ဇော်ထွဋ် - လေဆိပ်
(မိုးမခ) ဇန်န၀ါရီ ၃၁၊ ၂၀၁၅
ဒီဇင်ဘာဆောင်းသည် အပျိုဖော်ဝင်စပင်ရှိသေးသည်။ ဆောင်းအေးကလေး အေးတယ်ဆိုရုံလေး…။ ၄.၁၂.၂၀၁၄ နံနက်ခင်းမှာ စောစောစီးစီး အိပ်ရာမှနိုးထဖြစ်သည်။ ညကပြင်ဆင်ဆဲအထုပ်အပိုးတွေကို လက်စသက်ရသည်။ ခဏနေ ၂နာရီလောက်မှာ ဇနီးသည် (သူမ၏အဖေအိမ်မှ) ပြန်လာသည်။ ကြေမွနေသောကာကီရောင်ဘောင်းဘီတစ်ထည်ကို မီးပူတိုက်ပေးသည်။ ထိုဘောင်းဘီနှင့် မီးခိုးနုရောင်ဂျင်းအပါးလက်ရှည်အင်္ကျီလေးကို ဝတ်မည်စိတ်ကူးသည်။
အငှားကားဆရာ ကိုသန်းညွှန့်က အချိန်တိကျ….။ ၈နာရီထိုးတော့… အောက်မှာကားရောက်ပြီ။ ဇနီးသည်ကို နှုတ်ဆက်၍ မင်္ဂလာဒုံလေဆိပ်သုိ့ ထွက်ခွါခဲ့သည်လေ။ ရှစ်မိုင်ခွဲက ‘လက်ကီးဆဲဗင်း’ လက်ဘက်ရည်ဆိုင်မှာ မနက်စောစော စားခဲ့ကြသေးသည်။
ကံကောင်းသည်ဟုပြောရမည်။ ရန်ကုန်မြို့ပြရဲ့လမ်းမပေါ်တွေမှာ ယာဉ်အသွားအလာများ သိပ်ပြီးမရှုပ်ထွေးလှသေး၊ နည်းနည်းအချိန်စောသေးတာလည်းပါမည်။ ၉း၃၀ နာရီလောက်မှာ မင်္ဂလာဒုံလေဆိပ်ရဲ့ ‘ပြည်တွင်းထွက်ခွါ’ နေရာကိုရောက်ပြီ။ ‘ပြည်တွင်းထွက်ခွါ’ နှင့် ‘ပြည်တွင်းဆိုက်ရောက်’ နေရာနှစ်ခုက နီးလွန်းသည်ထင်မိသည်။ အဝင်လမ်းမမှာ ကားတွေလူတွေက ရှုပ်ထွေးနေသည်။ ‘ဆိုက်ရောက်’ ကို အရင်းဦးဆုံးရောက်မည်။ ပြီးမှ .. ‘ထွက်ခွါ’…။
လူတွေကရောင်စုံ…။ ယူနီဖောင်းဝတ်တွေလည်းပါသည်။ သာမန်ဝတ်စားလာသူတွေလည်း ရှိသည်။ ကားတစ်စီးဆိုက်ရောက်တာနဲ့ သကြားလုံး ပုရွက်ဆိပ်အုံသလို ဝိုင်းအုံကြသည်။ ခရီးသည်ရဲ့ ဝန်စည်စလွယ်တွေကို အတင်းဆွဲယူသည်။ ပေးမည်။ ပြီလျှင်.. ပိုက်ဆံ တောင်းမည်။ နည်းနည်းမရ။ များများစားစားလိုချင်ကြသည်။ တစ်ထောင်ကျပ်လောက်နဲ့ မတင်းတ်ိမ်..။ ကိုသန်းညွှန့်က ပြောပြဖူးသည်။ သူ့သားငယ်.. ‘ကိုရီးယား’ ကပြန်လာသည်။ သည်လိုပဲ… ပစ္စည်းတွေကို အတင်းသယ်ယူပေးသည်။ ‘ဆယ်ဒေါ်လာဆိုတာက မြန်မာကျပ်ငွေ တစ်သောင်းနှစ်ထောင် သုံးထောင်… ဘယ်သူပေးချင်မလဲ..။
ကျွန်တော်ကတော့ ရှင်းသည်။ ခရီးသွားလျှင်တစ်နိုင်တစ်ပိုင်ပဲ သယ်ဆောင်သွားသည်။ ကိုယ်ထူကိုယ်ထ ကိုယ်အားကိုယ့်ကိုး။ ကိုယ့်ပစ္စည်းကိုယ်သယ်ဆောင်သည်။ ဟုတ်သည်လေ။ ထိုင်း၊ စင်္ကပူ၊ မလေးရှား၊ တရုတ်၊ ထိုင်ဝမ်၊ ဟောင်ကောင်…ရေခြားမြေခြားသို့ ခရီးထွက်ဖူးသည်။ ခြေဆန့်ဖူးသည်။ ဘယ်နိုင်ငံရဲ့ လေဆိပ်မှာမှ ကြိုမယ့်သူမရှိ၊ ငိုမယ့်သူမရှိ၊ ကိုယ့်အိတ်ကိုဆွဲ၊ ပစ္စည်းများလျှင် တွန်းလှည်းယူဆွဲ၊ ဒါပဲဖြစ်သည်။
‘ညီလေးတို့…ကိုယ့်ဖာသာကိုယ်ဆွဲမယ်’.. .ပြောလိုက်မှ အားလုံးမှ အားလုံးရှဲသွားကြသည်။ သိပ်တော့ မကြည်လင်ကြ။ ကိုယ့်အိတ်ကိုယ်ဆွဲပြီး လေဆိပ်ရဲ့ ထွက်ခွါနေရာကို သွားရသည်။ လေယာဉ်လက်မှတ်က ‘ရန်ကုန်လေကြောင်းလိုင်း ဆိုတော့ သူ့လေကြောင်းလိုင်းကောင်းတာကို ရှာကြည့်လာ။ လွယ်ပါတယ်။ ကောင်းတာက များများစားစားရှိတာမှ မဟုတ်ပဲ။ တွေ့ပါပြီ။ လက်မှတ်ပြ။ အိတ်ကြီးကြီးကို အပ်နှံပြီး လက်ဆွဲတန်ဆာတစ်ခုလုပ်မယ်။ လက်မှတ်မှာ ပစ္စည်းရွေးရန် ကဒ်ပြားလေးတစ်ခုကို တွဲပြီးပြန်ပေးသည်။ ဒါ… clock-in လုပ်တာပါပဲ မုိ့လား။ ပြီးလျှင်…ရဲဂိတ်ဖြတ်။ x-ray ဖြတ်…။ ထွက်ခွါနားနေဆောင် (departure lounge)ရောက်ပါပြီ။
လေယာဉ်ထွက်ခွါချိန်က နံနက်၁၁း၀၀ နာရီ။ နည်းနည်းစောသေးသည်။ ၁၀း၀၀ နာရီပင် မထိုးသေး။ နားနေဆောင်မှာ ခရီးသည် နည်းနည်းပါးပါးရှိသည်။ ခုံလွတ်တွင်သာထိုင်ပြီး ဟိုဒီကြည့်မိသည်။ ခရီးသည်တွေထဲမှာ နိုင်ငံခြားသားတွေလည်းတွေ့ရသည်။ အာရှတိုက်သား အချို့နဲ့ အနောက်နိုင်ငံသားအချို့။ ဟိုး..ရှေ့ဆုံးခုံမှာ သံဃာနှစ်ပါး…။ မဖြူဖြူ၊ ညိုညို၊ ဝါဝါ ပြည်တွင်းခရီးသွားတွေ ။
လက်ဖက်ရည်၊ ရေနွေးချမ်းတန်ခိုးနဲ့ ရေအိမ်ပြေးရပြီ။ ရေအိမ်ကသန့်ရှင်းပါသည်။ အဝင်တွင်လူငယ်လေး တစ်ဦးက တစ်သျူးစက္ကူပင် ကမ်းလိုက်သေးသည်။ တကယ်တော့.. မလို။ ရေအိမ်အပြင်ဘက် နည်းနည်းလေးထွက်လိုက်တော့ ‘စာပေရေချမ်းစင်’ လေးကိုတွေ့ရသည်။ ဟောင်းနွမ်းနေသော ဂျာနယ်၊ မဂ္ဂဇင်းအချို့၊ ကက်တလောက်အချို့၊ ဗုဒ္ဓစာပေအချို့..တို့တွေ့ရသည်။ ကျွန်တော်ကတော့.. လတ်ဆတ်သော သတင်းစာ၊ ဂျာနယ်သုံးဆောင်ကို ‘လက်ကီးဆဲဗင်း’ မှဝယ်ယူခဲ့ပြီး ဖြစ်သည်။
ကျွန်တော်သည် မဟာခရီးသည်ကြီး ‘ရာဟုလာသံကိစ္စည်း’ မဟုတ်ပါ။ သို့သော်..ခြေလောက်မှာတော့ ဗွေပါပါသည်။ ‘လေဆိပ်’ များသည် ကျွန်တော်နှင့်မစိမ်း၊ လေယာဉ်ဖြင့် ခရီးသွားလာခြင်းသည် ကျွန်တော့်အတွက်တော့.. အဝေးပြေးကားကြီးစီးရသလိုမျိုး။ အမျိုးမျိုး.. ရင်ခုန်စရာတွေ တွေ့ကြုံဖူးသည်။ တစ်ခါက..နေပြည်တော်မှ ရန်ကုန်သို့ လေယာဉ်သေးသေးလေးဖြင့် ပျံသန်းလာခဲ့ဖူးသည်။ လေယာဉ်လေးက ခရီးသည် တစ်ဒါဇင်လောက်ပဲ ဆန့်မည်ထင်သည်။ ကျွန်တော်စီးသော ခရီးစဉ်တွင် ခရီးသည်က ကျွန်တော်၏ ညာဘက်ထဲ.. ။လေယာဉ်မောင်းသူနှစ်ဦးနှင့် လေယာဉ်မယ်တစ်ဦး လေယာဉ်ဆိပ်တွင် ဒါပဲပါသည်။ စီးလုံးငှားလေယာဉ်လိုဖြစ်နေသည်။ သည်အတွေ့အကြုံသည် ဘဝအတွက်တော့ မှတ်မှတ်ရရဖြစ်နေခဲ့သည်။
အမှတ်ရစရာ လေယာဉ်ခရီးစဉ်တစ်ခုလည်း ရှိပါသေးသည်။ နေပြည်တော်မှ ရန်ကုန်သုိ့ ပျံသန်းခဲ့သော ခရီးစဉ်ပင်ဖြစ်ပေသည်။တစ်ခုသော မိုးဦးလေဦး…။ ရန်ကုန်မြို့တွင် ကိုရွှေမိုးက သဲကြီးမဲကြီး သွန်းဖြိုးရွာနေသည်။ ညဦးအခါ..။ မင်္ဂလာဒုံလေဆိပ်ကို ဆင်းသက်မယ် ကြံရွယ်တော့ ဘာမျှမမြင်ရ။ လေယာဉ်မှူးက မြေပြင်သို့ဆင်းသက်ရန် ကြိုးစားကြည့်သေးသည်။ အဆင်ပြေပုံမရ။ နောက်ဆုံး..။ နေပြည်တော်…သို့ လှည့်ပြန်ခဲ့ရသော ခရီးသည်လည်း လွမ်းမောစရာ …။
လေယာဉ်ခရီးစဉ်တွေက အရင်နဲ့တော့ အလွန်ကွားခြားသွားသည်။ လေကြောင်းလိုင်းတွေကလည်း..ပုဂံ၊ ကမ္ဘောဇ၊ ရန်ကုန်၊ မြန်မာ… စသဖြင့် အများကြီးရှိသည်။ မြိတ်၊ ထားဝယ်၊ ကော့သောင်း..ခရီးစဉ်၊ ဟဲဟိုး၊ ကျိုင်းတုံ၊ တာချီလိတ် ခရီးစဉ်၊ စစ်တွေခရီးစဉ်၊ နေပြည်တော် ပုဂံ..ခရီးစဉ်၊ လားရှိုး၊ မန္တလေး၊ ဟဲဟိုး..ခရီးစဉ်.. ခရီးစဉ်တစ်ခုပြီးတစ်ခု ထွက်ခွါပျံသန်းကြသည်။ မနက်စောစော ရန်ကုန်မှထွက်ခွါ..၊ ညနေ (ညဦး)မှာ ရန်ကုန်သို့ဆိုက်ရောက်ကြ..။
အချိန်ရလျှင်.. နားနေဆောင်အပေါ်ထပ်သုိ့ ကျွန်တော်တက်ပြီး တက်နားနေသေးသည်။ ကဖေးဆိုင်နှင့် လက်ဖက်ရည်ဆိုင်ရှိသည်။ ‘ကဖေး’ ဆိုင်လေးကတော့ ဥရောပဆန်စွာ ခင်းကျင်းထားသည်။ ကော်ဖီ၊ မုန့် ဈေးကြီးသည်။ ခမ်းလည်းခမ်းနားသည်။ အနောက်နိုင်ငံက ခရီးသည်တွေ ထိုင်တာများသည်။ တခါတလေ.. ကျွန်တော်လည်း ခပ်တည်တည်ဝင်ထိုင်တတ်သည်။ ကော်ဖီခါးသက်သက် အရသာကို ခံစားရင်း မြန်မာဘာသာဖြင့် ရေးသားထားသော ဂျာနယ်တစ်စောင်ကို အကျအနဖတ်တတ်သည်။ တစ်ခါတစ်ခါတော့ ရှေ့လမ်းက မြန်မာစတိုင်လ် လက်ဖက်ရည်ဆိုင်မှာ ဝင်ထိုင်လိုက်ပြီး၊ လက်ဖက်ရည်ပုံမှန်တစ်ခွက်နှင့် ဂျာနယ်တစ်စောင်ကု မြည်းနေမိသည်။ သည်ဆိုင်က ‘ကဖေး’ ဆိုင်ထက်တော့ ဈေးသက်သာလှသည်။
သည်တစ်ခါ… ‘ကဖေးဆိုင်မှာလည်း မထိုင်ဖြစ်၊ လက်ဖက်ရည်ဆိုင်မှာလည်း မထိုင်ဖြစ်။ မြေညီထပ် နားနေဆောင်မှာပဲ လေယာဉ်အလာကို စောင့်ဆိုင်းနေဖြစ်သည်။ ၁၁း၀၀နာရီ နီးနီး ရန်ကုန် -လာရှိုး- ဟဲဟိုး- တာချီလိတ်ခရီးစဉ်ခေါ်ပါသည်။
နံနက်ခင်းနေခြည်သည် ပူနွေးစပြုနေပါပြီ။ ဘတ်စ်ကားငယ်လေးက ကျွန်တော်တို့ကို လေယာဉ်ဆီသယ်ဆောင်သွားမိပါသည်။ လေယာဉ်လှေကားမှ တက်သွားရာ ဝင်ပေါက်မှ လေယာဉ်မယ်လေးနှစ်ဦးက ခရီးဦးကြိုနှုတ်ဆက်ပါသည်။ C-10 ၊ ခုံအမှတ်ဖြင့် စည်းကမ်းတကျ ထိုင်ရပါသည်။ ရံဖန်ရံခါ ခုံအမှတ်မလိုဘဲ နှစ်သက်သလို ထိုင်ရသည်လည်း ရှိတတ်ပါသည်။ နှစ်ယောက်ထိုင်ခုံဖြစ်ရာ နံဘေးတွင် လူငယ်နှစ်ဦးထိုင်လျှက်ရှိနေသည်။ ထိုင်ခုံခါးပါတ်ကို မြဲမြန်စွာ ပတ်ထားလိုက်ပါသည်။
လှုပ်လှုပ်ခရီးသည်တွေ ဖြည်းဖြည်းငြိမ်သက်လာပါသည်။ လေယာဉ်သည်ထွက်ခွါဖို့ အားအင်မွေးနေပါသည်။ စတင်ရွေ့လျားပါသည်။ ပြေလမ်းအတိုင်းရွှေ့လျားသွားပြီး အရှိန်အဟုန်မြင့်၍ ဝေဟင်သို့ပျံသန်းသွားပါသည်။
လေယာဉ်သည် အတန်ငယ်ပျံသန်းနေပြီး၊ ငြိမ်သက်သောအနေအထားတစ်ခု၊ အမြင့်တစ်နေရာသို့ရောက်သောအခါ အချက်ပြမီးများပိတ်လိုက်ပါသည်။ လေယာဉ်မယ်လေးတွေလည်း ထိုင်ရာမှာထ၍ လုပ်ငန်းဆောင်တာများကို ဆောင်ရွက်ရပါသည်။ အနည်းငယ်ပူအိုက်သည်ဟု ခံစားရပါသည်။ လေထွက်ရာ ခလုတ်လေးကို ကစားကြည့်မိသည်။ ထူးမခြားနားပါ။ ဘေးကလူငယ်လည်း ကျွန်တော့်လို ခံစားနေရဟန်တူပါသည်။ ဟိုး… ရှေ့မှာလည်း တစ်ယောက်နှစ်ယောက်က ဟိုလုပ်ကြည့်..သည်လုပ်ကြည့်။ အပေါ်အင်္ကျီခွာချသူကချ၊ ကျွန်တော်ကတော့.. မနေနိုင်တော့..။ လေယာဉ်မယ်ကို “အအေးလျော့နေသလား..လို့မေးမြန်းနေမိပါသည်။ သူမကလည်း အခုအပါတ်.. လေယာဉ်တွေဟောင်းနွမ်းနေလိုဖြစ်တာပါ… နည်းနည်းကြာရင် အေးသွားပါလိမ့်မယ်’ လို့ပြောပါသည်။
လေယာဉ်မယ်ကလေးတွေက ကော်ဖီ၊ လက်ဖက်ရည်ပူများ၊ အချိုရည်များ တိုက်ကျွေးပါသည်။ မုန့်ဘူးလေးတွေ ဝေငှပါသည်။ ကျွန်တော်တို့လည်း နေ့လည်စာ စားချိန်ကြီးဆိုတော့ ဗိုက်ဆာဆာနဲ့ မုန့်များ အပူ အအေးများသုံးဆောင်ကြပါသည်။ ‘နည်းနည်းအိုက်သလိုလိုပဲ’.. ဆိုသော ကိစ္စကိုလည်း ခရီးသည်များ မေ့လျော့သွားဟန်ရှိပါသည်။
‘ဒုတ်…’ ဆိုသော အသံနှင့်အတူ ပျံသန်းချိန် တစ်နာရီခွဲခန့်မှာ လာရှိုးလေဆိပ်ကို ချောချောမောမော ဆိုက်ရောက်ပါသည်။ လားရှိုးလေဆိပ်ရောက်တော့ လာရောက်ကြိုဆိုကြသော မူဆယ်မှအဖွဲ့တွေကို မတွေ့ရပါ။ လေဆိပ်အဆောက်အအုံရဲ့ ဆိုက်ရောက်ခန်းမဆောင်ကို အရင်ဝင်ရပါသည်။ လ.ဝ.က ကိုမှတ်ပုံတင်ကြရပါသည်။ အဆောက်အအုံမှထွက်ခွာပြီး ဘယ်သွားရမှန်းမသိတော့ပါ။
လူတစ်ယောက်မှ လေဆိပ်ခြံဝင်းအပြင်သို့ ထွက်ခွာရန်ပြောပါသည်။ ပစ္စည်းများ အဲသည်မှာ ရွေးချယ်ရမည်ထင်ပါသည်။ ကြိုဆိုသူတွေ အရင်လိုလေဆိပ် အဆောက်အအုံနားထိ မဝင်ရတော့ဘူးဆိုတာ နားလည်မိပါသည်။ ကားလမ်းအတိုင်း အပြင်ဘက်သို့ ခြေလျင်လမ်းလျှောက်ထွက်ရပါသည်။ ခြံဝင်းဂိတ်နဲ့ အပြင်ဘက်မှာ လာရောက်ကြိုဆိုသူတွေကို တွေ့ရပါသည်။
လေဟာပြင်မှာ လူတွေက လားရှိုးရဲ့နေပူကြဲကြဲမှာ ပစ္စည်းသယ်ဆောင်အလာကို သည်အတိုင်းကြီး စောင့်ဆိုင်းနေရပါသည်။ မကြာမီ ပစ္စည်းများ သယ်ဆောင်လာသော တွန်းလှည်းကြီး ထွက်လာပါသည်။ တိုကင်လေးတွေပြ၍ ပစ္စည်းများ ရယူရပါသည်။ ကျွန်တော်တို့လည်း လားရှိုးလေဆိပ်ကို နှုတ်ဆက်ခဲ့ပါသည်။ လာရောက်ကြိုဆိုသော မိတ်ဆွေတို့ရဲ့ အဖြူရောင်ကားလေးနဲ့ မူဆယ်မြို့သို့ ဆက်၍ ခရီးထွက်ခွာရပေဦးမည်။
ခါတိုင်းလိုပင် … ‘ကွတ်ခိုင်’ ရောက်မှ ‘အောင်ချမ်းသာ’ ရှမ်းထမင်းဆိုင်မှာ နေ့လည်စာသုံးဆောင်ကြမယ်လို့ တူညီမှုယူလိုက်ကြသည်။ အကွေ့အကောက်တွေနဲ့ ပြေးလွှားနေတဲ့ ကားဖြူလေးထဲမှာ… ကျွန်တော်က လိုက်ပါရင်း.. ရန်ကုန်၊ နေပြည်တော် လေဆိပ်ကြီးတွေသာ ထိုင်းက ‘သုဝဏ္ဏဘုမ္မိလေဆိပ်’ လေဆိပ်လောက် ခမ်းနားလာရင် လားရှိုးလေဆိပ်ကလည်း ထိုင်းရဲ့ ‘နွန်မောင်းလေဆိပ်’ လောက်တော့ ဖြစ်လာမှာပါလို့ တွေးရင်း…။
(၇.၁၂.၂၀၁၄)