စာအုပ်စင်ကဏ္ဍ
သမိုင်းအား ခွဲခြမ်းစိတ်ဖြာခြင်း
ခင်နှင်းလွင်၊
စက်တင်ဘာ ၂၃၊ ၂၀၁၀
စာအုပ်အမည်၊ သမိုင်းကြေးမုံ
စာရေးသူ၊ မြသန်းတင့်
ထုတ်ဝေသည့်စာပေတိုက်၊ စိတ်ကူးချိုချို
တန်ဖိုး ၃၂၀၀ ကျပ်၊ စာမျက်နှာ ၃၄၀၊ မေလ ၂၀၁၀ ခုနှစ်၊ ပထမအကြိမ်
ဘာသာပြန် စာပေလောကတွင် ကိုယ်ပိုင်ဟန်ဖြင့် နိုင်ငံတကာ စာပေများစွာကို မြန်မာ့စာပေလောကနှင့် မိတ်ဆက်ပေးခဲ့သူ ဆရာမြသန်းတင့်ရဲ့ ကမ္ဘာ့သမိုင်း အမြင်ဆောင်းပါးများကို စုစည်းထားသည့် စာအုပ်ဖြစ်သည်။
ဆရာ၏ ကလောင်ခွဲ တစ်ခုဖြစ်သည့် အုတ်လှငယ်အမညဖြင့် နွယ်နီမဂ္ဂဇင်းတွင် ၁၉၉၁ ခုနှစ် မတ်လမှစတင် ဖော်ပြထားတဲ့ အရေးပါတဲ့ကမ္ဘာ့သမိုင်း အဖြစ် အပျက်များအပေါ် ခွဲခြမ်းစိတ်ဖြာပြထားသည့် ဆောင်းပါးများဖြစ်ပြီး ဆရာမြသန်းတင့်ရဲ့ ကိုယ်ပိုင်ဘာသာပြန်ု အရေးအသားဟန် များကိုလည်း တွေ့ရှိနိုင်တဲ့ စာအုပ်တစ်အုပ်ဖြစ်သည်။ ယခုစာအုပ်တွင်ပါရှိသည့် ဆောင်းပါးအများစုမှာ တိုင်းမ် မဂ္ဂဇင်းမှ ကောက်နှုတ် ဘာသာပြန်ထားခြင်း ဖြစ်သည်။
ဆရာမြသန်းတင့်သည် ဓါးတောင်ကိုကျော်၍ မီးပင်လယ်ကို ဖြတ်မည် စာအုပ် အပါအ၀င်အခြား လုံးချင်း ၀တ္တု၊ ၀တ္တုတို၊ ဂန္တ၀င်ဘာသာပြန်၊ ကဗျာဘာသာပြန် စသည့် လက်ရာများစွာဖြင့် မြန်မာ့စာပေလောကတွင် ထင်ရှားခဲ့သူတစ်ဦးဖြစ်သည်။ အချစ်မိုးကောင်းကင် ဖြင့် ကမ္ဘာ့ ရောဂါဆိုးကို မြန်မာပြည်မှ စာဖတ်သူတွေကို ဘာသာပြန်ပြောပြခဲ့သူ ၊ လွမ်းမောခဲ့ရသော တက္ကသိုလ်နွေညများ ဖြင့် ဟားဗတ်တက္ကသိုလ်ကို မိတ်ဆက်ရင်း တချိန်ကရန်ကုန် တက္ကသိုလ်ကို ပြန်လည်အမှတ်ရစေခဲ့ သူတစ်ဦး လည်းဖြစ်သည်။
သမိုင်းမှတ်တိုင်များကို ဖြတ်သန်းရင်း ကိုယ်တိုင် ကိုကိုးကျွန်းပြန် တစ်ဦးဖြစ်ခဲ့ပြီး မြန်မာ့နိုင်ငံရေးတွင် အဓိကအခန်းကဏ္ဍ တွင်ကျရာတာဝန် ထမ်းဆောင်ခဲ့သဖြင့်အာဏာပိုင်တို့ အညှိုးဖွဲ့ခံခဲ့ရသူ ဖြစ်သည်။
သမိုင်းကြေးမုံပေါ်က ဂျေရုစလင်
သမိုင်းကြေးမုံ စာအုပ်တွင် စစချင်း၁၉၉၁ ၊ မတ်လထုတ် နွယ်နီမဂ္ဂဇင်းမှာ ပါရှိတဲ့ ဂျေရုစလင်မှ ခရစ်တော်၏ ကားတိုင် ဆောင်းပါးနှင့် ဖွင့်လှစ်ဖော်ပြထားသည်။
`သမိုင်းအဖြစ်အပျက်များသည် တစ်ခါတစ်ရံတွင် အကြောင်းအရာတူပြီး အသံကွဲတတ်သည်။ တစ်ခါတစ်ရံလည်း အသံတူပြီး အကြောင်းအရာ ကွဲနေတတ်သည်။ သမိုင်းတွင် ထိုသို့သံတူ ကြောင်းကွဲ ဖြစ်ရပ်များနှင့် ကြောင်းတူသံကွဲ ဖြစ်ရပ်များကို ကြည့်ပြီး သမိုင်းဆိုတာ တပတ် လည်သည်ဟု ပြောစမှတ်ပြုကြခြင်း ဖြစ်သည် ´ ဟုဆိုကာ လွန်ခဲ့သော နှစ်ပေါင်း ၈၀၀ ခန့်က ကရူးဆိတ်စစ်ပွဲနှင့် ပါရှားပင်လယ်ကွေ့က အီရန် အမေရိကန်စစ်ပွဲ ကို စာရေးသူရဲ့ ကိုယ်ပိုင် ဟန်ဖြင့် ခပ်သွက်သွက် ဘာသာပြန်ရေးဖွဲ့ထားသည်။
၁၉၉၁ခုနှစ် ကမ္ဘာ့နိုင်ငံရေး ကြေးမုံပြင်တွင် `ဂျေရုစလင်ကိုသိမ်းပိုက်ထားသည့် မူစလင်များက ခရစ်တော်၏ ကားတိုင်ရှာတွေ့လျှင် ယူပါလို့ ဆိုကြသည်။ ကရူးဆိတ်စစ်သည်တို့သည် ဂျေရုစလင်တွင် ခရစ်တော်၏ ကားတိုင်အစစ်ကို လိုက်ရှာကြ သည်။ သို့ရာတွင်မတွေ့တော့။´ ဟူကာ၁၉၉၁ခုနှစ်တွင် လတ်တလော ပင်လယ်ကွေ့ အရေးအခင်း ကို စိတ်ဝင်စားဖွယ် ဖတ်ရူနိုင်သည်။
ထို့အပြင် သဲကန္တာရ စစ်တုရင်ခုံ (၁၉၉၁ ၊ ဧပြီ )၊ သရဖူတို့ မြေသို့ကျစဉ် (၁၉၉၁၊ မေ ) ၊ အကြိမ်ကြိမ် ဖျက်စီးခံရသော ဘဂ္ဂ္ဂဒက် အစရှိသော ဆောင်းပါးတို့ တွင် ဒုတိယကမ္ဘာစစ်၏ ကန္တာရစစ်ပွဲ ပုံရိပ်များ၊ အင်ပိုင်ယာများနွှဲခဲ့သော စစ်အေးတိုက်ပွဲများနှင့် ယခုနောက်ဆုံး အမေရိကန်တို့ ရှို့ခဲ့သောမီး မငြိမ်းသေးသော ဘဂ္ဂ္ဂဒက် အကြောင်းကို `ခါလစ်တို့၏သွေး မြေပေါ်သို့ကျလျှင် ကမ္ဘာကြီးသည် ပျက်သုဉ်းတော့အံ့ ၊ နေမင်းလည်း ကွယ်ပျောက်တော့အံ့ ၊မိုးခေါင်အံ့ ၊ သစ်ပင်တို့ တုံးအံ့ဟု အစ္စလမ်တို့က သတိပေးခဲ့သည်ဟု အကြိမ်ကြိမ် ဖျက်စီးခံရသော ဘဂ္ဂ္ဂဒက်တွင် ရေးသားထားပြီး ဘဂ္ဂ္ဂဒက် မြို့သည်မေ့ပျောက်ခံ နေရာမှ ဆက်ဒမ်ဟူစိန်က အီရန်ကို စတင်တိုက်ခိုက်ခြင်း၊ ကူဝိတ်ကို ၀င်သိမ်းခြင်းကြောင့် ကမ္ဘာ၏ အာရုံစိုက်ရာဒေသ ဖြစ်လာခဲ့တော့သည် ဟုရေးသားထားသည်။
ပထမပိုင်း ဆောင်းပါးအများစုမှာ အရှေ့အလယ်ပိုင်းဒေသ၏ လူမှုရေး ၊နိုင်ငံရေးနှင့် ပထ၀ီအနေအထားအရ ဖြစ်ပျက်ခဲ့သော စီးပွားရေး ပြဿနာများကို ရေးသားထားခြင်း ဖြစ်သည်။ ဂျပန်တွင် မေဂျီခေတ်၊ အိန္ဒိယပြည်ကို ဧကရာဇ်တို့၏ ဘာသာတရားသစ် အမည်နှင့် စိတ်ဝင်စားဖွယ် အရှေ့တောင်အာရှ သမိုင်းအမြင်များနှင့် ပတ်သတ်သော သမိုင်းဆောင်းပါး များစွာကို ဖတ်ရှုနိုင်ပါသည်။
`နာကြည်းဖွယ် အတိတ်မှ ကြောက်စရာ အောက်မေ့ဖွယ်တို့ကို မိန့်ခွန်းများ၊ တေးသီချင်းများ၊ လှပသည့်ပန်းခွေများဖြင့် ဖျောက်ဖျက်၍ ရနိုင်မည် မဟုတ်ပါ´ ဟု သေသူတို့သည် နားစွင့်နေကြသည် ဆိုသည့် တိုင်းမ်မဂ္ဂဇင်းရဲ့ ဆောင်းပါးဘာသာပြန် ကိုဖတ်ရှုရသည်မှာ နာဇီတို့၏ ရက်စက်မှုနှင့် မပြီးဆုံးနိုင်သေးတဲ့ နာကျည်းမှုများကို ခံစားနိုင်သည်။
`ထိုမိုးလုံလေလုံ စက်ဘီးစက်ရုံကြီးကို ပြင်သစ်ပုလိပ်တို့ စောင့်ကြပ်နေသည်။ လူ ၈၀၀၀ အတွက် ဆရာဝန်နှစ်ယောက်သာ ထားပေးထားသည်။ အမျိုးသမီးများသည် ကြမ်းပေါ်တွင် မီးဖွားရသည် ။ အချို့မှာ ကလေးငယ်တို့ကို ရင်ခွင်တွင် ပိုက်ပြီးထုပ်တန်း ပေါ်မှခုန်ချ အဆုံးစီရင် သွားကြသည်။ ဆုတ်ခွာလာသည့် ပြင်သစ်တပ်မတော် နှင့်အတူ ပါဝင်တိုက်ခိုက် ခဲ့သည့် ရေ၀တီတို့က တံဆိပ်များကို ရင်ဘတ်ပေါ်တွင် ချိတ်ဆွဲပြ ကြရသည်။ သို့ရာတွင် အချည်းအနှီး မျှသာ။ မိဘများက သားသမီးများ၏ လက်ကောက် ၀တ်သွေးကြောများကို ဓါးနှင့်ဖြတ်ကြသည် ´စသည်ဖြင့် နာဇီခေတ်ဆိုး၏ သားကောင်များအတွက် နှစ်ငါးဆယ်ပြည့် ပန်းခွေချပွဲမှ ကောက်နှုတ်ချက်ကို တွေ့နိုင်သည်။
`ဒီအဖြစ်ကို ငါမေ့လည်းမမေ့နိုင်ဘူးကွယ်၊ ခွင့်လည်းမလွှတ်နိုင်ဘူးကွယ့်၊ တရားမျှတမှုကို တော့တောင်းဆိုရမယ် ၊ လက်စားချေဖို့ကိုတော့ ငါမတောင်းဆိုပါဘူး´ ဟုအဆုံးသတ်ထားတဲ့ ပြင်သစ်ပြည်မှ ဂျုးတို့ရဲ့ သမိုင်းကြေးမုံသည် ထင်ရှား ပြတ်သားဆဲရှိသည် ကိုလည်း စာဖတ်သူများခံစား မှန်းဆကြည့်နိုင်သည်။
ရှုပ်ထွေးပွေလီနေတဲ့ ကမ္ဘာသမိုင်း အရေးအကြောင်းများကို ဆရာမြ၏ ပြေပြစ်ချောမွေ့တဲ့ ဘာသာပြန်အရေးအသား များကြောင့် အသက်ဝင် စိတ်ဝင်စားစရာ ကောင်းလှသည်။
ထို့အပြင် မိုတယ်မှ သမိုင်းပြတိုက်သို့ ဆောင်းပါးတွင် အသားရောင်ခွဲခြားမှုကို ဆန့်ကျင်တဲ့ မာတင်လူသာကင်း (ဂျုနီယာ ) ရဲ့နောက်ဆုံး ညစာအငွေ့အသက်၊ နောင်တမျက်ရည်မှ တောင်းပန်ဝန်ချသံတို့ကို ကြားရသည့်အခါ တရုတ်-ဂျပန် စစ်ပွဲကို ပြန်ပြောင်း သတိရစရာ ပင်ဖြစ်သည်။
လူမျိုးများ၊ နိုင်ငံများ ၁ ၊ နှင့်လူမျိုးများ ၊နိုင်ငံများ ၂ မှ
`ရာစုနှစ်ကြီး ကုန်ခါနီးလာသည့်အခါ ၀ီဆင်၏အမွေသည် အောင်ပွဲခံ၍ ပြန်လာနေပါပြီ ။ လီနင်၏အမွေကို အပြီးအပိုင် ဖယ်ရှားပစ် လိုက်ပါပြီ။ ကောင်းဖို့လား ၊ဆိုးဖို့လားတော့ မပြောတတ်ပါ။ ၁၉၈၉ခုနှစ်က ရလဒ်မှာ ဘာလင် တံတိုင်းကြီးပြိုကျသွားခြင်း နှင့် ကတ္တီပါတော်လှန်ရေးတို့ ဖြစ်ပါတယ်။ ၁၉၉၂ခုနှစ်ရလဒ်မှာ ဆာရာယေဗိုမြို. ပျက်စီးခြင်း၊ နာဂိုနို-ကရာဘတ်တွင် ကြောက်မက်ဖွယ်များ ပေါ်ပေါက်လာ ခြင်းနှင့် မပြင်းထန်သော်လည်း စိတ်ပူစရာကောင်းစွာ ပြန်လည်ရှင်သန်စ ပြုလာသော အမျိုးသားရေး ၀ါဒများ အရှေ့ဥရောပ နှင့်ယခင်ဆိုဗီယက်ယူနီယံတွင် ပေါ်ပေါက်လာခြင်းတို့ ဖြစ်ပါသည်။´ ဟု နိုင်ငံအလိုက် အမျိုးသားရေးဝါဒ အငြင်းအခုံ ရလဒ်နှင့် ကိုယ်ပိုင်ပြဌာန်းခွင့် အခြေခံသဘောတရားများနှင့် ပတ်သတ်သော ဆောင်းပါးများသည် စာဖတ်သူအတွက် တွေးတောစရာ ဖြစ်သည်။
လွန်ခဲ့သော နှစ်နှစ်က (ယခုဆောင်းပါး ဘာသာပြန်သည့် ခုနှစ်မှာ ၁၉၉၁ ဖြစ်သည်) ဥရောပမှ ပေါ်ထွက်လာခဲ့သည့် အင်ပါယာကြီးများ ပြိုကွဲပြီး ကြုံတွေ့ရသည့် ဝေဒနာမျိုးကို နောက်ထပ်ခံ စားရတော့မည် မထင်ပါ။
နောက်ဆုံးတွင် လက်ရွေးစင်ဆောင်းပါးများစွာကို ကမ္ဘာ့ဆောင်းပါးကောင်းများရဲ့ ကုန်ကြမ်းအရင်းအမြစ် ရရှိရာဒေသ ဖြစ်တဲ့ အို..အာဖရိက ဆောင်းပါးနှင့် အဆုံးသတ်ဖော်ပြ ထားတာတွေ့ရပါတယ်။
`တောင်ကွဲချိုင့်ဝှမ်းကြီးကို အာကာသမှ လှမ်းမြင်နေရသည်။ တောင်ကွဲချိုင့်ဝှမ်းကြီးသည် အာဖရိကတိုက် အရှေ့ဘက် ပုခုံးကိုဖြတ်ပစ်လိုက်သည်။ ကြီးမားသည့် ဘူမိဗေဒဆိုင်ရာ ဒဏ်ရာဟက်တက်ကွဲကြီး တစ်ခု။ အာဖရိကတိုက်မှ အာဏာစက်၏ လျှို.၀ှက်ဆန်းကြယ်မှုကြီး တစ်ရပ်။ လူ့ဘ၀သည် ထိုတောင်ကွဲချိုမ့်ဝှမ်းကြီး ထဲမှအစပြုခဲ့သည်။ ´ လို့ အာဖရိတိုက်ရဲ့ ဘူမိဆိုင်ရာပုံရိပ်ကို ကွင်းကွင်းပုံဖော် ခဲ့ပြီး အစွန်းထွက်မှုတို့ရဲ့ ဧတဂ်၊ အစနှင့် အဆုံးတို့၏ ပါရမီဥာဏ်ရှင်၊ ကမ္ဘာပျက်ကပ်ဘေးရဲ့ ပုဗ္ဗနိမိတ်ဟု ပုံဖော်ထားသဖြင့် ဘာသာပြန်သူ၏ မြန်မာစာပေ ကျွမ်းကျင်နှံ့ စပ်မှုကို တွေ့ရှိနိုင်သည်။
သမိုင်းကြေးမုံ စာအုပ်ကို ခြုံကာသုံးသပ်ရမည် ဆိုလျှင် ဘာသာစကားကို ကျွမ်းကျင်နှံ့စပ်ခြင်း ဆောင်းပါးကောင်းများအား ရွေးချယ် ပြန်ဆိုခြင်းတို့ကို သတိမပြု၊ အသိအမှတ်မပြုပဲ မနေနိုင်လောက်အောင် ကောင်းမွန်သည့် ဆောင်းပါးပေါင်းချုပ် တစ်အုပ်ဖြစ်သည်။ နိုင်ငံရေး၊ လူမှုရေးနှင့် ကမ္ဘာ့စီးပွားရေး အမြင်ပေါင်းစုံကို ထည့်သွင်းဖော်ပြထားတဲ့ ဘာသာပြန် သမိုင်းစာတမ်းငယ်များ ပင်ဖြစ်သည်။ ဘာသာပြန်သူ၏ နိုင်ငံရေး သဘောတရား နှင့် နိုင်ငံဝေါဟာရ ကျွမ်းကျင်နှံ့စပ်မှုကြောင့် ကမ္ဘာ့နိုင်ငံရေး စိတ်ဝင်စားသူများအတွက် သုံးသပ် ဖတ်ရှုနိုင်သော စာအုပ်တအုပ် ဖြစ်သည်။
သတင်းစာနယ်ဇင်း သမားများအတွက်လည်း သမိုင်းအက်ဆေး ခေါ်ခေါ် ၊ သမိုင်းခွဲခြမ်းစိတ်ဖြာချက် ဆောင်းပါးအရေးအသားများဟုခေါ်ခေါ် တင်ပြပုံတင်ပြဟန်များမှာ အတုယူဘွယ်ရာကောင်းလှသည်။
ဆောင်းပါး အစတွင် စာဖတ်သူအား တဖြည်းဖြည်း ဆွဲခေါ်သွားပြီး အလယ်တွင်မြင့်တက်လာကာ အဆုံးတွင် တောင်ထိပ်ပေါ်မှ ပြစ်ချလိုက်သကဲ့သို့ ခံစားရသည့် သမိုင်းအက်ဆေးများလည်း ပါဝင်သည်ကို သတိပြုမိသည်။ ဆောင်းပါးရှင်က ပြောချင်သည့် မက်ဆေ့ခ်ျကို ချက်ခြင်းမပြောသေးပဲ သိုင်းဝိုင်းကာ ရေးပြသွား ပြောသွားပြီးမှ နောက်ဆုံး စာကြောင်း ၃/၄ ကြောင်းဖြင့် တစ်ပုဒ်လုံးကို ခြုံငုံမိသည့် နိဂုံးများဖြင့် အဆုံးသတ်သည့် ဆောင်းပါးများလည်း တွေ့ရသဖြင့် စံပြု အတုယူဘွယ် တင်ပြပုံများဖြစ်သည်။
Comments