(မဇ္ဈိမနေ့စဉ်သတင်းစာ၊ ဇူလိုင် ၂၂၊ ၂၀၁၄၊ စာမျက်နှာ ၁၆/၁၇)
အောင်ဒင် - ဖက်ဒရယ်ပြည်ထောင်စု၊ ဖက်ဒရယ်တပ်မတော်နှင့် ပြည်တွင်းငြိမ်းချမ်းရေး
အပိုင်း (၅)
အပိုင်း (၅)
#အရေးအကြီးဆုံးက တပ်မတော်
တိုင်းရင်းသားလက်နက်ကိုင်အဖွဲ့အစည်းများက သူတို့ရဲ့ လက်နက်ကိုင်တပ်ဖွဲ့များကို
စွန့်လွှတ်ပြီး ရွေးကောက်ပွဲအခြေခံတဲ့ နိုင်ငံရေးပြောင်းလဲ
လုပ်ဆောင်ဖို့မှာ အဓိအရေးကြီးဆုံးလိုအပ်ချက် (၂) ချက်က ပြည်နယ်ဆိုင်ရာ
ကိုယ်ပိုင်အုပ်ချုပ်ခွင့်များရှိတဲ့ ပြည်ထောင်စုနိုင်ငံတော်နဲ့ (၂)
အရပ်သားအစိုးရရဲ့အုပ်ချုပ်မှုအောက်မှာရှိတဲ့ ပြည်ထောင်စုတပ်မတော်ပဲ
ဖြစ်ပါလိမ့်မယ်။
ဒါကြောင့် အရေးအကြီးဆုံးက
တပ်မတော်ရဲ့ သဘောထားပဲ ဖြစ်ပါတယ်။ တပ်မတော်က နိုင်ငံရေးဆွေးနွေးပွဲတွေကနေ
တိုင်းရင်းသားလူမျိုးစုများအတွက် ကိုယ်ပိုင်အုပ်ချုပ်ရေးပေးရေးကို
သဘောတူနိုင်ပါ့မလား။ တပ်မတော်ကို ပြန်လည်ဖွဲ့စည်းရေးကို သဘောတူပါ့မလား။
တပ်မတော်က သဘောမတူရင်ဖြင့် နိုင်ငံရေးဆွေးနွေးပွဲတွေ မအောင်မြင်နိုင်ပါ။
ဒါဆို ပြည်တွင်းစစ်မရပ်စဲနိုင်ပါ။ ပြည်တွင်းငြိမ်းချမ်းရေးမရနိုင်ပါ။
ပြည်ထောင်စုတပ်မတော်ဆိုရာမှာ တိုင်းရင်းသားလက်နက်ကိုင်အဖွဲ့များက အဆိုပြုတဲ့ "တိုင်းရင်းသားလူမျိုးအသီးသီးတို့
ကြိုတင်ညှိနှိုင်းသဘောတူသတ်မှတ်ထားတဲ့ အချိုးကျစနစ်နဲ့ ဖွဲ့စည်းဖို့၊
မည်သည့်တိုင်းရင်းသားလူမျိုးကမှ တပ်ဖွဲ့ဝင်ဦးရေ ထက်ဝက်ကျော်မရှိစေရ၊
စစ်ဦးစီးများအဖွဲ့တွင် တိုင်းရင်းသားလူမျိုးအသီးသီး၏ စစ်ဦးစီးချုပ်များ
အချိုးကျပါဝင်စေပြီး ၎င်းတို့အထဲမှ ကာကွယ်ရေးဦးစီးချုပ်တစ်ဦးကို
တစ်နှစ်သက်တမ်းအတွက် အလှည့်ကျ ရွေးချယ်ခန့်အပ်ရမည်။"စတဲ့
အချက်တွေကို သဘောမတူ၊ လက်မခံနိုင်ရင်တောင်မှ
အရပ်သားအစိုးရအုပ်ချုပ်မှုအောက်မှာ နိုင်ငံတော်ဖွဲ့စည်းပုံအခြေခံဥပဒေကို
လိုက်နာစောင့်သိတဲ့၊ နိုင်ငံရေးမှာ ဝင်ရောက်စွက်ဖက်ခြင်းမရှိပဲ
နိုင်ငံတော်ကို ပြည်ပရန်က ကာကွယ်ဖို့ စွမ်းရည်ပြည့်ဝတဲ့၊ တိုင်းပြည်ဘဏ္ဍာကို
အလွန်အကျွံမဖြုံးတီးတဲ့ ပြည်ထောင်စုတပ်မတော်မျိုးကို ကျနော်တို့
မြန်မာနိုင်ငံသားအားလုံး မျှော်လင့်ကြပါတယ်။
ဒီမိုကရေစီတူဒေးသတင်းစာ
အယ်ဒီတာချုပ် ဦးကိုကို (ကိုကို-စက်မှုတက္ကသိုလ်) ထံ ကာကွယ်ရေးဝန်ကြီးဋ္ဌာနမှ
အဆင့်မြင့်အရာရှိကြီးတစ်ဦးက အကြောင်းပြန်တဲ့ စာမှာ
တပ်မတော်ကာကွယ်ရေးဦးစီးချုပ်ရဲ့ ငြိမ်းချမ်းရေးနဲ့ ပတ်သက်တဲ့ မူဝါဒ (၆) ချက်ကို ဖော်ပြပြီး "၁၃။
အဲဒီအချက် (၆) ချက်ဟာ မူကြမ်းရေးဆွဲရာမှာ ပါဖို့၊ မပါဖို့ထက်
လိုက်နာဆောင်ရွက်ဖို့ အရေးကြီးပါတယ်။ ဒါမှလည်း
ထာဝရငြိမ်းချမ်းရေးရမှာဖြစ်ပါတယ်။ အထက်ပါအချက်တွေကို လိုက်နာတဲ့
အဖွဲ့တွေအနေနဲ့ ၎င်းတို့အကျိုးစီးပွါးဆုတ်ယုတ်မသွားသလို လက်မခံနိုင်စရာမရှိတဲ့
အချက်တွေဖြစ်ပါတယ်။ ဒီအချက်တွေကလည်း သူတို့ကို အကျပ်ကိုင်တာမဟုတ်သလို
တပ်မတော်က လက်တွေ့ကိုယ်တိုင် လိုက်နာဆောင်ရွက်နေတဲ့ အချက်တွေဖြစ်ပါတယ်။
စိတ်သဘောထားမှန်ကန်ပြီး တည်ကြည်ဖြောင့်မတ်တဲ့ ကေအန်ယူလို
အဖွဲ့မျိုးဆိုရင်တော့ အားလုံးလက်ခံဆောင်ရွက်နေတဲ့ အချက်တွေဖြစ်ပါတယ်။
စောဒကတက်စရာမရှိတဲ့ အချက်တွေဖြစ်ပါတယ်။" လို့ ထပ်ဆင့်ရှင်းပြထားပါတယ်။
အထက်ပါ အရာရှိကြီးရဲ့ ရှင်းပြချက်အရ တပ်မတော်ကာကွယ်ရေးဦးစီးချုပ်ရဲ့ ငြိမ်းချမ်းရေးနဲ့
ပတ်သက်တဲ့ မူဝါဒ (၆) ချက်ကို တပ်မတော်ကိုယ်တိုင်က အပြည့်အဝလိုက်နာပြီး
တိုင်းရင်းသားလက်နက်ကိုင်အဖွဲ့တွေလည်း လိုက်နာသင့်တယ်လို့ ဆိုပါတယ်။ အဲဒီ
ရှင်းပြချက်အတိုင်း တပ်မတော်က ဒီမူ (၆) ချက်ကို
အပြည့်အဝလိုက်နာမယ်ဆိုရင်ဖြင့် နိုင်ငံရေးဆွေးနွေးပွဲများ
အောင်မြင်မှုရနိုင်ပါလိမ့်မယ်။ မူဝါဒ (က) အတိုင်း တပ်မတော်က "ထာဝရငြိမ်းချမ်းရေးရယူရန် အမှန်တကယ် ဆန္ဒရှိတယ်" ဆိုရင် တိုင်းရင်းသားလူမျိုးစုများ လိုလားတောင့်တတဲ့၊ တိုင်းရင်းသားလူမျိုးစုများ လက်နက်ကိုင်တော်လှန်ရခြင်းရဲ့ အဓိကအကြောင်းရင်းဖြစ်တဲ့
ကိုယ်ပိုင်အုပ်ချုပ်ခွင့်ဆိုင်ရာ အခွင့်အရေးများကို တပ်မတော်က
လိုက်လျောသင့်ပါတယ်။ မူဝါဒ (စ) အတိုင်း တပ်မတော်ကလည်း "ဒို့တာဝန်အရေးသုံးပါးနှင့် ဒီမိုကရေစီအနှစ်သာရများကို လက်ခံတယ်"ဆိုရင် ဒီမိုကရေစီစနစ်ရဲ့ အနှစ်သာရဖြစ်တဲ့ ရွေးကောက်ခံအရပ်သားပြည်သူ့ကိုယ်စားလှယ်များရဲ့ အုပ်ချုပ်ရေးစနစ်ကို
လက်ခံရမှာဖြစ်သလို တပ်မတော်ကို အရပ်သားအစိုးရလက်အောက်က
နိုင်ငံ့ဝန်ထမ်းအဖွဲ့အစည်းတစ်ခုအဖြစ် အသွင်ကူးပြောင်းရေး
သဘောတူရမှာဖြစ်ပါတယ်။
#စိတ်ကူးထဲက ဘဝနဲ့ လက်တွေ့ဘဝ၊ မျှော်လင့်ချက်နှင့် အရှိတရား
စိတ်ကူးထဲက
ဘဝနဲ့ လက်တွေ့ဘဝ အင်မတန် ကွာခြားတတ်ပါတယ်။ မျှော်လင့်ချက်နဲ့
အရှိတရားတွေကလည်း ဝေးကွာတတ်ပါတယ်။ လက်ရှိ
ပြည်တွင်းငြိမ်းချမ်းရေးဖော်ဆောင်မှုမှာလည်း အစိုးရနဲ့ တပ်မတော်ရဲ့
သဘောထားနဲ့ လက်တွေ့လုပ်ဆောင်ချက်တွေက ကွာခြားလှပါတယ်။
ထာဝရငြိမ်းချမ်းရေးကို အမှန်တကယ်လိုချင်ပါတယ်ဆိုပေမည့်
တိုင်းရင်းသားလူမျိုးစုများတောင်းဆိုတဲ့
ကိုယ်ပိုင်အုပ်ချုပ်ခွင့်တွေပေးဖို့ အစိုးရမှာ အဆင်သင့်ရှိပုံမရပါ။
အရပ်သားအုပ်ချုပ်ရေးစနစ်အောက်မှာ နိုင်ငံတော်ကို ကာကွယ်စောင့်ရှောက်တဲ့
စွမ်းရည်ပြည့်တပ်မတော်အဖြစ် အသွင်ပြောင်းလဲခြင်းကို လက်ခံဖို့ တပ်မတော်မှာ
ဆန္ဒရှိပုံမရပါ။ အစိုးရနဲ့ တပ်မတော်ရဲ့ ရည်ရွယ်ချက်က လက်ရှိ
၂၀၀၈ ဖွဲ့စည်းပုံအခြေခံဥပဒေထဲမှာ တိုင်းရင်းသားတွေကို
အခွင့်အရေးနည်းနည်းပိုပေးပြီး တိုင်းရင်းသားလက်နက်ကိုင်တပ်တွေကို
တပ်မတော်လက်အောက်ခံအဖြစ် အသွင်ပြောင်းပြီး ပြည်တွင်းစစ်ကို ရပ်တန့်ဖို့သာ
ဖြစ်ပါတယ်။ ဒီရည်ရွယ်ချက်က လက်တွေ့မှာ မအောင်မြင်နိုင်ပါ။
တိုင်းရင်းသားတွေအဖို့ သူတို့လိုလားတဲ့ နိုင်ငံရေးအာမခံချက်တွေ မရပဲနဲ့
သူတို့ရဲ့ လက်နက်ကိုင်တော်လှန်ရေးလမ်းစဉ်ကို စွန့်လွှတ်မယ်မထင်ပါ။
တိုင်းရင်းသားလက်နက်ကိုင်တွေဘက်မှာလည်း
ထာဝရငြိမ်းချမ်းရေးကို အမှန်တကယ်လိုချင်ပါတယ်ဆိုပေမည့်
လက်နက်ကိုင်တပ်တွေကို မဖျက်သိမ်းပဲ ကိုယ့်ဒေသမှာ ကိုယ်ပိုင်တပ်ဖွဲ့နဲ့
စစ်ဘုရင်များအဖြစ် ဆက်လက်မင်းမူချင်သူတွေ များလှပါတယ်။
နိုင်ငံရေးဆွေးနွေးပွဲအတွက် ရှိရမည့် အပေးအယူမျှတမှု၊ ရင့်ကျက်မှု၊ ခိုင်မာမှု၊
ပျော့ပြောင်းငြင်သာမှု၊ စိတ်ရှည်ကြံ့ခိုင်မှုတွေမရှိပဲ အပစ်အခတ်ရပ်စဲရေးနဲ့
ဆွေးနွေးပွဲတွေကို အခွင့်ကောင်းယူပြီး ကိုယ်ကျိုးစီးပွါးချဲ့ထွင်ချင်တဲ့၊
စစ်ရေးအာဏာပိုမိုထူထောင်ချင်တဲ့ တိုင်းရင်းသားခေါင်းဆောင်တွေလည်း ရှိပါတယ်။
အစိုးရနဲ့ တပ်မတော်ရဲ့ အထူးအခွင့်အရေးပေးမှုတွေကြောင့်
စိတ်သဘောထားတွေအထူးပျော့ပြောင်းပြီး ရနိုင်သလောက်ကို လက်ခံလို့အလွန်အကျွံ
ပြေလည်ချင်တဲ့ ခေါင်းဆောင်တွေ လည်းအများကြီးပါ။ မြို့ကြီးတွေကို
လေယဉ်ပျံနဲ့သွား၊ ဟိုတယ်ကြီးတွေမှာ တည်းခို၊ ခန်းမကြီးတွေမှာ အစည်းအဝေးတွေ
အကြိမ်ကြိမ်ကျင်းပ၊ ရန်ကုန်နဲ့ နေပြည်တော်ကို ခေါက်တုန့်ခေါက်ပြန်သွားပြီး
အစိုးရ၊ တပ်မတော်ကိုယ်စားလှယ်များနဲ့ ထပ်ခါထပ်ခါတွေ့နေကြသလောက် မိမိတို့ရဲ့ သက်ဆိုင်ရာတပ်ဖွဲ့များက
တပ်စခန်းများ၊ တပ်ဖွဲ့ဝင်များဆီ မရောက်နိုင်တော့ပဲ ကိုယ့်တပ်နဲ့ကိုယ်
အဆက်အသွယ်ပြတ်နေပြီး အောက်ခြေတပ်ဖွဲ့ဝင်များက မယုံကြည်တော့တဲ့
တိုင်းရင်းသားခေါင်းဆောင်တွေလည်း ရှိကြပါတယ်။ အစိုးရနဲ့
ဆွေးနွေးဖို့ဆိုပြီး နယ်စပ်ဒေသကနေ မြန်မာနိုင်ငံတွင်းကို တရားဝင် ဝင်ရောက်၊
ဆွေးနွေးပွဲက တစ်ရက်၊ နှစ်ရက်ပဲကြာပြီး နောက်ထပ် ရက်ပေါင်းများစွာ၊
အပါတ်ပေါင်းများစွာ နိုင်ငံတစ်ဝှမ်း အပျော်ခရီးထွက်နေကြတဲ့
ခေါင်းဆောင်တွေလည်း ရှိပြန်ပါတယ်။ အဲဒီခရီးတွေအတွက် အသုံးစားရိတ်ရဖို့
အစိုးရက ကားပါမစ်တွေ ချပေးတော့လည်း ဝမ်းသာအားရ လက်ခံကြပါသေးတယ်။
ငြိမ်းချမ်းရေးဖော်ဆောင်တာနဲ့ ငြိမ်းချမ်းရေးလုပ်စားတာအကြား ခြားထားတဲ့
စည်းက ပါးလှပါတယ်။
#ပြည်သူအများ ပါဝင်လှုပ်ရှားကြရမည့်အချိန်
သမ္မတဦးသိန်းစိန်ရဲ့ အစိုးရသက်တမ်း
သုံးနှစ်ခွဲကျော်ရှိခဲ့ပြီး အစိုးရသစ်လက်ထက်
ငြိမ်းချမ်းရေးဖော်ဆောင်မှုသက်တမ်းလည်း သုံးနှစ်ကျော်ခဲ့ပါပြီ။ ဒီကနေ့အထိ
တစ်နိုင်ငံလုံးဆိုင်ရာ အပစ်အခတ်ရပ်စဲရေးစာချုပ်ကို
လက်မှတ်ရေးထိုးနိုင်ခြင်းမရှိသေးပါ။ ရှမ်းပြည်နယ်နဲ့ ကချင်ပြည်နယ်အတွင်းမှာ
တိုက်ပွဲတွေ ဆက်လက်ဖြစ်ပွါးနေပြီး ဒုက္ခသည် ထောင်ပေါင်းများစွာလည်း
အိမ်မပြန်နိုင်ကြသေးပါ။ မြေမြုတ်မိုင်းတွေကိုလည်း မရှင်းနိုင်သေးတဲ့အပြင်
နှစ်ဘက်တပ်ဖွဲ့များက တိုး၍တိုး၍ မြုတ်နှံနေကြပါတယ်။
ပြည်တွင်းအလှူရှင်များရဲ့ ကချင်ပြည်နယ်က စစ်ဘေးဒုက္ခသည်များထံ
ထောက်ပံ့လှူဒါန်းမှုဟာလည်း သိသိသာသာလျော့နည်းသွားပါပြီ။ ရန်ကုန်မြို့က
မြန်မာငြိမ်းချမ်းရေးဗဟိုဋ္ဌာနနဲ့ ထိုင်းနိုင်ငံ၊ ချင်းမိုင်မြို့က
ဟိုတယ်ကြီးတွေမှာ ပြုလုပ်ခဲ့၊ ပြုလုပ်နေဆဲဖြစ်တဲ့ အစိုးရနဲ့
တိုင်းရင်းသားလက်နက်ကိုင်အဖွဲ့များရဲ့ ဆွေးနွေးပွဲတွေအပေါ်မှာလည်း
ပြည်သူအများစုက ယုံကြည်မှု၊ မျှော်လင့်မှု တစ်နေ့တစ်ခြားနည်းပါးလာပါပြီ။
လက်ရှိအစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့များရဲ့ သဘောထားနဲ့
ရပ်တည်ချက်တွေ၊ ဆောင်ရွက်ချက်တွေကလည်း
တစ်နိုင်ငံလုံးအပစ်အခတ်ရပ်စဲရေးစာချုပ်ကို လက်မှတ်ရေးထိုးနိုင်ရင်တောင်မှ
လက်နက်ကိုင်ပဋိပက္ခတွေ အမှန်တကယ် အပြီးအပိုင်ချုပ်ငြိမ်းနိုင်မှာ
မဟုတ်ကြောင်း တဖြေးဖြေး ထင်ရှားလာပါပြီ။
ငြိမ်းချမ်းရေးကို
အမှန်တကယ်လိုလားတဲ့ လက်နက်မဲ့ ပြည်သူများက လက်နက်ကိုင်များကို
နိုင်ငံရေးဆွေးနွေးပွဲများအောင်မြင်ရေး ဖိအားပေးကြဖို့ လိုအပ်ပါပြီ။
ကျနော်တို့ တိုင်းပြည်ရဲ့ ကံကြမ္မာကို လက်နက်ကိုင်တပ်ဖွဲ့များရဲ့ လက်ထဲမှာ
အပ်နှံမထားနိုင်ပါ။ လက်နက်မကိုင်တဲ့ တိုင်းရင်းသားအဖွဲ့အစည်းများ၊
အာဏာမရှိတဲ့ အရပ်ဖက်လူ့အဖွဲ့အစည်းများ၊ အမျိုးသားနိုင်ငံရေးအင်အားစုများ၊
စစ်ဘေးစစ်ဒဏ်ကို အဆိုးဝါးဆုံးခံစားနေကြရတဲ့
အမျိုးသမီးအဖွဲ့အစည်းများအားလုံးစုပေါင်းလို့
ပြည်တွင်းငြိမ်းချမ်းရေးဖော်ဆောင်မှုမှာ လက်နက်ကိုင်အဖွဲ့အစည်းများနဲ့
တန်းတူဆွေးနွေးဘက်အဖြစ် ပါဝင်ဆွေးနွေးခွင့် တောင်းဆိုသင့်ပါပြီ။
ငြိမ်းချမ်းရေး အမှန်တကယ်မရနိုင်တဲ့ လက်နက်ကိုင်တွေရဲ့ သဘောထားတွေကို
ပြောင်းလဲဖို့ လက်နက်မဲ့ပြည်သူတွေက လက်နက်ကိုင်အင်အားစုတွေကို
တခဲနက်တောင်းဆိုသင့်ပါပြီ။ ပြည်တွင်းစစ်ရပ်စဲရေး၊ ထာဝရငြိမ်းချမ်းရေး၊
လက်နက်ကိုင်ပဋိပက္ခများ အပြီးတိုင်အဆုံးသတ်ရေးဟာ ကျနော်တို့အားလုံးရဲ့ အရေးဖြစ်ပါတယ်။
အောင်ဒင်
ဇူလိုင် ၈၊ ၂၀၁၄
ဇူလိုင် ၈၊ ၂၀၁၄
#အကိုးအကား၊
၁။
မြန်မာငြိမ်းချမ်းရေးဗဟိုဋ္ဌာန (Myanmar Peace Center) နှင့်
တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ (NCCT)
Technical Team တို့ ပူးတွဲပြုစုသော
"တစ်နိုင်ငံလုံးအပစ်အခတ်ရပ်စဲရေးသဘောတူစာချုပ်၊ ဒုတိယမူကြမ်း" (မေ ၂၃၊
၂၀၁၄)
၂။ တိုင်းရင်းသားကွန်ဖရင့်သို့
ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) မှ တင်သွင်းသော
ဖက်ဒရယ်ပြည်ထောင်စုကာကွယ်ရေးတပ်မတော်စာတမ်း
၃။
တိုင်းရင်းသားလက်နက်ကိုင်အဖွဲ့များနှင့် ဖြစ်ပွါးနေသော ပဋိပက္ခများ၊
ငြိမ်းချမ်းရေးဆွေးနွေးပွဲများနှင့် ပတ်သက်၍ ဒီမိုကရေစီတူဒေး
၏မေးမြန်းချက်များကို တပ်မတော်က ပြန်လည်ဖြေကြားခြင်း (မေ ၄၊ ၂၀၁၄)
၎။ ပထမအကြိမ် ပြည်သူ့လွှတ်တော်၊ သတ္တမပုံမှန်အစည်းအဝေး၊ ပဉ္စမနေ့ အစည်းအဝေးမှတ်တမ်း
(ဇူလိုင် ၂၊ ၂၀၁၃)
(ဇူလိုင် ၂၊ ၂၀၁၃)
၅။ အမေရိကန်ပြည်ထောင်စု၊ ကာကွယ်ရေးဝန်ကြီးဋ္ဌာန ဖွဲ့စည်းပုံ
၆။
တစ်နိုင်ငံလုံးအပစ်အခတ်ရပ်စဲရေးကိစ္စ ညှိနှိုင်းဆွေးနွေးပွဲအစည်းအဝေးတွင်
"ဝ" ပြည်နယ်ကိုယ်စားလှယ်အဖွဲ့၏ ဆွေးနွေးချက် (ဧပြီ ၅၊ ၂၀၁၄)
၇။
ရန်ကုန်မြို့ MPC ခန်းမ၌ ကျင်းပသည့်
တစ်နိုင်ငံလုံးအပစ်အခတ်ရပ်စဲရေးဆိုင်ရာ ဆွေးနွေးပွဲတွင် အထူးဒေသ (၄) ၏
တင်ပြချက် (ဧပြီ ၅၊ ၂၀၁၄)