နိုင်ငံတော်သစ်ကြီး
အောင်နှင်းသစ်
နုိုဝင်ဘာ ၅၊ ၂၀၁၃
နေရင်းထိုင်ရင်း
နိုင်ငံတော်သစ်ကြီးရဲ့ နိုင်ငံသား 'ငါ' ဖြစ်ခဲ့ရပါပြီ
နိုင်ငံတော်သစ်ကြီးမှာ
သီချင်းဆိုပြိုင်ပွဲက သီချင်းသံတွေ အများကြီး ကြားရ
ကဗျာတွေ အများကြီး ဖတ်ရမြင်ရ
သတင်းဂျာနယ်တွေ အများကြီး ဖတ်မြင်ကြားရ
နိုင်ငံတော်သစ်ကြီးမှာ
မိုဘိုင်းဖုန်း မဲမပေါက်လို့ တောက်ခေါက်သံတွေ ဝေဖြာ
အသောက်ကြမ်းလို့ ဘဝလမ်းပျောက်သူလည်းရှိ
တောက်လျှောက် အကြောက်တရားပဲ ပွားများနေသူတွေလည်းရှိ
မာဆတ်မှာ အသာနှပ်နေတဲ့ အထီးကျန်အဘိုးအိုတွေလည်းရှိ
သြော်-နိုင်ငံတော်သစ်ကြီး
အစည်းအဝေးပွဲကြီးတွေနဲ့ အားရှိစရာ နိုင်ငံတော်သစ်ကြီး
'စတင်မှု အသစ်တွေ အခု စတင်နေပါပြီ'လို့
စာတန်းပဲ ထိုးထိုးပြနေတဲ့ နိုင်ငံတော်သစ်ကြီး
သြော်-နိုင်ငံတော်သစ်ကြီး ဆိုတဲ့ အရေးအသားကို
မျက်နှာအဟောင်းကြီးနဲ့ ငါက ရေးနေမိ
ဘယ်သူတွေကရာ
နိုင်ငံတော်သစ်ကြီးမှာ မျက်နှာအသစ်ဖြစ်ခဲ့လို့လဲ။