတ်တာ ရှိမယ်၊ တခြားဟာတွေ မလုပ်ရဲတာရှိမယ်။ တခြားဟာတွေ လုပ်ချင်စိတ် မရှိကောင်း မရှိချင်စိတ်ရှိမယ်။ ဒါပေမဲ့ မတရားမှုတွေ လူမဆန်တဲ့ဟာတွေ၊ ရက်စက်မှုတွေ၊ ကြမ်းကြုတ်မှုတွေ၊ ညှဉ်းပန်းနှိပ်စက်မှုတွေကိုတော့ ကျနော်ကတော့ မသေမခြင်း၊ ကျနော်လက်ထဲမှာ ကလောင်ကိုင်ခွင့် ရှိသမျှ ကာလပတ်လုံး ကျနော်ကတော့ ရေးသွားပါမယ်။ အဲဒါကို ဦးကျော်ဇံသာက တဆင့် ပြောချင်ပါတယ်။ ဒီစာအုပ်က အမုန်းတရားနဲ့ ယှဉ်ပြီး ရေးခြင်း မဟုတ်ပါဘူး။ အနှစ်ကတော့ ကျနော့်မှာ ဒေါသ ရှိကောင်းရှိမယ်။ ဒါပေမဲ အဲဒီဒေါသက ကရုဏာဒေါသောပါ။ ကျနော်ပြောချင်တာက ကျနော့် အကြောင်း ဆိုတာထက် ကျန်တဲ့လူတွေ နှိပ်စက် ညှဉ်းပန်းခံရတာ။ ဒါတောင်မှ စတိ (အရိပ်အမြွက်) ပါ။ ဒီထက်မက ဆယ်ဆလောက် ရေးလို့ရတယ် လို့ ပြောချင်ပါတယ်။

ဦးကျော်ဇံသာ ။ ။ ဆရာ ဒီစာအုပ်ကိုရေးတော့ အာဏာပိုင်တွေက ဘယ်လို တုံ့ပြန်လာလိမ့်မယ်လို့ ထင်ခဲ့ပါသလဲ။ အစတုန်းက အာဏာပိုင်တွေ ငါတို့ လုပ်နေတာ လွန်နေပါလား။ ပြုပြင်ရကောင်းမှန်း သိလာလိမ့်မယ်လို့ ထင်မိပါသလား။ သို့တည်းမဟုတ် ဒီလိုပဲ ဆရာ့ကို ပြင်းပြင်း ထန်ထန် တုံ့ပြန် ရေးသားလာလိမ့်မယ်လို့ ထင်သလား။ ဘယ်လို မျှော်လင့်ခဲ့ပါသလဲ။

ဦးဝင်းတင် ။ ။ ကျနော် မျှော်လင့်တာကတော့ ကျနော့်ကို နောက်ထပ်ခေါ်ပြီးတော့ စိုက်ထားတဲ့ သွားကြီး အန်ကပ်ကြီး ကျိုးကြေသွားအောင် ထပ်ပြီး ချမယ်လို့ မျှော်လင့်ထားပါတယ်။ ဘာဖြစ်လို့လဲ ဆိုတော့ သူတို့ဆီက ပြုပြင်ချင်တဲ့စိတ်၊ ပြောင်းလဲချင်တဲ့စိတ်၊ စာနာချင်တဲ့စိတ်၊ ကူညီချင်တဲ့စိတ် (သို့မဟုတ်) မှားသမျှ လွန်သမျှ ဝန်ချပါတယ် ဆိုတဲ့ စိတ်မျိုးတွေ ဘယ်တော့မှ ပေါ်မှာ မဟုတ်ဘူး။ ငါ ဒီစာအုပ် ရေးတဲ့အတွက် ငါ့ကို ဖမ်းနိုင်သေးတယ်။ ငါ့ကို ဖမ်းလိမ့်အုံးမယ်။ ငါ့ကို အပုတ်ချလိမ့်မယ်၊ ရန်ရှာလိမ့်မယ် ဆိုတဲ့ဟာတွေ မျှော်လင့်ပါတယ်။ ကျနော် ထင်တဲ့အတိုင်းပါ ဗုံးခွဲမှုနဲ့ ပတ်သက်ပြီး ရေးတဲ့ ဆောင်းပါးထဲ ကျနော်ကို ခြိမ်းခြောက်တဲ့ စာစကားတွေ အများကြီး ပါနေပါတယ်။ ကျနော်ကို ထောင်ထဲ ပြန်သွင်းလို့ ခြိမ်းခြောက်မှုတွေ ပေါ်နေပါပြီ။ ကျနော်ကတော့ ခြိမ်းခြောက်မှုတွေတော့ မကြောက်ဘူး။ ဘာဖြစ်လို့လဲ ဆိုတော့ ကျနော် အခု အသက်လည်း (၈၀) ကျော်ပါပြီ။ ဒီခြိမ်းခြောက်မှုတွေ ကြောက်မှဖြင့် ကျနော် ဒီစာအုပ်တွေ ဘယ်ရေးမလဲ။ ဒီ အာဏာရှင်တွေနဲ့ ထိပ်တိုက် ပြည်သူ့ တရားခွင်မှာ ရှင်း မပြနိုင်ရင်၊ ငြင်းချက်မထုတ်နိုင်ရင် ကျနော် ဒီစာအုပ်ကို ဘယ်ရေးမလဲ။ ဒီ စစ်အစိုးရကို ကျနော် ပြောချင်တာကတော့ ခင်ဗျားတို့ ဒါတွေကို ရှင်းပါ၊ ငြင်းပါ။ သို့မဟုတ်လည်း ခင်များတို့ ကျနော့်ကို အပုတ်ချမနေပါနဲ့ ဒါတွေနဲ့ ပတ်သက်ပြီး ရှင်းခြင်း၊ ငြင်းခြင်း မလုပ်နိုင်ရင် ပြင်ပါလို့ ပြောချင်တယ်။

ဦးကျော်ဇံသာ ။ ။ ကျနော် နောက်ဆုံးမေးချင်တာက ဒီလိုစနစ်ဆိုး၊ ဒီလို လူမဆန် ညှဉ်းပန်းနှိပ်စက်တဲ့ စနစ်ဆိုးက ဘယ်တော့မှ ကွယ်ပျောက်မယ် ထင်ပါသလဲ။ ဒီမိုကရေစီ အပြောင်းအလဲ ဖြစ်တာနဲ့ ချက်ချင်း ပျောက်ကွယ်နိုင်ပါသလား။

ဦးဝင်းတင် ။ ။ ပြောင်းရမှာပေါ့၊ ပျောက်ရမှာပေါ့။ ပျောက်ဖို့ကို မယုံလို့ရှိရင် ကျနော်တို့ ဒီလိုစာတွေ ဘယ်ရေးတော့မလဲ။ ငုံ့ခံဖို့ ရှိတော့တာပေါ့။ ဒီလိုမျိုး ငုံ့မခံ၊ ငုံ့မခံသရွေ့  ကျနော်တို့တတွေ ဒီ အာဏာရှင်တွေကို အာခံနေတယ်၊ အံ့တုနေသမျှ ကာလပတ်လုံး ဒီလူတွေဟာ တနေ့သော အခါမှာ ပြုတ်ကျရမှာ။ ဒါက ကမ္ဘာပေါ်မှာ ကြည့်ပါ ဟစ်တလာ၊ မူဆိုလိုနီ အများကြီး ပြုတ်ကျသွားခဲ့ပြီ။ ဗမာပြည်မှာဆို ဦးနေဝင်းလို လူ ပြုတ်ကျသွားခဲ့တယ်။ ကျနော်တို့ ယုံတယ်။ ဒါလုပ်တာ အမုန်းတရားနဲ့ လုပ်နေတာ မဟုတ်ဘူး။ မတရားမှုတွေဟာ ပြိုကွဲရမယ် ဆိုတဲ့ ယုံကြည်ချက်နဲ့ လုပ်ဆောင်နေတာ။