လူမဟုတ်သောသူတို့၏ဘေး
ကယ်ပါတိုင်းသား၊ ဖေဖော်ဝါရီ ၂၈၊ ၂၀၁၃
မအူပင်နယ်က မလက်တို၊ အဒိတ်၊ ပလောင်ရွာတွေမှာ
တောင်သူတွေသွေး မြေခရပြီ။
မြေမခခင်က မြေသိမ်းခံရလို့ ဘဝတွေ ကြေမွပြီးနှင့်ပြီ။
လက်ပတောင်းတောင်မှာ တောင်သူတွေကိုယ်စား
သံဃာတွေ မီးလောင်တိုက်သွင်းခံခဲ့ရသည်။
ဆားလင်းကြီးတနယ်လုံးက တောင်သူတွေ မရေမတွက်နိုင်သောဒုက္ခတွေ
ရောက်ကြသည်။
ရွှေဘိုနယ်တွင် ရွှေဘုရင်မအရက်ချက်စက်ရုံက
ရေဆိုးများ နှစ်(၂၀)ကျော်အဆင်ခြင်မဲ့၊ အညှာတာမဲ့ထုတ်ခဲ့မှုကြောင့် ရွာပေါင်း ၁၂ ရွာလောက်
သောက်သုံးရေဒုက္ခရောက်နေကြပြီး ရွာ (၂၀)ကျော် အနံ့အသက်ဆိုးများ သားစဉ်မြေးဆက်ရှူရှိုက်နေကြရသည်တဲ့။
ရွှေဘိုပတ်လည်ရှိလယ်မြေများခရိုနီကုလားများကြောင့်
ငါးကန်အသွင်ပြောင်းကာ တောင်သူတွေလယ်ယာလုပ်ကိုင်မရဖြစ်နေကြပြီ။ လယ်တချို့လုပ်မရသဖြင့်
ဆင်းရဲလာကာ ထိုငါးကန် ကုလားများလက် ထိုးအပ်နေကြရပြီတဲ့။ ပီးရင် မြေကိုယူသည်၊ ရေကိုယူသည်၊
ပီးတော့ လူကိုပါယူမည်ပေါ့လေ။
ထို့ပြင် ရွှေဘိုမြို့နယ်၏သောက်သုံးရေများမှာလဲ
ငါးကန်များနှင့်ထိစပ်နေရာ စိတ်ချရသည့် ရေအရည်အသွေးမဟုတ်တော့ပါတဲ့။ မြို့တွင်းကျုံးများပါ
ငါးမွေးမြူရေးကန်ဖြစ်နေသည်ဟုဆိုသည်။ လူမှုဝန်းကျင်ကောင်း မဟုတ်တော့ပေ။ မြို့ပြတန်ဖိုးယုတ်လျော့သေးသိမ်နေပေပြီ။
ရွှေဘိုခရိုင်၊ ကန့်ဘလူမြို့နယ်တကျောလုံး
MEC မှ သကြားစက်နဲ့ အီသနောစက်ရုံတည်ဖို့နှင့် ကြံစိုက်ဖို့သိမ်းထားလိုက်တာ မရေမတွက်နိုင်အောင်များပြားပါသည်တဲ့။
စက်ရုံမှ အော်ဂလီဆန်စရာ အနံ့အသက်ဆိုးကြီးကတော့
လူဦးရေပေါင်းသိန်းနဲ့ချီ ရှူရိုက်နေကြရသည်မှာလည်း ကြာလေလှပါပြီတဲ့။
အထက်မြန်မာပြည်၊ အောက်မြန်မာပြည်၊ အလယ်၊
တောင်တန်း၊ မြေပြန့်၊ မြေမှန်သမျှ ဤသို့ပင် သိမ်းထားကြရာ ခရိုနီတွေ၊ ခရိုပြာတွေ၊ ဗိုလ်ချုပ်တွေ၊
ဗိုလ်ပြုတ်တွေ တဦး တဦးလျှင် စိုက်ဧကပေါင်းသောင်းချီ၊ အိမ်မြေပေါင်း ရာချီ ပိုင်ဆိုင်နေကြသူတွေချည်းဖြစ်နေပြီ။
ဦးခင်ရွှေကြောင့်၊ ဦးတေဇကြောင့်၊ ဦးဝင်းအောင်ကြောင့်၊
ဦးဌေးမြင့်ကြောင့်၊ ကြောင့်၊ ကြောင့်၊ ကြောင့်၊ ကြောင့် … … … … … … … … … …
ဝမ်ဘောင်ကြောင့်၊ ဦးပိုင်ကြောင့်၊
စစ်တပ်ကြောင့်၊ စီမံကိန်းကြောင့်၊ ကြောင့်၊ ကြောင့်၊ ကြောင့်…………….
(အခုအခါ စစ်တပ်ကတော့ဖြင့် သူသိမ်းခဲ့တဲ့မြေများအတွက်ကုစားတဲ့အလုပ်ကို
စလုပ်ကိုင်နေပါပြီ။)
(ကျန်မြေဓမြများကတော့ ခပ်တည်တည်မှိန်းနေကြတုန်း။
မောင်တေဇတော့ဖြင့် နဲနဲပါးပါး ပြန်ပေးပါပြီ)
ဖွံ့ဖြိုးရေးအတွက်၊ တိုးတက်ရေးအတွက်၊
ဖူလုံရေးအတွက်၊ စက်မှုဇုန်အတွက်၊ ကြက်မှုဇုန်အတွက်၊ ဝက်မှုဇုန်အတွက်၊ အရက်မှုဇုန်အတွက်၊
ခရီးသွားလာရေးအတွက်၊ ဇနီးမယားသာရေးအတွက်၊ ဒုက္ခိတများအတွက်၊ သုခိတများအတွက်၊ အတွက်၊
အတွက်၊ အတွက် … … … … … … …
ကြောင့်မှန်သမျှ တောင်သူတွေခံ။
အတွက်မှန်သမျှ တောင်သူတွေခံ။
အခက်မှန်သမျှ တောင်သူတွေခံ။
တောင်သူတွေခမျာ ခံစရာမှ ဆုတ်စရာမှရှိသေးရဲ့လား။
မအူပင်အဖြစ်အပျက်သည် နောက်ဆုတ်စရာမရှိတော့ဆိုသည့်သဘောပင်။
လက်ပတောင်းတောင်အဖြစ်အပျက်သည် နောက်ဆုတ်စရာမရှိတော့ဆိုသည့်သဘောပင်။
ရန်ကုန်တဝိုက်မှာလဲ ဒုနဲ့ဒေး။ တိုင်းနဲ့ပြည်နယ်အစုံ။
နောက်ထပ် နောက်ထပ် ဘယ်နေရာတွေမှာ ဘယ်တောင်သူတွေ ဘယ်လိုတွေဆက်
ဆက်ခံနေရအုံးမှာလဲ။
တကယ်တန်းကျ တိုင်းပြည်မှာ တောင်သူလုပ်ချင်သူတွေ
သိပ်နဲပါးသွားပါပြီ။
တောင်သူလူရွယ်မှန်သမျှ ထိုင်းနှင့်
မလေးမှာ ရောက်နေကြပါပြီ။ ရွှံ့မကိုင်ချင်ကြတော့ပေ။
တဖြည်းဖြည်း တောင်သူတွေစားဝတ်နေမှုကျပ်တည်းလာကာ
တောင်သူခွင်မဆူဖြိုးတော့သည့်အတွက် လယ်လုပ်ခများကောင်းကောင်းမပေးနိုင်တော့သဖြင့် တောင်သူလူငှားလုပ်ချင်သူ
ပါးလျားလာပြီး အလုပ်အကိုင်ရော လူနေမှုအဆင့်ရောမြင့်ရာ နိုင်ငံခြားသ်ို့ အလုပ်ထွက်လုပ်ကြတော့သည်။
ဝမ်းနည်းစရာအကောင်းဆုံးမှာ ယင်းလူငယ်အလုပ်သမားများနေရာတွင်
တောရောမြို့ပါ ကလေးလုပ်သားများအစားထိုးဝင်ရောက်လာခြင်းပင်။
ယင်းသို့ကလေးလုပ်သားများပေါများလာခြင်းသည်
အနာဂတ်မြန်မာပြည် ပျောက်ဆုံးမည့်အရိပ်လက္ခဏာဟု ဆိုရချေတော့မည်။
ယင်းဖြစ်စဉ်များအားလုံးသည် အလွန်မှ
ရွံရှာစက်ဆုတ်ဖွယ်ကောင်းသည့် မြေသိမ်းမှုများမှ မြစ်ဖျားခံလာခြင်းဖြစ်ပေသည်။
မြန်မာ့လယ်မှုဗရမ်းဗတာဖြစ်နေတာကြာပါပြီ။
ထမင်းတနပ်စားခိုင်းတဲ့ဟာကြီးမှတပါး၊
ခရိုနီလယ်မြေသိမ်းတွေမှတပါး၊ ဦးပိုင်တွေမှတပါး လယ်မြေနဲ့ပတ်သက်၍ အဆင်ပြေကြွယ်ဝသူ မရှိပါ။
နိုင်ငံတော်ကြီးခင်ဗျား
(နိုင်ငံတော်ဆိုတာ ဘယ်ဟာလို့တော့ဖြင့်
မကွဲပြားလှပါ)
တနပ်စားခိုင်းသူကြီးကို ဖြုတ်ပေးပါ။
တောင်သူဘဝချေဖျက်နေတဲ့ ခရိုနီတွေကို
အရေးယူပေးပါ။
မတရားစာချုပ်တွေကို ဖျက်သိမ်းပေးပါ။
တရားမျှတမှုကို ရှာပေးပါ။
တနပ်စားခိုင်းသူကြီးရဲ့အကြံဥာဏ်နဲ့
တောင်သူများနလံထူနိုင်မည်မဟုတ်လို့ပါ။
ခရိုနီတွေကို အရေးယူမပေးရင် ( သူတို့ဆီက
ရန်ပုံငွေလောက်တောင်းနေရင်)
တောင်သူသွေးတွေ မြေကျနေရပါအုံးမည်။
မတရားစာချုပ်တွေ မဖျက်ဖူးဆိုလျှင်
သံဃာတွေမီးလောင်တိုက်သွင်းခံရ၍
တောင်သူသွေးတွေ မြေကျနေရပါအုံးမည်။
တရားမျှတမှုကို ရှာမပေးနိုင်ဘူးဆိုလျှင်
တောင်သူသွေး မြေကျနေရပါအုံးမည်။
တောင်သူတွေကို အားလုံးက ချစ်ကြပါသည်။
ရိုးသားလို့ပါ။
ခရိုနီတွေကို၊ လယ်ဓမြတွေကို၊ ဦးချင်သလိုဦးပြီးပိုင်တဲ့သူတွေကို
အားလုံးက မုန်းကြပါသည်။ နိုင်စားလို့ပါ။
ဘီလူးမို့ပါ။
တိုင်းပြည်ကို ဘီလူးဘေးမှ ကယ်တင်ပေးကြပါခင်ဗျား။
မင်းကျင့်ယုတ်နှင့်
ဟောင်ပုတ်နံ့ညှီ
ခရိုနီသိုး
မြေမုဆိုးတို့
မြေခိုးမြေသိမ်း
မြေမုဒိမ်းကြောင့်
ကတိမ်းကပါး
တိုင်းကားပြည်ရွာ
မချမ်းသာပြီ
မြန်မာနိဂုံးပါတကား။
(ကယ်ပါတိုင်းသား)
(ဓာတ်ပုံ - စုစုနွေးနဲ့ ဒဏ်ရာရ တောင်သူအမျိုးသမီးကြီးတဦး၊ ဖေဖော်ဝါရီ
၂၇၊ ၂၀၁၃၊ မအူပင်ဆေးရုံ။ စုစုနွေး ဖေ့စ်ဘွတ်)
Comments