(မိုးမခ) အောက်တိုဘာ ၇၊ ၂၀၁၄ (သူ့ဖေ့စ်ဘွတ်က ယူပါတယ်)
မနေ့က အောက်တိုဘာ၎ရက်နေ့ ... ဝက်စ်ဗာဂျီးနီယားက၊ ဘာလင်တန်ဆိုတဲ့မြို့လေးကိုရောက်သွားပါတယ်။
Apple Harvest Festival တဲ့ နှစ်စဉ်ကျင်းပခဲ့တာ၄၁နှစ် ရှိခဲ့ပါပြီ။ ဒီပွဲတော်ကို ဘာလင်တန်လူငယ်ထိမ်းသိမ်းစောင်ရှောက်ရေးဌာနတခုက ဦးစီး ကျင်းပတယ်လို့သိရတယ်။ ပြီးခဲ့တဲ့တပတ်လုံး ခူးဆွတ်ခဲ့သမျှပန်းသီးတွေကိုစေတနာ့ဝန်ထမ်းလုပ်အားပေးသူတွေနဲ့ ယိုထိုးပွဲတွေတပျော်တပါး ဝိုင်းဝန်းလုပ်ဆောင်ကြပြီး ဒီစနေတနင်္ဂနွေနှစ်ရက်မှာတော့ပွဲတော်ကျင်းပတယ်။ တပတ်လုံးထိုးခဲ့တဲ့ပန်းသီးယိုတွေကိုရောင်းတယ်၊ ပွဲတော်ကရသမျှဝင်ငွေအားလုံးက လူငယ်စောင့်ရှောက်ရေးဌာနရန်ပုံငွေလို့ဆိုပါတယ်။
ဒီပွဲမှာပါဝင်လုပ်အားပေးမယ့်စေတနာဝန်ထမ်းမယ့်သူတွေဟာ အစားအသောက်နဲ့ပါတ်သက်တဲ့ သန့်ရှင်းရေးစတဲ့ စည်းကမ်းနည်းလမ်းများ သင်တန်းတက်ပြီးလက်မှတ်ရမှ ပါဝင်ခွင့်ရပါတယ်။ မြို့သေးသေးလေးဟာဧည့်သည်ထောင်ပေါင်းများစွာနဲ့ပြည့်နှက်စည်ကားနေတာပေါ့။
များပြားလှတဲ့ဧည့်သည်တွေရဲ့ကားတွေကလမ်းဘေးနေရာလွတ်မရှိ သတ်မှတ်ထားတဲ့ရပ်နားကွင်းတွေအားလုံးပြည့် သွားတာမို့ ပြန်အထွက်မှာကိုယ့်ကားကိုယ် မနဲကြီးရှာ ခက်ခက်ခဲခဲထုတ်ပြီးပြန်ခဲ့ရပေါ့။
ကင်းထောက်လူငယ်လေးတွေကလည်း ကားရပ်နားစခန်းတွေမှာ တာဝန်ယူကူညီနေကြလေရဲ့။
ကားတစီး၃ဒေါ်လာရပ်နားခနဲ့တင်ဒီပွဲဝင်ငွေကမသေးလှ။
မုန့်ဆိုင်တွေအအေးဆိုင်တွေမှာလည်း ဝန်ထမ်းအလုပ်သမားတွေက တယောက်လေးနာရီ အချိန်ပိုင်းဝင်ကူလုပ်အားပေးကြသတဲ့။
ရိုးရာလက်မှုအနုပညာပစ္စည်းအရောင်းဆိုင်တွေ၊ အဝတ်အထည်ဆိုင်တွေ၊ ရိုးရာလယ်သမားသုံးပစ္စည်းအရောင်းဆိုင်တွေ၊ ခေတ်မှီလယ်ယာသုံးပစ္စည်းအရောင်းဆိုင်တွေတော်တော်များပါတယ်။ လက်မှုဖန်ထည်၊ လက်မှုသံထည်အရောင်းဆိုင်တွေနဲ့ တမြို့လုံးအိမ်တိုင်းကလည်းပစ္စည်းအဟောင်းတွေ၊ ယာထွက်ခြံထွက်အသီးအနှံတွေ ထွက်ရောင်းကြတာဆိုတော့ Big flea market ကြီးပေါ့ ။
ထုံးစံအတိုင်းမပါမဖြစ်တေးဂီတစင်မြင့်ထက်မှာတော့ ...
ကန်းထရီးကျေးလက်တေးသံတွေနဲ့ တရှိုက်မက်မက်ခံစားနားဆင်နေသူတွေနဲ့၊ ရွှေတိဂုံဘုရားထမနဲပွဲနဲ့ သံလျှင်ကျိုက်ခေါက်ဘုရားပွဲတွေကိုသတိရစရာပါ။
အခုပွဲတော်ကတော့ဘာသာရေး၊ အပျော်ပွဲတော်သက်သက်မဟုတ်ဘဲ ချစ်စရာ လူမှုဝန်ထမ်းရုိုးရာပွဲတော်လေးပေါ့လေ။