ဇော်အောင် (မုံရွာ) - အရှေ့တောင်အာရှမှာ အင်ဒိုနီးရှားနိုင်ငံ၊ ဒီမိုကရေစီစံပြမဖြစ်နိုင်ပါ (ဘာသာပြန်ဆောင်းပါး)
ဇော်အောင် (မုံရွာ) - အရှေ့တောင်အာရှမှာ အင်ဒိုနီးရှားနိုင်ငံ၊ ဒီမိုကရေစီစံပြမဖြစ်နိုင်ပါ (ဘာသာပြန်ဆောင်းပါး)
စက်တင်ဘာ ၈၊ ၂၀၁၄
စက်တင်ဘာ ၈၊ ၂၀၁၄
ဒီမိုကရေစီနည်းနဲ့ရွေးခံရတဲ့ ဂျိုကိုဝီဒိုဒို နောက်လမှာ၊ သမ္မတအဖြစ် ကျမ်းသစ္စာဆိုမယ်ဖြစ်ပါတယ်။ အပြောင်းလဲကာလမှာတော့ အင်ဒိုနီးရှားမှာ အတိတ်က အရိပ်ဆိုးများ ပေါ်နေပါတယ်။ အခြေခံဥပဒေခုံရုံးမှာ ရွေးကောက်ပွဲရှုံးသွားတဲ့ စစ်ဗိုလ်ချုပ်ဟောင်းလဲဖြစ်၊ အာဏာရှင်သမ္မတဟောင်း၊ ဆူဟာတိုရဲ့ သားမက်လဲဖြစ်ခဲ့သူက ရွေးကောက်ပွဲရလဒ်ပြောင်းဖို့ လျှောက်ထားပါတယ်။ ရုံးအပြင်ဖက်မှာတော့ အာဏာရှင်ဟောင်းထောက်ခံသူများနဲ့ လက်ရှိအရွေးခံသမ္မတ ဂျိုးကိုဝီဒိုဒို ထောက်ခံသူများ ပဋိပက္ခဖြစ်ပြီး၊ အဓိကရုံးနှိမ်နင်းရဲတွေက ရေပိုက်၊ မျက်ရည်ယိုဗုံးများသုံးပြီး၊ လူစုခွဲနေရပါတ်။
နောက်ဆုံးတော့ အခြေခံဥပဒေခုံရုံးက သမ္မတဂျိုကိုဝီဒိုဒို ရွေးချယ်ခံရမှုကို အတည်ပြုပေးလိုက်လို့ ပြီးသွားပါပြီ။
အင်ဒိုနီးရှားသမိုင်းမှာတော့ အကျိတ်အနယ်အဖြစ်ဆုံး သမ္မတရွေးကောက်ပွဲဖြစ်ပါတယ်။ ငြိမ်းချမ်းစွာနဲ့ပြီးဆုံးသွားတဲ့အတွက် ဂျာကာတာမြို့တော်ဝန်ဟာ ပါလီမန်မှာ ကျမ်းသစ္စာဆိုရတော့မယ်ဖြစ်ပါတယ်။ ဖြစ်တောင့်ဖြစ်ခဲ အင်ဒိုနီးရှားမှာ ဒီမိုကရေစီစနစ်နဲ့ အာဏာကို ငြိမ်းချမ်းစွာလွှဲပြောင်းခြင်းဖြစ်ပါတယ်။
 |
| ဂျာဗားအနောက်ပိုင်းပြည်နယ်မှာ မဲပေးဖို့လူများတန်းစီနေပုံ Credit Bay Ismoyo/Agence France-Presse — Getty Images |
ထိုင်းနိုင်ငံမှာ စစ်တပ်က ဒီမိုကရေစီကျစွာရွေးကောက်ထားတဲ့ အစိုးရကို အာဏာသိမ်းဖြုတ်ချခဲ့ပါတယ်။ ၈နှစ်အတွင်း ဒုတိယအကြိမ်ဖြစ်ပါ တယ်။ မလေးရှားနဲ့ ကမ္ဘောဒီယားတွေမှာလဲ မနှစ်က ရွေးကောက်ပွဲမှာ လက်ရှိအစိုးရက မသမာလုပ်ဆောင်တယ်လို့ အတိုက်အခံများကစွပ် စွဲထားပါတယ်။ မလေးရှား၊ ကမ္ဘောဒီယား နဲ့ စင်ကာပူအပါအဝင် ဘယ်သောခါမှာ ဒီမိုကရေစီကျစွာ ရွေးကောက်ပြီး၊ အတိုက်အခံကိုအာဏာ လွှဲခြင်း မရှိခဲ့ဖူးပါဘူး။
ဖိလစ်ပိုင်နိုင်ငံမှာ ဒီမိုကရေစီကျစွာ ရွေးကောက်ပွဲကျင်းပခဲ့ပေမဲ့၊ အကြမ်းဖက်မှုများစွာနဲ့ ကျင်းပလေ့ရှိပါတယ်။ ယခင်သမ္မတဟောင်း ၂ယောက်ကိုလဲ၊ နောက်တက်လာတဲ့ သမ္မတလက်ထက်မှာ ဖမ်းဆီး၊ထောင်ချခြင်း အဖြစ်ပျက်တွေရှိပါတယ်။
အဲဒီနိုင်ငံများက ဒီမိုကရေစီနိုင်ငံများဖြစ်ပါတယ်။ တစ်ပါတီစနစ်နဲ့ ကွန်မြူနစ်များအုပ်ချုပ်တဲ့ ဗီယက်နမ်းနိုင်ငံနဲ့၊ နောက်တစ်နိုင်ငံကတော့ စစ်အာဏာရှင်စနစ်က ဖွင့်ပေးလိုက်တဲ့မြန်မာနိုင်ငံတို့ဖြစ်ပါတယ်။
အင်ဒိုနီးရှားမှာတော့ ဧပြီလ ၂၀၁၄မှာ သမ္မတရွေးကောက်ပွဲကျင်းပခဲ့တာ၊ လူဦးရေ သန်းပေါင်း ၁၄၀ မဲပေးခဲ့ကြပါတယ်။ မဲပေးပိုင်ခွင့်ရှိသူအားလုံးရဲ့ ၇၅% မဲပေးတယ်လို့ဆိုပါတယ်။ ပြိုင်ဆိုင်တဲ့ ပါတီအားလုံးက ရွေးကောက်ပွဲရလဒ်ကို လက်ခံကြပါတယ်။
အခုချိန်မှာတော့ အင်ဒိုနီးရှားဟာ အရှေ့တောင်အာရှမှာ ဒီမိုကရေစီအရှိဆုံး နိုင်ငံဖြစ်နေတာကို ဘယ်သူမှမငြင်းနိုင်ပါဘူး။ ဒါမျိုးဖြစ်လာမယ်လို့ ၁၉၉၈ခုနှစ် အာဏာရှင်ဆူဟာတို နှုတ်ထွက်သွားချိန်က ဘယ်သူမှမခန့်မှန်း၊ မမျှော်လင့်ခဲ့ဘူးလို့ သြစကြေးလျှား အမျိုးသားတက္ကသိုလ်က အင်ဒိုနီးရှားစပယ်ရှယ်လစ် လေ့လာသူ၊ မားကပ်စ်မစ်ဇာ ဆိုသူကပြောပါတယ်။
အင်ဒိုနီးရှားမှာ ပြုပြင်စရာများရှိနေပါသေးတယ်။ အကျင့်ပျက်ခြစားမှုဟာ နိုင်ငံရဲ့သန်း၂၅၀ လူဦးရေအတွက် ရိုးနေဆဲဖြစ်ပါတယ်။ ဘာသာရေးလူနည်းစု အဖွဲ့အစည်းများလဲ အကြမ်းဖက်မှု၊ လူ့အခွင့်ရေးချိုးဖောက်မှုများရှိနေဆဲဖြစ်ပါတယ်။ လူအခွင့်ရေးစောင့်ကြည့်အဖွဲ့ဝင်များဟာ အစိုးရလုံခြုံရေးတပ်များရဲ့ နှောင်ယှက်မှုများခံနေရဆဲဖြစ်ပါတယ်။ ဒါပေမဲ့၊ အရင်က လူ့အခွင့်ရေဖောက်ဖျက်မှု၊ ဆိုးဝါးတဲ့နေရာများစွာမှာ အခုအခါ လူ့အခွင့်ရေးတိုးတက်လာတာကို တွေ့ရပါတယ်။
အင်ဒိုနီးရှားရွေးကောက်ပွဲနဲ့ ဒီမိုကရေစီအောင်မြင်မှုဟာ ထိုင်းနိုင်ငံနဲ့မတူပါဘူး။ ဆူဟာတို အလွန်ခေတ်မှာ အရပ်သားခေါင်းဆောင်များဟာ စစ်ဗိုလ်များကို နိုင်ငံရေးလောကမှ ထွက်ခွာစေလိုက်ပါတယ်။ ဥပဒေပြု အ၇ပ်သားပညာရှင်များဟာ စစ်တပ်ကို ပါလီမန်နေရာများကနေ ဖယ်ရှားပစ်နိုင်ခဲ့ပြီး တိုက်ရိုက်ရွေးကောက်ပွဲတွေ သမ္မတ ကနေ မြို့တော်ဝန်အထိ ကျင်းပပေးနိုင်ခဲ့ပါတယ်။
စစ်ဗိုလ်များကို အစိုးရအဖွဲ့အစည်းရဲ့ အရာရှိကြီးများမလုပ်ဖို့ ဥပဒေပြဌာန်း၊ တားမြစ်နိုင်ခဲ့ပါတယ်။ အင်ဒိုနီးရှားစစ်တပ်ကြီးရဲ့ စီးပွားရေးလုပ်ငန်းများကိုပါ မစွန့်မနေရ၊ စွန့်လွှတ်ပြီး၊ ပုဂ္ဂလိကထံ ရောင်းချစေနိုင်ခဲ့ပါတယ်။
ထိုင်းနိုင်ငံစစ်တပ်ကို ကြည့်မယ်ဆိုရင်၊ ထိုင်းနိုင်ငံရေးသမိုင်းမှာ စစ်တပ်က အမြဲတပ်ပါဝင်စွတ်ဖက်လေ့ရှိတာကို တွေ့ရမယ်ဖြစ်ပါတယ်။ အခုအချိန်ထိ စွတ်ဖက်နေဆဲဖြစ်ပါတယ်။ ၁၉၃၀ နောက်ပိုင်းမှာ တစ်ဒါဇင်လောက် စစ်တပ်၊ အာဏာသိမ်းခြင်း လုပ်ခဲ့ကြပါတယ်။ ဒါဟာ စစ်တပ်က တိုင်းပြည်ကာကွယ်ရေးကိုပဲလုပ်ဆောင်တယ် ဆိုပြီးအာဏာသိမ်းလေ့ရှိပါတယ်။
အင်ဒိုနီးရှားမှာ အရေပါတဲ့ ပြောင်းလဲမှုတစ်ခုကတော့ ဆူဟာတိုအာဏာစွန့်သွားပြီး၊ တစ်နှစ်အတွင်းမှာ ပြည်နယ်အစိုးရများကို လုပ်ပိုင်ခွင့်အာဏာပေးလိုက်ခြင်းအားဖြင့် ဗဟိုဦးစီးစနစ်ကသွေဖယ်သွားစေခဲပါတယ်။ ပါတီကြီးတစ်ခုက နိုင်ငံရေးကိုကြီးစိုးဖို့ခက်ခဲသွားစေခဲ့ပါတယ်။
ပါတီငယ်များလဲ ရွေးကောက်ပွဲရှုံးပေမဲ့၊ ဆက်လက်အသက်ရှင်သန်ခွင့် ရရှိစေပါတယ်။ ရှုံးသွားတဲ့ပါတီငယ်များကို အနိုင်ရရှိတဲ့ပါတီက ဖျက်သိမ်းပစ်စေတာမျိုးကို တားမြစ်ခဲ့ပါတယ်။ ဗဟိုရွေးကောက်ပွဲမှာ ရှုံးပေမဲ့၊ ပြည်နယ်၊ဒေသတွေမှာ အုပ်ချုပ်ခွင့်ဆက်လက်ရရှိစေပါတယ်။
ကိုယ်ပိုင်အုပ်ချုပ်ခွင့်ရတဲ့ ပြည်နယ်၊ဒေသများမှာ အကျင့်ပျက်ခြစားမှုနဲ့ ဒေသခံခေါင်းဆောင်တစ်ဒါဇင်ခန့်အရေးယူခံရပါတယ်။
မစ္စတာဂျိုကို ကတော့ မှတ်သားဖွယ်ရာ ဒေသခံခေါင်းဆောင်ဖြစ်ပါတယ်။ ဗဟိုဂျာဗားပြည်နယ်က ဆူရာကာတာမြို့မှာမွေးဖွားခဲ့ပြီး၊ ၅၃နှစ်အရွယ်မှာ ဒုတိယအကြိမ်မြောက် မြို့တော်ဝန်အဖြစ်ရွေးခံခဲ့ရပါတယ်။ တချိန်ထဲ ၂၀၁၂ မှာ ဂျာကာတာမြို့တော်ဝန်အဖြစ်လဲ အရွေးခံရပြီး၊ နိုင်ငံကိုခေါင်းဆောင်ဖို့ အရည်အချင်းပြည့်ဝကြောင်း ပြသနိုင်ခဲ့ပါတယ်။
သူဟာ အင်ဒိုနီးရှားနိုင်ငံရဲ့ အာဏာရှင်ဆူဟာတိုနဲ့ ကင်းရှင်းတဲ့ ပထမဆုံးသမ္မတအဖြစ် သမိုင်းဝင်ဖြစ်သွားပါတယ်။
သူဟာ အောက်တိုဘာ ၂၀ရက်နေ့မှာ ကျမ်းသစ္စာဆိုမယ်ဖြစ်ပြီး လက်ရှိသမ္မတဖြစ်သာ ဆူစီလို ဘမ်ဘန်း ယူဒိုရိုနို တက်ရောက်ပါမယ်။ ယူဒိုရိုနို ဟာ သမ္မတသက်တမ်း ၂ကြိမ်းထမ်းဆောင်ပြီးဖြစ်လို့၊ အခြေခံဥပဒေအရ သမ္မတထပ်မံ အရွေးခံခွင့်မရှိတော့ပါဘူး။ ဒီလို အာဏာဆက်မယူနိုင်အောင် ဥပဒေအရ တားမြစ်ထားခြင်းကို မလေးရှား၊ ကမ္ဘောဒီယား၊ စင်ကာပူတို့မှာ မတွေ့ရပါဘူး။
ဒီနိုင်ငံတွေမှာ အာဏာရပါတီက အုပ်ချုပ်တာနှစ်ပေါင်းကြာမြင့်နေတဲ့အတွက် အင်ဒိုနီးရှားလို အာဏာလွှဲပေးဖို့ဆိုတာ မဖြစ်နိုင်ပါဘူး..လို့..စင်ကာပူ နိုင်ငံတကာအင်စတီကျု Singapore Institute of International Affairs, ဥက္ကဌဖြစ်သူ ဆိုင်မွန်တေး ကပြောပါတယ်။ ဒါမျိုး နိုင်ငံရေးအပြောင်းလွှဲ လုပ်ရပ်တွေကို လုပ်လေ့မရှိပါဘူးလို့လဲ ဆိုင်မွန်တေးက ထပ်မံပြောပါတယ်။
အင်ဒိုနီးရှားကတော့ အတိုက်ခံကို အာဏာလွှဲပြောင်းရေးဟာ ပြသနာမရှိကြောင်း လက်တွေ့ပြလိုက်ပါပြီ။
ဒီမိုကရေစီစနစ် စတင်ပြောင်းလဲတဲ့ ပထမနှစ်မှာ နိုင်ငံသားများစွာ သွေးထွက်သံယိုမှုများနဲ့ လမ်းပေါ်ထွက်ပြီး ဆန္ဒပြခဲ့ကြပါတယ်။ လူများထောင်နဲ့ချီပြီးသေဆုံးခဲ့ရပါတယ်။ အစ္စလမ်ဘာသာရေး အကြမ်းဖက်မှုများ၊ စစ်သွေးကြွသူများကြောင့် စစ်တပ်က အရပ်သားထံကို အာဏာလွှဲပေးဖို့ စိုးရိမ်ခဲ့ကြပါတယ်။ အနှစ်၄၀အတွင်း ပထမဆုံး ဒီမိုကရေစီနည်းနဲ့ ရွေးကောက်ခံရတဲ့ သမ္မတဝါဟစ် တက်လာပြီး၊ ၂၀၀၁ခုနှစ်မှာ တာဝန်မကြေမှု၊ အကျင့်ပျက်မှုများနဲ့ သမ္မတရာထူးကနေ ဖယ်ရှားခံလိုက်ရပါတယ်။ ဒု-သမ္မတဖြစ်သူ မဂါဝတီ သမ္မတဖြစ်လာပါတယ်။ ဒီအဖြစ်အပျက်ဟာ ပါလီမန်အတွင်းမှာ ဖြစ်ပျက်ခဲ့ပါတယ်။
အရင်က အာဏာရှင်ဆူဟာတိုလက်ထက်မှာတော့ သမ္မတအဖြစ် ကော်မတီကရွေးချယ်ခဲ့ပေမဲ့ ၂၀၀၄မှာ ပထမဆုံး ပြည်သူလူထုမှ တိုက်ရိုက်ရွေးကောက်တင်မြှောက်တဲ့သမ္မတအဖြစ် စစ်ဗိုလ်ချုပ်ဟောင်း ယူဒိုရိုနို ရွေးချယ်ခံရပါတယ်။ ထိုအချိန်က လက်ရှိသမ္မတဖြစ်သူ မဂါဝတီ ဟာ အင်ဒိုနီးရှားနိုင်ငံစတင်ခဲ့တဲ့ ခေါင်းဆောင် ဗိုလ်ချုပ်ကြီးဆူကာနိုရဲ့သမီး ဖြစ်ပါတယ်။ သမ္မတရွေးပွဲ ရှုံးနိုမ့်ပြီး၊ အာဏာလွှဲပေးလိုက်ပါတယ်။
အခု ပြီးသွားတဲ့ အင်ဒိုနီးရှား သမ္မတရွေးကောက်ပွဲဟာ လွတ်လပ်ပြီး၊ တရားမျှတတဲ့ ရွေးကောက်ပွဲလို့ ပြောလို့မရပါဘူး။ ရှုံးသွားတဲ့ ဗိုလ်ချုပ်ကြီးဟောင်း ပရာဗိုမို ဆူဘင်တို အရှုံးကိုလက်ခံခဲ့ပေမဲ့၊ ရွေးကောက်ပွဲမှာ မဲမသမာမှုတွေရှိတယ်လို့ ပြောပါတယ်။ ပရာဗိုမို က အခြေခံဥပဒေရုံးအထိ တင်ပြကန့်ကွက်ခဲ့ပေမဲ့၊ ပယ်ချခြင်းခံရပါတယ်။ သူ့နောက်က ရပ်တည်ပေးတဲ့ ညွန့်ပေါင်းအစိုးရ ပါတီများက ရွေးကောက်ပွဲကို စုံစမ်းစစ်ဆေးရေးအဖွဲ့နဲ့ စစ်ဆေးပေးဖို့ တောင်းဆိုနေပါတယ်။
ဒီလို စုံစမ်းစစ်ဆေးရေးအဖွဲ့မှာ ရွေးကောက်ပွဲရလဒ်ကို ပြောင်းပြန်ဖြစ်စေတဲ့ အာဏာရှိပါတယ်။ နိုင်ငံရေးကျွမ်းကျင်သူများကတော့ ဒါမျိုး စုံစမ်းစစ်ဆေးအဖွဲ့ဖြစ်လာဖို့ အလားအလာနည်းပါးတယ်လို့ ပြောပါတယ်။ ဘာကြောင့်လဲဆိုတော့ ပရာဗိုမို ဘက်သား ပါတီအချို့ဟာ ဂျိုကို ရဲ့အစိုးရမှာ နေရာရမယ် လို့ မျှော်လင့်နေတာကြောင့် ဖြစ်ပါတယ်။ အဲဒီပါတီငယ်များ ဂျိုကို ဘက်ရောက်သွားရင် ပါလီမန်မှာ ဥပဒေပြုမှုကို ဂျိုကိုအုပ်စုက ကြီးစိုးသွားမယ်ဖြစ်ပါတယ်။
ပရာဗိုမိုကတော့ ရွေးကောက်ပွဲရှုံးတာကို လက်မခံချင်သေးပါဘူး။ ဒါပေမဲ့ သူ့ရဲ့ အမြဲတမ်းအတိုက်အခံမဟာမိတ် အဖွဲ့ဟာ ရက်များမကြာမီ ပြောင်းလဲမှုတွေဖြစ်လာမှာပါလို့ အင်ဒိုနီးရှားနိုင်ငံရေးသိပ္ပံ၊ ဂျာကာတာမြို့မှာ နူဆာဘာတီ ကပြောပါတယ်။
အင်ဒိုနီးရှားဟာ လူဦးရေအများပြားဆုံး၊ အထူထပ်ဆုံး မွတ်ဆလင်နိုင်ငံဖြစ်ပြီး၊ လူမျိုးစုပေါင်း ၃၀၀ကျော် ကွဲပြားစွာရှိနေပါတယ်။ ဒီမိုကရေစီစနစ် အရပ်သားအစိုးရ ပြုပြင်ပြောင်းလဲမှု ခရီးစဉ်ကို စစ်တပ်ကလက်ခံခြင်းဟာ အဓိကမှတ်တိုင်ဖြစ်ပါတယ်။
September 5, 2014, on page A12 of the New York edition , In Southeast Asia, Indonesia Is an Unlikely Role Model for Democracy By JOE COCHRANESEPT ဘာသာပြန်ဆောင်းပါးဖြစ်ပါတယ်။ မွတ်ဆလင်ိနိုင်ငံပင် ဒီမိုကရေစီပြောင်းနိုင်သည်.. မြန်မာနိုင်ငံမှာ စစ်တပ်ကဘာအခက်ခဲရှိပါသနည်း...။ (မိုးမခဆောင်းပါး)