(ပြည်သူ့ခေတ်ဂျာနယ်၊ အတွဲ ၄၊ အမှတ် ၂၀၄၊ ဇူလိုင်လ ၁၀ ရက်နေ့၊ ၂၀၁၄၊ စာမျက်နှာ ၁၈/၂၈)မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် (၆၉)
အောင်ဒင်၊ ဇူလိုင် ၁၇၊ ၂၀၁၄
အပိုင်း (၆၉) လွှတ်တော်၊ အစိုးရနှင့် ကျူးကျော်အာဏာသက်ရောက်မှု
#ကျူးကျော်အာဏာသက်ရောက်မှု
ပြီးခဲ့တဲ့အပါတ်က
လွှတ်တော်နဲ့ အစိုးရ အပြိုင်အဆိုင် ရန်ကုန်ပြည်သူ့ဆေးရုံကြီးကို
မွမ်းမံပြင်ဆင်ဖို့ ကော်မီတီတွေဖွဲ့ပြီး ဆောင်ရွက်နေကြတာကို တင်ပြခဲ့ပါတယ်။
အဲဒီ ပြိုင်ဆိုင်မှုကိုကြည့်ပြီး အာဏာပိုင်အဖွဲ့အစည်းများက
ဖွဲ့စည်းပုံအခြေခံဥပဒေက သတ်မှတ်ပေးထားတဲ့ အတိုင်းအတာကိုကျော်လွန်ပြီး
အာဏာချဲ့ထွင်နေကြတာ၊ တနည်းအားဖြင့် ဩဇာအာဏာကျူးကျော်သူတွေဖြစ်နေကြတာကို
သတိပြုမိပါတယ်။ ကိုယ်ပိုင်မဟုတ်တဲ့ မြေပေါ်မှာ ခွင့်ပြုချက်မရှိပဲ
အိမ်ဆောက်နေထိုင်သူတွေကို ကျူးကျော်နေထိုင်သူတွေလို့ ခေါ်ကြပါတယ်။
ကိုယ်ပိုင်လုပ်ပိုင်ခွင့်မရှိတဲ့နေရာမှာ ဩဇာအာဏာသက်ရောက်ဖို့
ကြိုးစားတာကိုတော့ ကျူးကျော် အာဏာသက်ရောက်သူများလို့ ခေါ်ရမယ်ထင်ပါတယ်။
ပြည်သူ့လွှတ်တော်ကနေ
ကော့မှူးမြို့နယ်ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်
ခေါင်းဆောင်တဲ့ "ရန်ကုန်ပြည်သူ့ဆေးရုံကြီး ပြုပြင်မွမ်းမံရေးနှင့်
အဆင့်မြှင့်တင်ရေးကော်မီတီ" ကို ဖွဲ့စည်းထားပါတယ်။ နှစ်ပေါင်း (၁၀၀) ကျော်
သက်တမ်းရှိပြီဖြစ်တဲ့ "ရန်ကုန်ပြည်သူ့ဆေးရုံကြီး" ကို နိုင်ငံတကာအကူအညီ၊
အထောက်အပံ့များနဲ့ ပြင်ဆင်မွမ်းမံဖို့ ဖြစ်ပါတယ်။ ရည်ရွယ်ချက်က
ကောင်းမွန်ပေမည့် ဒီကိစ္စဟာ လွှတ်တော်က တာဝန်ခံဆောင်ရွက်ရမည့် ကိစ္စမဟုတ်ပါ။
ဖွဲ့စည်းပုံအခြေခံဥပဒေ၊ ပုဒ်မ (၁၁)၊ ပုဒ်မခွဲ (က) မှာ
"နိုင်ငံတော်၏အချုပ်အချာအာဏာ၏ ခက်မသုံးဖြာဖြစ်သည့် ဥပဒေပြုရေးအာဏာ၊
အုပ်ချုပ်ရေးအာဏာနှင့် တရားစီရင်ရေးအာဏာတို့ကို
တတ်နိုင်သမျှပိုင်းခြားသုံးစွဲခြင်းနှင့်
အချင်းချင်းအပြန်အလှန်ထိန်းကျောင်းခြင်းတို့ပြုသည်" ဆိုပြီး
ပြဋ္ဌန်းထားပါတယ်။ လွှတ်တော်ရဲ့ အဓိကအာဏာနဲ့ လုပ်ပိုင်ခွင့်က
"ဥပဒေပြုရေး၊ မလိုအပ်တဲ့ ဥပဒေများကို ပြင်ဆင်ရေး၊ ဖျက်သိမ်းရေးနဲ့ အစိုးရက
ဥပဒေနဲ့အညီ ဆောင်ရွက်ခြင်း ရှိ၊မရှိ စောင့်ကြပ်စစ်ဆေးရေး" ဖြစ်ပါတယ်။
ရန်ကုန်ဆေးရုံကြီးဟာ ကျန်းမာရေးဝန်ကြီးဋ္ဌာနရဲ့ လက်အောက်မှာရှိပြီး ရန်ကုန်ဆေးရုံကြီးကို ပြင်ဆင်မွမ်းမံရေးဟာ အုပ်ချုပ်ရေးအာဏာကို ကိုင်တွယ်ထားတဲ့ အစိုးရရဲ့ တာဝန်ဖြစ်ပါတယ်။
လွှတ်တော်က ရန်ကုန်ဆေးရုံကြီးပြင်ဆင်မွမ်းမံရေးအတွက် ကော်မီတီဖွဲ့
ဆောင်ရွက်တာဟာ အုပ်ချုပ်ရေးအာဏာကို ဝင်ရောက်စွက်ဖက်ရာ ရောက်နေပါတယ်။
သမ္မတ
ဦးသိန်းစိန်က လွှတ်တော်ကော်မီတီက နိုင်ငံတကာအကူအညီတွေရဖို့
အလှူခံနေချိန်မှာ ရန်ကုန်ဆေးရုံကြီးရဲ့ အချို့အဆောက်အဦများဟာ အချိန်မရွေး
ပြိုကျနိုင်တာမို့ ပြင်ဆင်မွမ်းမံရေးကိစ္စများကို နိုင်ငံတော်ဘဏ္ဍာငွေနဲ့ အချိန်မီပြုပြင်ဖို့
ဆိုပြီး ဒုသမ္မတ ဒေါက်တာစိုင်းမောက်ခမ်းခေါင်းဆောင်တဲ့
"ရန်ကုန်ပြည်သူ့ဆေးရုံကြီး တိုးချဲ့ပြုပြင်မွမ်းမံပြင်ဆင်ရေးကော်မီတီ" ကို
ပြည်ထောင်စုဝန်ကြီးများနဲ့ ထပ်မံဖွဲ့စည်းပါတယ်။ ဒီနေရာမှာ
ရန်ကုန်ပြည်သူ့ဆေးရုံကြီး ပြင်ဆင်ရေးဟာ ပြည်ထောင်စုအစိုးရရဲ့ တာဝန်ဟုတ်မဟုတ်
စဉ်းစားစရာဖြစ်လာပါတယ်။ ဖွဲ့စည်းပုံအခြေခံဥပဒေ၊ ပုဒ်မ (၁၇)၊ ပုဒ်မခွဲ (က)
မှာ "နိုင်ငံတော်အုပ်ချုပ်ရေးအာဏာကို ပြည်ထောင်စု၊ တိုင်းဒေသကြီးနှင့်
ပြည်နယ်များအား ခွဲဝေအပ်နှင်းသည်" လို့ ပြဋ္ဌန်းထားပါတယ်။
ရန်ကုန်ပြည်သူ့ဆေးရုံကြီးဟာ ရန်ကုန်မြို့၊ ရန်ကုန်တိုင်းဒေသကြီးအတွင်းမှာ
တည်ရှိတာမို့ ရန်ကုန်တိုင်းဒေသကြီး အစိုးရရဲ့ အုပ်ချုပ်မှုအာဏာအောက်မှာရှိပါတယ်။
ဒါကြောင့်မို့ ရန်ကုန်ပြည်သူ့ဆေးရုံကြီးပြင်ဆင်ရေးအတွက်
ပြည်ထောင်စုအစိုးရက ကော်မီတီဖွဲ့ ဆောင်ရွက်တာဟာ ရန်ကုန်တိုင်းဒေသကြီး
အစိုးရရဲ့ အုပ်ချုပ်မှုအာဏာကို ဝင်ရောက်စွက်ဖက်ရာ ရောက်ပါတယ်။
အစိုးရဖွဲ့စည်းတဲ့
ကော်မီတီမှာ ရန်ကုန်တိုင်းဒေသကြီးအစိုးရ ဝန်ကြီးချုပ်ကို
အဖွဲ့ဝင်တစ်ဦးအဖြစ်နဲ့ ထည့်ထားပါတယ်။ လွှတ်တော်ကော်မီတီမှာလည်း
ရန်ကုန်ပြည်သူ့ဆေးရုံကြီးရဲ့ လက်ရှိဆေးရုံအုပ်ကြီးနဲ့
ယခင်ဆေးရုံအုပ်ကြီးများ၊ ကျန်းမာရေးဦးစီးဋ္ဌာနက အရာရှိများပါဝင်ကြပါတယ်။
ဒါပေမည့် ဖြစ်သင့်တာက ဖွဲ့စည်းပုံအခြေခံဥပဒေကို သတ်မှတ်ပြဋ္ဌန်းထားတဲ့အတိုင်း
ရန်ကုန်တိုင်းဒေသကြီးအစိုးရက ဦးဆောင်ပြီး ရန်ကုန်ပြည်သူ့ဆေးရုံကြီးကို
တာဝန်ခံပြင်ဆင်မွမ်းမံရမှာဖြစ်ပါတယ်။ အခုလက်တွေ့မှာတော့
ရန်ကုန်ဆေးရုံကြီးပြင်ဆင်ရေးအတွက် ပြည်ထောင်စုအစိုးရနဲ့ ပြည်သူ့လွှတ်တော်က
ကော်မီတီတွေဖွဲ့စည်းဆောင်ရွက်နေကြတာဟာ ပြည်ထောင်စုအစိုးရနဲ့
ပြည်သူ့လွှတ်တော် နှစ်ခုစလုံးက ရန်ကုန်တိုင်းဒေသကြီးအစိုးရရဲ့ အုပ်ချုပ်မှုအာဏာကို ဝင်ရောက်စွက်ဖက်သလို ဖြစ်နေပါတယ်။
#တာဝန်ယူမှု၊ တာဝန်ခံမှု
ဘယ်သူတွေကပဲ
လုပ်လုပ်၊ ကောင်းတာလုပ်တာ ဘာပြသနာရှိသလဲလို့ မေးခွန်းထုတ်စရာရှိပါတယ်။
ပြသနာရှိပါတယ်။ တာဝန်ယူရမည့်အဖွဲ့အစည်းက တာဝန်မယူပဲ၊ ဒါမှမဟုတ်
တာဝန်ယူခွင့်မရှိပဲ အခြားအဖွဲ့အစည်းများက တာဝန်ယူကြတဲ့အခါ
လုပ်ငန်းအောင်မြင်မှု၊ မအောင်မြင်မှုများအတွက် တာဝန်ခံရာမှာ ဘယ်သူက ဘယ်လို
တာဝန်ခံမလဲ။ အောင်မြင်မှုမှာ အဖေများစွာရှိပေမည့် အရေးနိမ့်မှုကတော့
မိဘမဲ့တယ်ဆိုတဲ့ စကားရှိပါတယ်။ အောင်မြင်တယ်ဆိုရင်တော့ ဂုဏ်ယူပြီး
လက်ခမောင်းခတ်ကြမည့်သူတွေ အများကြီးပါ။ မအောင်မြင်ရင်ဖြင့် ဘယ်သူကမှ
လက်ညှိုးထိုးမခံပဲ ကိုယ်နဲ့မသက်ဆိုင်သလို ရှောင်တိမ်းသွားကြပါလိမ့်မယ်။
အများပြည်သူအကျိုးစီးပွါးနဲ့ သက်ဆိုင်တဲ့ လုပ်ငန်းတစ်ခုဆောင်ရွက်ရာမှာ
ပွင့်လင်းမြင်သာမှု၊ တာဝန်ယူမှုနဲ့ တာဝန်ခံမှုတွေရှိဖို့
အင်မတန်အရေးကြီးပါတယ်။
ရန်ကုန်ဆေးရုံကြီးပြင်ဆင်မွမ်းမံရေးအတွက်
လွှတ်တော်က ကော်မီတီဖွဲ့ဆောင်ရွက်နေတာ တစ်နှစ်ကျော်ခဲ့ပါပြီ။ ဒီကနေ့အထိ
ပြည်တွင်းပြည်ပက အကူအညီတွေ ဘယ်လောက်ရတယ်၊ ဘယ်လောက်ရဖို့ရှိတယ်၊
ဘာတွေသုံးစွဲထားတယ်ဆိုတာကို အများပြည်သူသိရှိအောင်
ထုတ်ပြန်ကြေညာခြင်းမရှိပါ။ အစိုးရက ကော်မီတီဖွဲ့တာ ၂၀၁၄ ခုနှစ်၊ မေလ (၈)
ရက်နေ့မှာပါ။ အစိုးရကော်မီတီက ရန်ကုန်ဆေးရုံကြီးကို
နိုင်ငံတော်ဘဏ္ဍာငွေနဲ့ရော၊ ပြည်တွင်းပြည်ပစေတနာရှင်အဖွဲ့အစည်းများ၏
အလှူငွေများဖြင့်ရော ပြင်ဆင်မွမ်းမံမယ်လို့ ဆိုပါတယ်။ အစိုးရကော်မီတီကလည်း
ရန်ကုန်ဆေးရုံကြီးပြင်ဆင်မွမ်းမံရေးအတွက် နိုင်ငံတော်ဘဏ္ဍာက
ဘယ်လောက်ခွဲဝေရရှိတယ်၊ အလှူငွေဘယ်လောက်ရရှိတယ်ဆိုတာကို အများပြည်သူသိအောင်
ထုတ်ပြန်ကြေညာဖို့လိုပါတယ်။ ပြီးတော့ ဆေးရုံကြီးပြုပြင်ရေးအတွက်
ဆောက်လုပ်ရေးကန်ထရိုက်တာများကို ဘယ်လို ရွေးချယ်တာဝန်ပေးတယ်၊
ဘယ်လောက်ပေးရတယ်၊ ဘာတွေသုံးစွဲပြီးပြီဆိုတာတွေလည်း အများသိဖို့လိုပါတယ်။
အထူးသဖြင့် ဒီလုပ်ငန်းကြီးတစ်ခုလုံးရဲ့ စီမံကိန်း၊ ခန့်မှန်းကုန်ကျစားရိတ်၊
လက်ခံရရှိငွေ၊ သုံးစွဲမှု၊ ပြီးစီးမည့်အချိန်ကာလ၊ စတာတွေကို အစိုးရနဲ့
လွှတ်တော်ကော်မီတီ နှစ်ရပ်စလုံးက အများပြည်သူသိအောင်
ထုတ်ပြန်ကြေညာခြင်းမရှိသေးပါ။ ပြီးတော့ ဒီကော်မီတီနှစ်ခု ဘယ်လို
တာဝန်ခွဲခြားဆောင်ရွက်ကြမလဲဆိုတာကိုလည်း ရှင်းလင်းမှုမရှိပါ။
#တာဝန်ယူ၍ တာဝန်မကျေတဲ့ အခါ
ရန်ကုန်တိုင်းဒေသကြီးအစိုးရရဲ့ အုပ်ချုပ်ရေးအာဏာကို
ပြည်ထောင်စုအစိုးရက ဝင်ရောက်စွက်ဖက်တာ ဒါ ပထမဆုံးအကြိမ်မဟုတ်ပါ။
ရှေ့မှာလည်း အလားတူ စွက်ဖက်မှုတွေ ရှိခဲ့ပါတယ်။ ဥပမာတစ်ခု တင်ပြပါ့မယ်။
ပြည်ထောင်စုအစိုးရအဖွဲ့က
၂၀၁၄ ခုနှစ်၊ ဇန်နဝါရီလ (၁၆) ရက်နေ့စွဲနဲ့ အမိန့်ကြော်ငြာစာအမှတ် (၃/၂၀၁၄)
ကို ထုတ်ပြန်ပြီး "ရန်ကုန်တိုင်းဒေသကြီးအတွင်း မြို့နယ်များတွင်
ရေစီးရေလာကောင်းမွန်ရန် ထိန်းသိမ်းရေးကော်မီတီ" ကိုဖွဲ့စည်းခဲ့ပါတယ်။
အမိန့်ကြော်ငြာစာကို ပြည်ထောင်စုအစိုးရအဖွဲ့ အတွင်းရေးမှူး ဦးဇော်သန်းသင်းက
လက်မှတ်ရေးထိုးပါတယ်။ ရန်ကုန်တိုင်းဒေသကြီးအတွင်း အရှေ့ပိုင်းခရိုင်၏
အရှေ့ခြမ်းတွင်တည်ရှိသော မြို့နယ်များ၊ ကျေးရွာများမှာ မိုးတွင်းကာလတွင်
ရေစီးရေလာမကောင်းသဖြင့် ရေကြီးရေလျှံမှုများဖြစ်ပေါ်လျက်ရှိသည်ကို
ကာကွယ်ထိန်းသိမ်းရန်ဆိုတဲ့ ရည်ရွယ်ချက်နဲ့ ဖွဲ့စည်းတဲ့ အဲဒီကော်မီတီမှာ
ဥက္ကဋ္ဌအဖြစ် ဆောက်လုပ်ရေးဝန်ကြီးဋ္ဌာန ဒုတိယဝန်ကြီး ဦးစိုးတင့်၊
အဖွဲ့ဝင်များအဖြစ် လယ်ယာစိုက်ပျိုးရေးနှင့် ဆည်မြောင်းဝန်ကြီးဋ္ဌာန ဒုဝန်ကြီး
ဦးခင်ဇော်၊ စွမ်းအင်ဝန်ကြီးဋ္ဌာန ဒုဝန်ကြီး ဦးမြင့်ဇော်၊
ရန်ကုန်တိုင်းဒေသကြီးအစိုးရ ဆောက်လုပ်ရေးဝန်ကြီး ဦးကျော်စိုး၊
ရန်ကုန်မြို့တော်စည်ပင်သာယာရေးကော်မီတီက အတွင်းရေးမှူး ဦးကျော်စိုးနဲ့
(ရေ/သန့်) ဋ္ဌာနမှူး ဦးမြင့်ဦး၊ ဆည်မြောင်းဦးစီးဋ္ဌာန
ညွှန်ကြားရေးမှူးချုပ်ဦးကျော်မြင့်လှိုင်၊
မြို့ရွာနှင့်အိုးအိမ်ဖွံ့ဖြိုးရေးဦးစီးဋ္ဌာန ဒုညွှန်ကြားရေးမှူး
ဒေါ်စန်းစန်းအေးတို့ ပါဝင်ကြပါတယ်။ ပြည်သူ့ဆောက်လုပ်ရေးလုပ်ငန်းက ဒုတိယ
ဦးဆောင်ညွှန်ကြားရေးမှူး ဦးဝင်းဖေက အတွင်းရေးမှူး၊ ဒုအင်ဂျင်နီယာချုပ်
(ရေ/သန့်) ဦးအေးကိုနဲ့ အင်ဂျင်နီယာမှူးကြီး ဦးမြင့်ဇော်တို့က
တွဲဖက်အတွင်းရေးမှူးများ ဖြစ်ကြပါတယ်။
တခါ
၂၀၁၄ ခုနှစ်၊ ဖေဖော်ဝါရီလ ၅ ရက်နေ့မှာ ပြည်ထောင်စုအစိုးရက
အမိန့်ကြော်ငြာစာ အမှတ် (၁၉/၂၀၁၄) ကို ထုတ်ပြန်ပြီး
"ရန်ကုန်တိုင်းဒေသကြီးအတွင်း မြို့နယ်များတွင် ရေစီးရေလာကောင်းမွန်ရန်
ထိန်းသိမ်းရေးကော်မီတီ" မှာ အဖွဲ့ဝင် (၄) ယောက် ထပ်ဖြည့်တာဝန်ပေးပါတယ်။
ထပ်တိုးလာသူတွေက မြို့ရွာနှင့်အိုးအိမ်ဖွံ့ဖြိုးရေးဦးစီးဋ္ဌာန
ညွှန်ကြားရေးမှူးချုပ် ဦးမင်းထိန်၊
ရန်ကုန်တိုင်းဒေသကြီးအစိုးရအဖွဲ့အတွင်းရေးမှူး ဦးသန်းအောင်၊
ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဋ္ဌာန
ဒုညွှန်ကြားရေးမှူးချုပ် ဦးကိုကိုဦး၊ မြန်မာဆိပ်ကမ်းအာဏာပိုင်
အင်ဂျင်နီယာချုပ် ဦးမြသန်းတို့ ဖြစ်ကြပါတယ်။ ကော်မီတီရဲ့ အဖွဲ့ဝင်တစ်ဦးဖြစ်တဲ့ ရန်ကုန်မြို့တော်စည်ပင်သာယာရေးကော်မီတီက
ဋ္ဌာနမှူး (ရေ/သန့်) ဦးမြင့်ဦးရဲ့နေရာမှာ ဋ္ဌာနမှူး (လမ်း/တံတား)
ဦးတင်မောင်ကြည်ကို အစားထိုးပါတယ်။
ကော်မတီရဲ့
လုပ်ငန်းတာဝန် (၇) ခုကို အကျဉ်းရုံးဖော်ပြရရင် (၁) ရန်ကုန်တိုင်းဒေသကြီး၊
အရှေ့ပိုင်းခရိုင်၏ အရှေ့ခြမ်းတွင်တည်ရှိသော မြို့နယ်များ၊ ကျေးရွာများတွင်
မိုးတွင်းကာလ ရေစီးရေလာမကောင်းသဖြင့် ရေကြီးရေလျှံမှုများကို
ကာကွယ်ထိန်းသိမ်းရန်၊ (၂) လုပ်ငန်းများအား မိုးမကျမီကာလအတွင်း
အပြီးသတ်ဆောင်ရွက်ပေးရန်၊ (၃) လိုအပ်သောဆွေးနွေးမှုများပြုလုပ်ပြီး
ကွင်းဆင်းစစ်ဆေး၍ အသေးစိတ်တွက်ချက်တိုင်းတာဆောင်ရွက်ရန်၊ (၄)
လုပ်ငန်းဆောင်ရွက်မှုအတွက် ကုန်ကျမည့်ခန့်မှန်းချေငွေစာရင်းများရေးဆွဲပြီး
ကုန်ကျငွေကို တင်ပြတောင်းခံရန်၊ (၅) ဒေသအာဏာပိုင်များ၊ ခရိုင်၊ မြို့နယ်၊
ရပ်ကွက်၊ ကျေးရွာဖွံ့ဖြိုးတိုးတက်ရေးကော်မတီဝင်များ၊
စည်ပင်သာယာရေးကော်မတီဝင်များ၊ စီမံခန့်ခွဲရေးကော်မတီများနှင့်
ညှိနှိုင်းဆောင်ရွက်ရန်၊ (၆) လုပ်ငန်းဆောင်ရွက်တိုးတက်မှုများအား အချိန်ပြည့်
ကြပ်မတ်ဆောင်ရွက်ပြီး သက်ဆိုင်ရာများသို့ အဆင့်ဆင့်တင်ပြဆောင်ရွက်သွားရန်၊
(၇) အခက်အခဲရှိပါက တိုင်းဒေသကြီးအစိုးရသို့ တင်ပြပြီး
ညှိနှိုင်းဆောင်ရွက်ရန် တို့ဖြစ်ကြပါတယ်။ ဒီအချက်တွေကို
အသေးစိတ်ဖော်ပြနေရတာက တာဝန်ခံမှုနဲ့ ပါတ်သက်ပြီး
ခိုင်ခိုင်မာမာထောက်ပြချင်လို့ပါ။
ရန်ကုန်တိုင်းဒေသကြီးအတွင်း မိုးတွင်းကာလမှာ ရေစီးရေလာကောင်းမွန်ရေးဟာ ရန်ကုန်တိုင်းဒေသကြီးအစိုးရရဲ့ တာဝန်ဖြစ်ပါတယ်။
ဒါပေမည့် ရန်ကုန်တိုင်းဒေသကြီးအစိုးရမှာ ဒီလိုကိစ္စမျိုးကို
ဆောင်ရွက်နိုင်တဲ့အရည်အချင်းမရှိဘူးလို့ ပြည်ထောင်စုအစိုးရက ယူဆသလားတော့
မပြောတတ်ပါ။ အထက်မှာတင်ပြခဲ့သလို ပြည်ထောင်စုအစိုးရက
ရန်ကုန်တိုင်းဒေသကြီးအစိုးရရဲ့ အုပ်ချုပ်မှုအာဏာကို
စွက်ဖက်ပြီး "ရန်ကုန်တိုင်းဒေသကြီးအတွင်း မြို့နယ်များတွင်
ရေစီးရေလာကောင်းမွန်ရန် ထိန်းသိမ်းရေးကော်မတီ" ကို ပြည်ထောင်စုအစိုးရ
ဒုတိယဝန်ကြီး (၃) ယောက်၊ အစိုးရဦးစီးဋ္ဌာနနဲ့ လုပ်ငန်းများမှ
ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊
အင်ဂျင်နီယာချုပ်များ၊ ညွှန်ကြားရေးမှူးများနဲ့ ဖွဲ့စည်းတာဝန်ပေးပါတယ်။
ရန်ကုန်တိုင်းဒေသကြီးအစိုးရနဲ့ ရန်ကုန်မြို့တော်စည်ပင်သာယာရေးကော်မတီက
တာဝန်ရှိသူအချို့ အဖွဲ့ဝင်အဖြစ်ပါဝင်တယ်ဆိုပေမည့် ဒီကော်မတီဟာ
ပြည်ထောင်စုအစိုးရက ဦးဆောင်ဖွဲ့စည်းတဲ့ ကော်မတီဖြစ်ပါတယ်။
ရန်ကုန်တိုင်းဒေသကြီးအစိုးရက ဦးဆောင်ခွင့်မရှိပါ။
ဒီကော်မတီကို
ရန်ကုန်တိုင်းဒေသကြီး၊ အရှေ့ပိုင်းခရိုင် မြို့နယ်များ၊ ကျေးရွာများမှာ
မိုးတွင်းကာလ ရေစီးရေလာမကောင်းလို့ ရေကြီးရေလျှံမှုများဖြစ်တာကို
ကာကွယ်ထိန်းသိမ်းဖို့ ဆိုတဲ့ အဓိကရည်ရွယ်ချက်နဲ့ ၂၀၁၄ ခုနှစ်
ဇန်နဝါရီလမှာ ဖွဲ့စည်းခဲ့ပါတယ်။ မိုးမကျခင်မှာ
လုပ်ငန်းများဆောင်ရွက်ပြီးစီးရမယ်လို့ အချိန်သတ်မှတ်ပေးထားလို့ ဇွန်လ
မိုးမကျခင်အထိ ကော်မတီအတွက် လုပ်ငန်းဆောင်ရွက်ချိန် (၄) လကျော် ရှိပါတယ်။
ရည်ရွယ်ချက်အောင်မြင်ပါသလား။ ဇွန်လ ပထမပါတ် မိုးဦးကျချိန်ကစလို့
သည်းသည်းထန်ထန်ရွာတဲ့ မိုးရေတွေအောက်မှာ ရန်ကုန်မြို့ကြီး ရေမြုတ်နေပါတယ်။
ကားလမ်းတွေပေါ်မှာ ရေပြည့်ရေလျှံပြီး တိုက်ခန်းတွေ၊ စာသင်ကျောင်းတွေ၊
ရုံးတွေထဲ ရေဝင်ပါတယ်။ စာသင်ကျောင်းအချို့ ပိတ်ကြရပါတယ်။
ကားတွေမမောင်းနိုင်လို့ အလုပ်ရုံ၊ စက်ရုံအချို့ အလုပ်ပိတ်ရပါတယ်။
အချို့နေရာတွေမှာ မိုးတိတ်ပြီးတာတောင်မှ ရေပြန်မကျပါ။ ရန်ကုန်တိုင်းဒေသကြီး
အရှေ့ပိုင်းခရိုင်ထဲမှာပါဝင်တဲ့ တောင်ဥက္ကလာ၊ မြောက်ဥက္ကလာ၊
ဒဂုန်မြို့သစ်တောင်ပိုင်း၊ ဒဂုန်မြို့သစ်မြောက်ပိုင်း၊
ဒဂုန်မြို့သစ်အရှေ့ပိုင်း၊ဒဂုန်မြို့သစ်ဆိပ်ကမ်း၊ လှိုင်သာယာ
မြို့နယ်များမှာ ရေကြီးရေလျှံမှုဒဏ်ကို အဆိုးဝါးဆုံးခံစားကြရပါတယ်။
ဘယ်သူ့မှာ တာဝန်ရှိပါသလဲ။
မိုးရေတွေရဲ့ အောက်မှာ
လမ်းတွေပေါ်မှာ ရေကြီးရေလျှံလို့၊ ရေမြောင်းတွေ ပိတ်ဆို့လို့၊
ကားတွေမမောင်းနိုင်လို့၊ ကျောင်းတွေပိတ်ရလို့ စီးပွါးရေး၊ လူမှုရေး၊
ပညာရေးအဆင်မပြဖြစ်ကြရတဲ့ ရန်ကုန်မြို့က ပြည်သူများအတွက်
ရန်ကုန်တိုင်းဒေသကြီးအစိုးရမှာ တာဝန်ရှိသလား။ ပြည်ထောင်စုအစိုးရမှာ
တာဝန်ရှိသလား။ အခုအချိန်အထိတော့ အစိုးရနှစ်ဖွဲ့စလုံးက သူတို့နဲ့
မသက်ဆိုင်သလို မသိချင်ယောင်ဆောင်နေကြဆဲ။
ရန်ကုန်မြို့တော်စည်ပင်သာယာရေးကော်မတီကသာ လူထုရဲ့ မကျေနပ်ချက်တွေကို
ဖြေရှင်းနေတာ တွေ့ရပါတယ်။ ရန်ကုန်မြို့ကြီး ရေကြီးရေလျှံနေတဲ့
ကိစ္စနဲ့ပါတ်သက်ပြီး ပြည်ထောင်စုလွှတ်တော်ကိုယ်စားလှယ်များက
ပြည်ထောင်စုအစိုးရကို မေးခွန်းထုတ်တာ မကြားရပါ။
ရန်ကုန်တိုင်းဒေသကြီးလွှတ်တော်ကိုယ်စားလှယ်များက
ရန်ကုန်တိုင်းဒေသကြီးအစိုးရကို မေးခွန်းထုတ်တာလည်း မကြားရပါ။
#ကိုယ့်တာဝန်ကိုယ် ယူကြပါ၊ ကိုယ့်တာဝန်ကိုယ် ကျေကြပါ
အရင်တုံးကလို
ဗဟိုအာဏာပိုင်အဖွဲ့အစည်းတစ်ခုတည်းက အာဏာအားလုံးကို
သိမ်းကြုံးချုပ်ကိုင်ပြီး အထက်မှ အောက်သို့ အဆင့်ဆင့်အမိန့်ပေးစနစ်နဲ့
အုပ်ချုပ်တဲ့စနစ် မရှိတော့ပါ။ နိုင်ငံတော်အာဏာသုံးရပ်ကို လွှတ်တော်၊
အစိုးရနဲ့ ပြည်ထောင်စုတရားလွှတ်တော်ချုပ်တို့အကြား ခွဲဝေပေးထားတာမို့
ကိုယ့်တာဝန်ကိုယ်ယူ၊ ကိုယ့်တာဝန်ကိုယ် ကျေပွန်အောင်ထမ်းဆောင်ပြီး
အာဏာပိုင်အဖွဲ့အစည်းများ အချင်းချင်း အပြန်အလှန် ထိန်းကြောင်းကြရမှာပါ။
အလားတူပဲ ပြည်ထောင်စုအဆင့်ကနေ တိုင်းဒေသကြီးနဲ့ ပြည်နယ်များအဆင့်ကိုလည်း
လုပ်ပိုင်ခွင့်အာဏာတွေ ခွဲဝေပေးထားတာမို့ ပြည်ထောင်စုနဲ့ တိုင်းဒေသကြီး၊
ပြည်နယ်များအနေနဲ့ ကိုယ့်တာဝန်ကိုယ်ယူ၊ ကိုယ့်တာဝန်ကိုယ်
ကျေပွန်အောင်ထမ်းဆောင်ကြရမှာပါ။ ကိုယ့်တာဝန်မဟုတ်တဲ့ နေရာမှာ
ကျူးကျော်အာဏာသက်ရောက်ခြင်းဖြင့် တာဝန်ယူမှု၊ တာဝန်ခံမှုဆိုင်ရာ ပြသနာတွေ
ပေါ်ပေါက်တတ်ပြီး နောက်ဆုံး နစ်နာကြရသူတွေကတော့ သာမာန်ပြည်သူတွေပဲ
ဖြစ်ပါလိမ့်မယ်။
အောင်ဒင်
ဇွန် ၂၇၊ ၂၀၁၄
ဇွန် ၂၇၊ ၂၀၁၄