ရန်နောင် (ဗိုလ်တထောင်) - Miss Myanmar International ဝိုင်းလေး Miss World ပြိုင်ရန် လန်ဒန်သို့ထွက်ခွာ

on

ရန်နောင် (ဗိုလ်တထောင်) - Miss Myanmar International ဝိုင်းလေး Miss World ပြိုင်ရန် လန်ဒန်သို့ထွက်ခွာ
(မိုးမခ) နိုဝင်ဘာ ၂၁၊ ၂၀၁၄
 


Miss Myanamr International ဝိုင်းလေးသည် Miss World ပြိုင်ပွဲဝင်ရန်အတွက် ထိုင်းလေကြောင်းဖြင့် အင်္ဂလန်နိုင်ငံ လန်ဒန်မြို့သို့ နိုဝင်ဘာလ ၂၀ ရက်နေ့နံနက်ပိုင်းတွင် ထွက်ခွာသွားပြီ ဖြစ်သည်။

ဝိုင်းလေးသည် Miss World  ပြိုင်ပွဲဝင်ရန်အတွက် လေ့ကျင့်မှုများစွာ ပြုလုပ်ခဲ့ပြီး လန်ဒန်တွင်လည်း (၂၂) ရက်နေ့မှစတင်ကာ အခြားနိုင်ငံ များမှ မယ်ကမ္ဘာလောင်းများနှင့်အတူ စခန်းသွင်းလေ့ကျင့်မည် ဖြစ်သည်။ ဝိုင်းလေးသည် ပြိုင်ပွဲသို့ တယောက်တည်းသွားရောက်ယှဉ်ပြိုင်ရခြင်းဖြစ်သည့်အတွက် သူ့ဘာသာသူ တကိုယ်ရေပြင်ဆင်မှုများကို ပြုလုပ်ရမည်ဖြစ်ကြောင်းလည်း သိရသည်။

ဝိုင်းလေး ဝတ်ဆင်မည့် ပြိုင်ပွဲဝင်ဝတ်စုံများကို ဒီဇိုင်နာ မမဉ္စူနှင့် မိုးကုတ်ပေါက်ပေါက်တို့မှ ဖန်တီးပေးပြီး အလှပြင်ဆင်ခြင်းများကို လင်း လင်းက သင်ကြားပေးခဲ့သည်။
 
ဝိုင်းလေးမှ မိုးမခ ပရိတ်သတ်များအတွက်  အမှတ်တရစကားပြောကြားရာတွင် သမီးဝိုင်းလေး ဒီနေ့တယောက်ထဲ အမိမြန်မာနိုင်ငံအတွက် ဂုဏ်ဆောင်ဖို့ သွားပြိုင်ပါတော့မယ်။ သမီးကို Facebook ကနေ မဲပေးရင်း အားပေးကြပါလို့ပြောချင်ပါတယ်ဟု ပြောပြခဲ့သည်။

တနေ့လျှင် ငါးကြိမ်မဲပေးနိုင်ကြောင်းလည်း သိရှိရသည်။