ဒေါက်တာဓမ္မပိယ (ITBMU) - ကြန့်ကြာလွန်းနေ၍ ပြင်ချင်တာလား ပြင်ချင်လွန်း၍ ကြန့်ကြာနေတာလား

ကြန့်ကြာလွန်းနေ၍ ပြင်ချင်တာလား ပြင်ချင်လွန်း၍  ကြန့်ကြာနေတာလား
ဒေါက်တာဓမ္မပိယ (ITBMU) 
ဧပြီ ၃၀၊ ၂၀၁၄



ယနေ့ မြန်မာနိုင်ငံရဲ့အခြေအနေ … ။ ပြုပြင်ပြောင်းလဲရန် လိုအပ်သော အခန်းကဏ္ဍတိုင်း၌ ပြည်သူတွေ စိတ်မရှည်နိုင်အောင် ဖြစ်နေတဲ့ အချိန်ကာလမျိုးဖြစ်တယ်။ အခြေခံဥပဒေပြင်ဆင်ရေးကိစ္စ၊ စီးပွါးရေးဆိုင်ရာ နိုင်ငံခြားရင်းနှီးမြှုပ်နှံမှုဥပဒေများ အလျှင်အမြန် ပြဌာန်းပေးနိုင်ရေးကိစ္စ၊ ရှေ့မတိုးသာ နောက်မဆုတ်သာ ဖြစ်နေ တဲ့ ပညာရေးဆိုင်ရာ မူဝါဒများကို ခေတ်စနစ်နှင့်အညီ ပြင်ဆင်နိုင်ရေးကိစ္စ၊ တိုင်းရင်းသား လက်နက်ကိုင်များနှင့် ငြိမ်းချုမ်းရေးအတွက် လက်မှတ်ရေးထိုးနိုင်ရေးကိစ္စ စတဲ့အရေးတွေဟာ နိုင်ငံခေါင်းဆောင်များနှင့် ပြည်သူ့ ခေါင်းဆောင်တို့အကြား စိတ်မအေးစရာ အကြောင်းအချက်အလက်တွေ ဖြစ်နေခဲ့တယ်။ ဘာကြောင့် ဒီလိုဖြစ်နေရတာလဲ … ။

ဒီမိုကရေစီနိုင်ငံတော် တည်ဆောက်ရေးအတွက် ပြုပြင်ရေးကိစ္စရပ်များနှင့် ပတ်သက်၍ အမြင်အမျိုးမျိုး ရှိနေခြင်းပါ။ တချို့က အသွင်ကူးပြောင်းဆဲကာလ၌ အားနည်းချက် အားသာချက်များကို အပြုသဘောမျိုးနှင့် ရှုမြင်သုံးသပ်ပြီး မိမိတို့နိုင်ရာတာဝန်၊ နိုင်ရာအလုပ်များကို တိုင်းပြည်အတွက် ၀ိုင်းဝန်းလုပ်ဆောင်ပေးနေသူများ ရှိနေသလို၊ ပြုပြင်ပြောင်းလဲရေးကဏ္ဍများ၌ နိုင်ငံတော်အစိုးရ ဘာတွေပဲလုပ်လုပ် အပြုသဘောမဆောင်နိုင်ပဲ ပြဿနာအနေနှင့် ရှုမြင်သုံးသပ်နေသူများကလည်း ရှိနေခြင်းပါ။

တိုင်းပြည်ကို ဒီမိုကရေစီစနစ်ဆီသို့ ညင်သာစွာ အသွင်ကူးပြောင်းနိုင်ရေးအတွက် တိုင်းရင်းသား လက် နက်ကိုင်လူမျိုးစုများ၊ ဘာသာရေးအသွင်ဆောင်နေတဲ့ ဘာသာဝင်လူမျိုးစုပြဿနာများ၊ တန်းတူအခွင့်ရေး ရရှိ နိုင်ရေးအတွက် အမျိုးသမီးအခွင့်ရေးကို တစ်စိုက်မတ်မတ်မတ် တောင်းဆိုနေကြသည့် အမျိုးသမီးများ၊ ၂၀၀၈ ခုနှစ် အခြေခံဥပဒေကို ပြင်ဆင်နိုင်ရေးအတွက် မြို့ရွာအနှံ့ ဆန္ဒထုတ်ဖေါ်နေကြသူများ၊ မပြုပြင်နိုင်သေးတဲ့ ပညာရေးမူဝါဒများကို အကောင်အထည် ဖေါ်ဆောင်နိုင်ရန် ကြိုးစားနေချိန်မှာ ပညာရေးဆိုင်ရာ မူဝါဒများကို သဘောမတူနိုင်၍ ကန့်ကွက်ပြောဆိုနေကြသူများ စသည်ဖြင့် ပြဿနာတွေက တိုင်းပြည်တွင်းမှာ ရှုပ်ထွေးနေ ဆဲပါ။

တိုင်းပြည်တည်ငြိမ်အေးချမ်းနိုင်ဖို့ဆိုတာ လက်နိုင်ကိုင် လူမျိုးစုများ လက်နက်ဖျက်သိမ်းပြီး အစိုးရနှင့် အတူ လက်တွဲလုပ်ကိုင်ရုံတစ်ခုတည်းနှင့် ဖြစ်လာနိုင်တဲ့ အရာမျိုးမဟုတ်ပါ။ တိုင်းပြည်တွင်းမှာရှိနေတဲ့ ပြည်သူ၊ ပြည်သားများ အားလုံးပါဝင်ပြီး ကဏ္ဍပေါင်းစုံ၊ အလွှာပေါင်းစုံ၊ လူမျိုးပေါင်းစုံက တိုင်းပြည်တိုးတက်ရေးကို အစဉ် ရှေးရှုလျှက် တည်ငြိမ်အေးချမ်းရေးနှင့် ခွင့်တူညီမျှ ရရှိရေးများကို ပြည်သူ၊ ပြည်သားများအားလုံး ရရှိနိုင်ရန် မိမိကျွမ်းကျင်သော အလုပ်များ၊ အတတ်ပညာများဖြင့် နိုင်ငံအတွက် အတူပူးပေါင်း လုပ်ကိုင် ဆောင်ရွက်ကြရန် အထူးလိုအပ်နေခြင်းပါ။ တိုင်းပြည် တိုးတက်ရေးအတွက် အားမာန်ပြည်ဝသော ပြည်သူ၊ ပြည်သားများရဲ့ အခန်းကဏ္ဍနှင့် ပြည်သူ၊ ပြည်သားများရဲ့ အမျိုးကိုချစ်တတ်သော အသိတရားနှင့် အသိစိတ်ဓာတ်များဟာ မည်မျှအရေးကြီးကြောင်း ပြည်သူတွေ သိနားလည်နိုင်ကြဖို့ပါ။

ထိုသို့သိနားလည်လာအောင် နိုင်ငံတော်မှ ကျောင်းသင်ခန်းစာများ ပြဌာန်းပေး၍ သင်ကြားပေးရမှာ ဖြစ်တယ်။ ဘာသာရေးဆိုင်ရာ အဖွဲ့အစည်းများ၊ လူမှုရေးဆိုင်ရာ အသင်းအဖွဲ့များမှလည်း တိုင်းပြည်နှင့် လူမျိုးအတွက် အမျှော်အမြင် ကြီးမားစွာဖြင့် ၀ိုင်းဝန်းကူညီ ဆောင်ရွက်ပေးကြရမှာဖြစ်တယ်။ ပြည်သူတွေ အသိရှိလာခြင်းဟာ တိုင်းပြည်အတွက် ဒီမိုကရေစီအလင်းရောင် ပိုမိုလင်းလက်လာခြင်းလို့ ဆိုကြရမှာပါ။
ဒီအရေးတွေနှင့်ပတ်သက်ပြီး ဒီမိုကရေစီခေါင်းဆောင် ဒေါ်အောင်ဆန်းစုကြည်က ဂျာမဏီ၊ ပြင်သစ်ခရီး စဉ်၌ အကြောင်းတိုက်ဆိုင်လာ၍ တိုင်းပြည်အတွက် ပြောကြားသွားခဲ့တဲ့စကားများထဲမှာ မှတ်သားစရာ စကားတစ်ခွန်းကို ကြားမိလိုက်တယ်။ မြန်မာနိုင်ငံမှာ ယခုလက်ရှိဖြစ်ပွားနေတဲ့ ပြဿနာတွေက အများကြီးပါ။ အဲဒီအများကြီးထဲက ပြဿနာတစ်ခု၊ နှစ်ခုကိုပဲ ဟိုက်လိုက်လုပ်ပြီး ပြောဆိုနေကြမယ်ဆိုရင် တိုင်းပြည်ရဲ့ တည်ငြိမ်အေးချမ်းရေးကို တည်ဆောက်နိုင်ဖို့ဆိုတာဟာ မလွယ်ကူတဲ့အနေအထားမျိုးမှာပဲ ရှိနေမှာဖြစ်တယ်။ ကဏ္ဍတိုင်းမှာ သူကဏ္ဍနှင့်သူတော့ အရေးကြီးနေတာဖြစ်လို့ ပြဿနာများနည်းသွားနိုင်ရန် အရာအားလုံးကို ထည့်သွင်းစဉ်းစားရမှာ ဖြစ်တယ်လို့ ပြောကြားသွားခြင်းဖြစ်တယ်။ ကိုယ်ပိုင်အသိတရားနှင့် ဝေဖန်နိုင်ဖို့ပါ။

ဂျာမနီနိုင်ငံ ဘာလင်မြို့မှာ ကျင်းပတဲ့ Willy Brandt  လူ့အခွင့်အရေးဆု လက်ခံတဲ့ အခမ်းအနားမှာ ဒေါ်အောင်ဆန်းစုကြည်က ပြောကြားသွားပြန်တယ်။ ̏ကျွန်မတို့ အစိုးရအဖွဲ့ဝင်အတော်များများဟာ အရင် အစိုးရလက်ထက်က အဖွဲ့ဝင်တွေဖြစ်ကြပါတယ်။ အဝတ်လေးလဲရုံနဲ့၊  ဆိုလိုတာက စစ်ဝတ်စုံကို အရပ်အဝတ် အစားပြောင်းပြီး လဲဝတ်လိုက်တဲ့အတွက်  အသားကျနေတဲ့ အတွေးအခေါ် အလိုအလျောက်ပြောင်းလဲသွားတဲ့ အဓိပ္ပာယ်မသက်ရောက်ပါဘူး̋ လို့ ပြောသွားတာပါ။ မြန်မာအစိုးရကို ကမ္ဘာက စောင့်ကြည့်ပြီး မေးခွန်းထုတ် ဖို့လည်း ဒေါ်အောင်ဆန်းစုကြည်က တိုက်တွန်းထားပါတယ်။

တိုင်းပြည်တွင်းမှာ ဖြစ်ရှိနေတဲ့ လူမျိုးစုပြဿနာများ၊ ဘာသာရေးအသွင်ဆောင်နေတဲ့ လူမှုရေး ပြဿနာများ၊ အချို့သော နိုင်ငံရေးပြဿနာများဟာ ပြည်တွင်းမှာ ရှိနေတဲ့ ပြည်သူအချင်းချင်း မညီညွတ် မှုများသည် သဘောထား ကွဲလွဲမှုများမှုများကြောင့် ဖြစ်နေရတာပါ။  တိုင်းပြည်တွင်းမှာ တချို့ကိစ္စများ၌ ပြည်ပ ပယောဂတွေ၊ နိုင်ငံခြား ကျောထောက်နောက်ခံရှိနေတဲ့ အသင်းအဖွဲ့တွေကြောင့် ပြည်သူအချင်းချင်း သဘောထားတင်းမာမှုများ၊ ပြဿနာကြီးထွားလာမှုများ ဖြစ်နေရတယ်လို့ ထင်မြင်သုံးသပ်မိခြင်းပါ။ ဥပမာ၊ ကုသလသမဂ္ဂဆိုင်ရာ အချို့ပုဂ္ဂိုလ်များ၏ တဖက်စွန်းရောက်သော လေ့လာသုံးသပ်ချက်များ၊ ထိုသူများက တိုင်းပြည်အတွင်း၌ရှိနေသော ပြည်သူများအကြား နိုင်ငံသားအခွင့်အရေးနှင့် လူ့အခွင့်ရေးများကို ကွဲပြားခြား နားအောင် မသုံးသပ်နိုင်ပဲ လူ့အခွင့်ရေးကို ရှေ့တန်းတင်လျှက် အင်အားသုံး၍ နိုင်ငံသားအခွင့်အရေးကို လျှစ်လျူရှုထားမှုများ၊ ဒေသတွင်း တစ်ခုတည်း၌ရှိသော ဒုက္ခသည်များကို တရားမျှတမှုကင်းလျှက် ဘက်လိုက် ၍ ထောက်ပံ့နေခြင်းများ စသောအကြောင်းများသည် တိုင်းပြည်အား မငြိမ်မသက် ပိုမိုဖြစ်ပွားအောင် ဆောင် ရွက်နေခြင်းဖြစ်တယ်လို့ ပြည်သူများက ရှုမြင်သုံးသပ် ထားခြင်းပါ။

နှစ်ပေါင်းငါးဆယ်ကျော် ဒီမိုကရေစီစနစ်ကြီးကို ရိုက်ချိုးပြီး၊ ပြည်သူတို့ရဲ့ မျက်မှောက်မှာ လုံးဝပျောက် ကွယ်သွားအောင် ဆောင်ရွက်ထားခဲ့တာမျိုးဖြစ်၍  ဒီမိုကရေစီအညွန့် အညှောက်လေးများကို ပြန်လည်ရှင် သန်လာနိုင်အောင် ပြုလုပ်ပေးရမည့်လုပ်ငန်းဟာ လွယ်မလွယ်ယောင်ယောင်ရှိသော်လည်း လွယ်လွယ် နှင့်တော့ လုပ်လို့ရမည်မဟုတ်ပါ။ နားလည်မှုတွေ၊ ပေးဆပ်မှုတွေ၊ ခွင့်လွတ်မှုတွေ၊ စွန့်လွှတ်မှုတွေ၊ ယုံကြည်မှု တွေကို ပြည်သူတွေအကြား ဦးစွာတည်ဆောက်ပြီးမှ ဒီမိုကရေစီ ယန္တယားကြီးကို ခွန်နှင့်အားနှင့် လည်ပတ် နိုင်အောင် ကြိုးစားယူကြရမှာပါ။

အကယ်၍သာ ပြုသင့်ပြုထိုက်သည်များကို ဦးစွာမတည်ဆောက်ပဲ၊ ဒီမိုကရေစီစနစ်အရ လွတ်လပ်စွာ လမ်းမများပေါ်မှာ ထွက်အော်နေရုံမျှနှင့်တော့ ဘာမှဖြစ်လာနိုင်မည်မဟုတ်ပါ။ အကယ်၍သာ ပြည်သူ၊ ပြည်သားများသည် ဒီမိုကရေစီစနစ်လို့ခေါ်တဲ့ လမ်းမပေါ်မှာ လျှောက်လှမ်းကြတဲ့အခါ အော်ရုံသာအော်တတ်ပြီး လမ်းပေါ်မှာ ကောင်းစွာမလျှောက်တတ်ကြဘူးဆိုလျှင် ပြည်သူသည် တိုင်းပြည်အတွက် ဖြစ်မလာနိုင်ဘဲ၊ တိုင်းပြည်ကသာ ပြည်သူအချို့အတွက် ဖြစ်သွားနိုင်ခြင်းပါ။

ယခုလက်ရှိ တိုင်းပြည်ရဲ့အခြေအနေကို လေ့လာသုံးသပ်ကြည့်လျှင်  နိုင်ငံတော်သမ္မတကြီး ဦးသိန်းစိန် သည် သူတာဝန် ထမ်းဆောင်ခဲ့သည့် (၃)နှစ် သက်တမ်းပြည့် အထိမ်းအမှတ်အဖြစ် ပြည်သူ့လွှတ်တော်မှာ အကြောင်းအချက်အလက်အချို့ကို ဟိုက်လိုက်လုပ်၍ ပြောကြားခဲ့သည့် မိန့်ခွန်းမှာ - (၁) ဖွဲ့စည်းပုံ ပြန်လည် ပြင်ဆင်ရေး (၂) နိုင်ငံသားများ၏ အခွင့်အရေးများ ဖေါ်ဆောင်ပေးရေး (၃) ၀န်ထမ်များနှင့် အငြိမ်းစား ၀န်ထမ်းများ လစာတိုးပေးရေးကိစ္စ (၄) တောင်သူလယ်သမားများကိစ္စ (၅) အလုပ်သမားရေးကိစ္စ (၆) ပြည်သူ လူထု၏ ကျန်မာရေးကိစ္စ (၈) စာနယ်ဇင်းဆိုင်ရာ ဥပဒေအချို့ကို ပြင်ဆင်ခြင်းကိစ္စ (၉) သဘာဝပတ်ဝင်းကျင် ထိန်းသိမ်းရေးဆိုင်ရာဥပဒေ (၁၀) ရာသီဥတု ပြောင်းလဲမှုကြောင့်ဖြစ်ပေါ်လာသည့် သဘာဝဘေး အန္တရာယ်များကို ကူညီကယ်ဆယ်ရေး စသော ဥပဒေပြုရေး ၁၀ ရပ်ကို ထုတ်ဖေါ်ပြောဆိုခဲ့ပြီး၊ ထို ၁၀ ရပ်သည် ပြည်ထောင်စုအစိုးရက လွှတ်တော်သို့ တင်သွင်းမည့် ဥပဒေပြုရေး ဤ(၁၀)ချက်ကို ထုတ်ဖေါ်ပြောဆိုခဲ့တယ်။ ထိုအချက် (၁၀) ချက်ကို ဘယ်လောက် ပီပီပြင်ပြင် ဖေါ်ဆောင်နိုင်ခဲ့ပြီလဲဆိုတာကိုမူ စောင့်ကြည့် လေ့လာ ရဦးမှာဖြစ်တယ်။

နိုင်ငံတွင်းရှိ ပြည်သူများသာမက ပြည်ပမှ စောင့်ကြည့်လေ့လာသူများအပါဝင် နိုင်ငံတော်ကို သတိပြု၍ လေ့လာစောင့်ကြည့်တဲ့အခါ မြန်မာနိုင်ငံအတွင်း၌ ဆီးဂိမ်းနှင့် ဘင်းမ်စတက်ညီလာခံကို အိမ်ရှင်နိုင်ငံအဖြစ် ကျင်းပနိုင်ခဲ့ခြင်း၊ အာဆီယံဥက္ကဋ္ဌရာထူးကို လက်ခံယူထားနိုင်ခြင်း၊ ကမ္ဘာ့စီးရေးဖိုရမ်ကို မြန်မာနိုင်ငံ၌ ကျင်းပ နိုင်ခဲ့ခြင်း စသည့် သမိုင်းဝင်မှတ်တိုင်များနှင့် နိုင်ငံတကာအသိုင်းအ၀ိုင်းနှင့်လည်း ဂုဏ်သိက္ခာရှိစွာ ပေါင်းစည်း နေပြီဖြစ်တဲ့အချက်ကိုမူ လက်ခံကြိုဆိုခဲ့ကြတယ်။ စီးပွါးရေးစနစ်ရဲ့ အခြေခံတွေကိုလည်း ပြောင်းလဲနိုင်ခဲ့ပြီဟု ဆိုထားပါတယ်။ အကျဉ်းသား (၆၈၀၀)ကျော်ကို လွတ်ငြိမ်းချမ်းသာခွင့်များ ပေးခဲ့ပြီဖြစ်ကြောင်း၊ ဒါကိုလည်း နိုင်ငံတကာ အသိုက်အ၀န်းက အသိအမှတ်ပြုထောက်ခံကြိုဆိုကြပြီး၊ တိုင်းပြည်ကို ၀ိုင်းဝန်းကူညီနေကြပြီ ဖြစ်ကြောင်း၊ နိုင်ငံခြားရင်းနှီးမြှုပ်နှံမှုများလည်း ယခုနှစ်ဆိုလျှင် ပိုမိုစီးဝင်လာရန်ရှိကြောင်း၊ လယ်သမားတွေ အတွက်လည်း Farmer Center တွေ ဖွင့်လှစ်ထားမည်ဖြစ်ပြီး၊ သိမ်းဆည်းခံ လယ်မြေများကို တည်ဆဲ ဥပဒေများနှင့်အညီ အချိန်ယူဆောင်ရွက်ထားမည်ဖြစ်ကြောင်း၊ Myanmar Peace Center မှာ စားပွဲဝိုင်း ဆွေးနွေးပွဲများ၊ အကြိုဆွေးနွေးပွဲများနှင့် အတွေ့အကြုံကောင်းများကို မျှဝေဖေါ်ဆောင်နေသည်ဟု ထုတ်ဖေါ် ပြောကြားသွားတယ်။ သမ္မတ၏မိန့်ခွန်းကို ကြိုဆိုမိခြင်းပါ။ သို့သော် … ။

အခြေအနေအရပ်ရပ်ကို ခြုံငုံသုးံသပ်ကြည့်ခဲ့လျှင် နိုင်ငံတော်သမ္မတကြီး၏ မိန့်ခွန်းစကားများသည် ပြည်သူများရဲ့ ရင်ကို ကြည်နူးအေးမြစေခဲ့သည်မှာ အမှန်ပါ။ ဒါပေမဲ့ သမ္မတသက်တမ်း (၃)နှစ်တာကာလ အတွင်းမှာ ပြည်သူများ၏ ဘ၀တွေကို မည်၍မည်မျှ ပြောင်းလဲပေးနိုင်ခဲ့သည်၊ မည်သို့မည်ပုံ ပြောင်းလဲစေနိုင် ခဲ့သည် ဆိုတာကို ပြည်သူများကိုယ်တိုင် တွေ့မြင်နေကြရခြင်းပါ။ ပြည်သူများရဲ့ဘ၀ တိုးတက်မှု၊ မတိုးတက်မှု အခြေ အနေများကို မိန့်ခွန်းစကားချွေရုံမျှဖြင့် မလုံလောက်နိုင်သေးပဲ၊ လက်တွေ့ကျသော ပြည်သူများရဲ့ လူနေမှု ဘ၀တွေထဲကို ကိုယ်တိုင်ကိုယ်ကျ သွားရောက်လေ့လာပြီး လိုအပ်သည်များကို စွမ်းနိုင်သမျှ ပံ့ပိုး၊  ဖြစ်နိုင် သည်များကို အတိုင်းအတာဖြင့် ဆက်လက်ကူညီပေးရန် လိုအပ်နေသေးကြောင်း ပြောကြားလိုခြင်းပါ။ ချမ်းသာစွာ အိပ်စက်နိုင်ကြပါစေ။