ကိုသန်းလွင် - ဂျာမနီမှ ကုမ္ပဏီငယ်ကလေးများ
(မိုးမခ) ဒီဇင်ဘာ ၂၈၊ ၂၀၁၅
(၁)
Mittelstand ဆိုသော ဂျာမန်စကားသည် အလယ်အလတ်တန်းစားဟုအဓိပ္ပါယ်ရသည်၊ ဂျာမနီနိုင်ငံ တွင် အလယ်အလတ်တန်းစား စက်မှုကုန်ထုတ် ကုမ္ပဏီများကို Mittelstand အုပ်စုဝင် ကုမ္ပဏီများဟုခေါ် ပါသည်၊ SME ခေါ် Small and Medium Enterprises အခေါ်အဝေါ် နှင့် အနီးစပ်ဆုံးတူညီပါသည်၊ ယေဘုယျ ပြောရလျင် ဂျာမနီနိုင်ငံ၏ ၉၉% နှုန်းသော စက်ရုံ အလုပ်ရုံ ကုမ္ပဏီများ မှာ မစ်တယ်စတင်း ကုမ္ပဏီ အမျိုးအစား တွင်ပါဝင်ကြသည်၊ လူဦးရေ နဲသော ဆော့(ဖ)၀ဲယား ကုမ္ပဏီ အငယ်စားများမှ အစ ကမ္ဘာ့အဆင့်မှီ ကုမ္ပဏီကြီးများအထိရှိကြသည်။
ကုမ္ပဏီများသည် မိသားစုပိုင်များဖြစ်ကြပါသည်၊ ၀န်ထမ်းများ အပေါ်မိသားစုဝင်များကဲ့သို့ဆက်ဆံပြီး ဆုံးဖြတ်ချက်များတွင် မိသားစုစိတ်ဓါတ်ကိုမြင်နိ်ုင်ကြသည်၊ ကုမ္ပဏီပိုင်ဆိုင်သူများက မိမိ ဆုံးဖြတ်ချက် အတွက် အကောင်းအဆိုးကိုတာဝန်ယူကြသည်။
ဂျာမနီ တနိုင်ငံလုံးဆိုလျင် ကုမ္ပဏီပေါင်း ၃.၆ သန်းကျော်ရှိသည်၊ တနိုင်ငံလုံး အလုပ်လုပ်သူဦးရေအား လုံး၏ ၆၀% မျှရှိသည်။ ဂျာမနီ တနိုင်ငံလုံး၏ ထုတ်ကုန်၏ ၅၂% မှာ ဤကုမ္ပဏီများမှလာသည်။
ထိုကုမ္ပဏီများ၏ လက္ခဏာမှာ နှစ်မျိုးရှိသည်၊ ပဌမ ကုမ္ပဏီတည်တံ့ခိုင်မြဲရေး၊ အလုပ်ကို တာရှည်လုပ်ကိုင် နိုင်ရေးသည် အဓိကဖြစ်သည်၊ ဖောက်သယ်ဖြစ်သွားပြီဆိုလျင် ရာသက်ပန် ရင်းနှီးကျွမ်းဝင်စွာ ဆက်ဆံလို ကြသည်။
ဒုတိယလက္ခဏာတမျိုးမှာ ဂျာမန်လူမျိုးတို့၏ ဗီဇ၀ါသနာအရ တီထွင်ကြံဆလိုကြခြင်းပင်ဖြစ်သည်၊ ထုတ်ကုန်ပစ္စည်း၏ အရည်အသွေးကောင်းမွန်အောင်ထိမ်းသိမ်းထားလိုကြပြီး ဂျာမနီနိုင်ငံလုပ်ဆိုသည်နှင့် သုံးစွဲသူအပေါင်း စိတ်ကျေနပ်မှုရရှိစေရန် အာမခံနိုင်ကြသည်၊
ဤ မစ်တဲစတင်း ကုမ္ပဏီများထဲမှ အရေအတွက် ၁၃၀၀ လောက်ကို လူမသိ သူမသိ တိမ်မြုပ်နေသော ချန်ပီယံ ကုမ္ပဏီများဟုတင်စားခေါ်ဝေါ်ကြသည်၊ ထိုအထဲမှ ကုမ္ပဏီ သုံး၊ လေးခုမှာ ကမ္ဘာ့ထိပ်တန်းစာရင်း ၀င်ကြပြီး လည်ပါတ်ငွေမှာ ယူရိုငွေ ၃ ဘီလီယံအထက်မှာရှိကြသည်၊ သူတို့သည် ရည်မှန်းချက် ကြီးမားပြီး ကုမ္ပဏီကို ပိုမို၍သာ ဖွံ့ဖြိုးတိုးတက်စေလိုကြသည်၊ ထိုကုမ္ပဏီများမှ ထုတ်လုပ်သောပစ္စည်းကို တမ္ဘာ တ၀ှမ်းလုံးမှ မှာယူသုံးစွဲကြရသည်၊ သူတို့သည် ကမ္ဘာ့ဈေးကွက်ကို စိုးမိုးထားလိုကြပြီး သူတို့၏ လျှို့ဝှက်ချက်မှာ စက်ရုံလုပ်ငန်းများကို ချောချောမွေ့မွေ့ လည်ပတ်နေ စေခြင်းပင်၊ အခြားနိုင်ငံထုတ် ကုန်ပစ္စည်းများက လိုက်မမှီသော အရည်အသွေးရှိသည့် ပစ္စည်းများကို ထုတ်လုပ်ပေးနိုင်ကြသည်၊ တခါဝယ်ဘူးသည့် ဖောက်သယ်ကို အကြိမ်ကြိမ်ပြန်လာအောင် ရေရှည်ခံ၊ အကြမ်းခံပစ္စည်းများကို ထွက်လုပ်ပေးနေကြသည်။
တဖြည်းဖြည်းနှင့် ဂျာမနီနိုင်ငံ၏ မိသားစုပိုင် ကုမ္ပဏီများသည် ကမ္ဘာက အာရုံ စိုက်စရာဖြစ်လာခဲ့သည်၊ အုပ်ချုပ်ပုံ၊ အလုပ်လုပ်ပုံမှာ တကမ္ဘာလုံးက အားကျရသည့် ကုမ္ပဏီဖြစ်လာခဲ့ကြသည်၊ ကမ္ဘာအရပ်ရပ်မှ လေ့လာရေးအဖွဲ့တွေ တဖွဲဖွဲလာကြည့်ကြသည်။
ဂျာမနီနိုင်ငံကုန်သွယ်ရေးကောင်စီ၏ ဥက္ကဌ ဖြစ်သူကမူ သူသည်ရောက်လေရာအရပ်တိုင်း၌ ဂျာမနီ နိုင်ငံကုမ္ပဏီများ ၏ အလုပ်လုပ်ပုံ Business model ကို ရှင်းပြနေရပါသည်ဟုဆိုသည်။
ဂျာမဏီနိုင်ငံ၏ စီးပွားရေးစနစ်သည် ကမ္ဘာတွင် စတုတ္ထ အကြီးဆုံးဖြစ်သည်၊ ထိုစနစ်၏ ကျောရိုးနောက်ခံ မှာ ဤ မိသားစုပိုင် ကုမ္ပဏီများပင်ဖြစ်သည်၊ ကုမ္ပဏီ၏ အဆင့်အတန်းမှာ ကမ္ဘာ့ထိပ်သီး ကုမ္ပဏီများနှင့် ရင်ဘောင်တန်းနိုင်ကြသော်လည်း ဂျာမန်မြို့ငယ်ကလေးများတွင် မထင်မရှားသာ ဖွင့်လှစ်ထားသော လုပ်ငန်း အသေးစားဟုသာထင်ကြရသည်၊ ထုတ်လုပ်သော ကိရိယာပစ္စည်းများမှာ ထိပ်တန်းအရည် အသွေးရှိသည်၊ ဂျာမန်တို့က “ ကျွန်တော်တို့ဟာ ရွှေတူးတဲ့လူတွေ မဟုတ်ပါဘူး၊ ရွှေတူးတဲ့ လူတွေကိုင်ဘို့ တူးရွင်းတွေ၊ ဂေါ်ပြားတွေကို ထုတ်လုပ်ပေးသူတွေပါ ” ဟုဆိုသည်။
(၂)
စင်္ကာပူ စီမံခန့်ခွဲရေး တက္ကသိုလ် ( SMU) မှ ကျောင်းသား ၂၈ယောက် နှင့် ပရော်ဖက်ဆာ တယောက်ပါဝင် သော လေ့လာရေးအဖွဲ့ တဖွဲ့သည် လွန်ခဲ့သည့် အောက်တိုဘာလအတွင်းက ဂျာမဏီ သို့ရောက်ရှ်ိသွားကြ သည်။
မာစီးဒီး ( Marcedes – Benz ) ကုမ္ပဏီက ဖွင့်လှစ်ထားသော လေ့ကျင့်သင်ကြားရေးကျောင်းမှာ လေ့ကျင့်ရေး နှင့် အဆင့်မြင့်ပညာသင်ကြားရေးတို့ကို ပူးတွဲထားသော ကျောင်းဖြစ်သည်၊ ဤကဲ့သို့ ကျောင်း နှင့် အလုပ်ခွင်ကို ပူးတွဲ၍ တည်ဆောက်ထားခြင်း မှာဂျာမန်တို့၏ ထူးခြားချက်ဟုဆိုနိုင်ပါသည်။
ထိုကျောင်းသားများ BMW စက်ရုံသို့ ရောက်သွားသောအခါ အလုပ်သမားများနှင့်စက်ရုပ်များ တွဲပြီး အလုပ်လုပ်နေကြပုံကိုတွေ့ခဲ့ကြရသည်၊ ထိုကုမ္ပဏီက ဖွင့်လှစ်ထားသော ကျောင်းများမှာလည်း ပြင်ပမှ ၀င် လာမည့် အကြံကောင်း၊ ဥာဏ်ကောင်းများအတွက် အမြဲတံခါးဖွင့်ထားပုံကို တွေ့ခဲ့ကြရသည်၊ Garage Automatic System မှာ ကားပြင်ဝပ်ရှော့ များကို ပုံစံအသစ်ဖြင့် ဖွင့်လှစ်ရန်ကျိုးစားနေကြပါသည်။
မိမိနှင့်ဆွေမျိုးနီးစပ်ရာ သို့မဟုတ် အကျွမ်းတ၀င် ဖြစ်ပြီးသူများကိုသာ ၀န်ထမ်းအဖြင့်ခန့်အပ်လေ့ရှိသော ကြောင့် အလုပ်ဝင်ပြီးသား လူအဖို့ အလုပ်ထွက်ရန် သို့မဟုတ် ကုမ္ပဏီပြောင်းရန် စဉ်းစားလေ့မရှိကြပေ၊ ဂျာမနီ တွင် အသက် ၂၅အောက် အလုပ်လက်မဲ့ဖြစ်သူဦးရေ မှာ ၇.၈% သာရှိသည်။ ဆွီဒင်မှာ ၂၂.၁%ရှိပြီး စပိန်တွင် ၅၄% ရှိသည်၊ အလုပ်ဝင်ပြီး အလုပ်ပြောင်းသူ အလုပ်ထွက်သူဦးရေမှာ ၂.၇% ရှိပြီး နှိုင်းယှဉ်ချက်အနေဖြင့် အမေရိကား တွင် အလုပ်ပြောင်းသူဦးရေမှာ ၃၀% ဖြစ်သည်။
အမေရိကန်မှ ကျော်ကြားသော ထိပ်တန်း ကုမ္ပဏီကြီးများ၏ လက္ခဏာမှာ မိသားစုသဘော၊ မိသားစုပုံစံ မပါဝင်ခြင်းပင်၊ တော်သူ၊ ထူးချွန်သူတွေသာ ရှေ့တန်းသို့ရောက်လာကြသည်၊ ချွင်းချက်အနည်းငယ်မှအပ စီးပွားရေးလုပ်ငန်းများတွင် ဆွေမျိုးရင်းချာ မဟုတ်ဘဲ အရည်အချင်းပြည့်ဝသူများသာ စီအီးအို များဖြစ်လာကြသည်။
စင်္ကာပူနိုင်ငံကမူ သူတို့နိုင်ငံမှ ကုမ္ပဏီ ငယ်လေးများမှာ မိသားစုသဘောဆောင်နေပုံချင်းတူညီနေ သောကြောင့် ဂျာမန်ပုံစံကို ပို၍စိတ်ဝင်စားကြသည်၊ မိသားစုပိုင် ကုမ္ပဏီ ငယ်ကလေးများသည် ထုတ်ကုန်ပစ္စည်း အရည်အသွေးတွင် ဂျာမနီ ကို အမှီလိုက်နိုင်စေရန် ကျိုးစားနေကြသည်၊
(၃)
တောင်ကိုးရီးယားမှ သမ္မတရွေးပွဲတွင် ရှုံးနိမ့်ခဲ့သူ Mr Moon Kook Kyan မှာ ဂျာမနီ၏ စက်ရုံများအလုပ်ရုံများ၏ စီမံခန့်ခွဲမှုကို အားကျသူဖြစ်သည်၊ သူ၏အ၀တ်အထည် ကုမ္ပဏီမှာ ဂျာမနီနိုင်ငံ Chaebol ကုမ္ပဏီ အပေါ် မှီခိုနေရပြီး ထိုကုမ္ပဏီသာမရှိလျင် ကိုးရီးယားက သူ့စက်ရုံကို ဖျက်သိမ်း ရလိမ့်မည်ပာုယုံကြည်နေသည်၊ ကုမ္ပဏီ CEO အဖြစ်ကို စွန့်လွှတ်ပြီး သမ္မတရွေးပွဲတွင် ၀င်ရောက်ယှဉ်ပြိုင် ခဲ့ရာ အကြီးအကျယ်ရှုံးနိမ့်ခဲ့သည်၊ သူသည် ကမ္ဘာကျော်ကုမ္ပဏီ တခုဖြစ်ရန် အရွယ်ပမာဏ ကြီးမားရန်မလို ပာူသော အယူအဆကို ဆုပ်ကိုင်ထားသူဖြစ်သည်၊ တောင်ကိုးရီးယား သမ္မတ Park Geun Hye ကို ဂျာမနီသို့ ကိုယ်စားလှယ်အဖွဲ့တခုစေလွှတ်ရန် အကြံပြုနိုင်ခဲ့သည်၊ ဂျာမန်ပုံစံကို ယူ၍ ထူးချွန်သောကလေး များကို စက်မှုကုန်ထုတ်လုပ်ငန်းများ သင်ပေးနိုင်မည့် Meister ခေါ် ကျောင်းကို တောင်ကိုးရီးယားတွင် ဖွင့်လှစ်နိုင်ခဲ့သည်။
Mr. Moon က သူ၏ ဂျာမန်ပုံစံ ကျောင်းသား လူငယ်လေ့ကျင့်သင်ကြားပေးရေး စီမံကိန်းကို တရုတ်ပြည်သို့ အရောက်ပို့ပေးနိုင်ခဲ့သည်၊ တရုတ်ပြည်မှ ထောင်ပေါင်းများစွာသော မိသားစု ကုမ္ပဏီ အကြီးအကဲများကို ဂျာမန် မင်တက်စတန် ပုံစံအကြောင်းကို မမောနိုင် မပမ်းနိုင်ရှင်းပြလေ့ရှိသည်၊ ဂျာမနီတွင် မိသားစု အစဉ်အဆက် ကုန်ထုတ်လုပ်မှုလုပ်ငန်းကို လုပ်ကိုင်ကြပုံ ကမ္ဘာ့အဆင့်မှီ ကုန်ပစ္စည်းများ ရောင်းချနေကြ သော ကုမ္ပဏီ အငယ်စားကလေးများအကြောင်း သူ၏ပို့ချချက်ကို ခန်းလုံး ပြည့်လာ ရောက်နားထောင်ကြ သည်၊ တရုတ်အစိုးရက ထို မစ်တက်စတင်း ကုမ္ပဏီ များကို လေ့လာရန် ကိုယ်စားလှယ်အဖွဲ့ကို ဂျာမနီသို့ စေလွှတ်ပေးသည်၊ မိမိကိုယ်တိုင် လက်တွေ့လုပ်မှ ထိုစနစ်ကို သေချာသိရမည်ပာု ယုံကြည်သူများကမူ ဂျာမန်ကုမ္ပဏီကို ၀ယ်ယူပြီး လက်တွေ့လုပ်ကိုင်နေကြသည်၊ ကွန်ကရစ် စုပ်စက်များ ထုတ်လုပ်သူ Putzmeistr မှာ နောက်ဆုံး တရုတ်ပိုင် ကုမ္ပဏီတခုဖြစ်လာသည်။
ဂျာမနီသို့ နောက်ဆုံးလာရောက်ကြသူများတွင် အီဂျစ်နှင့် အီရန် နိုင်ငံတို့ ပါဝင်လာကြသည်။
တခုသတိပြုရန်မှာ ဂျာမန်တို့၏ မင်တဲလ်စတင်း ပုံစံကို နိုင်ငံခြားသို့ အရင်းအတိုင်းပို့ပေးရန်မှာ မဖြစ်နိုင်ပေ၊ ဂျာမန်တို့၏ စနစ်မှာ ကုမ္ပဏီများနှင့် ကျောင်းများမှာ ခွဲမရအောင် ဆက်စပ်နေသည်၊ မိမိ ကုမ္ပဏီ ငွေပင်ငွေရင်း နှင့် အလုပ်သမားဌါးရမ်းနိုင်မှုတို့မှာလည်း ဆက်စပ်နေသည်၊ ထိုအခြေအနေများဖြင့် အလုပ်ရှင် အလုပ် သမားဆက်ဆံရေး ပြဿနာများရှိနေသော တောင်ကိုးရီးယားတွင် ကုမ္ပဏီအနေဖြင့် မရပ်တည်နိုင်ပေ၊ ခြံခုန်ကူးတက်သော အမေရိကန် အလုပ်သမားများနှင့်လည်း မဖြစ်နိုင်၊ ၁၉ ရာစုခုနှစ်အစကတည်းက နှစ်နိုင်ငံရင်းနှီးစွာ ကူးလူးဆက်ဆံမှုများနှင့် အင်္ဂလန်နိုင်ငံက သူတို့ပုံစံကို အတုခိုးလိုသော်လည်း အောင်မြင်သည်ပာု မဆိုနိုင်ပေ။
(၄)
ကမ္ဘာ့အခြေအနေမှာလည်း ပြောင်းလဲလာနေရာ ခေတ်နှင့်အညီ ပြုပြင်ပြောင်းလဲမှု လိုအပ်ပုံကို ဂျာမန်တို့လည်း နားလည်ကြပါသည်၊ မြို့ငယ်လေးများ၌ ရိုးရိုးကုတ်ကုတ် အလုပ်လုပ်နေရုံဖြင့် ကမ္ဘာ့နှင့်အမှီ ရင်ဘောင်တန်းနိုင်ရန် တစ ထက်တစခက်ခဲလာပါသည်၊ ဖောက်သယ်လိုအပ်ချက်နှင့်ယဉ်ကျေးမှုမတူသော ဖောက်သယ်တို့နှင့် ဆက်ဆံရန်အတွက် နိုင်ငံခြားသားများကို ဌါးရန်းကြရသည်၊
အသံနှင့်ပါတ်သက်လျင် ဂျပန်တုိ့၌ အကောင်းကြိုက်တက်သော အကောင်းနှင့် အညံ့ကိုခွဲခြားတတ်သော နားများရှိရာ Sennheiser ကဲ့သို့သော စပီကာ ကုမ္ပဏီက ဂျပန်စားသုံးသူတို့၏ အကြံဥာဏ်ကို ယူကြရသည်၊ ဖက်ရှင်၊ ဒီဇိုင်း၊ နှင့် ရေမွှေးထုတ်လုပ်ရာ တွင် ပြင်သစ်နှင့် အမေရိကန်ကို မလွတ်တန်း အတုခိုးနေရသည်။
ဂျာမန်တို့၏ အကုန်ကျသက်သာသော ကုန်ထုတ်လုပ်ရေးစနစ်သည် အနောက်နိုင်ငံများနှင့် အမေရိကန်တို့အတွက် အားကျအတုခိုးဘွယ်ရာဖြစ်သည်၊ ဖေါ်ပြခဲ့သလို မိသားစု စိတ်ဓာတ်နှင့်ကုမ္ပဏီကို ချောချောမွေ့မွေ့ လည်ပါတ်နေအောင် စီမံခန့်ခွဲမှု အတက်ပညာလည်း ပညာယူစရာတွေများလှပါသည်။
စီမံခန့်ခွဲမှုအတက်ပညာဆိုသည်မှာ ကမ္ဘာအရပ်ရပ်မှ စိတ်ကူးစိတ်သန်း ကောင်းများကို ကောင်းနိုးရာရာ ကောက်နုတ်ရွေးချယ်ပေါင်းစပ်ကြခြင်းဖြစ်ပြီး မိမိအခြေအနေနှင့် လိုက်လျောညီထွေဖြစ်အောင် ဖန်တီးယူရ ခြင်းမပာုတ်ပါသလော။
ကိုသန်းလွင်