အရစ်လိုက်ပတ်တဲ့ ကြိုး
ဆောင်းယွန်းလ
ဇန်န၀ါရီ ၁၀၊ ၂၀၁၄
အကျိုးနဲ့ အကြောင်းက
တမိုးတည်းအောက်မှာ ပေါင်းသင်းနေထိုင်တယ်….
လူ့အကြိူက်ကို
ဘုရားသခင်တောင် မီအောင်မလိုက်နိုင်ဘူး…..
တမိုးလုံးအောက် အလေ့ကျပေါက်တဲ့
သဘာဝတရားက
ပါးတဲ့အခါ ပါးသလို ထူတဲ့အခါလည်း ထူမယ်
အေးတဲ့အခါ အေးသလို နွေးတဲ့အခါလည်း နွေးမယ်
ခါးတဲ့အခါ ခါးသလို ချိုတဲ့အခါလည်း ချိုမှာပေါ့….
အပူအအေးမျှဖို့
အခန်းထဲက လေပူလေအေးစက်တွေရဲ့
ဇယားကွက်တွေကို လိုတိုးပိုလျှော့တွက်နှိပ်ပြီး
ဘ၀ဆိုတဲ့ အရေပြားကို အသပြာတွေခြုံအိပ်ရုံနဲ့
အရာအားလုံး မျှတလုံခြုံ စိတ်ချရပြီတဲ့လား….
ကမ္ဘာကို မီးရှို့ဖို့ မီးတို့ထားခဲ့တဲ့လောင်စာတွေက
ခင်ဗျားကိုယ်တိုင်ရဲ့ လက်ထဲမှာ အစွယ်တဖွေးဖွေးနဲ့….။