အောက်တိုဘာလ သမိုင်း (History of October)
သန်းဝင်းလှိုင်
အောက်တုိုဘာ ၁၃၊ ၂၀၁၃
ရှေးရောမ ပြက္ခဒိန်တွင် အောက်တိုဘာလသည် “ရှစ်ခုမြောက်လ” ဖြစ်ခဲ့သည်။ မူလအမည်မှာလည်း “ရှစ်ခု” ဟု အဓိပ္ပာယ်ရသော လက်တင်ဘာသာစကား Octo မှ ဆင်းသက်လာသည်။ ထိုမှတစ်ဆင့် အောက်တိုဘာ (October) ဟူ၍ ရွေ့လျောပြောင်းလဲလာသည်။ ပြင်သစ်တို့က အောက်တိုဘာလကို Octobre ဟူ၍ စကားလုံးပေါင်းသည်။
အောက်တိုဘာလ၌ ရက်ပေါင်း ၃၁ ရက် ရှိပြီး ယခုအခါ ပြက္ခဒိန်တွင် (၁ဝ) လမြောက် နေရာသို့ ရောက်ရှိနေသည်။ အောက်တိုဘာလ၏ ဝိသေသထူးခြားသော ပန်းကား ထပ်တရာပန်း ဖြစ်၍ မွေးနံကျောက်မျက်မှာ ကြောင်ကျောက် (Cat’s eyes) ဖြစ်သည်။
မြန်မာ့သမိုင်း၌ အောက်တိုဘာလအတွင်း ထူးခြားဖြစ်ရပ်များမှာ -
၁ဝ၈၉ အောက်တိုဘာ ၁၈ ။ ကျန်စစ်သားမင်းသည် အနော်ရထာမင်း တည်ခဲ့သော ရွှေစည်းခုံစေတီငယ်ကို ငုံ၍ ကျောက်အုတ်ဖြင့် ထပ်မံတည်သည်။
၁၁၁၃ အောက်တိုဘာလ ၁၂။ ရွှေဂူဒါယကာ အလောင်းစည်သူမင်းကြီး ကွပ်ကဲ၍ စစ်သူကြီး လက်ဝဲလက်ယာတို့ဖြင့် တရုတ်တ်ို့အား စစ်တိုက်ရာ စစ်အောင်နိုင်သည်။
၁၅၁၀ အောက်တိုဘာ ၁၆ ။မင်းကြီးညိုသည် ကြာအင်းကို အတွင်းထား၍ မြို့ကြီးတည်ပြီး ကေတုမတီဟု သမုတ်သည်။
၁၅၄၃ အောက်တိုဘာ ၂၇။ အင်းဝဘုရင်ခုံမှိုင်း၊ ကုန်းဘောင်စော်ဘွား၊ ဗန်းမော်စော်ဘွား၊ ညောင်ရွှေစော်ဘွား၊ မိုးနဲစော်ဘွားတို့သည် ကြည်းအား၊ ရေအားဖြင့် ပြည်မြို့သို့ ချီသည်။ မင်းတရားရွှေထီးလည်း ရေအား၊ ကြည်းအား၊ ဆင်၊ မြင်း အလုံးအရင်းနှင့် ဟံသာဝတီမှ ချီလာသည်။ မင်းတရားရွှေထီး အမြောက်ကြီးမြတပူနှင့် ပစ်ခတ်သောကြောင့် စော်ဘွားတို့ လှေတပ်ပျက်ကာ မင်းတရားရွှေထီးလှေတပ်သားတို့ မြေထဲ သရက်သို့တိုင် ဆန်တက်သည်။
၁၅၄၈ အောက်တိုဘာ ၁၃။ ယိုးဒယား (ထိုင်း)တို့က ထားဝယ်ကို ထိပါးလာ၍ မင်းတရားရွှေထီးဦးဆောင်ပြီး တပ် ၁၄ တပ်ဖြင့် မုတ္တမကြောင်းမှ ချီတက်သည်။
၁၅၅၄ အောက်တိုဘာ ၂၄။ ဘုရင့်နောင်သည် တပ်ပေါင်း ၂၅ တပ်ဖြင့် အင်းဝသို့ ချီတက်သည်။
၁၅၅၇ အောက်တိုဘာ ၃၀။ ဘုရင့်နောင်သည် ဟံသာဝတီမှ မိုးနဲ့သို့ ချီတက် တိုက်ခိုက်အောင်မြင်သည်။
၁၅၆၄ အောက်တိုဘာ ၂၂။ ဘုရင့်နောင်သည် ဟံသာဝတီမှ ဇင်းမယ်သို့ ချီသည်။
၁၅၇၂ အောက်တိုဘာ ၂။ ဘုရင့်နောင်သည် တိဂုံဆံတော်ရှင်ဘုရား (ရွှေတိဂုံစေတီတော်) အား ထီးတော်တင်သည်။
၁၅၈၁ အောက်တိုဘာ ၁၀။ ဟံသာဝတီ ဆင်ဖြူရှင်ဘုရင့်နောင် မင်းတရားကြီး နတ်ပြည်စံသည်။
၁၅၈၁ အောက်တိုဘာ ၁၄။ ဘုရင့်နောင်သားတော် နန္ဒဘုရင် နန်းတက်သည်။ သားတော်ကြီး မင်းကြီးစွာကို မဟာဥပရာဇာ ဟူသောအမည်နှင့် အိမ်ရှေ့အရာ ပေးသည်။
၁၅၈၆ အောက်တိုဘာ ၉။ နန္ဒဘုရင်သည် ယိုးဒယားသို့ တတိယအကြိမ် စစ်ချီရာတွင် တောင်ငူဘုရင်တပ်နှင့် သားတော် နတ်ရှင်နောင်တပ်တို့ပါ ပါဝင်တိုက်ခိုက်သည်။
၁၆၀၀ အောက်တိုဘာ ၂၀။ ဟံသာဝတီဘုရင် (နန္ဒဘုရင်) အား တောင်ငူဘုရင်၏သားတော် နတ်သျှင်နောင်က လုပ်ကြံ၍ နတ်ရွာစံရသည်။
၁၆၀၃ အောက်တိုဘာ။ အိမ်ရှေ့မိဘုရားဟောင်းနှင့် တောင်ငူဘုရင် နတ်သျှင်နောင်၏ မိဘုရား ရာဇာဓါတုကလျာသက်တော် (၄၄) နှစ်ပြည့်ရန် (၁) ရက်အလိုတွင် နတ်ရွာစံသည်။
၁၆၀၀ အောက်တိုဘာ ၃။ ညောင်ရမ်းမင်းသည် သားတော် အိမ်ရှေ့မင်း ဥပရာဇာကို တပ်မင်းခန့်၍ ဆင်တပ်၊ မြင်းတပ် တို့ကို ဦးစီးကာ ရမည်းသင်းသို့ ချီစေသည်။
၁၆၀၇ အောက်တိုဘာ ၁၂။ အနောက်ဘက်လွန်မင်းသည် ပြည်မြို့သို့ စစ်ချီသည်။
၁၆၃၀ အောက်တိုဘာ ၁၁။ သာလွန်မင်းသည် ဇင်းမယ်အရေးအခင်းကြောင့် ဘိသိက်မခံဘဲ ဘုရင်အဆင့်တို့၏ ရွှေချက် (မင်း၊ မှူးမတ်တို့ ဆောင်းသော ရွှေထီး) နှစ်စင်းနှင့် ရွှေဝေါတော်ကို စီးသည်။
၁၆၃၀ အောက်တိုဘာ ၂၉။ သာလွန်မင်းသည် ၃၂ တပ် စီရင်၍ ဟံသာဝတီမှ ဇင်းမယ်သို့ ချီသည်။
၁၆၄၇ အောက်တိုဘာ ၈ ။ သာလွန်မင်း၏ သားတော် အမြင့်မင်းနှင့် တရုတ် ပုန်ကန်သဖြင့် နှိမ်နှင်းရာ၊ တိုက်ပွဲဖြစ်ပြီး အမြင့်မင်း ဆင်ထက်၌ပင် သေဆုံးသည်။
၁၆၈၆ အောက်တိုဘာလ ၇။ ညောင်ရမ်းခေတ် ဝမ်းဘဲအင်းနန်းတော်ရွာကို မင်္ဂလာဘူမိ သမုတ်သည်။
၁၆၈၇ အောက်တိုဘာ ၁၁။ မင်းရဲကျော်ထင် နန်းတော်၊ ဗဟိုရ်စင် မော်ကွန်းတိုင်တို့ကို တပြိုင်နက်တည်း ပန္နက် စိုက်သည်။
၁၆၈၇ အောက်တိုဘာ ၁၂။ မင်းရဲကျော်ထင်၏ သားတော်ကို သျှောင်ထုံး၍ နားထွင်းသည်။
၁၇၀၇ အောက်တိုဘာ ၇။ စနေမင်း ရခိုင် သံတွဲသို့ ချီသည်။
၁၇၀၉ အောက်တိုဘာ ၂၉။ သားတော် ပဒုံမင်းကို သျှောင်တော်ထုံး၊ နားထွင်းမင်္ဂလာ သဘင်ကျင်းပသည်။
၁၇၁၁ အောက်တိုဘာ ၂၂။ သားတော် တနင်္ဂနွေမင်းကို အိမ်ရှေ့အရာနှင်း၍ မင်္ဂလာနန်းတော်ဦးသို့ ဝင်စေ အမိန့်ရှိသည်။
၁၇၅၂ အောက်တိုဘာ ၁၁။ အလောင်းမင်းတရား ဦးစီးပြီး ခင်ဦးမြို့ကို ချီတက်တိုက်ခိုက်သည်။
၁၇၅၂ အောက်တိုဘာ ၁၄။ အလောင်းမင်းတရားသည် ခင်ဦးစား ငချစ်ညိုအား အရှင်ဖမ်းရန် အမိန့်ထုတ်သည်။
၁၇၈၂ အောက်တိုဘာ ၂၁။ ဗဒုံမင်းသည် အမရပူမြို့တော်သစ်ကို စတင်တည်သည်။
၁၇၈၄ အောက်တိုဘာ ၁၆။ ဗဒုံမင်းသည် သားတော် မဟာဥပရာဇာ (မောင်ပေါ်)ကို စစ်သေနာပတိချုပ် ခန့်၍ ရခိုင်ဓညဝတီကို သိမ်းယူရန် စေလွှတ်သည်။
၁၇၉၇ အောက်တိုဘာ ၂၉။ စစ်ကဲ နေမျိုးသီရိစည်သူ၊ ရဲခေါင်တမွတ်ကျော်ထင်၊ လူမျိုးကျော်ထင် သီဟသူအား ဗိုလ်ချုပ်ခန့်၍ ဇင်းမယ်သို့ တိုက်ရန် မိုးနဲစစ်ကြောင်း ချီစေသည်။
၁၈၂၄ အောက်တိုဘာ ၃၀။ မုတ္တမမြို့သို့ အင်္ဂလိပ်တို့ ဝန်းရံလာသဖြင့် မုတ္တမမြို့ဝန်မင်းကြီး မဟာဥဇနာသည် တပ်ပါဗိုလ် အရာရှိတို့နှင့် မုတ္တမမြို့မှ ဆုတ်ခွာ၍ ဘီးလင်း၊ဝင်းကတပ်အရပ်တွင် တပ်ချထားခဲ့သည်။
၁၈၄၁ အောက်တိုဘာ ၃။ သာယာဝတီမင်းသည် မိဘုရား၊ သားတော်၊ သမီးတော်၊ မှူးမတ်အပေါင်း ခြံရံလျက် ဥက္ကလာပ နန်းတော်သို့ ဝင်ရောက်သည်။
၁၈၄၆ အောက်တိုဘာ ၁၅။ ရတနာပူရစတုတ္ထမြို့တည် နန်းတည်မင်း ဘကြီးတော်မင်းတရား မကျန်းမာ၍ လေဝေဒနာ စွဲကပ်ကာ နတ်ရွာစံသည်။
၁၈၅၆ အောက်တိုဘာ ၁၆။ မြန်မာသံအဖွဲ့ က တတိယနပိုလီယံထံ ရာဇသံဆက်သသည်။
၁၈၅၆ အောက်တိုဘာ ၃၁။ မန္တလေး ရတနာပုံမြို့သစ် တည်ရန် နေရာ (City Plan) ကို ပုံစံရေးပြီး တင်သွင်းသည်။
၁၈၅၉ အောက်တိုဘာ ၂၆။ ပိဋကတ်သုံးပုံ ကျောက်ထက် အက္ခရာ စတင် တင်သည်။ ထိုနေ့တွင် အင်္ဂလိပ်အရေးပိုင် အာသာဖယ်ရာ နေပြည်တော်သို့ ရောက်ရှိလာသည်။
၁၈၆၂ အောက်တိုဘာ ၈။ အာသာဖယ်ရာ၏ သံအဖွဲ့ မန္တလေး နေပြည်တော် (ရတနာပုံ) သို့ ရောက်ရှိသည်။
၁၈၆၇ အောက်တိုဘာ ၂၅။ အင်္ဂလိပ်-မြန်မာ ကူးသန်းရောင်းဝယ်ရေး စာချုပ် ချုပ်ဆိုသည်။
၁၈၇၈ အောက်တိုဘာ ၁။ မင်းတုန်းမင်းတရာကြီး နတ်ပြည်စံသည်။
၁၈၇၈ အောက်တိုဘာ ၂။ သားတော်သီပေါမင်းသား ထီးနန်းအရိုက်အရာကို ဆက်ခံသည်။
၁၈၇၈ အောက်တိုဘာ ၁၆။ ပိဋကတ်သုံးပုံကို ပေထက်အက္ခရာတင်သည်။
၁၈၇၉ အောက်တိုဘာ ၂၁။ သီပေါမင်းက အိန္ဒိယဘုရင်ခံချုပ်ထံ ချစ်ကြည်ရေး သဝဏ်လွှာ တစ်စောင် ပေးပို့သည်။
၁၈၈၄ အောက်တိုဘာ ၁၀။ရန်ကုန်မြို့မြို့တော်ခန်းမတွင်ကုန်သည်ကြီးများအသင်းက အစည်းအဝေး ကျင်းပရာ မြန်မာပြည်ကို ဗြိတိသျှတို့ သိမ်းပိုက်ရန် လိုအပ်နေပြီဖြစ်ကြောင်း ဆုံးဖြတ်ကြသည်။
၁၈၈၅ အောက်တိုဘာ ၂၂။ ဗြိတိသျှအစိုးရက ဘုံဘေဘားမားသစ်မှုနှင့် ပတ်သက်၍ ရာဇသံပေးပို့သည်။
၁၈၈၇ အောက်တိုဘာ ၂၈။ အထက်မြန်မာပြည် ကျေးရွာစည်းမျဉ်းဥပဒေ (The Upper Burma Village Regulation –Regulation XIV of 1887) ကို ပြဌာန်းသည်။ ရည်ရွယ်ချက်မှာ အစဉ်အဆက် ကျင့်သုံးခဲ့သောကျေးရွာအုပ်ချုပ်ရေးစနစ် အခြေခံမူများကို ရှေးမူမပျက်ထားရှိရေးနှင့်မြန်မာတိုင်းရင်းသားတို့၏ ဗြိတိသျှနယ်ချဲ့ ဆန့်ကျင်ရေးများကို နှိမ်နှင်းရန်အတွက် ဖြစ်သည်။
၁၈၈၇ အောက်တိုဘာ ၂၉။ ဗန့်ကျီနယ်တွင် ရွှေချိုးဖြူမင်းသား ဦးဆောင်သည့် ဗြိတိသျှနယ်ချဲ့ ဆန့်ကျင်ရေး ပေါ်ပေါက်သည်။
၁၉၁၅ အောက်တိုဘာ ၂၆-၂၈။ ဝိုင်အမ်ဘီအေ အသင်းချုပ်ကြီး၏ နိုင်ငံလုံးဆိုင်ရာ တတိယအကြိမ် နှစ်ပတ်လည်ညီလာခံကို မန္တလေးမြို့တွင် ကျင်းပသည်။
၁၉၁၅ အောက်တိုဘာ ၂၈။ မြန်မာနိုင်ငံ ဒုတိယဘုရင်ခံ ရာထူးတွင် ဆာဟာကုတ်ဘတ္တလာ စတင် ဆောင်ရွက်သည်။
၁၉၁၆ အောက်တိုဘာ ၁၄-၁၈။ ၀ိုင်အမ်ဘီအေ အသင်းကြီး၏ နိုင်ငံလုံးဆိုင်ရာ စတုတ္ထအကြိမ် ညီလာခံကို ဟင်္သာတမြို့ တွင် ကျင်းပသည်။
၁၉၁၇ အောက်တိုဘာ ၂-၄။ ဝိုင်အမ်ဘီအေ အသင်းကြီး၏ ပဉ္စမအကြိမ် ညီလာခံကို ပျဉ်းမနားတွင် ကျင်းပသည်။
၁၉၁၈ အောက်တိုဘာ ၂၂-၂၄။ ဝိုင်အမ်ဘီအေ အသင်းကြီး၏ ဆဋ္ဌမအကြိမ် ညီလာခံကို ပျဉ်းမနားတွင် ကျင်းပသည်။
၁၉၁၉ အောက်တိုဘာ ၂၉။ ဗုဒ္ဓဘာသာ ကျောင်းကန်ဘုရားများတွင် ဖိနပ်စီးနင်း ဝင်ရောက်သွားလာခြင်းနှင့် စပ်လျဉ်း၍ ပြဋ္ဌာန်းချက် ထုတ်ပြန်သည်။
၁၉၂၀ အောက်တိုဘာ၂၄။ ရန်ကုန်တက္ကသိုလ်အက်ဥပဒေကို အိန္ဒိယဘုရင်ခံချုပ်ချမ်းစဖို့ဒ် ထုတ်ပြန် ကြေညာသည်။
၁၉၂၀ အောက်တိုဘာ ၂၉-၃၁။ ဝိုင်အမ်ဘီအေ အသင်းကြီး၏ မြန်မာနိုင်ငံလုံးဆိုင်ရာ အဋ္ဌမ အကြိမ်မြောက် ညီလာခံကို ပြည်မြို့တွင် ကျင်းပသည်။ ယင်းညီလာခံတွင် ၀ိုင်အမ်ဘီအေကို မြန်မာတိုင်းရင်းသားများ အသင်းများ၏ အသင်းချုပ်ကြီး (G.C.B.A) ဟု ပြောင်းလဲခေါ်ဝေါ်ရန် ဆုံးဖြတ်ကြသည်။
၁၉၂၁ အောက်တိုဘာ ၇။ ဗြိတိသျှပါလီမန်မှ မြန်မာနိုင်ငံကို အုပ်ချုပ်ရေး တိုးမြှင့်ပေးသင့် မပေးသင့် စုံစမ်းစစ်ဆေး အစီရင်ခံရန် ကော်မတီတရပ်ဖွဲ့စည်းပေးသည်။ ဥက္ကဌမှာ အိန္ဒိယဥပဒေပြု ကောင်စီဥက္ကဌ ဆာအေဖရက်ဒရစ်ဝှိုက် ( Sir. A. Frederick Whyte) ဖြစ်၍ ထိုကော်မတီကို ၀ှိုက်ကော်မတီဟု ခေါ်တွင်ကြသည်။
၁၉၂၁ အောက်တိုဘာ ၂၀။ မန္တလေးမြို့ အနောက်ပြင်စကုတိုက်ယွန်းကျောင်းတွင် မန္တလေးမြို့နှင့် အထက်မြန်မာနိုင်ငံမှ သံဃသမဂ္ဂီ ၉၃ ဖွဲ့မှ ကိုယ်စားလှယ်များ သံဃာ့အဖွဲ့ချုပ် ဖွဲ့ရန် စည်းဝေးပြီး မြန်မာပြည်သမ္မာသမ္ဗုဒ္ခ သာသနာတော်လုံးဆိုင်ရာ မဟာသံဃာ့အဖွဲ့ချုပ်ကို ဖွဲ့စည်းသည်။ ဥက္ကဌမှာ ဘေးမဲ့ဆရာတော် ဦးရေဝတ၊ အကျိုးဆောင်ချုပ် ဆိတ်ကြီးကျောင်း ဆရာတော် ဦးပညာသာမိ တို့အား ရွေးကောက်တင်မြှောက်ကြသည်။
၁၉၂၁ အောက်တိုဘာ ၂၁-၂၄။ ဂျီစီဘီအေ အသင်းကြီး၏ နဝမအကြိမ် နိုင်ငံလုံးဆိုင်ရာ ညီလာခံကို မန္တလေးမြို့တွင် ကျင်းပရာ နေမျိုးသိန္ဓိကျော်ထင်ဘွဲ့ခံ တပယင်းဝန်ထောက် ဦးမြဲက သဘာပတိအဖြစ် ဆောင်ရွက်သည်။ ညီလာခံတွင် ရွှေတိဂုံစေတီတော်ကုန်းပေါ်မှ အင်္ဂလိပ်ခံတပ် ရွှေ့ပြောင်းပေးရန် ၀ှိုက်ကော်မတီနှင့် ဝေလမင်းသားအား သပိတ်မှောက်ရန်နှင့် အမျိုးသားနေ့ ရွေးချယ်သတ်မှတ်ရေးများကို ဆွေးနွေးပြဌာန်းခဲ့သည်။
၁၉၂၂ အောက်တိုဘာ၁။ ပဒေသရာဇ် ရှမ်းပြည်နယ်များကို ဖွဲ့စည်းသည်။
၁၉၂၂ အောက်တိုဘာ ၂။ ဂျီစီဘီအေ မြန်မာနိုင်ငံလုံးဆိုင်ရာ အထူးကွန်ဖရင့် ကျင်းပ၍ ဒိုင်အာခီ ဥပဒေပြုအဖွဲ့သို့ ဝင်ရောက်ရန် ဆုံးဖြတ်သည်။
၁၉၂၄ အောက်တိုဘာ ၂။ ရန်ကုန်မြို့ ရာဖီရုပ်ရှင်နန်းတော်ရုံတွင် ကျင်းပသော မြို့သူမြို့သား အစည်းအဝေး၌ အစိုးရကို အကြည်ညိုပျက်အောင် ဖောက်ပြားသည်ဆို၍ ဆရာတော် ဦးဥတ္တမအား ပုဒ်မ ၁၂၄ (က) အရ ဖမ်းဝရမ်း ထုတ်သည်။
၁၉၂၅ အောက်တိုဘာ ၆။ လှိုင်ပုကျော် ဂျီစီဘီအေ အထူးကွန့်ဖရန့်ကို တောင်ငူမြို့၌ ကျင်းပသည်။
၁၉၃၀ အောက်တိုဘာ ၁၀-၁၁ ။ သက်ပန်းဆရာတော် ဦးစီးသည့် မဟာသံဃာ့သမဂ္ဂီနှင့် ဦးစိုးသိမ်း ဂျီစီဘီအေ တို့၏ အမှုဆောင်များ ပူးပေါင်းအစည်းအဝေးကို ကျင်းပသည်။ ယင်းအစည်းအဝေးတွင် ဆရာစံက ဗြိတိသျှအစိုးရကို ပုန်ကန်ထကြွရန် အဆိုပြုခဲ့သည်။
၁၉၃၀ အောက်တိုဘာ ၂၈။ ဆရာစံသည် သာယာဝတီအရှေ့ မြစိမ်းတောင်ညိုဘုရားတွင် ၂၃း၃၃ နာရီတွင် ပထမအကြိမ် ရာဇဘိသေက တင်မြှောက်ပွဲ ကျင်းပပြီး သုပဏ္ဏကဂဠုနရာဇာ ဟူသော ဘွဲ့ကို ခံယူသည်။
၁၉၃၁ အောက်တိုဘာ ၂၂။ ဂဠုန်ဆရာစံအတွက် ဘိလပ်ပရီမီကောင်စီသို့ အယူခံဝင်ရန် ဒေါက်တာ ဘမော် အမှူးပြုသည့် အဖွဲ့ကို ဖွဲ့စည်းသည်။
၁၉၃၁ အောက်တိုဘာ ၂၉။ တရားလွှတ်တော်ချုပ်က ဆရာစံအပေါ် ချမှတ်ထားသည့် သေဒဏ်ကို အတည်ပြုသည်။
၁၉၄၀ အောက်တိုဘာ ၁၈တရုတ်-မြန်မာ လမ်းမကြီးကို အင်္ဂလိပ်နှင့်ဂျပန် သဘောတူညီချက်အရ သုံးလကြာ ပိတ်ထားရာမှ ပြန်လည်ဖွင့်လှစ်သည်။ဒေါက်တာဘမော်အား မိုးကုတ်တောင်သို့ ပို့သည်။ သခင်ဗစိန် မြန်မာ-ယိုးဒယား နယ်စပ်နှင့် မိုင် ၄ဝ အကွာ လမ်းခရီး၌ ဗြိတိသျှစုံထောက်တို့၏ ဖမ်းဆီးခြင်း ခံရသည်။
၁၉၄၁ အောက်တိုဘာ ၁၈။ ဗြိတိသျှဝန်ကြီးချုပ် ဆာဝင်စတန်ချာချီနှင့် ဂဠုန်ဦးစောတို့ တွေ့ဆုံဆွေးနွေးခဲ့သည်။
၁၉၄၂ အောက်တိုဘာ ၁။ ဂျပန်တို့က ယိုးဒယား - မြန်မာ မီးရထားလမ်းဖောက်လုပ်ရေးအတွက် စတင်စီစဉ်ဆောင်ရွက်သည်။
၁၉၄၂ အောက်တိုဘာ ။ ဗြိတိသျှလေယာဉ်များ မန္တလေးမြို့ပေါ်သို့ ဗုံးများကြဲချသည်။
၁၉၄၂ အောက်တိုဘာ ၈။ ဆိုင်းဆရာကြီးရွာစားကြီး စိန်ဗေဒါ ရန်ကုန်မြို့ ရွှေတောင်တန်းလမ်းတွင် ကွယ်လွန်သည်။
၁၉၄၂ အောက်တိုဘာ ၁၃။ ဗမာ့ကာကွယ်ရေးတပ်မတော် စစ်သေနာပတိ ဗိုလ်မှူးကြီး အောင်ဆန်း ပျဉ်းမနားစစ်ကျောင်းကို စစ်ဆေးကြည့်ရှုသည်။
၁၉၄၂ အောက်တိုဘာ ၁၈။ ဂျပန်စစ်ဘက် ပြန်ကြားရေးဌာနက “သူလျှိုနှိမ်နှင်းရေး” ကြေညာချက်ကို ထုတ်ပြန်သည်။
၁၉၄၃ အောက်တိုဘာ ၂။ အာဇာနည် ဦးဝိစာရ ကြေးရုပ်ဖွင့်ပွဲ အခမ်းအနားသို့ နိုင်ငံတော် အဓိပတိ ဒေါက်တာ ဘမော်နှင့် စစ်ဝန်ကြီး ဗိုလ်ချုပ် အောင်ဆန်းတို့ တက်ရောက်ဖွင့်လှစ်၍ မိန့်ခွန်းပြောကြားသည်။
၁၉၄၄ အောက်တိုဘာ ၁၁။ မြန်မာနိုင်ငံဆိုင်ရာ ဂျပန်သံအမတ် မစ္စတာ အီတာရိုအိရှိက ဗမာနိုင်ငံ အဓိပတိ ဒေါက်တာ ဘမော်ထံသို့ သံအမတ် ခန့်အပ်လွှာပေးအပ်သည်။
၁၉၄၄ အောက်တိုဘာ ၁၈။ ဗြိတိသျှတပ်များ တီးတိန်မြို့ကို တိုက်ခိုက်သိမ်းပိုက်သည်။
၁၉၄၅ အောက်တိုဘာ ၉။ အာရှအရှေ့တောင်ပိုင်း မဟာမိတ်စစ်သေနာပတိချုပ် လော့ဒ်လူဝီ မောင့်ဘက်တန် ရန်ကုန်မြို့သို့ ရောက်ရှိသည်။
၁၉၄၅ အောက်တိုဘာ ၁၆ ။ ဘုရင်ခံ ဒေါ်မန်စမစ် ကလီယိုပက်ထရာ သင်္ဘောဖြင့် မြန်မာနိုင်ငံသို့ ရောက်ရှိသည်။
၁၉၄၅ အောက်တိုဘာ ၂၃မျိုးချစ်မြန်မာ့တပ်မတော်က ဖတပလ အဖွဲ့ချုပ်မှ နုတ်ထွက်ကြောင်း ကြေညာသည်။
၁၉၄၅ အောက်တိုဘာ ၂၅။ မြန်မာနိုင်ငံ ဘုရင်ခံ ဒေါ်မန်စမစ်သည် မြန်မာအစိုးရ၏ အကြံပေးအရာရှိ ဦးတင်ထွဋ်ကို ဖတပလ အဖွဲ့ချုပ်သို့ စေလွှတ်ပြီး အမှုဆောင်ကောင်စီတွင် အဖွဲ့ဝင် ၁၅ ဦးအစား ၁၁ ဦးသာ ခန့်ထားမည်ဖြစ်ကြောင်း ပြောကြားသည်။
၁၉၄၇ အောက်တိုဘာ ၁၇။ ဗြိတိသျှ နန်းရင်းဝန် ကလီမင့်ရစ်ချက်အက်တလီနှင့် မြန်မာယာယီအစိုးရဝန်ကြီးချုပ် သခင်နုတို့ နု-အက်တလီ စာချုပ်ကို လန်ဒန်မြို့၌ လက်မှတ်ရေးထိုးချုပ်ဆိုသည်။
၁၉၅၃ အောက်တိုဘာ ၁၇။ ဘီအေအေ (Burma Athletics Association) အားကစားကွင်းကို အောင်ဆန်းအားကစားကွင်း ဟု အမည်ပြောင်းသည်။
၁၉၅၈ အောက်တိုဘာ ၂၉။ ဗိုလ်ချုပ်ကြီးနေဝင်း ခေါင်းဆောင်သော အိမ်စောင့်အစိုးရ အဖွဲ့သစ် ကျမ်းသစ္စာ ကျိန်ဆိုသည်။
၁၉၆၀ အောက်တိုဘာ ၁။ တရုတ်ပြည်ပီကင်းမြို့၌ တရုတ်-မြန်မာ နယ်နိမိတ်စာချုပ် လက်မှတ်ရေးထိုးသည်။
၁၉၆၄ အောက်တိုဘာ ၁။ မြန်မာနိုင်ငံ ရဲအဖွဲ့ကြီးကို ပြည်သူ့ရဲတပ်ဖွဲ့ကြီးအဖြစ် ပြောင်းလဲလိုက်သည်။
၁၉၆၆ အောက်တိုဘာ ၁၇။ မြန်မာနိုင်ငံသည် စတာလင်ငွေကြေးနယ်ပယ်မှ နုတ်ထွက်သည်။
၁၉၈၉ အောက်တိုဘာ ၁၀။ ပြည်သူ့ရင်ပြင်နှင့် ပြည်သူ့ဥယျာဉ်ဖွင့်ပွဲ အခမ်းအနား ကျင်းပသည်။
၁၉၉၃ အောက်တိုဘာ ၂၃။ ပထမအကြိမ် မြန်မာ့ရိုးရာ မြင်းခင်သဘင်ပွဲတော်ကို ရန်ကုန်မြို့တွင် ပြိုင်ပွဲအမျိုးအစား (၁၂) မျိုးဖြင့် ကျင်းပသည်။
၁၉၉၅ အောက်တိုဘာ ၁၇။ မြန်မာ့ရုပ်ရှင် (၇၅) နှစ်ပြည့်မြောက်သဖြင့် မြန်မာ့ရုပ်ရှင်စိန်ရတုသဘင် အခမ်းအနားကို အမျိုးသားဇာတ်ရုံ တပ်မတော်ခန်းမနှင့် တပ်မတော်စစ်ရေးပြကွင်း (မိုင်ဒါကွင်း)၌ ကျင်းပသည်။
၂၀၀၅ အောက်တိုဘာ ၅။ ကမ္ဘာ့ဆရာများနေ့ (World Teachers’ Day) အထိမ်းအမှတ် အခမ်းအနားကို ကမာရွတ်မြို့နယ် ပြည်လမ်းရှိ စိန်ရတုခန်းမ၌ ပထမဆုံးကျင်းပသည်။
၂၀၁၀ အောက်တိုဘာ ၂၁။ လက်ရှိ လွှင့်ထူနေသော ပြည်ထောင်စုမြန်မာနိုင်ငံတော်အလံ (မဆလခေတ်အလံ) နေရာတွင် ၂ဝဝ၈ ဖွဲ့စည်းပုံအခြေခံဥပဒေပြဌာန်းလိုက်သော အလံတော်သစ်ကို ညနေ ၃ နာရီတိတိ၌ စတင်ပြောင်းလဲ လွှင့်ထူသည်။
၂ဝ၁၁ အောက်တိုဘာ ၂။ စာရေးဆရာသုတေသီမြင့်ထွန်း ကွယ်လွန်သည်။
၂ဝ၁၁ အောက်တိုဘာ ၂၄။ စာရေးဆရာဖျာပုံလှမိုးနွယ်ကွန်လွန်သည်။
၂ဝ၁၁ အောက်တိုဘာ ၂၅။ သခင်လှကြည်ခေါ်ရဲနီကျော်ဝင်း ကွယ်လွန်သည်။
၂ဝ၁၁ အောင်တိုဘာ ၂၅။ ဦးမောင်ညွန့် (ဖိုးဆိုချင်)ကွယ်လွန်သည်။
အောက်တိုဘာလအတွင်း အောက်ပါကမ္ဘာ့သမိုင်းဝင် ဖြစ်ရပ်များလည်း ပေါ်ပေါက်ခဲ့သည်။
ဆိုက်ပရိုက်၊ နိုက်ဂျီးယားနိုင်ငံတို့၏ လွတ်လပ်ရေးနေ့သည် အောက်တိုဘာလ ၁ ရက်နေ့တွင် ကျရောက်သလို တရုတ်ပြည်သူ့သမ္မတနိုင်ငံ၏ အမျိုးသားနေ့ကို အောက်တိုဘာလ ၁ ရက်နေ့တွင် ကျင်းပကြသည်။
ထိုနည်းတူစွာ အပြည်ပြည်ဆိုင်ရာ အကြမ်းမဖက် လှုပ်ရှားမှုကို အောက်တိုဘာလ ၂ ရက်တွင် ကျင်းပ၍ ဂျာမန်နှစ်နိုင်ငံ ပေါင်းစည်းရေး အထိမ်းအမှတ်ကို အောက်တိုဘာလ ၃ ရက်နေ့တွင် ကျင်းပသည်။ ကမ္ဘာ့တိရစ္ဆာန်များအထိမ်းအမှတ်နေ့ကို အောက်တိုဘာလ ၄ ရက်နေ့နှင့် ကမ္ဘာ့ဆရာမနေ့ကို အောက်တိုဘာလ ၅ ရက်နေ့တွင် ကျင်းပသည်။ ခရိုအေးရှားနိုင်ငံ၏ လွတ်လပ်ရေးနေ့မှာ အောက်တိုဘာလ ၈ ရက်နေ့တွင် ကျရောက်၍ ထိုင်ဝမ်နိုင်ငံ၏ အမျိုးသားနေ့ကို အောက်တိုဘာလ ၁ဝ ရက်နေ့တွင် ကျင်းပကြသည်။ စပိန်နိုင်ငံ၏ အမျိုးသားနေ့ကိုမူ အောက်တိုဘာလ ၁၂ ရက်နေ့တွင် ကျင်းပ၍ ယင်းနေ့၌ပင် အမေရိကန် ပြည်ထောင်စု၌ ကိုလံဘတ်နေ့အဖြစ် သတ်မှတ်ကာ ကျောင်းများ၌ ကျင်းပကြသည်။ အီတာလျံလူမျိုး စွန့်စားသွားလာသူ ခရစ်စတိုဖာကိုလံဘတ်သည် ကမ္ဘာသစ်ဟုခေါ်တွင်သော အမေရိကတိုက်ကို ၁၄၉၂ ခု အောက်တိုဘာလ ၁၂ ရက်နေ့၌ ရှာဖွေတွေ့ရှိခဲ့ခြင်းကြောင့် ဂုဏ်ပြုခြင်းဖြစ်သည်။
ဂျပန်နိုင်င၌ အောက်တိုဘာလ ဒုတိယရက်သတ္တပတ်အတွင်း ကျရောက်သော တနင်္လာနေ့ကို ကျန်းမာရေးနှင့် အားကစားနေ့အဖြစ် စည်ကားသိုက်မြိုက်စွာ ကျင်းပကြသည်။ ကုလသမဂ္ဂအဖွဲ့ကြီးက ကြီးမှူး၍ ကမ္ဘာ့စားနပ်ရိက္ခာနေ့ကို အောက်တိုဘာလ ၁၆ ရက်နေ့တွင် ကမ္ဘာ့တစ်ဝှမ်း၌ ကျင်းပကြသည်။ အမေရိကန်ပြည်ထောင်စုပိုင် အလက်စကားပြည်နယ်နေ့ အထိမ်းအမှတ်နေ့ကိုလည်း အောက်တိုဘာလ ၁၈ ရက်နေ့တွင် ကျင်းပလေ့ ရှိသည်။ အောက်တိုဘာလအတွင်း အထူးခြားဆုံးနေ့မှာ ၁၉၄၅ ခုနှစ် အောက်တိုဘာ ၂၄ ရက်နေ့တွင် ကမ္ဘာ့ကုလသမဂ္ဂအဖွဲ့ကြီးကို စတင်တည်ထောင် ဖွဲ့စည်းခဲ့သောကြောင့် အောက်တိုဘာလ ၂၄ ရက်နေ့တိုင်း ကမ္ဘာ့နိုင်ငံများ၌ ကုလသမဂ္ဂနေ့ အထိမ်းအမှတ် ဟောပြောပွဲများ၊ စာပေ ပန်းချီ ဓါတ်ပုံ ပြပွဲ ပြိုင်ပွဲများ နှင့်ပျော်ပွဲရွှင်ပွဲများ ကျင်းပကြသည်။
ဂျာမန်လူမျိုး ပရိုတက်စတင့်ဘာသာ ပြုပြင်ရေးခေါင်းဆောင် မာတင်လူသား (၁၄၈၃ - ၁၅၄၆) သည် အချက်ပေါင်း ၉၅ ချက်ပါဝင်သော သမိုင်းဝင် ခရစ်ယာန် သာသနာတော်လှန်ရေး စာတမ်းကို ၁၅၁၇ ခုနှစ် အောက်တိုဘာလ ၃၁ ရက်နေ့တွင် ဝစ်တင်ဘတ်ဘုရားရှိခိုးကျောင်းတံခါး၌ ကပ်ခဲ့သည်။ ဥရောပသမိုင်း၌ ဘာသာရေး၊ နယ်မြေရေးနှင့် အာဏာရေးတို့ဆိုင်ရာ နှစ် ၃ဝ ကြာ စစ်ပွဲ (၁၆၁၈-၄၈) သည် ဝက်စဗာလီးယားစာချုပ်ဖြင့် ၁၆၄၈ ခုနှစ် အောက်တိုဘာလ ၂၂ ရက်နေ့တွင် ပြီးဆုံးသွားခဲ့သည်။ ၁၈ဝ၅ ခုနှစ် အောက်တိုဘာလ ၂၁ ရက်နေ့တွင် အင်္ဂလိပ်ရေတပ် ဗိုလ်ချုပ် နယ်လဆင် (၁၇၅၈-၁၈ဝ၅) သည် စပိန် အနောက်ဘက်ရှိ ထရာဖာလဂါအငူ၌ နပိုလီယံ၏ ပြင်သစ်တပ်နှင့် စပိန်တပ်များကို တိုက်ခိုက် အောင်မြင်ခဲ့သည်။ သို့သော် ထိုတိုက်ပွဲ၌ နယ်လဆင် ကျဆုံးခဲ့ရသည်။ စစ်ရှုံးပြင်သစ် စစ်ဘုရင် နပိုလီယံ (၁၇၆၉-၁၈၂၁) အား တောင်အတ္တလန္တိတ်သမုဒ္ဒရာအတွင်းရှိ စိန့်အယ်လင်နာ တစ်ကျွန်းသို့ ပို့ခဲ့ရာ ကျွန်းသို့ ၁၈၁၅ အောက်တိုဘာ ၁၅ ရက်နေ့တွင် ရောက်ရှိခဲ့သည်။ နပိုလီယံသည် ၁၈၂၁ ခုနှစ် မေလ ၅ ရက် ညနေ ၅ နာရီ ၄၉ မိနစ်တွင် ကွယ်လွန်သွားခဲ့လေသည်။ ကွယ်လွန်ချိန်၌ အသက် ၅၂ နှစ် ရှိပြီ ဖြစ်သည်။
တောင်အမေရိကတိုက် နယ်ချဲ့စနစ် လွတ်မြောက်ရေးဘိုးဝါး စစ်ပွဲ (၁၈၉၉-၁၉ဝ၂) သည် ၁၈၉၉ အောက်တိုဘာလ ၁၂ ရက်နေ့တွင် စတင်ဖြစ်ပွားခဲ့သည်။ ရုရှားနိုင်ငံ၌ ဇာဘုရင် အုပ်ချုပ်ရေးစနစ်ကို လူထုလူတန်းစားပေါင်းစုံက အုံကြွတော်လှန်ပုန်ကန်သော ဘော်ရှီဗစ် (အောက်တိုဘာ) တော်လှန်ရေး သမားများသည် ၁၉၁၇ ခုနှစ် အောက်တိုဘာ ၂၅ ရက်နေ့ အစိုးရအာဏာကို တိုက်ခိုက်သိမ်းပိုက်ခဲ့ကြသည်။ အီတလီ ဖက်ဆစ်အာဏာရှင် မူဆိုလိုနီ၏ စစ်တပ်များသည် ၁၉၂၂ အောက်တိုဘာ ၂၈ ရက်နေ့တွင် ရောမမြို့သို့ ချီတက်၍ ၂၉ ရက်နေ့တွင် အာဏာသိမ်း၍ အစိုးရအဖွဲ့ ဖွဲ့စည်းသည်။ ဂျာမနီနိုင်ငံသည် ဟစ်တလာ အာဏာရခဲ့ပြီးနောက် ၁၉၃၃ အောက်တိုဘာလ ၁၄ ရက်နေ့တွင် နိုင်ငံပေါင်းချုပ် အဖွဲ့ကြီးမှလည်းကောင်း၊ လက်နက်လျော့ပေါ့ရေး ကွန်ဖရင့်မှလည်းကောင်း နုတ်ထွက်လိုက်သည်။ ၁၉၄ဝ ပြည့်နှစ် အောက်တိုဘာလ ၇ ရက်နေ့တွင် ဂျာမန်တပ်များက ရူမေးနီးယားနိုင်ငံကို ဝင်ရောက်ကျူးကျော်တိုက်ခိုက် သိမ်းပိုက်သည်။
အကြီးဆုံး ရေတပ်တိုက်ပွဲဖြစ်သော ဖိလစ်ပိုင်နိုင်ငံ ပင်လယ်ကွေ့တိုက်ပွဲသည် ၁၉၄၄ အောက်တိုဘာလ ၂၂ ရက်နေ့တွင် စတင်ဖြစ်ပွားသည်။ ကမ္ဘာ့ကွန်မြူနစ်အဖွဲ့ချုပ်ကို ၁၉၄၇ အောက်တိုဘာ ၅-၆ ရက်နေ့တွင် ရုရှားကွန်မြူနစ်ပါတီက ဦးဆောင်၍ ယူဂိုစလပ်ဗီးယားနိုင်ငံ ဘဲလ်ဂရိတ်မြို့၌ ကျင်းပသည်။ ပထမဆုံး ဗြိတိသျှ အနုမြူဗုံးကို သြစတြေးလျနိုင်ငံ အနောက်မြောက်ဘက်ရှိ မွန်တီဘယ်လိုကျွန်းစု၌ ၁၉၅၂ ခုနှစ် အောက်တိုဘာလ ၃ ရက်နေ့တွင် စတင်စမ်းသပ် ဖောက်ခွဲခဲ့သည်။ ၁၉၅၇ အောက်တိုဘာလ ၄ ရက်နေ့တွင် ဆိုဗီယက်ပြည်ထောင်စုက ကမ္ဘာ့ပထမဆုံး စပွတ်နစ်-၁ ဂြိုဟ်တုကို အာကာသအတွင်းသို့ အောင်မြင်စွာ လွှတ်တင်နိုင်ခဲ့သည်။
အောက်တိုဘာလဖွား အကျော်ဇေယျပုဂ္ဂိုလ်များ၌ အမေရိကန်သမ္မတဟောင်း ဂျင်မီကာတာ (အောက်တိုဘာ ၁ ဖွား)၊ ရုပ်ရှင်သရုပ်ဆောင် ကိတ်ဝင်းစလက် (အောက်တိုဘာ ၅)၊ ဒေးဗစ်ကင်မရွန် (အောက်တိုဘာ ၉)၊ အိန္ဒိယဘေလီဝုဒ်မင်းသားကြီး အမီတာဘတ်ချမ်း (အောက်တိုဘာ ၁၁)၊ ဗြိတိန်ဝန်ကြီးချုပ်ဟောင်း မာဂရက်သက်ချာ (အောက်တိုဘာ ၁၃)၊ ဂျိန်းစဘွန်းမင်းသား ရော်ဂျာမိုး (အောက်တိုဘာ ၁၄)၊ ဟောင်ကောင်ဒါရိုက်တာ အန်းလီ (အောက်တိုဘာ ၂၃)၊ အမေရိကန်နိုင်ငံခြားရေး ဝန်ကြီးဟောင်း ဟီလာရီကလင်တန် (အောက်တိုဘာ ၂၆)၊ ကမ္ဘာကျော် ကွန်ပျူတာဆော့ဝဲလ် ပညာရှင် ဘီလ်ဂိတ် (အောက်တိုဘာ ၂၈) သြစတြေးလျ ရုပ်ရှင်မင်းသမီး ဂျူလီယာရောဘတ်စ် (အောက်တိုဘာ ၂၈)၊ နိုဘယ်ဆုရ ဓါတုဗေဒပညာရှင် ဆာဝီလျံရမ္မဘေး၊ ဒပ်ခ်ျအမျိုးသားရောဂါပိုးမွှားရှာ မှန်ဘီလူးတီထွင်သူ လီယူဝင်ဟုတ်၊ ဂျာမန်ဒသနကပညာရှင် နီရှေး၊ အမေရိကန် အဘိဓါန် ကျမ်းပြုဆရာ နိုအာဝက်စတာ၊ စာရေးဆရာနှင့် သမိုင်းပညာရှင် လော့ကက္ကောလေး၊ ပြဇာတ်နှင့် ဝတ္ထုရေးဆရာ အော်စကာဝိုင်း၊ ဟိုက်ဒရိုဂျင် ဓါတ်ငွေ့ရှာဖွေတွေ့ရှိသူ ဟင်နရီကာဗင်နှစ်၊ အိန္ဒိယ ခေါင်းဆောင်ကြီး မဟတ္တမဂန္ဓီ၊ အမေရိကန် ၂၆ ဆက်မြောက်၊ သမ္မတ သီအိုဒိုရုစဘဲ့၊ ၃၄ ဆက်မြောက် သမ္မတ အိုင်ဆင်ဟောင်ဝါ၊ ထိုင်ဝမ် သမ္မတ ချန်ကေရှိတ်၊ ဗြိတိသျှနန်းရင်းဝင် ချိန်ဘာလိန်၊ ကမ္ဘောဒီးယားဘုရင် သီဟာနုတို့ ဖြစ်ကြသည်။
အနောက်တိုင်း ဗေဒင်အလိုအရ အောက်တိုဘာလ ၁ ရက်မှ ၂၂ ရက်အတွင်း မွေးဖွားသူများသည် တွေးခေါ်မြော်မြင်ဥာဏ်ထက်မြက်၍ အများအကျိုးကို ဆောင်ရွက်တတ်သူများ ဖြစ်ကြသည်။ ၎င်းတို့သည် သုတေသနလုပ်ငန်းများ၌ ၀ါသနာထုံ၍ စာပေမွေ့လျော်သူများလည်း ဖြစ်သည်။ အောက်တိုဘာ ၂၃ မှ ၃၁ ရက်အတွင်း မွေးဖွားသူများသည် လက်ရုံးရည်ထက် နှလုံးရည်ကို ပိုမိုအားကိုးတတ်ကြသည်။ ပြသနာတရပ်ကို ခေါင်းအေးအေးဖြင့် အဖြေရှာ ဖြေရှင်းတတ်ကြသည်။ တွေးခေါ်မြော်မြင်ရေးဖက် အားသန်ကြသည် ဟု ဆိုသည်။ ယခုနှစ် ၂ဝ၁၃ ခုနှစ် အောက်တိုဘာလတွင် မြန်မာတော်သလင်းလပြည့်ကျော် ၁၂ မှ တော်သလင်းလကွယ် နေ့အထိ ၄ ရက်ပါဝင်ပြီး သီတင်းကျွတ်လဆန်း ၁ ရက်မှ သီတင်းကျွတ် လပြည့်ကျော် ၁၂ ရက်နေ့အထိ ၂၇ ရက် ပါဝင်သည်။ ထို့ကြောင့် ယခုနှစ် အင်္ဂလိပ် အောက်တိုဘာလ သည် မြန်မာသီတင်းကျွတ်လ အများဆုံးတိုက်ဆိုင်လေသည်။
သီတင်းကျွတ်လသည် မြန်မာပြက္ခဒိန်၌ သတ္တမမြောက်လဖြစ်ပြီး ရက်မစုံကွယ်သောကြောင့် ၂၉ ရက်သာ ရှိသည်။ မြန်မာနာရီ ၆ဝ ရှိသည့်အနက် သီတင်းကျွတ်လတွင် နေ့ ၃ဝ နာရီ ၊ ညဥ့် ၃ဝ နာရီရှိသဖြင့် နေ့၊ညဥ့် နာရီတူသောလဖြစ်သည်။ ကန်ရာသီ၌ အဿဝဏီနက္ခတ်နှင့် လမင်းတို့ ယှဉ်ပြိုင်ကာ မွန်းတည့်ပေ။ စိတြနက္ခတ်နှင့် လမင်းတို့ ယှဉ်သည်။ ကျီးတာရာထွန်း၍ ရာသီရုပ်ကား ချိန်ခွင်ဖြစ်သည်။
သီတင်းကျွတ်လကိုပင် ဝါကျွတ်လ ဟူ၍လည်းကောင်း “သန်တူလ” ဟူ၍လည်းကောင်း ခေါ်ဝေါ်ရေးသားကြသည်။ ထို့ကြောင့် ကဗျာစာဆိုတို့က -
ဝါဆိုရာ ကင်းလွတ်
သီတင်းကျွတ် ဤအခါ
ရှေးလာရာ သန်တူလ
ခေါ်ကြထင်စွာ။
ဝသန္တ သန်အစွဲငယ်နှင့်
တူရာသီမှာ တူမလွဲစေဘို့
နှစ်လီတွဲ သန်တူလာ
ရာသီနှင့်ဥတု။
ထုတ်ပြထင်ထင်
ဗုဒ္ဓရယ် ဘဝဂါရှင်က
မှာတသွင် မိန့်တော်မှတ်ပါတဲ့
ဝါကပ်ကာ ကျွတ်သီတင်းလို့ရယ်
ရှင်းပြသမှု။
ဟူ၍ စပ်ဆိုခဲ့ကြသည်။
သီတင်းကျွတ်လကို ရှေးသူဟောင်းတို့က “သန်တူလ” ဟု ခေါ်ဆိုကြသည်။ ခေါ်ဆိုခြင်း အကြောင်းကား ဝသန္တမိုးဥတုကို “သန်” ဟူ၍ ခေါ်ဆိုသည်။ “တူ” မှာ တူရာသီဖြစ်၏။ ရာဇမတ္တဏ်ကျမ်းရာသီ ဘိဓါနအပိုင်းတွင် -
တူလာ = တူရာသီ။ ဇကာ = တူရာသီ၊ စုကာ = တူရာသီ၊ တောလီ = တူရာသီ ၊ ဝဏိဇ္ဇာ = တူရာသီ၊ တူလာဇရာ = တူရာသီ ဟူ၍ ပရိယာယ် (၆) ပါး ပြသည်။ ထိုပရိယာယ် (၆) ပါးကား စဉ်းချိန်၏ ပရိယာယ်ချိန်ကို စွဲသော ကုန်သည်၏ ပရိယာယ်တည်း။
မြန်မာဘာသာမှာ ချိန်ခွင်ကို ကိုင်ခဲ့သော ဈေးသည်၊ ကုန်သည်တို့နှင့် တူသောရာသီဟု ဆိုလိုသည်။ ထို့ကြောင့် “သန်တူလ” ခေါ်ဝေါ်သည်မှာ ဝသန္တဥတုရာသီ ဟု ဆိုလိုရင်း ဟူ၍ ပြဆိုထားလေသည်။ သီတင်းကျွတ်လ ခေါ်ဆိုသည်မှာ ဝါဆိုလပြည့်နေ့မှစ၍ ဝါတွင်း ၃ လ ရက်ပေါင်း ၉ဝ။ သီတင်းကျွတ် လပြည့်ကျော် ၁ ရက်နေ့ သီတင်းဝါလကျွတ်သောကြောင့် သီတင်းကျွတ် ဟူ၍ သာသနာတော် ကျမ်းအရကို ခေါ်ဆိုကြောင်း ဟူ၍ ဝေါဟာရလိနတ္ကဒီပနီကျမ်း၌ ပြဆိုထားလေသည်။ သီတင်းကျွတ်၌ ဗုဒ္ဓဘာသာဝင် အပေါင်းက မြတ်စွာဘုရားရှင်အား ဆီမီးပူဇော်ပြပုံ နောက်ခံသမိုင်းကိုလည်း ဖေါ်ပြလိုပါသည်။
ဗုဒ္ဓပြတ်စွာဘုရားရှင်သည် ဝါတော် (၆) အလွန် (၇) ၀ါမြောက် ဝါကပ်ဆိုခါနီး မဟာသက္ကရာဇ် ၁ဝ၉ ခုနှစ် ဝါဆိုလပြည့်နေ့တွင် သာဝတ္တိပြည်၏ တောင်မျက်နှာတံခါးအနီးဝယ် ကဏ္ဍ အမည်ရှိသော ဥယျာဉ်မှူး စိုက်ပျိုးသည့် သရက်ပင်ရင်း၌ တိတ္ထိအပေါင်းတို့ကို နှိမ်နှင်းခြင်းငှာ တန်ခိုးပြာဋိဟာတို့ကို ပြတော်မူပြီးနောက် တာဝတိံသာ နတ်ပြည်သို့ တက်ကာ ကျေးဇူးရှင် မယ်တော်ဖြစ်ခဲ့ဖူးသော သန္တုဿိတနတ်သားအား ကျေးဇူးဆပ်ရန်အတွက် လူတို့၏ အရေအတွက်အားဖြင့် ဝါတွင်းသုံးလပတ်လုံး မယ်တော်နတ်သားနှင့်တကွ နတ်ဗြဟ္မာအပေါင်းတို့အား အဘိဓမ္မာတရားတော် ဟောကြားတော်မူရာ များပြားလှသော နတ်ဗြဟ္မာတို့သည် ကျွတ်တမ်းသို့ ဝင်ကြလေကုန်၏။
ယင်းသက္ကရာဇ် ၁ဝ၉ ခုနှစ်၌ပင် သာဝတ္တိပြည်ရှိ လူပေါင်းတို့က အရှင်မောဂ္ဂလာန်နှင့် အရှင် အနုရုဒ္ဓါတို့ထံ ရှင်တော်မြတ်စွာသည် ဘယ်ဒေသသို့ ကြွသွား၍ အဘယ်အခါမှ လူ့ပြည်သို့ ဆင်းကြွတော်မူပါမည်နည်း ဟု မေးလျှောက်ကြလေလျှင် နတ်မျက်စိကဲ့သို့ သိမြင်သောအရာ၌ ဘုရားရှင်က ဧတဒဂ်ပေးထားသော အနုရုဒ္ဓါမထေရ်က -
“ဒါယကာတို့ ဘုရားရှင်သည် တာဝတိံသာ နတ်တို့ပြည်ဝယ် ဝါကပ်တော်မူလို၍ မြင်းမိုရ်ထိပ်သို့ တက်ကြွတော်မူလေသည်။ ယခုအခါ သုဒဿနမြို့တော်ပင်လယ် ကသစ်ပင်ရင်း၌ ခင်းထားအပ်သော ပဏ္ဍုကမ္ဗလာမြကျောက်ဖျာထက်ဝယ် စံပယ်တော်မူလေသည်။ ဝါတွင်းသုံးလပတ်လုံး သီတင်းသုံး၍ သီတင်းကျွတ်လပြည့်နေ့ကျရောက်မှ လူ့ပြည်သို့ ကြွဆင်းတော်မူလတ္တံ့” ဟု မိန့်ဆိုလေသည်။
ယင်းသို့ သာဝတ္တိပြည်၌ စုရုံးကြိုဆိုနေကြသည်။ ပရိတ်သတ်အပေါင်းတို့သည် သီတင်းကျွတ်လဆန်း ၈ ရက်နေ့သို့ ကျရောက်လတ်သော် အရှင်မောဂ္ဂလာန်ထံ ချဉ်းကပ်၍ “အရှင်ဘုရား တပည့်တော်တို့ လူ့ပြည်သို့ ဘုရားရှင်ကြွဆင်းမည့်နေရာကို သိရှိလိုပါသည်” ဟူ၍ လျှောက်ထားတောင်းပန်ကြသည်။ တန်ခိုးအရာ၌ ဧတဒဂ် ဘွဲ့ရထားသော ရှင်မောဂ္ဂလန်သည် ဈာန်ဖြင့် ပျံတက်၍ မြင်းမိုရ်တာဝတိံသာထိပ်သို့ရောက်လျှင် ဘုရားရှင်၏ ခြေတော်ကို ဦးခိုက်၍ ဘုရားရှင်အား ဤတာဝတိံသာနတ်ပြည်မှ သက်ဆင်းမည့်ဌာနကို သိလိုကြောင်း လျှောက်ထားရာ မြတ်စွာဘုရားရှင်က-
“ချစ်သား ရှင်မောဂ္ဂလာန် ငါဘုရားသည် သီတင်းကျွတ်လပြည့်နေ့၌ သင်္ကဿနဂိုရ်ပြည်၏ တောင်တံခါး ကြွဆင်းတော်မူအံ့၊ ငါဘုရားကို ဖူးမြော်လိုသော ပရိသတ်တို့အား ထိုပြည်သို့သာ လာစေကုန်လော့၊ သင်တို့၏ နေရာ သာဝတ္တိပြည်မှ သင်္ကဿနဂိုရ်ပြည်ကား ယူဇနာ ၃ဝ မျှကွာဝေး၏။ သို့သော်လည်း လူအများတို့သည် စားနပ်ရိက္ခာမပါဆောင်ကြဘဲ ဥပုသ်စောင့်ရန် ကျောင်းသို့ သွားသကဲ့သို့သာလျှင် သွားလေကုန်ဟု ပရိတ်သတ်တို့အား ပြောကြားလေ” ဟု မိန့်တော်မူလေသည်။
သီတင်းကျွတ်လပြည့်နေ့ ကျရောက်လတ်သော် ရှင်တော်မြတ်ဘုရားက သိကြားမင်းအား ယနေ့ လူ့ပြည်သို့ ဆင်းသက်တော်မူမည်ဟု မိန်တော်မူလျှင် သိကြားမင်းသည် နတ်အပေါင်းတို့အား အကြောင်းကြားကာ သုဒဿနမြို့တော်၏ တောင်တံခါးမှ သင်္ကဿနဂိုရ်မြို့တော်၏ တောင်တံခါးတိုင်အောင် ထောင်အပ်၏။ လှေကားသဏ္ဍာန်ရှည်လျားကြီးကျယ် ရှုချင်ဖွယ်ရှိလှသော ပတ္တမြားစောင်းတန်းတို့ကို ဆန်းကြယ်စွာ ဖန်ဆင်းလေသည်။
ရှင်တော်မြတ်စွာဘုရားသည် ထက်ဝန်းကျင်အတောင် (၈ဝ) ရှိသည့် ဌာနသို့ အပြာညို၊ အဝါရွှေ၊ အနီ၊ အဖြူ၊ အညိုမောင်း၊ ပြိုးပြိုးပြက်သော အရောင်တည်း ဟူသော ရောင်ခြည်တော် ခြောက်ဆိုင်ကို တစ်ပြိုင်တည်း ထွက်စေလျက် “ကေတုမာလာ” ဟု ဆိုအပ်သော ရတနာဦးထိပ်မှ သိင်္ဂနိတ်ဇမ္ဗပုရာဇ်ဦးသစ်သော ရွှေခိုင်နှင့် တူသည့်ရောင်လျှံမကိုဋ်ကို ဘဝဂ်ခိုက်အောင် တောက်ပစေကာ ပတ္တမြားစောင်းတန်းဖြင့် သက်ဆင်းကြွတော်မူလေသည်။ ယင်းအခါ ဗြဟ္မာမင်းတို့ကလည်း ရွှေထီး၊ ငွေထီး၊ သန္တာထီးတို့ဖြင့် အသီးသီးမိုးကာလျက် ဗြဟ္မာပရိတ်သတ်အပေါင်းနှင့်တကွ လက်ျာရွှေစောင်းတန်းဖြင့် သက်ဆင်းကြကုန်၏။ ယင်းသို့ အံ့ဖွယ်သရဲထူးကဲလွန်မြတ်သော ဘုရားရှင်၏ အသရေတော်ကို ရူမြင်ကြရကုန်သော လူအပေါင်းတို့မှာ ဝမ်းသာအံ့သြ ရူမောမကုန် သောသော ရုတ်ရုတ် အုတ်အုတ်ကျက်ကျက်အကျော်ဒေးယျဖြစ်ကာ ပန်းနံ့သာဆီမီးတို့ဖြင့် ဦးချပူဇော်ကြကုန်၏။ ယင်းအချိန်က မြန်မာဗဟိုရ် ၄ ချက်တီးအချိန်၊ ယခုခေတ် နာရီ ည ၆ နာရီအချိန် ဖြစ်လေသည်။ ထိုစဉ်ကစ၍ နှစ်စဉ် သီတင်းကျွတ်လပြည့်နေ့ရောက်တိုင်း ဝါကျွတ်ပွဲတွင် ရှင်တော်မြတ်စွာဘုရားအား ရည်စူးကာ ဆီမီးထွန်းညှိပူဇော်ခဲ့ကြလေသည်။
သီတင်းကျွတ်လဆန်း ၁၄ ရက်နေ့မှစ၍ လပြည့်ကျော် ၁ ရက်နေ့ညဥ့်တိုင် ဗုဒ္ဓဘာသာဝင် အပေါင်းတို့၏ အိမ်၊ ကျောင်း၊ သိမ်၊ ဇရပ် စသည်တို့တွင် မီးအမျိုးမျိုး ညှိထွန်းကြသည့်အပြင် အထက်စူဠာမဏိဘုရားရှင်အား ရည်စူးလျက် မီးပုံးပျံများကိုလည်း လွှတ်တင် ပူဇော်ကြလေသည်။
တာဝတိံသာ၌ အဘိဓမ္မာတရားကို ဟောကြားပြီးဆုံးအောင်မြင်သည့် ဂုဏ်ပြုအထိမ်းအမှတ်တရပ် အဖြစ်ဖြင့်လည်း သီတင်းကျွတ်လပြည့်နေ့ကို “အဘိဓမ္မာအခါတော်နေ့” ဟူ၍ သတ်မှတ်လျက် ထိုနေ့တွင် အဘိဓမ္မာတရားတော်များကို ရွတ်ဖတ်သရဇ္ဈာယ်ပွဲသဘင်များ ဆင်ယင်ကျင်းပကြသည်။ ထို့ပြင် သီတင်းကျွတ် လပြည့်နေ့၌ သက်ကြီးဝါကြီး ၊ ဆရာသမား၊ မိဘဘိုးဘွားတို့ကိုလည်း လှူဘွယ်ဝတ္ထုများ ကပ်လှူကာ ပူဇော်ကန်တော့ကြသည်။
သီတင်းကျွတ်လဖွား မြန်မာဂန္တဝင် စာပေပညာရှိများမှာ ဇိနတ္တပကာသနီ ကျမ်းပြုဆရာ ကျီးသဲလေးထပ် ဆရာတော်၊ မြဝတီမင်းကြီးဦးစ၊ အနောက်နန်း မိဘုရား မမြလေးတို့နှင့် သံချိုဦးကျော်လှတို့ ပါဝင်လေသည်။