လေးစား စံထားတဲ့ လေထီး ဦးအုန်းမောင်
မောင်စွမ်းရည်
အောက်တုိုဘာ ၂၂၊ ၂၀၁၃
လေထီးဦးအုန်းမောင်ဟာ ကျနော်တို့ လေးစား စံထားသူတဦး ဖြစ်ပါတယ်။ ဦးအုန်းမောင်ဟာ ရာသက်ပန် နိုင်ငံရေးသမားတဦးဖြစ်ပြီး သူ့ယုံကြည်ချက်တွေအတိုင်း တသက်သုံး မတွေမဝေ မယိမ်းမယိုင်ဘဲ နေထိုင်ကျင့် ကြံသွားပါတယ်။ ကျန်းမာရေးနဲ့ညီအောင် နေထိုင်စားသောက်လေ့ရှိပြီး ကိုယ့်ကျင့်သိက္ခာအရာမှာလည်း အစွန်းအထင်း မရှိအောင် နေထိုင်သွားလေ့ရှိသူတဦး ဖြစ်ပါတယ်။
ဦးအုန်းမောင်အကြောင်းကို ဟိုတစ ဒီတစ ဖတ်ဖူးတာကတော့ ငယ်စဉ်ကတည်းကပါပဲ။ ဦးသိန်းဖေမြင့် ရဲ့ “စစ်အတွင်းခရီးသည်” နဲ့ “မဟာမိတ်နဲ့ ဗမာ့စေတမန်” စာအုပ်များ၊ သခင်မြသန်းနဲ့ မောင်ချစ်ရည်(ဦးစောလွင်) တို့ရေးကြတဲ့ ကိုကိုးကျွန်းအကျဉ်းစခန်းအကြောင်း စာအုပ်များမှာ ဖတ်ခဲ့ရဖူးတာဖြစ်ပါတယ်။
နောင်အခါ ကျနော် ရန်ကုန်ရောက်လာတော့ မိုးဂျာနယ်မှာ ဦးအုန်းမောင် ကိုယ်တိုင်ရေးတဲ့ စာတွေကိုဖတ်ရပြီး ပြည်ပရောက်တော့ ဗိုလ်ချုပ်ကျော်ဇောရဲ့ ကိုယ်တိုင်ရေး အတ္ထုပ္ပတ္တိတွေမှာလည်း ဖတ်ရပါတယ်။ ဒီစာအုပ်စာတမ်းတွေအပြင် ကာနယ်ချစ်ကောင်းရေးတဲ့ “အနှစ် ၂၀” စာအုပ်ကတော့ဖြင့် လွမ်းစရာပါပဲ။
ဦးအုန်းမောင်ဟာ ဗမာ့ခေတ်သစ်သမိုင်း၊ ဗမာ့လွတ်လပ်ရေးသမိုင်း၊ ဗမာတို့ရဲ့ဖက်ဆစ်တော်လှန်ရေးသမိုင်းမှာ ရှေ့ဆုံးမှာက အသက်စွန့်ပါဝင်ခဲ့သူတဦး အဖြစ် အဲဒီစာအုပ်တွေက မီးမောင်းထိုးပြနေပါတော့တယ်။
ဖက်ဆစ်တော်လှန်ရေးကို ဗိုလ်ချုပ်အောင်ဆန်းတို့ရဲ့ ရဲဘော်သုံးကျိပ်နဲ့အတူ ဂျပန်တွေဝင်မလာခင် ကတည်းက ဗမာလူငယ်တွေက ပြင်ဆင်နေခဲ့ပြီဆိုရင် တချို့လူငယ်တွေက အံသြကြပါလိမ့်မယ်။
သခင်အောင် ဆန်းတို့ဟာ ပြည်ပကိုမထွက်ခင်ကတည်းက ဂျပန်တွေဆီကို သွားတာ မဟုတ်ဘဲ ဂျပန်ကို ခုခံတော်လှန်နေပြီဖြစ်တဲ့ တရုတ် ကွန်မြူနစ်တွေဆီကိုသွားရင်း ဂျပန်က သခင်အောင်ဆန်းတို့ ဦးတည်သွားနေတဲ့ တရုတ်မြို့တွေကို သိမ်းပိုက်ပြီးဖြစ်နေလို့ အဆက်ပြတ်သွားခဲ့ရတာပါ။
ရဲဘော်သုံးကျိပ်တို့က အရှေ့ဘက်ကို ထွက်သွားသလို ရဲဘော် ရှစ်ကျိပ်(လောက်)ဟာလည်း အနောက်ဘက်ကို ထွက်သွားခဲ့ပါတယ်၊ အရှေ့ဘက်ကိုထွက်သွားသူတွေရဲ့ ခေါင်းဆောင်က သခင်အောင်ဆန်း၊ အနောက်ဘက်ကို ထွက်သွားသူတွေရဲ့ ခေါင်းဆောင်က သခင်သိန်းဖေ။ တက်ဘုန်းကြီး သိန်းဖေ ခေါ် ကာလကတ္တား သခင်သိန်းဖေ။ သခင်အောင်ဆန်း၊ သခင်သိန်းဖေ၊ သခင်လှဖေ၊ သခင်ဗဟိန်း စတဲ့ သခင်လူငယ်တွေဟာ ဗမာပြည် ကွန်မြူနစ် ပါတီကို စတင်တည်ထောင်သူတွေလည်းဖြစ် ကြပါတယ်။
သခင်အောင်ဆန်းရဲ့အုပ်စုဟာ ထွက်တာစောလို့ ထင်ပါတယ်။ လူဗျောက်သောက် ရောရာပါရှိပါ တယ်။ သခင်သိန်းဖေရဲ့အုပ်စုကတော့ ကွန်မြူနစ်ပါတီဝင်တွေ များပါတယ်။ ကွန်မြူနစ်တွေလိုလိုချည်းပါပဲ။ ကွန်မြူနစ် မဖြစ်သေးသူတွေလည်း ကာလကတ္တားမှာပဲ “နီ” သွားကြပါတယ်။
၁၉၄၄ ခုနှစ်မှာ သခင်ဗိုလ်ခေါင်းဆောင်တဲ့ ရဲဘော် ၉ ဦးအဖွဲ့ဟာ အထက်အညာမှာ ဗဟိုပြုနေတဲ့ ဗိုလ်ဗထူးတပ်ရဲ့ အကူအညီနဲ့ မဲဇာ တကောင်းဘက်ကို ဖြတ်ပြီး အိန္ဒိယပြည်ရှိ သခင်သိန်းဖေ ဦးစီး စီမံခန့်ခွဲနေတဲ့ လေထီးသင်တန်းကို သွားတက်ဖို့ ဖြစ်ပါတယ်။ အဖွဲ့ဝင်တွေထဲမှာ မန်းဝင်းမောင်(နောင်-သမ္မတ)၊ ကာနယ် ချစ်ကောင်း (နောင်-တောခို ကွန်မြူနစ်ခေါင်းဆောင်) ရခိုင် ဦးကျော်ရင် (နောင်-မန္တလေး တက္ကသိုလ် ပါမောက္ခ ချုပ်)၊ ဗိုလ်ဘညွန့် (ပီကင်းပြန် တောခို ကွန်မြူနစ်၊ ကွယ်လွန်)၊ ကိုသန်းဆိုသူနဲ့ ဖျာပုံက ဦးအုန်းမောင် (သုံးကျွန်းပြန် ကွန်မြူနစ်)- အားလုံး ၇ ဦး ဖြစ်ပါတယ်။ ဗိုလ်ဘထူးက လမ်းပြဖို့ထည့်လိုက်တဲ့ ဗိုလ်လှဖေနဲ့ မောင်ကျောက်တို့ပါ ပေါင်းရင်အားလုံး(၇)ဦးပါ။ မဲဇာဘက်ရောက်မှ ဗိုလ်လှဖေ ငှက်ဖျားမိလို့ လူစုခွဲလိုက် ရပါတယ်။ ဦးအုန်းမောင်က ဗိုလ်လှဖေကို ပြန်ပို့ဖို့ နေရစ်ခဲ့ရပါတယ်။ ဒါကြောင့် မန်းဝင်းမောင်နဲ့အတူ နောက်မှ ပြန်သွားရပါတယ်။ အိန္ဒ်ိယနဲ့သီဟိုမှာ လေထီးသင်တန်း၊ စစ်သင်တန်းများကို မဟာမိတ်(အင်္ဂလိပ်၊ အမေရိကန်) တပ်တွေက ဦးဆောင်လေ့ကျင့်ပေးပါတယ်။
ပင်မစခန်းမှာတော့ သခင်သိန်းဖေက သူ့ရဲ့ဘုံရိပ်သာမှာ နိုင်ငံရေး၊ ကွန်မြူနစ်သဘောတရားရေး သင်တန်းတွေ ပေးပါတယ်။ သင်တန်းပြီးတော့ ဗမာပြည်ထဲကို လေထီးနဲ့ခုန်ဆင်းပြီး ပြည်တွင်းက ဖက်ဆစ်တော်လှန်ရေးမှာ ပူးပေါင်းပါဝင်ဆောင်ရွက်ကြရပါတယ်။
ဗမာပြည် လွတ်လပ်ရေးရတော့ ၁၉၄၈ မှာပဲ ကွန်မြူနစ်တွေလည်း ဖဆ-ဆိုရှယ် အစိုးရရဲ့ တောခြောက်တာကို ခံရပြီး ပြည်တွင်းစစ် ဖြစ်ပွားခဲ့ပါတယ်။ ဦးအုန်းမောင်တို့လည်း တောခိုရပြီး ကွန်မြူနစ် ဗဟိုကော်မတီဝင်တွေ ဖြစ်ကုန်ကြပါတယ်။ နောက်တော့ စစ်တပ်က ဖမ်းမိသွားတာဆို ထင်ပါရဲ့။ ထောင်ကျပြီး ကိုကိုးကျွန်းအကျဉ်း စခန်းကို နှစ်ခါပြန် ရောက်ရှိသွားခဲ့ရရုံမက လိပ်ကျွန်းအကျဉ်းစခန်းကိုလည်း အပို့ခံခဲ့ရတော့ ကျွန်းသုံးကျွန်း စံခဲ့ရသူ ဖြစ်သွားခဲ့ပါတယ်။
ကိုကိုးကျွန်းအကျဉ်းစခန်းမှာတော့ ဗန်းမော်တင်အောင်၊ မြသန်းတင့်တို့နဲ့အတူတူ အစာငတ်ခံ တိုက်ပွဲကို ဦးဆောင်ဆင်နွှဲခဲ့သူတဦးအဖြစ် ထင်ရှားပါတယ်။ နောက်ဆုံးပါဝင်လှုပ်ရှားခဲ့တာကတော့ ရှစ်လေးလုံး အရေးတော်ပုံကြီးပါ။ ဦးအုန်းမောင်တို့အကြောင်းတွေကို ဖက်ရတာဟာ ဒဏ္ဍာရီပုံပြင်တွေကို ဖတ်ရသလို မယုံနိုင် လောက်အောင် ထူးခြားဆန်းကြယ်လှပါတယ်။ ဒါပေမယ့် ဒီဖြစ်ရပ်တွေဟာ လူအများအပြားပါဝင်တဲ့ တကယ့် သမိုင်းဝင်ဖြစ်ရပ်တွေပါပဲ။ ဗမာ့လွတ်လပ်ရေးသမိုင်း၊ ဖက်ဆစ်တော်လှန်ရေးသမိုင်းကြီးပါ။
ကျွန်တော် ရန်ကုန်ကိုရောက်လာတာက ၁၉၇၀ ခုနှစ်ကျော်မှပါ။ ကျနော် မန္တလေးမှာ နေကတည်းက ဆက်သွယ်ကျွမ်းဝင်နေတဲ့ စာကြည့်တိုက်မှူးဟောင်း၊ ယဉ်ကျေးမှုဗိမာန်ညွှန်ကြားရေးမှူးချုပ် ဦးသန်းထွတ် (ဆရာတိုက်စိုး)အိမ်ကို မကြာခဏရောက်တတ်ပါတယ်။ ဆရာတိုက်စိုးက”ခုပဲ ကိုအုန်းမောင်ပြန်သွားတယ်”၊ “တော်ကြာရင် ကိုအုန်းမောင်လာလိမ့်မယ်” စသဖြင့်ပြောလေ့ရှိပါတယ်။ ဆရာတိုက်စိုးနဲ့ ဦးအုန်းမောင်ဟာ ဖျာပုံ သားတွေဖြစ်ကြပြီး မူလတန်းကတည်းက တွဲလာတဲ့သူငယ်ချင်းတွေပါတဲ့။ ရုပ်ရည်အရပြောရရင် အမွှာမွေးလို တူကြပါတယ်။
ဆရာတိုက်စိုးက သူ့အထက်က ၀န်ကြီး (ဗိုလ်ချုပ်သောင်းဒန် စသည်) တို့ကို ကြိုတင်ရှင်းပြပြီး ဦးအုန်းမောင်ကို ငယ်သူငယ်ချင်းအဖြစ် သူ့ရုံးကိုတောင် ဖိတ်ခေါ်တွေ့ဆုံခဲ့ပါတယ်။ အထူးသဖြင့်တော့ ရှေးဟောင်းနှောင်းဖြစ်နဲ့ စာကြောင်းပေကြောင်းတွေ ပြောကြတာပါပဲ။
ကျနော် ရန်ကုန်ရောက်လာတဲ့အခါ ဆရာတိုက်စိုးက သူ့အိမ်ကို ဦးအုန်းမောင်၊ သခင်အုန်းမြင့်၊ ဒဂုန် တာရာ စတဲ့ မိတ်ဆွေများကို ဖိတ်ခေါ်ပြီး စကားဝိုင်းဖွဲ့လေ့ရှိပါတယ်။ ကျနော့်ကိုလည်း ဆရာတိုက်စိုးက ဖိတ်လေ့ရှိလို့ သူတို့ဝိုင်းမှာ ပါနေပါတယ်။ အထူးသဖြင့် ရှေးဟောင်းနှောင်းဖြစ်တွေကိုပဲ ပြောလေ့ရှိပါတယ်။ ကျနော်က သူတို့အထ္ထုပ္ပတ္တိတွေကို တပိုင်းတစစီပဲ သိသူဖြစ်လို့ ကျနော်မသိသေးတဲ့ ကွင်းဆက်တွေ ၀င်မေးပါ တယ်။ စာကြောင်းပေကြောင်းကတော့ အားလုံးက ရှေးဟောင်းနောက်မီချည်းဆိုတော့ ပြောလို့လည်း ကောင်း၊ နားထောင်မှတ်သားဖို့လည်း ကောင်းပါတယ်။
ကျနော်တို့ပုံမှန်တွေ့ဆုံလေ့ရှိတဲ့ တခြားနေရာတွေကတော့ မွေးနေ့ပွဲတွေနဲ့ ကွယ်လွန်သူတွေရဲ့ နှစ်လည်ပွဲတွေပါပဲ။ လေထီး ဦးအုန်းမောင်က ဖျာပုံသားဆိုတော့ ဆရာဇော်ဂျီမိသားစုနဲ့လည်း ရင်းနှီးပါတယ်။ ဆရာ ဇော်ဂျီကွယ်လွန်ခြင်း ဆယ်နှစ်ပြည့်ပွဲမှာ သင်္ဘောတစီးလုံးငှားပြီးသွားကြတော့ ဦးအုန်းမောင်တို့၊ သခင် အုန်းမြင့်တို့လည်း ပါကြပါတယ်။ ပွဲမှာ သူတို့စကားပြောခွင့် မရကြပါဘူး။
မုံရွာတင်ရွှေ၊ ဗိသုကာကျော်မင်း၊ ကိုသိန်းတင်(အဖွဲ့ချုပ် တိုင်းစည်းရုံးရေးမှူး)၊ ဟာဂျီမြသန်း(ကိုမင်းဇင်တို့အဖေ)၊ ဆရာမြသန်းတင့် စသူတို့ရဲ့ နှစ်လည်ဆွမ်းကျွေးပွဲ၊ ဆရာကြီးသခင်ကိုယ်တော်မှိုင်း နှစ်လည်ဆွမ်းကျွေးပွဲတို့မှာလည်း ဆုံလေ့ရှိကြပါတယ်။
အမေလူထု ဒေါ်အမာမွေးနေ့ပွဲမှာတော့ သခင်အုန်းမြင့်၊ သခင်သိမ်းမောင်(၀ါးခယ်မ)၊ ဦးထွန်းတင် (သခင်ကိုယ်တော်မှိုင်း ပြည်တွင်းငြိမ်းချမ်းရေးအဖွဲ့၊ အတွင်းရေးမှူး)၊ တော်ဘုရားလေး၊ ဦးချမ်းအေး စသူတွေ့နဲ့ နှစ်စဉ်ဆုံကြတယ်။ ရုပ်ရှင်မင်းသားကြီး ဦးထွန်းဝေလည်း ပါတယ်။
အများအားဖြင့် စစ်အစိုးရက မျက်စေ့ဒေါက်ထောက်ကြည့်တာ ခံရသူတွေ တနိုင်ငံလုံးကဆိုသလို လာကြတာပါ။ ဘယ်မှာ ဆုံဆုံ ဒီလူတွေချည်းပါပဲ။ ဒါပေမယ့် ဒီလူတစုဟာ လက်ရှိအစိုးရအကြောင်းကို အထူးပြောဆိုနေလေ့ မရှိပါဘူး။ (ပြောစရာမှ မလိုဘဲ) ခုဟာက အချင်းချင်း အလွမ်းပြေ တွေ့ဆုံကြ အားပေးကြတဲ့ သဘောထက် မပိုလှပါဘူး။
ကျနော်တို့တတွေ ဦးအုန်းမောင်ရဲ့အိမ်ကိုလည်း အလည်ရောက်လေ့ရှိတယ်။ လူငယ်လေးတွေက အဘ ဦးအုန်းမောင်အိမ်ဆိုရင် လိုက်ပို့ချင်လေ့ရှိတယ်။ သူတို့ရဲ့အဘ ဦးအုန်းမောင်နဲ့ ကျနော်တို့စကားပြောကြတာကို နားထောင်ချင်လို့တဲ့။ ကျနော်က သူတို့ ကိုကိုးကျွန်းမှာ အချင်းချင်း စောင့်ရှောက်ကြပုံ၊ စိတ်ဓာတ်မြှင့်တင်ကြပုံ၊ အပျင်းဖြေကြပုံ၊ နိုင်ငံရေးလေ့လာကြပုံ၊ သမိုင်းလေ့လာကြပုံတွေကို ကိုယ်လည်းကြားချင် လူငယ်တွေလည်းကြား စေချင်ပါတယ်။
ကျနော် ကြားဖူးတဲ့ ပုံပြင်လေးကို ကျနော်ပြန်မေးဖူးတယ်။ အဘထောင်က(ကျွန်းက) လွတ်လာတော့ အိမ်ကို ပြန်လာတယ်။ အိမ်ပေါက်ဝမှာ သူ့သမီးကလေးကိုတွေ့တော့ သမီးက အဖေကိုစိမ်းနေတယ်။ “သမီး အဖေလေ”လို့ပြောတော့ သမီးလေးက “အမေရေ … အဖေဆိုတဲ့လူကြီး လာနေတယ်”လို့ လှမ်းအော်သတဲ့။
တချို့က “ဒီပုံပြင်”လေးကိုကြားရရင် မျက်ရည်ကျကြပါတယ်။ “အဘက တိုက်ပွဲမှာ ခြေတောက်ကို သေနတ်မှန် လို့ အဖမ်းခံရတာဆို”။ “လေထီးတပ်သားကြီးကို ကန်ဖူးတယ်ရှိအောင် ဆိုပြီး စစ်စုံထောက်တွေက ကန်လို့ နံရိုး ကျိုးဖူးတယ်ဆို” စသည်ဖြင့် သူတို့က ၀င်မေးကြတာတွေလည်း ရှိပါတယ်။ သူတို့ရဲ့ အဘကလည်း ကြွားဝါတဲ့ လေသံ၊ အာဃာတ ပါတဲ့ လေသံမပါဘဲ ပုံမှန်ပဲ ပြန်ပြောလေ့ရှိပါတယ်။
လူငယ်နိုင်ငံရေးသမားတွေကို ထောင်ချရင် ထောင်ထဲမှာ ဦးအုန်းမောင်တို့လို နိုင်ငံရေးသမားကြီးတွေနဲ့ အတူထားလေ့ မရှိတာဟာ အဲသလို လူငယ်တွေနဲ့ တွေ့ဆုံမေးမြန်းရင်း နိုင်ငံရေးအမြင်၊ သမိုင်းအမြင်တွေ ရင့်ကျက် မြှင့်တက်ကုန်ကြလို့ပါပဲ။ လူကြီးတွေကလည်း လူငယ်မျိုးဆက်သစ်တွေကြောင့် အားသစ်လာကြပါတယ်။ ဦးအုန်းမောင်တို့ ကိုယ်တိုင်က လူကြီးလူငယ်မခွဲခြားဘဲ အပြန်အလှန်လေးစားသမှုနဲ့ ဘ၀အသိ ဘ၀အားမာန်တွေ ဖလှယ်ကြပါတယ်။ ထောင်ကို ဘ၀တက္ကသိုလ်ဖြစ်စေ ခဲ့ကြပါတယ်။
အဘ ဦးအုန်းမောင်ဟာ အသက် ၈၂ နှစ်အရွယ် ၂၀၀၀ ပြည့်နှစ် ဒီဇင်ဘာ ၂၈ မှာ ကွယ်လွန်တယ်။ ဦးအုန်မောင်ရဲ့အိမ်ကိုလည်း ရောက်ပါတယ်။ ဈာပနလည်း လိုက်ပို့ပါတယ်။ လိုက်ပို့ကြတဲ့ လူထုဟာလည်း မနည်း ပါဘူး။ အဘဦးအုန်းမြင့်(သခင်အုန်းမြင့်) နဲ့ သခင်အိုကြီးတွေ၊ ကျောင်းသားခေါင်းဆောင်ဟောင်း ကိုဘကောင်းနဲ့ ကျောင်းသားခေါင်းဆောင်ဟောင်းတွေ၊ ရှစ်လေးလုံး အရေးတော်ပုံ ခေါင်းဆောင်တွေ၊ စာရေးဆရာတွေ၊ သတင်း စာဆရာတွေ လာရောက်ကြပါတယ်။ ဒေါ်အောင်ဆန်းစုကြည်နဲ့ စာရေးဆရာမ ဒေါ်ခင်ဆွေဦးတို့ကိုလည်း တွေ့ လိုက်ရပါတယ်။
ဈာပနအပြီးမှာ လေထီးဦးအုန်းမောင် အမှတ်တရ စာတမ်းများကို စာအုပ်ထုတ်ဖို့ စာမူတွေစုဆောင်းကြ ပါတယ်။ အဘဦးအုန်းမောင်ရဲ့ဇနီး (မမမြင့်)နဲ့ သမီးကပါ ကျနော်တို့ အမှတ်တရစာအုပ် တည်းဖြတ်ထုတ်ဝေရေးမှာ ပါဝင်ကူညီဖို့ သဘောတူထားပါတယ်။ ဆရာတိုက်စိုး၊ အဘ ဦးအုန်းမြင့်၊ အဘ သခင်သိမ်းမောင် (၀ါးခယ်မ)၊ ဒဂုန်တာရာ စတဲ့ ဆရာကြီးများကို ကြီးကြပ်ဖို့ မေတ္တာရပ်ခံပြီး “စာအုပ်ဈေး”စာအုပ်တိုက်ပိုင်ရှင် ဦးမော်လင်းကို ထုတ်ဝေရေးတာဝန်ယူပေးဖို့ အပ်ပါတယ်။ ဆက်လက်ပြီး လေထီးဦးအုန်းမောင် ကိုယ်တိုင် ရေးခဲ့တဲ့စာတွေကို စုပေါင်းထုတ်ဝေဖို့လည်း ဆုံးဖြတ်ထားကြပါတယ်။
ကျနော်က ဒီစာအုပ်ကို စုပေါင်းထုတ်ဝေဖို့ကိုလည်း ဆုံးဖြတ် ထားကြပါတယ်။ ကျနော်က ဒီစာအုပ်ကို သမိုင်းစာအုပ်အဖြစ်နဲ့ မြန်မာနိုင်ငံသမိုင်းသုတေသနအဖွဲ့ (ဗိုလ်ချုပ်နေ ၀င်းရဲ့ ဇနီး ညွှန်ကြားရေးမှူးချုပ် ဒေါ်နီနီမြင်ထံ တင်းပေးဖို့ကို တာဝန်ယူဖူးထားရပါတယ်။ အဲဒီအဖွဲ့မှာက အဘ ဦးအုန်းမောင်ရဲ့ ငယ်သူငယ်ချင်း ဦသန်းထွတ် (ဆရာတိုက်စိုး)လည်း အမှုထမ်းနေလေရဲ့ဆိုတာကို အများသိကြ တော့ သမ္မတကြီး မန်းဝင်းမောင်ရဲ့လက်ထက်မှာ လေထီးသင်တန်းတက်ဖက် ရဲဘော် ကာနယ်ချစ်ကောင်း ထောင်ချကြိုးပေးပြစ်ဒဏ်ခံရပုံကိုသွားပြီး သတိရကြပါတယ်။
ဦးအုန်းမောင်စာအုပ်ကို ဦးသန်းထွတ်တို့က ဖတ်ရှု တည်းဖြတ်ကြရမှာပါ။ ဒါပေမယ့် ဦးသန်းထွတ်မှာ ထုတ်ဝေခွင့်ပေးနိုင်တဲ့ အာဏာလုံးဝ မရှိရှာတော့တာကို သူငယ်ချင်း ဦးအုန်းမောင် နားလည်းထားပြီးသားပါ။ ခုလို ဒေါ်နီနီမြင့်တို့လက်ထဲ သူ့စာမူအပ်ရတာကိုလည်း မနှစ်မြို့ရှာပါဘူး။ သူ မသေဆုံးခင် ထုတ်ဝေခွင့်ရမယ်လို့လည်း မမျှော်လင့်ခဲ့ပါဘူး။ ဒေါ်နီနီမြင့်ကတော့ ထုတ်ဝေ ခွင့် (ချပေးခဲ့) ထောက်ခံပေးခဲ့သတဲ့၊ စာပေစိစစ်ရေး စစ်ထောက်လှမ်းသမားတွေက ထုတ်ခွင့်မပေးခဲ့ပါဘူး။ (ဒီ ကိစ္စက ဦးအုန်းမောင် မကွယ်လွန်မီကတည်းက ကြုံခဲ့တာပါ)
ထူးဆန်းတဲ့ ကံကြမ္မာကို သတိရလို့ ဆက်ပြောလိုက်ချင်ပါတယ်။ ဆရာတိုက်စိုးနဲ့ အဘ လေထီးဦးအုန်း မောင်တို့ဟာ မူလတန်းမှာကတည်းက သက်တူရွယ်တူ ရုပ်ချင်းတူသူငယ်ချင်းတွေဖြစ်ကြောင်း၊ ကြီးတော့လည်း “သန်းထွတ်” “အုန်းမောင်” လို့ ငယ်ငယ်ကလိုပဲ ခေါ်ကြပြီး အမြဲမပြတ် တွေ့ဆုံလေ့ရှိခဲ့ကြကြောင်း အသိုင်းအ၀န်းကြီး တခုလုံးက သိထားကြပါတယ်။ စစ်စုံထောက်တွေလည်း သိထားကြပါတာပါပဲ။
ဆန်းတာက သူတို့နှစ်ဦးစလုံး ဟာ အသက် ၈၂ နှစ်အရွယ်မှာ ကင်ဆာရောဂါနဲ့ ရှေ့ဆင့်နောက်ဆင့် ကွယ်လွန်သွားကြတဲ့အချက်ပါပဲ။ နှစ်ဦး စလုံးဟာ လည်ပင်းညာဖက်အခြေမှာ ကင်ဆာအကြိတ်နှစ်လုံးပေါ်လာပြီး ဒီအနာနဲ့ပဲ ကွယ်လွန်သွားကြရှာပါ တယ်။ ငယ်သူငယ်ချင်းနှစ်ယောက် နောင်ဘ၀မှာ လွတ်လွတ်လပ်လပ် ရာသက်ပန် ချစ်ခင်လက်တွဲသွားခွင့် ကြုံရပါစေသော်ဝ် လို့ ကျနော်တို့ ဆုတောင်းလိုက်ကြပါစို့။ ။
မောင်စွမ်းရည်
၂၀၀၈ မတ် ၇
ဤနေရာမှ ပြန်လည်ကူးယူခြင်းဖြစ်ပါသည်။