(မိုးမခ) ဧပြီ ၂၃၊ ၂၀၁၆
နေတာကြာလာတော့
နေတစင်းလို ပူလောင်မှုတွေက ကြာလာတာပေါ့
နေတာကြာလာတော့
ဘယ်မှာ ဘယ်လောက်ကြာကြာနေရမယ်ဆိုတာ ခန့်မှန်းလို့ ရတာပေါ့
နေတာကြာလာတော့
ဘယ်နေရာမှာနေနေ အစဉ်အမြဲ ကြာကြာမနေနိုင်ဘူးဆိုတာသိလာတာပေါ့
နေတာကြာလာတော့
နေထိုင်မှုစနစ်တွေ အနည်ထိုင် လာတာပေါ့
နေတာကြာလာတော့
နေစွမ်းအင်လည်းကြာရင် ကုန်တော့မှာလားလို့ သံသယဝင်မိတာပေါ့
နေတာကြာလာတော့
နေရင်းထိုင်ရင်း ကြာပွတ်တွေ ကိုယ့်အပေါ်ရောက်လာတာပေါ့
နေတာကြာလာတော့
နေ့စဉ်ဖြတ်သန်းမှုက နေရာကွက်ကြား မိုးမိတာပေါ့
နေတာကြာလာတော့
ဗန်ဂိုးရဲ့နေကြာပန်းကိုခံစားကြည့်ချင်လာတာပေါ့
နေတာကြာလာတော့
ကြာလာတာတွေကို မနေနိုင်မထိုင်နိုင်ပြောမိလာတာပေါ့
နေတာကြာလာတော့
ကြာမျက်လုံးတွေကြားထဲ အမျိုးကောင်းသမီးလေးလို အနေခက်လာတာပေါ့
နေတာကြာလာတော့
ကြာဆူးတွေကြားအသက် ရှူတတ်အောင် လေ့ကျင့်ခန်းတွေလုပ်တတ်လာတာပေါ့
နေတာကြာလာတော့
ဒီလိုကြာမယ်မှန်းသိရင် ကိုယ့်မြို့ကိုယ့်ရွာမှာပဲ
ရရာအလုပ်ကလေးနဲ့ ဘဝဆိုတာကို ကျောသပ်မိမှာပေါ့
နေတာကြာလာတော့
ဒီမှာကြာကြာနေမှ အိမ်ကို ပို့နိုင်မှာဆိုတဲ့ နေနိုင်သူကြီးတွေကို နားလည်လာတာပေါ့
နေတာကြာလာတော့
ကြာတတ်တာတွေ မကြာတတ်အောင် ညအိပ်ရာဝင်တိုင်း
ဘုရားမှန်မှန် ရှိခိုးတတ်လာတာပေါ့လေ။ ။
ဒီလူည