စက်တင်ဘာ ၃၀၊ ၂၀၁၄
မြန်မာနိုင်ငံသို့ရင်းနှီးမြှတ်နှံမှုများသည် နိုင်ငံရေးအခြေအနေ၊ ပိတ်ဆို့တားမြစ်မှုအခြေအနေများနှင့် ဆိုင်သည်ဟု ရိုက်တာသတင်းဌာနမှ ဖေါ်ပြသည်။ တဟုန်ထိုးပြုပြင်ပြောင်းလဲနေသော မြန်မာနိုင်ငံတွင် ၂နှစ်အတွင် စစ်အုပ်ချုပ်ရေးမှ ပွင့်လင်းမြင်သာသောစီးပွားရေးသို့ ဦးတည်ခဲ့သည်။ သို့သော် ခရီးလမ်းမှာ ကြမ်းတမ်းမှုများရှိသည်ဟု စီးပွားကူသန်းဝန်ကြီးက ပြောသည်။
တချိန်တည်းမှာပင် မြန်မာပြည်၏ ဦးဆုံးရင်းနှီးမြှတ်နှံသူ တစ်ဦးဖြစ်သော ဂျော့ခ်ျဆိုးရို့စ်က နောက်နှစ် ၂၀၁၅ ရွေးကောက်ပွဲအတွက် စီပွားလုပ်ငန်း ၊ ပေါ်လစီများ နှေးကွေးသွားခြင်းအတွက် သူ့မှာအခက်ခဲဖြစ်နေရသည်ဟု ဆိုသည်။ နိုင်ငံတကာ ကုမ္ပဏီကြီးများသည် အရှေ့တောင်အာရှ ရှိ ဘာမှမလုပ်ရသေးသော မြန်မာနိုင်ငံသို့ လာရောက်လုပ်ကိုင်ကြမည် ဟု ဂျော့ခ်ျဆိုးရို့ က ယုံကြည်လျှက်ပင်ရှိသည်။
မြန်မာအစိုးရ ညှိနှိုင်းရေးတာဝန်ခံ ဝန်ကြီးတစ်ဦးဖြစ်သူ ဦးစိုးသိမ်းက နိုင်ငံတကာဝန်ကြီး ၁၁ ဦးနှင့် တွေ့ဆုံရာတွင် မြန်မာနိုင်ငံစီးပွားပြုပြင်ပြောင်းလဲရေး လုပ်ငန်းစဉ်များကို သူ ကြိုက်နှစ်သက်သည်ဟု ဆိုသည်။
ဦးစိုးသိမ်းက ခက်ခဲရှုပ်ထွေးသော မြေယာပိုင်ဆိုင်မှုအရှုပ်ရှင်းများ၊ ဥပဒေများကို နောက်နှစ်တွင် ဖြေရှင်းနိုင်မည် မျှော်လင့်သည်ကြောင်း "ကျွန်တော်တို့မှာ ရှင်းလင်းနားလည်လွယ်ကူ ကျင့်သုံးနိုင်တဲ့ လယ်ယာမြေဥပဒေ ရှိနေပြီးဖြစ်ပါတယ်။ နောက်၆လ ကနေ ၁၂လအတွင် အဲဒီဥပဒေကို စတင်ကျင့်သုံးနိုင်ပါမယ်" .. ဟု ရိုက်တာသတင်းဌာနကို ပြောဆိုခဲ့သည်။ မြန်မာနိုင်ငံရင်းနှီးမြှတ်နှံမှု ကွန်ဖရင့်တွင်. " အဲဒီ လယ်ယာမြေပိုင်ဆိုင်မှုဥပဒေ လက်တွေ့အကောင်ထည်ဖေါ်ပြီးတဲ့နောက်မှာ ရေအရင်းမြစ် ပြုပြင်ပြောင်းလဲမှုကို ဆက်လုပ်ကြပါမယ်။ ရေပြသနာက လယ်ယာစိုက်ပျိုးရေး၊ သစ်တော၊ စက်မှုလုပ်ငန်းများမှာ အလွန်အရေးကြီးပါတယ်.." ဟု ထပ်မံပြောဆိုခဲ့သည်။
ပါလီမန်အမတ်ရွေးကောက်ပွဲများ နောက်နှစ်တွင် ပြုလုပ်မည်ဖြစ်ပြီး၊ သမ္မတဦးသိန်းစိန်အစိုးရ လုပ်ဆောင်မည့် ပြည်သူသို့အာဏာပြောင်းလဲခြင်းသည် လွန်ခဲ့သော ၁၉၆၂ ခုနှစ်၊ စစ်တပ်အာဏာသိမ်းပြီးသည့်နောက် ပထမဆုံး ပြုပြင်ပြောင်းလဲမှုအလုပ်ဖြစ်သည်။
အမေရိကန် စီးပွားရေးပိတ်ဆို့မှုများသည် လုံးဝဖယ်ရှားခြင်း မလုပ်သေးပါ။ အမေရိကန်အစိုးရ Treasury's Office of Foreign Assets Control (OFAC) မှ ပြဌာန်းထားသော ပိတ်ဆိုမှုဥပဒေသည် တည်နေဆဲဖြစ်သည်။ အထူးစောင့်ကြည့်နိုင်ငံစာရင်းတွင် မြန်မာနိုင်ငံအစိုးရကို ထည့်သွင်းထားပါသည်။ ထိုဥပဒေရှိနေသောကြောင့် အမေရိကန်လူမျိုး တစ်ဦးချင်းဖြစ်စေ၊ အမေရိကန်ကုမ္ပဏီဖြစ်စေ... မြန်မာပြည်သို့သွားရောက်လုပ်ကိုင်ပြီး ဆုံးရှုံးမှုဖြစ်ပါက အမေရိကန်အစိုးရက တာဝန်ယူ၊ဖြေရှင်းပေးမည် မဟုတ်သောကြောင့် အမေရိကန်ကုမ္ပဏီများမှာ မြန်မာပြည်လာရန် နှောင့်နှေးနေဆဲဖြစ်သည်။
မြန်မာ့သမိုင်းအစဉ်အလာအရ စစ်တပ်ဗိုလ်ချုပ်များ၏ စီးပွားရေးတွင် ပါဝင်၊ထိန်းချုပ်နေမှုများ ရှိခဲ့သည်။ ရှိနေဆဲဖြစ်သည်။ ထို့အပြင် မူးရစ်ဆေးဝါးလုပ်ငန်းများတွင်လည်း နာမည်ပျက်စာရင်းသွင်းထားခံရသူ SDN List များစွာရှိနေဆဲဖြစ်သည်။ မြန်မာဝန်ကြီးတစ်ဦးဖြစ်သူ ဦးစိုးသိမ်းက "မြန်မာနိုင်ငံပြုပြင်ပြောင်းလဲမှုများအတွက် အမေရိကန်ရဲ့ ပိတ်ဆို့မှုဥပဒေကို ပယ်ဖျက်ပေးစေလိုတယ်" ဟု ပြောခဲ့သည်။
ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည် အနေနဲ့ နိုင်ငံရေးမငြိမ်သက်ဖြစ်မှု၊ မသေချာမှုများ ရှိနေပေမဲ့ လာမဲ့နှစ်ရွေးကောက်ပွဲမှ သူတို့ အင်အယ်ဒီပါတီ ဝင်ရောက်အရွေးခံမယ်။ သူမ သမ္မတမဖြစ်နိုင်ပေမဲ့လည်း ရွေးကောက်ပွဲဝင်ကြမည် ဟု ပြောသည်။ နိုင်ငံခြားသား အိမ်ထောင်ဖက်၊ နိုင်ငံခြားသား သားသမီး ရှိသူများ မြန်မာနိုင်ငံသမ္မတ၊ ဒုသမ္မတ ရာထူး မခန့်ထားရန် မြန်မာစစ်အစိုးရ ပြုစုခဲ့သော ဖွဲ့စည်းပုံအခြေခံဥပဒေတွင် ရေးသား၊ ပြဌာန်းထားသည်။
"လွန်ခဲ့သောအနှစ်၂၀ကတည်းက ဂျော့ဆိုးရို့စ်၏ Open Society Foundation in Myanmar အဖွဲ့အစည်းစတင်ခဲ့ပြီးနောက် ယခုဘာဆက်လုပ်မလဲ ..." ဟု မေးသောအခါ ၀န်ကြီးဦးစိုးသိမ်းနှင့် တ၀ိုင်းတည်းထိုင်နေသူ ဂျော့ဆိုးရို့စ်က "ပွင့်လင်းမှုတွေရှိလာပြီ၊ ဆက်လုပ်နေတယ် .." ဟုဖြေခဲ့ပါသည်။ " စီးပွားရေးလုပ်ငန်းတွေတော့ နှေးကွေးသွားပါပြီ။ ၂၀၁၅ ရွေးကောက်ပွဲပြီးရင် ပြန်လည်မြန်ဆန်လာမယ် လို့မျှော်လင့်ပါတယ် " ဟု ပြောခဲ့သည်။
ဘီလျှံနာသူဌေးကြီး ဂျော့ခ်ျဆိုးရို့း၏ မြန်မာနိုင်ငံတွင်း ရင်းနှီးမြှတ်နှံမှုများသည် အမေရိကန်အစိုးရ၏ OFAC စည်းမျဉ်းများနှင့် အညီဖြစ်ဖို့ အထူးကြိုးစားလုပ်ကိုင်နေရပါသည်။ လာဘ်စားမှု၊ ဥပဒေအလွဲသုံးမှုများမှာ ပါဝင်မပတ်သက်ဖို့ ဖြစ်ပါသည်။ နိုင်ငံရေး၊ စီးပွားရေးလုပ်ငန်းများအပြင် လူပေါင်း ရာချီသေဆုံးရသော ၂၀၁၂ ကတည်းမှ စတင်ခဲ့သည့် မွတ်ဆလင်အရေးအခင်းများ မြန်မာအစိုးရ ကိုင်တွယ်ဖြေရှင်းပုံများကိုလည်း အမေရိကန်အစိုးရက စောင့်ကြည့်လျှက်ရှိပါသည်။
ဘယ်လိုပဲ ဖြစ်နေပါစေ.. ကမ္ဘာ့ နိုင်ငံတကာကုမ္ပဏီကြီးများ၊ မြန်မာပြည်စီးပွားရေးကို လစ်လျူထားလို့ မဖြစ်တော့ကြောင်း။ ၂၀၁၄ ဧပြီလတွင် မြန်မာပြည်ကို နိုင်ငံခြားရင်းနှီးမြှတ်နှံမှု ကန်ဒေါ်လာ ၅ဘီလျှံ ဝင်ရောက်ခဲ့ကြောင်းကို ဂျော့ခ်ျဆိုးရို့စ် က ပြောဆိုပါသည်။
 |
|ြ မြန်မာနိုင်ငံသား သူဌေး ဦးဆာ့ခ်ျပန် |
ဂျော့ခ်ျဆိုးရို့စ် ဒေါ်လာသန်းပေါင်းများစွာ မြန်မာပြည်ကို ရင်းနှီးမြှတ်နှံထားပါသည်။ မြန်မာနိုင်ငံသား သူဌေး ဦးဆာ့ခ်ျပန် ၏ SPA Group ရိုးမဘဏ်နှင့်လုပ်ငန်းများမှတဆင့် ရင်းနှီးမြှတ်နှံထားဖြင်းဖြစ်ပါသည်။ မြန်မာအစိုးရထံ တိုက်ရိုက်ရင်းနှီးမြှတ်နှံခြင်း မရှိသေးပါ။ " ကျနော်တို့ဟာ ဘဏ်လုပ်ငန်း၊ ငွေကြေးလုပ်ငန်း၊ လယ်ယာလုပ်ငန်းများမှာ ရင်းနှီးမြှတ်နှံဖို့ အရမ်းစိတ်ဝင်စားပါတယ်၊ ဒီလုပ်ငန်းတွေက မြန်မာနိုင်ငံသားများ နှစ်သက်တဲ့ ရင်းနှီးမြှတ်နှံမှုလုပ်ငန်းများဖြစ်ပါတယ်" ဟု ဂျော့ခ်ျဆိုးရို့က ပြောကြားခဲ့ပါသည်။
မှတ်ချက်။ လှဦး ဘာသာပြန်တင်ပြသည်။ George Soros Invests In Burma Through Serge Pun
(Feature article direct from the REUTERS on 24 September 2014. http://hlaoo1980.blogspot.sg)