ဟင်္သာတမြို့က တရားရေးဝန်ထမ်းတွေ အကျင့်ပျက်နေပါတယ်
ပေးပုို့ - ဟင်္သာတမီဒီယာ
မတ်လ ၇၊ ၂၀၁၃
မကြာမီကာလအတွင်းက ဟင်္သာတမြို့မှ ရဲသတင်းပေး အယောင်ဆောင် ခင်မောင်မြင့်ဆိုသူ၏ လိုင်စင်မဲ့ကား အဖမ်းခံရသည့်နောက် တရားရေး၊ ဥပဒေ၊ အကျဉ်းထောင် စသည်တို့နှင့် ရူတ်ယှတ်ခတ်နေသော ဖြစ်စဉ်များဖြစ်ပေါ်နေခဲ့ပါသည်။ ခင်မောင်မြင့်ဆိုသူသည် ဘာမှ မဟုတ်ဆိုသော စကားကို ဦးစွာပြောသင့်သည်။
တစ်ချိန်က နှစ်လုံး၊ သုံးလုံးဒိုင်ဖြစ်ခဲ့ပြီး ရဲများနှင့် အပေးအယူရှိခဲ့သူဖြစ်သည်။ သူ၏ မိသားစုမောင်နှမများမှာလည်း လောင်စာဆီမှောင် ခိုရောင်းဝယ်သူများဖြစ်ရာ ရဲများနှင့်အဆက်အစပ်ရှိခဲ့သည်၊ ရှိနေဆဲလဲဖြစ်သည်။ ထိုမှ ရဲသတင်းပေးဟု အမည်တပ်သော်လည်း ရဲထက် ဆိုးသော အပြုအမူများဖြင့် ပြည်သူများကို နှိပ်စက်နေသူဖြစ်သည်။ မြို့နယ်တွင်းလယ်ယာသုံးအဖြစ် နွားဆွဲလျှင်ပင် ခိုင်မာသော အထောက် အထား မရှိဟုဆိုကာ သူကိုယ်တိုင် ဖမ်းဆီးခွင့်ရှိသကဲ့သို့ ဖမ်းဆီးသူဖြစ်သည်။ အိမ်တွင်းစီးပွားရေးအဖြစ် ရိုးသားစွာဝင်ငွေရှာကာ ဗီဒီယိုအခွေငှားဆိုင်ဖွင့်ထားသူများထံ လစဉ်ကြေးအဖြစ် ကျပ် (နှစ်သောင်း) တောင်းသည်။ မပေးသောသူကို အကြောင်းပြချက်မျိုးစုံဖြင့် ဖမ်းဆီး သည်။
နှစ်လုံးသုံးလုံးဒိုင်များထံမှ လစဉ်ကြေးများစွာရယူကာ ယခင်က ကျော်စောသတင်းရှိသူများကို သူနှင့် အဆင်မပြေပါက သူကိုယ်တိုင်ရေး ယူလာသော လယ်ဂျာအတုများ၊ ဖြတ်ပိုင်းအတုများဖြင့် အကွက်ဆင်ဖမ်းဆီးသူလည်းဖြစ်သည်။ ရဲက ကာယကံရှင်ကို ဖမ်းပြီးပြီဆိုမှ တစ် ဖက်လှည့်ဖြင့် သူသက်သေလိုက်ပေးမည်ဆိုကာ အဖမ်းခံရသူထံမှ နည်းမျိုးစုံဖြင့် ငွေညှစ်သူဖြစ်သည်။
ခင်မောင်မြင့်နှင့်တွေ့လျှင် ရွှေကိုယူသည်။ ငွေကိုယူသည်။ ထို့နောက် လူကိုပါယူသည်ဆိုသော အဖြစ်မျိုး ကြုံတွေ့ခဲ့ရသူများ များပြား လှပြီဖြစ်သည်။ သို့သော် အခြေအနေအမှန်မှာ ခင်မောင်မြင့်၏နောက်ကွယ်တွင် ရဲများရှိမနေဘဲ၊ သူကသာလျှင် ရဲတပ်ဖွဲ့၏ အတွင်းစည်း များကို ထိုးဖောက်ဝင်ရောက်ကာ အားနည်းချက်များကို ဆုပ်ကိုင် အနိုင်အထက်ပြုနေခြင်းဖြစ်သည်။ ခင်မောင်မြင့် နှိပ်စက်သဖြင့် ပြဿနာ ရှင်းရသော ရဲအရာရှိများ၊ အခြားအဆင့်များလည်း များစွာရှိသည်။
တရားရုံးကို မထေမဲ့မြင်ပြုခြင်း၊ ဥပဒေ၀န်ထမ်းများကို ခြိမ်းခြောက်ခြင်း လိုအပ်သလို ဟောက်စား၊ ခြောက်စား၊ ဖော်လံဖားလုပ်ခြင်းတို့မှာ ခင်မောင်မြင့်၏သမိုင်းနှင့်အတူ ဖယ်ရှားမရသော အဖြစ်အပျက်များဖြစ်သည်။
ယခု သူကိုယ်တိုင် တရားခံဖြစ်သောအခါ တရားရေးအဖွဲ့များကို ငွေဖြင့်ဖိကာချဉ်းကပ်သည်။ အဆင်မပြေ၊ ထို့ကြောင့် ရှေ့နေနှင့်ပေါင်းကာ တရားခံလဲလှယ်ရန်ကြိုးစားပြန်သည်။ သူ့အိမ်တွင်ရှိနေသော မိုးကျော်လွင်ကို ရှေ့နေဦးသန်းဦးနှင့် အကွက်ချစီစဉ်ကာ တရားခံလဲလှယ်ရန် ကြိုးစားနေပါသည်။
ယခု နောက်ဆုံးပေါ်ဆောင်ရွက်နေသည်မှာ ထောင်ဆရာဝန်ကြီးဖြစ်သော ဒေါက်တာမောင်မောင်နှင့် ရောဂါပေါင်းစုံပြကာ အာမခံရရှိရေး အသည်းအသန်ဆောင်ရွက်နေသည်ကို တွေ့ရပြန်သည်။ ဒေါက်တာမောင်မောင်ဆိုသည်မှာ ဟင်္သာတမြို့တွင် ဓားမောင်မောင်ဟုနာမည်ကျော်သူဖြစ်ပြီး ပိုက်ဆံရရန်အတွက်ဆိုလျှင် ဘာမဆိုလုပ်ကိုင်သူဖြစ်ကြောင်း တစ်မြို့လုံးသိသူဖြစ်သည်။ မြို့လယ်တွင်ဆေးရုံကို တရားမ၀င်ဖွင့်လှစ်ထားပြီး တရားမ၀င်သော ခွဲစိတ်မှုများ ပြုလုပ်လေ့ရှိသူ။ သူ့ဆေးရုံတွင် လူများစွာကို ဒုက္ခများစွာရောက်စေခဲ့သူဖြစ်သည်။
ထို့အတူ ရှေ့နေဦးသန်းဦး ဆိုသည်မှာလည်း တရားခံကို တရားလိုဖြစ်အောင်၊ တရားလိုကို တရားခံဖြစ်အောင် အပေါ်လမ်းအောက်လမ်း နည်းမျိုးစုံဖြင့် ဆောင်ရွက်တတ်သူဟု နာမည်ကြီးသူဖြစ်သည်။ ယခုကဲ့သို့ ကျင့်ဝတ်သိက္ခာမဲ့သော လုပ်ရပ်ကို အထက်အဖွဲ့အစည်းအ ဆင့်ဆင့်သို့ ခိုင်လုံသောအထောက်အထားများဖြင့် တိုင်ကြားသူက တိုင်ကြားနေကြပြီဖြစ်သည်။
တွဲဖက်တရားသူကြီး ဒေါ်ခင်စိုးညွန့်နှင့် ခင်မောင်မြင့်သည် ယခင်က အမြီးစားဖက် ခေါင်းစားဖက်ဖြစ်သည်။ ခင်မောင်မြင့်ဖမ်းဆီးကာ သက်သေလိုက်ခဲ့သော အမှုပေါင်းများစွာတွင် ဒေါ်ခင်စိုးညွန့်၏ တရားခွင်သို့ မရောက်ရောက်အောင်ကြိုးစားကာ အပေးအယူတည့်ခဲ့ကြ သည်မှာ များလှပြီဖြစ်သည်။ ယခုလည်း ခင်မောင်မြင့်၏ အမှုကို ဒေါ်ခင်စိုးညွန့်၏ တရားခွင်သို့ မရောက်ရောက်အောင် ကြိုးစားနေကြပါသည်။ ပြီးခဲ့သော ရက်ပိုင်းအတွင်းက ဒေါ်ခင်စိုးညွန့်ထံသွားကာ ငွေ သုံးသိန်းပေးခဲ့ပါသည်။ ယခုနောက်ဆုံးသိရသည်မှာ တွဲဖက်တရားသူကြီး ဒေါ်ခင်စိုးညွန့်၏ အခန်းမှ မြို့နယ်တရားသူကြီး ဦးစိန်ဝင်း၏အခန်းသို့ ပြောင်းလဲကာ စစ်ဆေးနေကြောင်း သိရသည်။
ခင်မောင်မြင့်ကဲ့သို့သော ရဲသတင်းပေးအမည်ခံ တရားဝင်ဒုစရိုက်သမားများ မြန်မာနိုင်ငံတွင် မည်မျှရှိနေမည်ကို မတွေးရဲအောင်ပင်ဖြစ်ရပါ သည်။
ဥပဒေကို လေးစားလိုက်နာသော၊ ငွေမျက်နှာကိုမကြည့်သော၊ သိက္ခာသမာဓိကို ရှေ့တန်းတင်သော တရားရေးဝန်ထမ်းများ၊ ဥပဒေ၀န် ထမ်းများ၊ ပြည်သူ့ရဲများက အမှုမှန်ပေါ်ပေါက်စေရေးနှင့် ထိုက်သင့်သော အပြစ်ဒဏ်ချမှတ်နိုင်စေရေးအတွက် ကျိုးစားဆောင်ရွက်နေချိန်တွင် အကျင့်ပျက်ဆရာဝန်၊ အကျင့်ပျက် တရားရေးဝန်ထမ်း၊ အကျင့်ပျက်ရှေ့နေတို့က ဖျက်လိုဖျက်ဆီးဆောင်ရွက်မည်ကို ဟင်္သာတမြို့သူမြို့ သားများက စိုးရိမ်လျှက်ရှိနေကြောင်း သတင်းရရှိပါသည်။
Comments