မောင်စွမ်းရည် “ ရှစ်လေးလုံးကား မဆုံးသေး ”
(မိုးမခ) သြဂုတ် ၃၊ ၂၀၁၅
(၁) ဗမာ့တော်လှန်ရေး
ရှစ်လေးလုံးကား မဆုံးသေး။
(၂) စစ်အစိုးရ -- အလိုမရှိ။
အာဏာရှင်စနစ် ---အလိုမရှိ။
တပါတီစနစ်-- အလိုမရှိ။
မဆလပါတီ---အလိုမရှိ။
မရှိအလို ငြင်းဆို ၄ ချက် ၊မြေတုန်အက်ခဲ့။
(၃) ဒီမိုကရေစီအရေး---ဒို့အရေး။
လူ့အခွင့်အရေး-- ဒို့အရေး။
အမျိုးသားလွတ်လပ်ရေး--ဒို့အရေး။
တိုင်းရင်းသား စည်းလုံးရေး--ဒို့အရေး။
ပြည်သူ့ အရေး၊ ဒို့အရေး ၄ချက်၊ ဘဝဂ်တိုင်ခဲ့။
(၄) ရှစ်လေးလုံးမှာ၊ ကမ္ဘာတုန်အောင်
ဗမာမာန်ဟုန် ကြုံခဲ့ပြီ။
အလုပ်သမား ၊ လယ်သမား
ကျောင်းသားပြည်သူ ၊ရှင်လူရဟန်း
အံ့မခန်းအောင်၊ ရဲစွမ်းညီညီပြခဲ့ပြီ။
သမ္မတသုံးယောက်၊ ဒေါက်ဖြုတ်မြေမြှုပ်
လမ်းစဉ်လဲပြုတ်။အာဏာပြုတ်အောင်
ဖြုတ်ချခဲ့ပြီ။
(၅) အာဏာကျည်ဆန်၊ဖီဆန်အံတု
ပြည်သူ့မော်ကွန်း၊တခေတ်ထွန်းပြီ။
(၆) သို့သော် သို့သော်
ဒို့တော်လှန်ရေး ၊ ရှစ်လေးလုံးကား
မဆုံးသေး။
(၇) စစ်ဝတ်ကိုချွတ်၊ အရပ်ဝတ်နဲ့
ဇွတ်ပလ္လင်တက်၊ အရှက်မဲ့များ
ဖယ်ရှားပစ်ရန်၊ တာဝန်ကျန်သေး
မပြီးသေး။
(၈) ၂၀၀၈ - ဥပဒေ ၊စစ်ဥပဒေကို
မြေလှန်ပြာချ ၊ရေမျှောချရန်
တာဝန်ကျန်သေး၊ မပြီးသေး။
ရှစ်လေးလုံးကား၊ မဆုံးသေး။
ပြည်သူ့အရေး ၊ ဒို့အရေး ။ ။