treasure of my life, poems from my heart -10

ဘ၀ထဲက ရတနာ၊ ရင်ထဲက ကဗျာ (၁၀)
တင်မိုး
ဇန်န၀ါရီ ၂၉၊ ၂၀၁၀
၁။
သက္ကရာဇ် ၂၀၀၀ ပြည့်နှစ် ဇွန်လ (၂၅) ရက်နေ့မှာ ကျနော်က ဆန်ဖရန်စစ္စကိုမှာ စာပေဟောပြောပွဲ ကျင်းပခဲ့ပါတယ်။ အိမ်ပြန်ရောက်တော့ အိမ်ရှင် ကိုစိန်ထွန်းဇနီးက “ဆရာ တယ်လီဖုန်းလာပါတယ်” တဲ့။ ဘယ်လ်ဂျီယံက သမီး မိုးမိုးနှင်းဆီကပါ။ “မကြာသေးခင်ကပဲ ဖေဖေ့အတွက် မြေးမကလေး မွေးပြီးခဲ့ပါပြီ။ ကျန်းမာချမ်းသာပါတယ်” တဲ့ …။

အဲဒီမြေးမကလေးက “စန္ဒရာမိုးမြင့်ကလေး” ဖြစ်လာပါတယ်။ “နန်းရံတံရာပဏ္ဍာခ၊ မန်းမန္တလေး ဗွေရိပ်စံ၊ စန်းစန္ဒရ ငွေဗိမာန်လို၊ ပင်ရွှေထိပ်ပန် ယဉ်များပန်း” ဆိုတဲ့ ဦးပုညရဲ့ ရှစ်ဆယ့်ပေါ်တေးထပ်ကလေးကို သတိရလို့ စန္ဒရာလို့ အမည် ပေးလိုက်ပါတယ်။ သူနေတာက ဘယ်လ်ဂျီယံရဲ့ ဒုတိယမြို့တော် အန့်တ၀ပ်ပါ။ တချိန်က ဒတ်ခ်ျပန်းချီကျော် ဗင်ဂိုး နေခဲ့ဖူးတဲ့မြို့ပါ။ သူတို့နေတဲ့လမ်းကတော့ ‘၁၉ Jviertens en Torfistraat’ တဲ့။ မာတင်နှင့် တော့ဖ်လမ်းလို့ ဆိုရမှာပေါ့။ စန္ဒရာတို့အိမ်ကို ဦးတိုက်နေတဲ့လမ်းကတော့ စန္ဒရုလမ်းတဲ့။ ဆန်ဖရန်စစ္စကိုမှာ ကျနော်စာပေဟောပြောနေစဉ် စန္ဒရု လမ်းထိပ်မှာ စန္ဒရာကို မွေးပါတယ်လို့ ပြောရတာ အရသာရှိပါတယ်။ ဆန်ဖရန်စစ္စကို၊ စန္ဒရု၊ စန္ဒရာဆိုတဲ့ ရွတ်ဆိုသံတွေဟာ “ပုဒ်နီးဋ္ဌာန်တူ၊ ဗျည်းတူစပ်ကာ၊ ဆိုသောခါ၊ ဂုဏ်မှာမဓုရ” ဆိုတဲ့အတိုင်း မဓုရတာဂုဏ် (ပျားကဲ့သို့ သာယာချိုမြိန်တဲ့ စာပေဂုဏ်) မြောက်တဲ့အတွက် ဖြစ်ပါတယ်။ စန္ဒရားခလုပ်ကလေးများကို နှိပ်လိုက်သလို ထွက်လာတဲ့ အသံလို့ ထင်မိပါတယ်။

၂။
ကဗျာဆရာဆိုတာ ထင်ချင်ရာထင်၊ ခံစားချင်ရာခံစားပိုင်ခွင့်ရှိတယ်လို့ ကိုယ့်ကိုယ်ကို ထင်တလုံးနဲ့ နေတတ်ပုံရပါရဲ့။
ဘယ်သူက လိုင်စင်ပေးပေး၊ မပေးပေး သူရေးချင်ရာရေးခွင့်ရှိတယ်လို့ အထင်ရောက်နေဟန် တူပါတယ်။ ဒီတော့ ကျနော်လည်း ကိုယ့်ကိုယ်ကို ကဗျာဆရာစိတ်ပေါက်ပြီး ကောက်ကာ ငင်ကာ ဟောဒီလို ကဗျာစပ်မိပါလေရော။

စန္ဒရုလမ်းထိပ်က စန္ဒရာတို့အိမ်

ဘယ်လ်ဂျီယံနိုင်ငံ
အန့်တ၀ပ်မြို့ စန္ဒရုလမ်းထိပ်မှာ
စန္ဒရာတို့အိမ်ရှိသတဲ့။

အဲဒီအိမ်မှာ
ကဗျာက၀ိန် ဦးတင်မိုးဆိုတဲ့
စန္ဒရာတို့ဖိုးဖိုးနေသတဲ့။

အမေရိကန်၊ ဂျပန်၊
သြစတြေးလျစတဲ့ နိုင်ငံရပ်ခြားကို
ဖိုးဖိုးသွားပြီး
စာတရား ကဗျာတရားဟောလို့
မောပြီးပြန်လာရင်
စန္ဒရာ သူ့မြေးကလေးမြင်ခါမျှနဲ့
အမောတွေပြေရသတဲ့။

မြန်မာနိုင်ငံဒီမိုကရေစီရမှ
ဖိုးဖိုးကပြည်တော်ပြန်
စန္ဒရာကလေးအပါခေါ်ပြီး
အပျော်ကြီးပျော်မှာ … တဲ့။

မြန်မာမှာအောင်ပွဲတွေနွှဲပြီးမှ
မြေးကလေးလက်ဆွဲပြီး
မြေပဲလှော် ထန်းလျက်ခဲတွေ
ပုန်းရည်ကြီးနဲ့
ဆေးပေါ့လိပ်တွေယူလာပြီး
စန္ဒရာတို့အိမ်ပြန်လာမှာ … တဲ့။

အခုတော့ဖြင့် စန္ဒရာ့ဖိုးဖိုးလည်း
ကလောင်ရိုးက မီးခိုးထွက်မတတ်
ဒလစပ်ရေးသားပြီး
မြန်မာပြည်သားတွေလွတ်လပ်ဖို့
ကလောင်တပ်အားကိုးနဲ့
စာချိုးတွေတရွတ်ထဲရွတ်
နှုတ်လွတ်လက်တန်းတွေဆိုလိုဆိုနဲ့
စစ်အာဏာရှင်ကိုဖြိုနေရသတဲ့။

ဒေါ်စုတို့တိုက်ပွဲ
တခဲနက်အောင်စေကြောင်း
ပရိတ်ချည်ပရိတ်မန်းတွေနဲ့
ပရိတ်ရေသွန်းဖျန်းပြီး
လွတ်လမ်းတွေဆုမွန်တောင်း
အောင်စည်အောင်မောင်းတွေဆော်ရွမ်း
မော်ကွန်းထိုးနေရသတဲ့။

စန္ဒရာကလေးလည်း
မြန်မာသွေးပေမို့
လက်ခုပ်ကလေးမတီးတတ်တီးတတ်နဲ့
ဖိုးဖိုးကိုအပြတ်ထောက်ခံနေရသတဲ့။

မြန်မာပြည်ဒီမိုကရေစီရပါမှ
ဥရောပ မြန်မာ
တံခါးပွင့်လမ်းသာမှာမို့
အာဏာရှင်တွေမြေပြင်ကပျောက်ပြီး
တရားမျှတတဲ့နိုင်ငံသစ်တည်ဆောက်
တမိုးသောက်မှာတုံးတွေခေါက်
အောင်ပွဲမြန်မြန်ရောက်ပါစေလို့
အကြောက်တရားမှကင်းဝေး
လူ့အခွင့်အရေးတွေရပါစေလို့ …
မြေးမကလေးစန္ဒရာက
ကူညီညာ အားပေးလိုက်ပါတယ်။

ခါးတောင်းကျိုက်
မဖြုတ်ပါနဲ့အုံးဖိုးဖိုးရေ
တပြည်လုံးနိုးကြားနေပါပြီ။
အသံသာတဲ့ကဗျာ တချိုးချိုးပါအုံး
စန္ဒရာတို့ အဖိုးရှင့်။

၃။
ဒီကဗျာမှာ မိမိကိုယ်မိမိ “ကဗျာက၀ိန်” စလို့ ရေးဖွဲ့ကာ ရှက်စရာ။ ကိုယ့်ဂုဏ်ကိုဖော် မသူတော်စာရင်း သွင်းရအံ့နိုးနိုး။
ဒါပေမယ့် မိမိကိုယ်ကို ထုတ်ဖော်လိုခြင်း အလျဉ်းမရှိ။ ကြွားဝါလိုတဲ့ဆန္ဒမပါပါ။ သို့ပါလျက် “စန္ဒရာတို့အိမ်” ဆိုတဲ့ ကာရန်ကဆွဲငင်တော့ “ကဗျာက၀ိန်” ဖြစ်ရခြင်းပါ။ ကလောင်မနိုင်တဲ့အတွက် ကာရန်နောက် ကောက်ကောက်ပါခြင်းပါလို့ လျှောက်လဲချက်ပေးရပါတယ်။

“ကာရန်မနိုင် စာမကိုင်နဲ့” လို့ … ပရိသတ်က ဆုံးမအော်ငေါက်ရင်လည်း ကြောက်ကြောက်နဲ့ ငြိမ်နေရ မှာပ။ မိမိဂုဏ်သိမ်ကို နှုတ်မြိန်လို့ဆိုခြင်းမဟုတ်ပါကြောင်း ဖြေရှင်းပါရစေ။ ကဗျာဆရာရဲ့ရင်မှာ အစဉ်ပွင့်လန်းနေတဲ့ ပန်းကလေးတပွင့်ရှိတယ်။ အဲဒါက စေတနာပန်း။

စေတနာပန်းကို ဝေဒနာနဲ့ဖျန်းပြီး ပြေရွာကမ်းခြင်းဟာ ကဗျာဆရာရဲ့အလုပ်။

ကိုယ့်တိုင်းပြည်မှာက လွတ်လပ်မှုငတ်မွတ်နေရ၊ ကိုယ့်ဆန္ဒကို လွတ်လပ်စွာဖော်ထုတ်ခွင့် ဆိတ်သုဉ်းတော့ သင်္ချိုင်းကုန်းပမာ။ နေရာတကာမှာ ဇာတ်တိုက်ထားတဲ့အသံသာကြားနေရ။ စာလုံးများမှာလည်း နှောင်ကြိုးတန်းလန်း။ ပြည်သူတွေရဲ့ရင်ထဲမှာ အကြိတ်အခဲ။ ပုံပြင်ထဲကလို သစ်ခေါင်းထဲဝင်ပြီး “ရှင်ဘုရင်ကြီး ဖွဲစားတယ်” လို့ အော်ချင်ရှာမယ်။
တနေ့နေ့ အဲဒီသစ်ပင်ကိုခုတ်ပြီး စည်ကြက်မိရင် စည်တီးသံရိုးရိုးမမြည်။ “ရှင်ဘုရင်ကြီး ဖွဲစားတယ်” လို့ မြည်မှာအမှန်။ ရင်ထဲကပဲ့တင်သံ တနေ့နေ့ ပြန်လာမှာပါ။ ။

တင်မိုး

ခေတ်ပြိုင်ဂျာနယ် အတွဲ (၉၈)၊ ဇူလိုင် ၂၀၀၁




Comments