ဖိုးစီ (ရုံးတော) - ဆိုရှယ်ဂရုပ်များနှင့် နေထိုင်ခြင်း
(မိုးမခ) ဇန်န၀ါရီ ၅၊ ၂၀၁၆
(မိုးမခ) ဇန်န၀ါရီ ၅၊ ၂၀၁၆
ကုန်လွန်ခဲ့သည့် ၂၀၁၅ ခုနှစ်မှာ ကျနော့် လူမှုဘ၀နေထိုင်မှုပုံစံ အကြီးအကျယ် ပြောင်းလဲခဲ့ပါသည်။ အဓိက အကျဆုံး အ ကြောင်းရင်းကတော့ နေ့စဉ်ဘ၀ လှုပ်ရှားမှုအားလုံးကို ဆိုရှယ်မီဒီယာများက အချိန်ပြည့်နီးပါး လွှမ်းမိုးထားသောကြောင့်ပင်။ ဒီနှစ်အတွင်းမှာပင် တူရာစုဖွဲ့ထားသည့် လူမှုဘ၀အုပ်စု (social media groups) အတော်များများနှင့် အကျွမ်းဝင် ပတ် သက်လာခဲ့ရပါသည်။
ခရစ်စမတ်မတိုင်မီတစ်ရက်က IT နည်းပညာများကို ထဲထဲဝင်ဝင်နားလည်သော ဇနီးသည်အား ကျနော့်ဆက်သွယ်ရေး လက်နက်များဖြစ်သည့် လက်ပတော့နှင့် လက်ကိုင်ဖုန်းများကို နှစ်ဟောင်းကုန်၍ သန့်ရှင်းရေးလုပ်သည့်သဘော စစ်ဆေး ရှင်းထုတ်ပေးရန် အကူအညီတောင်းမိသည်။ ကျနော့်ပစ္စည်းများ၊ နက်ဝါ့ခ်များနှင့် တစ်နာရီခန့် စစ်ဆေးအလုပ်ရှုပ်ပြီးနောက် ဇနီးသည်က ..
"ဟဲ့ နင်သိရဲ့လား"
“ဘာလဲ"
“နင့်မှာလေ ဂရုပ်ပ် ပေါင်း ၄၀ ကျော် ရှိတယ်။ ဒါတောင် ငါ့အိမ်ကအမျိုးတွေနဲ့ ဂရုပ်မှာ နင့်ကိုမထည့်ထားဘူး။ တစ်ရက် တစ်ရက် နင် ဘယ်လိုလုပ်နေတုန်း"
သူ့စကားကြားတော့မှ ကျနော် ပြန်လည် ဆင်ခြင်မိသည်။ ၂၀၁၅ ခုနှစ်အတွင်း ကျနော်ပါဝင်ပတ်သက်နေသော ဂရုပ်များက ၄၀ ကျော်မျှပင် ရှိခဲ့သည်တဲ့။ ကျနော် အချိန်တွေကို ဘယ်လိုများ စီမံခန့်ခွဲခဲ့ပါသလဲ။ အများအားဖြင့်တော့ မြန်မာ့ရွေး ကောက်ပွဲကြိုကာလအတွင်းက စိတ်ကူးခံယူချက်တူ အခြေခံလားရာ ယုံကြည်ချက်တူသူများ စုဖွဲ့ရာ၌ တနွယ်ငင်ရာ တိုင်း တစ်စင်ပါခဲ့လေသည်ထင့်။ တချို့ တွေကတော့ ကျနော့် အသက်မွေးလုပ်ငန်းနှင့် စပ်ဆိုင်ရာ၊ တချို့က ၀ါသနာတူသူများ စု စည်းရာ၊ အချို့ ကတော့ ပရဟိတအဖွဲ့တွေနှင့် ကျန်ဂရုပ်ပ်ကတော့ တစ်နေရာစီ ပြန့်ကျဲနေကြသည့် မိသားစုဆွေမျိုးများ စက္ကန့်မလပ် အချိန်နှင့်အမျှ ဆက်သွယ်မှုမပြတ်စေရန် စုဖွဲ့စီစဉ်ထားကြခြင်း ဖြစ်သည်။ ယခုစာ၌ အချို့သော ဂရုပ်ပ်များနှင့် ကျနော် ပတ်သက်ခဲ့ရသမျှ၊ ပတ်သက်နေရသမျှကို ခြေရာကောက်ကြည့် ထားပါသည် ။
● လုပ်ငန်းခွင်က ဂရုပ်ပ်များ
ဤအစုက ကျနော့် နေ့စဉ်ဘ၀ လှုပ်ရှားမှုအချိန်များအား နေရာအယူဆုံး ဂရုပ်တွေဖြစ်သည်။ အသက်မွေးမှုအလုပ်လည်း ဖြစ်သည်ကိုး။ အလုပ်သဘာဝအရ အလုပ်ကြပ်မှအစ အင်ဂျင်နီယာအလယ် ထိပ်ပိုင်း စီမံခန့်ခွဲမှု နယ်ပယ်အထိ ကုမ္ပဏီမှ smart phone များကို အင်တာနက်ဒေတာ အကန့်အသတ်မရှိ သုံးစွဲနိုင်သည့် စီးပွားစီမံ plan ဖြင့် ပံ့ပိုးပေးထားပါသည်။ အလုပ်ဂရုပ်ချည်းသက်သက် ၅ ခု ရှိလေသည်။ ကျနော်တို့ အင်ဂျင်နီယားရင်းပညာသည်တို့ဘ၀က စက်ရုံအလုပ်ရုံမှာ အ ထက်မရောက် အောက်မရောက် ကြားညပ်လူတန်းစားဖြစ်လေရာ အလုပ်စီမံခန့်ခွဲမှုအတွက် မီဒီယာဂရုပ်များဖွဲ့လေသော် အင်ဂျင်နီယာ မန်နေဂျာများက တစ်စု၊ အလုပ်ရှင်သူဋ္ဌေးနှင့် အုပ်ချုပ်မှုဒါရိုက်တာများပါ ပါဝင်သော ဂရုပ်ပ်ကတစ်စု၊ အလုပ် ကြပ် အလုပ်ခေါင်းများပါ ပါဝင်သော အစုအဖွဲ့က တစ်စု စသဖြင့် အလွှာပေါင်းစုံက ဂရုပ်များ၌ ဘုံ ပါဝင်လျှက်ရှိသည်။ သည်အထဲကမှ ကျနော် အနှစ်လိုဆုံးအုပ်စုက စက်ရုံခွဲပေါင်းစုံမှ အင်ဂျင်နီယာများ သီးသန့် စုဖွဲ့ထားသောအုပ်စု ဖြစ်သည်။ ကြည့်ပါ။
“ငါ့ဆိုဒ်က Oven တော့ ကြွသွားပြီ"
“ဟား ကောင်းတာပေါ့၊ ညနေ အောချဒ်ရုဒ်သွားဖို့ စောစော ပြန်လို့ရပြီ" ဟူသော ကျနော်တို့ ကြားက အသွားအပြန်သည် သူဋ္ဌေး နှင့် ဒါရိုက်တာများ ပါဝင်သည့် အစုအဖွဲ့၌မူ ...
“ပြောရမှာ စိတ်မကောင်းပါဘူး၊ Oven ကောင်းကောင်းအလုပ်မလုပ်လို့ ကျနော်တို့ ကြိုးစားပြင်ဆင်နေကြပါတယ်" ဟု အသွင်ပြောင်း တွေ့မြင်ရမည်။ ဤကိစ္စကိုပင်လျှင် အလုပ်ကြပ်များပါဝင်သော ဂရုပ်ချက်တင်မှာတော့ ....
“လီယိုနာ့ဒ် မင့်ကွန်ထရက်တာ ဘယ်အချိန်ရောက်မှာလဲ။ ညနေ ၅ နာရီအမီ အားလုံး OK အောင် timer တွေ heater တွေ ကြို run ထားရမယ်" တာဝန်သဘောအတိအကျ ပြောင်းသွားတော့သည်။ ဆိုတော့ တူရာစုဖွဲ့ အုပ်စုအသီးသီး၌ပင်လျှင် ကိုယ်စားပြုမှု တာဝန်ခံမှုကိုလိုက်၍ အပြောအဆို အသံထွက် ကွာခြားသွားကြသည်ကို တွေ့မြင်နိုင်ပေသေးသည်။
● ဘာသာရေးနှင့် ပရဟိတဂရုပ်များ
ဤအစုများက ဖေ့စ်ဘွတ်ခ်ပေါ်မှ အစပြုလာတာများသည်။ ဆရာတော်ကြီးများ၏ ဝေယျာဝစ္စအဖွဲ့အမည်ခံအုပ်စုများက ဂရုပ်များ ဖွဲ့စည်းသည်။ တချို့က ပရဟိတအသွင်ပြောင်းသည်။ ပွင့်ပွင့်လင်းလင်းဝန်ခံရလျှင် စိတ်တူရာ လူချင်းစုကြသော လူမှုဘ၀ဇာတ်ခုံဝယ် ကျနော် ဘ၀င်မကျနိုင်ဆုံး အစုအဖွဲ့များ ဖြစ်ပါသည်။ ကျနော်သည်ပင်လျှင် ပရဟိတ နှောင်ကြိုးကို တင်းလှသည် ထင်နေလေသလော မဆိုတတ်ပါ။ သေချာသည်ကတော့ ထေရ်ကြီးဝါကြီး သံဃာကြီးများ၏ ကပ္ပိယ အစုအဖွဲ့ ခံ အုပ်စုများကြားက နေ့စဉ်တက်လာသည့် အတွင်းသတင်းဆန်ဆန် စုဖွဲ့ပြောဆိုနေမှုများကို မကြည့်ချင်မြင်လျှက်သား ဖြစ်နေသည်ကို ဆန်းစစ်မိသောအခါ ကျနော် ထိုဂရုပ်အများစုမှ ထွက်ထားလိုက်ပါသည်။ ယုတ်စွအဆုံး ကုသိုလ်တစ်ပဲနှင့် ငရဲဆက်သယ်ပိုးနေရမည့် အသံ၊ အရုပ် မှတ်တမ်းများကအစ ကျနော့်စက်ထဲ၊ မှတ်ဉာဏ်ထဲမကျန်အောင် ဖျက်သိမ်း delete လုပ်ခဲ့မိသည်။ ဤနေရာ၌တော့ အကြောင်းကို ပြဆိုညွှန်းလိုရင်းသာ ဖြစ်ပါ၏။
● နိုင်ငံရေး ဂရုပ်ပ်များ
အများသိထားကြပြီးဖြစ်သည့် ၂၀၁၅ ခုနှစ် မြန်မာ့နိုင်ငံရေး လှိုင်းတံပိုးများကြားတွင် ဆိုရှယ်မီဒီယာ၏အခန်းကဏ္ဍ မည်မျှ သက်ရောက်ခဲ့သည်ကို စာထပ်ဖွဲ့ရန်မရှိပါ။ ကျနော်တို့အားလုံး နေ့ချင်း ညချင်းဆိုသလို လမ်းတူရာ (အွန်လိုင်း စာမျက်နှာ မှတဆင့် ) လူချင်းတွေ့၍ ရုတ်ခြည်း ခင်မင်လာခဲ့ကြသည်။ အလုပ်နဲနဲ ပိုလုပ်နိုင်သူတို့က စုဖွဲ့တည်ထောင်ကာ ကျနော်တို့ တတ်နိုင်သလောက် ကျရာအခန်းက ပါဝင်ခဲ့ကြသည်။ အများစုက တစ်ဦးကို တစ်ဦး အပြင်မှာ သိကျွမ်း ခင်မင်ခြင်းမရှိပါ။ သို့ကြောင့်ပင်လော မဆိုနိုင်၊ ကျနော်တို့ အညီအညွတ် စုစည်းနိုင်ခဲ့ကြပါသည်။ နိုဝင်ဘာရွေးကောက်ပွဲ ပွဲကြိုကာလတွင် တစ်ယောက်ချင်းစီ တတ်စွမ်းနိုင်သမျှ တာဝန်ကိုယ်စီ စုခွဲ၍ ကျရာကဏ္ဍကို မည်သူကမျှ ဖိအားပေးတိုက်တွန်းခြင်းမရှိပါဘဲ လုပ်ဆောင်ခဲ့ကြသည်။ ယခုတော့ ဤဂရုပ်များက အလွမ်းရယ် ဘယ်မပြေ စာမျက်နှာများပင်လော၊ ဘယ်ဆီဘယ်ဝယ် မှန်း မျှော်၍မရနိုင်သေးသော အနာဂတ်ဒီမိုကရေစီခရီးကြမ်းအတွက် လိုအပ်လျှင် အသင့်ပြန်လည်စုစည်းရန် နားစွင့်နေလေ သလော မပြောနိုင်။ သေချာသည်ကတော့ ကျနော်တို့ အမြဲ အသင့်ရှိနေကြသေးသည်။
● ကျောင်းသားဟောင်း ဂရုပ်ပ်များ
စစ်အစိုးရခေတ် ပညာရေး ဖိနှိပ်မှု အဆုံးစွန်ထိရောက်ခဲ့သော အမိုက်မှောင်ကာလကြီးဝယ် တကွဲတပြားစီ ပျံ့လွင့်အောင် ဖြိုခွဲ နှိပ်ကွပ်ခဲ့လင့်ကစား ကျနော်တို့ ကျောင်းတော်သားဟောင်းများ၏ စုဖွဲ့မှုက အံ့အားသင့်ဖွယ် ညီညွတ်လွန်းလှသည်။ ကံကောင်းသည် ဟုပင်ဆိုရမည် လားမသိ၊ ကျနော်က စက်မှုတက္ကသိုလ် ၃ ခုစလုံး၌ ကျောင်းတက်ခဲ့ရဖူးလေရာ အားလုံး သော ကျောင်းသားဟောင်းအုပ်စုများ၌ ပါဝင်မိလျှက်သား ဖြစ်နေပါသည်။ ဆိုရှယ်မီဒီယာပေါ်၌ ဒုတိယ အချိန်အပေးရဆုံး အစုအဖွဲ့များလည်း ဖြစ်သေးသည် ။ နွားမှန်သမျှ ချည်တိုင်ကို တကြသည့်နည်းတူ ကျနော်တို့ ကျောင်းသားဟောင်းများလည်း ဒုတိယအရွယ်၌ ရင့်ကျက်ခဲ့ကြသည့်တိုင် ချည်တိုင် ကျောင်းတော်ကြီးကို စာဖွဲ့မကုန်၊ ပြောမကုန် ရေးမကုန် ရှိကြတုန်းပင်။ ကျနော်ထင်သည်။ ဤအရာသည် ကျနော်တို့အတွက် သေရာပါမည့် အမတ အစုအဖွဲ့။
● မိသားစု
၂၀၁၅ မှာ မြန်မာ့ကျေးလက်တောရွာတွေထိ လက်ကိုင်ဖုန်းရောက်ရှိခဲ့ပြီး အင်တာနက်ကွန်ယက်ဖြန့်ကျက်မိသောအခါ နှစ်များစွာကတည်းက ကွဲကွာနေခဲ့ရသော ကျနော့်မိသားစုဝင်များ မီဒီယာကြားခံတစ်ခု၏အကူအညီဖြင့် ပြန်လည် စုစည်းနိုင် ခဲ့ပါသည်။ ပြည်ပ ၂ နေရာ ၊ ပြည်တွင်း ၄ နေရာစီ ဝေးကွာနေကြသော ကျနော်တို့ မိသားစုဝင်တွေအတွက် ဆဲလ်ဖုန်း မက်ဆေ့ခ်ျအသံ “တုန်” ကနဲ တက်လာလေတိုင်း နွေးထွေးသောခံစားမှုတစ်ခုကို ရမြဲပင်ဖြစ်သည်။ ခြွင်းချက်အနေဖြင့် ကချင်ပြည်နယ်တိုက်ပွဲများအကြားမှ အမကြီးဖြစ်သူ၏ ငိုကြီးချက်မအသံနှင့် ပြည်တွင်းစစ်၏သေနတ်သံများကို တစ်မိသားစု လုံး စိတ်မချမ်းမြေ့စွာ live နားထောင်ခဲ့ရသည်ကိုလည်း မီဒီယာခေတ် အကျိုးတစ်ခုအဖြစ် မှတ်တမ်းတင်ထိုက်လှပေသည်။
ဆိုခဲ့သည့် ဂရုပ်များအပြင် နေ့စဉ် ပြောဆို ဆွေးနွေးနေကြသည့် ၀ါသနာတူရာ ကဗျာရွတ်၊ စာစုဖတ် အုပ်စု၊ စကားစမြည် အုပ်စုကလေးများလည်း ကျနော့် ဂရုပ်စာရင်းတွင် ရှိနေလေသေးရာ ဇနီးသည်က နင်ဘယ်လိုလုပ်နေတာတုန်းဟု မေးမည် ဆိုက အားကြီးမေးထိုက်လှသည်။ လူသည် လူမှုရေးသတ္တ၀ါ မှန်၏၊ လူမှု ဘ၀ ဆက်ဆံရေး နယ်ပယ်၌ လူသည် မဖြစ်မနေ ကျင်လည်ရန်လိုသည်။ တူရာစုဖွဲ့ တတ်သည့် သဘာဝနှင့် လိုက်လျောညီထွေစွာ မိမိအား နေရာပေးလက်ခံသည့် အစုအဖွဲ့ အတွင်းသို့ အလိုလို ချဉ်းနင်းဝင်ရောက်ကြမှာလည်း ရှောင်လွဲမရ နိယာမသာဖြစ်၏။ သို့တစေ သမ္ဗန္ဓ အဆက်အစပ်များ မရေနိုင်အောင်များလှသည့် လူ့ဘောင် ဆိုရှယ်လောက၀ယ် အဘယ်အတိုင်းအတာအထိ လူသားက ပါဝင်နေနိုင်သနည်း။ ကျနော် ပြန်လည်ဆင်ခြင်မိကြည့်မိသည်။ တူတာလေးတစ်ခုနဲ့ ကျနော်တို့ စုစည်းပြောဆိုကြည့်ကြမည်။ မတူတာတွေ့လာ လျှင် စုဖွဲ့မှု ကို ရပ်တန့်မည်လား၊ ထိုအစုအဖွဲ့ မှ မိမိသဘောဖြင့်ဖြစ်စေ တဖက်အုပ်စု သဘောဖြင့်ဖြစ်စေ ထွက်ခဲ့မည်လား။
တစ်နေ့ညကတော့ ငယ်ပေါင်း သူငယ်ချင်းမတစ်ယောက်က မက်ဆင်ဂျာမှ ဆက်သွယ်လာသည်။
သူငယ်ချင်းရေ ၊ နင် နောက်ကျောအောင့်နေတယ်ဆိုတာ သက်သာရဲ့လား
ဒီလိုပါပဲ .. သက်သာလိုက် ပြန်ဖြစ်လိုက်ပဲ
စီတီ စကန် ဖတ်ထားတယ်ဆို၊ ဆရာဝန်ကြီးတွေက ဘာပြောလဲ
အတိအကျ ရောဂါ နံမယ် မပြောပါဘူးကွယ်၊ ဆေးတွေ အများကြီးပေးထားပြီး follow up ခေါ်ထားတာပဲ
အေး အဲသာ ငါပြောစရာရှိလို့ဟ။ ခု ငါ့သူငယ်ချင်းတစ်ယောက်ရယ် ငါရယ်လည်း နင်နဲ့ အဖြစ်ချင်းတူနေလို့ဟာ။ ဘာမှန်း မသိ တစိုးထိတ်ထိတ်နဲ့ နေ,နေရတယ်ပေါ့။ အဲသာ ငါတို့ ဂရုပ်ကလေးတစ်ခုဖွဲ့ မလားလို့။
ဂရုပ် ပ် ………၊ ဘာအတွက်လည်း ..ဖွဲ့ပြီး ဘာလုပ်ကြမှာတုန်း
ဘာရယ်ဟုတ်ပါဘူး ၊ ဒီလိုပဲ ငါတို့ ခံစားရတာလေးတွေ သောက်နေတဲ့ဆေးတွေ တုံ့ပြန်ပုံလေးတွေ အချင်းချင်း ဖလှယ်ရင်း အားပေးကြတာပေါ့။ ဟုတ်ဘူးလား ..။ ဟိုကဒီက ဆေးမြီတိုလေးတွေ ကြားတော့လည်း ဖလှယ်ရတာပေါ့ ..
သို့ဖြင့် ကျနော်တို့ကြားမှာ ဆက်သွယ်ရန် ဂရုပ် တစ်ခုတိုးရပြန်ချေသေးတော့သည် ။ ဇနီးသည်ကတော့ ရောဂါမွေးနေကြတာပဲ ဆိုကာ မနှစ်မျို့သည့်သဘော ကောက်ချက်ပေးထားသည်။ ကျနော်က ဤဂရုပ်ကလေးကို “ဗျာဓိ အုပ်စု" ဟု ကိုယ့်ဘာသာ ကင်ပွန်းတပ်ထားသည်။ လူဟူသော သတ္တ၀ါသည် နာကျင်ခြင်း၌ပင်လျှင် အဖော်ရှာကာ မျှလိုသေးသည်။ သူနာတာက သာ သယောင် ငါနာတာက သာသယောင် ငြင်းခုန်ဆွေးနွေးလိုသေးသည်။
ဤအုပ်စုဖွဲ့ ခြင်းများသည် ရပ်တန့်လိမ့်မည်မဟုတ်။ လမ်းတူရာ လူခြင်းစုတတ်သော ကျနော်တို့အားလုံးအတွက် သေခြင်း ကတော့ တစ်လမ်းထဲ တူညီလျှက်ရှိသည်။ မိတ်ဆွေ ၊ သည့်အတွက် ဂရုပ်ဖွဲ့ လိုပါသလား ၊ ကျနော့်အား အဒ်ပေါင်းထည့်ပေးပါ။